( زرارة ) ... و .. (عِرْوة ) - قصيدة ساخرة لهاشم صديق - يونيو 2013

مرحبا Guest
اخر زيارك لك: 05-07-2024, 00:54 AM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف الربع الثانى للعام 2013م

نسخة قابلة للطباعة من الموضوع ارسل الموضوع لصديق اقرا المشاركات فى شكل سلسلة

« | »
اقرا احدث مداخلة فى هذا الموضوع »

06-14-2013, 06:20 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

( زرارة ) ... و .. (عِرْوة ) - قصيدة ساخرة لهاشم صديق - يونيو 2013
قصيدة جديدة ( زرارة ) ... و .. (عِرْوة ) (1) شعر : هاشم صديق (1) عرضحال داير أشكي ليكي من الزمان محتاج وعطشان وما بكابر لي لشغة من مطر الحنان يابسات شفايفي من الصيام تعبت عيوني من الضلام محتاج لضُلك أستريح محتاج لشمسك شان أشوف محتاج لحضنك شان أحس بيهو الأمان .............. (2) ( زرارة ) ... و (عِروة ) (1) ............. صابونة اتماصت صبحت( بروة ) زرارة اتفكت زفرت ضايقة خاصم ريدها عيون ( العِروة ) بصقت روحها وطلعت بره . العروة الضيقة ضاقت اكتر اتكمشت روحها وصبحت أصغر زي الدنيا الضاقت كتمت وصبحت زرّة . ............ خلي العِروة وأي زرارة والكون الواسع أصبح حارة وعاين أقرب أصرخ كورك - يابو مروة وين الخُوة ؟ خلي السُلطة وشعر الثورة وحرب المافيا شوف واتمعن جنبك حولك كم من طاغية ؟ ............. أيا مغشوش كنت مصدق وشاً واحد لقيتو مستّف عشرة وشوش كنت تقالدو وقدمك حافية تصدق كضبو ونيتك صافية الا الدنيا الفانية انبهلت فتحت غارا ووقدت نارا رقصت بلدي ودقت طارا ............ سبحان الدايم دنيا حقارة الأقرب أغرب في بيتك عقرب وقريبك طاغية ............ زرارة انقطعت ووقعت بره بصقت روحها وخاصم ريدها عيون العروة الكون الواسع اتماص اتباقص أصبح ( بروة ) ............ يابو مروة أدينا القوة نزح من هوة أخوك لو فَرّ قبل قيامه حتكون القصة واصل الحصة قيامت حسة ؟! .............. الدنيا زرارة زريبة وزَرّة كل مصيبة تجيك من جوه كل بلية تصيب من برة تكظم غيظك تتحسبن الله - كريم الخالق - ما تمزقت أو اتفتفتّ ووقعت ومُت لسانك برة ............. زرارة اتفكت مرة ومرة كل ما تخاصم حضن ( العروة ) حنينها يتاور بالريد ينزرا وتاني تخاصم تبصق روحها مواجع مُرة . ............ ( العروة ) اتغاظت ضاقت وضاقت لما اتففَلت وسكتت كتمت وقالت حالفة - مافي طريقة لأي زرارة تخش بالمرة . ودخلت ( خلوة ) عملت ( ضروة ) وسبحة وفروة ............. غريبة ( العروة ) بعد ما ضاقت وضاقت وضاقت نضفت روحها اتفك ءاسارا جات أنوارا صبحت حُرة. (3) صباح الخير علي وطناً بعد لَبن ّغشاهو الطير ............ صباحك خير علي المنقد علي الجَبَنة والكفتيرة والتيبار(2) ونار الصاج . ............. علي ثغرك دغش أشرق . سنيناتك عقيد أبدع جهر ولّع وفات العاج . ............ صباحك خير يا مبروكة علي الطورية والسلوكة رمل السَهَلة والمهلة . سبايط النخلة نَفَسَ الحِلّة والنفاج ............ صباحك خير علي الواقع صبح ( واقع ) صبح دُرّاب يباب وخراب . مسافة طويلة بين ( الموقف ) المجدوع وبين التخمة والأبراج ............. صباحك خير علي وطناً بعد لّبن غِشاهو الطير علي سَتْر الشقوق بالجير علي الجوع الصديق ونصير علي ( كسير تلج ) أقلام و ( ضرب البوهية ) و ( الأفلام ) وكضب الساسة واءلاعلام ووصم الشُرَفا بالاختام . ............ صباح الخير علي ( طبل ) الحرب ينقر عويل في ( طبلة ) الأسماع ، و ( في الأوراق ) يقولولك - أمان وسلام ........... صباحك خير وأجراس المدارس جات هموم ورسوم ولا كراس ولا أقلام لاحق الفطور معروف ولا في البيت ءاسم مصروف . ربع الكيلو ( حق اللحمة ) اسمو ( خروف ) . أكلنا كلام شِربنا كلام وزي ما عدمت اللقمة حتي النوم عدم أحلام . ............ صباح الخير عليك وطناً نصبت البهجة في حُضنو رسمت الخرطة في قلبو ما قصّيت شِبِر منّو أهاجر من عذابو كضب وأرجع ليهو أتبتل وأتكرفس تحت ضلو .............. صباح الخير علي شَعْرِك سبايك الحنة والنعناع علي حضنك أويضة حصيرة مخدة حنينة ياما تهدهد الأوجاع . علي لمساتك المحمومة زي همساتك المعصورة بوخ صندل علي الأسماع . ............... صباح الخير علي حِنّيِتك المُركب علي بحراً طمح جواي واتدفق علي الآفاق .............. صباح الخير علي ضحكاتِك الفتحت بلاد صدري ما خلت حصون وزرار . ............. صباح الخير علي صورتك بره وجوه ما حسيتها الا صحيت وصابني دوار ............... صباح الخير علي ءاسمك في الحاضر وفي التاريخ ينقرش وترو للحرية والأحرار . ................ صباح الخير علي ايقاع ( ريزيم ) جواك ما تاور ومسّ الروح الا هواي نزل في الزار . .............. صباحك زين اتحكرتي في صدري سكنتي عزيزة نُونُ و العين واتمددتي في تعريشة الواضح وفي نفحة شذي الأسرار ............... صباح الخير علي كُلك علي التفصيل علي نُبلِّك أصيل وجميل . ............. ............. بمووووووت فيكي زي ما انتي دون تزييف ودون تعديل . ............ (4) تأملات معتوهة (أ) دخلت حبة شالت نملة وخرجت النملة انبهطت صرخت قالت - الدنيا انقلبت .............. (ب) دخلت حشرة جُحر الضب عضت ضنبو وصرخت فيهو قالت ليهو يا ود ال###### الضب اتحير اتمطق وفكر وشاور ريقو وصنقع ودنقر وقال للحشرة الله يسامحك وبرضو شتيمتك ود ال###### أخير من أبقي ( خصيم الرب ) ده أكيد تجديد جديد وشديد . .............. ( ت) جمل يتبختر في شارع النص ( رقبتو ) عديلة ما عندها ( عوجة ) ناقة معاهو جميلة وبيضا وعندها ( فلجة ) بص في الشارع اتخلع اتلفّت رقبتو ( اتعوجت ) ( حدف ) لي برة جاط الشارع دقش ( الملجة ) الجمل اتبختر أكتر و أكتر والناقة البيضا ابتسمت ضحكت لامن ظهرت أجمل ( فلجة ). .............. (ث) حبة فارغة عاملة قبة قشة هشة عاملة زيطة شمار ودوشة و( قونقوليسة وعاملة منقة ) ( الكتابة ) عاملة ( طُرة ) نملة هايفه عاملة ( كوبرا ) دنيا جايطة وحالة مُرة . 8/يونيو/2013م (1) ( العِروة ) هي الفتحة التي تُدخل فيها ( الزرارة ) في ( القميص ) أو ( الجُلباب ) (2) ( تيبار ) - اناء من الفُخّار يشبه ( الزير ) يوضع فيه العجين حتي يتخمر زورونا في موقع الأستاذ هاشم صديق http://hashimsiddik.com/portal/[/B][/center]

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]