|
|
|
 Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
أغنية طعم الجراح
من كلمات الشاعر الدسوقي خالد من أبناء بارا
شقيق الشاعر المعروف عثمان خالد عليه رحمة الله
شاعر إلى مسافر التي تغنى بها الفنان حمد الريح
نص القصيدة
طعم الجراح
ماتزيدني في طعم الجراح
تلهب زماني معاك ألـــــم
ماتوسد الريد النــواح
في الماضي كان لي ألف هم
ماتزيدني في طعم الجراح
تزيد سنيني هموم وغــــــم
جاييك معايا خريف دموع
شايــــــل قليبي الاتظلــــم
لوترحم الخاطر الكســــير
شان جرحــــو عندك يلتئم
شاتل حروفي علي ربــاك
عليك رميت ضل العشــــم
ماتزيدني في طعم الجراح
شوف سنيني الفاتو كــــــم
قبلك مشيتا خطي الدمــــوع
كيف امشي تاني خطي الندم
ماتلوميني لو في مرة جيت
أبكي ريدي الاتهـــــــــــدم
ده القلبو غارق في الجراح
همومازي اي اهـــــــــــــــم
الشاعر /الدسوقي خالد
| |
  
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
قصيدة
فيض شوق
للشاعر أحمد النقيب ( ابويوسف )
عميد شرطة معاش
الأغنية لحنها هجين سوداني خليجي
على ايقاع رمبة خليجية
نص القصيدة ===================
يفيض الشوق من صدري
على غفلة وأنا مادري
سهيد الليل ابات اسري
مع الأوهام هواي يسري
حبيبي ما عرف قدري
أجر الآه ومن يدري
وأنا تايه مع الفكري
أناجي الليل عن عُذري
متى ها الجُرح ما يبري
وحُبك في حشاي يسري
دليلي نجمة الفجري
نديمي شربة الصبري
يانسمة كم علي تطري
بنسناس الهوا البحري
أحبك وأنت ماتدري
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
Quote: أخي الامين
تحية طيبة سلامان
فعلا هو الصادق ابوعشر الذي تعرفه
تلفونك
009716943744
وشكرا على المرور |
الأخ خالد المنســي
يااااااااااااااه زمن ياخ ... الصادق ادم ابو عشرة
صداقة مورثه من والده ووالدي فقد كانا اصدقاء
جمعتهما هواية سعاية الخيل ...
نحن دفعه في نيالا الاميرية المتوسطة وأذكر من الزملاء
الدكتور ياسر محمد الطاهر ايضا والذي جمعتني به الصدف ايضا في الاسافير
ياخ عشان الصدفة الحلوة دي ارفع ملفاتك دي هنا مركز تحميل سودانيات
الدراسة جمعتني بياسر في جامعة الخرطوم وبعدها افترقنا
أما الصادق فلم اسمع عنه الا من خلال بوستك هذا
ارجو ان تبلغه تحياتي الى أن اتصل به ... نسبة لتأخر الوقت
شكراً يا حبيب
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
دموع وردة
الشاعر الدسوقي خالد
لحن الصادق ابوعشرة
وسوف يصدح بها الفنان القامة ابوبكر سيد أحمد
وريني ... شلت الورة ليه
لو ما ح تتنسم عبيرا
مش .. كان تسيبا تتم غُناها
مع النِجيمات والقميرة
الوردة كانت نسمة هابّة
شتلة رويانة وخِديرة
وأنا كًنتَّ زي جدول حنين
ساقيها من الروح عصيرا
كُل القماري عشان هواي
ماليها غير الوردة سيرة
ماعرفتَّ بعد الوردة كيف
وأيه القماري اصبح مصيرا
وريني شلتَّ الورة ليه
طال ما الوردة بشقيك عبيرا
لو عِشت يوم سحر الغروب
همس النسايم في غديرا
ما كنتَّ قلتَّ الوردة ديك
بي نداها تبقى عليِّ كتيرة
وتسيب عصونها الفايحة ليه
شان تكوس لي وردة غيرا
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: saidahmed shami)
|
سلامات عوافي
ان الفنان ابوبكر سيد احمد لديه صوت جميل واري ان كل مايقوم بغناءه سوف يكون جيدا
وارجو توصيل سلامي واحترامي اليه ياخالد وحتماً سوف يتذكرني لزياراته المتكرره بموقع مكتبة الاغنية السودانية .
مع ودي
واحترامي
==========================
اخي الحبيب ود عوض السيد
لك التحية سلااام
مشكور للمرور
بعدين عندي طلب
اتصلت بالاخ عبدالمنعم
لمعالجة الأغاني لان الرابط مافتح هنا
المهم يا سيديتجد الاغاني الثلاثة التي لحنها الصادق ابوعشرة وتغنى بها ابوبكر سيد احمد
في مكتبة الأغنية السودانية
حاول معالجتها حتى تفتح في سودانيزونلاين لو سمحت
واكون شاكر ومقدر لك مجهودك
وعودتنا علي الفزعة عند الضيق يا طيب
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
جلسه في صالون الصادق أب عشره الفني
الجمعه 7 / 6 / 2013
الايقاع / الصادق أب عشرة
تصوير عضو البورد / أمير عمر
حيرت بلابل الدوح
بالحنين والسهاد والنوح
فارقنى
حبيبى فارقنى
فارقنى دون اسباب
اسالوهو يا احباب
عن شنو عن شنو
عن اخلاصى ليهو
تحياتي يا منسي
========================================
اخي الشامي
لك التحية والتقدير
منور البوست يا رائع ( جفيتني وانا ضايع وفتح تلفونك تهب علينا نسمة من نبرات صوتك )
مشكور علي المرور البهي وعبك ملان
فارقني
هيجت بلابل الدوح
بي الحنين والسهاد والنوح
فارقني
تحياتي ومودتي
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: عباس محمود)
|
Quote: بعدين عندي طلب
اتصلت بالاخ عبدالمنعم
لمعالجة الأغاني لان الرابط مافتح هنا
المهم يا سيديتجد الاغاني الثلاثة التي لحنها الصادق ابوعشرة وتغنى بها ابوبكر سيد احمد
في مكتبة الأغنية السودانية
حاول معالجتها حتى تفتح في سودانيزونلاين لو سمحت
واكون شاكر ومقدر لك مجهودك
وعودتنا علي الفزعة عند الضيق يا طيب |
نهارك سعيد ياخالد
للاسف ان الاغاني حين يتم رفعها هناك لا تشتغل الا لمن هم مسجلين ولا يمكن نقل الرابط الي منتدي اخر الا للاشارة فقط دون التشغيل
لكن دعني اخاطب سيد احمد شامي عله يقوم برفعها علي اليوتوب ومن ثم الي هنا
مع ودي
واحترامي
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: Muna Khugali)
|
Quote: الأخ خالد المنسي....لك التحية
وأعتقد ان الأخ ابوعشرة عازف ماهر جدا للاورج وذلك من واقع
حضوري لحفل خاص في العين كان يعزف فيه الصادق مع ابو بكر
شكرا |
الأخ الفاضل ود عباس
لك التحية
الصادق يعزف تقريباً اساساً على الأكورديون كما يجيد العزف على الصفارة بمهارة تعلمها في نعومة أظافره أخبرني انه كان يوفر من مصروفه ليشتري صفارة خشبية ارجع للفيديو الفوق وتجده يعزف أيقاع يعزف العود الصادق رسام وخطاط ومصمم شعارات ماهر اقدر ان أطلق عليه فنان والفنان هو الجامع لعدة فنون فوق هذا كله فهو مهندس معماري ناجح وله لمسات جميلة تركها في دولة كوسوفا لصروح معمارية بالذات مسجد المطار ( في مدخل مطار كوسوفا ) ....... وشكرا على المرور الباهي
,
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
Quote: الله يا خالد تسلم لي كتير علي ابو بكر لو لسه عندكم..
وكمان تسلم لي عليك وعلي الولد أسامه..
رمضان كريم.. |
زارتنا البركة منى خوجلي لك التحية مغلفة بشوق شديد إستمتعنا في حضرة ابابكر لمدة شهر تقريباً لو الما الشايقي عبدالرحمن القالعو مننا كل يومين كنت اقول ليك كان معانا كل الشهر كان في صحبته الاسبوع الأول الشاعر الجميل الســـر عثمان الطيب ( شاعر يا يما رسلي عفوك ينجيني من جور الزمان ) وفي بعدها جاء الفنان الجميل الخلوق الراقي محمد جبارة وكانت المتعة جلسات طيبات أدبية استفدنا منها الكثير من السر عثمان الطيب والفنان محمد جبارة تتخللها بعض المواقف الطريفة في مسيرتهم الفنية والأدبية يعني بصراحة كدي يا ستي شهر قبل رمضان كان عامر صالون ابوعشرة بالأدباء الفنانين
الشاعر عبدالقادر الكتيابي
الشاعر أحمد النقيب شاعر أماراتي كاتب قصيدة ( فيض الشوق ) وسوف يصدح بها ابوبكر في سماء الخرطوم وانا اتوقع لهذه الأغنية حظ وافر في السودان لان الصادق وضع لها لحن هجين من لحن شوداني خليجي ( رمبة خليجية ايقاع )
الشاعر السر عثمان
الشاعرة رفيدة عاطف
الشاعر فريد
كاتبة روائية نايلا فزع
الفنان محمد جبارة
الفنان ابوبكر سيداحمد ا
لفنان ايمن وردي
وفنان الحقيبة عطية حسن
كل خميس وجمعة جمعتنا عامرة سلامك وصل للأخ ابوبكر وهو الآن في الخرطوم كان بتكلم معاي قبل نصف ساعة الرحلة الجاية نجيكم في لندن برفقته ونغني الطرب على قهوة اما باب بيتكم تهبي نيرانها وتدقي بنها بالخلاطة ما بنشربها هههههههههه تحياتي ومودتي
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
Quote: يااااااااااااااه زمن ياخ ... الصادق ادم ابو عشرة
صداقة مورثه من والده ووالدي فقد كانا اصدقاء
جمعتهما هواية سعاية الخيل ...
نحن دفعه في نيالا الاميرية المتوسطة وأذكر من الزملاء
الدكتور ياسر محمد الطاهر ايضا والذي جمعتني به الصدف ايضا في الاسافير
ياخ عشان الصدفة الحلوة دي ارفع ملفاتك دي هنا مركز تحميل سودانيات
الدراسة جمعتني بياسر في جامعة الخرطوم وبعدها افترقنا
أما الصادق فلم اسمع عنه الا من خلال بوستك هذا
ارجو ان تبلغه تحياتي الى أن اتصل به ... نسبة لتأخر الوقت
شكراً يا حبيب |
الحبيب ود موسى البشاري
لك التحية والبركة
الصادق ابوعشرة هو الذي يعزف على الايقاع في اغنية فيديو ابوبكر سيد أحمد الفوق دا لو فتحت الفيدو سوف تعرفه من ابتاسمته التي لا تفارق فاه وبالناسبة جمعتني الايام بالجميل ياسر وهو يعمل في ابوظبي يعني اصاحبك بقو اصحابي انا جمعتني الصداقة مع الصادق في بلاد المهجر سنة 1999 في دولة كوسوفا كنا نعمل هناك في المنظمات الاغاثية لك الشكر اخي الامين وخليك قريب
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
ابداع ما بعدو ابداع ،، فالتحية لاخي وصديقي العزيز المبدع ابو بكر سيد احمد فابو بكر يمتلك امكانيات عاليه جدا خاصة عندما يترنم بالعود فيحلق بك في عوالم عجيبة جمعتني به ايام جميلة في نهاية التسعينات ايام كانت الخرطوم تعج بالمنتديات الاسبوعية لغنينا سويا في منتدى فلاحة البساتين ومنتدى ملعب طلعت فريد وكنا من المؤسسين لمنتدى الخرطوم جنوب الثقافي فكانت ايام لا تنسى ومازال الود بيننا قائم لان ابو بكر رجل يجبرك على احترامه ويجبرك على مواصلة الصلات معه من كرم اخلاقه وطيب معشره .. واكيد هذه الاعمال ستطلع للمستمع بصورة اجمل في المستقبل ..
التحية لك اخي خالد على عكس هذه الابداعات الجميلة لهؤلاء المبدعين ..
تحياتي : ياسر العيلفون
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
| Quote: لتهانى الحاره للنجاح الباهر للاغنيات الثلاث - اهنيك استاذى خالد لاخراجك وابراز المجهود الجبار للعمالقه استاذ الصادق الملحن والشاعر الدسوقي خالد والشاعر( ابو يوسف) للمغنى المبدع ابو بكر الذى طلما حلمت ان اسمعه عن قرب - حقا انها لتوئمه ثلاثية ( الدسوقي - الصادق - ابو بكر ) الي الامام موفقين باذن المولي |
أختي الفاضلة حورية البحر شذون
لكالتحية بعطر طمي النيل وبحر الشرق يا حورية
وأنتِ تعشقين البحر مأواك
لظروف العمل صارت دخولي في النت غير محدد بوقت كما كان الحال عليه زمان
لكن عادة أو اغلب الأوقات في المساء بكون موجود
شكراً كتير على المرور الحسن وباهي من خلال الفيس بوك
وخليك متابعة
لمة الشلة الطيبة ( ابوبكر سيد أحمد ... الشاعر الاماراتي ابويوسف .. الدسوقي .. ورابط العقد الصادق ابوعشرة )
وسوف تستمعي للعجيب وهذا أول الغيث قطرة
مجموعة الأعمال التي تم تلحينها إلى الآن أكثر 14 عمل
لك مني كل التحايا والأشواق
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
Quote: بصراحة يا خالد أبوبكر سيد أحمد فنان رائع بكل ما تحمل الكلمة من معنى
وقد شهد له جميع من حضر حفله المقام بالمركز الثقافي السوداني في أبوظبي
كل عام وإنت وأبوبكر بخير وقبال تدخل المليونية !!!! |
اختي الفاضلة العزيزة عواطف
اعلق بتنكيس المداخلة
ربنا يوعدنا جمعاً بالملاين يا رب
نعم ابوبكر كما قلتي
أتذكر تلك الجلسة التي طاب في الطرب في مدينة ابوظبي يومها حلينا طعم الطرب التي غمرنا به
بالفول الفلافل وصببنا التراب على رأس السلطان هههههههههه
وكل عام وانت بخير يا عواطف ورمضان كريم
يوم الجمعة بإذن الله
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
| Quote: رائعه جداً جداً دموع الورده كلمات والحان واداء ( مزهله ) |
وريني شلت الوردة ليه
نعم سكب فيها الشاعر دسوقي مشاعر جميلة
واعطياها الثنائي الجميل الصادق وابوبكر حقها كامل وكان من الله التوفيق
استمتعي يا صاحبة الذوق السليم بهذا الفيض من طرب
وكما قال الشاعر ابويوسف ( أحمد النقيب )
يفيض الشوق من صدري
على قفلة وأنا مادري
سهير الليل ايات تسري
مع الأوهام هواي يسري
حبيبي ماعرف قدري
ما عرف قدري .........
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: خالد علي محجوب المنسي)
|
Quote: العزيز خالد
التحية والتجلة لكم جميعا في صالونكم الجميل بدبي ونتمنى أن نساهم معكم قريبا إن شاء الله ونشكر لك على رفدنا بكل ما هو جميل وجديد من الرائع الصادق والأخ الفنان أبوبكر والتحية للموسيقار والشاعر دسوقي خالد العازف المبدع له التحية.
أحمد |
الباحث والأديب
أحمد التجاني ماهل
لك التقدير والشكر على هذا الفيض من جمال في حق الأخوة
بالمناسبة انت من اللذين رشحو للعضوية دون أن يتقدمو بطلب
الرجاء زيارة الصلون وسوف يعمر قريب
ومع انه عامر طبيعي لكن على الفضاء الأسفيري لم يعمر بعد بكل الجمال من أدباء وقاصين ومهتمي بالتراث والأدب
لك الشكر على هذا واكيد من اصلك نابع يا اصيل وجميل
| |
|
|
|
|
|
|
|
|
|
Re: أعمال فنية مشتركة بين الفنان أبوبكر سيدأحمد والمهندس الصادق أبوعشر (Re: ibrahim fadlalla)
|
Quote: سلام يا خالد
وشكرا على الإبداع ...التحية والتقدير للفنان أبوبكر سيد أحمد ...
والتحية لي المبدع أبو عشرة ...غايتو محظوظين يا خالد ..شي الكتيابي وشي أبوبكر سيد أحمد
وشي شنو كدة ...غايتو الواحد قرب يحسدكم ...ههه ..ربنا يديم النعم عليكم ياخي ...
سلامي ليك وللجميع بطرفك ...
واصل ...متابعينك ... |
هههههههههههههههه
اي والله يا إبراهيم صالونا عامر
نقدم لك الدعوة للإشتراك في صالون الصادق ابوعشرة في الفيس بوك
قروب صالون الصادق ابوعشرة فيه كم من الأدباء والشعراء والفنانين
رمضان كريم عليكم وعلى كل أهل كوسوفا
تحياتي ومحبتي
| |
|
|
|
|
|
|
| |
خالد علي محجوب المنسي
الامين موسى البشاري
ملهم كردفان
محمد عوض السيد
إبراهيم عبد الحليم
saidahmed shami
عباس محمود
Muna Khugali
ياسر السر
عواطف ادريس اسماعيل
أحمد التجاني ماهل
ibrahim fadlalla
فيس بوك
تويتر
انستقرام
يوتيوب
بنتيريست