|
|
 أزمة نصوص..النظام يريد مسرحية غير جديرة بالمشاهدة..!!
|
ثبت بما لا يدع مجالاً للشك أن أزمتنا في الفنون بصورة عامة هي أزمة نصوص في المقام الأول ..فلا يوجد شعر غنائي مكتوب بصورة جميلة ولا توجد نصوص مسرحية تكتب بصورة ابداعية ولا توجد سيناريوهات لمسلسلات سودانية ولا توجد نصوص لحوارات تلفزيونية مكتوبة بطريقة احترافية ..
ما جرّني للبداية بهذه الفقرة هو كمية الإحباط التي اصابتني وانا اشاهد مسرحية النظام يريد عبر مسرح قاعة الصداقة بالخرطوم..
دخلت القاعة وفي بالي ذكريات مسرحية المهرج التي دخلتها ل سبعة مرات وفي كل مرة كنت أضحك ضحكات عفوية وكأنني اشاهد العرض لأول مرة..
دخلت القاعة وفي بالي مجموعة فرقة الاصدقاء المسرحية المتناغمة ..ذلك العقد الفريد ..وتلك المجموعة التي تعيدك للزمن الجميل والسودان القديم ..
دخلت القاعة مفعماً بالحيوية خطواتي متسارعة لحجز مقعد فالعروض ختامية وانا اعرف كيف يحب شعب السودان فرقة الاصدقاء ..
وليتني ما دخلت ..!!!
مسرحية أقل ما يمكن أن يقال عنها أنها مسرحية سيئة جداً في كل شئ .. كلللل شئ..
مسرحية غير واضحة المعالم غير واضحة الفكرة ..
مسرحية كتب نصها بطريقة ########ة ..ومؤلف تشعر بأن يده مكبلة ..
مسرحية من المفترض أنها كوميدية ورغماً عن ذلك منذ لحظة دخولي المسرحية وحتى لحظة خروجي لم يفتح الله علي بإبتسامة واااحدة ..
مسرحية من عنوانها تدخل وانت تتوقع ان تسمع وان ترى الكثييير من المشاهد الواقعية التي لا تحتاج لعناء كتابة ولا تحتاج لكاتب مسرحيات متخصص وانا مقتنع كلها كانت ستكون مشاهد مضحكة حد البكاء..
مسرحية رسالتها غير واضحة فلا هي رسالة موجهة لحكومتنا ولا هي موجهة لشعبنا ..تارة تجدهم يصفون حال لاسودان ثم يعتريهم الخوف فيحولون فكرة المسرحية لشعوب اخرى تتمنى ان تكون في حالها مثل حال السودان ..
مسرحية كانت فيها أدوار الممثلين أقل بكثير من إمكاناتهم والنصوص المكتوبة لهم ضعييفة جداً ..ظهرت فيها إخلاص نور الدين بشخصية بلهاء لا في الدور بل على ارض الواقع..
مسرحية ظهر فيها فيصل سعد بصورة تقليدية باهتة المعالم تحاول إنتزاع التصفيق من الحضور عنوة بعبارات مصطنعة ..
مسرحية حاول فيها المنتج جمال عبد الرحمن ان يكوّش على الدور ويظهر بصورة البطل المسرحي وكأنها مسرحية الرجل الواحد ..وكالعادة قدم ما كان يقدمه في كل المسرحيات السابقة بنفس طريقة الاداء..
مسرحية أخفت بريق افضل ممثل سوداني في نظري محمد نعيم سعد وجعلت منه نسخة مشوهة من ممثل ..
مسرحية إفتقدت لجهود الرائع عبد المنعم وإن كنت أحمد لهم غياب ود الفادني الذي اصبح لا يقدم أيي جديد ..
هل عقمت حواء المسرح من كتابة نص مسرحي كوميدي مضحك يجاري نقابة المنتحرين والمهرج وخطوبة سهير؟؟
مع أن معظم من كتبو هذه النصوص على قيد الحياة ...!!
الأزمة أزمة نصوص ونصوووص فقط لا غير..
فلا الفنان يجد شاعر يكتب له عملا يقارب خاف من الله ولا يضاهي ذاد الشجون أو يجاري سيد الإسم ..
ولا يجد مقدم البرامج إعداد جيّد لأسئلة حوارية تحترم المشاهد وتنتزع ما بداخل الضيف سوى أحكي لنا مواقف طريفة مرت بك وقدم لنا بطاقتك الشخصية واحكي لنا عن ايام الطفولة ..
كتّاب الأعمدة في الصحف لا يقدمون جديد فكل ما يكتب القارئ على علم به بل وربما يعلم القارئ اكثر من الصحفي..
..
سأحاول تسليط الضوء على مشاهد من المسرحية لاحقاً..
تخريمة :
عمر الفاروق في ثوبه الجديد ..ناقد مسرحي ..
|
|
  
|
|
|
|
|
|
|
|
Re: أزمة نصوص..النظام يريد مسرحية غير جديرة بالمشاهدة..!! (Re: عمر الفاروق)
|
أما الأسوأ على الإطلاق فهو فلاحتنا فقط في الحبش..
نرغي ونزبد ونملأ المنتديات صخباً وضجيجاً لسخرية العرب من السودان والسودانيين في مسلسلاتهم ومسرحياتهم وكتاباتهم وإعلاناتهم..
وعندما تتاح لنا الفرصة لنرد لهم الصاع صاعين فإننا نجد حيطتنا المايلة في الأثيوبيين ..عييينا للفيل ونطعن في جارنا ..
| |
|
|
|
|
|
|
|
|
|
Re: أزمة نصوص..النظام يريد مسرحية غير جديرة بالمشاهدة..!! (Re: عمر الفاروق)
|
حمدلا على السلامة أول حاجة ..!!
يا زول من متين في البلد ؟!!
خلاص أجازات المغتربين جات لي برودا ؟!!
جيتو تشنفوا لينا اكلنا ومعيشتنا وشرابنا ومسرحياتنا !
غايتو يا عمر انت بالذات مفروض يكون شعارك القحة ولا صمة الخشم ..! هسي في ذمتك من جيت السعودية دي شفت ليك مسرحية واحدة .. أنشالله في التلفزيون ..؟!!
نمشي لي قدام :
أنا حضرت المسرحية وبتفق معاك في نقطة مهمة .. انو المسرحية فشلت في تحديد الجهة المفروض تستلم رسالتا .. هل هي الشعب ولا النظام ؟! لأنو في كل مراحل المسرحية بتزوغ زي ما قلت مرة من دي ومرة من دي !!
أما محمد نعيم سعد ودور الرئيس المخلوع ما كان ليهو لازمة من اساسو ولا خدم أي غرض وأعتقد تم حشو هذه الشخصية من أجل أيجاد موطئ قدم لمحمد نعيم سعد .. لكن الجمهور ذكي وعرف وين الحشو ..!!
برضو الحوار والحشو اللا مبرر له القام بيهو فيصل احمد سعد في دور عم الرئيس .. في لحظة دخولو واصطدامو مع الحاجب البيكورك داك .. الحوار اساسا كان ما منطقي من حاجب بيقوم بمهمتو وبين شخص يفترض هو عم الرئيس وأعاد للاذهان فيصل زاتو في مسرحية المهرج واصطدامو الغير مبرر مع الخواجة لمن الخواجة جا يشتري صقر قريش !!!
أنا في رأيي يا عمر انو المسرحية رسالتا غير واضحة رغم احتفاء الصحف والصحفيين بيها ... يعني هي بتعرض في حاجات عامة زي البنشوفا في قناة الجزيرة والعربية لكن غرض المسرحية ورسالتا ضل الطريق ..!
لكن هي عا########ا كدي !! أوعك تشنفا لينا !!
| |
|
|
|
|
|
|
|
|
|
Re: أزمة نصوص..النظام يريد مسرحية غير جديرة بالمشاهدة..!! (Re: ناذر محمد الخليفة)
|
ناذر يا حبوب ..
خليني أووول حاجة أقول ليك حاجة غريبة ..ياخ انا بحب السودان ده شدييييد وأصصصلو ما حصل جيت كتبت إنطباعي عن السودان بعد إجازة في الوقت القريب ده مع إني جيت زي سبعة مرات خلال السنتين الفاتو ديل..
السبب الأول يا ناذر في عدم كتابتي لي إنطباع لأني زيييك كنت ما بحب الناس تجي ليها شهر ولمن ترجع تقعد تنظظر للناس الهناك وتقعد تقارن ..
السبب التاني إنو انا بحب السودان كده ..وكل ما اجيهو إجازة لو لقيتو إتغيير وحاول يتلبس توب ما حقو بزهج منو ..
يا ناذر انا ما مغترب ياخ انا زول ساااي ضل طريقه لي بلد غير السودان وتحكم علي الأقدار اعيش أهم سنين عمري برة السودان..
أما بخصوص المسرحية فأنا كل إجازة بكون حريص اشاهد مسرحية أو أي نشاط ثقافي ..وحضرت كم مسرحية بتكون معروضة في المسرح القومي ..انا متأكد مسرحيات كتيييرة إنتو القاعدين هناك ما جايبيين خبرا .. :)
الشناف يا ناذر نابع من الضييق الأصابني لما قدمته فرقة الاصدقاء المطعمة بلاعبين محترفين لمسرحية سووقت لها كثيراً وخدع فيها جمال عبد الرحمن المشاهدين من خلال حملة ترويجية مزييفة عبر قنوات التلفزيون..
والشناف نابع من إنو يا ناذر موضوع مسريحة زي دي صدقني انا كان ممكن اكتب ليهم فيهو سيناريو مضحك أكتر بي كتييير لأنو الموضوع ساااهل ما عايز كبير إجتهاد لأنو ببساااطة هو مشهد من حياتنا اليومية ..
أما الشناف الأكبر فهو يا ناذر بسبب تضخيم الذات للمخرج ابوبكر الشيخ اللي حاولوا تلميعو لمجرد تقديمه لنسخة مسروقة من فكرة حكايات سودانية لمن أخرجوها قبله لمن هو كان مساعد مخرج ..
وأبوبكر الشيخ في نظري ممثل ممتاز أكتر من كونه مخرج ..وفله الإخراجي وضح تمااما من خلال إخراجه للمسرحية دي..
| |
|
|
|
|
|
|
|
|
|
Re: أزمة نصوص..النظام يريد مسرحية غير جديرة بالمشاهدة..!! (Re: ناذر محمد الخليفة)
|
Quote:
حاجة مهمة ..
المسرحية ما عندها علاقة بي فرقة الأصدقاء المسرحية وليست بي أسمهم وان ظهر نجومها على المسرح ..!! |
لا يا ناذر عندها .. ومش عشان ما تم عرضها بمسمى فرقة الأصدقاء يبقا دي ما فرقة الاصدقاء..
وده الوتر الدعائي اللي لعب بيهو جمال عبد الرحمن لنجاح المسرحية ..
صاح غابت مجموعة لكن واضح إنو الغياب للإختلاف أكتر من إنو غياب عشان دي مجموعة مسرحية جديدة..
جمال عبد الرحمن غرته رحلة امريكا واوروبا الاخيرة وفكر إنو بدا يكتشف مواهب شابة جديدة يقدر من خلالها ينفذ مشروع محدد ..
| |
|
|
|
|
|
|
|
|
|
Re: أزمة نصوص..النظام يريد مسرحية غير جديرة بالمشاهدة..!! (Re: عمر الفاروق)
|
| Quote: ثم تانياً .. أحسن ممثل في السودان عوض شكسبير. |
صــــــــــــــح يا ملاسي ..ودي النقطة الكنت جايي ليها ..ولو لاحظت ما جبت سيرة شكسبير فوق لأنو كان هو النشاز في المسرحية دي .. ولو أنو برضو الدور كان ممكن يكون أشمل وأجمل من كده ..
صدقني يا ملاسي محمد نعيم سعد الإخراج دساهو من التمثيل ..وعرسو كذلك شلهتو :) ..
| |
|
|
|
|
|
|
|
|
|
Re: أزمة نصوص..النظام يريد مسرحية غير جديرة بالمشاهدة..!! (Re: عمر الفاروق)
|
| Quote: صدقني يا ملاسي محمد نعيم سعد الإخراج دساهو من التمثيل ..وعرسو كذلك شلهتو :) .. |
اول مرة تنفق يا عمر على حاجة :)
فى مشكلة كبيرة فى الوسط الفنى...الواحد او ما يعرس بيتدهور انتاجه الفنى. كانت عندى شكوك حول الموضوع ده...لكنها اتاكدت بمحمد نعيم سعد و المخرج شكر الله خلف الله.
______________________________________
طبعا ما حضرتا المسرحية وما سمعتا بيها
| |
|
|
|
|
|
|
|
|
|
Re: أزمة نصوص..النظام يريد مسرحية غير جديرة بالمشاهدة..!! (Re: عمر الفاروق)
|
سلام يا عمر و تحيات
يا سيدي (النظام) يريد دي خت تحته مليون خط و صدقني حتي لو ال(نظام) ما اراد
ناسك الكتاب المسرحيين ديل و الصحفيين و ...و ... الخ بقوا (مدجنيين) برااااهم بمشو
في (عجين الرقابة) ولا بيلخبتوهم ... عشان كدا دا انت (المواطن التعيباااان) دا بتعشم
اكتر من العشم !!!
فياخ هسي دي امشي جيب(سيد عبد الله صوصل) أو (عبد الحكيم عامر) و اديهم
شوية امكانيات و خليهم يعملو مسرحية* (ح يعملوها) بس لو لقت طريقة للعرض
تاني ما تمد لي يدك!!!
مع ودي لك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قصدي مسرحية مسرحية
مش اسكتشات .
| |
|
|
|
|
|
|
|
|
|
Re: أزمة نصوص..النظام يريد مسرحية غير جديرة بالمشاهدة..!! (Re: سفيان بشير نابرى)
|
إسمارت يا إنتي ..
ما إسمو إتفقنا إسمو صادفت هوى في نفسك .. :) :) :) أسة كان الكلام ده ما عاجبك أوووو كان اسة شبكتيني بقيت جننك تدخل في الخصوصيات والعرس شأن شخصي و إلى ماذا تلمح يا عمر .. :)
لكن بالجد إتوفقتي في شكر الله خلف الله اللي أصلا كان زول مكرر بس ظهر في زمن الناس كانت كما الغريق متعلقة بي قشة وجات المذيعى غادة عبد الهادي تمت الناقصة ..
تخريمة :
يا قول حبوبتي الله يرحما ..البتدورو تقولوا ليهو موحومد..والما بتدوروهو تقولوا ليهو سوجوممت.. :)
| |
|
|
|
|
|
|
| |
عمر الفاروق
ناذر محمد الخليفة
Hussein Mallasi
smart_ana2001
محمد البشرى الخضر
سفيان بشير نابرى
فيس بوك
تويتر
انستقرام
يوتيوب
بنتيريست