|
|
 حزب الاصحاب
|
انا زولا بسيط وعادى...
اتمنى ليك من قلبى
كل الخير يابلادى.....
مابسمع الصوت النشاز
للفرقه والشتات ينادى....
ولا للبيدعو للقطب الاحادى...
ولانى البجب يشوف الناس
القاعدين فرادى....
ونحن الاصلنا جمعنا
حبك وعشقك يا يابلادى....
ما لقيت لى سيبل اوصلبو
صوتى للتلفزيون والرادى...
بس ربى ادانى يراع وشراع
وببحر فى هواك الهادى....
واعيش واموت بالمبادئ....
وماعندى حزب بس حزبى
هو اصحابى واندادى....
وقسمنا نحميكى من الاعادى...
واظل دوام على العهد باقى...
ونردد واشيلك نغمه على فؤادى...
واتمنى الشر يختاك
ويفوتك غادى.....
دا شعارنا فى المدرسه
والحقل والمصنع والنادى....
انا اصلى زول بسيط وعادى..
حزب الاصحاب لكل الاصحاب وتية للجميع
|
|
 
|
|
|
|
فيس بوك
تويتر
انستقرام
يوتيوب
بنتيريست