حفل خيري بالنادي السوداني – Hayward, CA لدعم السودانيين بالمعسكرات والتكايا
|
|
 دبر حالك يا زوووول ! حسبي الله ونعم الوكيل
|
هل نحن طيبون لدرجة السذاجة .. أم طيبون لدرجة الغباء .. أم ماذا نحن ؟
حضرت الى المملكة العربية السعودية في يوم 31/10/1997 ، وبعد حضوري بأربعة أشهر تقريبا إلتحقت بعمل في مدينة الرياض بموسسة زراعية وعملت معهم بوظيفة محاسب ، ودارت الايام وبعد سنة وسبعة أشهر تم إنهاء أعمال المحاسب الاول ، وأوكلت لي مهام المحاسب الاول ، والحمد لله كانت حياتي وأموري على ما يرام ولدرجة أنني في بعض الاحيان كنت أقوم بتسليف صاحب المؤسسة بعض المال لكي نقوم بتغطية جزء من بعض الشيكات حتى لا ترجع ، وصارت المؤسسة لها فرعان خارج الرياض ، وكانت أمور المؤسسة مستقره ، وفي اثناء اجراء الميزانيات عندما يلاحظ المراجع القانوني أنني قمت بتسليف المؤسسة مبلغا من المال ، كان يلومني ويوبخني ويقول لي أن لا أفعل مثل ذلك مرة أخرى لانهم لا يستحقون ولا يقدرون لك فعلك هذا ، ودارت الأيام والسنين وكانت الامور المالية جيده .. ولكن
المهم ( على قول حبيبنا تبارك ) أن صاحب العمل شخص طيب ولكن ضعيف جدا أمام الفلوس و في أمور الادارة وشخصيتة ضعيفه أمام مدراء الفروع ولذلك كانو يتصرفون على حسب هواهم ومصلحتهم الشخصية ( يصرفون الرواتب والحوافز والمكافأت لأنفسهم من غير أن يرجعوا للادارة في الرياض ) طبعا أكيييييد مدراء الفرعين ( شوام ) وكنت دائما ما أنبهه لخطورة هذا الأمر ويجب أن يضع حدا لهذا الإنفلات في الأفرع ..
يتبع ..
-----------
خلونا مره واحده نعمل فيها مهمين ونقول ... يتبع إن الله مدى في الأجل وقبل ما يكشونا في الحملة التصحيحية القايمة دي
|
|
 
|
|
|
|
|
|
|
 Re: دبر حالك يا زوووول ! حسبي الله ونعم الوكيل (Re: اساسي)
|
طيب قبل ما ( تتبع ) اسع وضعك كيف في التسليف ؟ ما بنلقي عندك عشرة الف الي حين ميسرة
----------------------------------------------------
زارتنا البركة يا عم أساسي
زي كلامك ده اللي جننا وبهدلنا يا عمنا ،، وبعدين إنت قريب من السودان تعدي البحر بس .
تحياتي يا حبيب
| |
|
|
|
|
|
|
|
|
|
Re: دبر حالك يا زوووول ! حسبي الله ونعم الوكيل (Re: أمير محمد ادريس)
|
مساك عافيه
غايتو ذكرتني ودعمي سيد محاسب لكن حيدر قطامه ظاتو مرة اشتغل مع سعودي ومحاسب تاني مصري
وكان عندهم قهوجي هندي المهم المصري يوم ظبت شاي كشري للمدير السعودي عمك اتكيييف منو بقا كلو يوم يجي
يكورك الشاي الكشري وين (اديك ليها مضغوطة عشان تآمن ) المصري معصور في ميزانية وكتابه تقيله وسيد قاعد فاضي
قام المصري قاليو ياسيد ماتسويلو كباية الشاي ينوبك ثواب طوالي اشر ليو نواحي بطنو ومعاها حركة مابتنقال وقاليو في البلد دي سوي البقولو ليك بس جابوك محاسب تحاسب فقوم سوي شايك لانو بحبو كشري كاااااااااااااااااااااااك
اخاف عليك بعد الشوام يبلعو الشركة تتكفل بي كفيلك الناس ديل بسيطرو على الكفلاء من محل صعب وصفو وبعزموهم ليك في البيت عادي وام فلان قالت ليك وتروح في الرجلين والعجب لو ناسبوهو طوالي شيل ورقك وشتت
| |
|
|
|
|
|
|
|
|
|
Re: دبر حالك يا زوووول ! حسبي الله ونعم الوكيل (Re: حامد بدري)
|
حامد يا أخوي غايتو الشكوى لغير الله مذله تعرف أنا أمس بعد ما كتبت البوست بصراحة كنت عايز أمسحو ولكن إتراجعت تاني علشان الناس الجات وجاية تتعظ من الناس اللي قبلها عسى الله ينجيهم من شرور ..... ( النقط دي ما قاصد بيها كلمة سيئة إنما ما عرفت أكتب الناس ولا الدهر )
حامد أخوي الحمد لله الواحد جاهر لكل الاحوال ..
تحياتي وتقديري
| |
|
|
|
|
|
|
| |
أمير محمد ادريس
اساسي
حامد بدري
فيس بوك
تويتر
انستقرام
يوتيوب
بنتيريست