|
|
 استسفار هام وعاجل لمن لديه معلومة
|
سلامات ناس الخرطوم
اين مكتب تسجيل الاجانب؟؟
وما هي الاجراءات لتسجيل اجنبي قادم لزيارة قصيرة؟
احتاج للاجابة الان لو.سمحتو
مع الشكر الجزيل
|
|
 
|
|
|
|
|
|
|
 Re: استسفار هام وعاجل لمن لديه معلومة (Re: د.نجاة محمود)
|
قبل المغتربين علي اليمين وانت جايي من الخرطوم....إذا إنت جايي من جبرة شارع جامعة المغتربين تاخد بعدو يسار يجي علي يسارك بعد جهاز المغتربين
-----------------------------------------------------------------------------
سلام
ركزي على العنوان ده
مشيت ليه في اخر زيارة لي للسودان
الاجراءات سهلة جدا يملا فورم باللغة العربية او الانجليزية ان اراد
واجسن ليه يستخرج بطاقة مدتها خمس سنوات .. يعني تاني ممكن يمشي ويجي في اي وقت \زن دفع اي رسوم
ما متذكر الرسوم كم بس ما كتيرة ما اكتر من 300 دولار
على العموم الاجراءات ساهلة ولسه في شباب ظريفين بيخدموا
| |
|
|
|
|
|
|
|
|
Re: استسفار هام وعاجل لمن لديه معلومة (Re: ABUHUSSEIN)
|
غايتو يا دكتورة زمان كدا دخلت أجانب والإجراءات نفسها تمت في المطار
لكن كمان قالوا لينا لو عايز يتنقل خارج الخرطوم من مدينة لمدينة بيحتاج لتصريح منفصل لذلك
لكن أخوك عمل فيها كفيلو وبمررن لأي مكان
بقول ليهم الجماعة ديل تبعي وضيوفي
بشوفوا جوازاتهم وبيساولوني كم سؤال كدا مع الونسة والضحك
وبنمشي
لكن طبعاً مافي ثوابت في الإجراءات عندنا حسب المزاج
| |
|
|
|
|
|
|
|
|
|
Re: استسفار هام وعاجل لمن لديه معلومة (Re: Sulaiman Adam)
|
المكتب في الصحافه والرسوم حوالي مئتان دولار - السنه الفاتت
لابد من كفيل والتسجيل يجب ان يتم في خلال الثلاثه ايام الاولي من تاريخ الوصول
الاجراء سهل فورم + سداد الرسوم
عندك تاشيرة دخول مسبقه او ما عندك لازم تمشي تسجل في دائرة الاجانب
| |
|
|
|
|
|
|
|
|
|
Re: استسفار هام وعاجل لمن لديه معلومة (Re: صلاح الدين نزلاوى)
|
ده كلام نائب مدير ادارة تسجيل الاجانب ردا على اسئلتك يا دكتورة
Quote: ممكن شاهد ذكر او أنثي ما فارقه والرسوم 210ج تقريبا
والمطلوب فقط إثبات هويه الشاهد وصوره من الجواز وصورتين فوتغرافيتين
برضو احسن تنصحه ببطاقة الأصول السودانيه لانه بتعفي من التسجيل ومجانيه للأطفال |
| |
|
|
|
|
|
|
|
|
|
Re: استسفار هام وعاجل لمن لديه معلومة (Re: صلاح الدين نزلاوى)
|
Quote: انا جاهز لكى اقوم بدور الكفيل بشرط كل التحركات داخل السودان تكون بعلمى وموافقتى المسبقة
لكم التحية |
لووووووول يا صلاح
حتجهجه روحك جنس جهجهة لانه المكفول دا مكتوب في جناج طيرة
الضهرية بس بيكون في بتري والثورة الحارة 53 والسامراب والاقمار الصناعية
تلفونك حيكون مشغول 24 ساعة عشان تعمل اذونات وعلم سابق.
شكرا على كل حال..
| |
|
|
|
|
|
|
|
|
|
Re: استسفار هام وعاجل لمن لديه معلومة (Re: فايزودالقاضي)
|
| Quote: دائرة تسجيل الاجانب اصبحت ادارة كاملة تابعه لشرطة الجوازات وتقع مقرها في حي النزهه غرب جامعة السوداني الجنوبي وشرق السوق الشعبي (اي شمال اشارة تقاطع شارع الصحافه مع الشارع القادم غربا من مركز عفراء) |
يادكتورة صديق البورد التحت دة وصفو تمام وواضح !
| |
|
|
|
|
|
|
|
|
|
Re: استسفار هام وعاجل لمن لديه معلومة (Re: Dr.Elsadig Abdalla)
|
Quote: ناسبه استفسار وأستسفار دي...الحمد لله لسه ماشافك ود الصائم (معاويه طبعا ويمكن عبدالماجد )
لكن ممكن تقولي ليهم أستسفار أنك كاتباها مقصوده لانك مسافره .هاهاهاها |
لووووووووووول مع موضة الغلاط الحاصلة دي ممكن اعملها وانت تبقى شاهد تفتح بوست عديل كدا وتدافع فنيا ونحويا
عن صحة العبارة...
الايام دي معاوية في الضيق الشديد عشان كدا
ما جا هنا اتكلم عن التعليم في السودان وبلا بلا بلا
| |
|
|
|
|
|
|
|
|
|
Re: استسفار هام وعاجل لمن لديه معلومة (Re: د.نجاة محمود)
|
سلام يا دكتورة
السودان البلد الوحيد الفيهو تسجيل أجانب
حاليا ورثوها إخوانا فى جنوب السودان
دي برضوا معلومة مفيدة
عملية الدخول بالتاشيرة وتسجيل الأجانب كان ممكن تتم فى خطوة واحدة عند دخول أي منفذ سودانى
لكن إمعانا فى الفساد تم فصل عملية تسجيل الأجانب ، دي عايزة ليها شرح براها
نحنا وييين والناس وين
مع خالص التحايا
| |
|
|
|
|
|
|
|
|
|
Re: استسفار هام وعاجل لمن لديه معلومة (Re: د.نجاة محمود)
|
السودان البلد الوحيد الفيهو تسجيل أجانب
-------------------------------------------------
كيف الكلام ده ؟
لو قصدك للزياره فعلا معظم الدول تكتفي بالتاشيره في المطار لمده تسعين يوما..أما إذا زادت الاقامه عن ذلك فيلزم التسجيل ...
تحياتي
| |
|
|
|
|
|
|
|
|
|
Re: استسفار هام وعاجل لمن لديه معلومة (Re: د.نجاة محمود)
|
د. نجاة
إزيك وكيفينك
طبعا انا سودانية 100 في الميه ولكن في نظر السلطات السودانية اجنبية بحكم ان جواز سفري اجنبي . وآخر مرة مشيت السودان سجلت في مكتب في مطار الخرطوم قصاد كشك الجرائد والمجلات..
وعرفت من الضابط المسؤول في الوقت داك ان الأجنبي اذا ما سجل خلال 3 ايام من وصوله للسودان .. وعند رجوعه حيدفع غرامة قبل السماح له بالسفر.. حتى ولو الطيارة فاتتك بسبب اجراءات التسجيل ودفع الرسوم..
عشان كده الأجانب بيحرصوا يسجلوا في مكتب الأجانب حال وصولهم للسودان... وطبعا رشوم التسجيل كانت زمان 100 جنيه ولكن العام الماضي دفعت 200 جنيه..
ومكتب المطار التسجيل فيه ساهل وما في زحمة.. لكن مكتب التسجيل داخل الخرطوم زحمة شديدة ..
والله يديك العافية
| |
|
|
|
|
|
|
|
|
|
Re: استسفار هام وعاجل لمن لديه معلومة (Re: محمد احمد القاضي)
|
اها نجيكم لتجربة الكوكب السيار
من الساعة 8بيفتشوا في هذا المكتب مشوا للمكان القرب السوق الشعبي
طلع مافيش وصفوا ليهم حتة تانية وناس الحتة التانية وصفوا ليهم حتة تانية المهم في النهاية انتهوا الى جهاز المغتربين وتم التسجيبل بعد عذاب
وكلف قرابة 300 الف
يا حكومة عارفنكم ما بتعرفوا تعملوا اي حاجة صاح لكن كمان ما لدرجة ما تعملوا مكتب تسجيل في المطار او يسجل الداخل البلد فور تسجيله
الكوكب السيار دا لو كان خواجة كان مات..
في حاجات بسيطة بتسهل على الناس ولا العدالة عندكم مشاركة الاجانب واهل البلد في ا لعذاب
وفي الحوار مع الكوكب السيار تم استخدام ماي قود 100 مرة..
وتهديد بعدم الحضور تاني..
ونشكركم جميعكم على المشاركة في حل هذه المشكلة بالجد ناس سوداينزاولاين اجدع ناس
| |
|
|
|
|
|
|
| |
محمد جلال عبدالله
د. ياسر عبد القادر
Adil Hamza
خالد العبيد
سفيان بشير نابرى
ABUHUSSEIN
Asim Fageary
Sulaiman Adam
الزبير صالح الزبير
فايزودالقاضي
صلاح الدين نزلاوى
مزمل خيرى
Dr.Elsadig Abdalla
سيف اليزل سعد عمر
محمد احمد القاضي
elhilayla
فيس بوك
تويتر
انستقرام
يوتيوب
بنتيريست