|
|
 إبليس شغال سواق كريز في « شروني »
|
تقول الطرفة إنو المعارضة إتفقت مع إبليس عشان يثير ليها الشعب ويضايقو في أي حاجة عشان يطلع مظاهرات، اليوم الأول إبليس جا سايق ليهو «كريز» ووقف في موقف شروني، وبقى يحرض في السواقين: ما تشيلوا أي راكب الليلة بأقل من خمسة جنيه، وقعد يكورك يلا الحاج يوسف على خمسة، قال ليك الناس دي جاتو جارية جري لا من دايرين يقلعو باب الكريز... شافهم كدي قال ليهم هوي يا جماعة الراكب «7» جنيه لو ما عايزين أنزلوا، جماعتك قالو ليهو خلاس أمش بنديك ما مشكلة!! بعد شوية عاين ليهم كدى قال ليهم هوي يا جماعة أنا غير «10» جنيه ما بمش، قالو ليهو ما مشكلة بنديك إنت أمش بس، قال ليك إبليس دا بعد فترة كدى رطّب ترطيبة شديدة وقطع وشو من المعارضة وبطّل أي حاجة بقى شغال سواق كريز بس... أبو الزفت!!
صحيفة الإنتباهة
|
|
 
|
|
|
|
مصطفى توفيق
Wael Jabir
فيس بوك
تويتر
انستقرام
يوتيوب
بنتيريست