|
|
|
 Re: لننجز حزبنا يا هؤلاء (Re: اساسي)
|
عروة ( حبيب الكل)
الزول زاتو ( بكري)
مصعب عثمان بتاع الفيس بوك سابقا ^_^
محمد عمر الفكي
واصل علي
حبيب نورة
طارق جبريل
صلاح عبد الله
خليل
احمد التجاني
حيدر الزين
وهبة
المسلمي (اخوان)
رضا
مصدق مصطفي
ابو الحسين
يتبع ...
| |
  
|
|
|
|
|
|
|
|
Re: لننجز حزبنا يا هؤلاء (Re: اساسي)
|
جنابو عمر عثمان
عاطف عمر
حمد عبد الغفار
اسماعيل عباس
ايمن محمود
انقابو
سامي عبد المطلب
احمد موسى
امير طمبل
مجدي عبد الرحيم
صديق رحمة
عمران
يتبع ....
| |
|
|
|
|
|
|
|
|
|
Re: لننجز حزبنا يا هؤلاء (Re: اساسي)
|
أساسي سلام و تحية
أعتقد الكلام ده ممكن يكون أنجح كمبادرة وليكن أسمها مثلا السودان أولا( على وزن الأردن أولا) وممكن صياغة أهداف بطريقة أفضل من إنه يكون حزب مصيرو ما معروف لغياب إيدلوجية واضحة ، والمبادرة بتسمح للجميع بالإنضواء تحتها (المنتمين لأحزاب وغير المنتمين) وكده الماعون بيكون أكبر
وجود المنتمين لأحزاب حيساعد في التأثير على أحزابم وأعتقد ده المطلوب ولا رأيك شنو؟؟
بالجنبة موش كان أحسن تخلي الدعوة عامة؟؟
تحياتي
| |
|
|
|
|
|
|
|
|
|
Re: لننجز حزبنا يا هؤلاء (Re: Musab Osman Alhassan)
|
الاخ مصعب
تحية وتقدير
والله الفكرة في انه يكون حاجة جامعة لكل ابناء السودان , مسألة الحزب هو سهولة الوصول الي مراكز القرار , مفروض يكون عندنا الطموح دا بعد كدا , المبادرات عادة بتاخد ليها صيحة وتهجد بعدها . لكن برضو ينظر في المسألة من الجميع ويفاد منهم
اهو الواحد قال يجدع حجر في البركة الساكنة عل وعسى الحوار يقود الي نتائج فعالة
الدعوة المخصصة فيها الزام بانه يقول رايه علي الاقل , وغالبا لو خليت الدعوة عامة ممكن البوست يحتل باقي اليوم في الصفحة العاشرة
فانا بحاول احشد اكبر عدد من العضوية الفي المنبر هنا بالاسم لتقول رأيها وبنحاول قدر المستطاع انه الدعوة تصل للجميع
| |
|
|
|
|
|
|
|
|
|
Re: لننجز حزبنا يا هؤلاء (Re: اساسي)
|
كيف؟
دا سؤال المليون
ـــــــــــــــــــــ
يا ود البشري دا اسهل سؤال ,
الاجابة انه نصل الي مراكز اتخاذ القرار باهداف واضحة جدا وهي بترتكز علي خدمة انسان السودان
عشان نصل الي مراكز اتخاذ القرار لابد ان ندخل عبر البوابات الطبيعية البيدخلوا بيها الناس العندهم اهداف
واعتقد اننا مشتركين في هدف سامي جدا وهو رفعة السودان وانتشاله من ما يحصل فيه الان وبعدها بالنقاش بنصل لكافة اهدافنا
| |
|
|
|
|
|
|
|
|
|
Re: لننجز حزبنا يا هؤلاء (Re: اساسي)
|
وعشان نكون عمليين شوية لازم نضع برنامج واضح وخارطة طريق للخروج من الحالة الراهنة في البلاد
ـــــــــــــ
يدنا علي كتفك يا حيدر نبدأ ننظر كلنا لبرامجنا واهدافنا وخارطة طريقنا وقول بسم الله
| |
|
|
|
|
|
|
|
|
|
Re: لننجز حزبنا يا هؤلاء (Re: أيمن محمود)
|
الرسالة : سودان متنوع معافى
الرؤية : نطمح لبناء دولة قوية متصالحة مع نفسها منفتحة على العالم
الأهداف: -وقف حمام الدم والقتال فورا.
- إغاثة المتضررين من العمليات العسكرية في مناطق الحرب.
-البدء فورا بحملات تعبئة عامة لحث الأطراف السياسية على نبذ الخلافات والجلوس للتحاور.
-العمل على حل الخلافات القبلية وتعزيز العيش المشترك.
-بدء حملات وطنية تطوعية لإصلاح حال التعليم والصحة.
- حث التجار بكل السبل على الشراكة المجتمعيةز
ده أقتراح( من طرف الدولاب) :)
| |
|
|
|
|
|
|
|
|
|
Re: لننجز حزبنا يا هؤلاء (Re: عمر الفاروق عبد الله الشيخ)
|
ندعم ونساند الفكرة لانها ضرورة و واجب
واساند الفكرة القائلة بان تكون مبادرة وليست حزبا
العمل الرسمي يعيق الحركة ولا يساعدها
لو وجدت الفكرة القبول وهذا امر مؤكد
اتمنى ان يتم التنسيق مع كل تنظيمات الشباب وحتى شباب الاحزاب و الجماعات
لضمهم تحت مسمى واحد غير جهوي او حزبي مسمى يشمل كل من يريد تغيير الواقع الحالي سواءً كان حزبيا او غير حزبي
بشرط ان يكون الولا ء اولا لاهداف الحركة وغاياتها قبل الولاء للاحزاب
فالاحزاب اثبتت عدم جديتها في التغيير
| |
|
|
|
|
|
|
|
|
|
Re: لننجز حزبنا يا هؤلاء (Re: Musab Osman Alhassan)
|
شكراً يا اساسي على الدعوة
من قام بما حدث بمصر ليس معارضي نظام مبارك بل مجموعة من الشباب سواء اتفقت معهم او اختلفت. والذين يتحركون الان للاطاحة بمرسي هم مجموعة من الشباب برضو "تمرد" ولو انحاز اليهم الجيش والشرطة فهو انحياز اجباري لعدم تمكنه من مواجهة غالبية شعبه.
النظام القائم في السودان لا يختلف اثنان على سوء ادارته للبلاد وانتشار الفساد في عهده ولكن قيادات المعارضة التي راينا مشهدا من تخاذلها بالامس لا تنبئ باي بارقة امل في المستقبل المنظور.
ليت الدعوة تكون عامة اخ السماني
تحياتي
| |
|
|
|
|
|
|
|
|
|
Re: لننجز حزبنا يا هؤلاء (Re: اساسي)
|
اساسي الاساسي واصدقائه ومريديه ( من بين مريديه ديل أنا شخصيا )
تحية طيبة ...
لا شك ان الاوعية الحزبية الحالية تضيق عن ان تستوعب كل الشباب السوداني ؛ ومن هنا فإن اي دعوة للتنظيم هي دعوة ايجابية ؛
ولكن من ناحية اخرى خلق الاحزاب الى ما لا نهاية هو ايضا منهج غير سليم ؛ ويؤدي لتشظي العمل السياسي
هل حقيقة لا يوجد حزب يعبر عنكم ؟؟
ماذا عن حزب الوسط الاسلامي ؟
ماذا عن حزب تجمع الوسط ؟
ماذا عن الحركة الاتحادية ؟
ماذا عن حزب الحقيقة الفيدرالي ؟
ماذا عن حزب اللواء الابيض؟
ماذا عن حزب المؤتمر السوداني ؟
ماذا عن حركة حق ؟
واذا كل هؤلاء يعجبوكم ؛ فأبواب الحزب الديمقراطي الليبرالي مفتوحة دائما لكم ولافكاركم ومبادراتكم
فهو حزب سودانوي ؛ وحزب شباب ؛ وحزب برامج ؛ وحزب يمارس الشفافية كأعلى ما تكون (وجه ضاحك واستقطاب جماعي)
إما ان رأيتم ان كل هذه الاحزاب لا تصلح
وقررتم تكوين حزبكم الخاص؛ فسندعمكم بكل ما نملك من امكانيات
لأننا نؤمن بالشباب؛ وبالتعددية
لكم/ن الود
| |
|
|
|
|
|
|
|
|
 Re: لننجز حزبنا يا هؤلاء (Re: Abdel Aati)
|
العضوات الفي المنبر ( جـت ) عليهم غير الملتزمات باحزاب
سلام يا اساسي , عفوا الإقتباس حرن وابى يشتغل ,, جيت شايلة بقجتي وقلت اقول ليك زي ما قال احد الأخوان كنت تخلي الدعوة عامة
لكن لقيت ضالتي في الفقرة الكتبتها فوق دي، وفعلا اختك تعارض النظام جملة وتفصيلا ـ وضد العنف والحروب وضد المعارضة التي تنادي بالتشققات والمليشيات
كفانا حروب ودمار ، ايضا لا انتمي لأي حزب ، بل انتمي للشارع السوداني الواحد دون اي جهوية ولا حزبية ولا رمادي والحمد لل
يلا معاك من أجل سودان واحد موحد تحت راية السلام والحرية والديموقراطية وبدون جهوية
اتفق معك في كل ما ذكرت ,, يا ريت يتكاتف الجميع من اجل وطن حدادي مدادي ، واليد الواحدة ما بتصفق
سلام لك ولزوارك الكرام
لو أمكن البوست ده انقلوا قبل ما يتأرشف
| |
|
|
|
|
|
|
|
|
|
Re: لننجز حزبنا يا هؤلاء (Re: omer osman)
|
(Mohamed Abdelrahman · University Of Khartoum
بالغت في المسلمي أخوان وفرانكلي, باقي ليك توجه دعوة لود الباوقة بالطريقة دي
رد · أعجبني · متابعة المنشور · منذ 34 دقيقة)
-
وجهة نظر محل تقدير
| |
|
|
|
|
|
|
|
|
|
Re: لننجز حزبنا يا هؤلاء (Re: اساسي)
|
((((اما آن الوقت لنقول كلمتنا في المشهد السوداني وناتي بفعلا ناجزا . فنحن سواد اعظم من ابناء السودان وشبابه ورجاله الذين لم نجد في الحكومة القائمة ولا المعارضة ما يمثل طموحنا ولا اشواقنا لهذا السودان ولا تمثلانا بل لدينا عليهم مآخذ كبيرة جدا علي حد السواء .
حزبا ايدلوجيته الوحيدة هي السودان وانسانه , حزب برنامجه خدمة شعبنا والعمل علي تقدمه وريادته وقبل ذلك انتشاله من رحي الوضع القائم الان .
حزب يؤمن بان الوقت هو وقت الشباب ليقول كلمته ويفرض سياسته فقد مللنا من ترهات السابقين .
حزبنا نسيق اهدافه وبرامجه ومنهاجه في الهواء الطلق فكل شيئ واضح لدينا , وكل افراده منظرين له
حزبا هويته الوحيدة هي السوداناوية )))انتهى الاقتباس
قلت لا عاجبك البنا ولا البعجن في الطين
سبحان الله وده (اساسي) في 2013
والله فعلا
الناس القصار الطالو..وادرك الوعي في الكبر....
خلاص قبل الحزب
نعمل حركة ااول حاجة
اسما
لا صحينا عاجبنا الصباح
لا نمنا غتانا العشم
....
ذاكر في اتفاقية نيفاشا
ودستور 2005
نحن ما مشكلتنا الحكم الرشيد وحلتو اتفاقية نيفاشا ويوجد مواد دستورية تضبط من رئيس الجمهورية لحدي الوالي مروروا بالمحكمة الدستورية العليا
مشكلة الحاكم والمعارض الراشد والمحترم والمتجرد والذكي والمتواضع
وحزب المؤتمر الوطني +الشعبي + الامة+الشيوعي= ملة واحدة النخبة السودانية ادمان الفشل
| |
|
|
|
|
|
|
|
|
|
Re: لننجز حزبنا يا هؤلاء (Re: مرتضى احمد عبد القادر)
|
اساسي سلام ولك ولضيوفك الكرام :
بالطبع ساكون سعيد جداً لو ان الناس تنظموا في تنظيم سياسي مهما كان وحددو اهدافهم التي يمكن ان يحاسبهم عليها الناس وان يتحاسبو هم فيما بينهم من اجل انجاز هذه الاهداف .......ولا اوفق بالطبع علي حزب كل همه التميز عن الاخرين .......بتقديري هناك نقطة مهمة يجب ان تكون الاحزاب صريحة في قولها ويجب ان توضح للناس عامة مفادها ان الاحزاب لم تنجز ثورتي اكتوبر ولا ابريل ولا حتي الاستقلال من الانجليز او الاتراك ... ولن تنجز منفردة الثورة القادمة ....ومثل هذه الطرح وراءه قوى سياسية ذات مصلحة في بقاء النظام ، فالنظام نفسه يصور لعامة الناس ان معركته مع احزاب الايه والايه لا لانه لا يدرك عداوته مع الشعب ولكنه يريد ان يبعد الساسة من العملية السياسية وبالتالي ينفرد هو بالضحك علي الناس وقمعهم فالنظام نظام سياسي واقتلاعه هو اشواق سياسية وعمل سياسي بالدرجة الاولي وليس نزهة او طيش شبابي ..هذه حقيقة صريحة واضحة الاحزاب فقط تعبر عن مواقفها السياسية وتدعم وتحرض الجماهير علي الثورة ....كما انها تشارك ويجب ان تكون رائدة وطليعية في قيادة التغير ......ولكنها ليس الوحيدة التي انجزت او ستنجز التغير .
من اعترف بسوء النظام ويود كنسه وازاحته ، فان فاتحة الحل هو العمل علي اسقاط هذا النظام ومن ثم فان فكرة البديل هي الفكرة التي تنبع من الملاين الهادرة والتي تحدد سقف مطالبها بنفسها ......من الجائز والصحي ان نكون لدينا وجهة نظرنا المتباينة عن الافكار المطروحة في الشارع السياسي .....هذه شي صحي وايجابي واعتقد ان الانسان الايجابي هو الذي يحدد وجهة نظره السياسية منها وفيها ولكنه في حالة الرفض عليه ان يبحث عن بديل ولذلك لا اعارض هذه الفكرة وان كنت لدي تفحظات علي الكثير من الشخصوص الذين تخللتهم هذه المبادرة باعتبار ان وجهة نظرهم حول رحيل النظام ضبابية او سلبية .....هذا الموقف ليس لانهم ضد المعارضة كما يتوهمون ويسوقون ......ولكنهم يخدمون النظام ويخدمون بقاءه .......وخدمة النظام كما اسلفت هي تاتي اولاً في صورة تغبيش والوعي وتحويل معركة الشعب كامله الي معركة مع عدو وهمي اسمه الاحزاب السياسية ......اتفهم جيداً موقف البعض ضد الاحزاب وضد المعارضة وضد الحكومة وبينما ساحة هذا النزال هي صناديق الاقتراع ...وميادين العمل السياسي من ندوات وسمنارات وصحافة حرة ....وهذه كلها قضايا ملحة وحضورها حيوي في العملية السياسية ......بل هي نفسها تشكل قضية نضال اساسية ........ان تحددت الملامح السياسية لهذا الكيان باطبع ستفتح الحورات واتمني ان تتسع الافئدة لها ......
| |
|
|
|
|
|
|
|
|
|
Re: لننجز حزبنا يا هؤلاء (Re: ibrahim alnimma)
|
مشكور يا أساسي
انا شخصيا مع كل من أقتنع إنه بيدعو صادقا لرفعة البلد
بس هل التكوين الجديد دا
حزب لتغيير الوضع الحالي (وحتى القديم) عبر العمل السياسي المنظم واستلام السلطة؟
ولا جماعة ضغط بعيدة عن مراكز صنع القرار تعمل وسط الجماهير وبالتالي تعبئتها للوقوف في وجه الحكومات وإجبارها على تغيير سياساتها لصالح الشعب؟
| |
|
|
|
|
|
|
|
|
|
Re: لننجز حزبنا يا هؤلاء (Re: حمد عبد الغفار عمر)
|
لا يوجد عمل وطني فاعل علي المستوى العام يتم بصورة فردية ..
وبالتالي كل الذين لا ينتمون لتنظيمات سياسية هم بشكل أو بآخر عاطلون وطنيا ..
كثيرا ما خاطبت الناس هنا أن يبدعوا اوعيتهم وآلياتهم وأجسامهم التي يستطيعون من خلالها ممارسة العمل الوطني ..
وأرى هذه الدعوة ضمن هذا الاطار ..
لا تكن خاملا وعاطلا في حضرة الوطن آ زول ..
بادر بالتنظيم, وقم بمسؤولياتك الوطنية ..
| |
|
|
|
|
|
|
|
|
|
Re: لننجز حزبنا يا هؤلاء (Re: محمد حيدر المشرف)
|
اساسي ....ياخ البلد ماداير حزب تاني , داير ناس وطنيين خُلّص
الذكرتهم ديل كلهم هم كذلك وغيرهم , مفروض يتواثقوا عل مشروع وطني
من خلال جبهة وطنية تعمل على رتق النسيج الاجتماعي والسياسي وإحداث إصلاح إقتصادي
تحارب الفساد وتكافح من اجل الحريات ومبادي الدعل والمساواة
جبهة ...افضل من حزب .... دي رايي في القضية على قول عادل امام
بعدين ياخ ...تختني تحت أبوحسين وتحت (يتبع) ..؟!
| |
|
|
|
|
|
|
|
|
|
Re: لننجز حزبنا يا هؤلاء (Re: حاتم الياس)
|
قبل أكثر من عشر أعوام مضت أذكر أن عثمان ميرغني الكاتب الصحفي وقتها بجريدة السوداني (أو ربما الرأي العام), قد دعا و ثابر من أجل كيان مماثل
و قطع شوطاً في تنظيم ندوات أو تجمعات لذاك الكيان الشبابي المحايد
لكن طبعاً تمت مضايقته من قبل الحكومة و لهذا - قد يكون لأسباب أخرى - ماتت الفكرة و الكيان حديث الولادة!
...
الفكرة جميلة و لكن الشيطان في التفاصيل...
| |
|
|
|
|
|
|
|
|
|
Re: لننجز حزبنا يا هؤلاء (Re: حاتم الياس)
|
يا أساسي :
إنت عايز تتونس ..صـــــــاح؟
ياخ حزب شنو في الحــــــر ده ..
والأهم من كده الشخصيات اللي إنت جيت لميتا دي أفكارا ما واحدة..
بديت صاح وختيت ليك ناس تفكيرهم ومشاعيرهم يا قول اللمبي متشابهة ..
أها بعد داك بقيت تعوس الابري بي الحلو مر وكل ما تجيك رغبة إنو تزيد عدد المتداخلين ترقع ليك إسم زول ..
الناس دي كده ما بتتلم وحزبك ده ح يبقا كلو إنقسامات وشكل..من نوع اها نجيب منو في الندوة ديك ؟؟ لالالا هناي داك ما تجيبوهو ..هناية ديك ما عايزنها..
وبعد شوية تدخل في انت ما جيتني في عرس بت خالتي وانتي ما جيتيني في طهور ود أخوي..
كنت عايز اتعامل مع الموضوع جادي لو إنت أحسنت تنقيح اللستة ..
لكن بي الردم بتاعك بتاع الاسماء الساي ده عرفتك زول ونسة ساي..
وعليييك الله ما تقول لي نحن حزب شامل نحتوي الجميع..
تخريمة :
ياخ حزبك ده ذكرني مستشفيات السعودية (الرسالة - الرؤية - الأهداف. )
| |
|
|
|
|
|
|
|
|
|
Re: لننجز حزبنا يا هؤلاء (Re: حاتم الياس)
|
بسم الله الرحمن الرحيم
اساسى الاساسى
من خارج القائمة
معك قلباً وقالباً
حيث ان الفكرة
جالت بخاطرى قبلاً
وناقشتها مع مجموعة
من الاصدقاء ..
ابقى عشرة على البوست
ارتيقا
| |
|
|
|
|
|
|
|
|
|
Re: لننجز حزبنا يا هؤلاء (Re: حاتم الياس)
|
مندهش ان اساسي من ضمن الشباب والاكثر دهشة خاتي نفسوا مع ناس مرتضى
مورتا بكل قوة عين ياراجل اختشي .... وفوق دا كله اساسي من يقترح مخرج لازمتنا
وهو احد ازمات بلادنا بحيث انه حتى تاريخ اللحظة غير مدرك لموقفه اين ؟؟؟
.............................................................................................حجر.
| |
|
|
|
|
|
|
|
|
|
Re: لننجز حزبنا يا هؤلاء (Re: ibrahim alnimma)
|
التحية لاساسي وزوار البوست
Quote: العضوات الفي المنبر ( جـت ) عليهم غير الملتزمات باحزاب
سلام يا اساسي , عفوا الإقتباس حرن وابى يشتغل ,, جيت شايلة بقجتي وقلت اقول ليك زي ما قال احد الأخوان كنت تخلي الدعوة عامة
لكن لقيت ضالتي في الفقرة الكتبتها فوق دي، وفعلا اختك تعارض النظام جملة وتفصيلا ـ وضد العنف والحروب وضد المعارضة التي تنادي بالتشققات والمليشيات
كفانا حروب ودمار ، ايضا لا انتمي لأي حزب ، بل انتمي للشارع السوداني الواحد دون اي جهوية ولا حزبية ولا رمادي والحمد لل
يلا معاك من أجل سودان واحد موحد تحت راية السلام والحرية والديموقراطية وبدون جهوية
اتفق معك في كل ما ذكرت ,, يا ريت يتكاتف الجميع من اجل وطن حدادي مدادي ، واليد الواحدة ما بتصفق
سلام لك ولزوارك الكرام
لو أمكن البوست ده انقلوا قبل ما يتأرشف |
والتحية لبت الجنيد
التي اصبحت اولهن وشاعرتكم جميعا
| |
|
|
|
|
|
|
|
|
|
Re: لننجز حزبنا يا هؤلاء (Re: Yassir Tayfour)
|
رغم انني لست ممن وُجهت لهم الدعوة.(لست ممن ذكر اسمهم في هؤلاء)..إلا ان فكرة البوست دفعتني لابداء رأي في هذا الامر
وآمل ان يغفر لي صاحب البوست تطفلي
اتفق كثيرا مع الاخ عادل عبد العاطي في طرحه....إلا لو كان كيان (اساسي) الجديد يختلف جوهريا عن الاطار و المبدأ الذي نشأت عليه الاحزاب في السودان
كل الاحزاب تكتب (كلاما) نظريا ممتازا عن اهداف الحزب و رؤيته وبرامجه......الخ
ولكن الممارسة الفعلية (للعبة) الديمقراطية في كل الاحزاب تصيبك بالغثيان
في رأي الشخصي
حتى لو نجحت في ايجاد حزب تطابق (نظرياته) ..افعاله...ستصدم بواقع مرير لافتته الكبرى تقول ان (السودان دولة فاشلة)...
ليس الفشل مبعثه فساد الانقاذ...او ديكتاتورية نميري او سلبية و جهل الطائفية...او تهاون القوى الحديثة..او الاستعمار ..فقط ...بل كل ذلك مجتمعا ..واضف إليه القبلية و الجهوية...
Therefore مالم يقم اي نظام جديد على اساس متين من الاقرار بفشل الدولة السودانية، ووضع عقد اجتماعي جديد يحفظ لكل قطاع حقه (القطاع المنتج ..بلا خدمات تذكر.....والقطاع المستهلك)...فسيظل اي كيان جديد هو استمرار لما هو قائم من كيانات ..واجترار لمسببات الفشل تحت مسمى جديد
| |
|
|
|
|
|
|
|
|
|
Re: لننجز حزبنا يا هؤلاء (Re: Deng)
|
شكرا اخي اساسي على الدعوة
بتفق مع كل ما جاء في حديثك والذي يؤطر لان يكون الحزب سوداني الملامح والتطلعات
يستوعب الجميع
ويرفض التعصب لراي او معتقد معين
اراهن على وعي الشباب السوداني ومقدرته على قيادة البلاد نحو الاهداف المنشودة
كما افقد الثقة في الحكومة والمعارضة في تقديم اي حل للمشكل السوداني
اخي دينق
اخونا اساسي قال
| Quote: حزبا هويته الوحيدة هي السوداناوية |
والسوداناوية تشمل كل السودانيين من اقصى اليمين لاقصى اليسار
فالكوز والشيوعي وحزب الامة والاتحادي والبعثي والناصري والمستقل والمحايد .... الخ كلهم يجمعهم السودان
| |
|
|
|
|
|
|
|
|
 Re: لننجز حزبنا يا هؤلاء (Re: طلحة عبدالله)
|
Quote:
والتحية لبت الجنيد
التي اصبحت اولهن وشاعرتكم جميعا |
والتحية لك مطبوقة أخي عمر صديق ورمضان كريم عليكم مقدما إن شاء الله
تصوموا وتفطروا على خير
نسأل الله ان يجعله شهر خير وبركة ،
شكرا لكماتك الطيبة
| |
|
|
|
|
|
|
|
|
|
Re: لننجز حزبنا يا هؤلاء (Re: طلحة عبدالله)
|
| Quote: لننجز حزبنا يا هؤلاء |
الحمداالله لقينا لينا بوست نتسلى بيه في هذا الربع من المنبر...
اول شيء طور وعيك السياسي يا اساسي واتكلم عن الاحزاب
واوابدا بي كتاب منصور خالد تكاثر الزعازع وتناقص الاوتاد-فقط عشان تعرف ان مشكلة كيف يحكم السودان دي حلتا نيفاشا من 2005 لكن نحن لسه في من يحكم السودان من اهل المركز المكرورين
يوجد في السودان اكثر من 76 حزب وفقا للمفوضية العليا للانتخابات منذ 2010
وما تغشك نجوميتك الزائفة في البورد دي
انت عنصري
لا تحترم السودان ولا حضارة السودان ولا شعوب السودان الاصل
لكن اذا عايز ترجع الاتحادي الديموقراطي الاصل
بقبلوك
لكن بعد يغسلوك ستة مرات والسابعة بالتراب
لانك بتتطاول عليهم دون كتبا او وليا مرشدا في البورد ده سنين...لمن كانت عاجباك الانقاذ التي ضل سعيها في الحياة الدنيا...
...
واسوا حاجة النفاق المتناسل في البوست ده...كالمعتاد....ووعي الشللة والقطيع ليه اثر
| |
|
|
|
|
|
|
|
|
|
Re: لننجز حزبنا يا هؤلاء (Re: adil amin)
|
كويس انو البوست ده لو ما طلع بحزب
حا يطلع ليك بكل اعداء الدمقراطية الحقيقين .. من يعتقدون انهم فقط الاوصياء على هذا الشعب ويحددون خياراته
فلان يكون سواق .ز وفلان يكون سياسي
وفلان ودب ابرك
| |
|
|
|
|
|
|
|
|
|
Re: لننجز حزبنا يا هؤلاء (Re: adil amin)
|
السلام عليكم
هههههههههه Quote:
اسوا حاجة النفاق المتناسل في البوست ده...كالمعتاد....ووعي الشللة والقطيع ليه اثر
|
وأسوأ من كدا يا مواطن هو تذويق العبارات وحشد الكلام بالمحسنات البديعية للنيل من الآخر
إستحقارا وسوء كيل لمجرد المزاجية وإظهار العضلات .. ودا لا يستعصي على كيبورد .
تناسل وقطيع ؟؟؟؟؟
والله ياللخو ما فاضل ليك إلا تقول أبقار الجبال البرية ..
الله يسامحك يا زول .
يتبع .....
| |
|
|
|
|
|
|
|
|
|
Re: لننجز حزبنا يا هؤلاء (Re: طلحة عبدالله)
|
طبعا يا اساسي
حينما بدات الثورة التونسية والمصرية من دعوات كهذه
قيل عليها مثل الذي يقال الان في هذا البوست من اشباه احمد شفيق عذا المنبر
من عدم وعي سياسي وما ادراكما..
| |
|
|
|
|
|
|
|
|
 Re: لننجز حزبنا يا هؤلاء (Re: حيدر حسن ميرغني)
|
الشكر كله لك أخي السماني على هذه الدعوة الكريمة
حقيقة منذ سنوات خلت أبحث عن كيان سياسي يرضي ضموحاتي ويلبي تطلعاتي
أتمنى أن تكون هذه المبادرة نواة لكيان يطرح برنامج وطني يكون له ما بعده
في قيادة السودان إلى بر الأمان ..
حقيقة بالاضافة الى القائمة التي كرها اساسي هناك كثيرون يحملون نفس الأفكار
والهموم والتطلعات .. سينضمون إذا ما علا صوتنا وأسمعهم
تحياتي للجيع
إلى حين عودة
| |
|
|
|
|
|
|
|
|
|
Re: لننجز حزبنا يا هؤلاء (Re: حاتم الياس)
|
البوست ده بوري انو عدد كبير جدا من الناس لا منتمين بمايؤكد انو المطروح غير مقنع للعدد الكبيرده
والبرة اليورد شكلهم اكبر ..لكن السؤال زي ماقال عمر الفاروق اخوي : هل الناس دي على قلب رجل واحد
الحزب ده لازم الناس تلف حول رؤيته وبرنامجه في التشريع والاقتصاد والعلاقات الخارجية الامن وغيره
هل نحن متفقين على رؤية موحدة ؟؟ الواضح والمؤكد ان لا ... طيب نحن متفقين على شنو ..؟!!!
متفقي على ان الحاصل ده ماعاجبنا ...طيب نغيره ؟ ولا نصلحه ؟ ...
نغيره معناها نصطف مع الجبهة الثورية وتحالف المعارضة لاسقاط النظام ...
نصلحه معناها نحن اصلاحيين ...سائحون وطنيون او شعبيون او شيوعيون
لا ديل زاتهم ماعاجبننا معناها نخلق آلياتنا الجديدة لتغيير النظام زينا زي قرفنا او تمرد في مصر
اها نحن دايرين شنو ؟؟ عشان مانكون دايرين نعمل حزب بعده نفكر في الخطوة التانية ...
| |
|
|
|
|
|
|
|
|
|
Re: لننجز حزبنا يا هؤلاء (Re: Ahmed musa)
|
بعد إذن المؤسس :) ننتقل لمرحلة الأهداف, وكما ورد في منفستو التأسيس Quote: حزبنا نسيق اهدافه وبرامجه ومنهاجه في الهواء الطلق فكل شيئ واضح لدينا , وكل افراده منظرين له
حزبا هويته الوحيدة هي السوداناوية |
فا انا عايز أسيق :) جزء من الأهداف - للدقة اقترح للزملاء
بداية اتحفّظ حاليا على التسمية هل هي حزب أم مبادرة أم حركة ام غيرها مع تطور النقاش سيتم الإتفاق على الشكل التنظيمي
لذا لنتحدث حاليا عن "كيان"
الأهداف بعيدة المدى هي ببساطة تحقيق مجتمع المدينة الفاضلة, مساواة وتطور و رخاء و حقوق مكفولة للجميع و حكومة تخدم فعلا لا قولا
الأهداف العاجلة و التي يجب العمل عليها حاليا برضو تتلخص ببساطة في عبارة بسيطة: معالجة أزمات البلد
ازماتنا كثيرة لكن افدحها هي الحروب و عدم العدالة و عدم سيادة القانون
فاأهم هدف في رأيي هو السلام, وهذا ليس خيارا بل امر واجب ولابد منه بدون السلام الحقيقي لن تقوم للبلد قائمة وستواصل سقوطها إلى ما شاء الله
السلام يحتاج عدالة, عدالة حقيقية يحسها المرء لا يقرأها و يسمع عنها سمع
و العدالة لتتحقق تحتاج قانون قوي يساوي بين الجميع و يحفظ للجميع حقوقهم
نواصل
| |
|
|
|
|
|
|
|
|
|
Re: لننجز حزبنا يا هؤلاء (Re: محمد البشرى الخضر)
|
في الصفحة الأولي من البوست ده انا قلت (الفكرة جيدة والخيوط مبعثرة)
افتكر ودالبشرى بدا يلم في الخيوط دي بالمداخلة المقتبسة ادناه واصل ياعمك ......
بعدين ياجماعة ابعدو لينا من الكلام الكبار كبار اكتبو بلغة بسيطة وعملية زي كلام اخونا ودالبشرى ده .....
Quote: الأهداف بعيدة المدى هي ببساطة تحقيق مجتمع المدينة الفاضلة, مساواة وتطور و رخاء و حقوق مكفولة للجميع و حكومة تخدم فعلا لا قولا
الأهداف العاجلة و التي يجب العمل عليها حاليا برضو تتلخص ببساطة في عبارة بسيطة: معالجة أزمات البلد
ازماتنا كثيرة لكن افدحها هي الحروب و عدم العدالة و عدم سيادة القانون
فاأهم هدف في رأيي هو السلام, وهذا ليس خيارا بل امر واجب ولابد منه بدون السلام الحقيقي لن تقوم للبلد قائمة وستواصل سقوطها إلى ما شاء الله
السلام يحتاج عدالة, عدالة حقيقية يحسها المرء لا يقرأها و يسمع عنها سمع
و العدالة لتتحقق تحتاج قانون قوي يساوي بين الجميع و يحفظ للجميع حقوقهم |
| |
|
|
|
|
|
|
|
|
|
Re: لننجز حزبنا يا هؤلاء (Re: محمد حمزة الحسين)
|
نسبة لانشغالي الشديد هذه اليومين فلا استطيع ان ادلو بدلوي بكل نزاهة خاصة واني لم اقرا كل المداخلات..
لكن من حيث المبدا لم لا..!!
موافق بدون اي شروط مسبقة * ما عدا ان يكون سياسي زعيـم او في منصب قيادي ...
لابد ان تُصعد القيادات من القاعدة والاوجه الشابة وضخ دماء جديدة ..
كما اؤيد تولى المراة لقيادة الحزب بنص دستوري.. :)
* كما ولابد يتضمن الدستور ان يكون المسترشح لاي منصب قيادي شهادة سكن وحسن سير وسلوك وشجرة عائلية وشهادة خلو طرف من باسوورد منبر بكري ..
بالاضافة لعدد اتنين شهود عدول من رعاة الضان في الخلاء..
وشهادة " ابراء ذمة " مصدقة من الجهاز العام للامن والمخابرات بعدم الانتماء او العمل فيه في اي وقت او تايم..
| |
|
|
|
|
|
|
|
|
|
Re: لننجز حزبنا يا هؤلاء (Re: حمد عبد الغفار عمر)
|
يا شباب والله متابع بس اليوم كنت مشغول جدا ومعظم الوقت كنت بعيد من الكمبيوتر , لدي الكثير لاقوله باذن الله حول الامر والحديث حول بعض النقاط ومواصلة الدعوات
فصبرا جميلا والله المستعان
واصلوا الكلام لسع في بدايته
| |
|
|
|
|
|
|
|
|
|
Re: لننجز حزبنا يا هؤلاء (Re: اساسي)
|
يا اساسي
غايتو بعد شفتا لي اسم كم نفرات كدا في اللستة بتاعتك الفوق دي
شكلي كدا ح أتفق مع كلام أبو عمير الخاص بالحشو والمحشي ..
مع العلم أنو أنا ما قريت اللستة كله .. خليك جاد شوية ياخ .
| |
|
|
|
|
|
|
|
|
|
Re: لننجز حزبنا يا هؤلاء (Re: Frankly)
|
| Quote: العضوات الفي المنبر ( جـت ) عليهم غير الملتزمات باحزاب |
اساسي -صاحب المبادرة- عرف رصي اصحابوا واحد واحد بالاسم. و لما جاء دور العضوات ....قال لينا" "جت".
Quote: مشكور يا أساسي
انا شخصيا مع كل من أقتنع إنه بيدعو صادقا لرفعة البلد
بس هل التكوين الجديد دا
حزب لتغيير الوضع الحالي (وحتى القديم) عبر العمل السياسي المنظم واستلام السلطة؟
ولا جماعة ضغط بعيدة عن مراكز صنع القرار تعمل وسط الجماهير وبالتالي تعبئتها للوقوف في وجه الحكومات وإجبارها على تغيير سياساتها لصالح الشعب؟ |
انا بقول نفس كلام اخونا حمد عبد الغفار...من غير شكر اساسي فى المقدمة....طبعا.
________________________________________________
حزبكم ده ح يكون الجناح الثالث....الشعبى و الوطنى... و ده سموه البوردى.
| |
|
|
|
|
|
|
|
|
|
Re: لننجز حزبنا يا هؤلاء (Re: Kabar)
|
والله تعرف يا السماني _ بعد التحية _ الفكرة دي مش بسيطة وتبدو صعبة، لكنها ليست مستحيلة _ ودونك ما حدث في تجارب مجاورة . وما تمشي بعيد
سيبك من موضوع إنجاز حزب _ تعرف الصفحات التي تنجز في مواقع التواصل الإجتماعي أصبح لها أثراً كبيراً في الحراك والتفاعل _ والشاهد على ذلك
ما حدث في مصر عندما أنشأت صفحة ( كلنا خالد سعيد ) هذه الصفحة كان تأثيرها عظيماً في ثورة يناير _ وقِس على ذلك .
كدي خلينا نبدأ بي صفحة وبعد داك ممكن نطوّر الفكرة ونتحزّب إن شئنا .
على صعيدٍ آخر : مرحباً بكم في الحزب اللبرالي الذي بإمكانه أن يسع الجميع مهما كان حجم خلافهم :)
أبسط يا عم عادل :)
| |
|
|
|
|
|
|
|
|
|
Re: لننجز حزبنا يا هؤلاء (Re: حبيب نورة)
|
شكراً على الثقة يا ولدنا.. والشيرنق بتاع التأسيس دفعناه..
بس خلّي لي بالك من كلام عمر ده.. في ناس ساوينها ظاااااهرة ،، وأسمائهم في اللستة.
إلى جانب كلام عمر، كلام تلاتة تنفار وقفني، كلام عادل أمين العايز يسلّي صيامو، ورد حاتم الياس عليهو..
وكلام أحمد موسى، القال ليكم فيهو (لا عاصم لكم اليوم)..
| |
|
|
|
|
|
|
|
|
|
Re: لننجز حزبنا يا هؤلاء (Re: Salah Abdulla)
|
أساسي وضيوفه الكرام تحية وتقدير
أعتقد يا عزيزي أنه إقتراح المبادرة نجح بالتصويت( مع إنه أشك أنه معظم المصوتين قروا الإقتراح) لكن ده ما بعيب التصويت!!!!
نمشي خطوة لقدام ونعدل الأهداف والرسالة والرؤية بوجود المتخصصين بعد كده ولا الرأي شنو؟؟
لباقي المتداخلين أطلب منكم مشكورين التعديل على على الأهداف والرؤية والرسالة المذكورين في الصفحة الأولى بعد إذن أساسي طبعا :)
تحياتي
| |
|
|
|
|
|
|
|
|
|
Re: لننجز حزبنا يا هؤلاء (Re: محمد حمزة الحسين)
|
Quote: غايتو يا أساسى جيت اقول رايى فى الموضوع
لكن بعد قلبتا الصفحة التانية قلتا احسن اقول ليك البركة فيكم
إن لم يكن من يكتب باسم دينق شخص آخر غير دينق لماذا يصر دينق ان يحشر نفسه بيننا
حتى ونحنا عايزين نعمل حزب جديد نمرق بيهو لى بر الامان !!! يا دينق اختشى
سيروا وعين الله ترعاكم
:
:
:
:
مع التحيات لله الزاكيات
عدلت المشاركة لتوبـــيخ دينق |
ده اسمو وعي ((الكشة)) الذى كان يتجسد عملا مشنا تقوم به الشرطة السودانية منذ الاستقلال الذى لا ليته كان....
احتقار ناس الخرطوم لابناء جنوب السودان النازحين واستخدام الشريعة المزيفة لجلدهم وومطاردتهم في الشوارع.....هؤلاء هم ناس حزب اساسي الجديد والجمهورية العاصمة المثلثة التي لا تحترم مواطنيها-نسبة لطبيعة تكوينها عبر العصور واحسن نقيف هنا
رغم انه دينق جزء من هذا الفضاء ولا زال
ونحن لا زلنا سودنا اجمل وطن
ويحدد حدوده الهلال والمريخ والفرعون محمد وردي
وليس جريدة الانتباهة وصاحبها الذى غوى
| |
|
|
|
|
|
|
|
|
|
Re: لننجز حزبنا يا هؤلاء (Re: حاتم الياس)
|
| Quote: الأخ عادل امين ..فى بوست سابق وفى هذا البوست أدهشتنى كمية الغضب فى كتابتك وتلميحاتك الواضحة..هل هذه طريقة جديدة تعاقبنا بها لعدم اكتشافنا ان هنالك مفكر ومثقف عظيم بيننا |
يا حاتم الياس
انا لا اغضب ولا المح بس بعرف اساسي كويس..وهو عارف كده نحن قدام جدا هنا...وليس في الامر عداوة شخصية ابدا
وكلامي ده عادي جدا يا مترفين
قال سودانوية قال...اساسي عنصري وعنده سودان افتراضي ليس له وجود....
قائمة الشرف دي
لو قرت اتفاقية نيفاشا
والدستور المنبثق عنها
او اخر كتاب لمنصور خالد تكاثر الزعازع وتناقض الاوتاد
كانت عرفت العلة وين
وفعلا مافي مفكر بينكم
لانك واساسي قبل يومين كنتو دايرين على حل شعركم في بوست سابق للردح والاغتيال المعنوي لعضو في البورد
واناقاعد
في البوست ده لحدي ما تسوو حزبكم ده ونشوف
بالله قال حزب
اصوات نشاذ غير مقبولة
فاتكم القطار ...فاتكم القطار.....فاتكم القطار
| |
|
|
|
|
|
|
|
|
|
Re: لننجز حزبنا يا هؤلاء (Re: طلحة عبدالله)
|
يا طلحة انتواسوا من كده بي كثير يا سغب المراعي
وريني رياكفي المداخلة من خارج البورد ديQuote: | Quote: الجنقاوي الأغلف دينق دا زعلان ماله ومال السودانين هو قايل نفسه سوداني الحمد لله ما سوداني لأنه بي شناته وشناة طبعة وشناة نفسة كدا تبقى مصيبة |
شوفو المداخلة التحت البي الفيس بوك دي
مرت مرور الكرام للزعيم والقطيع
لانها تشبع النزعات السفلي والمتاصلة فيكم..
الزول ده سجلو في حزبك طوالي
20-عبدالعزيز حسن |
| |
|
|
|
|
|
|
|
|
|
Re: لننجز حزبنا يا هؤلاء (Re: اساسي)
|
جزيل الشكر عزيزنا أساسي على الثقة
وقبلها
جزيل الشكر على التفكير الإيجابي
ومحاولة إشعال شمعة بدلاً عن لعاننا الدائم للظلام
أرجو أن أعود بمهلة
| |
|
|
|
|
|
|
|
|
|
Re: لننجز حزبنا يا هؤلاء (Re: عاطف عمر)
|
اضاءة لا بد منها :
لماذا كانت الدعوات مخصصة وليست عامة ؟
فكرة الكيان الذي نادينا به في هذا البوست , نشات في البداية من من رؤيتنا للكثير من الاشخاص ( غير المنتمين ) لا للمعارضة بصورة جادة ولا للحزب الحاكم , في وجهة نظري الخاصة كان هؤلاء يمثلون سواد اعظم مقياسا بعضوية هذا المنبر وعلي الواقع في السودان , لذا رأيت ان اوجه دعوات لمن ضاقت عليه مواعين المعارضة واجسامها وجسم الحزب الحاكم ويرى انه لا يمثله , هذه الدعوات كانت اجتهاد شخصي ولمعرفتي بان التخصيص بالاسم فيه نوع من الالزام للشخص ليبدئي وجهة نظره , مع مراعاة ان البعض قد يرى ان الدعوة ما دام لم توجه له وان كان يحمل نفس الخاصية للمدعوين فانه غير معني بها , ومع ذلك اضطررت لخوض هذه المجازفة اولاء لاثراء الحوار وقراءة عدد مقدر من وجهات النظر وتكوين نواة اولية لصياغة البذرة الاولي لهذه النواة وتعميمها في مرحلة ثانية , وقد كان واتت المشاركات ثرة وغنية وفيها مقترحات مقدرة جدا , لذا ترون اني بت استخدم اسم كيان جامع بدلا كلمة حزب لما تواتر من وجهات نظر مقدرة جدا ومقنعة وليتفق الجميع علي نوع الكيان هل هو حزب او مبادرة وهو امر ايجابي مادام الغاية في النهاية هي فعل ناجز يخدم السودان.
لذا اقول الان ان الدعوة مفتوحة لكل من يرى ان مواعين المعارضة والحكومة لا تستوعبه ويري ان حل مشكلة السودان اصبحت جزء اصيل من اهتماماته والانتماء الي جسم يجمع عدد مقدر من سواد ابناء السودان يجمعهم علي الاقل الحد الادني من الرؤية في ان المعارضة ولا الحكومة بيدها حل المشاكل القائمة حاليا وانه وصل الي المرحلة التي ينجز بنفسه فيها فعلا ولا ينتظر نزول اطباق طائرة من السماء لتحل له مشاكله ومشاكل السودان وانه يؤمن ان الوقت ليس للاحلام وطول الامل مع عدم وجود افعال
| |
|
|
|
|
|
|
|
|
|
Re: لننجز حزبنا يا هؤلاء (Re: اساسي)
|
مداخلات ثرة جدا اضيفت للخيط , ومقترحات عملية مفيدة ومضيئة و خلونا نجمع الخيوط دي كلها ونصيغ الطرح دا والمقترحات دي من كل المداخلات ونلخصها عشان نمشي لي قدام
| |
|
|
|
|
|
|
|
|
|
Re: لننجز حزبنا يا هؤلاء (Re: اساسي)
|
لقيت خطا مطبعي " جسيــم " في مداخلتي السابقة .. فقد ظهر المكتوب كالتالي:
| Quote: موافق بدون اي شروط مسبقة * ما عدا ان يكون سياسي زعيـم او في منصب قيادي ... |
وهو خطا والجملة الصحيحة المقصودة :
| Quote: موافق بدون اي شروط مسبقة * ما عدا ان يكون اساسي ي زعيـم او في منصب قيادي ... |
كما اضيف انني لا امانع اذا " اتفق وقرر " المجتمعون ان يرشحوا الاستاذ عادل امين اباً روحياً ومرشداً للحزب..
ـــــــــــــــــــــ..
وبجدية ادعم ان يكون الامر مبادرة موجهة لكل القوى المعارضة المسلحة من اجل رحمة الانسان السوداني المسحوق في مناطق الهامش من دفع فاتورة قتالهم من اجل تعزيز موقفهم التفاوضي ..
| |
|
|
|
|
|
|
|
|
|
Re: لننجز حزبنا يا هؤلاء (Re: HAIDER ALZAIN)
|
Quote: | Quote: الجنقاوي الأغلف دينق دا زعلان ماله ومال السودانين هو قايل نفسه سوداني الحمد لله ما سوداني لأنه بي شناته وشناة طبعة وشناة نفسة كدا تبقى مصيبة |
شوفو المداخلة التحت البي الفيس بوك دي
مرت مرور الكرام للزعيم والقطيع
لانها تشبع النزعات السفلي والمتاصلة فيكم..
الزول ده سجلو في حزبك طوالي
20-عبدالعزيز حسن |
رفع البوست واجب وطني.....برضه الثقافة مهمة
قصيدة فى عمود(نافخ الكير) فى الملحق الثقافى ل صحيفة الجمهورية ..الثقافية..الشاعر مجهول فقط .بورتريه بسلويت...
سواد
صخرة فوق الجسد
كلما شدت اضلاعه
صاح"احد..احد"
وعلى "العروة" شد
كان مولى لابي سفيان حينا ومرد
طالبا "مولى الموال "
مرت الايام وفي اثر الليال
ودنا عام الفصال
صار مولاه ابو سفيان مولي للابد
امنا من كل امر..وعلى
اية حال
صار اعتى واشد
صخرة فوق البلد
كلما صاح به الدهماء"شورى"
شد حبلا من مسد
وعلى الكرسى شد
ثم ماذا عن بلال؟!
ابدا لا شيء جد
عاش حمال بغال يخدم المولى على نصف ريال
واذا جاع حمد
والاجابات بلا معني
ولا "نص" ورد
"فارحنا يا سؤال؟!!"
| |
|
|
|
|
|
|
|
|
|
Re: لننجز حزبنا يا هؤلاء (Re: adil amin)
|
الاخ في درك الاسفل من البوست وخارج نطاق التغطية مصر انه ((سوداني)) عبدالعزيز حسين
طيب انا بوريك جهاز PCR البعرفو بي السودانيين(الاصل) وفقا لاثار وحضارة السودان
والسوداني يعرف بسلوكه
واتمنى تتاح ليك فرصة تنضم لي سودانيز اون لاين عشان تثري حوار الهوية في السودان
إنني لا أكذ ب
ولا اعتدي على ملكية غيري
ولا ارتكب الخطيئة
وقلبي ينفطر لمعاناة الفقراء
إنني لا اقتل شخصا دون جرم يستحق القتل
ولا أقبل رشوة لأداء عمل غير شرعي
ولا أدفع بخادم استجارني إلى صاحبه
ولا أعاشر امرأة متزوجة
ولا انطق بحكم دون سند
ولا انصب الشراك للطيور المقدسة
أو اقتل حيوانا" مقدسا"
إنني لا اعتدي على ممتلكات المعبد -الدولة-
أقدم العطايا للمعبد
إنني أقدم الخبز للجياع
والماء للعطشى
والملبس للعري
افعل هذا في الحياة الدنيا
وأسير في طريق الخالق
مبتعدا عن كل ما يغضب المعبود
لكي ارسم الطريق للأحفاد الذين يأتون بعدي
في هذه الدنيا والى الذين يخلفونهم والى الأبد
خاليوت بن بعانخي - معبد البركل
| |
|
|
|
|
|
|
|
|
|
Re: لننجز حزبنا يا هؤلاء (Re: adil amin)
|
قال الاخ عبدالعزيز حسين ادناه
| Quote: كونك تكون بتعبد جون قرنق ومعجب بي منصور خالد دي مشاكلك أنت ومخالفه للواقع ، جون قرنق مرق من ضميرنا ورمزيتنا وهسع قاعد في مزبلة تاريخنا الحا ننساه وما حايدرسوه أولادنا منصور خالد معاصر يا يمشي مزبلة التاريخ يا يلقى ليه زول يطلع ليه حاجات تدخله التاريخ والبتسوي فيه انت دا حا يوديه مزبلة التاريخ |
طيب ابنا بديك راي ناظر الجعليين((السوداني)) حسن نمر
في جون قرنق ومشروع السودان الجديد
lمن بوست لي في الارشيف.....
Quote: وطبعا ملشيات الدفاع الشعبي المشبوهة هي ليست الجيش السوداني الحقيقي الذى تم تصفيته تماما من ما جات الانقاذ ولن يرجع لجيش السوداني الا بمراجعة المفصولين للصالح العام عبر برنامج شفافية كبير باشراف وزارة االعدل...
لكن عشان تاني ما يمسخو تراث الجعليين(الاصل) ويوظفوه في قتل ناس الهامش
هذا هو راي عمدة الجعليين الشيخ نمر في رؤية السودان الجديد وفي د.جون قرنق شخصيا الذى اسره لمنصور خالد واالدكتور منصور خالد غني عن التعريف ومن المتصالحين مع انفسهم لذلك نعتبره من الثقاة
هذه الاشياء الرائعة لا تجدها الى في كتب العلامة د.منصور خالد
Quote: لست أيضا من الغباء للظن أن جميع أهل السودان قد أصبحوا ملائكة خليت نفوسهم من مشاعر الاستعلاء((الحمية)) فما زال بيننا من في ((قلوبهم الحمية حمية الجاهلية))..إن استثارة هذه المشاعر بهدف تسعير الغيظ ضد الآخر أو الإغراء بالحقد عليه- في الشمال كان ذلك أو في الجنوب- لن تأتي إلا من نخب تسعى لتسويق رؤاها باستثارة أدنى ما في الإنسان-الموروثات البيولوجية- وفي هذا المجال سعدت كثيرا بتجربة مررت بها هذا العام لأنها كشفت لي عن ((جوهر أهل السودان))، ففي افتتاح مؤتمر الحزب الاتحادي الديمقراطي في القاهرة(4/5/2004) اعترضني رجل التقيته للمرة الأولى وقدم نفسه- حسن نمر عمدة الجعليين- استقبلت الرجل بما يجدران استقبل به مثله من الترحاب،ثم استمعت لما أراد أن يفضي به إلي ، قال(( لي رسالة ارجوان تبلغها للدكتور جون قرنق إن لم يكن قد بلغها له ياسر عرمان الذي حملته نفس الرسالة إبان زيارة وفد الحركة للخرطوم)) قلت :ما رسالتك ؟!..أجاب: ابلغه ((إن الذين يرموننا بالعنصرية لا يعرفوننا وانقل له إني سأكون على رأس مستقبليه في الخرطوم لاصطحبه معي للمتمة ،يشرب القهوة مع أهلها))..
قصة شرب قرنق القهوة في المتمة أسطورة روجها سخفاء العقول لتأجيج الغضب الشمالي ضد قرنق بان كل الذي يبتغيه هو إذلال الشمال وكيما يبلغ الإذلال غايته اختاروا هدفا له- أهل السروج والخيل..(الكتاب ص 282)
تعقيب
1-نشكر الجعلي الاصلي حسن نمر على هذه الاريحية والرؤية العميقة المستوعبة فعلا برنامج السودان وهذا هو الراي الذي يعبر عن قبيلة الجعليين من ناظرهم
2- وان التهميش والمهمش في رؤية الحركة الشعبية السودانية (الاصل) التي كان يمثلها د.جون قرنق قبل رحيله..لا تستهدف اشخاص ام قبائل بل وعي / التحرر من شنو
3- والمهمش في رؤية الحركة الشعبية
هو ذلك السوداني الذى ظل حتى هذه اللحظة لا يتمتع بالخدمات التي تقدم للناس في الخرطوم/جمهورية العاصمة المثلثة وحتى وانا كان يقيم على هومشها في اللفة وصابرين
والخدمات
1- البيت المكون من مكونات ثابتة وامن
2- الماء النظيف جدا والذى ياتي عبر الانابيب
3- الغاز للوقود
4- الكهرباء المستدامة
5- الطرق البرية /السكة حديد/ الطائرات غير البغال والحمير والجمال
6- التعليم العام اساسي وثانوي مع اعاشة مجانية
7- المستشفي والطب الوقائي له ولحيوناته
8- العمل الشريف الذي يحفظ كرامته
9- اجهزة الاعلام ووسائطه -تلفزيون- راديو- صحف التي تربطه بالمركز والعالم
وهذا البرنامج ((نقل المدينة الى الريف)) لا يحتاج ل9000 مسؤال فاسد وكوز يقبع على راس الناس ويهرف لهم بما لا يعرفون ويهيم بهم في الجزيرة العربية مع ابو قتادة وكتائيب الاهوال..ومعسكرات تجويد سورة النمل...والكذب المتنوع بالدين..
وبالتاكيد..ان من يعانون من انعدام هذه الخدمات في السودان هم 75% في الاقاليم و15% في اطراف العاصمةوبقي 10% من الاقلية الانتهازية/الاخوان المسلمين ومن لف لفهم من المؤلفة جيبوهم هم يتنعمون وياكلون كما تاكل الانعام الان..
ولذلك قال حون قرنق في فضائية الجزيرة ((انا امثل الاغلبية))
وان كان جل المهمشين الان غير الواعين بازمتهم يتبعون حتى اليوم 2013 كل داع الى امر نكر...
ويتعامي عن (((الفجر الصادق))) واوتاد السودان الاصلي
1- برنامج السيد عبدالرحمن المهدي واتخاذ المسار الصحيح الذى تركنا فيه الانجليز الديموقراطية الليبرالية...ذى الهند والبرازيل...
2- برنامج محمود محمد طه الدولة المدنية الفردالية الاشتراكية الديموقراطية المنشور هنا
3- برنامج د.جون قرنق السودان الجديد الدولة المدنية الفدرالية الديموقراطية-اتفاقية نيفاشا والدستور المنبثق عنها..
|
وين سيد البوست بتاع السودانوية....والصحابة العشرة والذين بايعو تحت الشجرة
معقول البوست باظ سريع كده...
انا اسف جدا يا اساسي والله
نحن نؤمن بالراي والراي الاخر...
| |
|
|
|
|
|
|
|
|
|
Re: لننجز حزبنا يا هؤلاء (Re: Musab Osman Alhassan)
|
| Quote: لذا اقول الان ان الدعوة مفتوحة لكل من يرى ان مواعين المعارضة والحكومة لا تستوعبه ويري ان حل مشكلة السودان اصبحت جزء اصيل من اهتماماته والانتماء الي جسم يجمع عدد مقدر من سواد ابناء السودان يجمعهم علي الاقل الحد الادني من الرؤية في ان المعارضة ولا الحكومة بيدها حل المشاكل القائمة حاليا وانه وصل الي المرحلة التي ينجز بنفسه فيها فعلا ولا ينتظر نزول اطباق طائرة من السماء لتحل له مشاكله ومشاكل السودان وانه يؤمن ان الوقت ليس للاحلام وطول الامل مع عدم وجود افعال |
البديل الديناميكي والموجود فعلا
الحركة الشعبية شمال بس في حدود انتخابات 2010 ونيفاشا والدستور الانتقالي
والعودة لمبادرة نافع عقار والالتزام بي القرار 2046 واعادة الشرعية لحركة الشعبية شمال
والانتخابات المبكرة
الاقليمية
المركزية
الراسية
وفي 72 حزب مسجل
وده ما داير اطباق طائرة
داير سودانيين اذكياء
اتحررو من اصر السودان القديم
من
شنو
والقصة ما ناس وفلان وعلان
بل اوضاع
| |
|
|
|
|
|
|
|
|
|
Re: لننجز حزبنا يا هؤلاء (Re: adil amin)
|
فكرة ممتازة يا إسئس, لكن زي ما قالو ليك فوق لازم تسوق البوست برواااقة و نفس طويل "عشان الحاجات تبقى كويسة "
---
بالجنبة كده
يا عزو ياخ امرق من الموضوع ده
دخولك في صف اي زول قاعد يكون خصما عليه
استنادا على نظرية " عزو لا تبلو لا تخليه يبلك "
عشان كده رووق و بطل اللقافة و الخفة بتاعتك دي
بعدين ده شنو الحنك البيش ده !! شنو غيران من اساسي و جلكسات وهمية معاك
| |
|
|
|
|
|
|
|
|
|
Re: لننجز حزبنا يا هؤلاء (Re: حسبو عكاشة)
|
بعدين اساسي ده ملك البستفة و تفشيل الناس و الافكار
و نفس البعمل فيه عادل هسي ده اساسي بعملو و اكتر و مع كل الناس دون فرز
هسي لمن بقت عليه بقت غيره ؟؟
الناس طالما عندها فكرة تمشي فيها و توسع صدرها
مالكم ضايقين ؟؟
طوالي قبل تسمو الكيان بديتو حركات الاحزاب ؟؟ , زول يختلف معاك طوالي ماشين لي ده غيران من اساسي و حاسي بالاهمال و التجاهل ؟؟
انت يا عزو قايل الناس دي كلها زيك كده بتكتب عشان النجومية و شوفوني ؟؟
يا عزو ياخ انا شايف احسن تجري تتشطف :)
| |
|
|
|
|
|
|
|
|
|
Re: لننجز حزبنا يا هؤلاء (Re: حاتم الياس)
|
لا يا حاتم الموضوع حيعاد تفعيله قريبا بإذن الله رمضان والأحداث المصرية مسيطرة علي الجو العام كما وان المنبر في رمضان ميال لمواضيع بعينها
ومن ناحية تانية قلنا نخلي غبينة عادل شوية تتفش وتهدأ عشان نبدأ حوار موضوعي وفعال
وبأذن الله الأمور تمشي لقدام
| |
|
|
|
|
|
|
|
|
 Re: لننجز حزبنا يا هؤلاء (Re: اساسي)
|
اعضاء الكيــان ما قادريـن يقدموا كمبيوتراً لرئيس الكيان المفدى حتى يساهم بفعالية في الحراك السياسي فهل سيستطيعون تقديــم شئ للسودان ؟!
لا اظن ذلك كذلك
المهم عدى رمضان وعدي العيد وعدى حتى عيد ميلاد الطوربيد معاوية وجاء عيد الاضحى ومازلنا في انتظار الحوار الموضوعي وفعال .. :)
ــــــــــــــــــ..
| |
|
|
|
|
|
|
|
|
|
Re: لننجز حزبنا يا هؤلاء (Re: HAIDER ALZAIN)
|
يا حيدر أظن شفت أساسي في حته كدا قال عاوز كمبيوتر طلب من قراءة وأنا أساسي كاتبي المفضل ومحروم من كتابته السمحة
فشان كدا نحنا قراءه ومعانا كتابة نشوف لينا كمبيوتر شيرنغ لرئيس الكيان
غايتو قبل يومين كنت في سوق الكمبيوترات في أبوظبي لقيت أجهزة كويسة خالص بي اسعار معقولة
يعني جهاز دل بي بروسير كور تو دو ورام اتنين جيجا وهارديسك 160 جيجا بي حوالي 600 درهم
أساسي يستاهل لكن ياخ بس ظروف العيد مارقين من عيد ودخلين علي عيد ومدارس وعندنا حيطة وقعت وبيت دخل فيه السيل والجداد مات ومكيف خربان وعاوز قش وشوية بشتنة أستهلكت اموالنا
مساهمة مني حا اساهم بي مبلغ 100 درهم وأقترح عليك أنت ما تدفع لأنك جلدة زي أبوحسين داك جلدة وحاقد بس شوف لينا ناس يتموا باقي المبلغ وأساسي يتكلف بي رسوم الشحن إن شاء الله نرسل ليه الجهاز ونباشر تكوين الكيان وإنجازة ونستمتع
غايتو أنا حا أحكحك بورداب الامارات وضامن ودالبشري وأي واحد اتدخل هنا
| |
|
|
|
|
|
|
| |
اساسي
محمد البشرى الخضر
Musab Osman Alhassan
حيدر حسن ميرغني
احمد التجانى احمد
أيمن محمود
usama Babiker
عمر الفاروق عبد الله الشيخ
Mohammed Sedeq
محمد عمر الفكي
Abdel Aati
اسماء الجنيد
omer osman
بدرالدين بابكر مصطفى
محمد إبراهيم علي
adil amin
مرتضى احمد عبد القادر
ibrahim alnimma
حمد عبد الغفار عمر
محمد حيدر المشرف
Maawya Hussein
Ahmed musa
حاتم الياس
زياد جعفر عبدالله
عمر الفاروق
Artiga Gilani
الرفاعي عبدالعاطي حجر
عمر صديق
Yassir Tayfour
Zakaria Fadel
Deng
امير مصطفى احمد
garjah
محمد عبد الماجد الصايم
حافظ انقابو
HAIDER ALZAIN
Frankly
smart_ana2001
سامى عبد المطلب
Kabar
حبيب نورة
عاطف عمر
حسبو عكاشة
البشير دفع الله
فيس بوك
تويتر
انستقرام
يوتيوب
بنتيريست