|
|
|
 Re: هل حدث لك موقف كنت فيه على بعد خطوة واحدة من الموت؟ (Re: خالد العبيد)
|
عليكم السلام خالد
الف سلامة والله
دي عملية كبيرة والله شديد
حمدلله خرجت منها سالم
اها اي انطباعات اي احاسيس ولا كنت تحت تاثير البنج الكامل وما حاسي باي شي؟
الغريبة اننا بنخاف من الموت لكن لمن نكون على بعد خطوات منو بتجينا شجاعة عجيبة وثبات او يمكن حالة من الياس من الفرار لذلك يكون الاستسلام التام
| |
 
|
|
|
|
|
|
|
|
Re: هل حدث لك موقف كنت فيه على بعد خطوة واحدة من الموت؟ (Re: قرشـــو)
|
سلام أحمد سيد أحمد ...
في العام 1984 وكانت الدنيا رمضان، كنت أعبر الشارع (جنوب حدائق مايو بالمقرن)، وكان الوقت صباح .... نظرت يساري ورأيت سيارة كانت بعيدة، فعبرت النصف الأول من الشارع ... كانت هناك سيارة قادمة من الجهة الأخرى ... تركتها تعدّي، ثم شرعت في عبور النصف الثاني من الشارع، فإذا بي أسمع صوت فرامل عالي ... نظرت يساري، فإذا بالسيارة الأولى أمامي تركت خطها وسارت يسار الشارع لتصدمني وهي في سرعة فائقة.
عندما ضربتي السيارة (كان تصادمها تماماً في ركبتي اليسار)، كانت هناك إمرأة كبيرة في السن بجانب الطريق تنتظر المواصلات، طرت في الهواء لعدّة أمتار وجاءني صوت المرأة كأنه آتي من بير: (سجم أموووووو). هي ثواني من لحظة إصطدام السيارة بي ... طرت في الهواء لعدة أمتار كما قلت وتدحرجت على الأسفلت لمسافة لا بأس بها. رغم أنها ثواني قليلة، لكني رأيت خلالها فيلم كامل ودقيق (وبالحركة البطيئة) لكل حياتي حتى آخر لحظة وقبل خروجي من المنزل تأكدت من أني صليت الصبح أم لا.
حكاية فيلم حياتي المرّ أمامي بالـ سلو موشن، خلاني أتساءل: الجماعة البيخرجوا الأفلام ديل ماتوا قبل كده؟
بالمناسبة: لا زلت أعاني من كسر مركّب في الركبة وتمزق الأربطة.
_____
تقصد تجربة زي دي؟
| |
|
|
|
|
|
|
|
|
|
Re: هل حدث لك موقف كنت فيه على بعد خطوة واحدة من الموت؟ (Re: احمد سيد احمد)
|
انا حصلي كم مرة
اخرها السنة الفاتت في المدينة المنورة
من الساندوتش الشامي اشتريت لي سندوتش طعمية بحشوها بالخبز اللبناني داك
المهم اكل وماشي في الطريق بعد قطعت مسافة تقارب الكيلومتر اتخنقت و شفت الموت عديل
ولا شايل مويه ولا جنبي زول ولا في يدي حاجة باردة والنفس اتكتم نهائي والكلام وكل شي غلبني
واستسلمت لقدري مع اني بلاوز من الموت دا شديد بس في اللحظة ديك جاني ثبات عجيب
بس بعد شويه ربنا فرجها والنفس جا والضيقه فكت والحمد لله
___________
تاني موقف حصل لي سنة 1994 في بحر الكلاكلة
وطبعا السنة ديك كان الفيضان قوي شديد قريب لحق 88
ونحنا طبعا من زمان في ايام الفيضان بنجدع شنطة المدرسة والبحر جاك زول
اها كنا شلة كبيرة وبنمشي شجرة بعيدة يمكن من الشاطيء 100 متر
ومن قبل ما تصل الشجرة دي يمكن ب30 متر
بكون مافي حد نهائي
يعني عمق المويه يبلع عمود كهربا عديل
اها نحنا عايمين كميه
الوقت داك الزول لسه صغير
اها وقت فضل 10 متر للشجرة
وتمسك فيها وترتاح
انا خلاص قطعت نهائيا
وشارفت على الغرق خلاص
واحد صاحبنا حاول ينقذني
اتشعبطت فيهو قربت اغرقو معاي
قام سحب نفسو
المهم بهنا بهنا جازفت وصلت الشجرة
وفي اثناء المناتلة للنجاة السروال الطويل اتملص
الحمدلله انو جوه في واحد قصير
ههههههههه
المهم الجاتك في سروالك سامحتك
ولحقت الشجرة بالله وجلالو
وربنا مرقني من موته محققه
| |
|
|
|
|
|
|
|
|
|
Re: هل حدث لك موقف كنت فيه على بعد خطوة واحدة من الموت؟ (Re: احمد سيد احمد)
|
يا مرحبا بالاخ ابو الريش
والله سلامة كبيرة وفعلا حادث مؤلم
ايوه بقصد تجارب زي دي
ولو كمان ناس دخلوا في غيبوبات وشافوا اشياء من العالم الاخر او اشياء خارقة زي حقة ابو الشيخ البوطي دا يكون كلام جميل
لكن حتى لو قصص مشارفة موت ساي برضو تمام
ولكن خالص الود
الاخ قرشو معليش نسيت اشكرك على الرابط في المداخلة السابقة.....لك خالص شكري على الرابط المفيد
| |
|
|
|
|
|
|
| |
احمد سيد احمد
خالد العبيد
قرشـــو
محمد أبوالعزائم أبوالريش
Mutaz Hussien
فيس بوك
تويتر
انستقرام
يوتيوب
بنتيريست