لماذا تعارض المعارضة معارضة حزب الأُمّة .؟!!!!

Quote: هل ما يفعله الصادق معارضة للمعارضة ومن ثم دعم للحكومة ام هو يعارض الحكومة ومن ثم تعارضه المعارضة ؟ طبعاً الانقاذ كعادة الشمولين بتحاول تصور معارضة الصادق هي معارضة مسؤولة وكمان وطنية وممكن تدعمه كمان .......

Quote: لانها ما معارضة وافهما بالطريقة التريحك،،، تحياتى

Quote: بالمناسبة يا احمد موسى انت صنفوك والله لسع رمضان كريم وتصوم وتفطر على خير

Quote: بدلاً من دعم مشروعها وإعتماده مشروعاً ضمن مشروعات تغيير النظام ..؟!!! اهي الغيرة السياسية ..؟؟!بدلاً من دعم مشروعها وإعتماده مشروعاً ضمن مشروعات تغيير النظام ..؟!!! اهي الغيرة السياسية ..؟؟!

Quote: كون عبدالرحمن الصادق يختار أن يذهب إلى القصر وأن يختار إبنه بشرى ان يذهب إلى الأمن فتلك قمة الديمقراطية من الصادق المهدي كوالد كونه لم يفرض عليهما مايُريد

Quote: انا ما معارضة انا من شعب جبال النوبة لكن بسال ياتو مشروع لحزب الامة المشاريع كتيرة

Quote: سلامات يا ابوحميد والله قصة نقمة المعارضين على سيدي الإمام الفاتت نقمتهم على النظام دي حكاية غريبة جدا ياخ دا الإمام و دي وجهة نظره و طربقه الإختاره ودعا ليه الناس ولم يفرضه على أحد, هل منع ايا كان من اختيار طريقه لمعارضة النظام !! الحقد و الكراهية التي يضمرها البعض للسيد الصادق كان أجدى ان تحوّل نحو النظام الذي لا يمانعون الجلوس معه و انتظار الفتات الذي قد وقد لا يجود به

Quote: البلاوي النحن فيها دي يا أحمد موسى سببها هذا الصادق!

Quote: كان دا فهمك للموضوع اذن فليمدد ابا حنيفة الخ الخ الخ

Quote: بالأساس حزب الأمة هو البعارض المعارضة دائماً،حزب الأمة في الحقيقة هو الصادق بخطرفاته و"عمايله" إضافة إلى آل بيته وبس، وبعدين زول محروس بأمن النظام بإبنه بشري الذي عُين خصيصاً لذلك ممكن الناس تتوقع منه معارضة أو ممكن يقيف ضد النظام!!؟ الشواهد كتيرة جداً على أن الصادق هو أكثر من يساومه النظام وهو أكثر من يخدم النظام. وطالما أن المسألة في الشأن الوطني فالصادق يتحمل مسؤولية كل مايجري له وإلاّ فعليه أن يذهب إلى بيته فيريح ويستريح، ولاعزاء للمتباكين من التوابع وغيرهم الذين يشكرون الراكوبة المهلهلة في الخريف ويحاولون التبرير والدفاع عن الصادق بححج واهية ولامكان لها من المنطق وتتصادم مع الحقائق.

Quote: مشروعه بسيط يا عامر جابر عمل ليه تذكرة زي حقت تمرّد المصرية دي والقال الماعاجبه النظام يمضي الورقة يقول النظام ده ماعاجبني اها المرحلة التانية قال الناس تعتصم في الميادين وفي السفارات الجماعة قالوا ده مشروع مخستك ومانافع طيب مشروعكم شنو قالوا لسة والله مافكرنا لكن خلال 100 يوم حنسقط النظام طيب اوكيه حتسقطو كيف عشان نشارك قالوا لا والله لسة مافكرنا اصبروا ... بس ..!!!

Quote: ولماذا لا يقبل الامام الصادق المهدي ما يريده انصاره رغم انهم يوالونه في السراء والضراء ورغم كل ذلك يحبونه اكثر من ابنائه اما حان رد الدين للانصار وهم من سرقة السلطة من بين ايديهم وبتفريط قيادتهم

Quote: هنا فرق من مصر هنا فى تمرد بالسلاح لو عملنا حقت مصر بتبقى عوارة فى طرق سلمية كثيرة عيب لى ناس قرفنا مش احسن من تمر وللا ديل شيوعين بسفوا التمباك فى الجامع يا عمك مش علشان اسموا الصادق المهدى يبقى نسمع اى كلام بيقولو

Quote: مشروعه بسيط يا عامر جابر عمل ليه تذكرة زي حقت تمرّد المصرية دي والقال الماعاجبه النظام يمضي الورقة يقول النظام ده ماعاجبني اها المرحلة التانية قال الناس تعتصم في الميادين وفي السفارات الجماعة قالوا ده مشروع مخستك ومانافع طيب مشروعكم شنو قالوا لسة والله مافكرنا لكن خلال 100 يوم حنسقط النظام طيب اوكيه حتسقطو كيف عشان نشارك قالوا لا والله لسة مافكرنا اصبروا ... بس ..!!!

Quote: سلام يا احمد كيفك ومحطة تسعة شخصيا لا اثق في الصادق المهدي على الاطلاق

Quote: ببساطة المعارضة تعارض حزب الأمة لأنّ مبادرته هي تغيير سلمي للسلطة ما يعني أنّ هناك عملية ديموقراطية ستكون نتاجاً للضغط الشعبي على حزب المؤتمر الوطني والذي لا بد وأن ينزل عند رغبات الشعب إذا وصل الأمر مرحلة العصيان المدني وبالتالي إتاحة الفرصة لحكومة قومية يعقبها مباشرة انتخابات حرة ونزيهة دون الحجر على أحد حتى المؤتمر الوطني يكون له كل الحق في التنافس الشريف على السلطة. هذا ما يتعارض مع خطط المعارضة التي تعرف قدر نفسها وحجمة الحقيقي في الشارع السوداني ولو قامت انتخابات تدخلها قوى المعارضة لوحدها دون الحزبين الكبيرين والمؤتمر الوطني والمؤتمر الشعبي والأخوان المسلمون وأنصار السنة ومؤتمر البجة وحركات دارفور الموقعة على سلام الدوحة لما فاز فيها أحد. التغيير بالعنف هو الوسيلة الوحيدة لتمكين قوى المعارضة من الحصول على السلطة وهذه السلطة ستطون بدون شك سلطة قمعية دموية تكمم فم كل من يعارضها وهذا المنحى يتضح للناس من معارضتهم الغير مبررة لحزب الأمة العريق وما يشكله من ثقل جماهيري يحق أن يحترم وإن أختلف الناس مع الصادق المهدي في أفكاره ورؤاه يجب الرد بموضوعية على مكامن الخلل في الأفكار والخطط ولكن التعدي للشخصي هو سقطة أخلاقية وتكشف حقيقة الشخصية الإقصائية للمعارضة العنيفة

Quote: ببساطة يا استاذ الحزب هو الصادق وآل بيته وبس.." الباب يفوت جمل " مش كدة ؟ ده زول بيقدر راى الناس وعنده علاقة بالديمقراطية!!؟ بنرجسية سخيفة يصف الآخرين بالطرور والكرور بينما يمجد نفسه وهو الفاشل في الحكم والمعارضة على السواء! ده زول ممكن الناس بعدما اتلدغوا منه عشرات المرات تاني يضعوا أيديهم في يده ويثقوا فيه!!؟ حالياً مافي حزب أمة،مافي .. في الصادق ومريم ورباح وبس، إذاً القصة هى الصادق والمعضلة هو الصادق فعلاً. بس البغيظ هو : ليه الناس بيلهثوا وراءه بعد كل " عمايله" وسقطاته وبعد كل ممارساته التدميرية!!؟ حاجة تانية وبدت تظهر بوضوح :الآن أكبر مؤيدي الصادق هم الكيزان والمتعاطفين مع النظام ، ومن عندك هنا خذ فرانكلي كمثال.

Quote: طيب فهمي انا كعب , انت شايف مفروض الصادق يعمل شنو لاولاده ديل .؟؟ فتروا ن قصة الجهاد المدني ودايرين يخشو الحكومة وخشو هو بالمقابل ماوقف حشد ناسه واداهم فكرته لتغيير النظام وبداها اها مفروض يعمل شنو ؟ عشان اولاده دخلوا النظام هو ما يعارض ؟؟ هسع عندك هنا اخونا معاوية عبيد ده اكبر معارض واخوه من كبار الكيزان نقول ليه لا اقيف ؟؟ هشام هباني ده اهله كلهم حكومة وهو معارض نقول ليه لا ماتعارض ؟؟ ولا شنو انا بجد مافاهم شنو البخلي ابوحنيفة يمدد كرعينو