|
Re: ضربات ركنية جيو دجلية شعوذية حااالمة....!!! (Re: عبدالكريم الامين احمد)
|
في اطار بلوفة الدجل والشعوذة الحلمية التي انفتحت اتوقع ان ياتينا كوز اخر من اقصي المدينة بحلمة ترمي قدام مع حلمة اخوه في الله الذي راي الرسول صلي عليه عليه وسلم...وقد تفيد الحلمة بانه راي مالك عقار والحلو وياسر عرمان وابوعيسي وهم عرقانين شديد في حضرة مجلس ابو لهب وبحضور ابو سفيان وكل الدراما الحلمية دي قبل فتح مكة....!!!
| |
|
|
|
|
|
|
Re: ضربات ركنية جيو دجلية شعوذية حااالمة....!!! (Re: الفاتح علي التوم)
|
Quote: حتي هنا عادي جدا لكن ...الخوف و كل الخوف ان يظهر واحد تاني حلم بالذات الإلهية يترأس جلسه المجلس الوطني |
تحياتي وتقديري يا الفاتح وكلو وارد فوعي المرحلي هو اعلي مراحل التهتك وتسخير التغبيش الديني لاعلي درجة ممكنة حتي وان ذهبت الي الذات الالهاية والناس ديل خلاص اتحرقت كل مراكبهم وبقي لا يهمهم دين ولاا اسلام بل كل الهم هو البقاء في السلطة النجاة من الزرقنة التي تحيط بهم من كل الجنبات باي وسيلة ممكنة
وكل الود يا الفاتح ياااخ
| |
|
|
|
|
|
|
Re: ضربات ركنية جيو دجلية شعوذية حااالمة....!!! (Re: عبدالكريم الامين احمد)
|
تستغرب يارسول الله
يا أول وتانى الخلفاء
تستغرب يا أب ذر لوجيت فى هذا الزمن الجهجاه
لو فيكم حد يا حنفاء
إتجاسر وقال ما معناه :
(في الدين الطيب لا إكراه)
وبني آدم أدرى بدنياه
أو أن العالم شركاء
في الكلاء النار وفي الماء
أو حاول ينصح وينطاول
لي حاكم ظالم وقال لا
يا لاقى جهنم مأواه
فتحولو ترابيس شالا
يا راجع نفسو أقلاه
السيف فوق راسو مخاواه
بالذات الزيك يا أب ذر
بالذات الزيك لو جاء
راكب دغريتو العرجاء
دايماً غلباوي وغالاط
لخباط للعيشة الخمجاء
بالذات الزيك لو جاء
في زمن الزيف المنشر
والتشريعات العوجاء
| |
|
|
|
|
|
|
Re: ضربات ركنية جيو دجلية شعوذية حااالمة....!!! (Re: عبدالكريم الامين احمد)
|
Quote: شايفة حاتم الياس قال ليلة أمس..حلمت بماركس يجلس فى مقهى (أتنيه) مع السر بابو والحاج وراق والترابى ومالك عقار وكمال ترباس, خير اللهم اجعله خير يا باشمهندس لانه حاتم ولدنا دى ودختمية وبنعتقد فيه شديد |
هلا يا سناء وحياك وحي حاتم الياس الغمام فحلمتو دي حلمة مدهشة بالحيل ولينين ده جن ولاشنو المقعدو مع الترابي وترباس شنوووو هههههه
| |
|
|
|
|
|
|
Re: ضربات ركنية جيو دجلية شعوذية حااالمة....!!! (Re: عبدالكريم الامين احمد)
|
الكُضًبن والشعوذه يا هندسة عادت مخجلة جدا .. كنا نخجل لهم ولا يخجلون .. عدنا لا نخجل لهم ولا يخجلون ..
رحم الله حميد .. كان يحلم بي وطن ملياااان جدل .. بس خالي من الدجل ..
لما الجدل يبقى الدجل والأيدولوجيا هي الملاججه واللواجه بلا عمل اللخبطة الخمج البوليس كتال كُتًل ليش البلاد ما تستباح يوماتي كل ما الليل دخل
| |
|
|
|
|
|
|
Re: ضربات ركنية جيو دجلية شعوذية حااالمة....!!! (Re: Imad Khalifa)
|
Quote: دي سبقو فيها أولاد بمبة ، وطبعا دا كضب وجخ بثوابو. |
هلا يا عمدة واشواقي ياااخ وايووووه ناسنا في الدجل والشعوذة اصبحو مافي زيهم 2 وهروبهم الي الاحلام الاخطبوطية هذه الايام هي دلالة علي رزقنة الواقع الحولهم وانسداد افق الحلول والورجغة الكبري التي يعيشون فيها... نادوا الملايكةلكي تحارب معهم في ابو كرشولا حتي بح صوتهم ولكن يبدو ان لا ردود تذكر هههههههه عشان كده هربو الي الاحلام
وياما حنشوف كتير يا عمدة فبني كوز يودعون الملاعب بدراما لا انزل الله مثلها من سلطان وسنتابع
| |
|
|
|
|
|
|
Re: ضربات ركنية جيو دجلية شعوذية حااالمة....!!! (Re: Mohamed Redman)
|
Quote: تحياتي يا باش مهندس عبد الكريم الأمين أحمد ، مرحب بيك في البوست :) أراكم نسيتم أمر أول بلف: حينما قالوا: الناس الفلانيين قفلوا البلف :) |
هلا يا هاني وكدي بالله ذكرنا بالناس القالو كلام بلف ما بلف ده عشان نديهم الفيها النصيب هههههههها الجماعة ديل مواضيعهم وملفاتهم اصبحت كتيرة بالحيل وكل ملف فيهم هو ملف موغل في الدهشة
| |
|
|
|
|
|
|
Re: ضربات ركنية جيو دجلية شعوذية حااالمة....!!! (Re: عبدالكريم الامين احمد)
|
سلام يا هندسة المدينة التي اعيش بها في كندا تجتاحها الان فيضانات جراء امطار فوق العادة ب البرتا حالة الاستنفار و الاستعداد للزيادة في ال Bow River عالية جداً و اليك و لضيوفك هذا الاعلان
Quote: 2:27 p.m., June 20, 2013 If you are being displaced due to flooding and you have a pet you can take it to the Animal Services Centre, 2201 Portland St. S.E. . Please go to the front desk when you arrive. If you arrive after 7 p.m. ring the doorbell. You will need to provide the following information:
Your pet's name Breed of animal Any medication and any illnesses owner contact information |
للتأكد يمكن الرجوع ل http://www.calgarycitynews.com/
حتي الحيوانات في البيوت المدينة و فرت لهم المكان المناسب حسب تقديرها و نحن حكومتنا وفرت الكلام المناسب حسب تقديرها
مشتاقين
ـــــــــــــــــــــــــــــ
| |
|
|
|
|
|
|
|