|
Re: تعالوا نقود حملة ضد سي إن إن عربية بسبب هذه الصورة المشينة للسودان (Re: Abdulrahman Eldaw)
|
العوض سلامات غايتو لو في زول بعرف الزولين ديل حقو يتصل بيهم عشان يشوفوا محامي يسك ليهم القناة يمكن يقدر يمرق ليهم منها مبلغ محترم على سبيل التعويض اولا لأنها استخدمت صورا لاشخاص بدون اذنهم كما أن الموضوع الذي نشرت فيه الصورة ليس له علاقة بها كما هو واضح ، و ستكون القضية متينة اكتر لو كان الناس ديل لا يعملون في السعودية على الاطلاق و هم مجرد حجاج ليس الا. اذكر العام الماضي أن امرأة هنا في امريكا خسرت قضية ضد صحيفة محلية لاستخدامهم صورتها لتوضيح اخطاء المشاة اثناء عبور الطريق او حاجة بالشكل ده و اظن انو القاضي اعتمد على أن السيدة فعلا كانت تستخدم الطريق بطريقة خاطئة حسبما اذكر و ربما اكون غلطان, لكن المهم هنا أن هؤلاء الناس ليسو عمالة متخلفة في السعودية فلماذا تستخدم القناة صورتهم في موضوع العمالة المتخلفة. عايزين محامي شاطر يطلع ليهم تعويض من هذه القناة الثرية جدا جدا جدا.
| |
|
|
|
|
|
|
Re: تعالوا نقود حملة ضد سي إن إن عربية بسبب هذه الصورة المشينة للسودان (Re: Hisham Osman)
|
شكراً على الهمة العالية يا شباب
ارجو أن لا ينطبق علينا قول الشاعر:
ومن يهن يسهل الهوان عليه ... ما لجرح بميت إيلام
أصبح وطنا مستباح وأصبحنا كمواطنين صوب النيران من كل جانب وليس هناك جهات رسمية تدافع عن المواطن السوداني وكرامة المواطن السوداني هي آخر هموم النظام
وإذا ما قمنا برانا بالدفاع فاقادم سيكو أدهي وأمر
أرجو أخذ الموضوع بجدية
وكل من يستطيع المساهمة إن شاء الله في ميزان حسناته.
وأصحاب الصورة يمكنهم رفع دعوى شخصية على ضد القناة للتعويض على إشانة السمعة
ويا ريت لو الإعلاميين والمحامين يتداخلوا معانا لزيادة إثبات أن في الخبر المنشور ضرر بين لأصحاب الصور وإشانة سمعة لنا كسودانيين
| |
|
|
|
|
|
|
Re: تعالوا نقود حملة ضد سي إن إن عربية بسبب هذه الصورة المشينة للسودان (Re: محمد عمر الفكي)
|
Quote: ما ضاع حق وراءه مطالب .....بس زي ما قال زول الفيس التحت ده انه مفروض نخفف من الحساسية شوية |
لابد من وقفه مع الحقوق الضايعة وكان الناس بتتعامل بكل حزم وجديه مع المواقف الزي دي عشان ماتتكرر تاني
Quote: أين شعار قناة الـــ C . N . N عربية فى الصورة يا العوض ؟!! |
ويامحمد حمزة انت ما مشيت مع الرابط واللا شنو ....اصلا الصورة لحجاج سنة 2010 لزومه شنو يجيبوها في خبر المخالفين طبعا قمة الاستهتار والاستخفاف ودايما حقوقنا بتضيع مننا . ماتستغرب دي جريمه ليها محاكما بس عايزه تحركات من القانونيين فمثلا في جرايم السرقه يتدخلوا الاجاويد الزول دا مابعيد ما نفضحه نستره يستروهه .. جرايم قتل العمد يااخي اصله زوكم مات اعفو الجماعه يعفو والامثله كثيره ... في النهايه ادي هذا العفو لتفشي كثير من الجرايم المماثله تحياتي
| |
|
|
|
|
|
|
Re: تعالوا نقود حملة ضد سي إن إن عربية بسبب هذه الصورة المشينة للسودان (Re: أيمن محمود)
|
Quote: العوض سلامات غايتو لو في زول بعرف الزولين ديل حقو يتصل بيهم عشان يشوفوا محامي يسك ليهم القناة يمكن يقدر يمرق ليهم منها مبلغ محترم على سبيل التعويضاولا لأنها استخدمت صورا لاشخاص بدون اذنهم كما أن الموضوع الذي نشرت فيه الصورة ليس له علاقة بها كما هو واضح ، و ستكون القضية متينة اكتر لو كان الناس ديل لا يعملون في السعودية على الاطلاق و هم مجرد حجاج ليس الا. اذكر العام الماضي أن امرأة هنا في امريكا خسرت قضية ضد صحيفة محلية لاستخدامهم صورتها لتوضيح اخطاء المشاة اثناء عبور الطريق او حاجة بالشكل ده و اظن انو القاضي اعتمد على أن السيدة فعلا كانت تستخدم الطريق بطريقة خاطئة حسبما اذكر و ربما اكون غلطان, لكن المهم هنا أن هؤلاء الناس ليسو عمالة متخلفة في السعودية فلماذا تستخدم القناة صورتهم في موضوع العمالة المتخلفة. عايزين محامي شاطر يطلع ليهم تعويض من هذه القناة الثرية جدا جدا جدا. |
يا العوض دا الكلام المليان .. كلام دكتور سيف دا .. والنجيضة الجابه كمال فرانكلي عن الصورة .. يا جماعة لي متين نحن نقعد لي سخرية القنوات .. ولي استفزاز البشر .. يجب تعميم الكلام دا في الصحف السودانية .. القانونيين عليهم متابعة الموضوع دا .. ولو كان موقع سودانيزاونلاين هو من اكبر المواقع في الشأن السوداني .. وتمت من خلاله العديد من الامور التي تخدم الجميع .. فيجي هنا ان نقف قانونيين .. في كل بقاع الدنيا .. صحفيين وكتاب في اكبر الجرائد والمجلات .. وكفايــة قلة ادب مصريين .. واستهتار بينا ..
| |
|
|
|
|
|
|
Re: تعالوا نقود حملة ضد سي إن إن عربية بسبب هذه الصورة المشينة للسودان (Re: Elawad Eltayeb)
|
أوويد رفع دعوة بقوة,,,,,,
خاصة,,,,,,,,,,,,,,,,,,,,,,,,
لو كانت الصورة المرافقة للخبر لا تمت للخبر بشيء, أي أنهم غير 1- معنيين بإجراءات تصحيح الوضع (أي أنهم في إجراء مختلف كالعمرة) 2- أو أنهم في مكان ومان يتنافيان وموضوع الخبر (يعني لو أخذت الصورة قبل القرارات التصحيحية),,,,,,,,,,,,,,,,,,,,,,,,,,,, على أقل تقدير إن لم يكن هناك تعويض, فسوف يتم فصل صاحب الخبر والمحرر, لعلة بسيطة, أنه من مباديء الصحافة أن تكون الصورة المرافقة للخبر توضيحية تمت للخبر بواقع منطقي, يعني أحتمال الكاتب والمحرر ومدير التحرير يروحوا شمار في مرقة, وأصغر مسؤول ممكن يقول ليهم الصورة دي جبتوه من وين وما هي علاقتها بالخبر. فلتستمر الحملة.
وأرجو من كاتب الموضوع أن يكون أكثر عمليا بوضع خطة عمل فلان يكتب الصيغة فلان يراسل السي إن إن المحلية والعالمية فلان يحرك الموضوع على مستوى المنتديات والجميع إن شاء الله جاهز.
| |
|
|
|
|
|
|
Re: تعالوا نقود حملة ضد سي إن إن عربية بسبب هذه الصورة المشينة للسودان (Re: Elawad Eltayeb)
|
العوض سلامات ..
قمت بارسال ايميل احتجاجي للقناة .. فالصورة لا تمت بصلة للموضوع وهي لسودانيين يقومون بإجراءات حكومية وفي غالب ظني أنهم بالسودان .. الا أن ورودها يوحي بأن المخالفين جلهم من السودانيين .. ولهذا أثر سالب عند المجتمع السعودي .. لاسيما وأن نغمة أن الأجانب ماخدين خير البلد ولابد من محاربة وجودهم هي النغمة السائدة في السعوديه ..
...
تعرف ! لتميز أشكالنا وسحناتنا والواننا عن سائر العرب .. لو اجتمع 60 شخص في مكان عمل واحد .. وكانوا من مختلف الجنسيات العربية وموزعين بالتساوي .. لنقل 6 مصريين و6 يمنيين و6 فلسطينيين و6 سودانيين والخ .. لكان اول انطباع هو كثرة السودانيين في هذا المكان !!!!!
| |
|
|
|
|
|
|
Re: تعالوا نقود حملة ضد سي إن إن عربية بسبب هذه الصورة المشينة للسودان (Re: Elawad Eltayeb)
|
من موقع كوورة
فاز نجم كرة القدم الأرجنتيني السابق دييجو مارادونا، بدعوى قضائية أقامها أمام إحدى محاكم بكين ضد شركتين يملكهما تشو جون، رئيس نادي شنغهاي شينهوا الصيني الذي يقوم بتدربيه مواطنه سيرجيو باتيستا وحيث لعب المهاجم العاجي الشهير ديدييه دروجبا حتى موسم 2012 ، لاستخدام صورته كواجهة دعائية في لعبة للفيديو دون إذن مسبق.
وقد أدانت المحكمة الصينية كلا من شركة تكنولوجيا المعلومات (زي9)، التي تملك موقعا شهيرا لألعاب الفيديو عبر الإنترنت، والشركة الاستشارية التابعة لها، بدفع غرامة مالية قدرها ثلاثة ملايين يوان (360 ألف يورو/490 ألف دولار) كتعويض لمارادونا.
بالإضافة إلى ذلك، على الشركتين دفع غرامة رمزية قدرها واحد يوان (12 سنتا من يورو/16 سنتا من دولار)، بسبب الآلام النفسية الناجمة عن الضيق الذي تسببت فيه الشركتان باستخدام صورة نجم الأرجنتين السابق (52 عاما) واسمه دون إذن مسبق منه في لعبة إلكترونية.
وقد قام مارادونا برفع الدعوى القضائية في أغسطس العام الماضي احتجاجا على استخدام الشركتين لصورته كواجهة دعائية في لعبة الفيديو الإلكترونية دون إذن منه.
| |
|
|
|
|
|
|
Re: تعالوا نقود حملة ضد سي إن إن عربية بسبب هذه الصورة المشينة للسودان (Re: Elawad Eltayeb)
|
هاكم النجيضة دي
اول شئ الصورة مافي مطار الخرطوم الصورة في الجوازات بدلالة الكاميرا البطلع بتاعة التصوير الفوري لصورة الجواز والمناوب شرطية امراة ثانيا الصورة عادية مافيها اي شئ ياهو لبسنا الشعبي وياهم ناسنا كان اتعولقوا ولا اتبشتنوا يعني في الحج بنلاقي السودانيين لابسين كدا المصور يعمل شنو مثلا يقول ليهم غيروا عايز اصوركم وهو شغال تغطية لحالة ومؤكد جدا يكون لاطش الصورة من موقع سوداني مختص بتغطية الحج
| |
|
|
|
|
|
|
|