|
|
|
 Re: الموت الصامت في حلفا الجديدة ( الاسبستوس)وهل المصريين هم السبب في (Re: احمد حمودى)
|
| Quote: ههجو سلام قروش التهجير ةلسه ما دفعوها كاملة يعنى فى OUTSTANDING لسع على المصريين وكمان جابت ليها سرطان والمصريين كانو ا عارفين الاسبستس مسرطن |
الاخ العزيز احمد حمودي سلام
انا بفتكر انها مؤامره تاريخيه
مصر عندها فكرة الحديقه الخلفيه
وهي السودان
ومصر من مصالحها الاستفاده من الاراضي السودانيه ويجب ابادة شعوب النوبه الموجوده في الحديقه الخلفيه
والمؤسف كل الحكومات المتعاقبه علي السودان بتنفذ الاجنده المصريه والان الحكومه تنفذ هذه الاجنده بصوره كبيره
والدليل السدود من سد مروي وكجبار والشريك وكل هذه السدود لتخزين المياه لصالح مصر
ونواصل
| |
 
|
|
|
|
|
|
|
|
Re: الموت الصامت في حلفا الجديدة ( الاسبستوس)وهل المصريين هم السبب في (Re: Haju Muktar)
|
حتى لا نظلم المصريين فالفيهم مكفيهم.. علاقة الإسبستوس بمرض السرطان لم تكتشف إلا في سبعينيات القرن الماضي. والمعلوم أن أهالي حلفا تمّ تهجيرهم في ستينيات القرن الماضي في زمن حكومة عبود.
لكن دا ما بمنع أن تقوم حكومة السودان بمطالبة مصر بدفع تكلفة صيانة كل المنازل وتغيير شبكة المياه في المنطقة بأكملها. ولكن ضعف حكومات السودان المتتالية من لدن عبود وحتى الإنقاذ ليست لديها الشجاعة الكافية لفعل ذلك أو لتقديم ذلك المطلب البسيط.
ومن أهم بنود إتفاقية السد العالي هي مد السودان بالكهرباء ودي ذاتا راحت شمار في مرقة.
تحياتي.
كبـّاشي الصـّـافي
| |
|
|
|
|
|
|
|
|
Re: الموت الصامت في حلفا الجديدة ( الاسبستوس)وهل المصريين هم السبب في (Re: cantona_1)
|
Quote: حتى لا نظلم المصريين فالفيهم مكفيهم.. علاقة الإسبستوس بمرض السرطان لم تكتشف إلا في سبعينيات القرن الماضي. والمعلوم أن أهالي حلفا تمّ تهجيرهم في ستينيات القرن الماضي في زمن حكومة عبود.
لكن دا ما بمنع أن تقوم حكومة السودان بمطالبة مصر بدفع تكلفة صيانة كل المنازل وتغيير شبكة المياه في المنطقة بأكملها. ولكن ضعف حكومات السودان المتتالية من لدن عبود وحتى الإنقاذ ليست لديها الشجاعة الكافية لفعل ذلك أو لتقديم ذلك المطلب البسيط.
ومن أهم بنود إتفاقية السد العالي هي مد السودان بالكهرباء ودي ذاتا راحت شمار في مرقة.
تحياتي. |
الاخ كباشى الصافى والاخوة المتداخلين ..
شكرا اولا على تناول هذة القضية المهمة جدا ..
والملاحظ ان استخدام الاسبستوس كان موضة فى تلكم الايام واذكر مصنع الاسبستوس فى صناعية الخرطوم بحرى جوار مصنع البيرة سابقا على واجهة السكه حديد واولا د المزاد يعرفونه تماما ...
والى وقت قريب كانت مكدسة فيه انابيب والواح الاسبستوس وتم ازالة بحملة توعية واسعة .
ومن المؤكد ان كل االمبانى والاشلاقات الحكومية التى بنيت فى ذالك العصر تعانى من افة الاسبستوس ..
وكل من له حيل ومعرفة تخلى منه واستبدله ..
اما اهلنا فى حلفا فهم يعانون الامرين ضيق ذات اليد وخاصة بعد فشل مشروعهم الزراعى وتغول اشجار (البسكيت) على مزارعهم والتكلفة العالية فى ازالتها ..
وهم فى حالة استنفار لاستقطاب تواقيع عبر الايى ميل لبلوغ 1000 توقيع حصلنا حتى الان على حوالى 674 توقيع ونطمع فى بلوغ (التارقيت) وينتج عنة ان ينال اهلنا مساعدة الامم المتحدة عبر منظماتها ودعمها الفنى ..
وعنوان الرابط :https://secure.avaaz.org/ar/petition/asbestos_removal/http://
| |
|
|
|
|
|
|
|
|
|
Re: الموت الصامت في حلفا الجديدة ( الاسبستوس)وهل المصريين هم السبب في (Re: عبداللطيف شريف على)
|
يا هجو مختار..
يا أخى ألاسبتوس دا كتبنا فوقه ما خّلينا..
وقآرنا بين المنشآت المبنية بالاسبوتس فى كندا ووادى حلفا...
ووضحنا أجرارءت السلامة...
حسب معرفتنا المحدودة بألامر...
والحكاية بأختصار...
عبود ما بآع وآدى حلفا وبس...
وأنما زرع ليهم موت بطئ..
على طول سنين..
الموضوع دا أكتر من خطير...
لآنه دى أبادة شعب..
بالبطئ..
عشان كدا أنا بقترح...
اذا وآفقت..
تكّون ليك لجنة من أطباء البورد...
يبحثوا فى الموضوع دا...
وبعدين نشوف نتيجة البحث دا تودى لى وين..
لكين كل مرة يظهر بوست عن الآسبتوس ويختفى...
دا ما بحل مشكلة..
قلت شنو؟
هسه لو دا بوست بتاع شّكلة...
تلقى الناس دآخلين خارجين...
وواحدين يحجزوا الكراسى..
| |
|
|
|
|
|
|
|
|
|
Re: الموت الصامت في حلفا الجديدة ( الاسبستوس)وهل المصريين هم السبب في (Re: nour tawir)
|
Quote: عشان كدا أنا بقترح...
اذا وآفقت..
تكّون ليك لجنة من أطباء البورد...
يبحثوا فى الموضوع دا...
وبعدين نشوف نتيجة البحث دا تودى لى وين..
|
الأخ صاحب البوست وبت أبا نور سلام
مقترح الأخت نور عملي جداً وعليه نرجو من الأطباء في البورد والناشطين الإجتماعيين يجتهدوا في الموضوع عشان خاطر عيون الجماعة المن إندنا وربنا يدينا الأجر. بالتوفيق إن شاء الله.
تحياتي.
كبـّاشي الصـّـافي
| |
|
|
|
|
|
|
| |
Haju Muktar
احمد حمودى
cantona_1
عبداللطيف شريف على
nour tawir
Nagat Sid Ahmed Elshiekh
فيس بوك
تويتر
انستقرام
يوتيوب
بنتيريست