|
|
|
 Re: إلا صحيح يا ود الباوقة صاحبت السمو / وضاحة زعلانة (Re: محمد حمزة الحسين)
|
الزول البزعل صاحبة السمو الملكي دا اصلو ما زولنا
وضاحة زولة ملكة يشهد لها هذا المكان بحبها للسودان
زولة محترمة ما فيها كلام - واخت أخوان
وأي زول في الحياة عندو خياراتو - المنبر اغلبو ناس عندهم جنسيات اجنبية واصولهم سودانية
إش معنى الناس تهاجم وضاحة ..
كل يوم هنا الناس دي قادان جبهة ثورية ويي وحركة شعبية ويي وسيدي الرئيس وسيدي البطيخ
السألهم منو ..
وضحاة من حقها تحب قطر ومن حقها تشيل جنسية قطر وتمجد الشيخ حمد بن زايد وتعارض تميم بن حمد
وين المشكلة ؟؟
لك التحية د. وضاحة
| |
  
|
|
|
|
|
|
|
 Re: إلا صحيح يا ود الباوقة صاحبت السمو / وضاحة زعلانة (Re: حافظ انقابو)
|
| Quote: الزول البزعل صاحبة السمو الملكي دا اصلو ما زولنا |
شكراُ انقابووو حفظك الله
أهاااا موش قلتا ليك يمين الله يترشا ما يعرف الرشاهو منو والله صحى
يمن الله القاسى انتى بخيتة بختاً يقسمو منو جنسية قطر وهوى السودان اييييييييه النعمة دى يا ناس
دى حسادة منكم ساااى والله صحى
:
:
:
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: إلا صحيح يا ود الباوقة صاحبت السمو / وضاحة زعلانة (Re: حافظ انقابو)
|
Quote: الزول البزعل صاحبة السمو الملكي دا اصلو ما زولنا
وضاحة زولة ملكة يشهد لها هذا المكان بحبها للسودان
زولة محترمة ما فيها كلام - واخت أخوان
وأي زول في الحياة عندو خياراتو - المنبر اغلبو ناس عندهم جنسيات اجنبية واصولهم سودانية
إش معنى الناس تهاجم وضاحة ..
كل يوم هنا الناس دي قادان جبهة ثورية ويي وحركة شعبية ويي وسيدي الرئيس وسيدي البطيخ
السألهم منو ..
وضحاة من حقها تحب قطر ومن حقها تشيل جنسية قطر وتمجد الشيخ حمد بن زايد وتعارض تميم بن حمد
وين المشكلة ؟؟
لك التحية د. وضاحة |
شكرا حافظ ياخى ما عدمناك
يعلم الله مدى حبي ليكم والله اخوا اخوان
يعطيك العافية يا زوق 
| |
|
|
|
|
|
|
|
|
|
Re: إلا صحيح يا ود الباوقة صاحبت السمو / وضاحة زعلانة (Re: محمد حمزة الحسين)
|
الأخ محمد حمزة الحسين سلام وتقدير
الزميلة وضاحة رمتنا بدائها وأنسلت.... بعض الأخوة تعجبو من بقائها في وسطنا(سودانيزأونلاين) بعد أن أوضحت كثيرا (قرفها) من أصولها السودانية.... وهي حتى لم تعتذر بل إكتفت بالتعديل...
Quote: باشمهندس أيمن و ضيوفه الكرام سلام وتقدير
الزميلة وضاحة.... دافعي وحبي يا ستي زي مادايرة....نفس ظروفك العشتيها هنا عشناها...نفس الحب والكرم القابلوكي بيهو لقيناهو....وما بنرضى (لكرم أصلنا السوداني) بتقليل من قيمة قطر وأهلها... وبما إنك قطرية مسموح ليكي تجاهدي عديل في أي شخص بيكتب عن قطر بسوء بأكثر من ماهو مسموح لنا....
لكن ده كلو كوم وإنك تسيئي للسودان ده كوم تاني....حتى أصولك السودانية ما بتسمح ليكي تتعدي ولو بحرف على السودان...وما حأمشي أجيب إقتباسات ولا غيرو.... ده منبر حر..وللأسف ممكن تتكلمي فيهو عن أي موضوع بيخص السودان...بس بإحترام....بإحترام
وده ما طلب و لا رجاء...ده تحذير أخير... |
لو غلطت في حق شخص كان ممكن تعدل مشاركاتا وتمشي تقول طردوني...لكن هي غلطت في حق بلد.... وأنا ما بتربطني بيها علاقة ولا بتصيد أخطاءا لكن مداخلاتا لاقتني أكتر من مرة.... فدحين خلي ودالباوقة يكلم قريبته في شان البلد البقو يقرفوا منو ده
تحياتي
| |
|
|
|
|
|
|
|
|
|
Re: إلا صحيح يا ود الباوقة صاحبت السمو / وضاحة زعلانة (Re: Musab Osman Alhassan)
|
يبدو لي من الكلام القليل المكتوب عن وضاحة هذه – كان ما يكون فهمت غلط- أنها تخلط بين السودان الوطن والسودان الحكومة. ولها أن تقارن بين حالتي وحالتها. عشت خارج الوطن نصف عمري وأكثر وبالتأكيد أكثر مما عاشته هي في قطر مدّ الله في عمرها وأيامها. حصلت على الجنسية البريطانية. ودي جنسية ما فيها كلام تب. لو المصريين بقولوا مصر أم الدنيا فبريطانيا العظمى هي أبو الدنيا.
بها كل ما تشتهي الأنفس من المال والثمرات. هي ارض ومولد الديمقراطية. هي منبع كرة القدم. ويكفي أنهم ذات يوم كانوا يحكمون العالم أجمع بما فيه أميركا والصين حتى أطلقوا على حكومة صاحبة الجلالة : الإمبراطورية التي لا تغيب عنها الشمس. وهي صفة لم تأتّى لدولة غيرها ولن تكون في المستقبل مهما برطعت أميركا وصويحباتها.
لم أذكر يوماً أنني قلت أن بريطانيا أحسن من السودان. بالنسبة لي كمسلم أحسن مكانين قبل السودان هما بيت الله وقبر رسول الله. وما تبقى من الدنيا فالسودان في القمة ولا كتّر خير أي زول. في بريطانيا تحصل على حقك وأنت نايم في بيتك. تعليمك وتعليم عيالك وعلاجكم وسكنكم كله على حساب حكومة صاحبة الجلالة إن كنت من محدودي الدخل. أو العاطلين عن العمل لأي سبب كان.
وبما أن مجال المقارنة مفقود بين قطر وبريطانيا فلا أظن أن قطر يمكن أن تنافس بريطانيا في أي مجال مما جميعه. ولدي دخل بريطانيا وعمره عامان وبنتي ولدت في لندن ولكنهما يقولان سودانيان من أبو جبيهة. لم يعترفا يوماً أو يقولا أن بريطانيا أحسن من السودان. وفي السودان زارا حتى أم طرقاً عراض.. وركبا الحمير والجمال وكانت حكاية بالنسبة لهما نوعاً من التغيير. يتحدثان العربية والإنجليزية بطلاقة. ويصليان ويصومان ويعرفان كل أخبار السودان من سعر الدولار وحتى سعر كيلو الطماطم ويتأثران لإرتفاع الأسعار بالصورة التي نحكي بها أمامها.
فلا أرى سبباً واحداً يجعل الست وضّاحة تستقرف من الوطن الأم. وارجوها أن تعلم أن أباها وأمها إن كانا متعلمين قد نهلا من خير دافع الضرائب السوداني عندما كان التعليم مجاناً من داخلية المدارس الوسطى ومروراً بداخليات خور طقت وحنتوب وإنتهاءً بفندق جامعة الخرطوم ذي الخمس نجوم الذي يسمى داخلية جامعة الخرطوم.
بإختصار يا وضّاحة لحم أكتافك ولحم أكتاف أسرتك من خير السودان الحبيب. ولولا السودان ورجل السودان التعبان لما كنت اليوم في قطر تتبجحين وكمان زي ما قالوا تستقرفي السودان زي ما قريت في كلام المتداخلين. لكن النصيحة ما شفت كتابتك ولو شفتها سيكون لي رد آخر. فلو زعلت وزعل مشايعوك فما مهم عندي.
سؤال هل من الممكن أن تترشحي لرئاسة الجمهورية عندكم؟ هالة عبد الحليم وميادة سوار الذهب سيترشحان لرئاسة الجمهورية وقد سبقتهما فاطمة عبد المحمود بالترشح في آخر إنتخابات لرئاسة الجمهورية.
هل تعرفين وظائف وأعمال والد كل من: عمر البشير .. علي عثمان .. عبد الرحيم محمد حسين ..نافع علي نافع.. كمثال لا حصر غض النظر عن كيف جاءوا للحكم؟ هل يمكنك أن تكوني وزيرة في قطر؟ يا بت الناس أصحي. تحياتي.
كبـّاشي الصـّـافي
| |
|
|
|
|
|
|
|
|
|
Re: إلا صحيح يا ود الباوقة صاحبت السمو / وضاحة زعلانة (Re: cantona_1)
|
العزيزان جداً جداً
Musab Osman Alhassan
و cantona_1
قال تعالى فى محكم تنزيلة مخاطبة رسولنا الكريم وهو المنزهـ عن الهوى
بالاية الكريمة التالية :- وأدعو الى سبيل ربك بالحكمة والموعظة الحسنة
ويقول تعالى :- ولو كنت فظاً غليظ القلب لانفضوا من حولك
ويقول تعالى :- وجادلهم بالتى هى احسن
ويقول صلى الله عليه وسلم رفقاً بالقوارير
ويقول صلى الله عليه وسلم ما اهانهن الا لئيم وما اكرمهن الا كريم
يعنى يا اخوانى وضاحة دى جااهلة وصغير واكيد من سيرته الذاتيه لم تتشبع بما ارتويتم به
من حب هذا البلد الأبى وبعد بارك الله فيها تهاتى بحب وتفاخر بوجودا بينكم اهل الكرم والبأس
فلو زل قلمها فلما لا تناصحونها برفق
يعنى بقت عليها هى ما تراها البلد بقت ########ه هايصاً وبدعوى كرهـ حكومة الانقاذ والبشير يقولون فيها ما لم يقلة مالك فى الخمر
العزيزان مصعب عثمان والبشير (كنتونا ون )
الكلمة الطيبه بخور البطن أوالباطن وكلنا معاً ندين ونشجب عبارات الشتم والتوبيخ المقرفة التى صارت او كادت تلطخ وجه هذا المنبر
وانا لست باولى منكم بإدانة هذا السلوك الذى صار سمة مقرفـــة ومنفرة للاعضاء بهذا المنبر فالنكن دعاة خير ودعاة سلام لتقريب وجهات النظر
ولا ندع الناس تتفلت من بين جنبات هذا المنبر يالكلام الجارج واربأ بكم ان تدفعوا تجاهـ ذلك
فهناك الف طريقة للرد على الاخت وضاحه وقد اشرت الى عبارات محمد البشرى الخضر وانا اكاد اكون مثلك الاخ كنتونا ون لم اقراء ما كتبته وضاحه
قبل اشارة محمد البشرى الخضر وان كنت قراءت دفاعها المستميت عن آل حمد وتقريعها للآخوة عندما تناولوا هذا الشأن
وسألها الاخ الشفت وليد المبارك هل انت قطريه ام سودانيه وفى تلك اللحظه علمت انها تحمل الجنسية القطريه وعلمت انها لم تزور السودان كثيراً ولكن
نحمد لها ولعها بالسعى لزيارة تلك الديار ولذلك طرحت النقد بطريقة تنبه ولا تجرح وعليه ارجو منكم رجاءاً ان تخففوا من وطئ الكلمة لكى لا نفقد شخص
مثل وضاحة تمثل الوجة المشرق والجرئ للمراءة فى هذا المنتدى وتمثل العضوء المهذب والمثقف والمحب للسودان وان كانت لا تحمل جنسيته ولم تتربى بين كتاحته
ولم تعانى فيه مثلكم ومثلكم نأمل فى رجوع وضاحة او صاحبة السمو كما يحلو للاخ الحبيب ود الباوقه ان يطلق عليها
وان تقدم اعتذار يشفى غليل اهلها وعزوتها ويزيب جليد الجفوة الغير مقصودة
وحتماً لى عودة
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: إلا صحيح يا ود الباوقة صاحبت السمو / وضاحة زعلانة (Re: محمد حمزة الحسين)
|
شوفى يا وضاحة
منبر بكرى دا انتي ست الحوش تقعدى وتقومى على كيفك واليرشك باللبن
يترشا بالدم وما يعرف الرشـــاهو منووو شوفتى كيف
:
:
:
:
:
:
:
الا بث انتى كلام محمد البشرى الخضر دا ما ترميهو واطه
ما صعب تبدلى صفكس (كـــم ) بى آخـــر (نــــا ) وبالمرة تكتلى ليهم الدش فى يدهم
انتى موش قلتى سودانية الهوى وتفتخرى انا متفق معاك انو حالنا جربان لكن
الصفكس (نــــا) نلصقوا ليك مع اى حاجه وكأننا لابسين عقال ونفتخر
(الدُش دا طبعاً حاجه كدا فى لعبة الضُومنة بالرغم من انها غير منقطه لكن اسكورا عالى خالــص للبى تتقبض عندو )
مع التحيات لله الزاكيات
| |
|
|
|
|
|
|
|
|
 Re: إلا صحيح يا ود الباوقة صاحبت السمو / وضاحة زعلانة (Re: محمد البشرى الخضر)
|
الحبيب محمد البشرى الخضر
لك العتبى حتى ترضى فقد خلط بين البلاطه والدش فى الوصف
وفعلن عندنا البلاطه اسكورا اعلى من الدوش فيا صاحبة السمو
عذراً للوصف المضلل الدوش دا فيها 12 نقطه اى والله صحى
وجزاك الله خيراً على التنبيه
لكن يا محمد البشرى انتا ما معاى فى الحكمة دى
خاصة والمنتدى بقى يتوشح بالكلام الجارح
:
:
:
:
:
:
:
مع التحيات لله الزاكيات
| |
|
|
|
|
|
|
| |
محمد حمزة الحسين
حافظ انقابو
وضاحة
Musab Osman Alhassan
cantona_1
محمد البشرى الخضر
فيس بوك
تويتر
انستقرام
يوتيوب
بنتيريست