اذاكنت عضوفي الفيس بوك هل ترضى ان يتغزل صديقك في صورةاختك زوجتك حبيبتك

Quote: الاخ ذواليد سلامات اعتقد ان الاكثر اهمية الان هو اسقاط النظام الظالم الذي يحكم السودان (باسم الدين) والذي هوى بالسودان في هوة سحيقة ا ماالفيس فهو قضية شخصية يستطيع اى فرد حماية نفسه واسرته ولكن من الذي يحمي الشعب السوداني ؟؟ تقديري

Quote: الاخ ذواليد سلامات اعتقد ان الاكثر اهمية الان هو اسقاط النظام الظالم الذي يحكم السودان (باسم الدين) والذي هوى بالسودان في هوة سحيقة ا ماالفيس فهو قضية شخصية يستطيع اى فرد حماية نفسه واسرته ولكن من الذي يحمي الشعب السوداني ؟؟ تقديري

Quote: يا ذو اليد كيفك ياخى موضوعك ده مستمحمى من أوله كده ... انت ليه بتسأل الناس أسئله زى دى ؟؟ اسئلة جوابها ظاهر هسع عليك الله الراجل منو فيهم يقدر يقول ليه ايوة برضى بالحاجة دى ؟؟؟؟ بعدين انت داير تصل لى شنو يعنى ؟؟ وبعدين ليه بس ناس الفيس بوووك ديل براهم ؟؟؟؟ اها ولو ما عضو فيهووو ما أجاوب يعنى ؟؟؟ شكلو ابو الروووم جهجهك يا ذو اليد ودخل ليك في عضمك

Quote: ملهم لاداعي للخروج من الموضوع

Quote: وضع صورة خاصة في الفيسبوك او اي موقع اسفيري تحوله الي عام حكمة اليوم الجنس اللطيف بستمتعن بالتعليقات علي صورهن

Quote: الله يخزي شيطانك يا ذا اليد .... انت ما صايم يازول ؟ فقعتنا ضحك ولسع يومنا متكوم عموما لو كان القصد من ( يتغزل) هو ذكر المحاسن . فرد الامر يا ولدي للاعمال بالنيات و بعد داك تعامل بالفعل و رد الفعل. يعني لو كان صاحبك الماقادر يمسك خشمو ده ..لسع ما كمل دينو .. اعزمو ولبد المأذون عند الجيران ...وبعد داك الزارعا الله تقوم فوق الظلط لكن بيني وبينك و سيبك من حكاية الفيس بوك و خلينا Live . فربما عد من ابجديات التعامل المتحضر (بمقاييس المجتمع الذي انت فيه) كمثال لو كنت تعيش في الغرب او حتي في بعض الدول العربية والافريقية ، بل وربما كان متوقعا القاء كلمات استحسان واعجاب بصاحبة الدار او رفيقة مضيفك او من وقف ليجاملك تماما كاطراء الدار التي دعيت لها والعشاء الذي تناولته حتي لو وقف ليك في زورك . طبعا مصيبتك مصيبة لو كنت عريس وعروسك جاتك طرد وامها ماليها من الخواجيات امات عيونا طايرات زي ما حصل لي واحد زميلنا دبلوماسي من ايام الزمن الجميل . الراجل ما فتح خشمو وقال كلمتين حلوين لي ست البيت وإلا وحياتك كواريك العروس تجيب الرايح . التلفونات اتخابتت والعشوه طرشقت واستنجد بينا ودخلنا احنا وحريمنا اجاويد . وبعد ما راقت العروس ، اخواتا دخلوها ليك كورس civilization . يا ذو اليد يا ولدي كلمتين اطراء لست البيت وللسيارة وللدار ما فيهم حاجة بس ما تقل العيار . ده احنا عزمونا عشاء لقينا القصه وما فيها عزاء في ال ك لب المات . ختو العشا فوق التربيزة وساقونا للحفرة الغملوا فيها ك ل ب الجن . ووقفنا مصلوبين والراجل يذكر في محاسن موتاه ويتنهف ولله في خلقة شئون

Quote: واحيانا غراب وتدمير للبيوت،

Quote: أخي العزيز ذو اليد رمضان كريم وتقبل الله منا ومنكم الصيام في البدء لابد من تبيان موقفي والذي هو مع الحرية الكاملة لشخصك ولكل عضو في طرح ما يشاء من مواضيع للنقاش طالما أن طرحه لا يخالف قوانين المنبر بخصوص موضوعك مسار النقاش في هذا الخيط فمن وجهة نظري أن المشاكل التي تحدث بسبب الفيس بوك وكل مواقع التواصل الإجتماعي هي نتيجة لسوء إستخدامها وذلك بجعلها مواقع للتعارف وإكتساب أصدقاء جدد وهي في الأصل مواقع للتواصل مع من تجمعك بهم سابق معرفة تتيح لك المعرفة الكافية بسلوكهم وتصرفاتهم والتي بالتأكيد مقبولة من قبلك بغض النظر عن كنهها

Quote: موضوع الفيس بووك دا طبعاً مريح لوجود ضبط الخصوصية يعنى فى صور ممكن تكون لى اصحابك وأخرى تكون لى اصحاب اصحابك وغيرها عامه وفى البومات تكون خاصة لحفظ الصور الاسرية وكدا لكن اذا الضحية فرطت عن غير قصد فيمكن تلحق ذلك ويتم علاجه بتفعيل حظر العضو المتساخف اما إذا كانت بقصد كما ذكر ذلك احد الاخوة فهنا الطامة الكبرى وأهلنا بقولوا المراااا ان ما حرسا قلبا مافيش زول بحرساااااااا عشااان كدا حدنا نربيهن ونخليهن

Quote: ذو اليد يا حبيب .. خطر لي ذات الموضوع قبل يومين تلاته .. الأثر او الاثار الاجتماعية للفيسبوك مسألة تحتاج عناية خاصة وربما حتى دراسات اكاديمية ممنهجه .. لاسيما وانو اصبح نمط حياتي حيغير كتير من تعاطينا مع هذا العالم .. موضوع الغزل ده ليس بالحدة التي قد يكون عليها في الحياة الواقعية .. هب ان اختك او زوجتك غيرت من صورة البروفايل مثلا .. واستقبلت تعليقات ايجابية او مادحة للصورة اقربائها او زملاءها الخ.. ودى مسألة مزعجه جدا الا انها ليست كأن تتم مغازلة في الواقع .. وللامر صلة بنوعية المدح .. فهناك المجامله بحسب ادبيات المكان نفسو .. وهناك التعدي الفج والمعاني المختبئة وراء الكلمات .. يعنى الامور ليست واحده .. والنطاق العام .. واعني البوستات المفتوحه للناس جميعهم .. تخفف كثيرا .. على العكس من تلك التي في رسائل خاصه مثلا عموما موضوع جميل ويحتاج للكثير من العالجات الجاده ..

Quote: اخى ذو اليد رمضانك كريم وتقبل الله منا ومنكم طيب الاعمال موضوع الفيس بووك دا طبعاً مريح لوجود ضبط الخصوصية يعنى فى صور ممكن تكون لى اصحابك وأخرى تكون لى اصحاب اصحابك وغيرها عامه وفى البومات تكون خاصة لحفظ الصور الاسرية وكدا لكن اذا الضحية فرطت عن غير قصد فيمكن تلحق ذلك ويتم علاجه بتفعيل حظر العضو المتساخف اما إذا كانت بقصد كما ذكر ذلك احد الاخوة فهنا الطامة الكبرى وأهلنا بقولوا المراااا ان ما حرسا قلبا مافيش زول بحرساااااااا عشااان كدا حدنا نربيهن ونخليهن فتك بى عافية : : : مع التحيات لله الزاكيات

Quote: اذاكنت عضوفي الفيس بوك هل ترضى ان يتغزل صديقك في صورةاختك زوجتك حبيبتك

اذن هذا السخيف قد استغلا احدى وشائل الميديا لتوصيل قبحهه
كالتلفون او الرسائل او الغرف الدردشة بالفيس بوووك وغيرهااااااا
وتبقى النتيجة متوقفه على مدى قبول الطرف الاخر
فاذا كان هناك درجةً ما من الرضى فانا اصلاً لن اعلم بذلك
وينتفى التحرش واذا انتفى هذا القبول فهناك خياران الاول ان تقوم الضحيه بالتصرف
والحسم كالاغلاق او الاغراق فى حالة الفيسبووك وتوابعه فى الاول وفى حالة التلفون والرسائل للتانيه
اما الخيار الاخر
فهو عجز الضحية وصدمتها التى تمنعها التصرف الذى يحميها ويعيد لها توازنها وفى الحالة دى لابد من ان اعرف
سواء بملاحظتي الدقيقه لاحوال الضحية او الاخبار المباشرة
وفى هذة الحالة تصرفان كلاهما بعد التحرى وجمع الادلة القطعية والاخبارية عن الجانى وموقعه ونموزج لسخافاته
التصرف الاول هو السحل والقطع من خلاف والباقية تبقى ولو على جثتى فانا شهيد العرض
او ابلاغ الشرطه دا لو عندك ضهر وزول قرن لانو بحسم ليك الامور سريع .. سريع
ولو كل راجل ود رجال بى يتابع احوال رعاياهـ مثل ذلك ما كان تجراأ ذئب بشرى على هتك عرض او اغتصاب طفل برئ
رمضانك كريم وتقبل الله
:
:
:
مع التحيات لله الزاكيات

Quote: الاخ ذو اليد ..... التحية ليك و رمضان كريم ..الموضوع مطروح للنقاش و هذا دلوي : في هذا الموضوع ... الفيس سلاح ذو حدين يجب ان نتعامل معه علي أساس نحن امام مو قع إجتماعي نتناول فيه الأفكار و الآراء التي قد تفيدنا مستقبلاً في الحياة و في هذه الحالة نكون قد حققنا أحد اهم إيجابيات الفيس ... مثلا انا شخصياً إقترحت لأحد أصدقائي شخصية و قبل صداقتها و تطورت علاقاتهم من خلال أسرتيهما ,, الحصل يا ذو اليد أنه العلاقة سارت علي قدم و ساق و وصلت مرحلة خطوبة و انتهت بالزواج و كنت الشاهد الأول علي عقد الزواج و تمت دعوتي بصورة أساسية و قبلت الدعوة و تكبدت مشاق السفر لمدة 8 ساعات متواصلة من الخرطوم إلي الأبيض و تم الزواج و الحمد لله .... سألت العرسان يا شباب كيف تفسروا هذه الظاهرة و انتما سعيدين بهذا الزواج ؟ فكانت الإجابة من الطرفين نعم ..و الآ ن العرسان في امن الله و في إنتظار الخبر السعيد ... و قد تم إختيار الإسم مسبقاً علي أن يكون معاذ ... هذه حالة إيجابية في تقديري ... و هناك الكثير من المواقف الغير صحية ... إبنك أو أختك أو حتي زوجتك تتعرض لمواقف مزعجة و أمام ناظرك و تكون محرج بالجد تقوم تناقش أحدهم بهدوء شديد عاي أساس انه الفيس أداة تواصل يجب إستخدامها بحذر وهكذا ... لكن بالطبع لا يمكن القبول بأي تعليق كالغزل السخيف مثلاً .

Quote: Mohamed Hassen Abdallah · متابعة · الأكثر تعليقا · Gamal Abdel Nasser High School Khartoum Quote: (الاخ ذواليد سلامات اعتقد ان الاكثر اهمية الان هو اسقاط النظام الظالم الذي يحكم السودان (باسم الدين) والذي هوى بالسودان في هوة سحيقة ا ماالفيس فهو قضية شخصية يستطيع اى فرد حماية نفسه واسرته ولكن من الذي يحمي الشعب السوداني ؟؟ تقديري) كلام زي السٌكر يا دكتورة ماعندك موضوع نهائي يا ذو اليد ....... ارحمنا ياااخي ...

Quote: اعتقد ان الاكثر اهمية الان هو اسقاط النظام الظالم الذي يحكم السودان (باسم الدين)

(عدل بواسطة Barakat Alsharif on 08-26-2013, 06:35 AM)

Quote: اختنا دكتورة ماجدة تحياتنا لو طبقنا اعتقادك هذا على بوستات سودانيز اون لاين ..نص مصر حتبات في الشوارع ...او كما قال عادل امام

Quote: ناس سودانيز والله انتو ناس فشوش وبطيخ على قول تراجى الزول طرح موضوع معين شن دخل الحكومة والكيزان فى موضوعه ... الدكاتره ديل مشاترين كدى ليه ..ايه الارف دا