|
|
|
 Re: أوهامات سودانية (Re: mohmmed said ahmed)
|
من الاوهامات فى موضوع الطعام
اول ما يسافر السودانى للخارج طوالى يعمل نفسو مشتاق للاكلات الوطنية من ام رقيقية لكسرة
فى الخارج الكل يبحث عن الكسرة
فى اليمن عندما كنت ازور احد اصدقائى مباشرة يذهب مشوار بعيد بالتاكسى لجلب الكسرة وانا كل مرة اسكت
لمن الموضوع زاد
صارحته
يا صديقى انت تجلب هذه الكسرة اللعينة بنية طيبة وانا اقدر لك هذا الشعور النبيل ولكن
انا لا احبها وتسبب لى الالام فى المعدة
وتجدنى جدا اسف فى الاعلان الذى يشتبه فى كونه اهانة لايقونة الطعام الوطنى السودانى
طرفة
رواها وليد المبارك عندما ذهب الى لندن واحضر الاصدقاء الفسيخ الجا شايلو من السودان تعبيرا عن اكرامهم
رد عليهم يا اخوان انا جاى شبعان من الفسيخ دا شوفو لى حاجة تانية
| |
  
|
|
|
|
|
|
|
|
Re: أوهامات سودانية (Re: mohmmed said ahmed)
|
محمد ازيك............
زمان في السودان كان في حاجات ثابتة ما في زول بناقش فيها زي معجون السيجنال..صابون اللوكس..سيجاير البنسون وووو
ما عارف الحاجات دي لسه سوقها شغال ولا انتهى....
| |
|
|
|
|
|
|
|
|
|
Re: أوهامات سودانية (Re: Nader Abu Kadouk)
|
تعرف يا نادر
الحاجات دى السودانيين عندهم فيها اعتقاد صميم
البينسون
السيجنال
اللوكس
لكن انا لا حظتا لمن اتذكر الحاجات دى بلقى نفسى فى الماضى
دايرين منكم انتو الشباب توارونا
الحاجات الجديدة فى سجل الاوهامات
يعنى فى الموبايلات واللابتوب
اوهامات الجيل الجديد شنو
| |
|
|
|
|
|
|
|
|
|
Re: أوهامات سودانية (Re: Mohamed Mekki)
|
صديق الاديب عثمان حامد سليمان
قدم كعادته اضاءات مدهشة فى موضوع الاوهامات
قال ان رواج منتج معين فى فترة زمنية سابقة فى السودان جاء نتيجة لقلة عدد المستوردين ولجودة الصناعة الانجليزية التى تعرف متطالبات السوق السودانى
فى سجاير البينسون او اقلام التروبين او ولاعات الرنسون
افاد عثمان بان سيادة البينسون سبقتها سيادة الروثمان وسبق الروثمان سيادة سجاير ابو كديس
فى موضوع السيارات افاد عثمان ان الميكانيكيا لعبوا دورا كبيرا فى الترويج لنوع سيارات التايوتا
لانهم تعاملوا مع التايوتا 83 وعرفوا اسرارها عندما ظهرت انواع اخرى من التايوتا واختلف وضع الماكينة من الافقى الى الراسى ومع معضلة عدم معرفتهم باسرار السيارة الجديدة اشاعوا وفى
تحالف مريب مع السماسرة بان التايوتا القديمة افضل
لا بد من الانتباه لدور السماسرة فى صنع الاوهامات وخاصة فى موضوع الاراضى والسيارات
فى موضوع الاراضى
يقولو الازهرى دى ما تشترى فيها فيها روائح ما كويسة
وجبرة مويتا كعبة
والاندلس شرق الكلاكلة غير امنة لمجاورتها لعشوائى
وام درمان ما تشترى فيها لانو ناس دارفور لو هجموا مرة اخرى حيبدو بام درمان
فى موضوع الطعام صديقى عثمان يقول نحن فى الغالب من جذور بدوية رعوية
والبدوى دائما نمطى ويصعب عليه التغير
فى الطعام يصعب ان نتعود الى طعام اخر حتى لو عشنا فى بلاد بعادات غذائية مختلفة فحتى الان لم نتأقلم مع الاطعمة البحرية
فى كشف استار الوهمات
يقول عثمان
زمان فى امدرمان يمطر الصعود فى مكان معين ومن ثميوزع الى محلات صغيرة
وتجد البعض يروج لصعود محل صغير محدد ويصف صعود المحل الاخر بالكعب وفى الحقيقة يكون المصدر واحد
كذلك فى امدرمان كل دكاكين اليمانية تاخذ الرغيف من مخبر الضو حجوج ويكون ترويج لصالح رغيف دكان معين
| |
|
|
|
|
|
|
|
|
|
Re: أوهامات سودانية (Re: عباس محمود)
|
سلام عباس
وهمة الفول
كانت فى زيارتى للمغرب استضافنى الصديق البوردابى عمر عبد السلام فى الرباط وعند العشاء اقترح
لحمة وكفتة وحاجات كتيرة كدا
انا من باب الظرافة وتسهيل الموضوع
طلبت العشاء فقط فول
ولم اكن ادرى ان الحصول على الفول يتطلب ان يذهب الصديق عمر الى وسط المدينة مشوار اكتر من 15 كيلو
| |
|
|
|
|
|
|
|
|
|
Re: أوهامات سودانية (Re: mohmmed said ahmed)
|
صاحب البوست والضيوف التحية والاحترام
طبعا الحاجات دي نحن في الجزيرة تقريباً أكتر ناس بنعاني منها
اقرب مثال اللوري الأوستن.. توقف إنتاجه من عام 1981 وحتى الآن ما زال يكافح في الجزيرة
بالرغم من عدم وجود قطع غيار إلا سكند هاند أو قطع هندية وتركية لا تستمر لستة أشهر وغالية جدا
والعجيب في الموضوع إنو اسعاره تفوق الـ200.000 مليون في الغالب
مع ملاحظة وجود الكثير من البدائل اوفر وأكثر اقتصادية واعتمادية.. لكن وجود الأوستن قدام الباب وجاهة !!
وغير ذلك الكثير والكثير من الأفكار المعلبة التي انتهت فترة صلاحيتها وما زلنا نصر على تناولها
فتعجب!!
| |
|
|
|
|
|
|
|
|
|
Re: أوهامات سودانية (Re: نادر النور آدم)
|
التحية لك أخ محمد
أرجو أن تضيف طقوس الزواج السوداني التي لا مثيل لها في العالم:
فتحة خشم
قولة خير
شيلة هدوم
شيلة ريحة (تفاصيل الريحة ناشفة ولينة!!)
شيلة أكل
شبكة
مهر
فطور عريس
هدايا لأم العريس وخالاته
وهدايا لأم العروس وصاحباتا
معظم بلاد العالم يجيب الشبكة ويدفع المهر وكان الله يحب المحسنين
| |
|
|
|
|
|
|
|
|
 Re: أوهامات سودانية (Re: محمد جلال عبدالله)
|
بعدين عندك وهمة البيبسي!
ياخي احتفاء السودانيين بالبيبسي عجيب جدا
ما أظن في بلد في العالم بتحتفي بالبيبسي زينا
حتى أصبح البيبسي علما على كل المشروبات الغازية
أي مشروب غازي هو بيبسي
ويرسلوا الولد الدكان جيب بيبسي
ومشينا ليهم وما جابوا لينا بيبسي
دحين قزازة بيبسي ما جابوها ليكم؟
ياخي قزازة البيبسي بقت بي ألف جنيه! (في سياق الحديث عن الغلاء)
وفي ذلك يقول صاحب المثل:
كان جاك الضيف في الشتا والصيف: أسقيهو البيبسي ^__^
| |
|
|
|
|
|
|
|
|
|
Re: أوهامات سودانية (Re: mohmmed said ahmed)
|
سلام أخ محمد ...
بوست أكتر من رائع ...
و الزملاء ياخ ما فضلوا حاجه
بس خد عنك :
.........
الجلابيه ( تاترون ! )
العمه ( توتال ! )
التلاجه ( أدميرال ! )
السماعه الطبيه ( لتمان ! )
الجرار أو التراكتور ( ماسى فيرجسون ! )
وابور المويه ( لستر ! )
مكنة الخياطه ( سنجر ! )
و النظاره ( بيرسول ! )
و حنة ( التاج ! )
و زيت المكنه ( موبيل ! )
و البنزين السيوبر بنشف ( الجلب ! )
...
ياخ حكاية العربيه ( تايوتا ! ) دى بذكر حتى الليبيين إنادوك سودانى ( تبِّى تايوتا ! )
فى فى أمريكا وهمة السودانيين و العربيه لازم تكون ( شيفى كابريس ! ) !!!!
........
عبدالماجد
| |
|
|
|
|
|
|
|
|
|
Re: أوهامات سودانية (Re: mohmmed said ahmed)
|
من وهماتنا التاريخية
وهمة
شجاعتنا وبسالتنا فى الحروب
ونحن الذين لم ندخل فى اى حرب مع دولة اخرى
يعنى
السيف المجرب فوق رقاب الناس
دا مجرب فى بعضنا البعض
والصقير الحام بعد ان دخلوها
حام فوق جثث سودانيين برضو
| |
|
|
|
|
|
|
|
|
|
Re: أوهامات سودانية (Re: mohmmed said ahmed)
|
| Quote: يا أخي نحنا هنا عندنا وهمة من النوع أبو كديس وهي اللحمة الحلال, الواحد تلقاهو يضرب في الفودكا ويقول نمشي قرابة and#1636;and#1632; ميل لمحلات العرب عشان نجيب لحمة حلال |
ههههههههههههههههههههههههه
حلوة وملعوبة ياسيف اليزل والله دى احلى من اقوان ميسي
ابوالسيد تحياتى افتقدناك امس فى برنامج ابوبكر سيداحمد
| |
|
|
|
|
|
|
|
|
|
Re: أوهامات سودانية (Re: mohmmed said ahmed)
|
سلام يا محمد
عندك برضو وهمة إنو إحنا الأحسن أخلاقا
وإنو في الكرم ما بنتلحق
وفي التكافل الاجتماعي مافي زينا
وفي المروة والنجدة والشهامة نحنا وبس
وفي المجاملة والواجب نحن أسيادها
وإنو الناس التانين ما عندهم الحاجات دي كلها
كان عندي هذا الاعتقاد الباطل ^_^ حتى اغتربت
ثم اكتشفت إنها وهمة كبيرة خالص
عايشت مختلف الجنسيات في هذا الخليج
فوجدت كل المجتمعات فيها الكريم وفيها البخيل
وفي ناس (خاصة أهل الخليج) يحيروك في الكرم
وفي ناس منهم (خاصة أهل السعودية) يحيروك في النجدة والشهامة
وانظر لو تعطلت سيارتك في أي طريق وخاصة طريق سفري
تجد من المروءة من السعوديين ما يجعلك تراجع حساباتك
والله مرة ماشي العمرة طلعت من الشارع شوية وغرزت سيارتي في الرمل
وقفوا لي سيارتين سعوديين وواحد باكستاني
والشباب السعوديين بقوا يحفرا الرمال بيديهم ويلزوا في السيارة عشان تمرق
وبقوا يحاولوا يلزوا سيارتي من الخلف رغم إنو سيارتهم كانت كورولا موديل السنة
وأنا سيد الوجعة جاي ألز معاهم قالوا لي انت بس أركب سيارتك ونحن بنطلعك
وقالوا لي اتطمن تماما نحنا لو سيارتك دي ما طلعت ما ماشين من هنا
في الأخير اضطروا ينفسوا إطارات سيارتي عشان تطلع وطلعت
وقام واحد منهم من أهل المنطقة (الديرة) مشى قدامي وصلني لبنشر
ونزل بنفسو ملا لي اللساتك ورفض يخليني أعمل حاجة
من اليوم داك تغيرت نظرتي في السعوديين تماما
أيضا مسألة المواجبة في زيارة المريض والمآتم والأعراس
اكتشفت برضو إنو مجتمعات الخليج عندهم زينا بالزبط
الزول العنده مناسبة كل زول بقدم ليهو مساهمة
الزول العندو مأتم برضو لازم يجوا المقابر ويجوا بعد داك بيت العزاء
المريض لازم يزوروهو
وعيييييييب لو زول اتخلف من الحاجات دي
صاح نحنا عندنا الأمور دي كلها وبقوة في مجتمعنا
لكن فكرة إنو نحنا وبس دي هي الخطأ
| |
|
|
|
|
|
|
|
|
|
Re: أوهامات سودانية (Re: mohmmed said ahmed)
|
Quote: من وهماتنا التاريخية
وهمة
شجاعتنا وبسالتنا فى الحروب
ونحن الذين لم ندخل فى اى حرب مع دولة اخرى
يعنى
السيف المجرب فوق رقاب الناس
دا مجرب فى بعضنا البعض
والصقير الحام بعد ان دخلوها
حام فوق جثث سودانيين برضو |
فعلا دي اكبر وهمة
ـــــــــــــ
حكمة: المشكلة ما في الوهمة....المشكلة انك تفكها وتصدقها.!
| |
|
|
|
|
|
|
|
|
|
Re: أوهامات سودانية (Re: Mohamed Mekki)
|
وهمة
الفرشة والمعجون والمسواك
وهمة لها جوانب ايجابية فى الاهتمام بالنظافة
لكن
علاقة السودانى بالفرشاة والمعجون والمسواك عجيبة
نظافة الفم ليها خصوصية ومكانا الطبيعى الحمام
تلقانا فى الشارع الواحد شايل الفرشاة وينظف اسنانو
المسواك وخاصة فى رمضان فى المكتب وفى البص وفى السوق
مع مقارنات ######رية من الشعوب الاخرى
الحلب ديل ما بتسوكو الصباح
الليبى قبل ما يتسوك بيفطر
البت الرومانية النجفة دى ما بتسوك
والحلقة القادمة مع وهمة الخلال والتسريحة
| |
|
|
|
|
|
|
|
|
 Re: أوهامات سودانية (Re: Yousuf Taha)
|
| Quote: نحنا عربنا ايمانن قاطم بى الهايلوكس 78 |
** ود سيد أحمد..
** سلام وصباحك خير..
## تخيل من تخلفنا والمكنات المصدقنها إنو سعر الهايلوكس 78 و 81 أغلى من موديل 2010 ,, قال ليك ضهرو حار وفى التهريب بيمشى فى المطبات كأنك ماشايل فيهو حاجه ##
** المكنه التانيه :- كرونت الجيش إسمها أحفظ مالك وسوقا حار هذه الأيام.
** المكنه التالته:- العندو برادو الله رادو.
## ومن حِكم سماسرة العربات :- يازول أختأ الألمانى ....
** على قول ملاسى :- فــتـــأمــــل **
(ودام الود بيننا)
| |
|
|
|
|
|
|
|
|
|
Re: أوهامات سودانية (Re: محمد مختار جعفر)
|
سلامات يا محمد سيد أحمد
غايتو لو خليتني بوستيك دا ذاتو وهمة كبيرة في شكل احباط
يعني اتا عشان الكسرة بتتعب معدتك يبقي حبها بالنسبة للباقين وهمة ؟؟؟؟؟؟
وبالنسبة للأكلات الما سودانية فهل يجب أن يترك لها السودانيين في الخارج أكلاتهم اللى قامت عليها أكتافم وجرت في دمهم واللا يكون دي وهمة منهم ؟؟
طيب معني كدا انو الشعوب التانية الما بتاكل إلا أكلها اللي اعتادت عليهو ديل برضو عندهم وهمة .. وعلى كدا العالم دا كلو وهمة كبيرة قدر البحر الميت .
حب الناس مذاهب ياخ .. لو أنا يلقي راحتي في عربية تايوتا دون غيرها فما الوهمة في ذلك ؟؟ السودانيين كتار سايقين المرسيدس وغير المرسيدس فلماذا لا يكون حبهم
لهذه العربات غير التايوتا وهمة أشمعني يعني التايوتا ؟؟
وبالنسبة لى قصة الحروب دي بالغت فيها وعملتها ظاهرة ومحبرة عديل كدا .. يعني ناس كرري تحدث عن رجال كالأسود الضارية
وأم دبيكرات وفتح الخرتوم وما عارف شنو كدا دي وهمات من نسج الخيال واللا الناس الحاربوا ديل ما سودانيين واللا شنو ؟
ها زول خليناك لى الله .
| |
|
|
|
|
|
|
|
|
|
Re: أوهامات سودانية (Re: طلحة عبدالله)
|
أكبر وهمة وربما يكون محمد سيد أحمد من المشاركين فيها مع إنو بينتقد الوهمات فهي وهمة جيلنا وجيلكم ويااا حليل زمنّا وزمنكم .. وإنتو ما شوفتو حاجة يا اولاد ..يا حلييل ايام زمان ايام سينما برمبل ..
| |
|
|
|
|
|
|
|
|
 Re: أوهامات سودانية (Re: عمر الفاروق)
|
ما تنسى وهمة الكاتب السنير فى سودانيزاونلاين
غايتو بارك الله فى بكرى استورد برالمة بالجملة قلبوا الطاولة وما زالت الوهمة مستمرة
:
:
:
:
:
:
:
:
:
مع التحيات لله الزاكيات
| |
|
|
|
|
|
|
|
|
 Re: أوهامات سودانية (Re: محمد حمزة الحسين)
|
بوستك هذا ذكي جداً و محترم جدا .و بالمناسبة موضوع البوست هذا يمكن إدراجه تحت باب دراسة الشخصية السودانية(و هو مشروع دراسة خاصة أنوي أن أقوم بها إن شاء الله) لذلك فأنا احتفي ببوستك هذا و أشيد به ايما إشادة .كما أنه محاولة لطرح موضوعات مفيدة فإنه يجعلنا نحاول رؤية عوجة رقبتنا التي لا نرى عوجتها إطلاقا و لا نعترف بها.
توضيح خاص:قرأت لك موضوع (لست ماركسيا أو لسنا ماركيين) و أعجبت به و طبعا لم استطيع أن اتابعه كله لقصور مني(كما أعرف قصور من كثير من الأعضاء) لفهم كل محتوى الموضوع .و طبعا لمت نفسي على ذلك و كنت أنوي أن أعلّق عليه في إطار (انقضاء ثلاثة أشهر ) على حصولي على عضوية المنبر و لكن انشغلت بمشروع اكاديمي منعني من أقوم بذلك.المهم موضوعك ذاك كان فوق طاقة الفهم العادي.و لكنه يطرح موضوعات غابت عن الساحة الإعلامية و الصحفية مما جعل كثير من المعلومات و الحقائق تغيب عننا.
أكرر إعجابي ببوستك الحالي و السابق الذي ذكرت و آسف على الإطالة و الإستطراد و طرق أكثر من موضوع .
| |
|
|
|
|
|
|
|
|
|
Re: أوهامات سودانية (Re: محمد حمزة الحسين)
|
بوستك هذا ذكي جداً و محترم جدا .و بالمناسبة موضوع البوست هذا يمكن إدراجه تحت باب دراسة الشخصية السودانية(و هو مشروع دراسة خاصة أنوي أن أقوم بها إن شاء الله) لذلك فأنا احتفي ببوستك هذا و أشيد به ايما إشادة .كما أنه محاولة لطرح موضوعات مفيدة فإنه يجعلنا نحاول رؤية عوجة رقبتنا التي لا نرى عوجتها إطلاقا و لا نعترف بها.
توضيح خاص:قرأت لك موضوع (لست ماركسيا أو لسنا ماركيين) و أعجبت به و طبعا لم استطيع أن اتابعه كله لقصور مني(كما أعرف قصور من كثير من الأعضاء) لفهم كل محتوى الموضوع .و طبعا لمت نفسي على ذلك و كنت أنوي أن أعلّق عليه في إطار (انقضاء ثلاثة أشهر ) على حصولي على عضوية المنبر و لكن انشغلت بمشروع اكاديمي منعني من أقوم بذلك.المهم موضوعك ذاك كان فوق طاقة الفهم العادي.و لكنه يطرح موضوعات غابت عن الساحة الإعلامية و الصحفية مما جعل كثير من المعلومات و الحقائق تغيب عننا.
أكرر إعجابي ببوستك الحالي و السابق الذي ذكرت و آسف على الإطالة و الإستطراد و طرق أكثر من موضوع .
| |
|
|
|
|
|
|
|
|
|
Re: أوهامات سودانية (Re: محمد عبد الله الحسين)
|
سلام
عمر الفاروق
انت قابل الوهمات خاتينى
كل جيل بى وهماتو
وانا البعرفا وهمات جيلنا القديم
سلام يا طلحة
يازول وهماتى لو ما دايرا
ورينا وهماتك
سلام
محمد عبد الله
شكر على الاشادة بالبوست
والمغزى فعلا النظرة لشخصيتنا السودانية بطريقة ساخرة ناقدة
ما كتبت بوست بعنوان لست ماركسيا
فى بوست زى دا لكن ما متذكر بتاع منو
| |
|
|
|
|
|
|
|
|
|
Re: أوهامات سودانية (Re: mohmmed said ahmed)
|
يا أبو حميد اصلا هنا في البوست دا ما شايف لي وهمات عشان أدورا واللا أرفضا ..
وأنا والله ما عندي اية وهمات اللهم إلا وهمة الغربة الكبيرة القدر جبال الهملايا ..
واتا عامل ايه يا محمد سيد أحمد ياخ ؟
| |
|
|
|
|
|
|
| |
mohmmed said ahmed
Hani Arabi Mohamed
Nader Abu Kadouk
Mohamed Mekki
عباس محمود
نادر النور آدم
محمد جلال عبدالله
عصام علي أحمد
Yousuf Taha
عبدالكريم أحمد الامين
محمد مختار جعفر
عمر الفاروق
محمد عبد الله الحسين
محمد جمعه الخير
فيس بوك
تويتر
انستقرام
يوتيوب
بنتيريست