|
Re: يا ناصر جامع ماتعمل زايغ تعال أبقى قدر كلامك واطلع بال 1000$ (Re: Hisham Amin)
|
Quote: لاخ Hisham Amin عشان اجتهادك و شطارتك في جلب اللنكات...علي بالحرام تجيب الكلام دا من لموند الفرنسية ليك 1000 دولار دولار ينطح دولار |
يا زول طالما اكرمتني بي بوست بي اسمي في منبر بكري دا، حرم الف دولار تستاهلا اها نزيدك من الشعر بيت لو لموند الفرنسية قالت الكلام دا، ليك انت 1000 دولار و لي اخونا محمد محمود من الفيس بوك برضوا 1000 دولار و حا اديك إعتذار قدر الليله و باكر في اي مكان انت عايزو كان هنا، كان بي هناك، كان في بوست منفصل اها لقيتني كيف
OT L'essentiel de la Justice pénale internationale
| |
|
|
|
|
|
|
Re: يا ناصر جامع ماتعمل زايغ تعال أبقى قدر كلامك واطلع بال 1000$ (Re: ناصر جامع)
|
Quote: صحيفة ليموند الفرنسية : تتهم المحكمة الجنائية الدولية بممارسة العنصرية في عدالتها |
الفوق دا اول سطر كتبو اخونا حمد ابراهيم ثم اتبعه بالاتي
Quote: أنتقدت الصحيفة المحكمة الجنائية الدولية واتهمتها بأنها لا تأخذ إجراءات العدالة إلا ضد الأفارقة |
لاحظ هنا 1. ليموند تتهم 2. ليموند تنتقد
انا لو ما ملخبط في الاسامي يا هشام، انت كنت ساكن في امريكا و رجعت السودان قبل كم سنه كدا اذا انت هشام الكان في امريكا، انا إفترض انك تعرف شنوا يعني ليموند تتهم ولا القارديان تنتقد!!
اخونا حمد ابراهيم عايز يقول لينا و شهد شاهد من اهلها
اها اثبتوا لينا الكلام دا
| |
|
|
|
|
|
|
Re: يا ناصر جامع ماتعمل زايغ تعال أبقى قدر كلامك واطلع بال 1000$ (Re: ناصر جامع)
|
Ali Bob قاليك
Quote: الكوز Hisham Amin رابطك بتاع الصيحفة ده مضروب . ضربك بشه في نافوخك |
لا اتفق مع الاخ علي في الاتهامات المجانية بتاعت يا كوز و يا امنجي لكن بخصوص اللنك كلامو صحيح اللنك ما شغال يا حبيب اللنك الصحيح IS HERE يا هشام رديت عليهو بالاتي
Quote: دة اول شى. تانى شى. اقرأ بتركيز. واعرف منو الجاب اللنك قبال ما تفتى لينا وتوجع لينا رأسنا ساى |
فشنو يا حبيب قبلي ما دّوخنا بي اللينكات و (توجع لينا رأسنا ساى) هههه دي الكوز من دقنو و افتللّو * ركّز في الكلام زيين، بالذات معاي انا، لانو انا دقيق جداً في اختيار عباراتي و كلماتي
*بهظر معاك والله لانو حقيقة لا اعلم ان كنت كوز ام لا، و لا يعنيني
| |
|
|
|
|
|
|
Re: يا ناصر جامع ماتعمل زايغ تعال أبقى قدر كلامك واطلع بال 1000$ (Re: Hisham Amin)
|
Quote: انا منو. وكنت وين ورجعت متين ومشيت وين دى أنصرافيه. ولا تمت الى البوست المعنى ولا تقدم ولا تؤخر . |
Quote: أسعى عليك الله يعادى ولا دا انا ولا ما انا. ولا مشيت ولا جئت عندها علاقة بالموضوع
عليك دينك .؟ |
حكاية انت كنت في امريكا انا شايف عندها علاقة بالموضوع انا احسب ان من عاش في الغرب، لديه فرصة اكبر لمعرفة اصول و قواعد الصحافة الغربية و طرائقها حا أشرح ليك القواعد دي بعد شوية
Quote: خلينا فى موضوعنا الأصلي. اللنك. ياهو والخبر ياهو ولا.عندك كلام تانى؟ |
بالحيل عندي كلام تاني الطريقة ال اخونا حمد ابراهيم جاب بيها الخير مضللة جداً جدا و اتمني الا يكون ذلك عن قصد لقد اورد الاخ حمد الخبر و كانه editorial article من الليموند الفرنسية!! و في حقيقة الامر الليموند لا انتقدت لا اتهمت دكتاتورى افريقيا الحاكمين شعوبهم بالحرام هم القالو كدا Stéphanie Maupas كتبت مقال تناقش فبه هرطقات الطغاة الافارقة، مفقري شعوبهم، لعنهم الله عشان الواحد يعرف قواعد الصحافة الغربية لازم يعرف الفرق بين ال editorial article و ال op-ed
| |
|
|
|
|
|
|
Re: يا ناصر جامع ماتعمل زايغ تعال أبقى قدر كلامك واطلع بال 1000$ (Re: ناصر جامع)
|
Quote:
Stéphanie Maupas كتبت مقال تناقش فبه هرطقات الطغاة الافارقة، مفقري شعوبهم، لعنهم الله |
يا ناصر دة ياهو الزوغان زاتو
أولا. الثقافة والعلم. وسعة الإدراك هى التى تقف وراء المعرفة العامة يا ناصر. صحافية كانت أو إعلامية غربية أو اسيوية. وليس مكان الإقامة. والسكن. ولا أدرى لماذا تصر الى إقحام. مكانى وأين عشت. ليستقيم الحوار !! الا تعتقد بانك تبالغ. فى سبب سياقك لهذا الحديث ؟؟؟؟
ثانيا. ما أوردته. انت هنا يدل بما لا يدعو للشك انك. وحتى وان عشت فى الغرب. أو فى الشرق. لا تعرف ماهو تاريخ حكام افريقيا ومن هم سبب البلاء والفقر والتأخر وعدم التنمية فى افريقيا وهذا دليل اخر على ان مكان الإقامة. من عدمة لا يؤخر ولا يقدم. فى النقاش بل سعة الاطلاع والمعرفة. هى التى تؤثر .
وحتى يستقيم النقاش. أولا. الخبر حتى وان كان انتقاد أو تجريم أو إشارة لاخفاق منظمة دولية يعنى ويؤكد وجود الخلل الذى نتحدث عنة ولا ينفيه. ولهذا السبب. هذا الاخفاق اصبح. مادة إخبارية. متناولة . ثانيا وحتى يستقيم النقاش. أدعوك الى قراءة ما كتبة. جوزيف. ستجليتز. الاقتصادى الفائز. بجائزة نوبل وجيفرى ساكس الاقتصادى. الشهير وديمبيسى. مويو و وليم ايسترليي وكلاهما. كانا يعملان. بالبنك الدولى والاي ام اف بخصوص فقر. افريقيا. ومن هو السبب فية ومن ثم عد لى وأخبرنا بما الذى وجدته ومن هو السبب . ثالثا اللنك والخبر أكرر صحيح. ألف فى المئة ; وبالمناسبة هو جزء من انتقادات منظمة. تواجهها المحكمة الجنائية فيما يعرف بسياسة الكيل بمكيالين وأيمضاً فقدانها للدعم الذى يشكلة تواجد أمريكا وعدم اعترافها بها مما يزيد من أضعاف موقفها ،، وأيضاً ليستقيم. الوضع والنقاش اقراء ما كتبة دانيال دون فان فى صحيفة السياسة العالمية عن نواحى الفشل التى صاحبت. المحكمة الدولية . وأخيرا لا تنظر الى مدى تأثير هذا النقاش على السوادان فقط بل دول المنطقة الأفريقية. والعالم. الثالث اجمع .
واطلع بالألف دولار. وأبقى عند كلمتك
| |
|
|
|
|
|
|
Re: يا ناصر جامع ماتعمل زايغ تعال أبقى قدر كلامك واطلع بال 1000$ (Re: Hisham Amin)
|
والله يا هشام دي ياها زاتا البقولو عليها عنزة ولو طارت ياخي كلام ناصر ده ما أقنعك ؟ غايتو انت قول بس داير الألف دولار دي سلبطة ساكت :):) بالجنبة كده لأنو كلام ناصر وردك عليه وغوشني شوية !! انت مش هشام الكنت في واشنطون قبل كم سنه ؟؟ أسف للسؤال بس حبيت أتأكد لأنو مرة قابلتك في مطعم الخرطوم او الu station لا اذكر بالضبط رمضان كريم عليكم جميعاً وكل عام وانتم بخير
| |
|
|
|
|
|
|
Re: يا ناصر جامع ماتعمل زايغ تعال أبقى قدر كلامك واطلع بال 1000$ (Re: Hisham Amin)
|
يا هشام انا ما عارف، ليه انت متحسس من حكاية انك كنت عايش في امريكا دا اذا فعلا انت هشام الانا قاصدو
طيب، خلينا ننسي موضوع انت كنت ساكن وين، و اسفين لو ضايقك
المهمQuote: ثانيا. ما أوردته. انت هنا يدل بما لا يدعو للشك انك. وحتى وان عشت فى الغرب. أو فى الشرق. لا تعرف ماهو تاريخ حكام افريقيا ومن هم سبب البلاء والفقر والتأخر وعدم التنمية فى افريقيا وهذا دليل اخر على ان مكان الإقامة. من عدمة لا يؤخر ولا يقدم. فى النقاش بل سعة الاطلاع والمعرفة. هى التى تؤثر |
اولا: انا دا بي جهلي بحكام افريقيا و بمعرفتي و علمي القليل و اطلاعي البسيط دا اقول ليك حاجة حكاية الغرب هو الذي افقر افريقيا و الاستعمار و الامبريالية الامريكية هذه البضاعة المنتهية الصلاحية منذ ستينات القرن الماضى، انا بي مليم احمر ما بشتريها عند رحول المستعمر الذي نهب خيرات البلاد و العباد كانت الموية في قرية نائية اسمها تندلاي تخرج من مواسيرها بيضاء من غير سوء وكان عندهم بريد و كمان برق ..... عارف برق دي قاصدين بيها شنو؟ و فيها حتات فيها كهربا دا كلوا الليله مافي في تلك القرية النائية فيما يعرف اليوم بالهامش اها تندلاي دي قبل ما تبقي هامش، كان الناس بهاجروا ليها من قبل الدنيا الاربعة زيها و زي ابوظبي و الرياض و الدوحة الليلة كان فيها و في القري المجاورة صوماليين وسعوديين و يمنيين و اثيوبيين ووووووو الليلة و بعد اكتر من خمسين سنة من الحكم الوطني مطرة......مطرة واحدة في العاصمة القومية...و لمدة ربع ساعة..... العاصمة القومية تعفن شهر كامل!!! ليه؟؟ لانو الغرب مستهدفنا في عقيدتنا فقام دسَ الطواري و الكواريق عشان ما نفتح المجاري ما نحن مستهدفين و محاصرين يدونا طواري و كواريق ليه؟؟
| |
|
|
|
|
|
|
Re: يا ناصر جامع ماتعمل زايغ تعال أبقى قدر كلامك واطلع بال 1000$ (Re: Hisham Amin)
|
سلام يا هشام اولا سمعت مقولة العفش داخل البص تحت مسؤلية صاحبه و برضو شوف بكري ابوبكر قال شنو
Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها |
في الاعراف الصحفية الغربية، الرأي الرسمي للصحيفة، والذى يمكن ان تحاسب عليه قانونياً، ينزل في صفحة مخصصة لذلك، تعرف بال Editorial Page و في مقالات مخصصة لذلك تعرف بال Editorial Articles هذه المقالات يقوم بكتابتها احد افراد هيئة التحرير Editorial Board بموافقتها و الامر المهم جدا ان هذه المقالات تنزل بدون توقيع عضو هيئة التحريرالذي كتبها لانها لا تعبر عنه هو فقط، بل تعبر عن خط الصحيفة ككل و الصحيفة مسئولة مسئولية مباشرة امام القانون عن تلك المقالات
هذا المقال مثلا يعبر عن رأى الليموند الفرنسية tunis doit proteger le pluralisme لاحظ حاجتين مهمات 1. تصدير المقال ب Edito du Monde يعني المقال عباره عن Editorial Piece 2. لا يوجد توقيع لكاتب المقال، لان المقال يعبر عن الصحيفة كلها و لا اكون مضللاً او مدلساً لو كتبت الاتي: الليموند الفرنسية: تونس تحمي التعددية
ثانيا
Quote: ركّز في الكلام زيين، بالذات معاي انا، لانو انا دقيق جداً في اختيار عباراتي و كلماتي |
مشكلتك يا هشام ما بتركز كويس، شوف انا طالبتك بي شنوا
Quote: لو لموند الفرنسية قالت الكلام دا، ليك انت 1000 دولار و لي اخونا محمد محمود من الفيس بوك برضوا 1000 دولار |
كلام واضح و صريح لو ليموند قالت.... و هذا لا يكون الا في مقال Editorial يعبر عن رأي الصحيفة اي كلام تاني، يكون من قبيل المقال داخل الصحيفة علي مسؤلية صاحبه
ثالثاً من الغباء و السذاجة و قلة الحيلة و المعرفة إتهام الجنائية في لاهاي بالعنصرية ضد الافارقة 1. في مايو من هذا العام تم الحكم علي 6 ستة من قيادة الكروات في جرائم تطهير عرقي ضد المسلمين البوسنيين و جرائم ضد الانسانية CLICK HERE 2. سلوبودان ميلوسيفيتش تم القبض عليه و تقديمه للمحاكمة في لاهاي 3. ميلان بابيتش حوكم بجرائم ضد الانسانية في لاهاي و غيرهم كثر اها ديل كانوا افارقة؟؟
| |
|
|
|
|
|
|
Re: يا ناصر جامع ماتعمل زايغ تعال أبقى قدر كلامك واطلع بال 1000$ (Re: Dr.Mohammed Ali Elmusharaf)
|
اتهام الجنائية الدولية بالعنصرية ضد الافارقة اتهام فطير، يدل على جهل بتاريخ المحكمة، و القضايا التي عالجتها الاخ ادريس لقمان كتب الاتي في البوست الاصلي
Quote: الم يتم تحويل القضية من قبل مجلس الامن الدولي الي الجنائية الم يحاكم مجرمي البوسنة والهرسك وصربيا في لاهاي الم يتولي الجنائية قضية اتباع الزعيم بول بوت واشرار الخمير الحمر الكمبودية الم يطالب العربية تحويل قضية الرفيق الحريري الي لاهاي الم تفرح الحكومة السودانية يوم اصدار امر القبض علي الراحل معمر القذافي وابنه ورئيس جهاز امنه الم يطالب الجامعة العربية حتي اللحظة بتولي المحكمة الجنائية قضايا التي وقعت في فلسطين بالله قول لنا كم دولة افريقية استهدفتها الجنائية ؟؟؟؟ الم تكن فطومة بنت سودة افريقية اكثر من سيف الدين بشير صاحب سودان فيشن المضروبة ... |
الخبر هو ان الزعماء الافارقة الذين يؤججون الصراعات و الحروب و الدمار و القتل في بلادهم بدون رقيب او حسيب، فجأة وجدوا ان ستارالسيادة الوطنية، ما عاد يحجبهم و يحميهم من المحكمة الجنائية التي وقعوا طائعين للانضمام لها اخونا حمد إبراهيم محمد قال
Quote: لماذا التشكيك في - استقيت مادة الموضوع هذا من الصحف الورقية والالكترونية السودانية
منها سودان فيشن والرأي العام والإنتباهة ... ولا يمكن صحيفة محترمة
تنسب موضوع لصحيفة أجنبية خاصة مثل (ليموند) ما لم يكن صحيح ، وإلا ستفقد مصداقيتها |
ليه صحف النظام في السودان، دست الخبر الاساسي، و بدل تقول الاتحاد الافريقي يتهم الجنائية بالعنصرية قالت ليموند الفرنسية تتهم الجنائية بالعنصرية لانوا للاسف الشديد المواطن السوداني البسيط يصدق الصحف الغربية اكتر من سودان فيشن والرأي العام والإنتباهة!! ببساطة شديده لان هذه الصحف تفتقر للمهنية و المصداقية!!! بالله يا هشام شوف التضليل و النفاق، حتي لو سلمنا جدلاً، ان المقال المنشور في الليموند، الذي اتيت انت برابطه; هو المقال المقصود في سودان فيشن شوف الترجمة بتاعت العنوان غير امينة و مضللة كيف!! هذا هو العنوان بالفرنسية La CPI Cour internationale sous pression العنوان علي حسب ترجمة قوقل كالاتي: The ICC International Court pressure واضح ان ترجمة قوقل غير متناسقة لغوياً، وربما الترجمة الصحيحة هي: The pressure on the ICC International Court لكن شوف ناس سودان فيشن ترجموها كيف ICC, Justice of the White against African Leaders; Le Monde و اخونا حمد جابها بالعربي كدا وأشارت ليموند في مقالها الذي نشرته بعنوان (المحكمة الجنائية الدولية عدالة البيض) بالله في تدليس و دجل اكتر من دا؟؟
The pressure on the ICC International Court بي قدرة قادر بقت (المحكمة الجنائية الدولية عدالة البيض
| |
|
|
|
|
|
|
|