قالو البشير مشى تركيا التقي اردوغان قال ليهو قدرته تنهض بي تركيا وتخليها من الدول المتقدمة كيف رد عليهو وقال: بختار مساعدين ازكياء البشير قاليهو: بتعرفون كيف ازكياء.... اردوغان قال ليهو بي كل بساطه بسألهم أسئلة بسيطة... البشير قاليهو: زي شنو يعني؟ ابتسم اردوغان وقال: دقيقة: بوريك... . نادى الوزير داؤود أوغلو وقاليهو: ياداؤود امك وابوك جابو ولد هو لا اخوك و ولا اختك يطلع منو؟ قال ليهو: انا... البشير رجع متكيف وقال أسأل الجماعة.... لالقاهو عبد الرحيم في المطار واثناء ما هم راجعين سأله قاليهو: ياعبد الرحيم امك وابوك جابو ولد لاهو اخوك و لا اختك يطلع منو؟ عبد الرحيم راسو سخن قاليهو: اديني فرصه افكر واجيك... المهم عبدالرحيم سأل طوب الواطة مافي زول عرف الجواب، شاف بالصدفة صلاح قوش ناداهو سأله و قاليهو: امك وابوك جابو ولد لاهو اخوك وولاختك يطلع منو؟ قاليهو انا... عمك اتكيف ورجع للبشير قاليهو: عرفتها يابشه .... قاليهو: اه يابو العريف منو؟ قاليهو: صلاح قوش.. قام البشير قاليهو: انا عارفك غبي من يومك ما بتفهم الاجابة الصحيحة داوووووووود اوغلوووووووو يامتخلف!!!!!!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة