|
|
|
 Re: في طريقي الى الصين لشراء مواد تشطيب! (Re: Mohamed Mekki)
|
ابواب....شبابيك ...بلاط...مفاتيح وتوصيلات كهربا...مواسير وخلافة
اريد ان اعرف :
الملجة بتاعة الناس ديل وين او السجانة بتاعتهم (سوق مواد البناء والنجارة والكهرباء)
طريقة الشحن وفكرة عامة عن الجمارك
شكرا مقدما لك من يساهم ولو برفع البوست...
| |
 
|
|
|
|
|
|
|
|
Re: في طريقي الى الصين لشراء مواد تشطيب! (Re: Mohamed Mekki)
|
تحياتي اخي محمد..
للاسف ساغادر الصين فجر الغد بعد زيارة امتدت لاكثر من 15 يوما برفقة الصديق الوض المسلمي .. وقابلنا الاخ اكرم من بورداب الصين فكان نعم الاخ والصديق خلال فترة وجودنا ويمكنك الاستعانة به ...لا اعلم شيئا عن مواد البناء ولكنني سمعت بان الكثير من السودانيين اصبحوا ياتون الى هنا لهذا الغرض وقبل السفر يجب عليك تحديد اقرب اكبر مطار لوجهتك .. شانغهاي او قوانزو او بكين ولا انصحك بقوانزو ..
قبل سفرك عليك تجهيز الاتي واحضاره معك مهما كلف الامر :
دكوة
شطة
شاي اسود
بن
طحنية
جبنة
تونة
قشطة
رغيف يتحمل التخزين لفترة طويلة
موبايل به فايبر او اسكايبي
ساحاول مدك بتلفون الاخ اكرم
| |
|
|
|
|
|
|
|
|
Re: في طريقي الى الصين لشراء مواد تشطيب! (Re: معتصم محمد صالح)
|
حياك الله الحبيب معتصم
تسافروا وتصلوا بالسلامة انت والحبيب شيخ العوض المسلمي وشاكر جدا رغبتك في المساعدة
وممكن تجدع تلفون الاخ اكرم في الخاص لو تكرمت ...
Quote: قبل سفرك عليك تجهيز الاتي واحضاره معك مهما كلف الامر :
دكوة
شطة
شاي اسود
بن
طحنية
جبنة
تونة
قشطة
رغيف يتحمل التخزين لفترة طويلة
|
وانا حا اضيف فسيخ للستة الفوق دي لفائدة عزيزي المشاهد
هههههه ياخ بالغتة لكن ...الناس ديل دكوة ماعندهم ؟؟؟؟؟
لكن بيني وبينك احسن زاتو لانو الشعب دة ما مضمون يقومو يظلطو لينا (؟؟؟؟؟؟) علي انو فول ظلوط وكدة
وجماعتنا يقعدو يظلطو.....ماااا ابو الرخا وكدة
ـــــــــــــــ
لك قواسيب المودة
| |
|
|
|
|
|
|
|
|
|
Re: في طريقي الى الصين لشراء مواد تشطيب! (Re: jini)
|
الاخ محمدمكي السلام عليكم
حقيقه للاسف ما عندي فكره عن اماكن مواد البناء لكن ممكن نسال ليك اصدقاءنا الصينين والسودانيين الهنا وانت برضك واصل في تجميع معلوماتك.اذا بقيت جاي عن طريق شنغهاي اكيد بنتلاقي وننسق مع بعض ان شاء الله. تلفوني في المسنجر بتاعك.
كسبنا في اليومين الفاتو خوه الاعزاء معتصم وشيخ العوض ,ومعرفه الرجال كنز , وكانوا نعم الصحبه وهم الان في مطار شنغهاي مغادرين بالسلامه انشاء الله .
| |
|
|
|
|
|
|
|
|
|
Re: في طريقي الى الصين لشراء مواد تشطيب! (Re: عمر عبدالرحمن)
|
أخى الفاتح ،، سأقدم لك هذه المعلومات البسيطة ولكنها قديمة جداَ قول زى 4 سنوات ،، فأكيد الأسعار تكون قد أرتفعت بعض الشىء ،،
لدى شقيق سافر ألى هنالك مثلك لتأثيث منزله ( دوبلكس ) فى أرض 500 متر مربع ،،
أتى بكل شىء من هنالك ،، البورسلين ،، الأبواب ،، الشبابيك ،، المواد الصحية ،، المواد الكهربائية ،، الحمامات ،، السراير ،، الستاير ،، التربيزات ،، الدولاليب ،، الأنتريهات ،، الثلاجات ،، التلفزيونات ،، الزينة بجميع أشكالها ،، المراتب ،، المطابخ
وشحن كل ذلك فى حاوية ألى السودان ،، المدة منذ شحنه وحتى أستلامه الحاوية أمام منزله 20 يوم ،،
التكلفة كلها بما فيها الجمارك والشحن كانت فى حدود 15 ألف دولار
مما ذكره لى بأن صف محلات الأثاثات طوله كده زى 3 كلم وعلى صفين ،، يعنى تستعد للجكة من حسع ما تقوم تكلكع من محل محلين هههههههههههه
نتمنى لك التوفيق فى مسعاك ،،
ماهر
| |
|
|
|
|
|
|
| |
Mohamed Mekki
معتصم الطاهر
معتصم محمد صالح
jini
Akram Omara
عمر عبدالرحمن
فيس بوك
تويتر
انستقرام
يوتيوب
بنتيريست