|
Re: يوما ما ساتبول على قبرك يا مامون حميدة (Re: Ayman Khalifa)
|
وتبول على قبرو بعد ما يموت ليه !! ما تحاول تبول على راسو وهو حي.. كدة بيكون اشفى لغليلك .. وانجع لإنتقامك .. وأشجع لنفسك..
لكن البول على قبر ميت بعد ما يموت لا معنى له غيــر الإساءة لحرمة الاموات..
ـــــــــــــــ شايف الجندي الامريكي تمت محاكمته على بوله على راس واحد من الطالبان ..
عموماص تحياتي وربنا يجنبك ويعصمك من الايفاء بنذرك دا..
| |
|
|
|
|
|
|
Re: يوما ما ساتبول على قبرك يا مامون حميدة (Re: HAIDER ALZAIN)
|
Quote: وتبول على قبرو بعد ما يموت ليه !! ما تحاول تبول على راسو وهو حي.. كدة بيكون اشفى لغليلك .. وانجع لإنتقامك .. وأشجع لنفسك..
لكن البول على قبر ميت بعد ما يموت لا معنى له غيــر الإساءة لحرمة الاموات.. |
القول ما قال حيدر .. . لكما التحية .. . على العموم يا حبيب رسالتك وصلت ..
محبتي ..
| |
|
|
|
|
|
|
Re: يوما ما ساتبول على قبرك يا مامون حميدة (Re: عمر نملة)
|
-
للأسف أخي أيمن لن يتحقق مبتغاكم..
وإن تواصل حكم الإنقاذ ..
وإن استمر وزير صحتنا في تثبت مؤخرته على كرسي الوزارة.. فتأكد بأن زيت "الزيتونة" سوف يضئ وينتشر سواده بمساحة السودان كلها ..
وستبتلع الزيتونة السوداء السودان وتطلع زيته وتحوله إلى مقبرة..
عندها لن يبقى على وجه الأرض من أهل السودان سوى صاحب الزيتونة.. وبعض الكلاب الضالة التي ربما تأتي استجابة لرغبتكم لتتبول على الشواهد الأسمنتية والحديدية لتلك المقبرة التي كان اسمها السودان..
وزير صحتنا وبعض الكلاب الضالة هي التي ستنال شرف التبول على شواهد قبري وقبرك وليس العكس.
... .. .
| |
|
|
|
|
|
|
Re: يوما ما ساتبول على قبرك يا مامون حميدة (Re: الصادق عبدالله الحسن)
|
لا لا لا يا أيمن ياخى خليك عاقل الكلام ده ما صاح في حقك .... للموتى حرماتهم ... وللقبور حرماتها ... ولا يهم الشاه سلخها بعد موتها ... انت امشى ليهو بالسكة عديل وسوى الداير تعملوا معاهو وهو حى لكن شنو الفايدة بعد ما يموت وبشبع مووووت .. كدى راجع نفسك وما تشيلك الهاشمية ساكت .. تحياتي
| |
|
|
|
|
|
|
Re: يوما ما ساتبول على قبرك يا مامون حميدة (Re: Ayman Khalifa)
|
رغم اتفاق ا لجميع على اخطاء الدكتور / مأمون حميدة ولكن الامم الراقية هى من تحيل المفسدين للقضاء ليحكم بالعدل . البوست من وجهة تظرى فارغ لمخالفتة لكافة النظم والاديان . كل الديانات تدعو لاحترام الموتى ، فكيف لك تجرءو وتجاهر بمثل هذا القول القبيح . اننا مستاءون من سياسة الدكتور من افعاله و ما يقوله عنه الناس واعتقد من يحبه الله يحبه الناس وهذا الرجل الدكتور لايوجد اجماع على حب الناس له . ومن ناحية ثانية هل تضمن ان يموت قبلك فمن المحتمل ان تموت قبله . المعارضة يجب ان تكون بصورة حضارية كما يحدث في الامم الراقية . النظام افزعناوحول حياتنا لجحيم ودمر كل البنى التحتية من مشروع الجزيرة وانتهى الحال لبيع مصانع السكر ، علاوة على فصل الجنوب . ولكن يبقى الامل في التغيير السلمى الراقى ومحاكمة كل من تورط محاكمة وطنية تقوم بها محاكمنا المختصة مع توفير هيئات دفاع لجميع المتورطين ووقتها يحكم القضاء ويقول كلمته . اخى / أن هذا البوست سئ للغاية ولا علاقه له بإخلاق السودانين المعارضين الشرفاء وامل سحبه .
| |
|
|
|
|
|
|
Re: يوما ما ساتبول على قبرك يا مامون حميدة (Re: Ayman Khalifa)
|
Quote: شكلك عاوز تشتهر سريع تلقي انت هسي حسبتها في راسك قلته طيب انا ممكن ياايمن لو كتبته مواضيع عاديه مافي زول بشتغل بي طيب ياايمن ياخي انت خليك معارض شرس كدا وجيب ليك مواضيع فيها نضال وكدا ,, انت قلته يااااخ دي عاوزه زمن طوويييل اهووو ناس معاوي الصايم وناس كدا بعد سنيين اشتهروو طيب ياايمن تعمل شنو وسط العمالقه ديييل ياايمن اممممم انت طبعا تلقي بتفكر في الليل كلو اعمل شنو شنو شنو يالله عشان اشتهر ايواااااااااااااااا تقول بسسسس اقول لي حاجه في مسؤل في الحكومه مغضوب علييه عند المعارضه واشتم كدا ناس المعارضه بجوو طواالي بخشو معاي بسس اكتب لي عنوان كدا ااقول انا حجي ابو ابول وناس هناي بجو يتمو لي الباقي صح اخ اخ
|
من هذا parasites المتسلق من اسفل
| |
|
|
|
|
|
|
Re: يوما ما ساتبول على قبرك يا مامون حميدة (Re: الحاج حمد الحاج)
|
اخونا ايمن سلام ... وخالص التحايا ياجماعة الزول ده قال عايز يبول فى قبر الزول والقصة دى اكيد عندها مسبباتها وفى كل الحالات اخونا ايمن ده يااما هو ممكون شخصيا من مامون حميدة ده او مستلف لسان زول تانى عشان يجيب العنوان الصادم ده ! اها ياايمن ورينا نومتك وين عشان نتضامن ولا كمان نردم لينا كم نصيحة دينية بى جاى ( وش ضاحك )
| |
|
|
|
|
|
|
Re: يوما ما ساتبول على قبرك يا مامون حميدة (Re: nazar hussien)
|
سلامات يا اشرف
حقيقة كنت متعاطف معاك شديد رغم اختلافي معك في طريقة
اخذ حقك من مامون حميدة .....
لكن ....
بعد ماكتبت للاخ مصعب من الفيسبوك
Quote: من هذا parasites المتسلق من اسفل |
تاكد لي انك ماعندك موضوع ... او ماقادر توصل رسالة
لانو الاخ قال وجهة نظروا وده حق مكفول للجميع سوا كان عضو في المنبر
او داخل من الفيسبوك فما عندك اي حق ان تصفه بالمتسلق لاختلافه معك في الراي
علما بانه الوحيد الرديت عليه مباشرة .
المهم.....
اذا كان هناك مايدعوك لفعل ذلك بمامون حميدة فياريت
تكتبه بكل وضوح وشوف ردة فعل الناس شنو ...!!!!!
تحياتي
| |
|
|
|
|
|
|
Re: يوما ما ساتبول على قبرك يا مامون حميدة (Re: haroon diyab)
|
Quote: تاكد لي انك ماعندك موضوع ... او ماقادر توصل رسالة |
ماذا تريد ان تعرف يا رجل ....هل انت مغيب ومنفصل عن الواقع،كل من يريد ان يعرف فاليذهب الى اقرب مستشفى فى المدن الثلاثة ...انعدام الادوية انحطاط الخدمات الموت الذى اصبح جزء من الروتين اليومى فى كل الاقسام الجهل الطبى اصبحنا يا عزيزى فى القرون الاولى ....التراخيص الطبية التى اصبحتت تعطى لكل من هب ودب ...وكاننا فى زمن الرق بيع المستشفيات ...هجرة الكادر الطبى المؤهل .. انة الطاعون اتت بة الانقاذ وهو فى ارزل العمر ...كانهم يعلمون بان الرجل مولود فى الفساد ...لا انة منبع الفساد الاخلاقى والدينى حتى الشيطان يتبراء منه ..... ساتبول على قبرك يا مامون حميدة
| |
|
|
|
|
|
|
Re: يوما ما ساتبول على قبرك يا مامون حميدة (Re: Ayman Khalifa)
|
Quote: يوما ما ساتبول على قبرك يا مامون حميدة وعد منى ما حيت ..... |
أيمن ياصديقي .... لك الود والتحايا الطيبات .... حكاية البول على المقابر دي .. زي ماقالوا ليك الجماعة مالذيذة وإذا كنت مصر على حكاية "بولندا" دي فأحسن ليك تعملها على طريقة صديقنا الشاعر عبدالرحيم أبوذكرى .. طيب الله ثراه .. وتقبل روحه مع الصديقين والشهداء .. فقد قال في إحدى روائعه: يازمن الحشود والسلاح والسماسرة يازمن العواهر المراهقات يازمن المساومات إن كان هذا عصرنا فإنني أهجم بضراوة عليه وإنني (من بعد إذنكم) أبول فوقه أزدريه ودي وتقديري ومحبتي ....
| |
|
|
|
|
|
|
Re: يوما ما ساتبول على قبرك يا مامون حميدة (Re: بابكر قدور)
|
الغالى بابكر والاخوة ,,لم اكن اتصور ولو للحظة ان يصل السودان فى عهد هذا الديناصور الى هذا الحد ...من تشريد وطرد وبيع ...وشراء لم اكن اتصور ان تنتزع الرحمة من قلوب الاطباء والممرضات الى هذة الدرجة شبح الموت استوطن المستشفيات والاسرة حتى كنت ارى التعازى فى عيون الامهات وهن جالسات على ركن (العنبر ) لا حولة لهن ولاقوة ...ولا مال وقداستوطن الوهن فى اجسادهن فى ما تيقى داخل عنبر الاطفال جيل المستقبل .. وهم يموتون الواحد تلو الاخر .... ما ذنب هؤلاء ماذا يقول لربة وهو مسؤول مسؤلية مباشرة..ان فى القلب حسرة وغل انا لا اطالب باصلاح بل تنحى لمن هم كوادر شابة اطباء واداريين ذو خبرة وممارسة عملية يقودو ما تبقى من مملكة مامون حميدة التى ورثها عن (ابية ) حتى ياتى يوم (واتبول على قبرة )
| |
|
|
|
|
|
|
Re: يوما ما ساتبول على قبرك يا مامون حميدة (Re: Ayman Khalifa)
|
ياشيخ أيمن طالما إنت ماداير تسمع كلام أخوانك الكبار ومصر تعمل عملتك الما لطيفة زى ماقلت ليك فى البوست السابق فأنا أقترح عليك تغيير عنوان البوست لعنوان يكون متوجه حضارىا : ( يوما ما سأقطع الجمار على قبرك يامامون حميدة) . أها رأيك شنو ياعم أيمن قصرنا فى المساعدة ؟
| |
|
|
|
|
|
|
Re: يوما ما ساتبول على قبرك يا مامون حميدة (Re: قلقو)
|
Quote: يوما ما ساتبول على قبرك يا مامون حميدة |
يا سبحان الله. الخوف خشم بيوت، إلا انني لم أسمع أو أقرأ لأحد ( مرعوب) أكثر من هذا! أنتما أحياء وتنتظر موته بفارغ الصبر لتنتقم؟ وإن مت قبله، تموت بحسرتك؟ ما يضر الشاة سلخها بعد ذبحها. وما هو الفرق بين (بول) كل (ج ب ان) رجلا كان أو إمراة،( وقوفا أو جلوسا) على قبر (مرحوم)، حتى إسمه بعد موته يتغير (للمرحوم) ولم يعد بروف. مامون حميدة، ورسمه يتغير عظام نخرة، فما الفرق بين بوله و(بول) ك ل ب (ضال)؟؟؟ إربأ بنفسيكما يا(هذا وهذه) حتى (الجمل) الحقود لم يفعلها،أو ربما سبقتما إبليس بها!
| |
|
|
|
|
|
|
Re: يوما ما ساتبول على قبرك يا مامون حميدة (Re: Ayman Khalifa)
|
Quote: الخوف خشم بيوت، إلا انني لم أسمع أو أقرأ لأحد ( مرعوب) أكثر من هذا! أنتما أحياء وتنتظر موته بفارغ الصبر لتنتقم؟ وإن مت قبله، تموت بحسرتك؟ ما يضر الشاة سلخها بعد ذبحها.
|
عن اى شى تتحدث يا حماد ركز شوية وين الرعب ومن ماذا الرعب ؟؟؟واى شاة تضر بعد سلخها وكيف اموت بحسرتى ومما اتحسر ؟؟؟ اتق الله فى نفسك يا حماد وما تمسك العصاية من الاخر . مودتى
| |
|
|
|
|
|
|
Re: يوما ما ساتبول على قبرك يا مامون حميدة (Re: عبد العزيز محمد عمر)
|
.. .Quote: نسال الله السلامة بالجد حاجة تقرف |
سلامة شنو ؟ وقرف شنو يا ود الباوقة .. قرف كلام الزول دا ولا القرف البعملو وزير صحتكم بتجفيف مستشفى جعفر ابن عوف للاطفال وطرح مساحات من مستشفى الخرطوم للاستثمار.. ولا مركزية المستشفيات وتوزيعها فى جبل اولياء وامبده بلا خطط ولا توفيرامكانيات ولا دوره فى مغادرة 3 الف طبيب وطبيبة . وعلى مرأى من الدولة .. ناهيك عن التجارة فى التعليم والصحة وهى اهم خدمتين يجب توفيرهما بمجانية للمواطن مع استغلال موارد الدوله ببركاتكم -------------
عليك الله اختشوا على دمكم .
| |
|
|
|
|
|
|
Re: يوما ما ساتبول على قبرك يا مامون حميدة (Re: عبد العزيز محمد عمر)
|
سلام يا أيمن ياخ مؤسف جدا أن نقرأ مثل هذا الكلام ياخ لا تأمن هذه الدنيا وغدرها لو واحد قدامك الأطباء قالوا ليه باقي ليك ساعات لتعيش لا تأمن ابدا ألا تسبقه أنت وترحل قبله ربنا لا يرضى مثل هذا القول وتبييت النية السيئة ليس في صالحك لو عندك رسالة تريد توجيهها الى مامون حميدة فأفعل لكن لا تأمنن غدر الزمان فلربما يعجل لك الله بالرحيل قبله وإن لم يحدث لربما يصيبك بمرض يمنع عنك التبول آنذاك فيا حبيب انظر الى هذه الدنيا بمنظار اوسع ومامون حميدة مجرد فرد لا ينقصه او يزيده تبولك فوق فبره من عدمه ياخ الجنود الأمريكان العملوا كده من قبل انا حتى الان غير مصدق لما فعلوه بالمناسبة الدنيا دي لو عندك حق فيها عند زول تأكد ان لك رب سيرجعه لك
| |
|
|
|
|
|
|
|