|
Re: توجيه عدة تهم عقوبتها الإعدام في مواجهة صلاح قوش (Re: د.محمد بابكر)
|
Quote: Quote: عاش أبو هاشم عاش ابوهاشم
ما اظنهم بقصدوا ابوهاشم سيد الاسم يا مسلمى افتكر قوش ولده الكبير اسمه هاشم !!! لانه لو ناس ابو هاشم واقفين مع قوش تكون البلد مصيبا يلاقو فيها ... |
يادكتور سلام الشايقية ديل أبو هاشم ده زولهم قديم والمقصود أبو هاشم قدح العاشم
------- يادكتور سلم لي علي الاخ عباس بابكر ( والزهج راح منه والالسع)
| |
|
|
|
|
|
|
Re: توجيه عدة تهم عقوبتها الإعدام في مواجهة صلاح قوش (Re: محمد المسلمي)
|
Quote: والله يادكتور ضحكته من تعليقك دي براي زي المجنون تتخيل ياهو أبو هاشم حقنا ده المعروف وكمان قوش رفع يده محياً الهاتفين
|
والسيد علاقتو شنو كمان بكل القصة دي؟
----------
في عقابيل انتخابات اتحاد طلاب جامعة الخرطوم KUSU الخجة -ست اللسم- نواحي العام 1995 الفازوا فيها 100 كوز على 13,000 ما كوز!! وقالوا الملايكة صوتت معاهم .. برا بطاقات جامعية في خرق دستوري واااضح .. ان صح زعمهم الصاعق الزاعق .. وهيهات!! المهم يا سيد الامانتي ليك .. احتجينا مع الاحتجوا .. وحجزنا المدير -وكتها مامون حميدة- في مكتبو .. وبقت جبارتو ومراقتو بناس الامن مع المغارب.. تم اعتقال اكتر من 500 طالب يومها -وقوش اظنو كان وكتها كبير الخيانة وعبد الغفار الشريف مسئول الامن الطلابي.. بتذكروها ليو الليلة؟- وفكوا اغلبهم بليلهم بعد الطقطقة والضيافة المعتادة طبعاً بقوا قليلين جداً النشطاء الفاعلين اذكر تحديداً عضوي البورد (سامر حسن عثمان، ومرتضى جعفر ...) ما يهمني هنا الاخير .. لمن اطلقوا سراحهم بعد شهر مما تعدون .. استقبلوا ابوه بنفس الهتاف:
عاش ابو هاشم
مع انو شيوعي بائنة حمرته .. (وكتها)!
| |
|
|
|
|
|
|
Re: توجيه عدة تهم عقوبتها الإعدام في مواجهة صلاح قوش (Re: Mudather Kunna)
|
Quote: في عقابيل انتخابات اتحاد طلاب جامعة الخرطوم KUSU الخجة -ست اللسم- نواحي العام 1995 الفازوا فيها 100 كوز على 13,000 ما كوز |
وقبيل إنتخابات الخجة الكبرى 2010، مشى صلاح قوش (حقنا الواحد دا) لأبوهاشم (حقنا الواحد دا ) عشان يديه الفاتحـة ليفـوز في دائرته! فلا تسـتغربوا هتاف (الجماهـير)، فلا شك أن قوش سيطلب الفاتحـة تاني لإنقاذه من زنازين إنقاذه..
| |
|
|
|
|
|
|
Re: توجيه عدة تهم عقوبتها الإعدام في مواجهة صلاح قوش (Re: خالد أحمد شطة)
|
سلام وتحية للجميع.
دعائي لله عز وجل للبلد بالسلامة من كل شر ....
سؤالي للأخ المحترم / محمد المسلمي ...
ربما هي المرّة الأولى التي تذكر فيها اسم "صلاح قوش" دون كتابة البادئة الثابتة: سعادة الفريق أول ...
ولاحظت أنّك لم تكتبها طوال البوست. . . . ..
نفهم شنو ؟
تحياتي واحترامي ....
| |
|
|
|
|
|
|
Re: توجيه عدة تهم عقوبتها الإعدام في مواجهة صلاح قوش (Re: محمد المسلمي)
|
يا صـلاح وحاتك ما صدقت المسـرحية وما خـطـر لي للحظة إنو قوش سيعـدم (على الأقل ما بالمحكمة!)؛ ولن تكـون أفضل إخراجاً من مسرحية محاكمة ود إبراهـيم؛ وسبحان الله خلقة ربنا للناس ديل إنهم ما بحسنوا أي شي في الدنيا دي، حالي سالم حتى الكضب والتمثيل ما بعرفوا ليه.. لكـن طبعاً قوش ذات نفسو ما بكـون قادر يتصور مسألة إنو في المعتقل ومحاكم.. فلو كان مشى لي مولانا وهـو في قمـة طغيانه وجبروته، أيام تقطيع أوصال العـواليق، وفي الوكت الكان فعـلاً لا محتاج لي فتاحة من مولانا، ولا يودي جدادة للفكي عشان يفـوز؛ فمـن باب أولى أن يستجد به الآن.. مـودتي الخالصة لك..
| |
|
|
|
|
|
|
Re: توجيه عدة تهم عقوبتها الإعدام في مواجهة صلاح قوش (Re: Isa)
|
Quote: ده كاتم اسرارهم العوجة مابتجيهو دي محاكمة صورية عشان يعلنوا عن البراءة المعروفة اصلا
|
ياحيدر سلام ياعمك الأسرار دي اتغيرت ليها زمن صلاح ده من ماجازفوه ليه اكتر من 5سنةوالشغل الآن عند نافع وطه عثمان مدير مكتب الرئيس ومن بعدهم ناس محمد عطا وعلي عثمان وبقية العقد الفريد وما أظن تكون تمثيلية سيدها محروم. من ابسط الأشياء لعدة شهور
| |
|
|
|
|
|
|
Re: توجيه عدة تهم عقوبتها الإعدام في مواجهة صلاح قوش (Re: طارق عبد العزيز صادق)
|
Quote: سلام يا محمد..
كدي بس أقنعوني إنو بعد الهيلمانة دي كلها قوش ده ح يعدموه.. ياخي ديل أولادهم وبيأدبوا فيهمو و(يهرشوهم) .. إعدام شنو يا المسلمي ، الله يهديك ياخ..
أنا من دربي ده ماشي أحلق قنبوري ده.. |
الاخ صلاح عبدالله سلام سلامة رأسك من الحلاقة لكن المواد حقت قوش مواد صعبة الله يخارجه منها حسب علمي الأمر جادي وليس تمثيلية
| |
|
|
|
|
|
|
Re: توجيه عدة تهم عقوبتها الإعدام في مواجهة صلاح قوش (Re: محمد المسلمي)
|
Quote: وقد صافح قوش الحضور وجلس مع محاميه وتفاكر حول الوضع وسير القضية |
دا حال زول موجه له تهم تصل حد الاعدام يدخل القاعة ويستقبل بالتصفيق ويصالفح الجمهور بالله كم من الجمهور صافحهم المرجم قوش هل حتي الجالسين في الصفوف الخلفية
هذه مسرحية من مسرحيات الانقاذ لاشغال الناس في قضايا انصرافية اذا كان رئيس المحاولة الانقلابية ود ابراهيم اطلقوا سراحة وقالوا الان في كوستي وفي طريقه الي جنوب كردفان ليزفر بحور العين ما يطلقوا قاطع الاوصال عشان يوقف لهم خطر 100 يوم
| |
|
|
|
|
|
|
Re: توجيه عدة تهم عقوبتها الإعدام في مواجهة صلاح قوش (Re: طارق عبد العزيز صادق)
|
Quote: سلام يا محمد..
كدي بس أقنعوني إنو بعد الهيلمانة دي كلها قوش ده ح يعدموه.. ياخي ديل أولادهم وبيأدبوا فيهمو و(يهرشوهم) .. إعدام شنو يا المسلمي ، الله يهديك ياخ..
أنا من دربي ده ماشي أحلق قنبوري ده.. |
الاخ صلاح عبدالله سلام سلامة رأسك من الحلاقة لكن المواد حقت قوش مواد صعبة الله يخارجه منها حسب علمي الأمر جادي وليس تمثيلية
| |
|
|
|
|
|
|
Re: توجيه عدة تهم عقوبتها الإعدام في مواجهة صلاح قوش (Re: محمد المسلمي)
|
Quote: فلا شك أن قوش سيطلب الفاتحـة تاني لإنقاذه من زنازين إنقاذه.
|
المافي شنو يا عيسى!؟
الشيوعيين بدوروا الفاتحة
-----------
القدال مرة -في زمن نميري- جا كوستي في ليلة شعرية .. اول ما استلم المايك قال: ان شاء الله سجنكم هنا يكون مطل على النيل؟ الما فهم معنى العبارة .. وقعت ليو من حكاوي المدينة التي سارت بها الركبان والعربان الماشين كداري
اسي عمك قوش بكون وقع ليو الكلام .. وهو كان في ايديو مش القلم بس!!
يا حا فر حفرة السوء .. وسع مراقدك فيها
او كما قال حميد لشيخك الكبير (ممكن تقرأ ابليس همسلف)
اركز لا تجيبلك جفلة
اشششششششششششرب!! في صحة الوطن .. الضاع!!
| |
|
|
|
|
|
|
| |