|
|
|
 Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: حيدر حسن ميرغني)
|
قلنا ليكم اقروووووووا!!
---------
واحد شبعان مريسة لط .. قاعد يتبوأ (رسمياً) في حيطة مبنى حكومي
فجاتن سمع ليو صوت من وراهو -معاهو خمشة من تلابيبو- بزعيق: اقرا!
فرد صاحبنا : ما انا بقارئ
المرة دي مع صفعة في قفاه: اقرا!
برضو: ما انا بقارئ
التالتة واقعة .. جابت تايم الطيار .. وطارت السكرة وحلت الفكرة بعد تأمل في جبريل اب يداً خشنة دا .. وكمان لابس كاكي ..
فتح عيونو وقرأ على الجدار بخط احمر عريض لا يمكن وصفه بالاناقة ابداً:
[ممنوع التبول هنا .. يا حمـــــــــــــــار!!]
| |
  
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: HAIDER ALZAIN)
|
مفيش حد بيكلها باااردة
Quote:
هسع شوف زي دا طالبناهو بالاعتذار بدون ما اي ماء حياة جاء سواها لينا بول في الحيـط..
غايتو جنس غايتو :)
|
مجانية ماااا معانا
---------
الشافع اشتكوهو لي امو، ادى زميلتو في الروضة كف ..
لمن استفسرت بعتاب يليق، رد ليها ببساطة يحسد عليها:
عشان تعرف اني زول مهذب!!
فعقدت حاجبي الدهشة .. حتى لم يعد يفرز اليمين نفسو من الاخر، اهو شمال ام يمين!؟
عمرك كوووولو تاكل باردة .. مااا ضق حارة
ارتقيت مرقى عصي على الصغار امثالك العاوزين يشتهروا بادراج اسمائي غير الحسنى في عناوينمم!!
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: حيدر حسن ميرغني)
|
Quote:
عشان كده إتبريت من داك ... الطلع دين حجر
|
هي نسيت سبحاني في (الصياغ) داك
------------
والله العظيم ما اتبريت من (اسم) .. لكن ماذا نفعل للقاعدين للفحي وختف المحافض
Quote:
فيقيراوي غير اسمه من قيقراوي الى شنو كده ما عارف
ولازم نحترم رغبة قيقراوي في مسح اسم قيقراوي
|
Re: قيقراوي قال تاني ما يقولوا ليهو قيقراوي..سمح فهمنا ياقيقراوي..
لووووووب
قيقراوي دا (اسم) ول دايبر هو البغيروهو دا!؟
والله البشاري وسابقاً ديل كرهوني كلمة (احطرام) دي ذاااتا
انتو وكت مستعجلين على (الاحطرام) دا نان ما تفرزوا هي الرغبة دي شنو في اللول يا شباب!!
خسمتكم بالنبي المرة الجايية كان (فهمتو) انو رغبتي في حاجة .. اعملوا العكس طواااالي .. يا دوبكم بتكون (احطرمطوا رغبتي)
والله صحي
في ذمتك يا حنين- وانت عندي من الثقات- من يعتذر لمن!؟
| |
|
|
|
|
|
|
|
|
 Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: فتح الرحمن حمودي)
|
| Quote: والله العظيم ما اتبريت من (اسم) .. لكن ماذا نفعل للقاعدين للفحي وختف المحافض |
بس نمشي المحكمـة ونجيب شهودنا .. والماعندو شهود المولى قبحو... المافي شنو
ام مؤيد معانا ود المدير ما يغشانا.. أهاااا تاني ..
Quote:
والله البشاري وسابقاً ديل كرهوني كلمة (احطرام) دي ذاااتا
انتو وكت مستعجلين على (الاحطرام) دا نان ما تفرزوا هي الرغبة دي شنو في اللول يا شباب!!
خسمتكم بالنبي المرة الجايية كان (فهمتو) انو رغبتي في حاجة .. اعملوا العكس طواااالي .. يا دوبكم بتكون (احطرمطوا رغبتي)
والله صحي
|
يستاهل البشاري والله بذل احطراماتو .. البقت عليهو البقت على بدري ..
ـــــــــــــــــــ
هسع انت عاوز تعمل ايحاءات لحنين وتبيعو ضميرو يعني .. حنين واقعة ليهو الشغلة وفاهم انك مفروض تعتذر تماماً وكل الاعضاء والقراء والشعب السوداني الفضل فاهم واقعة ليهو حكاية انك مفروض تعتذر..
لكنهم مراعيين لشعورك بس ما اكتر .. لكني متاكد تماماً انهم بس ماعاوزين يعبرو ولو اتلقت مساحة حرية اكبر من المتاحة نا كانو قالوا ليك اعتذر من سكات ..
مشكلتنا عايشين في مجتمع لا يؤمن بالديمقراطية والعدالة ..والله صحي
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: HAIDER ALZAIN)
|
Quote:
المعيار الوحيد الموجود .. تقوم تتنفض كدة وتطلع من جواك وتعتذر لي اعتذار واضح .. والله صحي :)
|
يا زول قلنا مافي حاجة ساي
خلي باللول نقطع ليك .. وبعدينك شوفنا مهذبين كيف؟
--------
وانا ذاتي كان ما غبيان .. معيار شنو البسأل عنو في السراي الصفراء .. دي!!
و سؤال (ما هو المعيار) موهط ظن في مكتبة موسومة بالـ(التوثيقية) .. وتجاوزت صفحاته الستين مما تعدون!!
كدي خليني هنا اعمل طلب لبكري حبيبنا تقدس سره .. بفصل الشماشة الاسافيريين الهنا ديل
ياخي ديل ح يفسدوا اخلاقنا ساي .. يا كمان يعملوا لينا بورد برانا
المافي شنو!؟
قيقاحاوي
ناشط في مجال حقوق الـلــINSANE
دل على وعيك الحقوق ..
[ادعموا حق زبائننا الكرام في ادراج "حق نخليك في نعيمك دا" ضمن الاعلان العالمي لحقوق اللنسان]
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: د.نجاة محمود)
|
Quote: فكرت قلت لو دي شكلة بالجد وما برمجة بينا كالعادة
اسوي شنو يادي الكسوف؟؟
اقيف مع منوذي في الحتة دي
ود اخوي بجاي وصديقي العزيز بجاي
اميل يمين اميل يسار؟؟؟؟
من اليوم دا حيدر وقيقا دي انا حاربتو |
اقيفي مع الحق يا دكتورة نجاة ..
والحق هنا كالعادة ودايماً بيعني " انا " ..والله صحي :)
هسع ما عندي الحق في الخروج بالاعتذار العمري ما ضقتو في هذا المنبر .. انتي بس ختي الرحمن في قلبك ورشي مع فتح الرحمن دا باعتباره قيقا سابقاً وطلعي لي اعتذار افتخر به بهذا المنبر ككل الناس هنا .. وعندك معاي الحلاوة
ـــــــــــــــــ
برمجة والله يا دكترة وحا شا لله الشكلة خاصة مع اخونا قيقراوي الناكر اسمه دا.. شكلة زااتو في شنو ولييي شنو؟
اساساً مافي حاجة .. طلبت منه " سابقاً " روح الشيطان قيقاقريين وقام حماني ليها فرميت طوبتو وتراني حايم بروحي الشريرة القديمة ..
وكان عليهو هو كدة حللللو ويحمد سيدو بس اليطلع من جواهو ويعتذر
تسلمي ولك المودة اضعاف
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: حيدر حسن ميرغني)
|
Quote:
هسع انت عاوز تعمل ايحاءات لحنين وتبيعو ضميرو يعني .. حنين واقعة ليهو الشغلة وفاهم انك مفروض تعتذر تماماً وكل الاعضاء والقراء والشعب السوداني الفضل فاهم واقعة ليهو حكاية انك مفروض تعتذر..
لكنهم مراعيين لشعورك بس ما اكتر .. لكني متاكد تماماً انهم بس ماعاوزين يعبرو ولو اتلقت مساحة حرية اكبر من المتاحة نا كانو قالوا ليك اعتذر من سكات ..
مشكلتنا عايشين في مجتمع لا يؤمن بالديمقراطية والعدالة ..والله صحي
|
كيف مافي حرية؟
نسمح ليكم تطلعوا مظاهرات طوالي ..
لكن ما في الميادين العامة .. ولا برة البيوت
---------
انتو بكري ما غرف ناس العالم السفلي ديل بي الطارة الكبيرة لسة؟
اتفق مع بتك يا ام مؤيد تماماً في الحتة دي
ؤ وش البامية ذاتو بكون ما ياهو
قلتي لي كيف؟
انضمي للمظاهرات المطالبة بالاعتذارات اذا بتريدي
لكن اعتذار قريب دا الله اعلم .. كملنا رصيدنا خلاس
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: معاوية المدير)
|
قال ليــك يا لهذا الصباح البهي كوجه سلمي .. والله صحي :)
صباح اظهر الحق وهزم البـــاطل ... ( بالباء الطالعة مش ب طاء )
كتبت الحقانية الاصيلة ام مؤيد :
Quote: Ummoayad Moayad ·
ههههههههههههههه النكته دي ولا حلوة . بتي الصغيرة اتشاكلنا انا وهي ونامت بي شكلتا بدون ما تتفشا فيني قامت الصباح ولسه ما فتحت عيونا كويس ( ملاح خضرتك بتاع امبارح ولا كان حلو زاتو ) .. اعتزر وبطل لولوه .
رد · 2 · أعجبني · متابعة المنشور · منذ 14 ساعة |
انا زاااتو دا كان راي من الاول ومتفق معاك... عاين مساخة النكتة الزي مساخة الخضرة " سبحان الله القلوب شواهد هناك خضرة وقيقا بتاع الخضرة والاخضر .."
أها بعد هذه الشهادة الشايتة في خطين من ام مؤيد وبتدعم خطنا كذلك حا تعتذر لينا " الاتنين " والا حا تضيع لي يومنا دا ساكت مع هشام هباني وهوامه من هم على شاكلة عبد الصمد محمد وهلمجرا ..!!
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: Yousuf Taha)
|
| Quote: اجمل مافي البوست دا قيقا |
شفت يا يوسف من محلك دا وتتخارج .. انت زول ما بتشوف الجمال الصحي صحي والا شنو ...!
كعب العمي يا حبيب ..
قال قيقا قال.. قيقا شنوو كمان في الحر دا والمدارس الفتحت والزحمة .. تامل الجمال في مصادره الطبيعية المتمثملة فييني انا دا براااي وحدي لا مُشارك لي .. والله صحي :)
شوف اديك ادفايس انا مقتنع بيهو زيي وزي "بادري " التحت دي :
اوعك تتكيف والا تُعجب بشئ كتابتو واي شئ اعمل ليها اسكرول داون ..
الجدعات عندنا هنا يا حبيب.. وكمان لو وسعت دائــرة نظرك شوية وقريت لام مؤيد تحت تكون كملت الجمال زاااتو
قال قيقا وجمالو قال ... ونان نحن بنجوط لينا شهر وبنهوزز فوقو لي شنو ؟ ما عشان نحتل هذه الروح التي تنازل عنها ونقلعها كدة والا كدة..
بعدين ما تقول ليهو قيقا تاني بيزعل .. هو براهو قال مافي زول يقول لي قيقا .. قول لي انا دا حيدر قيقا .. والله صحي :)
ــــــــــــــــــــــ
بعدين مرحب بيك يا يوسف طه والف مرحب في سندكة بكري ابوبكر دي .. واي وقت نحن حاضرين نصحح ليك مفاهيمك واوريك مكمن الجمال الحقيقي...
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: فتح الرحمن حمودي)
|
يافتاح يا عليم يارزاق ياكريم رازق اليمام والصقور تغنينا اليــوم بإعتذار يكفينا شر السؤال ومسبغة القهــر ..
آآآآآآمين ..
Quote: او بوست المظالم اي واحد يجيب مظلمتو والناس يحكموا فيها ومن ثم يعتذر الظالم
|
هسع يا هيثم غالي في مظلمة اكتر واكبر من هيــك مظلمة...
نوبة الجبال وعرب دروديب ومسمار ما اتظلموا قدر مظلمتي دي لكن نقول شنو ؟!
وانا عندما اعرض مظلمتي المحددة تجوا انت يا المثقفين تحاولوا ان تدولوا قضيتي وتعولموها حتى تضيع بين ربكة البوستات واروقة المؤتمرات وكبشرة الكابشرات وفتاوي الخبرات ؟!
تباً لكم من مثقفين آخر الزمان ..
قال حكيم العصر والزمان في حديث سارت به الركبان .. الا ادلكم على علامات نهاية العصر وقُرب موعد العرض على الجبار ..!
قالوا : بلى يا ابا الافكار ..
قال :
إذا سقطت ابكرشولا على ايدي الثوار ...وسرقت صور المعركة وهُكرت المقالات والاخبار ...وشخر القائد العام وغط غطيطه تحت الاشجار ...
ثم سكت...
قيل وثم ماذا يا ابو الافكار..
قال اذا ترك قيقراوي الاعتذار ..
ومازال يرددها حتى قلنا يا للملل من هذا التكرار ..
| |
|
|
|
|
|
|
|
|
 Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: HAIDER ALZAIN)
|
قال اذا ترك قيقراوي الاعتذار ..
ومازال يرددها حتى قلنا يا للملل من هذا التكرار ..
ههههههههههههههههههههه
يا سلااااااااااام يا ود الزين والله ضحكتني من الصباح ربنا يضحكك ويسعد طول الحياة
وان شاءالله الله ربنا يفتحا عليك باعتذار كدا يهنيك ويمنيك ويعوضك فقد الاعتذار في حاضرك ومستقبلك وماضيك
قادر يا كريم
قول اميييييين
يا قيقا اوع توقع دعواتي دي في الارض
يا عم اعتذر لك شو مافي رحمي
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: HAIDER ALZAIN)
|
Quote:
ومازال يرددها حتى قلنا يا للملل من هذا التكرار ..
|
تمل على كيفك .. فوضى هي!
قلنا ليكم يا معشر المللولين:
اذا كنت لا تقرأ الا ما يعجبك .. فتأكد انو حمار ابي جهل سيحرز مركز متقدم عليك دائماً
المعرفة -والجنة ذاااتا- حفت بالمكاره والمشاق .. كلو عندكم لهو ولعب وتسلية شيطانية انتو؟
الملل مفيد للصحة العقلية .. اطلعوا من نعيمكم المقيم دا
--------
كتبت:
Quote:
لن اعيش في جلباب ابي .. او
" اولادكم ليسوا لكم، اولادكم ابناء الحياة، والحياةُ لا تُقيم في منازل الأمس "*
قريت عن انو في بعض ضهاري الصين، بضيفوا لاسم المولود حرف جديد كل سنة .. الفكرة مبدعة -ان صحت- لكن الدبايب البعيشوا كتير ديل اسمهم ببقى قطر غايتو ..
مرة (فادي) ولدي قلب الدنيا وجاط البيت فوق تحت .. كيف نتجرأ ونسميه (فادي) على مزاجنا!؟
وبما اني المجرم تحملت مسئوليتي تماماً .. واعتذرت اعتذار تاريخي عن الخطأ الشنيع والجريمة المنكرة دي..
وطوالي انتقلت في العدالة الانتقالية لجبر الضرر، اها اسي ما فات حاجة، انت داير يسموك منو .. وليك علي اغير ليك كل الاوراق الرسمية
قال عاوز (غسان) .. غسان غسان .. المافي شنو!؟
اظنو كان معجب بي قبيلة الغساسنة .. صاحبي وزميلي وحبيب ألبي (غسان وهبي)
فتمت المصالحة .. وانتقلنا بالعدالة لصفحة جديدة
فتح الرحمن .. فأل الوالد -رحيمو الله- اسم جميل، في الحقيقة عاااجبني جداً .. لكنو رسمي جداً
اسم الوثائق الرسمية .. نادراً ما اتسميت بيو في (الحياة) الحقيقية خارج الاوراق الرسمية
اسم بيروقراطي يعني، وقصة حياتي اتنازعتها ورقيتن، ورقة شجر نسب تنهتي عند العباس عم النبي الكريم محمد (ص) (ويا النبي نوح!!).. ودا برضو فال الوالد
فهو حمودابي ينحدر (سامعني يا البطل!!- ينحدر من فخد العالياب .. كفرع مر (الحموداب ابان عشاياً قرض) كما تردد امي بت امنة بت السيمت -ربنا يديها العافية- في هجاءنا.. مع انها هي ذااااتا حمودابية .. والسيمت نزل السافل، واستوطن ادنى سهل البطانة ساي.
والورقة التانية -كبدعة من بدع الانقاذ الما بتنتهي- هي (شهادة وطن) .. اي والله الوطن بقا يحتاج شهادة!!
تشهد فيها حكومتنا السنية -شخصياً- اني مواطن سوداني مولود بجنوب السودان -اعالي النيل - القيقر..
تلك القرية الوادعة التي ترقد مطمئنة على الضفة الشرقية للنيل الابيض .. الراقد مطمئن في خنوع مريب هو ذاتو، مقارنة برفيقو الازرق الثوري/الشاب!
او كما قال د.منصور خالد
" اولادكم ليسوا لكم، اولادكم ابناء الحياة، والحياةُ لا تُقيم في منازل الأمس "*
|
موت دنيا .. الفصل الاخير في الرواية .. او في هجاء الراوي السوبر همسلف!
فكتب الطريفي:
Re: قيقراوي قال تاني ما يقولوا ليهو قيقراوي..سمح فهمنا ياقيقراوي..
دا الحالة فهمتوا!؟
فتألم!!
ياخي انت زول مؤلم .. واسافيركم دي مؤلمة شديد!!
كشفت راسي واتكيت محل قال البطل ودعيت عليك يا سابقاً
آمين دعوة مظلوم
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: فتح الرحمن حمودي)
|
ومازال قيقراوي سابقاً يتلولول ..
ـــــــــــــــــ
| Quote: الله لا تريحك يا بطل ياخ |
انا هسع ذنبي شنو .. يكتب ليك الحبشي او الخبيــر امين البشاري .. تجي تطبظها لي في عيني..
مالي ومالن..
انا موقفي منفصل تماماً ومتفهم جداً لهذا الحدث.. شفت كيف والله متفهم وركز جدا مع متفهم دي
لكن كمان ما ممكن تغالطنا في عيوناتنا دي انا وام مؤيد
دي آخرة وقفتنا معاك يا قيقراوي في حقك ومطلبك العادل جداً جداً في انه زول يقول ليك يا قيقراوي قيقراوي مافي..!
طيب اذا لم نحطرم رغبتك دي مش كان ممكن نتوقع انك انت تجي زعلان وتقول انتو ما محطرمين رغبتي في انه زول يقول قيقراوي مافي..
وممكن تلومنا انا وام مؤيد دي ذات " نفسنا " وتقول لينا انتو شفتوني وقت قلت كدة لكنكم ما احطرمتو رغبتي وبلغتو الناس في كل فجٍ عميغ باني من الليلة فتح الرحمن حمودي..
اااي ما بعيد تكون عارفنا قرينا الكلام وتلومنا اصلن يا عزيزي قالوا الشياطين ديل بيتحركو في مجموعات وهم امم امثالنا يقوم شيطان قوقل حقنا يكلم الشيطان قيقراوي حقك وتبقي فضيحتنا بجلاجل
| |
|
|
|
|
|
|
|
|
|
Re: هل سيطول انتظاري لإعتذار من فتح الرحمن حمودي..قيقراوي سابقاً .. ام (Re: HAIDER ALZAIN)
|
نعيدو .. عسى ولعل
كلاكيت للمرة التانية؛
Quote:
الدوبيت بنداوِّر البَكْرة ونمصرُو ثديها
وكم بنشِّق عتاميراً بعيدة وتيها
يا نفس السواد المتعة كمَّلتيها
أبقي لَزُومة وكت القُرْعة وقعت فيها
(ود ضحوية على فراش الموت)
----------
هو حال الدنيا .. وديالكتيك الوجود (السيرورة والزوال)
انتفت الشروط الموضوعية لـ(قيقاراوي)
فوافاه الأجل [اثر علة اصابت مسقط راس .. آلمته جداً جدن .. ولم تمهله طويلاً] كما جاء في نعي الفقيد .. المقتضب.
مشيناها خطاً كتبت علينا .. ومن كتبت عليه خطاً مشاها
شاكرين حسن ظنك يا حبيب .. انا والفقيد .. وللفقيد الرحمة |
---------
والله انت وام مؤيد احطرامك ما بدور .. متيمن منو تب
لكن كان سويتوا ليكم ضمير .. بنكون منتظرين اللعتزار ؤ كدا
انتو هيئة المحلفين ديل غتسوا وين ..
ما يطلعوا محلفينهم في مصحف العتود!؟
| |
|
|
|
|
|
|
| |
HAIDER ALZAIN
حيدر حسن ميرغني
معاوية المدير
فايزودالقاضي
اساسي
حمد فتح الرحمن
عمر صديق
فيس بوك
تويتر
انستقرام
يوتيوب
بنتيريست