|
|
 على مشارف المؤتمر السادس للحزب الشيوعى السودانى
|
لابد اولا من اعادة الاعتبار للزعيم العمالى قاسم امين والكشف عن نتائج عملية النقد الذاتى التى مارسها الحزب خاصة فيما يتعلق بكربلا الحزب 19يوليو1971 وتوجيه الادانة التاريخية للمتسببين حتى وان كانوا ضحايا كم يجب الاعتذار واعادة الاعتبار للسيد عوض عبد الرازق واطروحاته .
|
|
  
|
|
|
|
|
|
|
|
Re: على مشارف المؤتمر السادس للحزب الشيوعى السودانى (Re: عمار محمد ادم)
|
عاش نضال الطبقة العاملة...
وعاش كفاح السكة حديد..
.وصوت القطر الصفَر ودوَر..
.والكمسارى بيرفع بيرق مرات اخضر ومرات احمر.
.ومرَ قطرنا ادوه التابليت...بالشباك اتجلى المنظر...
وجه مزارع جارى مغبَر..
.والواسوق جاريهو تركتر.
..مصنع غزل ومصنع سكر..
.ونهتف من اعماقنا بدمع تحدر.
..عاش كفاح الطبقة العاملة
وعاش نضال افريقيا الحرة.
..لن تحكمنا الراسمالية والافات الجات من بره .
..وصوت الديزل الهادر وماشى ومابيتوقف ..
.واصل الفكر الثورى مبادى وما بتتحرف..
.والحرية طريق الثورة العمالية..
.والمنفستو اشتراكية..
.ودم الشهداء بيكتب ويروى..
.ثورة قوية وصوتها بيدوى..
.ولن يحكمنا البنك الدولى...
وعاش كفاح المحرومين
وعاش نضال الفلاحين..
.والابرول لون الاصطبة..
.فى المصفاة وكل طرمبة..
.فيها الطبقة العاملة قوية..
.ليها هوية وليها قضية..
.طريق الزحف والحرية..
.مدارس تمحو للامية...فيها المنهج دايلكتيك..
.فيها الثورة الفينى وفيك...
!
نحن الثورة الدايمة طريقنا.
.ومابنتغير.
.والتاريخ لابد يعيدنا .
.شان نتحرر..
.ما بنتراجع عن مبدئنا من الطفل ولى الحبوبة.
..والثورية بتلبس توبها...
عاش جيفارا وعاشت كوبا..
.وست الشاى الفى الراكوبة.
.تهتف عاش كفاح الطبقة العامله ..
.اشتراكية تنمية شامله.
..وكلنا نهتف ضد الجهل والرجعية..
.اكتب دوَن نحن طلائع للشيوعية..
.حزب الطبقة العاملة والثورية..
.ثورة قوية وعمالية..
.فيها المصنع يدوى هتافو..
.ينال الحق القط ما شافو ..
.شافو وشافو شاف شافييز..
.وفى القضبان عجلاتنا تدور..
.والسواق نفخ البابور..
.والافكار النابضة تحرر...
.والتاريخ يكتب ويسطر..
عاش نضال السكة حديد .
..والتاريخ لى نفسو يعيد..
.ماضى الثورة والعمال..
.العمال اعظم ابطال..
.قاسم امين وراهو رجال..
.كل العالم فينا احتار ..
نحنا يمينا الرجعى يسار.
..نهتف عالى يسقط يسقط الاستعمار.
عمار محمد ادم
| |
|
|
|
|
|
|
|
|
|
Re: على مشارف المؤتمر السادس للحزب الشيوعى السودانى (Re: عمار محمد ادم)
|
عمار محمد ادم
تحياتي
قاسم امين نعتبره بطل شيوعي و انا شخصيا لم اعرف و لا تابعت حيثيات اختلافات معه لكني اعرف اننا غنيناه بطلا في العيد الخمسين للحزب و هناك اغنية في كورال الحزب باسمه
الصراع السياسي صراع تاريخي و اي شئ مرهون بظروف حدوثه
الصراع في القيادة ضد اتجاه الزميل عوض عبدالرازق لم يتم بدوافع شخصية عشان يعاد له اعتبار او غيره
اما ان يكون خطه خطأ او لا, و اذا كان خطه خطأ فلماذا الرجوع و الاعتذار عن محاولة دحض الخطأ?
| |
|
|
|
|
|
|
|
|
|
Re: على مشارف المؤتمر السادس للحزب الشيوعى السودانى (Re: بدر الدين احمد موسى)
|
لاشك ان اعتماد الماركسية كفكرة انسانية يحتاج الى مواكبة فكرية من بعد انتهاء عصر الاله وظهور عصر الكمبيوتر وهو ليس من جنس الاله لايجب الهروب من القضية الفكرية تجنبا للخلاف والانقسام .فالفكر هو اساس كل شىْ عليه تنبنى النظرية الاقتصادية والتى اعتقد ان البشرية اليوم بحاجة ملحة لها اذ انها تنطلق من مبدأ عدم الاستغلال ومنها كذلك الرؤية الياسية الاممية والمحلية والاقليمية والاتجاه الى افريقيا وامريكا اللاتينية بات مسألة ملحة فى مقابل ما يعرف بمنظمات المجتمع المدنى والتى هى افراز للرأسمالية.
| |
|
|
|
|
|
|
|
|
|
Re: على مشارف المؤتمر السادس للحزب الشيوعى السودانى (Re: عمار محمد ادم)
|
| Quote: يجب الاعتذار واعادة الاعتبار للسيد عوض عبد الرازق واطروحاته |
لماذا ؟
هل ثبتت صحة اطروحاته ؟
Quote:
المحطات والمسافات والقطر ..
والمبادى البين ضلوعى...
النقابات والنضالات والسفر..
دا البحدد ليا نوعى..
دا البحقق لياذاتى ودا البيروى ليا ظماى ..ودا البيشبع ليا جوعى ..
قالوا ثورى قلت ايوا كمان شيوعى..
يانضالات ردى روحى
وبى حقيقة امرى بوحى..
ابقى بلسم لى جروحى ..
ولى الشفيع المات معلق دام حزنى وطال نوحى ..
يبقى ملهم فى الجنوب ويبقى معلم فى الشمال..
وفاطنة فاقت كم رجال..
فاطنة يا ام النضال..
السترة والعيشة الحلال..
والمشاوير الطوال..
واروى ياقطر الشرق..
زول يناضل وينشنق..
الشفيع جوزيف قرنق..يحيا فينا وما انشنق..
انت مامشنوق وحيد..
انت يا اروع شهيد..
انت يا جبل الحديد..
والله ماهزتك ريح..
انت يا انبل مسيح..
ابقى ارقد واستريح..
وابقى فى الشوق والحنين ..
لى الرجال قاسم امين..
يوسف حسين..
انتو يااشجع رجال تملوها عزا الف عين..
صوتها صفارة القطر..صنٌُ اضنى صن..
انا دمعى جارى وقلبى حن..
للمبادى وللوطن..
وابقى غارق فى الحزن..
فى متاهات الزمن..
قاصدوا كهفك ياحراء..
ليها قاصد عطبرة..
اقوى كلمة معبرة..
ولى ابوى المعذرة..
الجسد فى المقبرة..
والروح تحلق فى الذرى..
والمناضل مابيموت..
يحيا فى كل القلوب ويبقى فى كل البيوت..
وسط الورش مليان زيوت..
ونحنا النضال فينا انغرس..
صوت النضال فينا انحبس..
حب النضال داسنو دس..
داير النضال راجلا كلس......
عمار محمد ادم |
النص دا عاجبني شديد وقرأته هنا تقريبا قبل سنتين او ثلاث علي ما اظن وبتوقيعك ايضا
واذكر ذات مرة هتفت به (كولن) في احد اركان الـ ج د في جامعة السودان
كن بخير
سامر
| |
|
|
|
|
|
|
| |
عمار محمد ادم
بدر الدين احمد موسى
سامر صلاح نور الدين
فيس بوك
تويتر
انستقرام
يوتيوب
بنتيريست