|
|
|
 Re: دي أجمل سودانية صورة وصوت (Re: Osman Musa)
|
(*)
تحيات ياعثمان
منذ مدة ليست بالقصيرة استمع لها كل يوم فصوتها يهدى الاعصاب
وبالمناسبة كنت في فترة الدراسة الثانوية مثارا للسخرية حين يسالني احدهم :
فنانك المفضل منو؟
واجيبه :
ابراهيم خوجلي
فيسال :
ابراهيم خوجلي منو؟
اجيبه :
انسان يمتلك حنجرة قمرية حزينة
اطال الله عمره وربنا يبارك في شهريار
هي دعوة لاكتشاف فنان متواضع عظيم
محبتي
| |
  
|
|
|
|
|
|
|
 Re: دي أجمل سودانية صورة وصوت (Re: Mohamed Mekki)
|
سلامات عزيزنا أستاذ كمال
وألف شكر علي متابعة شهريار
بنت عزيزنا الفنان الاصيل ابراهيم خوجلي .
أنظر أليها يا كمال والي خطواتها الفنانة الحذرة في المسرح .
ثم تابع سيل التطريب الكاسح من صوتها .
شهرياز صوت صادق
أرجو أن يستمع اليها الناس
وأرجو أن يلتفت اليها الملحنين فشهرياز تحمل
جملة سمات الفنانة .
لك التحية أخي كمال
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
عزيزنا الزنجي
سلامات
وألف شكر علي المرور الكريم
..
أخي أرجو التكرم بمدي بتلفونات عزيزنا محمد سليمان ودالفكي
زميل الكفاح أيام الخرطوم ولندن
أرجو أن يكون هو بخير بعد رحيل 3 أحباب من أفراد أسرته الكريمة .
مع جزيل الشكر
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
عزيزنا الفنان محمد
سلامات
وألف شكر يا عزيزي علي جلب
فديوهات الأسرة الفارهة .
شهرياز يا محمد من أجمل الاصوات النسائية
في البلاد .
شهرياز تستحق الدعم والاهتمام .
لك التحية أخي
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
من اوصاف عديدة ظهرت بى قوافى
وفنون جديدة افكارى تايهة
تطربنى القمارى فى غصنك نشيدة
يا الحزت المحاسن يا المنية الوحيدة
انا يانور عيونى محبتى ليك اكيدة
يا الصاين جمالك حسادك تكيدة
قربك لى سعادة وشوفتك لى مفيدة
بشكى ليك حظوظى وظروفى العنيدة
يا الناعسات عيونك لى عينا سهيدة
بى حالى وسهادى نجوم الليل شهيدة
يا حبيب انت جافى نيرانى بتزيدة
شايل قلبى عندك والروح انت سيدة
يا عقد الجواهر يا معنى القصيدة
تضرب بى سهامك ارواحنا وتصيدة
حبك ياحبيبى اصبح لى فريضة
فى وصفك مكمل فى ذاتك فريدة
انت سلبت روحى وانا روحك بريدة
شفنا الصيدة عارت من جيدك وريدة
الروح تهوى زاتك يا حبيب وانت عيده
البدرين تهابك من حسنك بعيدة
نظراتك دواى وما منظور تعيده
لو طيفك يزورنى دى الليلة السعيدة
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
تعرف يا عثمان موسى اليوم الصبح كنت بستمع لهذه الأغنية بصوت هذه الفنانة الرائعة
الاغنية من كلمات شاعر توتي بر محمد نور شاعر اغنية انت كلك زينة
وهي من اغاني المجاراة حيث جارى بها الشاعر اغنية زهوري اليانعة للشاعر احمد محمد الشيخ الجاغريو
| |
|
|
|
|
|
|
|
|
|
Re: دي أجمل سودانية صورة وصوت (Re: أسامة البلال)
|
كم نظرنا هلال - للشاعر الكبير صالح عبد السيد
***
كم نظرنا هلال ما شاقنا غير هلالو
ما أظنو زلال يروينا غير زلال
أرى الهلال ينقص وأرى محيو يتجلالو
كل يوم يزداد في خديدو نور يحلالو
تتقاصر الأبصار من حسنو من إجلالو
يتيه يصد باسم آه .. ما ألذ دلالو
ألذ شيء قُربو وغزلي النظر في جمالو
وأمرّ شيء بعدو وجفاهو وإهمالو
أرى الغصون بتميل وأظن هواها أمالو
على الخلاف وإذا مَيّل عليّ أنا مالو
طرفو ليه نعسان وأنا طرفي ليه يصحالو
يتلو آية الحب الفي الخدود لايحالو
جمالو كل ما يزيد جسمي يزيد إنحالو
أما قلبي الضّاع خلّي اليروح في حالو
إذا أدار لحظو على جبل دكّالو
ولو بَسَم أنزل دمع السحاب أبكالو
قلبو لا يشفق على عاشقو مهما شكالو
حبيبي طبع الطير ينزل على أشكالو
أنا لي حبيب يا ليل نوم العيون ملالو
وليْ حبيب يا ليل قتل النفوس حلالو
وليْ حبيب يا ليل تشوف خِدودو يلالو
مع الظلام تشتاق الزهرة تدّلالو
__
أخي د / أحمد
وتجلت البنت في كلام عمنا عبدالسيد
وكانت الاجمل .
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
عزيزنا أسامة
سلامات
حقيقة يا أخ أسامة مافي أبدع من كدي .
أغنية كم نظرنا هلال سمعتها بصوت أكثر من 23 مطرب ومطربة .
بس عندها كوم براو .
كوم مختلف .
.. لك التحية أخي أسامة
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
شكرا جزيلا على هذا الابداع اخى عثمان
والتحية عبرك للاخ العزيز ابراهيم خوجلى وابنته الرائعة
واتفق معك جملة وتفصيلا فهى صوت وصورة ربى يحفظها
لقد زاملت الاخ ابراهيم خوجلى فى وزارة التربية والتعليم
وهو الان عضو فى منتدى العم كمال ميرغنى بامدرمان
وانا من اشد المعجبين بصوته وصوت ابنته
لك وله ولابنته الفنانة اجمل التحايا
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
من اوصاف عديده ظهرت لي قوافي
وفنون جديده افكاري تايهه
يا جميل انت جافي ونيراني بتزيده
شايل قلبي عندك والروح انت سيده
...يا عقد الجواهر يا معني القصيده
وتضرب بي سهامك ارواحنا وتصيده
**********
والروح تهوي زاتاوحبيبي انت عيده
والبدرين تهابك من حسنك بعيده
نظراتك دوايه ومامنظور تعيده
ولو طيفك يزورني دي الليله السعيده
********
تطربني القماري في غصنك نشيده
يا حسد المحاسن يا المنيه الوحيده
وانا يانور عيوني محبتي فيك اكيده
يا الصاين جمالك حسادك تكيده
********
قربك لي سعاده وشوفتك مفيده
انا بشكيلك ظروفي وحظوظي العنيده
ويالنعسان عيونك لي عينا سهيده
بي حالي وسهادي نجوم الليل شهيده
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
صوت ... يعني
أما صورة فدي بالغتا فوكا
وحرررررررررام عليك في ظلمك لأخوات عزة
وصدق أولاد بمبة حين قالو ( الما يشوف من الغربال يبقى أيه ؟؟؟؟؟؟؟ ........ يبقى أعمى )
مجرد إختلاف في وجهات النظر ،،،
ويبقى الود بيننا
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
الصوت مبالغه.
والثبات ليس غريبا عليها طالما أبوها المطرب ابراهيم خوجلي.
لكن للأسف قالوا عمها أوقفها من ممارسة الغناء وهو سبب
اختفاءها من الساحه.
الكلام ده قالو لي واحد قريبها في الحسبه وهو زميل عمل
والكلام ده بعد أن تحدثنا كثيرا عن موهبتها
.
.
.
يا للخسارة
| |
|
|
|
|
|
|
|
|
|
Re: دي أجمل سودانية صورة وصوت (Re: جعفر سومي)
|
عزيزنا جعفر
سلامات
لا لا يا جعفر يا عزيزنا
الموهبة صاحبة الصوت الدهب شهر ياز لم تجد أي معارضة لا من عمها
ولا من الأسرة الكريمة . بل تجد الكثير من الدعم والتشجيع
ولكن شدة جمال روح شهرياز وتواضعها وخوفها المسير في طريق الفن الشايك هو المانع .
لها عظيم التحية
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
زول من المعجبين بصوت شهرياز
قال :
الزولة دي في ديك الحلقة لو تغنت بي أغنية ( الشوق والريد ) كان القيامة قامت .
وقال : في حفلات المدرسة لمان كانت تصل المقطع البقول
ديل ياهاجر ... ليكي رسالة
لو روحك يوم .. تنسي دلالها
..
قال : لحظة تصل المقطع الخطير ده كانت الدنيا تقوم وتقعد .
الكاشف عظمة فوق العظمة والبنية قمة الجمال والنيلين في داك المكان عجيبات السماحة .
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
من أوصاف عديدة ظهرت بي قوافي
وفنون جديدة أفكاري تايهة
تطربنى القمارى فى غصنك نشيدة
يا الحزت المحاسن يا المنية الوحيدة
انا يانور عيونى محبتى ليك اكيدة
يا الصاين جمالك حسادك تكيدة
قربك لى سعادة وشوفتك لى مفيدة
بشكى ليك حظوظى وظروفى العنيدة
يا الناعسات عيونك لى عينا سهيدة
بى حالى وسهادى نجوم الليل شهيدة
يا حبيب انت جافى نيرانى بتزيدة
شايل قلبى عندك والروح انت سيدة
يا عقد الجواهر يا معنى القصيدة
تضرب بى سهامك ارواحنا وتصيدة
حبك ياحبيبى اصبح لى فريضة
فى وصفك مكمل فى ذاتك فريدة
انت سلبت روحى وانا روحك بريدة
شفنا الصيدة عارت من جيدك وريدة
الروح تهوى زاتك يا حبيب وانت عيده
البدرين تهابك من حسنك بعيدة
نظراتك دواى وما منظور تعيده
لو طيفك يزورنى دى الليلة السعيدة
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
أغنية أوصاف عديدة
أستمعت الي الأغنية بصوت بابكر الزكار
وبصوت الخال عثمان الدغور وبصوت المرحوم أحمد سعيد
وبصوت الصديق الفنان ابراهيم خوجلي .
لكن الشابة شهرياز هي من دفعت بالأغنية الي ساحات التوهج بخصائص صوتها الحلو وطريقتها الجميلة وطلتها السودانية الاصيلة .
لها التحية ولهم جميعا التحية وطول العمر
والرحمة لعزيزنا الفنان التربال المسكين أحمد سعيد .
| |
|
|
|
|
|
|
|
|
|
Re: دي أجمل سودانية صورة وصوت (Re: Osman Musa)
|
:
:
أوافقك تاني يا عثمان على إنو بتنا جميله
جميله جمال بنوتنا وسماحتن
جمال بنات الريف وطيبتن
الجمال الطبيعي اللا عليهو كريم ولا بدرة
جمالاً سيدو بيغني ووجهو مجلل بالحياء
لم أقصد جمال (خايسي عجرم)
مشكوووووور أبو عفان
| |
|
|
|
|
|
|
|
|
|
Re: دي أجمل سودانية صورة وصوت (Re: mekki)
|
عزيزنا ود المكي
سلامات وحبابك والبوست بوستك تجي علي كيفك .
نعم جمال بنتنا جمال براو .. سماحة الله .
ونانسي عجرم لها التحية والأحترام شرفتنا في مانهاتن وكانت فوق النجوم .
| |
|
|
|
|
|
|
| |
Osman Musa
كمال علي الزين
الصادق صديق سلمان
الزنجي
Mohamed Mekki
Ahmed al Qurashi
أسامة البلال
امينة عيسى
محمد فضل الله المكى
usama Babiker
سيف الدين محجوب
عاطف مكاوى
جعفر سومي
mekki
فيس بوك
تويتر
انستقرام
يوتيوب
بنتيريست