|
|
 مغتربين أولاد مغتربين و أولادنا أولاد مغتربين
|
بعد السلام :
كل يوم الزول يفتح البورد يلقى بوست عن أزمة المغتربين مع أولادهم و لا بناتهم أكان فى الشرق ولا الغرب .
فى الغالب البكون فاتح الموضوع مغترب من الجيل الأول --first generation immigrant or expatriate .
أها مافى زول جا حكى تجربتو بأعتباره ولد و لا بت مغترب , بالرغم أنو البورد ملان بيهم .
نوريكم شوفنا .
الوالد زيو زى كتار غيرو عاش فترة طويلة جدا من حياته خارج السودان , شى تحضير , و شى ما بعد التحضير , و فى النهاية أغتراب عديل كده ! فى أواخر السبعينات .
أغلبية السودانين الوقت داك مشو الخليج .
المتعلمين موظفين فى الحكومة أو الجامعات , و الباقين فى سوق الله أكبر ...
__________________________________________________________________________________________________
نرجع لى تجاربنا :
فى الثمانيات الخليج كان فيهو نوعين من العيشة , ناس فى السكنات (compounds) , و ناس فى شقق خاصة فى الاحياء .
ناس المجمعات السكنية عيشتهم بصراحة كانت زى الحلم : ناس من مستوى اجتماعى و اقتصادى واحد . كلهم بيمشو نفس المدرسة . ملاعب , مراجيح , مسابح الخ .
أجازة يوم الخميس و الجمعة كلها لعب . العرب ما كانو بيحتقروهم بل بالعكس . و لانو أغلب الناس كانو بيتعاقدو من دول غير السودان التذاكر السنوية كانت لدولة العقد ,
يعنى الصيف فى انجلترا ولا أمريكا . و عقاب الاجازة فى السودان . أغلبنا كان أهلنا بيرجعو الاقاليم فى الصيف بالرغم من أنو منازلهم كانت فى الخرطوم .
بالنسبة للناس الما كانو بيسافرو الصيف كانت النوادى الصيفية . تتعلم فيها كمبيوتر, طباعة , مكنيكا , كهرباء الخ .....
__________________________________________________________________________________________________
المشاكل ما بدت الا بعد ما وصلنا المرحلة الثانوية . كانت بعض الأسر تعيد أولادها للسودان للدراسة فى المدارس الحكومية لعدة أسباب
1. أعتقادهم أنو الجامعات فى السودان أحسن من الخليج (بالرغم من أنو القبول الوقت داك ما كان صعب شديد فى الخليج)
2. الدراسة فى الغرب مخاطرها أنو الأولد حيطلعو صعاليك و بتاعين سكر .
3. السودان نسبيا رخيص .
4. حاجات تانية أنا ما عارفة !!
_________________________________________________________________________________________________
الخيارات فى العودة للسودان فى الثانوى من 1986-1990
1. خور عمر بنين
2. معهد نبيل (شهادة لندن )
أغلب الأولاد دخلو جامعة الخرطوم أو الجزيرة فى الفترة ديك أكان من 1 ولا 2.
______________________________________________________________________________________________
و هلت ثورة الانقاذ !!!!!!!!!
أها سنة تسعين تقريبا قالو خلاص ممكن نقبل الشهادة العربية فكان فى rush كبير جدا لانو المعادلة الوقت داك ما كانت ظالمة زى حسة : دخلو كميات معقولة
أغلبهم أولاد "افندية" . و أستمر القبول لغاية سنة 1995 لغاية ما أكتشفو انو المغتربين ممكن يدفعو زيادة فحصل القبول الخاص ..
|
|
 
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
العودة الى السودان :
بصراحة كده تجربة العوده للسودان ما كانت أبدا ساهلة . من مدارس مكيفة و عربات مكيفة و نوادى و رياضة و نظام --- لمعسكر عيسى بشارة فى القطينة ولا المرخيات ولا السليت و لا جبل أولياء .
من قرآن بعد صلاة العصر , و على الاقل 4 صلوات فى الجامع لى صعود و سجاير و عرقى و بنقو و فول بالطحنية , ملاريا و دسنتاريا الخ !!!!!!
أها بعد صدمة الدفاع الشعبى : كل العلموك ليهو يطير ليك فى رأسك : تمرق لا عارف الصاح لا عارف الغلط . المهم تتصرف .
تمر الشهرين و تلقى روحك فى زحمة مكتب القبول و سنة أولى برليم لا الناس راضية بيك و للحال واقع ليك ......
تواصل سجاير , أو صعود أو كمان سجاير و صعود . (الوقت داك الشيشة لسه ما جات )
أحسن حاجة ممكن تعملها تشرب ليمون .
فى الغالب تكون ساكن مع ناس خالك و لا عمك و لا حبوبتك .....
تمرق : يزرروك : مشيت وين , جيت من وين , عملت شنو , أكلت شنو ..
تقعد : كهرباء مافى , أفتح الباب , جيب العيش , الزيت قطع , الموية قطعت , رش الحوش , أمرق اللحاف الخ .....
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
الحاجة الغريبة أنك مهما عملت أو حاولت to integrate مستحيل , أكان طرت ياكا شهادة عربية و لا ود مغترب و لا ود العمارات و الراحات !!!!!
تكون خجلان أنك بتتكلم 3 لغات بطلاقة , و يعقدوك أولاد أهلك الما أمتحنو متوسطة و مشو الاقاليم أقل منك !!!!!!
_______________________________________________________________________________________
الوقت داك الجامعة كان أخير منها النادى , يعنى لا دكاترة لا يحزنون , و بتقفل أكثر من تفتح , و كان جيت و لا ما جيت واحد , لكن بصراحة كده , مافى
حتة تانية أصلا تمشى ليها .
يعنى تطير وين ! على الاقل فى الجامعة ممكن تلاقى ناس يعزموك حنة و لا طهور و لا أى مصيبة زمان تعدى بيها يومك وتكون راجيها .
____________________________________________________________________________________
تقوم تخش فى مشاكل مع أهلك ناس مرقتة متين وجيت من وين و تمشى تشوف "معسكر قراية " .
بصراحة كده الناس كان بتظلم أولاد المغتربين فى قصة المعسكرات دى ,
فأغليهم كانو محترمين و غير الونسة و حبة سجاير و لا صعود مافى شى , لكنن الوضع كان بيكون أحسن , فالمعسكر فى العادة بيكون فى بيت واحد من
أولاد المغتربين , و بيكون فيهو جنريتر و موتور موية و صهريج و يمكن حته مكيف موية (فريون نهائى ما كان فى لغاي سنة 2000), و عربية .
و المية دولار البرسولها ليكم تكفى و تزيد للعضة الشبه جيدة . (جداد البوادى مرة فى الاسبوع , أوماك الخ ) - البيرقر و الشاورمة بقو موضة سنة 1995 تقريبا .
_______________________________________________________________________________
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
سلام يا اخ وائل........
موضوعك سمح
انا بس المحيرني الواحد يكون ابوهو اغترب وقعد 30 سنة في الغربة وبعداك يستلم الراية الولد وتلتين سنة اخرى اغتراب وماشين في السكة نمد
متين سودان الجن دا حيتصلح؟
يعني الواحد ابوهو يكون مغترب من السبعينات ولا التمنينات ولغاية الالفينات...ويجي ولدو يواصل الاغتراب وبلدنا لسه واقفة في نفس المربع الاول ومرات كمان بتمش لورا
حكاية تحير والله
ربنا يصلح الحال
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: smart_ana2001)
|
Quote: سلامات اخ وائل فاروق ...
شفتا??? عشان حركاتكم دى (و نوع الجمل) دى كان الناس كلها عندها راى فى ناس الشهادات العربية.
انا 5 سنوات فى الجامعة ما لاقانى شهادة عربية بيتكلم غير انجليزى. و ما كان انقليزى احسن من انقليزى ناس الشهادة السودانية كتير. و طبعا ما بيحصل انجليزى بنات سستر اسكول و اولاد كمبونى !!!!
ما عاوزه اقول اسماء معينة لكن فى دفعتك (اظن انك قلتا في بوست سابق انك دفعة د.طلال عبد الباسط) فى ناس شهادة سودانية بيتكلموا انجليزى و فرنسي (و عربى ذاتو) تمام التمام. و ما بتحتاج تخجل من معرفتك باللغات قدامهم.
_______________________________________________________
ما تزعل يا وائل فاروق. انا ذاتى اولادى اولاد مغتربين. |
شكرا جزيلا لمداخلتك دى لانها بصراحة بتوضح كمية المعانة البيعانوها أولاد المغتربين لمن يرجعو ,
يعنى ولد ولا بت عمرو 15 ولا 16 (حسة ) و زمانك 18 سنة : رجع السودان , متعود على ظروف و ونسة و برنامج معين , يقوم يفكوهو فى جو زى الزفت (و خايف يشتكى ) و الناس already حكمت عليهو , حيصاحب منو ؟ ما
ياهم أولاد المغتربين الزيو , القبلانين انجليزوهو المشقلب العاجبو ده .
عشان كده حسى لو عديتى أولاد المغتربين القرو معاك فى الدفقة الفضل منهم منو فى السودان حتلقيهم أقل من أصابع اليد الواحدة ..........
وائل ...............
_____________________________________________________
بالمناسبة : أنا براى ود المغتربين فى البورد ده ولا شنو ؟؟؟؟؟؟؟؟؟؟
| |
|
|
|
|
|
|
|
|
 Re: مغتربين أولاد مغتربين و أولادنا أولاد مغتربين (Re: سيف اليزل سعد عمر)
|
| Quote: انا بس المحيرني الواحد يكون ابوهو اغترب وقعد 30 سنة في الغربة وبعداك يستلم الراية الولد وتلتين سنة اخرى اغتراب وماشين في السكة نمد |
ويبدو انو مافي نهاية للموال ده ....وحال البلد ماشي من سئ لاسواء ربنا يلطف
والظاهرة الاغرب الان ...حتى المغتربين خصوصا من الجيل التاني وفي دول الاغتراب القريبة من السودان (الخليج مثلا) اصبح اهتمامهم بالبلد قليل جدا ... اجازاتهم متباعدة
وممكن يفضل يمشي اي بلد تاني بدل السودان .... عادي جدا حكاية خمسة سنة ما مشى البلد
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: عمر التوم)
|
| Quote: و فى هندسة كان في كمية من أولاد شهادة سودانية بعطشو الجيم , لكن القدر يقول بغم منو ؟؟؟؟؟؟؟؟ |
سلامات يا وائل...
و الله انا موضوع اولاد و بنات الشهادة العربية ده كان محيرنى و للان محيرنى. حقيقي ناس الشهادة العربية زمنا تعبوا شديد. وفى كتيرين ما قدروا يواصلوا فى الكليات اللى اتقبلوا فيها. ده ما بيمنع انه فى كتيرين منهم كانوا متفوقين....خاصة فى المجمع الطبي.
اكتر حاجه كانت بتحيرنى فى اولاد المغتربين فى الجامعة كانت هى عدم الاهتمام بالبلد و الحاصل فيها. ما عاوزة اقول السياسة, لكن لو نقنقتا من سياسة للتعليم العالى فى البلد ما كان فى واحد فيهم مستعد حتى يفهم الحاصل شنو.
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: smart_ana2001)
|
Dear Smart Ana
| Quote: اكتر حاجه كانت بتحيرنى فى اولاد المغتربين فى الجامعة كانت هى عدم الاهتمام بالبلد و الحاصل فيها |
تعرفى ده برضو تعميم : ممكن أديك كمية من الامثلة كانو جبهة ديمقراطية (واحدين معانا فى البورد ده) و لا المحايدين و لا حزب الامة و لا كيزان (الله يرحمهم لى حسى يجيبوهم فى ساحة الفداء) .
سنة 95 مظاهرات الاتحاد المنها جمدو النشاط تعرفى كم زول من اولاد المغتربين اعتقلهو و لا عوقوه ؟ أها برضو ديل أبهاتهم بيكتبو معانا فى البورد ده و لا هم و لا أولادهم فى السودان !!!!!!
وائل.....
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
| Quote: تعرفى ده برضو تعميم : ممكن أديك كمية من الامثلة كانو جبهة ديمقراطية (واحدين معانا فى البورد ده) و لا المحايدين و لا حزب الامة و لا كيزان (الله يرحمهم لى حسى يجيبوهم فى ساحة الفداء) . |
ومصداقا لكلامك يا حنين - كنت ممتحن و جاي من السويد و اعتقلوني وقلموا لي اضافري
الشوق شديد يا حبة !
| |
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: هيثم طه)
|
| Quote: ومصداقا لكلامك يا حنين - كنت ممتحن و جاي من السويد و اعتقلوني وقلموا لي اضافري |
يا سلام ياخ , والله لو عارف تشرفنا و ترفع بوستنا كان ردينا ليك الجميل فى بوست البروف !!!!!
أها شفتى يا Smart جبتى لينا ناس شهاده عربية من السويد !!!!!!!!!
والله يا هيثم الموضوع ده داير أكتبو من أخر مرة اتقابلنا فيها و أنت كبيت الزوغة و رجعت !! ياخى SMS كان كلفك شنو الله يغفر ليك زنوبك ياخ
:)
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: عمر التوم)
|
Quote: ويبدو انو مافي نهاية للموال ده ....وحال البلد ماشي من سئ لاسواء ربنا يلطف
والظاهرة الاغرب الان ...حتى المغتربين خصوصا من الجيل التاني وفي دول الاغتراب القريبة من السودان (الخليج مثلا) اصبح اهتمامهم بالبلد قليل جدا ... اجازاتهم متباعدة
وممكن يفضل يمشي اي بلد تاني بدل السودان .... عادي جدا حكاية خمسة سنة ما مشى البلد |
العزيز عمر :
قصة أولاد المغتربين أنو اهتمامهم بالبلد قليل جدا فىهو نوع من الصحة . لانو كثار أتزوجو بنات مغتربين , يعنى بيت ناس جدو و حبوبة فى الرياض ولا دبى و لا الدوحة .
أها بالنسبة لينا أحنا بيت ناس حبوبة كان فى عطبرة و لا شندى ولا مدنى الخ .
الما عرسو بنات مغتربين نسابتهم غالبا فى الخرطوم .
نرجع للسودان لى شنو ؟ . فى الغالب بنكون امضينا 15-18 سنة قبل الفترة الجامعية خارج السودان , و 5-7 سنين فى السودان جامعة (مع سنة مرمطة و سنة خدمة الزامية) .
لو أهلك لسع فى الخليج (والدك و والدتك و أخوانك) و نسابتك برضو فى الخليج , ترجع لى منو و عشان تسوى شنو ؟
الناس الأهلهم رجعو السودان فى الغالب بيجو يزورهم و واحدين كتار بقو يفضلو الزيارة فى الشتاء و يكون أحسن لو لاقيت أهلك برة السودان فى مصر و لا تركيا و لا غيرو
لانو الغرض ما هو زيارة البلد لكن ملاقاة الأهل .....
وائل .....
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
سلام يا وائل
يا أخي انت تفتيحة من الله خلقك ما شاء الله عليك يا أخي انا لا انسي لقد علمتني درس اشكرك عليه رغم إني اكبر منك بكم سنة كدا تزكر عكلتك مع ناس البرتش ايرويز قبل كم سنة فى رحلة من مطار هيثرو لفرانكفورت نفس الحصل معاك حصل معي في الخطوط القطرية فطبقت درسك لي بحذافيره واخذت حقوقى غير منقوصة
| |
|
|
|
|
|
|
|
|
 Re: مغتربين أولاد مغتربين و أولادنا أولاد مغتربين (Re: شمس الدين محمد)
|
ياخ انت قاعد في البورد دا من 2009 مافي زول سامع ليك حس مالك وقت اصلك حكاااااي كدة !
واصل و خلينا نستعيد معاك ذكريات المرمطة و التعب و البعد عن الاسرة و يمر عليك وقت تحس بنفسك
لا داير تقرأ ولا داير تتعلم بس رجعوني لي امي ههههههه و اضح طبعاً اننا كبنات بنكون اشد تأثراً منكم .
تحياتي
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: heba Elmahi)
|
وائل سلام وتحية
المشكلة في الجيل التاني والتالت من المغتربين بيكون في تعريف الوطن أولا...وبعدين في مشكلة الهوية لأنو المغترب ده بيكون (خاتف لونين)... وعادي لما تحس وأنت في بلد الإغتراب بإنك غير منتمي للمكان أو البيئة دي...لكن حاااره لما يحسسوك بيها أهلك في السودان ناس الحلة سيد الدكان ...لمن تطلع من طورك وتقول غلطان أنا الجيتكم....
ويازول خلينا نقاسمك بوستيك ده ونحكي معاك المأسي بتاعتنا كحناكيش مفترى علينا :)
لمن مشيت السودان وبسبب الإستعجال عشان ألحق الدفاع الشعبي والكلام الفارغ ده سافرت بجواز الوالدة لأني كنت مضاف فيهو (كسل ساااي من الوالد الله يرحمه) المهم بره السودان مشوني عااادي...في جوازات الخرطوم وقفني الضابط (كبيييير كده ولسه مضاف مع أمك) أمك الأخيرة دي جاتني زي النبز..أي والله...وقمت ليهو على المساخة (لسة ما إتفطمت ياخي..المشكلة شنو؟؟ بعدين بره بلدي مشوني داير توقفني أنت هنا؟؟) بسبب الجملة السابقة قضيت تلاتة ساعات في المطار من ظابط كبير لظابط أقل لصول لغاية ما وصلت لواحد لابس جلابية سااي...دخلني كمية مكاتب ما أتخيلت تكون جوة المطار الصغير ده...وبعدها قال لي خلاص أمشي لأهلك وما تجينا راجع بالجواز ده تاني.... لمن طلعت لقيت خالي بعد فتر من الإنتظار والخوف علي قاعد في الرصيف بره المطار....بعد السلامات والمطايابات حكيت ليهو الحصل...قال لي يا زول هوي أنت داير تجي تعارض لينا هنا ولا شنو..والله تتماسخ مع النوعية دي تاني أرجعك أهلك طوالي....قلت ليهو رجعني لكن مابالجواز ده :)
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: Musab Osman Alhassan)
|
| Quote: ياخ انت قاعد في البورد دا من 2009 مافي زول سامع ليك حس مالك وقت اصلك حكاااااي كدة ! |
وائل شوق كتير و تحياتي يا رائع .......... حضور و كرسي امامي وواصل بدون فواصل تحياتي لكل الشباب وائل عبده ، عوض دكام الصغير، بهاء الدين ،،،، يييييييييييييييييييك و حاه الله جنس كتره ناس جو فى بالي هسي ايام لها ايقاااااااااااااع و ايقاااااااااااااع خاص جدا .......... لكن ياوائل زي زيك جيت الجامعة للسودان مافاهم حاجه لكن طلعت من السودان فاهم انو الما قرا الجامعة فى السودان ما قرا جامعة من اصلو....... ياخي الجامعة فى السودان جمال الروح و إصدقاء العمر كلو والما عندو دفعة فى السودان بكون عمرو كلو رايح .... هسي سؤال هل انت مواصل اصحابك فى دول الاغتراب اكتر ولا اصحاب طب الخرطوم اكتر؟ و لو مواصل ناس الخرطوم اكتر لييييييه ؟
انت يازول عندك غرام مع المطارات متذكر رحلتنا للقاهرة من مطار الخرطوم؟ ماعارفك كنت ماشي وين لكن كنت ماشي ليك بلد سمحه :)
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: Sayed Bekab)
|
Quote: سلام يا وائل
يا أخي انت تفتيحة من الله خلقك ما شاء الله عليك يا أخي انا لا انسي لقد علمتني درس اشكرك عليه رغم إني اكبر منك بكم سنة كدا تزكر عكلتك مع ناس البرتش ايرويز قبل كم سنة فى رحلة من مطار هيثرو لفرانكفورت نفس الحصل معاك حصل معي في الخطوط القطرية فطبقت درسك لي بحذافيره واخذت حقوقى غير منقوصة |
العزيز شمس الدين :
اهم حاجة تكون جبت مكنة حلاقة ياخ !!!
وائل .......
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
| Quote: لكن ياوائل زي زيك جيت الجامعة للسودان مافاهم حاجه لكن طلعت من السودان فاهم انو الما قرا الجامعة فى السودان ما قرا جامعة من اصلو....... ياخي الجامعة فى السودان جمال الروح و إصدقاء العمر كلو والما عندو دفعة فى السودان بكون عمرو كلو رايح |
الاخ بيكاب تحياتي
كلامك ممكن يكون صحيح اذا توافرت الظروف الطبيعية المناسبة لعملية (التحصيل الانساني) الكاملة اثناء المرحلة الجامعية , اكاديمية, اجتماعية, ثقافية, او حتى سياسية.
لكن المسألة كانت بالنسبة لي لاتعدو كونها خيال جامح , يا اخي الجو العام الضاغط ايامها الغى من قواميس الناس كل التفاصيل الممكن تودي لمرحلة الوصول لصداقة مميزة او خلافه ,
ناهيك عن انك تجي من واقع معين وتحاول تخضعوا لمعادلة التماهي والتماشي مع حال البلد ومجاراة الظروف .....دي كانت مسألة غاية في الصعوبة.
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: Musab Osman Alhassan)
|
Quote: المشكلة في الجيل التاني والتالت من المغتربين بيكون في تعريف الوطن أولا...وبعدين في مشكلة الهوية لأنو المغترب ده بيكون (خاتف لونين)... وعادي لما تحس وأنت في بلد الإغتراب بإنك غير منتمي للمكان أو البيئة دي...لكن حاااره لما يحسسوك بيها أهلك في السودان ناس الحلة سيد الدكان ...لمن تطلع من طورك وتقول غلطان أنا الجيتكم....
|
بس شفت دى هى أساس المشكلة و الأدهى و الأمر هم قايلين روحم بيرحبو بيك !!!!!
_____________________________________________________________________________
نحكى ليك دى (ما عندها أى علاقة بالكلام الفوق بس جاتنى و قلت أحكيها ليك)
أول دفعة فى كلية التقانة العسكرية كانت دفعتنا , قامو أعلنو ليها أثناء ما نحن فى الدفاع الشعبى ,
أها أنا كانت قافلة معاى قمت مليت الفورم لمن ناس الكلية الحربية جو .
بعد أسبوع كده جو و قالو الطلاب الاتية اسمائوهم تم أختيارهم للمعاينة . زول واحد غيرى ود مغتربين قدم من المعسكر مافى .
المهم قالو خلاص المعاينة فى نادى الضباط .
زى الما حصل حاجة مشيت طلعت اذن معاينة , وحاتك تانى أسبوعين .
بعد ما جيت تانى قفلت معاى مشيت لعمك الرائد محمد على كلاى قلت ليهو ورقى كان ناقص و ناس الكلية الحربية ديل قالو لى تجى تتمو !!!
سبحان الله , لفت الايام و دارت مشيت بدلت ولدوفى الخدمة الالزامية فى الجنوب , كان راجى زول و جيتو أنا !!!!
وائل ......
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: heba Elmahi)
|
Quote: واصل و خلينا نستعيد معاك ذكريات المرمطة و التعب و البعد عن الاسرة و يمر عليك وقت تحس بنفسك
لا داير تقرأ ولا داير تتعلم بس رجعوني لي امي ههههههه و اضح طبعاً اننا كبنات بنكون اشد تأثراً منكم . |
العزيزة هبة الماحى:
شكرا على المرور . تعرفى أنا لغاية ما دخلت الجامعة ما عارف بنات المغتربين كانو بيدوهم الثانوى وين . يعنى الاولاد كانو برجعو مدارس داخلية . البنات ديل بمشو وين ؟
أخوات اصحابنا الكبار بنتذكرهن لغاية ما يصلو المتوسطة , تانى ما بتسمع بيهم الا يعزموك عرسهم . بحصل فى النص شنو الله أعلم :)
فى اواخر التسعينات قامت موضة الداخليات الخاصة للبنات . قبالها البنات كان حالتهم تحنن بالجد والله .
يعنى القاعدة مع خيلانه و لا أعمامة من الساعة 3 العصر فى البيت . و البيت يكون مردوم أولاد . مافى أى نوع من الخصوصية . خرتمية زول فى البيت و بالكتير ضلفة فى دولاب .
الهدوم كلها شيرينج . لو جابت معاهل شكلاتة القيامة تقوم . و العجب لو شافوها بتلوك فى لبانة ولا كمان لو قامت قررت تنتحر و تلبس بنطلون!!!!!
فى التسعينات موضة كل ود ولا بت عندو عربية مافى , أغلب الناس كانت يا تركب المواصلات العامة ولا فى زول ماشى للخرطوم من الحلة ولا البيت بيقدمهم .
الاولاد كان متحمداهم المواصلات و لا الملح فى البوكس .
بما أننا أولاد راحات و كده فى سنة أولى جامعة قمنا عملنا لينا ترحيل : برينسة , 12 راكب 10 بنات و ولدين , لزوم الحراسة و كده :) . النصيحة لى الله سواق البرينسة زاتو
كان مغترب و رجع اشتغل موظف فى واحدة من المصالح الحكومية . واصل معانا يجى 6 شهور و لانو أغلب المشتركين كانو بنات , كان بيستلم قروشو أول بى أول .
الفكرة ما كانت واقعة لى كم واحدة فى الاول و أبو يجو . أها مع تلتلت المواصلات و الزحمة بقينا فى الواسطة !! عليكم الله حنسو وائل ده .(الكمسارى و كده) و العجب الاولاد
أى زول داير يشترك , و لهم فيها مآرب أخرى !!!!!!!
وائل ................
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
| Quote: وائل شوق كتير و تحياتي يا رائع .......... حضور و كرسي امامي وواصل بدون فواصل تحياتي لكل الشباب وائل عبده ، عوض دكام الصغير، بهاء الدين ،،،، يييييييييييييييييييك و حاه الله جنس كتره ناس جو فى بالي هسي ايام لها ايقاااااااااااااع و ايقاااااااااااااع خاص جدا ... |
العزيز جدا أبوالسيد : السكرتير الأجتماعى لرابطة طلاب الشهاده العربية (والله ما متأكد أجتماعى ولا رياضى ) أنشاء الله الدنيا ادتك وش .....
رحلة القاهرة البتتكلم عنها دى أنت خلاص مارق من الجامعة . باقى لى كانت سودانير لندن البتقيف تنزل الناس فى القاهرة . الرحلة ديك كانت غريبة جدا والله ,
لى حسة بتذكرة - كان معاى فى الطيارة د. الطاهر الشبلى و زوجتو د. هدى ساتى . أها ناس سودانير زايغين بقروش بتاعت نا س مطار هيثرو فقامو عملو شنو نزلو الطيارة فى باريس
و قالو لينا أنزلو بس خمسة دقايق ربع ساعة كده عندنا مشوار قريب و بنرجع نسوقكم (والله الكلام ده جد جد ما هظار). أها نزلنا فى شارلز ديقول !
بعد ساعتين كده جونا ناس المطار : انتو مالكم هنا ؟ لا دخلتو لا كمان مرقتو على الترانزيت ؟
الله ؟ نحن ناس لندن ! و طيب مالكم فى باريس ؟ طاشين ؟ و الله ما طاشين لكن ناس سودانير ديل نزلونا و قالو لينا ختفة رجل كده و و نجى نسوقكم .
الموسم كان موسم حج اتذكر . قامو قالو لينا هوى أنتو كضابين ساى , سودانير دى حسة كان قريبة فى أبوجا , ناقلة حجاج !!!
و الحل؟ قالو خلاس أضربو لى ناس سودانير : طبعا اليوم كان ويكند يا سبت يا أحد ما متذكر . جانا واحد لبنانى زهجان زهج شديد ممثل الناقل الوطنى فى باريس :
و انتو نزلتو ليه : أنتو الغلطانين . يعنى لو ما نزلنا نمشى أبوجا !!!!! المهم اللبنانى قال مافى حل بس تقعدو فى المطار كده لمن طيارة الثلاثاء تجى نشوف ليكم حل!!
السفير فى باريس الوقت داك كان عمك نورالدين ساتى , فقامت د. هدى ضربت ليه تلفون و جا . أتفاهم مع ناس المطار و قال ليهم لصقو مع شيكات سودانير الباقية !
دخلونا باريس يومين وحاتك . لغاية ما لقو لينا ركشة توصلنا .....
باقى لى فى ناس فى البورد ده كانو معاى فى الرحلة ديك . واحدين كانو لاحقين ترانزيت لى أمريكا !!
____________________________________________________________________________________
نرجع للموضوع الرئيسى : القراية (او عدمها فى السودان) كلامك صاح الزول أصحابو من الجامعة ما بتعوضو لكن كمان أهلنا رسلونا عشان نقرأ و لا عشان نصاحب ؟؟؟؟
أكان للصحوبية فى داعى للتلتى دى ؟ أكان صبروشوية كان قرينا فى الفيس بوك والله !!!
بصراحة سبب العلاقات الاجتماعية الفوق عادية عشان قاعدين مصاقرين بعض 24 ساعة من البيت للجامعة لنومة العصرية للقشرة و حفلة عقد الجلاد و أعد 6 سنين !!!!
____________________________________________________________________________________
وائل .....................................................................................................
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
العزيز Modthier Hassan
بعد السلام :
والله حسى تلقى الواحد من أول شهر فى السنة خايف ينهو ليهو عقدو !
ياخ أقول سر يوم داك لاقيت ليك واحد من "أعمامنا" الاغتربو مع أبوى , يعنى لو سغير عمرو يكون 65 سنة .
المهم حق الله بق الله , انت كيف , أهللك كيف , أولادك كيف. قال لى أنا راجع من كندا عملت ال landing !!
لا حول و لا حول !!!!
تقول لى تانى تجى !!!!!
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: Osama Khalid)
|
ياخ انت الله يديك العافية ...والله يكون في عون السودان
لا تربية وطنيه ..ولا حب للوطن ..ولا تعليم ..ولا خدمات ولا ولا ولا ..
تغترب تحن للسودان ..ترجع السودان تقول الجابني شنو ..
كل الدول طارت ونحنا مكانك سر..
المغتربين وأولادهم الله يكون في عونهم ..
أتخيل ولدي تاني يوم من الإجازة قطع الكبري من أم درمان للخرطوم اليوم التأني ضرب تلفون انت عارف قال لي شنو..
انحنا مشينا دوله تانية اسمها الخرطوم ..دا ولد عمرو 12 سنه ..
ياخ احكي والله انا محتاج لكميه من الجرعات دى ..لك الود ...
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: Osama Khalid)
|
حبيبنا أسامة :
Quote: سلام بعد الحكاية دي انت راجع السودان متين ؟؟؟؟؟؟؟؟؟؟؟؟؟؟؟
|
والله ما بيمر يوم ما بفكر فيهو فى الرجعة , الخوف من البقى علينا يبقى على أولادنا !!
سنة 1988 ايام السيل و الفياضان كان عندنا عرس فى شندى . الوالد كان عندو عربية سوزوكى .
أها العربية دى بالقانون و الفيزياء ما بتشيل اكثر من 5 لكن "بالبركة" كانت شايلة على الآقل 8 ناس .
الوقت داك الزلط حدو الناس البيبيعو جوافة فى الجيلى .
المحطات معروفة : وواسى , جبل جارى , خور عروس , السيال .
فى شندى زاتها لمو فينى أولاد العرب جلدونى جلدة صاح (لله فى لله كده والله لى حسى ما عارف السبب شنو)
أثناء الكافوتى (البتكفت أنا وحاتك) كانو بيقولو لى أبوك مغترب مش كده !! والله تشوف !!
لحقونى أولاد أعمامى غايتو و الجماعة قامو جارين ..
المهم الذكرنى كلامك ده أنو بعد مشينا من العرس حلفت قلت تانى شندى دى كان بقت فيينا(vienna) ما بمشى ,
و جيت راجع مع السيرة بالقطر . أظن أخد يومين نصهم مناورات . الله يكرمك المسافرين كلهم ضربهم أسهال
و الحمام بتاع القطر ارقونمك - و كلو اورقانك : من بطنك للسكة حديد تحتك طوالى !!
المهم تعرف بعد داك لمن رجعت السودان , كنت بمشى شندى تقريبا كل 3 شهور !!!
أها الخوف ده يبقى على أولادنا لمن نرجع
_______________________________________________________
بالجنبة : أنت أراضيك وين : فى السودان ولا السعودية و لا معانا بى جاى ؟؟؟؟؟؟؟؟
وائل
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
العزيز عادل عبدالرحمن
| Quote: تغترب تحن للسودان ..ترجع السودان تقول الجابني شنو .. |
بعد السلام :
واحد سنيرنا مشى أمريكا بعد ما أتخرج , و جا راجع السودان , الجماعة يسألو فيهو أمريكا كيف ,
أنت جابك شنو ؟
قام قال "السودان ده زى حمامات السوق العربى : الجوه متضايق من العفانة داير يمرق و البره مزنوق داير يخش "
أها ده بس زى قولك الفوق ده .
وائل .....................................
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
وائل فاروق
ضحكت شديد من حكا يتك مع عرب شندى و"الكفيت" بس لانك ود مغترب.
طبعا المقصود بكلمة "عرب" هنا بدو أو اعراب او ناس الريف والقرى ما ناس المدينة.
عرب شندى للآن عندهم غرام لحفلات الاعراس ولازم الحفلة تنتهى بمشكلة مفتعلة بسببهم، بس كدة بدون سبب منطقى.
بعدين شئ نانى، معظم السودانيين مغتربين أولاد مغتربين- لو ما برة السودان جوة السودان. انحنا ابائنا بدلا ما يتجهوا شرق او شمال اتجهوا غرب وما وقفواا الا على
وقصدهم يبدو كان هجرة دائمة-استمرت عشرات السنين- ولو ما الحروب الاهلية وعدم الاستقرار فى تلك المناطق لما عادوا لموطنهم. انا غايتو شفت السودان اول مرة وعمرى سبعة سنوات. طبعا معاناة لا توصف فى المدرسة وعادى
تسمع يا زول ات ما سودانى- بسبب اللكنة.
والزمن داك برضو أول المدرسة ياخد جلدة معتبرة من ناس كبار منتظرين برة المدرسة..ياخ السودان دة فيهو جنس بلاوى.. أول المدرسة ما الطيش ههههه
غايتو ربنا يصلح حال السودان والناس ترجع لبلدها.
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: ombadda)
|
| Quote: والزمن داك برضو أول المدرسة ياخد جلدة معتبرة من ناس كبار منتظرين برة المدرسة..ياخ السودان دة فيهو جنس بلاوى |
ombadda
تحياتي
دي من اسوا المرارات البتفضل محفورة , وممكن تخلي الواحد عمرو
كلو يتصرف بطريقة Defensive, القهر في السودان ياخذ شكل
هرمي , يبدا من اعلي ويتدرج لغاية ماتصل ناس مالاقين زول يقهروهوا
فيقهرون الحيوانات, يعتدون علي القطط والكلاب في الشوارع دونما
سبب واضح , سوي تمرير القهر الواقع عليهم من اعلي..
انا تقريبا من تالتة ابتدائي لغاية سادسة ماكنت بقدر استلم النتيجة
من المدرسة, كان عندي خالي استاذ في نفس المدرسة, تولي مسئولية
النتيجة, لانه حتي بعض رفاق الجيرة والحي كانوا يقومون بدور
بروتس
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: ombadda)
|
العزيز أمبده :
| Quote: ضحكت شديد من حكا يتك مع عرب شندى و"الكفيت" بس لانك ود مغترب. |
هم عرب شندى بس ؟ تعرف حتى أولاد أهلك تكون بتلعب معاهم دافورى , لو جريت واحد فيهم تلقى طوالى بدا يكورك ,
والله أنا لو ما خايف عليك , والله أدقك , والله بس كان ما أهلك مغتربين ....
ود مغترب دى زمانك لمن يقولا ليك زول زى القال ليك يا ود الحرام !!
___________________________________________________________
تعرف فى culture غريب جدا اسمو الحقارة - bullying . و المشكلة الاكبر أنو مقبول فى المجتمع , بل و يتم التشجيع عليه .
فى مدارس الاولاد الشفوت البخوفو الناس أولاد الصاقعة الخ ......... دايما تلقاهم حقارين و حكمة الله بلدا ..
أها ديل بدل المدارس تخوفهم تشغلهم شدادين و الفا .... حاجة تمخول !!!
وائل .......
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
Quote: دي من اسوا المرارات البتفضل محفورة , وممكن تخلي الواحد عمرو
كلو يتصرف بطريقة Defensive, القهر في السودان ياخذ شكل
هرمي , يبدا من اعلي ويتدرج لغاية ماتصل ناس مالاقين زول يقهروهوا
فيقهرون الحيوانات, يعتدون علي القطط والكلاب في الشوارع دونما
سبب واضح , سوي تمرير القهر الواقع عليهم من اعلي ..
انا تقريبا من تالتة ابتدائي لغاية سادسة ماكنت بقدر استلم النتيجة
من المدرسة, كان عندي خالي استاذ في نفس المدرسة, تولي مسئولية
النتيجة, لانه حتي بعض رفاق الجيرة والحي كانوا يقومون بدور
بروتس |
والله ياهشام يادووووب انتبهتا للكلام دا انو قهر، زمان عااااادي الناس بتعملو وبنعتبرو شقاوة او شيطنه واديك مثال لأبعد من الاعتداء على الحيوانات، ياخي عندنا واحد مسلّط كدا كان مايلقى ليو بيت فيو لمبه او جرس في الباب ، وما أندرهما في ذلك الزمن، الا بالعكاز وكشششششششششششششش يدمرم ويقوم جاري........ مضرّة بس لاغير!!
شكراً صاحب البوست وشكرا هشام
ربما جيت صادي
ــــــــــــــــــــــــــــــــ
بالجنبة كدا: بروتس دي مافهمتها والله الا بالسياق العام بس :)
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: محمود سيد أحمد)
|
سلام عليكم
معليش مشاركة خشنة لكن حقيقية والله
عارف زمان لو الزول كان وجيه شويه كدا حقو راح...تحرشات جنسية تقيلة لمن يكرهوه الحلة ويكرهوه الطلوع من البيت
ماشاء الله طبعا اولاد المغتربين بكونوا نضاف ومكملين الوجاهة فشنو بكونوا مستهدفين
واصلا زمان كان في ازمة في الجكس والتواصل معاهو ما كان ساهل ابدا ...زمن يكتبليها الرسالة في المنديل ولا في نص كتاب المدرسة والوهمات القديمة ديك
في حاجات في الطفولة والله بتكون شوّهت نفسيات الطفل وزرعت جواهو اشياء بكون بعاني منها ومركوزه في عقلو الباطن لغاية ما يكبر
عارفين صراحة كدا لمن الناس تكون كلها على مستوى متقارب او واحد من الوضع الاجتماعي والمالي وحتى على مستوى السحنات والوجاهة بكون في شوية راحة واستقرار
هسي انا قاعد في السعودية ولمن اشواف اولادهم بقول والله ديل كان جو السودان زمان كان تعبو تعب شديد خلاص
وفي فمي ماء كثير كدي نخليهو لبعدين
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: احمد سيد احمد)
|
العزيز أحمد سيد أحمد :
| Quote: عارف زمان لو الزول كان وجيه شويه كدا حقو راح...تحرشات جنسية تقيلة لمن يكرهوه الحلة ويكرهوه الطلوع من البيت |
كلامك ده صحيح 100% . تعرف الحاجة الغريبة الناس كلها عارفة وجود المشكلة دى فى السودان , بما فيهم أهلنا !!! ما هم زاتهم كانو فى السودان !!
ما يخلوك تمرق بره براك و فى نفس الوقت ما يشرحو ليك لى ...
المصيبة أنو الاساتذه عارفين , نسوان الحلة عارفين , ستات الشاى زاتهم عارفين , لكن الناس كلها عامله فيها رايحة ..
يعنى قصة سواق الحافلة دى المزعلة الناس حسى الكلام ده حاصل من الستينيات , و أى مدرسة فيها الص**ر . و فى ناس بتتفاخر بى أنهم كانو صق** و
عملو و سو لى فلان و علان ..
القصص دى تسمع بيها فى الجامعة و الدفاع الشعبى أن فلان سوى لى فلان , و الناس كلها تتقبل الموضوع بشكل عادى زى الزبادى ....
_____________________________________________________________________________________
أولاد المغتربين كانو معرضين للمشكلة دى أقل من اولاد الراحات فى السودان, لانهم كانو بيرجعو السودان فى الفترة الجامعية . أغلب التحرشات الجنسية بتكون فى المرحلة
المتوسطة أو فى الثانوى بشكل أقل .....
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
يا وائل فاروق واخيراً ممكن بخشم مليان اقول وجدت زميل فى المنبر اعتبرهعليه كاتبى المفضل من الليلة دى....... وعليك الله ما تقيف من الكتابه عن اى حاجى المهم بس اكتب
ياخ كتابة وسرد بسهولة وفكاهة وبساطة ومع ذلك مضمون قوى وحقائق تلامس الواقع بقوة ووو حولا.الحمدلله الطلعت شهادة عربية , يعنى مقولة المعاناة تولد الابداع طلع كلام ما ساى
كدة بس قلت النقول استمتعت بطريقة الكتابة الحقائق والمضامين نخليها شوية لحدى يجوك بقية ناس الشهادة العربية واولاد المغتربين
حكايتنا انحنا ح تكون عن اولاد المغتربين وقصصهم من زاوية البكونوا مستضيفين اولاد المغتربين الجايين من محل القروش وساكنين معاكم فى البيت
الاحاسيس والمعاملات والنظرة لود عمك المغترب ولا خالك ولا خالتك ولا احيانا اصحاب ابوك الما عندهم اهل فى الخرطوم ودايرين يسكنوا معاكم عشان الولد ولا البت جاية تقراء
لكن كدى النسمع منكم بالاول
غايتو اى زول مغترب اكتر من عشرة سنين اليبل راسه كويس
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: محمد زكريا)
|
الحبيب محمد زكريا :
| Quote: غايتو اى زول مغترب اكتر من عشرة سنين اليبل راسه كويس |
تعرف الغريبة عندنا أصحاب كتار مشتركين لكن أصلو ما اتلاقينا . منهم العزيز غاندى و عماد , و الشقى فاضلابى .........
أيام المركز الفرنسى كان موضة كان صاحبك غاندى شايل فلوتو و حايم . المهم كنا الوقت داك متبارين ....
هو كان ساكن فى الحلفايا و فاضلابى و شبكة فى شمبات . فكنا بنرجع سوا .
أول ما بدت الحفلات بتاعت رمضان كان بيعزفو هو و عماد فى الهلتون و قصر الصداقة ....
فلس شديد ...
المهم , يوم قاعد مع غاندى - الوقت داك كان عامل راستا . شافنى ليك واحد قريبنا و عمل ليبتون .......
قوم أضرب تلفون للوالد و حلف يمين شافنى سكران بتترتح و بشرب فى البنقو , والبنات عن يمينو و عن شمالو !! و بنحضر فى فلم خليع !!
الكلام ده كلو فى المركز الفرنسى الجديد !!! يعنى الزول ده كلف روحو مشى لغاية الكبانية و ضرب تلفون خوفا على , وعينو لى خلانى سكران بتترتح
فى المركز الفرنسى !!!!
المهم أبوى الله يدى العافية ما ريحو : قال ليه لو قلت لى بنقو ساى أكان صدقتك و شفقت , لكن و كت بنقو و عرقى الاثنين سوا البشفقنى شنو
وقت أصلو ضاع و ما منو رجا !!!
وائل ......
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
Quote:
تعرف الغريبة عندنا أصحاب كتار مشتركين لكن أصلو ما اتلاقينا . منهم العزيز غاندى و عماد , و الشقى فاضلابى .........
|
والله لكن كمية اصحاب مشتركين ياخ
وحتى شبكة اخوه اسامة عبدالعزيز كان المدير الادارى لفرقة ساورا فى فترة من الفترات ودايماً بنكون فى بيتهم فى شمبات
غايتو اكيد بنكون اتلاقينا لكن بس ما متذكرين
لكن الصراحة كنّا احياناً بنعتبركم تبع فئة الحناكيش والمتطنقعين لكن المتعلقين بى ناس الموسيقى كانوا متواضعين شوية واقل حنكشة
فااا اغفروها لينا :)
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: جمال ود القوز)
|
Quote: الله يفكنا يأخ ..
وسودان الجن ينصلح حالو .......... |
آمين .........
تعرف السودان ده بلد غريب خلاص . بالرغم من أن ناس كتار زى عمك ابوالزيك ده كانو عادننا حناكيش ,
كمية التمييز السلبى الكانت ضدنا خرافية . يعنى زى ما قلت فى أول البوست ود مغترب يعنى لو قلبت الهوبة
ما تبقى زى ود البلد .....
والله الزول لو ما خايف أكان قلنا نوع من العنصرية عديل كده ...
بعد ما كملنا الجامعة , لسع الحرابة مدورة بين الشمال و الجنوب . الاطباء كان عندهم عرض للخدمة الالزامية
الشهر بى شهرين فى الجنوب و الشهرين بى شهر فى الشمال (و بى واسطة) ةو الشهر بى شهر فى مناطق الشدة
زى كردفان و دارفور ....
المهم توشك بعد ما كملت الامتياز مشيت المنسقية فى الوزارة . شلت ورقى و قفت فى الصف . ناس كمية كانو
بيعرفونى . بعد السلام حق الله بق الله , دخلت لى المنسق : أها داير تتوزع وين ؟ قلت ليه التخفيض بس مسكنى دربو ,
يا زول بى جدك ؟ قلتو والله جد بس الجنوب .... أها الزول ده قام اتلخبط و قال الموضوع فيهو أن , قال لى كدى أمشى
و تعال , الموضوع ده داير لجنة !
شوف عليك الله الناس دى , تمشى بالسكة عديل تقول ودونى للحتة الناس مابينها يقول الزول ده أكيد عندو غرض .
جيت الاسبوع البعديه , قال لى خلاص , وزعناك طوارئ و عمليات , تمشى المكتب بتاعم فى الطائف ....
بسم الله الرحمن الرحيم . يا جماعة الخير حسى أنا جيت بالسكة فى داعى للتلتة دى ؟
المهم المنسق جاى جاى حنكنى و اقنعنى انو عشان أضمن التخفيض لازم أبلغ الطوارئ .
مشيت الطوارئ , فى السكة لاقانى واحد صحبى , اها يا ود الراحات , اتوزعت وين ؟
قلت ليه طوارئ و عمليات !!
والله كضاب قال لى ! ليه ؟ يا زول حيودوك غرب النوير مسخنة سخانة شديدة و الزول راجى الغيار ليه شهر . شوف ليك
أى زول من أهلك واسطة و اتخارج من الشغلة دى . ما اشتغلت بيه و مشيت بلغت . و فعلا قالو لى يا واو يا بانتيو ,
قلت ليه بانتيو , على الأقل السكة قريبة و ما فيها ترانزيت !!!
أها بعد ما مرقت لاقيت 2 أصحابى و دفعتى , أقتعتهم الاثنين يقدمو معاى و حكمة الله الاثنين أولاد مغتربين . المنسق كان فى هجليج
برضو الدفعة القدامنا , شهادة عربية .
سبحان الله , دفعتنا الكيزان كانو فيها شوية لاكن أى زول أنا بعرفو شهادة عربية قضى الخدمة فى الجنوب !!!!!
ربك رب الخير فتح لينا فيها خير كثير , الاشتغل مع أطباء بلا حدود و الاشتغل بترول بعد داك و الاشتغل أمم متحدة ...
وائل ....
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
Quote:
تعرف السودان ده بلد غريب خلاص . بالرغم من أن ناس كتار زى عمك ابوالزيك ده كانو عادننا حناكيش ,
|
نعمل شنو يا ولدى عاد, ياهو اللقيناه قدامنا ومسكونا فيهو, عيال المغتربين بقولوا عليهم حناكيش
بعدين ده كله من ناس الهيلاهوب وبتاعين الاستاندب كوميديا وتيراب وما ادراك ما حدباى الى ود شلا الخ ظرفاء المدينة البائخى النكتة والذوق
, ياخ ديل طلعوا فوقكم كترة نكت لحدى ما قدرنا نفرز الجنكوش من الحنكوش من البنت من الهناى
والعجب فينا و الشعب الفضل الفاهم حاجة والمافاهم تلقانا كلنا ميتين من الضحك فى حاجات سخيفة لو اتمعنا فيها مرتين قبل ما نضحك ساى
غايتو الله يسامحنا يا ولدى والله انتو استحملتوا اصناف من العوارات والهبالات الكانت بتحصل حسادة ساى بتكون
غايتو كله فى رقبة ابهاتكم الاغتربوا
فاااا سامحوهم وسامحونا عليكم الله
علا النصيحة
هووووى يا مغتربين هوى العيال اخشوشنوهم قبل ما يرجعوا السودان ان شاءالله زيارة
والبنات زاتهن اخشوشنهن, باقى اخوات نسيبة فى السودان كن لقنهن مساكين بفشن فيهن غبائن الدنيا السبعة
دخلوهم كورسات كراتى ولا ملاكمة ولا اى حاجة
==============
والله بقينا خايفين تبقى علينا حال الكان زمان بنضحك فيهم
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: محمد زكريا)
|
Quote: والله بقينا خايفين تبقى علينا حال الكان زمان بنضحك فيهم
|
أصلها باقية :
كان عندنا زول دفعتنا أمو أجنبية , أتربى فى السودان لغاية ما كمل الثانوى
الزول ده لاقيتو قريبات دى , قلت ليه أها السودان كيف ؟ والله الزول ده يحكى
ليك تبكى عديل .
______________________________________________
نرجع لى قصة النكت بتاعت الحناكيش الحكيته دى :
كنا فى سنة أولى برليم فى معسكر مفتوح , و المعسكر بصراحة كان لامى
لاعبين من جميع الدرجات : أولاد مغتربين , أولاد خرطوم , اولاد أقاليم .
المهم فى يوم كده قامت شكلة خفيفة بين واحد من أولا د أبوظبى و التانى من
أولاد الاقاليم .
ود الريف قبل الشكلة شابك ليك ود أبوظبى يا زول أختانى , انا كان لميت فيك
بفجخك وداك يعاين ليه ساى , و كلنا ساكتين (و تحت تحت بنضحك) المهم زولك ود
الريف مشى على ود أبوظبى و داك ما صدق مسكو ليك بيد واحدة و عصرو لمن بقى يكورك .
أها بقينا فى الحجيز , بعد فكينا من ود أبوظبى : قال والله بيرقر دبى بيرم العضم .
ود أبوظبى زول بتاع حديد و جكة بالصباح لى يوم الليلة ....
______________________________________________
بمناسبة الكراتيه , لو متذكر ورا كمبونى الخرطوم كان فى نادى بتاع كونغ فو - ما متذكر اسمو .
المهم يوم كده جاتنى ليك وهمة قلت أمشى أشترك .
مشيت السوق الافرنجى كان فى محل بتاع رياضة : اشتريت البدلة و قلت أمشى اتمرن .
اول يوم قمت مشيت قلت ما أحرج روحى أخير أتفرج ساى : البدلة ما مرقتها من شنطة الجامعة .
و قعدت اتفرج .
قعد جمبى زول شكلو مشجع كبير : شابكنى ليك حسى يجيب بترول , حسى يجيب بترول .
المهم البطل يشيل و يدق و الجمبى يتململ , ياخ ده ما شغل ده . عمك الليلة كابى حنان شديد .
بعد شوية ترااااح ضرب ليك زولو لمن كبٌ دم . المشجع رجع لى ورا و عاين لىَ مبسوط
"مش قلت ليك بجيب بترول "
_________________________________________________
الله لا جاب بترولنا ......
وائل ...............................
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
وائل فاروق
Quote: ضحكت شديد من حكا يتك مع عرب شندى و"الكفيت" بس لانك ود مغترب.
طبعا المقصود بكلمة "عرب" هنا بدو أو اعراب او ناس الريف والقرى ما ناس المدينة.
عرب شندى للآن عندهم غرام لحفلات الاعراس ولازم الحفلة تنتهى بمشكلة مفتعلة بسببهم، بس كدة بدون سبب منطقى. |
عشان زى كلامكم دا انت واخونا امبدا دا كنا بنكفتكم ولسه بعد كدا الكفيت حيكون بى فهم كما دكاتره والله دى كمان احتمال يكون فيها عكاكيز بعدين كان عندنا حساسيه مع الزول النضيف لازم ندغدغو فى الدغنه ول الرمله يعنى اولاد الخرطوم لمن يجو يلعبو معانا برجعو البيت مكتحين ومدقوقين لكن اغرب حاجه برضو من الصباح يجو طايرين تانى وبرضو نجلدن وتانى الاجازه الجايه يجو لكن اولاد المغتربين بقو يجيبوا لينا هدايا لمن يجو عليك امان الله هداياهم بتحجيهم يومين تلاته ونرجع نلبعم زى الماكان حاجه غايتو الله يغفر لينا كنا قلة الادب مكملنها
بعيدا عن كل الحساسيات والله بوست ممتع للغايه واصل يا دكتور ربنا يديك العافيه ياخى
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: WAD ELGAALI#4)
|
ود الجعلى : سلام :
والله من زمان , نفسى أعرف قصة الحقارة الغريزية فى أولاد الريف دى سببا شنو ؟
يوم عيد الضحية صلينا فى جامع الفكى يوسف . الامام كان الفكى الأمين الله يرحمو ,
عندو خطبة واحدة ثابتة , كبش سمين . و صلاة ختفة رجل قبل ما تسجد
يكون سلم .
بعد الصلاة مشيت مع أبوى السوق نشترى الخروف لانو وصلنا مع صلاة العيد .
أها "الراعى" قام جاو واحد بلدياتو زيك كده . أغرب ما فى الشكلة كان الكلام ,
الزول اظن قال ليه الخروف بى 100 جنيه و الزبون زعل , قايل الراعى بيستغل
فيه . نص الكلام كده قام قال ليه أنت ما قايلنى راجل ولا شنو , و رفع العراقى و قال
ليه عليك شوف التكة دى قدر شنو , تقول لى البهيمة بى 100.........................
أنا بس أموت و أعرف علاقة التكة بى سعر البهيمة شنو ؟؟؟؟؟
وائل ..........
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
العزيز مئزر هبةالله ابو المكارم ·
| Quote: السودانيين الاكفاء وابنائهمالاكفاء اصبحو , تائهيين |
"سنسمه على الخرطوم"
واحد صاحبنا كان متضايق ضيق شديد خلاص .....
قام قال لى عليك الله لو كمان قالو معاها أمدرمان وبحرى
السودان ده قالو بلد المغضوب عليهم !
تعرف فى العهد القديم فى أيات عن السودان - دولة كوش و أنو الغضب الالهى
ملازمنا ملازمنا !!!!
شوف دى بالله : isiah 18 - اشعياء 18
رِسالَةٌ إلَى كُوش
18 أيَّتُها الأرْضُ المَلِيئَةُ بِأزِيزِ الحَشَراتِ، وَراءَ أنهارِ كُوشَ، 2 المُرسِلَةُ رُسُلاً عَبرَ البَحرِ، فِي قَوارِبَ مِنْ نَباتِ البَرْدِي تَجُوبُ المِياهَ.
اذهَبُوا أيُّها الرُّسُلُ السَّرِيعُونَ،
إلَى شَعبٍ طَويلِ القامَةِ، ناعِمِ البَشَرَةِ.
اذهَبُوا إلَى الشَّعبِ الَّذِي يَخافُ مِنهُ الجَمِيعُ،
الأُمَّةِ القَوِيَّةِ المُنتَصِرَةِ،
الَّتِي تُقَسِّمُ الأنهارُ أرْضَها.
3 يا جَميعَ ساكِنِي المَسكُونَةِ،
وَالقاطِنِينَ فِي الأرْضِ،
انظُرُوا عِندَما تُرفَعُ الرّايَةُ عَلَى الجِبالِ،
وَاسْمَعُوا عِندَما يُضرَبُ بِالبُوقِ.
4 يَقُولُ اللهَ:
«سَأهدَأُ وَأُراقِبُ هَذا مِنْ مَكانِ سُكنايَ.
سَأُراقِبُ كَمَنْ يَستَرِيحُ مِنْ حَرِّ الشَّمسِ اللّامِعَةِ.
وَكَغُيُومِ النَّدَى الَّذِي فِي حَرِّ وَقتِ الحَصادِ.
5 لأنَّهُ قَبلَ وَقتِ حَصادِ القَمحِ،
وَعِندَما يَنتَهِي الإزهارُ
وَتُصبِحُ الأزهارُ عِنَباً ناضِجاً،
سَيَقطَعُ العَدُوُّ النَّباتاتِ وَسَيَنزِعُ الأغصانَ.
6 حِينَئِذٍ، سَيُترَكُونَ كُلُّهُمْ لِلطُّيُورِ الجارِحَةِ
السّاكِنَةِ فِي الجِبالِ،
وَلِوُحُوشِ الأرْضِ.
وَسَتَأكُلُهُمُ الطُّيُورُ الجارِحَةُ فِي الصَّيفِ،
وَحَيواناتُ الأرْضِ فِي الشِّتاءِ.»
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
والله بوست قمة في الامتاع وكنتا ناوية ادخل للرفع بس لكن يدي اكلتنى,,, يعني احنا اللى اتربينا في الخرطوم او السودان عموما اخدنا شنو,,, يعنى شنو هوية ويعنى شنو انتماء لبلد كل ما تقرب منو يبعد عنك ( وفي بعض الاحيان يرفسك) يعني هسي في زول بصدق انو طبيبة خريجة ليها تقريبا 10 سنوات بلا رقم وظيفي ولاتتبع لوزارة الصحة السودانية,,, يخوى اخير ليكم اغترابكم دا ,,,انا ما بت مغتربين ابونا موظف بنك سااااي لكن عايزة اولادى يكونوا اولاد مغتربين( كان ما بقينا مهاجرين عديل كدا),,, واولادهم كمان يكونوا اولاد مغتربين,,, يمكن كلامى دا ما يعجب ناس كتاااار لكن انا بصراحة ما لقيت اى حاجة تغري بغير كدا,,, عندي ليك قصة عجيبة ,,, هل تصدق يا دكتور انو الكان بحصل ليكم يا اولاد المغتربين نفسو كان ولا زال بيحصل للناس اللى ما بيقرو في مدرسة الحلة يعنى عينة يقومو الصباح مع الوالد ( واحيانا الوالدة) ويسخنو العربية وعلى المدارس اللى بالضرورة بتكون احسن من مدارس الحلة حتى لو حكومية( دا زمان طبعا وسبحان الله زمان دى لما اهلنا كانو يقولوها كانت تكون من 30 حتى 50 سنة هسي زماااان حقتنا كان 5 كان 10 سنة غايتو بس الله يهون) المهم نرجع للمدارس البرة الحلة وما يلاقيها طلبتا المن الحلة من نظرات وحدرات ( ممكن زميلة البورد بت جيرانا سمرية تفيدنا بتجربتا الممتعة هنا) ولو في طريقة للجضيم وكب التراب في الشعر( للبنات طبعا) والشنكيل والخشونة( الشديييدة) في الكورة للاولاد مافي مانع. ناس يطلعو العصرية نضااااف وظرااااف ومستحمييين وضفورهم مقصوصة اكيد اكيد يثيروا بعض الغيرة ,,, اها ديل ناس من جووووا البلد المغببببشة دي بيحصل ليهم كدا خلى لما تقولى اولاد مغتربين يا سيدى ربنا يديم عليكم نعمة اغترابكم ويحفظا من الزوال وربنا يديها ( النعمة دى) لكل اللى نفسو فيها .
كسرة ,,,
ولدى الكبير بيقرا في مدرسة انجليزية ورغم انو دى اول سنة ليهو لكن من البيحصل ليهو من اصحابو شفع الحلة شكلو حيكون ماشي في طريقك دا ويخلينا نبقي مغتربين واولادنا اولاد مغتربين
عفوا لقطع التسلسل الجميل وكون بخير يا رب
د:سلافا العاقب
(عدل بواسطة Solafa Alagib on 05-18-2013, 11:44 PM)
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: Solafa Alagib)
|
دكتور وائل ليك التحية وضيوفك الكرام
| Quote: ملاريا و دسنتاريا الخ !!!!!! |
تقريبا كلامك دا كان في التسعينات
يا أخي الفاضل في أواخر عام 2012 أخدت اولادي البت 3 سنة - الولد 1 سنة
الولد جا راجع بملاريا والبت جات راجعة بدنستاريا
شيء محزن جداً.. وسؤال مهم:
السودان ماشي لي وين؟؟؟
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: نادر النور آدم)
|
العزيزة سلافة العاقب :
بعد السلام والتحية (ورفع الكلفة فى الالقاب)
يا دوب شفت اضافتك و أسف للتأخير ,
أنا حالتى قايل فى تضامن من "أصحاب الأرض" علينا نحنا الأجانب .
تعرفى يا عزيزة الشتات (diaspora )فيهو مشاكل لا ليها أول و ليها أخر .
مرات بكون قاعد مع أبوى بحكى لى عن وطن خرافى , زيو زى الدرادو (El Dorado) , زى ما المحتلين الاسبان هامو أمريكا الجنوبية بيفتشو فيه , نحن برضو بنفتش .
لمن يحكى الفرح يبين فى وشو , رغم أنو ما بيتكلم عن مقتنيات ولا قروش , بيكون بحكى عن حمارة التومة , و لا دكان الأفندى و لاحاجات كده ما بتنمسك باليد , لكن
بتفرح شديد .
أها نحن الحاجات دى ما مرينا بيها و لا شفنها , قمنا فى شفقة , و عايشين فى شفقة و حنموت فى شفقة ......
وائل .......
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
العزيز نادر النور ادم :
بعد السلام و التحية :
الواحد ما عارف يقول شنو زاتو .
يعنى 2012 تسوق اولادك اجازة , تقول تفكهم من قفلة البيوت الهنا دى ,
يمشو السودان تقضيها من "حكيم" لى "حكيم"
الحكيم الأول يقول ليك أولادك ديل لسانهم مالو معووج كده , و ما بيتكلمو عربى كويس ,
تقيف وراهو فى الصلاة الفاتحة يقراها غلط .
والحكيم التانى تمشى ليه ولدك عندو أسهال يقول ليك أكيد أدوهو عين ..........
وائل ...
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
بوست فيه تداعي شيق جدا والله.. إفتكرته ح يكون عوارة شفع مغتربين وكده
لكن أفرز يا ديجانقو.. وائل وسمارت.. عموما، في فروقات جوهرية بين اولاد الإغتراب في الخليج ونظائرهم الإتربوا في أوروبا وأمريكا مثلا..
وذلك للفروقات بين الثقافتين المضيفتين القاموا فيهم المجموعتين ديل وأيضا لتاثير ذات الثقافات على الأباء والأمهات..
يمكن المجموعتين يواجهوا تحديات في التعامل مع واقع وايقاع الحياة في السودان لو رجعوا بصورة دائمة
لكن تبقى هناك فروقات في الشخصية وتناول الأمور.. وتزيد الفروقات طرديا بين المجموعتين مع عدد السنوات العاشوها برة..
ودي ما بتتحسب بكم من اللغات الواحد بيتكلم :p دي فروقات ثقافية كتير منها راجع لثقافة المنشأ..
_____
شكرا يا وائل والمتداخلين
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
وااااااااااااااااااااااااااي ( ئل )
والله خوفتنا ياخي ..
نحنا ما اولاد مغتربين و لاااا حاجه لكن بقينا متغربين ومغتربين ,,, سبحان الله كونا بنحترمكم شديد ( اولاد المغتربين في حينا ) لكن صراحه البعملينا 7 بقرش ,, يعني يعطش لينا الكاف والنون والعين وووووو ! تصدق بنفردو !! ,, ونصاحبو ليك لحدي ما يعرف نحنا زيو اولاد تسعه ونص ,, وفي النهاية تلقاهو اول زول جاي محل الركلسه و الرمتلا والضهب ,, ويقضي ايجازة واللا فترة قرايتو علي ما احسن ما يكون ,, ويتخارج محمل باشياء الي الان تفوح زكرياتها ’’’
عموما يااااا وااااااااااي ( ئل ) ,, جينا الغربه وجبنا اولاد وبنات وما معروفه الرجعه للسودان الشقيق متين ,,, وبعد البوست بتاعك خوفته علي الاولاد قبل البنات ,,
حقيقه والوضع في السودان ما زي ايام مااا كسروك اولاد شندي و بدون سبب ! بقي اخطر من الدق الخفيييييييج ,,
غايتو مواصلين معاك ,,
بحمد الله اني مابقيت ولد مغترب ( مرة وااااحدة ) ..ياخي خليتنا نشيل هم الاولاد مراااااات
يا زول واكتب ,,, !
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: عبد المنعم سيد احمد)
|
العزيزة نجوان :
بعد السلام و التحية :
بمناسبة الثقافة دى ,
سنة 2003 كنت ماشى من الخرطوم لى كادقلى , راكب طيارة سيسنا (زى الركشة كده بتشيل تقريبا 8 ركاب و السواق)
المهم الطيارة بتقيف فى الأبيض تملا بنزين .
نزلنا المطار و كان قاعد الشيخ البرعى رحمة الله عليه , و كان حوالينو ناس كتار .
الوقت كان وقت فطور ,
فقام نادنى واحد من الحوارو قال لى تعال أفطر معانا ,
قمت مشيت على الصينية و قاعد فيها الشيخ براهو و الباقين ما قعدو معانا فى الصينية (أنا بصراحة ما كنت بعرف الشيخ البرعى
أصلو ما شفتو قبال كده ) فقعدت و ضربت الكبد و اللحمة معاهو رأس لى رأس , هو بصراحة ما أكل كثير, لقمتين بس لكن ما
نادى للغسيل لغاية ما أنا شبعت .
بعد ما خلصت رفعو الصينية و باقى الناس أكلو , و فى ناس شربو الموية الراجعة من الشيخ بعد ما غسل يده .
جانى واحد من الحوار قال لى :
كيف تاكل مع الشيخ فى صينية واحدة , انت يا زول مجنون و لا ما عندك أدب ؟
بالجد كده أنا ما كنت عارف أنو فى أتيكيت بالشكل ده.
فقلت للحوار أنت غايظك قعادى مع الشيخ ولا الكبده الما خليت ليكم فيها باقى دى ما سمعت بالحديث فى كل كبد رطبة أجر؟ الشيخ البرعى الله يرحمو كان سامعنا
فقام ضحك مع التعليق ...
وائل ........
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: عبدالله كع)
|
سلام وائل وضيوفة الطاعمين
للاسف ما عندي اية اضافة لتجربتك دي
نحنا زمنا المفتربين ما كان عندهم اولاد زاتو
الواحد كان بفترب سنتين وبرجع نهائي عشان يفكر في العرس والعيال
ولمن المفتربين بقو عندهم اولاد اصبحنا احنا مهاجرين ,,, ونحن للفربة الحنينة دي ,,, شفت كيف
لكن كل كلمة كتبتها انت هنا نقلتني الى عوالم من التفاكير ,,, مرة اضحك ومرات ابكي لكني واصلت القراية
واصلت حقيقة لان مايكتب هنا هو هم يومي نعيشة وينقص علينا حياتنا
والوصول لقرار بقى ذي =عود العشر=
تسلم ماتسلم .... تجري برضو ماتسلم
واصل ياخي يمكن نفهم الحاضل شنو
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: fadlabi)
|
وائل ده كان مفتح لمن بخوف
الداير أي شي رخيص بسأل وائل و بكون عارف دربو
النوع البمشي الدلالة داك و يشتري عربية خردة يعمرها براهو
و بعداك دكتور و بعرف الكمبيوتر
قال ود مغتربين قال
ياخ ده كرهنا شمبات و الدلالة و العلم و الجكس ذاتو
مشتاقين يا دكتور :)
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: fadlabi)
|
حبيبنا فاضلابى :
وين الحى بيك يا أبو مدينة , فتحت لينا بعد ما بقا عندك معارض فى دبى و شى فى شوانزين , والله كان ما أخونا كان حكيت
قصة النجار بتاع المزاد المشينا ليهو عشان نعمل اليافطات :) .
تعرف فى معرض الكتاتبة أتزكرتك أيام لسع بتكتب شعر و نكون قاعدين تحت "الااندرلاب" و انت تكب لينا فى شعر ما مفهوم
أولو من أخرو المهم فيهو نيل و عيون سمحات و الجكس كلو لاصق .. أيام .... الوقت داك حوالينك بنات سمحات كده و أولاد شينين
شناه مره , أظنك خليت حزب البعث الاشتراكى بى سبب شناتهم :)
أتذكرت برضو شيخ شوقى بتاع الشعبية (شوقى بينسون ) :
يوم لما ليك فينى الخير (عقد الجلاد) و قال لى عليك الله توصلنى لى الشيخ عندنا ذكر . انت زاتك باقى لى كنت حوار لو ما أخاف الكضب ..
المهم دخلنا على الشيخ مغارب , بعد الصلاة و الشاى بى لبن و رفع الفاتحة الشيخ بقا يسأل يا زول انت منو بتقرا وين اهلك من وين ,
بعد شوية كده دخل علينا واحد صاحب الشيخ ساكن جنب المؤسسة أسمه باقى لى صبرى :
خلعنى ليك خلعة , قال لى أنت مش بتقرأ طب ؟ أها انت يا عمك ضارباك عين واحدة معاكم فى الكلية ,
بعد كلام كثير كده قال لى أنا حأعزم ليك : مسك راسى و قال لى عاين فى عيونى و قعد أقرأ أيات مقطعة شى من البقرة و شى من يوسف
و شى من أل عمران , لكن شنو ما بيتم الاية . بعد شوية قال لي شايف نور فى عيونى ؟ قلبن أزرق؟
بسم الله الرحمن الرحيم : ما شايف أى حاجة , عيونك ياها زى ما هى ما فى أى حاجة .(عندو حوص لكن خجلت أقول ليهو)
قام قال لى يا زووووووول أنت العين بتاعتك دى صعبة خلاص و قام دخل جوة و جانى راجع شايل ليهو كيس فيهو ملح : الملح ده
قال لى قارين فيهو قران , تشيلو تستحم بيهو فى طش , و بعد داك تعاين فى الطش تلقى ال###### و السحر كلو طلع . لكن ما تكشح الموية فى الحمام عشان
القران - حرام .....
المهم بعد ما طلعت من الجماعة شلت الكيس و فتحتو , أنقر ما طلع عطرون . (أخوك الوكت داك خبير عطرون : من الدفاع الشعبى لى تمطير التمباك الناشف ,
يعنى عطرون الشمالية عادى أفرزو ليك من المستورد :) )
والله يا فاضلابى أقعد أحكى قصصنا هنا زول واحد تانى يشترى منك لوحة مافى ...........
وائل .......
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
الأحباب ود الصائم و ود الكع ...
بعد السلام و التحية ......
شكرا على المرور .
__________________________________
فاصل لى هيثم طه و لى سمارت أنا من الصفحة الأولى .
سنة أولى بريليم أيام الامتحانات كان فى انتخابات الاتحاد .
معانا أخونا معتز خليفة معسكرين فى بيت .
مشينا الكلية نجيب ضفادع (قعونجات للناطقين بغيرها ) لزوم مراجعة للتشريح بتاع علوم .
المهم كان فى ركن نقاش مسخن فى علوم .
القعونجات شلناهم من المعمل و كنا خاتينهم فى برطامنيات .
معتز كان يحب السياسة جدا (ملاحظة : برضو ود مغتربين) , و قام قال لى بس نكمل الركن ده و نمشى ,
أها القعوى سخسخ و قرب يموت , فقلت ليه يا زول ما بستناك و رجعت البيت .
أتاريهو بعد ما مشينا المظاهرات قامت و قام كسير شديد , و بعد العصر الناس بدو يرجعو المعسكر .
معتز ما رجع , لكن فى زول قالينا شافو شايلنو فى بوكس بى ورا و ضربوه بالسيخ ودوه الكلينيك ,
سقنا العربية و مشينا الكلينيك قالو لينا ودوهو حوادث الخرطوم .
لمن وصلنا الحوادث قالو لينا جبصو ليه يدينو الاتنين لانو فى واحد زميلنا فى الدفعة ضربو بالسيخ كسر ليه يدينو الاثنين .
الموقف ده أدى لعزل جميع الكيزان فى الدفعة و ما أتكلمنا معاهم كلهم من سنة أولى لغاية ما أتخرجنا ..
فى نفس اليوم ده هيثم طه (شهاده عربية من السويد فرع حنتوب ) كان كشوه و اخدوه حى المطار . بعد ما فكوه من المعتقل رجع داخلية النشر .
كان أول معتقل أشوفو فى حياتى : حالتو كانت بالبلا فاقد أضافرنو و وشو مورم . حالة العدو ....
المهم ......
السنة البعدها الجامعة كانت قافلة أكثر من ما هى فاتحة ...
برضو قامت مظاهرات لمن عادو انتخابات الاتحاد ...
أخوكم ما عندو اى توجه سوى من و الى البرنامج و باعتبار البرنامج كان أنتخابات كان لازم نشارك ..
قالو لى تحرس الصناديق فى قانون .
برضو لماحسن الصدف ولا شنو ما عارف هيثم طه برضك كان فى السنتر .
الكبسيبة دورت و قمنا مرقنا شارع الجامعة ..
نكورك ...
الجامعة جامعة حرة و العسكر يطلع بره
يا بوليس ماهيتك كم ؟ و رطل السكر بقى بكم ؟؟؟؟ لغاية ما وصلنا أبو جنزير .
معانا أبو الزيك و هيثم طه , و زهير و محمد عبدالله من هندسة و فيصل ...
فجأة .......
اتلفت يمين و عينى لى هيثم طه كان قريب جوه فندق أراك ........
أتلفت شمال .... و تانى ما اتلفت يجى أسبوع ...
كب كرب جوه بوكس ...
كب كرب فى بيت فى حى المطار ...
أسمك : كف
أسم أمك : كف
اسمك : ثانى كف
المهم كف ورا كف و خرطوش و را خرطوش و الكنداش (فريون لكن وشك فى المكيف بى بره)
و بتسمع مصطفى سيد أحمد و سمع سورة الحشر .....
لغاية ما الصبح أذن ..قالو لينا خلاص أمشو أهلكم ...
غايتو مرقنا من غير شعر و الكرعين مورمة .
بعد ما مرقت من حى المطار لى شارع أفريقا وقفونى ناس التأمين (حظر التجول لسه شغال) ونسونا برضو لغاية الدغش ...
لا حول و لا قوة الا بالله .......
أتاريهو الجلد ده حار خلاص .... والله لى حسى مرات أحك .....
أهلى (المضيفنى فى بيت جدى) وقت شافونى قالو لى تمشى تنجم و تاخد نقاهة أسبوع فى شندى ......
وائل .........
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
وائل شكلى ما شكرتك على البوست الظريف....شكرا يا دوك.
طبعا متذكرة قصة صاحبكم معتز خليفة. اظن اللى ضربه كان بيره فى لاب الكيميا or something like that
ومتذكرة كان اسمه مهند صح???
على ذكر الجلد...زول صاحبنا جدا كان معتقل فى ايام قفل الجامعة لمدة 9 شهور سنة 1997 . فكوه لظروف صحية. بعدها اختفي عن الانظار و كان ناس الامن بيفتشوا فيه. بعد ما الدنيا هدات و ظهر سالته, كنتا مدسي وين ?. عاين لى كداااا و ضحك. قال لى :انت بالذات لو شفتى الخرطوش الاسود (شوف ساي) ح تجيبى اخرك و تقولى كل شيء. احسن ما اقول ليك كنتا وين.
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
ناس الحركة فى السودان ديل ما أظن فى أى زول بيريدهم , والله امهاتهم كانو داعين عليهم .
لو فى سبب ممكن أخلى الواحد يغير رأيو من الرجعة بيكون ناس الحركة .
مرة سايق معاى أمى وصلتها بكا فى الحاج يوسف شارع واحد . بعد ما نزلتها عندى أصحابى فى كوبر كنت راجع ليهم ,
جنب التقاطع بتاع حلة كوكو كان واقف واحد بتاع حركة .
الوقت داك الترخيص كان ستكر ملون - كل سنة لون معين .
الالوان لفت و رجعت لى لون كان عندى لسع فما جددت الترخيص السنة ديك .
المهم وقفنى واحد بتاع حركة عكليتة كده و قرا التاريخ و قال لى العربية دى ما مرخصة .
قلت ليه خلاص ما مشكلة ندفع الغرامة قال لى و نفك الستيكر القديم , فقلت ليه ياخ الستكر ده مش بتاعى أنا؟ و دى مش عربيتى أنا ؟
ممكن تورينى ياتو قانون البسمح ليك تفك ؟ أها العسكرى الكلام حرقو لمن ما لقا سبب يفك الستكر , قام دفرنى و مشا على العربية ,
أها أنا زعلت و دفرتو راجع . قنب يكورك و نده باللاسلكى , العساكر جو و شبكونى ليك أنت بتاع شغب , أرح معانا القسم .
أتوكلنا على قسم كان قريب من الحتة فى الحاج يوسف .
فى الأقوال مع المتحرى ال عسكرى لقيتو قال الزول ده عامل أزعاج عام و تعدى على الزى الرسمى (مادتين فتحوهم فينى ) و تم الاخلاء على بضمان البطاقة الشخصية على أن
أراجع محكمة الجريف شرق تانى يوم الصباح .
مشيت المحكمة القاضى و لا سمع كلامى , حكم على بالغرامة 50 الف أو بالعدم 40 جلده .
يا مولانا ؟ أنت ملخبتنى بى ستات العرقى ديل ولا شنو ؟ أنا زول كاشنى بتاع حركة . الجلد فى شان شنو ؟
قال لى يا زول بطل كلام كثير , تدفع ولا تنجلد ؟
قلت ليه والله الخمسين ما معاى , أها الحل شنو ؟
قال لى خلاص أمشى جيبه و تعال , قلت ليه ياخ دى تلتلة لا ليها أول لا ليها أخر خلاص أدينا بالعدم ..
مولانا أخد ضحكة و قال لى أنت زول غريب خلاص . داير تنجلد ؟ خلاص خفضناها ليك 25 الف و برضو ما كان عندى ,
قلت ليه طيب خلينى أمشى لى أجيبها و أجيك راجع . مسكو البطاقة الشخصية لغاية ما جبتا القروش و جيت .
أها القاضى كان مافيش , و الحكم لسع مدون بى خمسين لمن رجعت أدفع . المحاسب ود ناس غايتو شال 20 فى جيبو و شطب الصفر و أدانى البطاقة راجعة ......
وائل .........
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
العزيز فاضلابى :
حكاية كمبيوترات دى زكرتنى امتحان الشفهى بتاع سنة سادسة :
الوقت داك الشبكات يا دوب بدت تدخل السودان , و ما كان فى أى شبكة فى الجامعة خلاف من مركز التطوير الطبى و شبكة صغيرة فى
مركز الامراض المستوطنة .
قدمنا لى مشروع و عطاء لكلية الطب و فزنا بيه و كان معانا أمير الشيخ (أخو رانية الشيخ عضوة المنبر) .
المهم كنت شغال معاهم (طلبة ) كان عندو دربكين متين (ماركة بوش - المانى أصلى ) .
الدكاتره فى الكلية كانو شابكنى ليك يا باش مهندس تعال شوف مكتبى الشبكه ما شغالة . حتوصلو لينا الشبكة متين ؟ الانترنت بطئ الخ ....
المهم جات الامتحانات و أمتحانى بتاع الجراحة كان فى سوبا ......
دخلت الغرفة بتاعت الامتحان و أول ما شافنى الممتحن قال لى يا باشمهندس أنت جابك بى جاى شنو ؟
قلت لى الامتحان ؟
قال لى و انت طالب معانا هنا ؟
قلت ليه نعم ...
قال لى والله الواحد ما عارف أسالك جراحة و لا يديك الابتوب تصلحو ليه .......
_________________________________________________________________
أها برضو اتزكرت مرة الوالده ...
يوم كان معاها صاحباتها فى الصالون قام كوركت لى .
يا وائل , يا وائل ,
نعم يما .....
أنت بتقراء طب ولا أسنان ؟
الله يمه أنت خرفتى ولا شنو ؟
قالت لى والله ما خرفت , لكن فلانة دى من دخلت البيت تحلف أنك بتقرأ اسنان ...
و بتها الدفعة الوراكم هى الكلمتها ...
قلتا ليهم والله لا طب لا أسنان ..... ونسة ساكت من الصباح لى باليل
وائل ...........
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
البوست شكلو براى حرفتو .....
ما علينا .....
أول لى يوم نبطشية فى السلاح الطبى نساء و ولاده ..
المبانى جديده و الغرف مكندشة ...
مشيت جبت الفول من بانت ..
ضربنا الفول و عملنا المرور ورقدت نمت ....
جاتنى الداية نص الليل ,,,
قالت لى يا دكتور فى مرة عندها أشارة ...
قلت ليها و قالو ليك أنا لواء فى سلاح الاسلكى ... دكتور امتياز ساكت :)
وائل ...........
| |
|
|
|
|
|
|
|
|
|
Re: مغتربين أولاد مغتربين و أولادنا أولاد مغتربين (Re: وائل فاروق)
|
العزيز أسامة فضل الله ,
بعد السلام و التحية ,
شكرا شديد على المداخلة و اُسف على التأخير ....
معقولة يأخ دى حالة دى ....
كل ما الزول يقول يمكن نرجع لى أهلنا , نلقا أهلنا زاتهم كايسين المرقة .....
تضرب تلفون غير فلان ودو المستشفى و فلاانة ماتت ولا حنى اتوفت مافى أى حاجة جديده .
الشكية زاتها بطلوها ..... بقت ما موضوع .
يعنى شنو كيلو اللحمة بقى بى مية و لا متين ...
و فيها أيه يعنى لو العربية دايرة صيانة بى 5 مليون ؟
أبكرشولة حرروها , أمها أحتلوها ...
البلف قفلو .. لا البلف بيتناقشو لسع فى قفلو لكن الانبوب زاتو فرطقو فى كردفان ..
الجواز الجديد مرق لكن ما بشتغل فى أى مكنة لا جوه لا بره , و على العموم الفيزا رفضوها عشان حال البلد ..
أها الرقم الوطنى كيف ؟
والله محتاج شهاده جنسية أبوك .
مستشفى الخرطوم قفلو حوادثو و حولوها لى أبراهيم مالك (الشهير وسط الاطباء بابراهيم هالك)
الشباب بيشربو بنقو لانو الحبوب مضروبة .
الدواء موجود لكن الصيادلة محزننو عشان متوقعين نقص .
طن السيخ بى 750 و الاسمنت بتاع عطبره كويس لكن المصنع ما شغال . ممكن نطلعو ليك بالواسطة من كوتة ناس التصنيع .
ما تشهيل هم قطعة الأزهرى بقت بى 450 لكن فى زول باعه بى شهادة مضروبة .
أولادك لازم يقرو فى السودان , أهوالولد ممكن يتعلم حاجات تنفعو لى قدام , مثلا؟
لا حنرجع لا حنقدر على الفرقة ........
الله يهون بس ....
| |
|
|
|
|
|
|
| |
احمد سيد احمد
smart_ana2001
سيف اليزل سعد عمر
عبد الله فقير
عمر التوم
هيثم طه
شمس الدين محمد
Musab Osman Alhassan
Sayed Bekab
ombadda
Hisham Osman
محمد زكريا
جمال ود القوز
WAD ELGAALI#4
نادر النور آدم
نجوان
محمد عبد الماجد الصايم
عبدالله كع
عبد المنعم سيد احمد
وضاحة
osama fadlalla
fadlabi
فيس بوك
تويتر
انستقرام
يوتيوب
بنتيريست