|
للمساعدة العاجلة : ابحث عن وطن!!
|
اخيراً مالت كفة الميزان نحو المغادرة النهائية
أرجو من له خبرة في هذا المجال التواصل معي
بشرط ألا يكون اللجوء السياسي هو أحد الخيارات!!
|
|
|
|
|
|
|
|
Re: للمساعدة العاجلة : ابحث عن وطن!! (Re: ABUHUSSEIN)
|
Quote: في شنو يا أبو خالد ... مالك .....؟؟؟؟ |
عادل كيفك والعيال وعساكم اتوهتطو في الاندلس دا!!
فجأة كدا قررت اقطع علاقتي مع حاجة اسمها السودان دا
انا ضيعت نصف قرن في انتظار الفرح بحياة كريمة تشبه باقي حياة البشر لكن لا أمل! ، وليس هناك سبب ان اجعل ابنائي في نفس الضوائق!!
صدقني ياعادل، أركب معنا !!
| |
|
|
|
|
|
|
Re: للمساعدة العاجلة : ابحث عن وطن!! (Re: عبد اللطيف بكري أحمد)
|
Quote: فجأة كدا قررت اقطع علاقتي مع حاجة اسمها السودان دا
|
علي أنا ؟؟؟ ما قلت لي لكن حسيت بيها من حاجتك السويتها ديك وقلت لي ما تكلم زول وسرك في كرش فيل إلا يموت ويفتحوا كرشه....
Quote: انا ضيعت نصف قرن في انتظار الفرح بحياة كريمة تشبه باقي حياة البشر
|
دي حسبتها من ياتو تاريخ؟؟
Quote: صدقني ياعادل، أركب معنا !!
|
غايتو ركشتكم دي ضهرها حار ولا ضهري ولا ركبيني ما بيحملوها.... أركبوا براكم وكان عندكم فرقة ركبوا ولادي معاكم..... أنا راقد ليكم في أم الحمام كان فضل فيها فرقة ولا النسيم،،، إلا الخرابي البعيدة ديك ألت الحاير لا ترقدوني فيها.... (وصية).... الشايقي http://www.youtube.com/watch?v=WjNosdjuv7s
[email protected] http://alkatwah.com .
| |
|
|
|
|
|
|
Re: للمساعدة العاجلة : ابحث عن وطن!! (Re: عبد اللطيف بكري أحمد)
|
.. .يا تيفا
دا شنو الخبر الشنيع البتقول دا ..!؟ ياخى نحن تانى جايين عليكم مغادرة نهائية ..!! يا زول انا بتواصل معاك واوريك الحاصل هنا شنو ؟؟ عموما اضيف السودان للمناطق الكارثية المستبعدة ..
والله دى نصيحة اخو صادق جدا جدا واى زول يقول ليك غير كدا ما داير مصلحتك ..
-------------
عموما عندى ليك 3 خيارات رائعة .. بعدين ياخى ما تسال من اخوك والحاصل سااى ما بقول مالو صانى كدا .. بينا ايميلات وتلفونات اليوم قبل غد
| |
|
|
|
|
|
|
Re: للمساعدة العاجلة : ابحث عن وطن!! (Re: Tabaldina)
|
Quote: .. . هذا القرار وتحديد بقعة الاستقرار بعتمد على الاتى : كم يبلغ سن اصغر الابناء ؟ كم هو راس المال المتوفر ؟ هل الوظيفة من ضمن اسباب ومقومات الاستقرار ام الاستثمار ؟ هل تواجد الاسرة حتمى فى المرحلة الاولى ام تدريجى ؟ هل تنظر للامر كهجرة نهائية ومكان لتربية الازلاد وعملهم ام حتى فترة وجيزة ..؟
وبعد دا عندى ليك الحل بس اعتقد اجدى ان نتحادث هاتفيا .. مودتى وتقديرى .. -------
الرجاء تجاهل راى عمر الفاروق .. مع احترامى لوجهه نظره ولكنه بعيد من الواقع .. وحتى لو امتلكت المليارات فالسودان بلد منتهى الصلاحية ومتدنى الاخلاقيات وملئ بالفساد والنصب الاحتيال .. وبقرشك ما بترتاح .. وبوجود الاهل ما بترتاح .. اسال خبير وفيه سخااانه .. تقول يا حليل غربتى .. (عدل بواسطة Tabaldina on 15-06-2013, 05:11 PM) |
1- انت اًول حاجة كيفك ووين المشروع الحلم؟ 2- اوعاك ثم حذراك أن تفكر تجي السعودية ، او بالميت اديها صنة!! 3- كلام عمر الفروق دا هزار ساي ، اكيد هو بقصد العكس هههههههه 4- اصغر الابناء خمسة ياحبيب ، قول العندك وورينا الاسرع ، انا قفلت عليك !! 5- ادينا اي دولة بس مافيها كيزان : يجو بعدين ناس حكومة بعدين يقول ليك ناس ماليزيا ديل كلهم اطلبوهم بالانتربول ههههههه
| |
|
|
|
|
|
|
Re: للمساعدة العاجلة : ابحث عن وطن!! (Re: Tabaldina)
|
Quote: .. .يا تيفا
دا شنو الخبر الشنيع البتقول دا ..!؟ ياخى نحن تانى جايين عليكم مغادرة نهائية ..!! يا زول انا بتواصل معاك واوريك الحاصل هنا شنو ؟؟ عموما اضيف السودان للمناطق الكارثية المستبعدة ..
والله دى نصيحة اخو صادق جدا جدا واى زول يقول ليك غير كدا ما داير مصلحتك ..
-------------
عموما عندى ليك 3 خيارات رائعة .. بعدين ياخى ما تسال من اخوك والحاصل سااى ما بقول مالو صانى كدا .. بينا ايميلات وتلفونات اليوم قبل غد |
يابوصلاح اتصلت الليلة على الناس في الابيض ، حي امير بالتحديد، سألوني عن الوالد المتواجد اليومين دي في الرياض، قلت ليهم بخير بس زهجان من السعودية وعايز يرجع ، كلهم بصوت واحد لالالالا قول ليهو يازول ماترجع، والله ازمة موية طاحنة ورجعنا للسبعينات للجوا والكارو!!! لمتين ياناس ، والآن ، ًبعد انتقال الحرب لكردفان بالتأكيد سنرجع للخمسينات
| |
|
|
|
|
|
|
Re: للمساعدة العاجلة : ابحث عن وطن!! (Re: عمر الفاروق)
|
يازول ابوي بقى يرفس معانا في رولان غاروس لما نادال ينعصر وبستمتع جداً بوالفريد سونقا ومدريدي ولا علي كيفو
زمان لما الهلال يجي الابيض - من ايام زواج جكسا ومابعدها كانت كردفان كلها بتنكب في الابيض ، وعدد حصين السواري اكتر من الناس،،
انا اكد ليك المباراة دي حتكون بالخسارة مع منظمينها!!
ياعمر تدهور الهلال وفقدنا لطعم اي حاجة سبب قوي للمغادرة
يدك معانا !
| |
|
|
|
|
|
|
Re: للمساعدة العاجلة : ابحث عن وطن!! (Re: الصادق يحيى عبدالله)
|
لو عندك استعداد للبزنس
شوف ليك درب لتجارة الصين
وبراس مال بسيط منكن تبدا حاجة كويسة
بس تمسك في زول أمين شاقي الدرب
سجل تجاري في السودان
تجارة الصين مكسبة حلو بس عاوزة صبر
سلام كتير أستاذنا عبداللطيف .. مش انتا أستاذنا عبداللطيف الدرستنا فرنسي في خورعمر أنا الدفعة التانية؟
لو عندك رغبة تعال نمسكك من ينورك في المجال ان شاء الله..
مشيت الصين ست مرات من هنا .. وعندي ود خالة في السودان ماشة معاهو كويس..
وبنديك ناس في الصين برضو ليهم مكاتب وخبرة ..
شوف برضو كلام تبلدينا ...
| |
|
|
|
|
|
|
Re: للمساعدة العاجلة : ابحث عن وطن!! (Re: اسامه خليفه)
|
Quote: سلام يا عبداللطيف ..
هاك الرابط علك تجد ما يفيدك ولكن لاتجهل الاسئله التي تقدم بها الاخ تبلدينا ..
Malaysia my second home ماليزيا الوطن الثاني .. لمن يرغب
اتمني ان تتريث قليلا قبل ان تتاخذ القرار ..
اتمني لك كل التوفيق ...
|
تقديري اخي اسامة وشكري الجزيل على الرابط
وتقديري لحرصك والله ، بس تأكد التريث أضر بنا وكذا طول الانتظار لما سيأتينا من أخبارٍ جيدة من تالا البلد الحبيب،،
أسف أسف !!
| |
|
|
|
|
|
|
Re: للمساعدة العاجلة : ابحث عن وطن!! (Re: ombadda)
|
Quote: وهناك وطن مريض جريح يبحث عن أبناء له هجروه وركلوه بأقدامهم. . وللأوطان فى دم كل حر يد سلفت ودين مستحق. |
هذا الكلام يادكتورنا العزيز قد آن الأوان ان يعاد فيه النظر!!
الوطن الإن اصبح مملوك لأناس ، خدمة الوطن تعني خدمتهم!! لا الرئيس ولا الوزير يعرف معنى المعاناة التي يعيشها أبي وهو شيخ ثمانيني إنحنى ظهره وهو يحفر بئر داخل حوش منزله لينتظر كل يوم قطرات الماء عصب الحياة وهي تأتيه بشق الأنفس - هذا في مدينة الابيض!! انا بصراحة جهادي داخل السودان وخارجه لم يترك لي قوىً لجلب الماء عند تقاعدي!! عيب والله عيب أن يحدثنا أحدٌ عن وطن والآن جاء من يقتلنا بعد هذه المعاناة حسابا لذنبٍ لم نرتكبه!! دكتور امبدة : هي الحسرة التي تضطرني لهذه الخطوة والندم وخيبة الأمل !!
| |
|
|
|
|
|
|
Re: للمساعدة العاجلة : ابحث عن وطن!! (Re: مجاهد محمد الهادي)
|
Quote: سلام كتير أستاذنا عبداللطيف .. مش انتا أستاذنا عبداللطيف الدرستنا فرنسي في خورعمر أنا الدفعة التانية؟ |
وليك مليون سلام يامجاهد،، ياهو انا زاتي ، هههههه لو الجماعة الحاقدين ديل خلو خور عمر بقوميتها وأنشأوا عشرة مدارس زيها على حنتوب وخورطقت ماكان عندنا ازمة وطن
الصين بقو حرامية ولما تجيب بضاعتك في السودان ياتبقى حرامي ولا يكون عندك زول حرامي هناك
مشيت الصين ثلاثة اربعة مرات ، وسوق ممتاز لبلد يحتاج كل منتجات الصين ، لكن ازمة البشر عندنا ستعصف بكل شيء، صدقني : لا أمل!!!
| |
|
|
|
|
|
|
Re: للمساعدة العاجلة : ابحث عن وطن!! (Re: عبد اللطيف بكري أحمد)
|
بالله يا عبد اللطيف انت درست في خور عمر؟؟؟ خور عمر الما لحقناها وكانت اكبر احلامنا وقفلوها؟؟؟ ونحن بالله قاعدين في البورد ده نتداخل معاك ونقول ليك يا عبد اللطيف حاااف كده ونهظر ونضحك معاك؟؟؟؟ ياخ امسحا لينا في وشنا والله يا أستاذ..
بالنسبة لي كلام السودان صدقني ما هظار..
| |
|
|
|
|
|
|
Re: للمساعدة العاجلة : ابحث عن وطن!! (Re: عمر الفاروق)
|
Quote: بالله يا عبد اللطيف انت درست في خور عمر؟؟؟ خور عمر الما لحقناها وكانت اكبر احلامنا وقفلوها؟؟؟ ونحن بالله قاعدين في البورد ده نتداخل معاك ونقول ليك يا عبد اللطيف حاااف كده ونهظر ونضحك معاك؟؟؟؟ ياخ امسحا لينا في وشنا والله يا أستاذ..
بالنسبة لي كلام السودان صدقني ما هظار.. |
انت أخير قاعد تقول لي عبداللطيف حاف ، يجيك ود الصايم يقول ليك ياعمك هههههه
ياخ خور عمر دي والله العظيم أنا خليت ليها فرنسا،، والله العظيم كانت الفرص التي ابحث عنها الآن متاحة بشكل كبير وسهله في 88م
وعشان ما تستهين بمقدراتنا الكروية والله عرض علي عقد احتراف كرة قدم في مدينة بيزانوسن بعد ان فزنا بدوري الجامعات وكان من ضمن الفريق صديقي محمد جمال الدين من ابناء الدلنج!! ماعارفه وين هسي لكن ممكن ببساطة يكون في معسكر مغاير لي ونتماوت في قارعة الطريق!!
كان السودان رغم المعاناة فيه بشر يجبروك على العودة وقلبهم على الوطن!!
حديثك عن السودان لو ماهظار معناها عندك كفيل واصل وعندك قروش واجد ولا كمان نكلمك بالتلفون وورينا السر،، ممكن تكلم صاحبي عباس زول ساكت لغاية ما ارجع - انا والله موجود الان في بريطانيا - واي زول بيقول لي اجدع جوازك واعملها : ارفض هذا المبدأ!!!
اقنعني بالعودة للسودان ينوبك ثواب!! لا شيء يعدل الوطن!!
| |
|
|
|
|
|
|
Re: للمساعدة العاجلة : ابحث عن وطن!! (Re: Abu Baker Ahmed Abdel Rahman)
|
والله يا استاذ عبد اللطيف انا ما عندي اييي سر تجاه السودان ده.. بس كل ما أتخيل منظر إنو الزول يموت برا بلدو ويكون من ضمن الخيارات ارساله في صندوق بشفق على أهلو البيكونو هناك ومجرد إحساس إنو الزول ده تاني ما ح يشوفوهو ... لا حووولااااا...ده احساس مخييف كيف !!!!!! بحس إنو الزول بيظلم معاهو أهلو وناسو البحبوهو .. وفي زول هناك قولة سلااام تبقالو رووح.. اااز سيمبل ااز زات زي ما بتقول دينا خالد..
| |
|
|
|
|
|
|
Re: للمساعدة العاجلة : ابحث عن وطن!! (Re: عبد اللطيف بكري أحمد)
|
قرأت البوست بشيء من القلق يا أستاذنا .. فاقد تفاصيل كتيره الا انو الفكره العامه واضحة .. هيثم الصديق ممكن يكون عندو معلومات قيمة عن موريشيوس !! ما عارف ليه لاكن احتمال كبير ..
لماذا ليس الخليج .. تحديدا ابوظبي أو الدوحة .. (ابوظبي الامارة وليس الامارات) .. ومن ملاحظاتي أن الفروقات اتسعت كتيرا في سبل واساليب الحياة في الخليج .. والدوحة وابوظبي الأكثر انفتاحا علي العالم مع أفضلية الاستقرار الاقتصادي .. وتمثلان خيارا مناسبا للكفاءات العالية ذات الخبرات والمؤهلات الغربية .. وتحديدا تلك الخبرات المتعلقة بالتعليم والمجتمع .. بالتأكيد لن يمثلان وطن بالمعني التقليدي .. الا أن الاستقرار المهني لأصحاب الكفاءات شبه مضمون .. ثم وما الوطن ؟! وثيقة ؟!
العمر ليس في صالحنا في رحلة البحث عن وثائق جديدة يا أستاذي .. فات ذلك الوقت قليلا .. والاستقرار في أي بقعة من هذا العالم لا يحتاج لوثيقة مواطنة علي أي حال .. شهاداتك وخبرتك وثائق كافية جدا .. نمط الحياة والاستقرار المهني هما الأهم في المرحلة من العمر .. وأما الانتماء فلن يتغير .. أحد أحد .. وحتي آخر رمق سيصمد .. وذلك ولا علي كيفنا
سأضرب لك مثالا .. وعفوك يا أستاذ إن تطاولنا عقار واحد في أي بلد أي بلد تختاره يكون بمثابة إقامة أبدية .. في مصر, دبي, الدوحة, لندن "أعتقد" الخ .. وحياة مهنية جديدة في الدوحة مثلا قد توفر الغطاء المالي لذلك العقار و مستوي معيشي ممتاز يكفل الأمان الشخصي والاسري بعد التقاعد ..
الاحتمالات كثيرة .. والفاصل فيها القدرة المهنية والكفاءة التي أعلمها عنكم .. مودتي وإحترامي البالغ
| |
|
|
|
|
|
|
Re: للمساعدة العاجلة : ابحث عن وطن!! (Re: محمد جبره)
|
أستاذنا عبداللطيف موضوعك مهم جداً
ياريت لو تكون المقترحات والمشاركات على الهواء مباشرة، ولا داعي للتلفونات والرسائل الداخلية، حتى تعم الفائدة..
أولادنا هم المحرك الأساسي للنزوح نحو الأمام، وهذا ما دعانا للتفكير والقيام ببعض الخطوات في هذا الإتجاه نحو أستراليا ووقفتها شوية حتى نقارنها ببعض الخيارات الأخرى زي كندا وماليزيا أوحتى القاهرة..
فبالله يا جماعة ما تبخلوا على أخوكم عبداللطيف وعلينا بمقترحاتكم وتجاربكم..
| |
|
|
|
|
|
|
Re: للمساعدة العاجلة : ابحث عن وطن!! (Re: التيجاني عبد الباقي)
|
Quote: للمساعدة العاجلة : ابحث عن وطن!! |
!!!
حكمت المحكمة حضوريا على معلم الأجيال الأستاذ عبد اللطيف بكري بالتالي:
- الحبس خمسة سنوات داخل السودان وسحب جواز سفره وإجباره على شراء شقة في الخرطوم من مدخراته في السعودية والبقاء فيها
- في حال حدوث كركبة يدخل الى شقته ويقفل الباب عليه حتى تنتهي الكركبة ويعاود الخروج
- تخييره بإلقاء محاضرات ودراسات عن الوطنية في الجماعات فمثله من معلمي الأجيال ليس لهم خيار أصلا لإبداء آراء تشنجية مثل هذه حتى لا تنعكس بالتالي على تلاميذهم وتضعف الجيش بالسودان
- ان ينبه الغافلين بأنه لا حوجة لوطن بديل ولن يغني اي وطن بديل عن البلد الأم وما يحدث الآن من فرقعة زمنها المفترض 5 سنوات من الآن بعد ان تنفس كل الأطراف ما بدواخلها وتزهق العديد من الأرواح سيصبح هنالك خلاصة ما تبقى من شعب وستتلاشى كل الأرواح الشريرة ويبقى الطيبون ليبدأوا بداية جديدة في السودان وسيعم الأمن والسلام والرخاء والإزدهار لذا فأنت لست بحوجة إلى وطن بديل وانما بحوجة الى مكان مؤقت تستريح فيه زهاء خمس سنوات لذا عرضنا عليك افضل مكان هو الذهاب الى السودان وشراء شقة وغلق بابك عليك.
أشرف مصطفى ع / أسفير مولانا
| |
|
|
|
|
|
|
Re: للمساعدة العاجلة : ابحث عن وطن!! (Re: Tabaldina)
|
على حسب ما اعلم يا (زميل) رغم الفارق الزمني ههههههه ان لديك ابناء او بن يدرس بالمملكة المتحدة ، اول ما يخلص هناك برنامج لمساعدة الخريجين بايجاد عمل لهم على حسب تخصصهم ، خليهو يقدم ولمن يلقا شغل عندو الحق يجيب اسرتو كلها والانجليز لسة منبهرين باللغة الفرنسية يعني شغلك مضمون . اتاسف لبلد لا تستفيد من امثالك وده الخلانا نتاقلم مع وطن لا يجمعنا به الا وريقات تنسبنا اليه. مودتي لك وللاسرة اسامة
| |
|
|
|
|
|
|
Re: للمساعدة العاجلة : ابحث عن وطن!! (Re: Dr. Ahmed Amin)
|
Quote: Mahmoud Kamal استاذ عبد اللطيف .. سلامات ليك و لكل المعاك بي هنا ... و ربنا يوفقك في مسعاك .. بس عليك الله اشرح لينا سبب ترشيحك للدومينكان وموريشوص ... ينوبك فينا ثواب 15 يونيو في 01:33 مساءً 1 شخص واحد
Shawgi Abdalla لمستقبل الاولاد عليك بكندا ولاتحتاج للجوء ولا غيرة مؤهلاتك وامكانياتك المادية هي الفيصل ولغتك الفرنسية ستتيح لك بالعمل بالقنصليات العربية وحتي بالشركات الكندية 15 يونيو في 02:12 مساءً
Yousif Bashari ياأستاذ .. عليك بكندا .. كندا أجعله الخيار الأول أما الخيار الثانى فهو ( كندا ) أكيد ماعاوز تشوف مستقبلك بعد دا .. مستقبل الأولاد أولا وحايشكروك عمرهم كلو على خيارك .. أنت فى ( بلدنا ) كندا تعامل مثلما يعامل الكندى فى أى حاجة ومتساوى تماما مع الكنديين ماعدا حق ( الأنتخاب ) ..! أنسى السودان تماما وأستمتع بالحرية والديمقراطية وتعليم أبناءك التعليم الراقى لا ( مامون حميدة ) هنا ولايحزنون .. ماتسمع كلام ( الشعراء) وطنى وماأدراك ماوطنى . والله لوشلت مال قارون إلى السودان حق( نفايات ) ساى ياكلوهو منك .. ( ملعون أبوها بلد ) ..! 16 يونيو في 11:32 صباحاً |
لا حول ولا قوة إلا بالله!!!
الواحد والله خايف يموت ويتهم في حبه للسودان ، ياجماعة السودان ماعايزنا !!!!!!!
بجيكم كان الله هون!!
وشكري لك المتداخلين وكرد مستعجل للأخ محمود كمال للأسف الدومينكان لم تعد خياراً متاحاً لخروج الجنسية السودانية مع اخريات كالباكستانية والسعودية والشيشانية والصومالية من قائمة البلدان المسموح لهم بالتقديم،، كان اختياري لها من الاول لأن قيمة الاستثمار فيها معقول ،، أما بالنسبة لكندا فقط تضاعفت المبالغ المسموح باستثمارها بشكل م يع مما يقلل فرصة الهجرة الا للمقتدرين أوي
| |
|
|
|
|
|
|
Re: للمساعدة العاجلة : ابحث عن وطن!! (Re: عبد اللطيف بكري أحمد)
|
المشكلة إنك عاوز ليك وطن ناصية ! نحن غايتو صبرنا جبر .. قالوا الحكومة عاوزة تغير الشعب !! إن شاء بعد داك يبدلونا بالسكان الأوائل ما مشكلة !! لكن الإشاعة القوية قالوا ح يبدلونا بالحبش .. الحبشى بى ثلاثة .. والحبشية الواحدة بى أربعة نسوان خُدر وسُمان .. أما الأطفال فبالجوز .. الجوز بى واحد ويفضل التيمان !
| |
|
|
|
|
|
|
Re: للمساعدة العاجلة : ابحث عن وطن!! (Re: صلاح أبودية)
|
بوست مؤلم لانه يعبر عن حال الكثيرين و عن حال الياس و اظلام الطريق و فقدان الاتجاه عندما يصبح الوطن العزيز مرادف للخوف بدل الامن و الحزن بدل الفرح و الانكسار بدل الانتصار تدق الاختام على جوازات المرور يا دكتور امبدة
Quote: وهناك وطن مريض جريح يبحث عن أبناء له هجروه وركلوه بأقدامهم. . . . وللأوطان فى دم كل حر يد سلفت ودين مستحق. |
لسنوات طوال ظلننا نردد قول الشاعر اعلاه و نسدد دين لا ندري متى ينقضي و ليته لم ينقضي فالوطن يفدى بكل شيء و بالعمر لكنه زمن الحلول الفردية كما قال زميل لي وها انا ذي ادق تاشيرات الرحيل الي المنافي على جوازي مرغمة ، فهل تظنني اركل الوطن بقدمي؟ لم نقرر الرحيل الا عندما غاب الافق وقررنا نجدة ما يمكن انجاده من كرامة انسانية لعائلاتنا
| |
|
|
|
|
|
|
Re: للمساعدة العاجلة : ابحث عن وطن!! (Re: Nazik Eltayeb)
|
يا سلام ياخ يا نازك.. كنا نرى فيك بعض أمل وبعض تمسك بوطن.. لم التقيك من قبل ولكن من خلال متابعتى لما تكتبين فى هذا المنبر لسنوات خلت كنت- ولا زلت-اعتقد بانك من القابضين على جمر القضية والتمسك بالبقاء داخل الوطن مهما كانت المغريات خارجه لأجل خدمته بكل تجرد وتفان.. كتب علينا أن نعيش لنبنى لأجيال تأتى بعدنا وألا نترك لهم وطن مثقل بالهموم كما فعل ابائنا وأجدادنا )ربنا يسامحهم).. المغريات كثيرة ولكن... يبقى أمل فى غد زاهر حتى ولو انقضى العمر كله فى انتظار ذاك السراب.. سنبقى .. أجل سنبقى ونخدم أهلنا بكل تجرد وتفان..
| |
|
|
|
|
|
|
Re: للمساعدة العاجلة : ابحث عن وطن!! (Re: ombadda)
|
]Quote: For their eyes only we should stay for their tears |
شكرا يا دكتور انك ما قلت (must ) For those lovely eyes and to wipe their tears , I promise to come back as soon as possible ان شاء الله
| |
|
|
|
|
|
|
Re: للمساعدة العاجلة : ابحث عن وطن!! (Re: Nazik Eltayeb)
|
صباح الخيرات وتحية لصاحب الدار والضيوف حقيقة أصبحنا بين نارين ... فلا وطن نستقر به ولا غربة نهنأ بها والمؤسف أن لا بقعة ضوء في آخر النفق استغرب لمن لا يزال يخلط بين حب الوطن والبحث عن الاستقرار من منا لا يتمنى أن يصبح في وطنه وبين أهله ولكن... هل وطننا يتمنى ذلك؟؟ نتمنى من اخواننا الفي اوروبا وأمريكا افادات جادة وواضحة للناس عشان يستفيدو منها فلا الغربة المؤقتة راحة .. ولا الوطن يمكن الرجوع إليه .............. أيقن تماما أن مشكلة السودان لا حل لها .. لسبب واحد لأنها ليست مشكلة حكومة معينة أو مشكلة اقتصاد او انتاج المشكلة فينا نحن كشعب.. فشلنا في أن ندير بلادنا شئنا أم أبينا هي دي الحقيقة الحا نرجع ليها بعد ما يكون الزمن فات وحتى ذلك الحين .. لا مفر من البحث عن وطن يدكم معانا !!
| |
|
|
|
|
|
|
|