|
|
|
 Re: أســــــــــــــرار عـــــلنية..(مــــمنوع الـــدخول لأقــــل مــن (Re: صباح احمد)
|
عاد علي كيفك يا اخوي هجو..!!
_____
كدي خلوني احكي ليكم حاجة حصلت الليلة الصباح..
بعد ما جينا انا وتواد بتي من الروضة _ودينا حمودي لانو العربية لما جات لقتوا لسة ما جاهز_ ما عرفت ختيت الموبايل وين
قلبت ليه البيت قلب و ما خليت حتة ما فتشتها..سألت تواد منو قالت لي ما شافته ..(اول شئ ما شفتو يا ماما).._طبعا بتدخل عبارة اول شئ في اي كلام دايرة تقولوا_
والله العظيم حتى سلة القمامة الفي المطبخ فتشتها وعندي كيس قمامة في الحوش مشيت فتشتوا قلت يمكن تواد جدعت الموبايل فيه..
ولو ما كنت سمعت صوت رسالة بعد ما جينا من الشارع كنت اقول وقع مني برة البيت..
وفي النهاية قنعت منو خالص وقلت كدي التصبح الواطة شوية يا ضرب لي زول وسمعت صوت النغمة يا جانا زول وقلت ليه اصرب لي في موبايلي..
المهم..بعد اكتر من ساعة تواد قالت دايرة موية مشيت المطبخ وفتحت التلاجة اديها موية القي ليك موبايلي قاااااعد جوة التلاجة..
| |
 
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: 7abib_alkul)
|
أختى صباح
سلامى لك
أنه الزهايمر المبكر و الحال من بعضه و الله شئ لمن يخوف
أصعب موقف مررت به كنت فى طريقى الى مكة المكرمة من جدة
قبل توجهى لمكة مررت على قريبى للسلام و ودعته و خرجت معى
كيس فيه ساعتين قيمتهم ( 34000 ) ريال سعودى ... أى والله
أشترتهم المؤسسة لتقديمهما هدايا و ذهبت من مكة و أستلمتها من جدة
وضعت الكيس على المقعد الأمامى و شغلت سيارتى خرج قريبى وجدنى عند
السيارة ...
قال لى : يا أخى العشاء أذن صلى و أمشى
قلت له : و الله أحسن
و نزلت دخلت المسجد و الباب مفتوح و الساعات فى كيسها
ربنا قدر ولطف جيت من الصلاة لقيت باب السيارة مفتوح
و الكيس قاعد محله ....
الحمد لله رب العالمين .
| |
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: على عبدالله بشير)
|
تحياتي اختي صباح
والله كان الشغل دا كبر معناها نحن
خلاص عجزنا تب انا امبارح القريبة دي
ضرب لي زول عندي معاهو شغل وتميت
موضوعي معاهو بعد ساعة بفتش في التلفون
بقيت بتزكر في الرقم دا حق منو وقال شنو
والله لي المساء بحاول افتكر ماقدرت لمن
اتصلت عليهو تاني حتي افتكرت
اما نسيان المفتاح دا ايييييييييك والله بي
اختصار اي سفرة من البيت ومعاي الاولاد
برجع بكسر الطبل طوالي برنامج ثابت
فما تخافي النسيان دا عادي
تسلمي
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: عطا المنان احمد)
|
امس الضهر كنت انا وزميلة في استقبال احد الصحف منتظرين حضور احد الزملاء لمكتبه وبعد وصول هذا الزميل ذهبنا معه لمكتبه وبعد دخولنا المكتب قام بتشغييل المكيف والمروحة وفجأة قام قفل النور الاصلو مولع..
اتخلعنا انا وصديقتي لكن بسرعة ولع النور وهو يعتذر بقوله:( والله كنت قايله مقفول وداير افتحه)..
وضحك وهو يقول (معليش الكُبر دخل)..
الغريبة انو (الزميل) دة زي ما بتقول الاغنية (لسة في عمر الشباب)..فضحكت الزميلة وهي تقول له:(محمد معانا ما تغشانا)..
بتصدقوا اذا قلت ليكنم اني ما ضحكت ولا علقت علي الكلام دة لانو الحكاية دي كتير بتحصل لي..
اكون دايرة اولع النور وهو فاتح واقفل المروحة بقصد اني اشغلها وما اكون منتبهة انها اصلا شغالة..وانسي (حلة اللبن) في النار.. وعااااااااادي جدا انسي الباقي حقي عند الكمساري اوافوت المحطة و...و...و...هلمجرا
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: سليمان القرشي)
|
الغريبة يا اخ سليمان لو حكيت بالحاصل ليك دة لزول بفتكر انك بتستهبل او بتكضب او بتبالغ..
والحاجة دي خلتني اتأكد انو في حالتين من النسيان (نسيان طبيعي ) و(نسيان مصطنعي ).. يعني ممكن تلقي ليك زول يشوفك ويعمل فيها ناسيك او ناسي اسمك..
انا شخصيا بعرف واحدة حتى لو متذكرة اسم شاب بتعرفوا بتقول ليه في الكلام ( يا اسمك منو..)؟!! او غالبا تعمل فيها رايحة من اسمه.. بس والله حكاية نسياني دي شيتن مختلف..
الغريبة انو امي _ربنا يديها الصحة والعافية_ لما كانت تطلب مني اعمل حاجة وانسي ..وتسألني سويتي الحاجة الفلانية واقول ليها نسيت تقول لي :(نسيتي تاكلي)..؟!!
(نسيتي تشربي)..؟!!
وبالطبع بتكون اجابتي بالنفي وطوالي تقتنع انو انا بستهبل يا دايرة ازوغ من الشغل..
الغريبة انو امي طوالي مفاتيحها ضائعة ولو ختت حاجة في محل منو العوض وليه العوض لانو الحتة البتدس فيها امي حاجة ما بتخطر علي بال زول..
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: صباح احمد)
|
ست البوست إزيك
أنا غايتو أشك في أن هذا البوست كمين، سوف يتم تجميع المعلومات في مقال متكامل
ويكون شبه اغستطلاع للمقال المحتمل
غايتو اشكر الله كتير أنا عندي ذاكرة ما شاء الله تبارك الله بالله كلكم قولوا ما شاء الله
كان لاقيت لي زول في الطواف وعيني وقعت في وشه بعد عشرين سنة لو لاقيتو بعرف أنا لاقيتو في طواف في الكعبة
دا طبعاً مثال لفقط لكن تعالوا شوفوا الونسة البتتحكي على مسمعي بحفظها غصباً عني حرف حرف
مسألة ال>اكرة أعتقد أنها تمرين لو الواحد مرن نفسه للحفظ سواء بالنظر |و السمع أو الإتنين مجتمعات حينمي قدرات ال>اكرة
والله اعلم
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: صباح احمد)
|
الاخت صباح موضوعك يذكرني وحده حبوبتنا الله يرحمها كانت تنسى كثير قالوا مرة عندها ولدا الصغير وكان خفيف الوزن وهي شايلاهو وتدخل بيوت الجيران يا فلانه انتي منصور ولدي ما شفتو الي ان جاءت الي بيته اختها ... ستنا اختي منصور ولدي ما شفتو قالت ليها سجم خشمك الفي صفحتك دا منو وحبوبتنا قلبت الشهادة وكما واحد اخونا نساي ذهب بعيالوا عند جماعة وخلاهم وقال بيرجع بعد الشغل وبعد انتهاء الشغل نسى اولادو عند منو وذهب لجماعة تانين ودق الجرس ودخل بعد داك اتذكر هو جاء الخطأ وعادي الحاجات دي بتحصل
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: صباح احمد)
|
Quote: Ummoayad Moayad · الأكثر تعليقا
عليكِ بالتسبيح الكتير والصلى علي النبي عليه افضل ا الصلاة لسلام ودي عن تجربة مني انا ما من مركز الافتاء . ولا تموتي لين يتم اجلك على قول النكتة . بس انا حكايتي قربت يكون فيها تسفير . علاقة مفاتيح فيها مفتاح خزنة المكتب والخزتة فيها كل جوازات العمال والاختام ومفتاح البريد وما عندهم اسبير تاني الا مع صاحب الشركة ومفتاح البيت والعربية وديل مقدورات عليهم عندهم اسبير ومفتاح المكتب اتناولتهم من ابو مؤيد ومن الباب رجع تاني يجيب ليه حاجة من الدكان ويجي والدنيا صيام وبعديها طبعا نكرت حطب انه ما استلمتهم انا ولا شفتهم وبي حليفتا كمان وبقينا الليل كلو نفتش ونسأل وقلبنا البيت فوق تحت وواصلنا التفتيش للصباح والنهار كلو بنفتش وخلاص يئسنا وبدينا نشوف الحل شنو في الحالة دي . وبديت اطلع عشان اسخن الافطار قرب لقيت ليك العلاقة كلها غاطسة في علبة البليلة وباااااااااااااردة ولا جايبة خبر غلبني اتراجع بعد الحليفة ديك كلها برااااااااحة ختيتا محل هو بيخت العلاقة وعملت فيها ميته .
|
الشينة منكورة يا أم مؤيد... هنالك كورس يدرس في بريطانيا لتنسى النسيان .. فاهمين حاجة.. أنا دخلت الكورس قبل 10سنوات ونفع معاي خاصة في مسألة تذكر أسماء الناس البتقابلهم. تحياتي.
كبـّاشي الصـّـافي
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: صباح احمد)
|
صباح الخير
تعرفي قصة مفتاح العربية زكرتني
موقف يوم كنت في البلد والمواصلات
في الوقت داك كانت في الفترة الصباحية
بس أها بعد الفطور عندي قريبي ماشي
الخرطوم مشيت وصلتو الزلط وقفت العربية
من الناحية التانية للزلط وقعدنا في مظلة
وكان في مجموعة والونسة جرت وزولي
سافر انا بقيت افكر في الطريقة البترجعني
البيت شنو نسيت العربية كلو كلو اها في لحظة
التفكير دي ظهر بوكس ماشي الحلة طوالي
جريت ولمن وصلت تب واقسم بالله لو مافي
واحد سالني قالي انت العربية الفي الظلط
دي مش حقتك اكان زمن مااعرفا
وتقولي انتي نساية ههههههههههه
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: سليمان القرشي)
|
صباحك خير اخي سليمان القرشي..
طبعا عااادي جدا انسي مواعيد شغل حددتها مع زول..
واطرف واحرج موقف حصل لي عند زيارتي لاسمرا في العام 2005م _ان لم تخني الذاكرة كعادتها_ وقتها حددت مواعيد حوار مع الراحل الدكتور خليل ابراهيم ربنا يرحمه ويغفر ليه ..
اها يا سيدي نسيت ليك المواعيد تماما وما اتذكرتها الا بالصدفة لما جات سيرة الرجل ونحن جلوس باستقبال فندق(امباسدور) حيث كنا نقيم مجموعة من قيادات وكوادر جبهة الشرق_ربنا يطراها بالخير_
اتخلعت عشان عارفة انو خليل ابراهيم دقيق في مواعيده ونبه علي ما اتأخر عن الموعد لانو عنده مشوار مهم بعد الحوار مباشرة..
اها طوالي قمت شلت ليك (عدتي الصحفية) وقطعت ظلط (شارع كمشتاتو) وركبت البص لحي اسبيس الساكن فيه الراجل وقتها..وللاسف لاني اتأخرت عن مواعيدي اكتر من ساعة لقيتو مرق ..
واضطريت انتظروا لمن يجي راجع ولمن جاء خجلت اقول ليه نسيت المواعيد يفتكر اني ما جادة او بستهزأ بمواعيده ووقته فقمت طوالي طلعت لي (كضبة بيضا) واعتذرت اني كنت تعبانة شوية ..
لكن مع دة كلو ما اتضايق مني لكني اداني درس في احترام المواعيد واهمية احترام الزمن بالنسبة للصحفي وفي نهاية اللقاء قام باهدائي ساعة تربيزة ذهبية علي شكل علامة مرسيدس تصدر صوت جميل علي راس كل ساعة او اذا ظبطت المنبه على زمن محدد وقال لي عشان تكوني صحفية ملتزمة فالشطارة وحدها لا تكفي..
________
للاسف الساعة دي ضاعت مني نتيجة للتنقل من بيت لاخر او اتسرقت ما عارفة ولو اتسرقت (الكلام ليك يا المنطر عينيك)..!!
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: محمد عبد الله الامين)
|
اها اذكرت
صباح سلام
هاك التلاتة ديل زهايمر عديل
مرة دخلت الحمام شلت فرشة الاسنان مليت ليك معجون حلاقة وفرشة الحلا قة كبيت فيها معجون سيجنال
جوطت ليك البيت جوطة شديدة باحثا عن نظارتي يا عالم يا ناس الشاف نضارتي منو؟ والسيدة المدام والعيال يضحكون
بتضحكوا مالكم؟ السيدة المدام مالك يا راجل جنيت نضارتك ما ياها ديك معلقة في اضنيك
واحد صاحبي سافر من مسندم في سلطنة عمان علي بعد اكثر من 6 ساعات من العاصمة مسقط سافر مسقط يجيب المدام من المطار ولانه الزمن فيه مهلة شوية قال يمشي الحديقة يريح شوية ويرجع المطار
أهة زولنا هاك يا رقدة في النجيلة يقرا في الجريدة الي ان دخل في غفوة صحا بعدها مدورا محرك عربيته عائدا لمسندم بدون المدام
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: بشير دفع الله)
|
الاخت صباح
تحياتى وتقديرى لك وللمارين ..
بوست جميل ونساى والمتداخلين جميعهم تعدوا الثلاثين ..
والله ضحكت على حالى الذى قرأته هنا ..
وتذكرت حكاية الموبايل وبتكلم منه وفى نفس الوقت بفنش عليه ..
ومفاةيح الضيف الى ضاعت واضطرينا ان نوصله لداره , وبعد ثلاثة ايام وجدناها فى الثلاجة لانو ابنه كان يلعب بها ..
ولى صديق اذا جلس و وجد اى مفايح امامه يحملها الى جيبه لانه يعتقدها له ,وعيييك فى بيته اشكال والوان من المفايح ومتاكد انا مفانيحكم الضائعة تكون هناك ..
يازوله شكرا ليك على البوست الصريح وثقى بان الحال يعم وخاصة فى ظل هذة الاحوال .....
| |
|
|
|
|
|
|
|
|
|
Re: أســــــــــــــرار عـــــلنية..(مــــمنوع الـــدخول لأقــــل مــن (Re: صباح احمد)
|
الليلة من الصباح مشينا بيتنا الكبير وقيلنا هناك واستمتعنا بالونسة مع حبوبة والجدو_امي وابوي_ ولاقيت اخواتي واولادهم ولينا فترة ما اتقابلنا وعلي شرف الحضور دة امي عاست لينا كسرة وسوت لينا ملاح بامية مفروكة مخصوص لاننا كلنا بنحبها..
المهم..لينا كم يوم واعدين احمد ولدي نوديه الحلاق عشان نحلق ليه شعره نظام الولد في الروضة وكدة (نيولوك) جديد علي قولة الجماعة.. لكن ما وديناه ..اها بعد الغداء قلت طالما جينا بيت ناس حبوبة كدي النودي حمودي صالون الحلاقة القريب من ناس حبوبة دة..وفعلا طلعنا من البيت وفي الطريق القي ليك روحي شابكة حمودي بكرة باذن الله نمشي السوق اشتري ليك الزمزمية والشنطة والجزمة واوديك الحلاق..لاحظوا قلت ليه اوديك الحلاق وانا في نفس الوقت ماشة صالون الحلاقة..!!
طوالي حمودي رد علي :(يعني تااااني احلق شعري ياماما)؟!!
طبعا مالقيت رد علي كلامه غير اني اضحك لكن في نفس الوقت خفت لاني شعرت بانو حالتي بقت مستعصية ..
| |
|
|
|
|
|
|
| |
صباح احمد
Haju Muktar
عمر الفاروق
د. ياسر عبد القادر
cantona_1
احمد حمودى
7abib_alkul
سيف النصر محي الدين
على عبدالله بشير
سليمان القرشي
Asim Fageary
داليا حافظ
بشير دفع الله
عبداللطيف شريف على
محمد فضل الله المكى
فيس بوك
تويتر
انستقرام
يوتيوب
بنتيريست