كان عندي مزاج اسمع اغنية شذي زهر للعقاد الغناها الكابلي , وبالصدفة وقع لي الفديو ادناه من اليوتيوب للكابلي والفرقة الموسيقي وهم بقطعوا لحن موسيقي من راسهم كل واحد يستخدم خياله ويدخل صولة وطلعت حكاية عجيبة استمتعوا بالشفتنة دي بالله
06-16-2013, 10:35 AM
اساسي
اساسي
تاريخ التسجيل: 07-20-2002
مجموع المشاركات: 16468
الشفت بالجد عربي .. هو أول زول بدت بيهو التجربة ورغماً عن كده هو أكتر زووول قدم لحن فيهو خيال وبعيد من فكرة اللحن الأساسي.. اللي جو بعدو كلما تأخر الزول كلما كانت فرصتو في تقديم مقطع أجود وأفضل هي أكبر لكن رغماً عن كده مافي زول فيهم قدر يتجاوز الإطار اللي رسمو عربي في الأول .. وإن كان الأكورديون مشى في حتة برضو خيالها حلو.. اخر زول انا بفتكر انو اكتر زول كان محظوظ ومن شدة ما خمّر اللحن في راسو وبقا جاهز خش توووشك قبل ما الجماعة يقفلوا الاغنية لانو كان خلاااص وضع فكرة اللحن ...
إنعل ابو الشناااف زاتو مش؟؟؟ عااارف روحي .. بس ده رأيي ..رضيتم أم أبيتم.. ويا سلااام عليك يا عربي ياااخ..
تخريمة : شكلو إمبيكي كلّم عوض.. البلف فتحوهو :)
06-16-2013, 10:13 PM
humida
humida
تاريخ التسجيل: 11-06-2003
مجموع المشاركات: 9806
يا قريبك بكري زاااتو فروقات الوقت دي جايطة ليهو الشغلانة بقا ما عارف يقفل منك البلف بتين ويفتحو بتين ..ماسورتو يا محلوووجة يا كمان المجرى التحت الأرض تقفول ليك الشجرة الجديدة المسمينها ناس السودان شجرة المؤتمر الوطني ديك..
06-16-2013, 10:18 PM
humida
humida
تاريخ التسجيل: 11-06-2003
مجموع المشاركات: 9806
جارنا العزيز عبدالله عربي صولة علي المنجة زى حلاوة دربس ...
و ( المعلم ) سليمان اكرت مجنن الاكورديون ...
وزى ماقال ابوكدوك ... جنابو محمد الحسن الشايقي مدرسة تانية ... ________________________________________________ الامبراطور وردي كان بيقَعِّد مجموعة معينة من العازفين من بينهم عربي و محمدية ...
سلام يا اساسي بالجد " شفوت" وأنت ذاتك زي ما قال ليك جنابو شفت. حضور ميزيكاتي عالي. بالمناسبة الحفناوي عازف كمان الفرقة الماسية مع ام كلثوم. قال :إنو عازفين الكمان في السودان محيرينو:واحد بيكون القوس فوق والتاني القوس تحت ومع ذلك ما في واحد بسلم اللزمة بعد الزمن! تحياتي لاساسية السغنتوتة وربنا يحفظها.
محبتي
06-17-2013, 10:03 AM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
Quote: بالله عازف الترمبيت خلع ليك اعمامك القدام ديل جنس خلعه اعتقد ان افضل من قدم عازف الساكس
فعلا هي نجرة و النجرات قلائل.. اتفق معاك يا مدني شغل الساكس حاجة كده براها يااااخ...و لو كنت محل الزول ده كان فتحت استديو...!!
شقيقيتنا الصغيرة الآنسة شروق كبر (عشرة سنين) دايما عندها مشكلة مع ناس المزيكا السودانية ..و مشكلتها الأساسية بتقول انهم صارين خلقتهم التقول طالعين شكلة.. اها قمت وريتها القطعة دي و مركزة على ابتسامات الشباب عربي و محمدية و اكرت..!!! طبعا اتكيفت.. لكنها مطت بوذها تلاتة امتار (نظام استياء ما بعده استياء)..و قالت لي.. ياخي انتو غريبين.. زمن الأبيض و الأسود بتعرفوا كيف تبتسموا و تشتغلوا مزيكا بتتواصلوا معاها قبل التواصل مع الجمهور ..و هسع زمن الألوان عابسين و صارين..!!! (طبعا ما قدرت اقول ليها الموضوع فيهو مجاعة..و حكومات تجي و حكومات تغور و حروب ما انزل الله بها من سلطان..!!).. المهم...
شفتنة صاح يا اساسي...و على قول الفاروق.. عربي عمل درب مفارق للغاية...ابداع..!!!
دي شذى زهر بتاعتنا يا اساسي و ان شاء الله تعجبك ياااااخ.. اما صديقنا صلاح ابو دية فبنقول ليهو اسكر ساكت.. لكن نحن تجليات الجكس ما بنخليها تب.. سجن سجن غرامة غرامة.. جهنم جهنم..!!!!
الفكرة يا اساسي شذي زهر دي يوم واحد ما شفت لي جكس بنفعل بيها قدر ده.. الله يرضى على اهلنا اهل سيدنا بلال..يااااااااااخ..!!!
قال القطينة جنة بلال.. ياخ يصحي و د البكري ده..!!!
متعة ما عادية..و تشكر يا اساسي...
كبر
06-17-2013, 10:33 AM
ارصد محمد جلال
ارصد محمد جلال
تاريخ التسجيل: 06-07-2008
مجموع المشاركات: 601
معليش يا حلوين عندي ماترات في الموضوع ده خلوني اشاترا ليكم ..بعضها في شكل أسئلة .. 1- اللحن ده نجرو الكابلي في لحظتو؟؟ يعني بداية كابلي للعازفين كانت حاجة منجورة؟ إذا نعم حسبما قال فيبدو إنو كابلي لاحقاً إستخدم اللحن ده لي واحدة من أغانيهو مش؟ لأنو اللحن ده أسة بيشبه اغنية من اغاني كابلي أو حاجة بالشكل ده ..
2- بتاع الساكس عندي احساس إنو ما كان لاقي سلمو أو نووتو (ما عارف ياهو بيقولوها كده ناس الموسيقى؟) بس تحس بيهو شتر في أكتر من حتة فقط يحسب ليهو باص القوون زي ما قال حميدة لأنو هو أحسسسن زول سلّم الاوركسترا في النهاية لكن صراحة كعزف كان في نساز مرة مرة بيطلع منو ..
3- أكرد الأمس هو أكرد اليوم..زول براااهو وحاجاتو رااايقة ..بيشتغل شغوا في عوالم تااانية بعيييدة من عوالم اللي حولو..هو نفسه أكرد بتاع زيدان ..ياسلاام عليهو..
4- هل لو أتيحت الفرصة لعازفيين اليوم يعملوا نفس الحركة دي بينجحوا؟ الإجابة نعم ونعم كبيييرة ....خلونا من شناف الحاضر وتشكير الماضي ده وطوااالي نرميها في الحكومة والزمن والاقتصاد و و .. يعني اسة لو مثلاً مثلا نفففس كابلي ده عمل الحلقة دي في استديو النيل الأزرق مع فرقة فيها غاندي على الفلوت وعثمان محي الدين كمنجة وعمر قصاص أورغن وكننة أو درماس أكورديون وياسر أبكر ساكس .. وقال ليهم يلا عييشو .. والله يضربوا ليكمم صولات وورشة لمممن راسكم يشييب.. ديل برضو شباب زي الورد ومبدع وخلاق.. غايتو انا غاندي ده بضمنوا ليكم يجنن كابلي زاااتو ..ذا الغاندي مجنووون بتاع خيال ..مجنووون..
06-17-2013, 11:38 AM
مجدي عبدالرحيم فضل
مجدي عبدالرحيم فضل
تاريخ التسجيل: 03-11-2007
مجموع المشاركات: 8882
Quote: هل لو أتيحت الفرصة لعازفيين اليوم يعملوا نفس الحركة دي بينجحوا؟ الإجابة نعم ونعم كبيييرة ....خلونا من شناف الحاضر وتشكير الماضي ده وطوااالي نرميها في الحكومة والزمن والاقتصاد و و .. يعني اسة لو مثلاً مثلا نفففس كابلي ده عمل الحلقة دي في استديو النيل الأزرق مع فرقة فيها غاندي على الفلوت وعثمان محي الدين كمنجة وعمر قصاص أورغن وكننة أو درماس أكورديون وياسر أبكر ساكس .. وقال ليهم يلا عييشو .. والله يضربوا ليكمم صولات وورشة لمممن راسكم يشييب.. ديل برضو شباب زي الورد ومبدع وخلاق.. غايتو انا غاندي ده بضمنوا ليكم يجنن كابلي زاااتو ..ذا الغاندي مجنووون بتاع خيال ..مجنووون..
مافي كلام فاروقنا التحية لهذة الكوكبة الخلاقه
06-18-2013, 10:02 AM
Sidig Rahama Elnour
Sidig Rahama Elnour
تاريخ التسجيل: 09-01-2004
مجموع المشاركات: 3420
Quote: 1- اللحن ده نجرو الكابلي في لحظتو؟؟ يعني بداية كابلي للعازفين كانت حاجة منجورة؟ إذا نعم حسبما قال فيبدو إنو كابلي لاحقاً إستخدم اللحن ده لي واحدة من أغانيهو مش؟ لأنو اللحن ده أسة بيشبه اغنية من اغاني كابلي أو حاجة بالشكل ده ..
سلام يا عمر الفاروق أعتقد أن اللحن دا هو مقدمة موسيقية لشريط الكابلي بتاع أمريكا داكـ الفي التمانينات لو متذكرو ...
سلام يا أساسي وشكراً ياشباب التعليقات خلتنا نسمع اللحن مرة تانية بصورة أكثر تركيز على الملاحظات
06-18-2013, 10:42 AM
نادر النور آدم
نادر النور آدم
تاريخ التسجيل: 04-29-2010
مجموع المشاركات: 1126
صراحة تانية برضو .. انا شايف قصة الإندهاشة والشفتنة دي أخدت حيّز أكبر من حقها .. واعتقد إنو الجانب النفسي جوانا هو اللي أثر في القصة دي .. فمجرد تلفزيون ابيض وأسود .. وكابلي .. وعربي .. ومحمدية .. وباقي الكوكبة اللي كانت في ذاك الزمن من الشباب نحن قاعدين نفكر فيهم بي عقلية العباقرة المخضرمين الحالية .. عن نفسي بشوف الحاجة الوحيييدة اللي ما عندها علاقة بي الأزمان والفترات و التكنولوجيا هي الموهبة والإبداع .. المشهد البنشوف فيهو أسة ده هو مشهد بيتكرر كتيير جداً في تلفزيوناتنا السودانية.. وفي مجالات مختلفة في ضروب الفن.. شاهدت أكتر من مرة في أكتر من برنامج نفففس الفكرة دي على مستوى التمثيل تحدييداً .. طوااالي مقدم البرنامج يقول لي الممثلين المستضافين .. ياخ ما تعملوا لينا دور منجور أسسسة دي وبدون بروف.. وفي كم مرة بيستضيفو عازف بيقولوا ليهو كدي ياخ حاول ابتكر لينا أو أنجر لينا لحن ولييد اللحظة !!! ما عارف بس رجعت تاااني عاينت للمقطع وده وحسيت إنو نحن إحتفينا بيهو بي صورة أكبر من الحاجة اللي اتعملت .. شاهدت كتييير من بروفات الفنانين ..وحقيييقة المشهد ده امكن بيتكرر بي صورة شبه دورية للعازفين .. صاح بيتغيير اللحن لكن الفكرة واااحدة .. عشان كده انا بشوف التجربة اللي خاضوها العازفين في المشهد ده ما كانت أول مرة يعملوها .. صاح بيكون اول مرة يطلعوا بيها على التلفزيون ..لكن أكااد أجزم قبل الحلقة دي بيكون في اكتر من بروفة واكتر من ورشة كان في ارتجال الحان ..ولو اختلفت عن اللحن المسجل في المقطع..
06-23-2013, 05:42 AM
نادر النور آدم
نادر النور آدم
تاريخ التسجيل: 04-29-2010
مجموع المشاركات: 1126
Quote: صراحة تانية برضو .. انا شايف قصة الإندهاشة والشفتنة دي أخدت حيّز أكبر من حقها .. واعتقد إنو الجانب النفسي جوانا هو اللي أثر في القصة دي .. فمجرد تلفزيون ابيض وأسود .. وكابلي .. وعربي .. ومحمدية .. وباقي الكوكبة اللي كانت في ذاك الزمن من الشباب نحن قاعدين نفكر فيهم بي عقلية العباقرة المخضرمين الحالية .. عن نفسي بشوف الحاجة الوحيييدة اللي ما عندها علاقة بي الأزمان والفترات و التكنولوجيا هي الموهبة والإبداع .. المشهد البنشوف فيهو أسة ده هو مشهد بيتكرر كتيير جداً في تلفزيوناتنا السودانية.. وفي مجالات مختلفة في ضروب الفن.. شاهدت أكتر من مرة في أكتر من برنامج نفففس الفكرة دي على مستوى التمثيل تحدييداً .. طوااالي مقدم البرنامج يقول لي الممثلين المستضافين .. ياخ ما تعملوا لينا دور منجور أسسسة دي وبدون بروف.. وفي كم مرة بيستضيفو عازف بيقولوا ليهو كدي ياخ حاول ابتكر لينا أو أنجر لينا لحن ولييد اللحظة !!! ما عارف بس رجعت تاااني عاينت للمقطع وده وحسيت إنو نحن إحتفينا بيهو بي صورة أكبر من الحاجة اللي اتعملت .. شاهدت كتييير من بروفات الفنانين ..وحقيييقة المشهد ده امكن بيتكرر بي صورة شبه دورية للعازفين .. صاح بيتغيير اللحن لكن الفكرة واااحدة .. عشان كده انا بشوف التجربة اللي خاضوها العازفين في المشهد ده ما كانت أول مرة يعملوها .. صاح بيكون اول مرة يطلعوا بيها على التلفزيون ..لكن أكااد أجزم قبل الحلقة دي بيكون في اكتر من بروفة واكتر من ورشة كان في ارتجال الحان ..ولو اختلفت عن اللحن المسجل في المقطع..
طيب يا معلم... انت ما أقنعك المقطع ولا ما عجبك احتفاءنا بالجمال الفيهو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة