|
|
 أدب لافتات المرْكَبات:حِكَم...طرائف...ومُبالغات...!
|
البوست عباره عن محاوله توثيقيه لأدب لافتات المركبات...وكمُهتم
بتراثنا وسلوكيات المجتمع السودانى وجدتُ أن هذا النوع من الأدب يمكن أن يؤخذ
كوسيله لمعرفة الرأى العام...وسَبْر الإتجاهات الفكريه والنفسيه لشعبنا...أتمنى من
المهتمين المشاركه بمساهماتهم لإثراء هذه البوست خصوصاً وأن س.أونلاين قد أصبحت
مرجعا سودانياً عالمياً...
***** - مُعظم لافتات المركبات تحتوى على عِبارات دينيه تدلل على التمسك بقيم الدين واللجوء اليه للحفظ من الحوادث:
- لا إله إلا الله محمد رسول الله
- صلو على الحبيب المصطفى
- توكلنا على الله
- والتمسك بقيم الدين ليس من جانب المسلمين فحسب...بل نجد ذلك ظاهراً –أيضاً-فى لافتات مركبات الإخوه المسيحيين:
- ميرى بقطر
- يسوع
- أكنزوا لكم كنوز فى السماء
- وللخوف من العين والحسد مساحه معتبره فى هذا النوع من الأدب:
- الكريم يدِّى والحسود زعلان
- عين الحسود
- ومن شر حاسدٍ إذا حسد
- قولوا ما شاء الله
- وفى القضايا الساخنه التى تفرض نفسها نجد أن هذا الأدب يعبر عن إتجاهات الرأى العام...فمثلاً بعد تداعيات 11 سبتمبر وحرب أفغانستان ظهرت لافتات مثل:
- بن لادن
- طالبان
- والطريف أننى قد وجدت ركشه مكتوب عليها عبارة: المزار الشريف...التى تدل-ربما- على تعاطف صاحبها مع التحالف المضاد لطالبان!
- وبعد حملة الدنمارك الأخيره ظهرت لافتات مثل: فداك يا رسول الله
- وللتصوف-الذى يشكل غالبية إتجاهات الشعب السودانى-وجودٍ بارز فى هذا الأدب:
- يا سُكان أضرحة كَدَباس
- أهل القوم
- الشيخ البرعى
- المكاشفى
- ولمقاطع الأغانى والتغزل بالمحبوب نصيب وافر:
- الطير المهاجر
- ذات الشامه
- إسمعنا مره
- الحُب والظروف
- بحِسِّك
- وللرياضه وكورة القدم وجود معتبر فى أدب اللافتات:
- فوق...فوق هلالنا(أو مريخنا) فوق
- كلَتشى
- الزعيم(إما بهلال أو بنجمه)
- وللتشاؤم-أيضاً- وجوده...فمعروف أن الشخصيه السودانيه تميل للحزن والخوف:
- كلما نشتل الأفراح تجى الأقدار تمد إيدا (وهى لافته شائعه للغايه)
- مشى أمرك يا قدر
- كلما نربى كتكوت...يربى ويفوت!
- وهناك لافتات تدل على ثقة صاحبها في مركبته وتفاؤله ورضائه:
- عابِرة الحارات ( مكتوبه على حافله تعمل فى خط الثوره)!
- كَعَب العَدَم(على عربه قديمه)!
- برضو رضيانين (على عربة كارو)!
- الإيواكس (مطرزه على حيوان جمل)!
- الديسكو (على عربه نيسان سفريه)
- رِزْقاً تكوسو؟ (على عربة ركشه)!
**** أتمنى أن أكون قد القيت شيئاً من الضوء على هذا النوع من الأدب...واعداً بإضافة المزيد إنشاء الله... كما أتمنى من المهتمين المساهمه...
مع تحياتى.....
|
|
 
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
1-العاتي :
مكتوبة وبمنتهى الثقة وبدون أي إحساس بالدونية ، على
ركشة
2- الجوال :
متسقة مع واقع الحال
وبرضو مكتوبة في ركشة
3- شيفورلية :
أمنية صعبة المنال
مكتوبة على حمار يجر برميل
{ فك الجزرة }
4- شيشان :
سألته : وما الذي يعجبك فيهم؟
قال لي : لا لا ما ديك
بتاعننا الهنا
منو بتقصد : الشينان
ش : شرطة
ش : شعبية
فهمت
حوار مع سائق حافلة في خط الصحافة زلط
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: أبو ساندرا)
|
امسك.....
(دراويش لاقو مداح)
(الملا عمر)...علي دفار
(الدوئر الان مشغولة)...مكتوبة بص الديوم لاحمر
(السيكو النجدة)...مكتوبة علي بصي المفضل في السبيعينات والتمانينات
(السفر قاسي ..والكلاكلة سفر)....علي بص حلتنا زمااااااااااااان
(الاقاليم....كيف؟)دعاية سوداتل لتغيير الارقام ...كتبها احدهم علي حافلة..
ولي عودة
احمد القاسم
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
حكم:
الرازق يرزق والحسود تعبان
يا رب في كل خطوة سلامة
الرزق على الله
يا كريم
طرائف:
الدوائر مشغولة
الحلقة الأخيرة
الرسول (في الجولة) تلعب
في الجولة يعني فجولا أي فجوا لها يعني أفسحوا لها
شينة وعاجباني - مكتوبة في سيارة موديل 68
حصاد الغربة - على حافلة 24 راكب يقودها مغترب سابق
مبالغات:
شايقية وبس
ديل مالهم؟؟؟؟؟
شكيتكم على الله
نارية
وين إنتو؟؟
عشان بريدكم الله رماني في زولاً جميل زيي
الأيام بيننا
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
امسك ديل
صوفية:
ازرق موية ... الشيخ عبدالله ود العجوز المكاشفي
القوات المسلحة... الشيخ احمد المكاشفي
ايمانية:
ماذا يفعل الحسد مع الرازق
قادر الله
مامعروفة:
دي حقيقة وقفتني كتير وما عرفت صاحب الحافلة كان مالو...
كاتب في التندة بتاعت القزاز القادم:
اثبت ان:
س3 + ص3 = س3 + 2س2ص2 + ص3
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
ياحليل أيام زمان!!! ونحن تلاميذ فى مدرسة كتفية الحلاوين ألابتدائية فى السبعينيات ، خدر (المساعد) شغال مع العم على فى اللورى الداؤدى وكان بيكتب فى لافتة على اللورى ( عينى عليك بارده ) ظهر ليهو عم على وقاليهو ده شنو يا خدر البتكتب فيهو فرد عليه خدر كتبت على اللورى ( قل هو الله أحد ) .
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
الأخوان ابوساندرا (عمدة البورد)-أحمد القاسم-خدر-إشراقه حيموره-حميده-أحمد محمد عثمان-مايا-عصام جبرالله-الشايقى-عبدالمنعم عمر عثمان...لكم خالص الود ...ومشكورين على المساهمه المميزه... الأخ خدر...أبو البيبى...دى ركشتكم؟ عصام جبرالله:سلامك للبروف يوصل إنشاءالله إشراقه حيموره:مساهمتك جميله...بالمناسبه انت قريبة المهندس احمد حيموره يعمل بشركة شل؟ مايا: طولنا ما سمعنا منك....إنشاءالله لمّيتى فى أسرة عبدالماجد عبد الرحيم *** أها هاكم يا جماعه: وما زال للعطر بقيه الرحيق المختوم القناعه كنز كردفانيه مكتول هواك يا كردفان الكريم درّاج قول واحد وكمان لافتات بالإنجليزى: One love Always
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
تصوف
*ساعة الضيق قول يالصديق
مكتوبة على بص الشيخ الصديق -ابوقوتة ..والمقصود هو الشيخ الصديق ودبساطى راكب البيضاء
سمانى طيبى..
*ساعة الضيق قول يا الله ..مكتوبة على بص اطلق عليه بص الوهابى
*ياسابق قولة يا..
*ياهل المسحورة انجدونى...
* ازرق طيبة
* الحفيان
*ودالسائح
اغانى وحكم
* بياع الخوتم وين
* وليد دارفور
* الصبر مفتاح الفرج
*ايه داير منى تانى
سفريات هندية
horn please بورى من فضلك...تكتب على الشاحنات والبصات السفريات
* هم فلم مشهور ل اميتاب باجان...مكتوب على عجلة لواحد بتاع ورنيش
* قانون ابنا ابنا....فلم لدلب كومار- يوسف عبد الله ..مكتوب على ساكيل رقشا
والجدير بالذكر ان الموجودة عندنا فى السودان هو الاوتو رقشا..وهى ركوب المروقوين
من الهنود...
* الشحمان... كنت كاتبها بالازرق على موترى الكاينتك..والشحمان عبارة كان يستخدمها اخونا ابو الحسن من ظرفاء طلاب الهند..ينت شحمانة وشيك شحمان ..وفلم شحمان..ومرة من المرات جائت بقرة فقلت لاخونا ابو الحسن ديك بقرة شحمانة...
* منسكالى..كاتبها اخونا حسين قاضى على موتره..وحسن من ااولاد حفير مشو
* اميرة بونا كاتباها واحداختنا على لونته
شكرا يابروف..على التوثيق
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
الاخ العزيز صاحب البوست اللذيذ،اطرف ما شهدته من تعليقات فى حافلة كانت تقول العبارة (مسك الختام) فقلت لسلئق الركشة معلقة : يا ربى تانى ما فى طريقة للباص دا يمشى فى الشارع ولا كيف ؟ انتبه السائق وفى نفس تلك اللحظة كان مرورى من صيدلية حملت نفس المسمى فقلت لنفسى ( اظنها آخر جرعة دواللمريض البيشترى دوا من هنا)لكن الطرائف لا تقف عند حد فلقد شهدت من يكتب فى (ركشته )(تانى مافى لعب )... شفتو كيف ، الاصل فى هذا الامر اننى اتابعه منذ امد طويل، فانت واجد من يكتب على شاحنته المتهالكة (ما بتخاف )وما الى ذلك من تعابير، واقفين تحننو راكبين تجننو ، او عبارة (ماتتكلمو من الواطه)وهذا يعنى ان البعض يقول للكمسارى (ما عندنا حق الاجرة )وهو بدوره يطلب اليهم ان يخبروه مسبقا ، و( عنيدةوما بتخاف من المجروس )وهو ناقل لمن لا يعرفه فى السبعينات والتمانينات ،يستخدمه ناس الجيش ، لكن لم اجد له اثرا الان فى كل انحاء السودان التى زرتها على الاقل وما اكثرها، شكرا لك ايها الظريف على هذا البوست الذى اعادنى الى اشياء طالما احببتها
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: Isa)
|
تحياتي
شكرا لكاتب الموضوع وعلى المتداخلين ..فعلا الموضوع خفيف الظل
بس ياريت لو لم يقتصر موضوعك فقط على مايكتب على العربات .فياريت لو شمل كذلك كل مايكتب من طرائف سواء في الدكاكين والمحلات العامة. حتى تكتمل رسمة البسمة على الوجوه
وفي هذا الاطار اسمحي لى بأن اغير مجرى البوست قليلا لأدخلكم معي في طرائف المحلات العامة ..طبعا بعد اذن صاحب البوست
اذكر اني دخلت احد المحلات التجارية (خارج السودان)، والظاهر صاحب المتجر كره الديون والتعامل مع الناس بالدَين (السلف) .دخلت احد هذه المحلات ووجدت صاحب المتجر معلق لوحة مكتوب عليها بالخط العريض هذه الجملة التى اضحكتني جدا
كتب :
الديون حرمتنا رؤية الكثيرين...أوقفناها نهائياً ...حفاظاً على الآخرين.
ودخلت محل آخر فاذا بي اقرأ هذه الجملة
دَيّناه (بمعنى سلفناه) للتوضيح فقط
كتب يقول
دَيّناه فِـرح.....تركناه نسى ....طالبناه زعل.
واذكر قبل فترة طويلة جدا قرأت في احد الصحف السودانية ماخلاصته ان احد اساتذة اللغة العربية واثناء سيره في أحد الأسواق الشعبية وجد لافته في احد المحلات ، صاحب هذا المحل كاتب لافته بالخط العريض اعلى باب المحل .مكتوب في تلك اللافته مايلي
محل لتصليح السرائر
الطريف في الأمر ان كلمة السرائر تعني باللغة العربية (خبايا النفوس) بينما صاحبنا يقصد بيها تصليح سرير النوم.
تحياتي
هشام حامد العبيد
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
الأخ شلبى:بالرغم من ان الفكره (مُعِشعِشه) فى راسى منذ فتره طويله...لكن التوثيق الإلكترونى الذى لا يكذب أهله وتواريخ النشر الحاسمه تحتم علىّ أن أعطيك حقك الأدبى..وأن اعترف بسبقك (الصحفى)!....لك التحيه مرة أخرى....بالمناسبه:إنت من عطبره؟
شكرا المحترم هشام حامد العبيد..اكيد مافى مانع من اى إضافات تصب فى مصلحة الموضوع...خالص التحايا
المحترمIsa: لك خالص الود وشكرا على المساهمه
سلمى الشيخ سلامه:شكرا على المساهمه...أنت الزوله الرائعه البى تجى فى الرادى؟
شكرا حميده على الرفع...
مايا:شكرا على المساهمه...لو فى السودان ممكن أساعدك
إشراقه حيموره:الرائع المهندس احمد حيموره متزوج بت خالى لَزَم
أبو قوته:شكرا على المساهمه المميزه
وليد طه:مرحب بيك...ومشكور على المساهمه
***
أها كمان زياده:
عاجبنى مشيك...طويت الوادى
كيف وصالك
إتخيلى
الناس بالناس
ان وعد الله حق
بسم الله مجراها ومرساها
ما تشيلى هم
سندباد
طيب القوم
الأنفال
مهجه
منارة طيبه
الله فى
(عدل بواسطة mekki on 03-20-2006, 07:41 AM)
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
الجَفَلَنْ خليهِّن....أقرَع الواقفات (على حافله)!. فاوضنى بلا زعل (على هينوZY)!. مادام الرزق مقيوم....الشفقه ما ليها لزوم(على حافله) أولاد هجو الأربعه (على حافله) وعادت الدكتوره (على عربة كارو)!. سلام يا الساكن الحاره (على عربة كارو)!. حَجّونى بيك ما مشكله (على حافله). أسرق من النيل المحال (على حافله). أحسبا  (على حافله)!. (عدل بواسطة mekki on 03-28-2006, 04:05 AM)
(عدل بواسطة mekki on 04-02-2006, 04:51 AM)
| |
|
|
|
|
|
|
|
|
|
Re: أدب لافتات المرْكَبات:حِكَم...طرائف...ومُبالغات...! (Re: mekki)
|
المحترم هانى عربى لك كل التحايا...ومشكور على المساهمه
المحترم حيدر حسن ميرغنى لك كل الود...مشكور على المساهمه
المحترمه الخلوقه رباب الكارب...لك كل الحب والاحترام
احر التعازى فى وفاة المفغور لها صلحه الكارب
بلغى تحياتى وحبى وتعازيى للأخت خنساء الكارب
فى أى أصقاع-جميله-من أصقاع الدنيا تقبعين يا إنسانه؟!
*** أها هاكم: أخد راحتك (فى حافله من الخلف)! الرزق للحبايب وبس (على ركشه)! فى الليله  (على حافله)!
| |
|
|
|
|
|
|
| |
mekki
أبو ساندرا
Ahmed El Gasim
خدر
Ishraga Haimoura
humida
Ahmed Mohammed Osman
Al-Shaygi
abuguta
سلمى الشيخ سلامة
هشام حامد العبيد
Hani Arabi Mohamed
Rabab Elkarib
حيدر حسن ميرغني
فيس بوك
تويتر
انستقرام
يوتيوب
بنتيريست