|
|
 ده غباء شنو ده !!!! اففففف
|
ده غباء شنو ده !!!
تشتري دواء المساء من الصيدلية تجي تاني يوم الصباح ترجعو يقول ليك اوكي مافي مشكلة بس لازم تجي في وردية المساء !!!
ليه يايهوات اجي في وردية المساء ؟
تجي عشان تقابل ناس المساء !!!
يااااااااخ انا مالي ومال ناس المساء والا الصباح انا بتعامل مع صيدلية جهة إعتبارية ما عندي علاقة بالاشخاص !!!
لا يا استاذ ما عشان السستم ما بقبل !!!!!
كيف ما بقبل !! والله ده الا سستم قاطعنو من نص رأسكم ساااااي !!!
والله الزول الفكر بالكمبيوتر والسستم لو عارفكم ح تتعاملوا معاهو بالغباء ده ما كان صنعو من اصلو !!!!!!!!!!!!!!
|
|
  
|
|
|
|
|
|
|
 Re: ده غباء شنو ده !!!! اففففف (Re: omer osman)
|
ههههههههههههههههه@
جنابو فقد المنطق!!
حصل لي نفس القصة مع صيدلية في كافوري!
تعال المساء لنفس الزول الاشتريت منو
جيت المسا قالوا الزول الليلة ما جا عندو ظروف
خليت ليهم الحاجة واستعوضت الله فيها!!
| |
|
|
|
|
|
|
|
|
 Re: ده غباء شنو ده !!!! اففففف (Re: محمد عبد الماجد الصايم)
|
Quote: ههههههههههههههههه@
جنابو فقد المنطق!! |
هههههههههههههههه
طبعا في جزء من الحوار حجبته الرقابة ههههههههههههههه
| Quote: خليت ليهم الحاجة واستعوضت الله فيها!! |
نفس الملامح والشبه قلت ليهم لو جاء زول محتاج ادوهو الدواء ده ........
| |
|
|
|
|
|
|
|
|
|
Re: ده غباء شنو ده !!!! اففففف (Re: ود الباوقة)
|
Quote: انت عارف يا جنابو زمان قالو في دولة من الدول الغربية
العسكري ( البقفلك ) الا يجي هو عشان تطلع
يعني اذا مات لرحمه مولاه معناه انت اكلت زغنبوت
|
ههههههههههههههههههههههههههههههه
واحد صاحبنا في حادث حركة الصباح حجزو عربيتو في احد اقسام الشرطة في ليبيا
بعد سلمهم العربية اتذكر انو عندو خضار ولحمة .......... الخ نساهم في العربية
رجع قال ليهم افتحو لي العربية اشيل حاجاتي دي !!!
قالو ليهو وين ليك العربية وحاجاتك كلها بقت عهدة تاني موزة من جو العربية ما بتشيله
لكن نرفع ليك الموضوع لي قدام نشوف التعلميات شنو !!!!!!!
المهم بعد عدة اتصالات اظن حدها القذافي شخصياً وافقو يسلموهو الحاجات حوالي الساعة 11 بالليل هههههههههههه
| |
|
|
|
|
|
|
|
|
|
Re: ده غباء شنو ده !!!! اففففف (Re: محمد عبد الماجد الصايم)
|
انا لو محلهم سيستم رجيع زاااتو ما بعملوا ..لا مسا لا صباح...
هو دوا ولا بلوزة ؟؟؟
مفروض جيت اشتريت الدوا معناها بي روشتة بي وصفة طبية وانت محتاج ليهو..
لكن حركاتكم بتاعت أديني دوا بتاع إسهال وتمشي تاخد ليك جوغمة وتجي ترجعوا نهيي زندقيي فرانسيس كييييس :) :)
بعدين ياخ السيستم ما قبل سيدي بيه ..يجي يقبل ليكم إنتو دوا وبندول ؟؟
تخريمة :
واضح إنو السيستم المعمول ده بيفترض إسم اليوزر اللي قام بي عملية الشراء هو اللي بيسمح بي عملية الاسترجاع ..عشان كده بيقولوا ليكم تعالوا في وردية المسا..
لحل المشكلة دي مفروض يقولوا ليكم دقيقة نضرب للزول الباع ليكم يجي يخش السيستم :)
| |
|
|
|
|
|
|
|
|
|
Re: ده غباء شنو ده !!!! اففففف (Re: عمر الفاروق)
|
يا عمر سلامات
فى جميع أنحاء العالم لا يتم إرجاع الدواء أو تبديله إذا خرج من باب الصيدلية.
على الزبون مراجعة الدواء أمام الصيدلى ثم إستلامه.
الدواء بعد خروجه من الصيدلية يحتمل ملامسته لأيدى ملوثة أو لتغيرات أخرى.
ياخى الدواء ده مواد كيمائية وليس قرض أو حرجل!!!!!
التحايا الحارة لنسيبك الكومندان كرودى.
| |
|
|
|
|
|
|
|
|
|
Re: ده غباء شنو ده !!!! اففففف (Re: محمد أحمد الريح)
|
Quote: يا عمر سلامات
فى جميع أنحاء العالم لا يتم إرجاع الدواء أو تبديله إذا خرج من باب الصيدلية.
على الزبون مراجعة الدواء أمام الصيدلى ثم إستلامه.
الدواء بعد خروجه من الصيدلية يحتمل ملامسته لأيدى ملوثة أو لتغيرات أخرى.
ياخى الدواء ده مواد كيمائية وليس قرض أو حرجل!!!!! |
هلا سيادتو الريح
اتخيل ياسعادتك لو قالو كده ما كنت بقدر اقول بغم
لكن هم كلامك ده زاتو ما عارفتو ولو عارفنو ما شغالين بيهو دي ناس عاوزة تبيع وبس
| Quote: التحايا الحارة لنسيبك الكومندان كرودى. |
او (الامير) كما يلقبه ناس دفعته الدفعة 11
ياسعادتك دي اجيال لن تتكرر هل تصدق انه حتى الأن بذات الانضباط
والنظام والهندام وكأنه لم يفارق الجيش منذ 1971م تخيل حتى لم يجي يخلد
للراحة ويرقد على سريره لابد ان يتأكد بأن فردتي السفنجة موضوعات على الحذية 
| |
|
|
|
|
|
|
|
|
|
Re: ده غباء شنو ده !!!! اففففف (Re: عمر الفاروق)
|
Quote: انا لو محلهم سيستم رجيع زاااتو ما بعملوا ..لا مسا لا صباح...
هو دوا ولا بلوزة ؟؟؟
مفروض جيت اشتريت الدوا معناها بي روشتة بي وصفة طبية وانت محتاج ليهو..
لكن حركاتكم بتاعت أديني دوا بتاع إسهال وتمشي تاخد ليك جوغمة وتجي ترجعوا نهيي زندقيي فرانسيس كييييس :) :) |
هههههههههههههههههه
Quote: تخريمة :
واضح إنو السيستم المعمول ده بيفترض إسم اليوزر اللي قام بي عملية الشراء هو اللي بيسمح بي عملية الاسترجاع ..عشان كده بيقولوا ليكم تعالوا في وردية المسا..
لحل المشكلة دي مفروض يقولوا ليكم دقيقة نضرب للزول الباع ليكم يجي يخش السيستم :) |
اول حاجة هم قايلين اخوك فارة في الكمبيوتر
غايتو شبكتهم ليك نقة في السستم ولا وليد الشفت زاتو ههههههه
لمن امانو وعرفو انو معاهم معلم قالو لي الادمن في الفرع الرئيسي
قبت ليهم طيب اضربو ليهو تلفونو وقولو ليهو خش على الفاتورة رقم كده واعمل ليها دليت او اى حاجة
قالو لا ادمن المساء بشتغل بس مع ناس المساء وادمن الصباح مع ناس الصباح اتخيل !!!!!!!!!
| |
|
|
|
|
|
|
|
|
|
Re: ده غباء شنو ده !!!! اففففف (Re: عمر الفاروق)
|
جنابك
اكيد اشتريت الدوا ومشيت البيت لقيت التلاجة مليانة منو
او قريت الورقة الجوا الكرتونة ولقيت آثار جانبية للدوا وقلت أحسن نتفك منو
هذا او ذاك لازم تجي المسا شان الافندي الطلع الدوا هو البيرجعو وهذا غباء المبرمج والادارة التي تسمح بذلك
| |
|
|
|
|
|
|
|
|
|
Re: ده غباء شنو ده !!!! اففففف (Re: عمر الفاروق)
|
تحياتي يا جنابو
كلام عمر الفاروق دا انا ذاتي بدعمو من زاوية واحدة ( الزاوية الجادة)
ليه يكون في سيستم رجيع للدواء من أساسو؟
الدواء بيتم حفظو في درجة حرارة بحد أقصى معين
تخيلوا لو ان المشتري أخذ الدواء ووضعه في العربية في عز الشمس الحارقة 50 درجة وقفل العربية ومشى مكتبو
والدوا المسكين قعد هناك يغلي ويفور
إها بأي حق يغامر الصيدلي ويستلم الدوا دا ويصرفو لزول تاني؟
| |
|
|
|
|
|
|
|
|
|
Re: ده غباء شنو ده !!!! اففففف (Re: أحمد أبكر)
|
غايتو يا جنابو عمر عثمان شوية كدا وتقعد رف في البورد دا .. زيك وزي الملك فيصل عجب في أيامو الأخيرة بالمريخ ..
كورتك ماشة فاكة شوية شوية .
معقول ياخ دا بوست دا تفتحتو .. ما رجعوا لي الدواء ؟؟
أها الجماعة فوق طلعوك بدائي جائي من العصور الوسطي ..
طالب بى سحب البوست ياخ .
| |
|
|
|
|
|
|
|
|
|
Re: ده غباء شنو ده !!!! اففففف (Re: طلحة عبدالله)
|
يازول احمد ربك،ما ادوك دواء غلط،انا في مدني القريبة دي،حضرت الصيدلي،اده دواء غلط، مكتوب توخذ بالوريد في روشتة الدكتور،الصيدلي اداها حقنة عضل،نفس الشكل،دخل علي ممرض في عيادة دكتور،خمس دقائق، ارتاح من الشقاوة،عابرا الي حيث رحمة الله،اما الانسلين النافد،ولا مية مرة،وقبل فترة قريبة بعد بلعت اخر حبة لقيت الدواء منتهي الصلاحية ليه سنة،يازول احمد ربك،والله الشايفو انا نص الناس البموتو في مستشفياتنا،ما من المرض،الاهمال،التشخيص غلط والدوا الغلط،البركة في عافيتك،القرش هين.
| |
|
|
|
|
|
|
|
|
|
Re: ده غباء شنو ده !!!! اففففف (Re: طلحة عبدالله)
|
Quote: غايتو يا جنابو عمر عثمان شوية كدا وتقعد رف في البورد دا .. زيك وزي الملك فيصل عجب في أيامو الأخيرة بالمريخ ..
كورتك ماشة فاكة شوية شوية .
معقول ياخ دا بوست دا تفتحتو .. ما رجعوا لي الدواء ؟؟
أها الجماعة فوق طلعوك بدائي جائي من العصور الوسطي .. |
هههههههههههههههههه
| Quote: طالب بى سحب البوست ياخ . |
بالعكس ياطلحة هسي استفدنا معلومة كويسة انو في اوروبا والدول المتقدمة الدواء مابرجعوهو
| |
|
|
|
|
|
|
|
|
|
Re: ده غباء شنو ده !!!! اففففف (Re: ناذر محمد الخليفة)
|
Quote: معاهم حق يا جنابو .. ما عندهم ذنب ..
العيب في الزول العمل السستم .. كان مفروض يتحسب لي حتة زي دي ..! |
عندهم مليون ذنب ياناذر اوريك كيف
هسي لو انت عندك شغل معين وعملت سستم وبالتشغيل اتضح ليك انو السستم ده بخلق
مشاكل مع الزبائن مش مفروض تنادي الزول العمل السستم وتقول ليهو علاج لي المشكلة دي !!!!
| |
|
|
|
|
|
|
|
|
|
Re: ده غباء شنو ده !!!! اففففف (Re: أحمد أبكر)
|
Quote: تحياتي يا جنابو
كلام عمر الفاروق دا انا ذاتي بدعمو من زاوية واحدة ( الزاوية الجادة)
ليه يكون في سيستم رجيع للدواء من أساسو؟
الدواء بيتم حفظو في درجة حرارة بحد أقصى معين
تخيلوا لو ان المشتري أخذ الدواء ووضعه في العربية في عز الشمس الحارقة 50 درجة وقفل العربية ومشى مكتبو
والدوا المسكين قعد هناك يغلي ويفور
إها بأي حق يغامر الصيدلي ويستلم الدوا دا ويصرفو لزول تاني؟ |
هلا احمد ...........
اصلو لو كان ده منطقهم في رفض اعادة الدواء انا ما كنت بعترض
وده كلام منطقي ومعقول ومقبول لكن الما منطقي ولا معقول ولامقبول كلام السستم مابقبل !!!!!!
| |
|
|
|
|
|
|
|
|
|
Re: ده غباء شنو ده !!!! اففففف (Re: MOHAMMED ELSHEIKH)
|
كدي ياجماعة براحة تتذكروا البوست بتاعي بتاع (نقاط النزاع)
طيب ليه انا قلت الكلام ده لانو شايف البوست انحرف من فكرة غباء السستم او القائمين عليه
لفكرة انو الدواء ما ممكن يرجع وانت ياجنابو الغلطان او كما قال زول من ناس تحت اني (متخلف) خلينا نتجاوزه الكلمة ما مشكلة
نفس منطق السستم الما بقبل كان حيتكرر لو انا اشتريت من الصيدلية صندوق مناديل ورق او مزيل عرق او صابونة او ان شاء الله منكير
مداخلة سيادتو محمد الريح جابت المفيد من ناحية علمية بانو الدواء مفروض ما يرجع وبصمنا عليها بالعشرة لانو كلام منطقي ومقبول
يبقي نرجع لفكرة البوست الاساسية وننسي انو انا اشتريت دواء !!! قول انا اشتريت منهم فنلة صطقت ههههههههههه
| |
|
|
|
|
|
|
|
|
|
Re: ده غباء شنو ده !!!! اففففف (Re: omer osman)
|
| Quote: ولاتخلو من دكتاتورية يمارسها عدد كبير من السودانين على من تضعهم الظروف تحت ايديهم !!!!!!! |
غجبتني ادمن الصباح بشتغل مع ناس الصباح وبتاع المساء مع ناس المساء
والله ضحكت لامن دمعت
وتقول لي برضو يا جنابو عملت ليهم ولا وليد الشفت
| |
|
|
|
|
|
|
|
|
|
Re: ده غباء شنو ده !!!! اففففف (Re: علي محمد الفكي)
|
بروف شداد زمااان قال الايميل بفتح في خرطوم2 لكن مااا بيفتح في شارع البلدية..
ولمن البروف يقول على الجمييع الصمت..
اها ده حال سيستمك وادمنك..:-)
بالمناسبة يا احمد ابكر..مدرسة الجد في مكان الهزل مدرسة اتبعها من اياااام كتابة الانشاء عن الخريف واand#65271;م وثلاثة زهرات لمن تهديها..:-)
| |
|
|
|
|
|
|
|
|
|
Re: ده غباء شنو ده !!!! اففففف (Re: م. سيد احمد قدورة)
|
الاخ عمر جنابو
ياخي تسلم من كل شر و ان شاء الله اجر و عافيه
بس انت مرجعو ليه ، كان تبدلوا بي دواء ضغط و بس
من اعجب ما رأيت في امريكيا ، انك لما تطلب دواء بدون روشته اقولوا ليك تعال بعد 2 او 3 ساعه و بعداك ادوك الدواء
و الله حتي اللحظه ده ما عارف ليك بلطعوك كده ليه
الزبير
| |
|
|
|
|
|
|
|
|
|
Re: ده غباء شنو ده !!!! اففففف (Re: omer osman)
|
سلامات جنابو
عمر
| Quote: تشتري دواء المساء من الصيدلية تجي تاني يوم الصباح ترجعو يقول ليك اوكي مافي مشكلة بس لازم تجي في وردية المساء !!! |
إنت الدواء إشتريتو بأورشته دكتور ولا سايت
إذا كان الدكتور كتب ليك الدواء دا يبقي علي الطب السلام
دا دكتور شنو البكتب دواء ليك بلتجريب دا يقول ليك شيل الدواء دا من الصيدلية كما نفع رجعو ليهم .
غايتو الدوا دا كان كتبو ليك دكتور يبقي الصيدلي ماغبي .
سلام
| |
|
|
|
|
|
|
|
|
|
Re: ده غباء شنو ده !!!! اففففف (Re: محمد نور عودو)
|
Quote:
هل تصدق انه حتى الأن بذات الانضباط
والنظام والهندام وكأنه لم يفارق الجيش منذ 1971م تخيل حتى لم يجي يخلد
للراحة ويرقد على سريره لابد ان يتأكد بأن فردتي السفنجة موضوعات على الحذية |
يا عمر تقول لي سفنجة! ياخى الكومندان كان قافل حجرته بالطبلة ولا تفتح للنظافة إلاّ بحضوره !!!
مرة زرناه وأم النسب بتاعتك دخلتنا واسطة علشان نحنّسه يفتح الغرفة للنظافة.
والله لو فارق الجيش فى القرن الأول برضو سيظل كومندان عظيم....
| |
|
|
|
|
|
|
|
|
|
Re: ده غباء شنو ده !!!! اففففف (Re: محمد أحمد الريح)
|
Quote: من اعجب ما رأيت في امريكيا ، انك لما تطلب دواء بدون روشته اقولوا ليك تعال بعد 2 او 3 ساعه و بعداك ادوك الدواء
و الله حتي اللحظه ده ما عارف ليك بلطعوك كده ليه
|
الاخ الزبير....تحياتي ....
معلوم ان الدواء لا يصرف الا بروشته في امريكا فما هو الدواء المن غير روشته ؟؟؟؟!!!!!!!!
العزيز ..عمر سلامات
لا يسترجع الدواء بعد خروجه من الصيدليات في كل انحاء العالم التي تطبق قانون الدواء.....للاسباب التي ذكرها الاخوان
لكن المصيبه في الكلام القالو ليك ....يعني العالم دي ما عارفه ابسط قوانين حفظ الدواء........
لو فرضنا ان الصيدلي ارجع الدواء as courtesy فيجب عليه الا يصرفه
ابدا وان يفعّل قانون الاباده للدواء المعني.....and take the loss
| |
|
|
|
|
|
|
|
|
|
Re: ده غباء شنو ده !!!! اففففف (Re: محمد أحمد الريح)
|
سلام جنابو
وعلى طريقة الصادق المهدي
يحتوي هذا البوست على ثلاثة محاور رئيسية
المحور الاول مواطن اشترى سلعة واكتشف انه ليس بحاجتها وارد ارجاعها
المحور الثاني ان هذه السلعة هي دواء وليس اي صنف آخر والمصدر صيدلية
المحور الثالث لم يرفض البياعين او الصيادلة فكرة ارجاع الدواء من اساسه انما تعذروا بأن البائع يجب ان يكون هو المرجع لان سيستمهم شخصي جدا ( اي مرتبط بالاشخاص)
الاول والثاني لاخلاف عليهما في حق لاي زبون وارجاع الدواء ايضا ليس مشكلة طالما قبل الصيادلة بذلك من ناحية المبدأ لكن المشكلة في هذا السيستم الذي يربط بالافراد .. مع ان فكرة ادخال الكمبيوتر في البيزنس في الاساس قائمة على الغاء ربط العمل والمعلومات بأفراد..ِ
يعني فكرة انتظر فلان لامن يجي هي اول ما حاربه ادخال السيستم في البيزنس ..
| |
|
|
|
|
|
|
|
|
 Re: ده غباء شنو ده !!!! اففففف (Re: درديري كباشي)
|
يا عمر امر المؤمن كولو خير اهو اتصدقت بالدواء ودا الخير زاتوووو
اخلص النيه ولا تدعو على السيستم عشاااان الاجر وكدا انتا قائل فى السودان دا بندخل الجنة كيف
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: ده غباء شنو ده !!!! اففففف (Re: Ahmed musa)
|
Quote: قبت ليهم طيب اضربو ليهو تلفونو وقولو ليهو خش على الفاتورة رقم كده واعمل ليها دليت او اى حاجة
قالو لا ادمن المساء بشتغل بس مع ناس المساء وادمن الصباح مع ناس الصباح اتخيل !!!!!!!!! |
جنابو عمر تحياتى وتقديرى..
اشكرك على البسمة والضحكات التى اجمل بها بوستيك هذة بنا ..
الاخوان الصيادلة ديل ماعاوزين يرجعوا الداء وبس ..
بالجنب كدة ..
ات صديقنا عمر الفاروق ده حلفاوى ...؟؟؟
| |
|
|
|
|
|
|
| |
omer osman
محمد عبد الماجد الصايم
عمر الفاروق
garjah
أحمد أبكر
طلحة عبدالله
عبدالعزيز عثمان
أيمن محمود
ناذر محمد الخليفة
MOHAMMED ELSHEIKH
عباس الدسيس
علي محمد الفكي
م. سيد احمد قدورة
الزبير بشير
محمد نور عودو
waleed nayel
محمد حمزة الحسين
Ahmed musa
فيس بوك
تويتر
انستقرام
يوتيوب
بنتيريست