|
Re: لاتخرج قبل ما تعمل Like (Re: وليد محمد المبارك)
|
هسي ياوليد ما الجدير بالذكر انك زرت لندن مرتين زول جاب خبرك في الصحف مافي بالله الزول ده من امدرمان !!! صراحة حركاتو دي ما حركات ناس امدرمان ناس امدرمان حتى لمن يجو يفكوها في روحهم بفكوها بلطافة وفي مجالس خاصة مش في الصحف !!!!
| |
|
|
|
|
|
|
Re: لاتخرج قبل ما تعمل Like (Re: محمد حمزة الحسين)
|
يا محمد حمزة السلام عليكم الصحافي البتبوبر بانو مشي وين ومشي وين دا مستجد وعندو مرض كدا تتسبب فيه الخلعة وعدم الثقة ومركب النقص .. الصحافي في الغالب مهنتو مهنة السفر والتجوال في بكل بقاع العالم لكن عمري ما سمعت بصحافي عمل اعلانات لسفرياتو أو كتب ليها خبر أو جاب سيرتا في مقال إلا في حدود ما يخدم الرسالة الإعلامية .. اللهم إلا في السودان الشقيق كما يفعل الهندي عز الدين الذي يتفاخر بانو زار لندن (مرتين) .. هههههههههه والله لكن دي مصيبة كبيرة .
| |
|
|
|
|
|
|
Re: لاتخرج قبل ما تعمل Like (Re: محمد حمزة الحسين)
|
Quote: وكان "الهندي" قد تهيأ للرحلة بعد ترشيحه من قبل المجلس البريطاني ومجلس الصحافة والمطبوعات والسفارة البريطانية بالخرطوم |
زمان يا سعادتك حبوبتى كانت بتقول(كَسر الخاتِر مقيم بخراب الدنيا) اسه(الهندى) ده شوفو كسر خَاتِر كم زول وبعدين ناس مهمين ياخ المجلس البريطانى وشنو وكده والمطبوعات وكمان سفارة صاحبة الجلاله والله ما ليهو حق.. يا ربى هو اصلا كان ماشى لندن يسوى شنو..المؤكد انه رئيس تحرير القارديان ما من الناس الدعوهو..والله اكان ظروف خاصه ما عارف..الزول ده بكون كبَّ الزوغه لانه قلة ادبه دى بالانجليزى مافى ..عشان كده احسن ليه يتضّرَع فى (مثلث حمدى) ده..تحياتى
| |
|
|
|
|
|
|
Re: لاتخرج قبل ما تعمل Like (Re: أيمن محمود)
|
Quote: الهندي من أم مغد يا جنابو 59 كيلو متر من الخرتوم قريب من البشاقرة حلتنا .. |
الزول دا عامل فيها من أم درمان، وناكر أم مغد دي حطب يا طلحة. غايتو لو قرأ البوست دا حكاية أم مغد دي حتغيظو أكثر من موضوع البوست.
التحايا لك ولصاحب البوست
| |
|
|
|
|
|
|
Re: لاتخرج قبل ما تعمل Like (Re: Imad Khalifa)
|
سلام ليكم كلكم طبعاً لمعرفتي به الولد متواضع مو للدرجة دي بس حسب خبرتي الخبر كتبه واحد كسار تلج لانه هو صاحب الجريدة ، والخبر عادي لكن هناك رؤساء تحرير سافروا وحاولوا يبخسوا من شان الناس الما سافروا وهنالك تنافس في سوق الصحافة ، لذلك الخبر معناه ان الصحيفة تلقت دعوة للمشاركة في الندوة المقامة في لندن بدعوة من المجلس البريطاني . الولد الاسمه الهندي دا ولد طيب وانا اعرفه . كلامي ما تبرير ولا كسير تلج مع حبي وودي واحترامي لكم
| |
|
|
|
|
|
|
Re: لاتخرج قبل ما تعمل Like (Re: عوض الله نواي)
|
الغرض من الخبر ليس البوبار ولكنه لقطع الطريق على من سيروج - أو روج - أن السفارة قد رفضت إعطاء الهندي تأشيرة.
تانياً .. ربما يكون الهندي من أم مغد أو غيرها .. ولكنه - قطعاً - مولود في بيت المال.
| |
|
|
|
|
|
|
Re: لاتخرج قبل ما تعمل Like (Re: Hussein Mallasi)
|
يكون ما لقا شرابو الأبيض !!!!!
الهندى زول self centered حتى العظم والانا عنده متازمه دوما ،،حتى لو بقى صحفي أو اى شى تانى.
الرجل في ازمه مستمره ما معروف سببا شنو !!!! أو معروف!!!
ما عندكم صورو في لندن؟؟؟
| |
|
|
|
|
|
|
Re: لاتخرج قبل ما تعمل Like (Re: أيمن الطيب)
|
ذكر الصحفي ملاسي..إنو القصّة ما بوبار..وإنو داير يقطع الطريق على من يدّعي رفض السفارة منحه التأشبرة..! ______________ طيب ما كان يكتفي بأيراد حبر الأعتذار ..وبس قصّة 2001 و 2011 ح تخدمو بشنو؟ ____________ مازالت (الدهشة)..بل قل (الخُلْعَة) ..تسيطر على كثير ممن لمع نجمهم..ولم تكن مواعينهم جاهزة لقبول الطفرة التي حدثت لهم.
| |
|
|
|
|
|
|
Re: لاتخرج قبل ما تعمل Like (Re: Yassir Tayfour)
|
Quote: الهندي من أم مغد يا جنابو 59 كيلو متر من الخرتوم قريب من البشاقرة حلتنا . |
حسين خوجلي من الشرفا ودرس في أب حراز
وبعد دا كلوا عامل فيها امدرماني أكتر من أهلها
Quote: يذكر أن "الهندي" زار "لندن" مرتين الأولى في العام 2001م والثانية في العام 2009م |
| |
|
|
|
|
|
|
Re: لاتخرج قبل ما تعمل Like (Re: Hussein Mallasi)
|
الاخوان عوض الله نواي وحسين ملاسي ....... وجهة نظركم مقدرة وفيها منطق لو كان الخبر عن زول تاني غير الهندي عزالدين ياريت واحد يجيب لينا الخبر بتاع الناس الزاروهو في مستشفي رويال كير اها داك نشره لقطع الطريق على منو !!
| |
|
|
|
|
|
|
Re: لاتخرج قبل ما تعمل Like (Re: محمد البشرى الخضر)
|
Quote: لا يا جنابو الشفت يقصد البوبار بي سفر لندن هههههه |
ياودالبشرى ماقالوا عليك بقيت مابتفهمه طايرة تعرف ياعمك انا غايتو حاسي لي فترة انو فهمي بقي قليل يعني الانقاذ دي كان تاني قعدت كم سنة وربنا مد في الآجال احتمال الواحد يبقي اللمبي عديييل كده
| |
|
|
|
|
|
|
Re: لاتخرج قبل ما تعمل Like (Re: omer osman)
|
Quote: حسين خوجلي من الشرفا ودرس في أب حراز
وبعد دا كلوا عامل فيها امدرماني أكتر من أهلها |
يا شامي أمدرمان والخرطوم وبحري ، لم يأت سكانها من القمر بل هم من شتيت السودان بمختلف مناطقه ، المشكلة كما ذكر الأخوان في الطفرة التي حدثت لهؤلاء ولم تكن مواعينهم جاهزة لها ... قرأت الخبر في المجهر وقلت ما جدوى ..يذكر أن الهندي زار لندن مرتين ...كأنما الهندي فريد عصره وفلتة زمانه في زيارة لندن ..وأهل لندن الخواجات ما مفتونين بيها كفتنة الهندي وأمثاله ...مرة كنت أناقش مدرسة إنجليزية عن سبب شرائها منزل في نيوزلاند بدلاً من قضاء ما بقي من عمرها في لندن فقالت : اتزس اوفل سيتي !!
فسنعمل ان لايك لمستر هندي
| |
|
|
|
|
|
|
Re: لاتخرج قبل ما تعمل Like (Re: عبدالرحمن الحلاوي)
|
يا ملاسي الحبيب صدقني لو الهندي ذاتو عايز يبرر لحكاية انو ( زار لندن مرتين) دي ما ح يبرر ليها بطريقتك الفوق دي .. الخبر انكتب بعلم رئيس التحرير ( اللي هو الهندي ) وشافو وراجعو واحتمال كبير يكون عدل فيهو خصوصا عدد المرات بتاعت زيارتو لندن دي .. وبالتالي ريحة التمظهر طاقة فيهو يشمها من به نزلة برد والا لكان أكتفي كما قال الشباب بالاعتذار دون هذه الإضافات العجيبة .. و( تانيا) حكاية انو من أم مغد أو من أم درمان لا تعني لي أيتها حاجة خصوصا وانني اعتبر انو أم مغد وأم درمان واحد كون ان دي مدينة ودي مدينة لا يفصل بينهما إلا بضع عمارات وشوارع زلط بيد ان الاتنين واقعات في نفس المنطقة الزمنية .. أنا ذكرت حكاية انو من أم مغد دي تصحيح لمعلومة وليس لشىء آخر مع العلم أنو معلومتي ذاتا عن أنو الهندي من أم مغد سمعتها هنا في البورد دا .
| |
|
|
|
|
|
|
Re: لاتخرج قبل ما تعمل Like (Re: Hussein Mallasi)
|
Quote: الزول ده بكون كبَّ الزوغه لانه قلة ادبه دى بالانجليزى مافى .. عشان كده احسن ليه يتضّرَع فى (مثلث حمدى) ده.. |
..........كاااااااااااك ... وتانى كاكـ ، أقصد لايك ...
شـكرا عمـر بوست موفق جدا .
ويا عمر بحكم إنك راعي البوسط لازم لازم تعتذر للحلاوي الزول قريبنا ومننا وساعت الحارحة بتلقي شايفو مسخن وطرف السوط بتاع أهل العوض وصلو وكدا واللاي ثـحي .
| |
|
|
|
|
|
|
Re: لاتخرج قبل ما تعمل Like (Re: saidahmed shami)
|
Quote: لقاء القائم بالاعمال البريطاني في الخرطوم ديفيد بيلجروف وصوفي وود المتحدثة باسم سفارة المملكة المتحدة في الخرطوم ورئيسة قسم الصحافة والشؤون العامة بالدفعة الأولى من الصحفيين والمحررين المغادرين إلى لندن يوم 22-6-2013 لحضور دورة تدريبية نظمتها السفارة البريطانية في الخرطوم والمجلس الثقافي البريطاني ومؤسسة طومسون |
| |
|
|
|
|
|
|
Re: لاتخرج قبل ما تعمل Like (Re: Yassir Tayfour)
|
Quote: ياودالبشرى ماقالوا عليك بقيت مابتفهمه طايرة |
يا سعادتك السن وأحكامه بتخليك تعتزل لكن الكورة في الراس لازالت لاأسي عز الدين الدحيش تشوفه في دافوري بمتّعك :)
Quote: احتمال الواحد يبقي اللمبي عديييل كده |
ههههههه حاشاك يا جنابو
| |
|
|
|
|
|
|
Re: لاتخرج قبل ما تعمل Like (Re: محمد البشرى الخضر)
|
Quote: رئيس تحرير صحيفة سياسية يومية حينما وصلته الدعوة لزيارة الدولة الغربية والمشاركة في الدورة التدريبية رشح ابنته الناشطة في الحقل الإعلامي والتلفازي لتنوب عنه، إلا أن الجهة التي دعت للورشة اعتذرت عنه نيابة الإعلامية الشابة عن والدها المخضرم! |
لوووول الهندي بدا يكتح مين رئيس التحرير المقصود ده ؟
| |
|
|
|
|
|
|
|