|
|
 ذكر مسلم !!!!
|
زمان (يعني مش أوي) عندما كنا نتمخطر بين ميعة الصبا وعز الشباب كانت إحدى صديقاتي الجميلات الموهوبات
ترفض كل من يتقدم إليها من العرسان بحجة أنه غير مستوفي للشروط القاسية التي تضعها نصب عينيها برا
وجوا وبحر ، في البيت ، في الشارع ، في المسرح ، كنت في بعض الأحيان استنكر بعض البنود أطالبها بتعديلها
ذلك لأن الكمال لله وحده فيجيء ردها حاسما، صارما، قاطعا : "إما شروطي وإما فلا"!!!!
بصراحة بالرغم من ذلك كنت ولا زلتأحب هذه الصديقة العزيزة لصفات لم تتوفر في غيرها، وربما لن تتوفر في هذا الزمن
كما كانت والدتها تستنجد بي كلما تقدم إليها عريس وكان مصيره الرفض ، وقد كانت تبدأ محادثتها بشايفة صاحبتك
المجنونة صاحبة الشروط التعجيزية جاها عريس كذا وكذا ورفضته عشان هي بتصر على أن يجمع العريس بين الجوهر والمظهر
المكانة العلمية والاجتماعية والأدبية، وأذكر أنه تقدم لخطبتها ذات مرةأحد الجراحين السودانيين الدوليين المشهود
لهم ولكن رفضته بحجة أنها "ما بتقدر تصابح وش بالشناة دي " ولم يشفع للجراح المشهور علمه وأدبه ولا حسبه أو نسبه
لذلك أنصح السواد الأعظم من السودانيين بالتوجه فورا إلى جراحي التجميل لإنقاذ ما يمكن إنقاذه فعسى ولعل
أن يصلح العطار ما أفسده الدهر أو أن يستوفوا الشروط .(وش ضاحك)
التقيت صاحبتي في المرة الأخيرة فقلت لها مداعبة أنا خايفة يكون سقف شروطك قد هوى إلى ذكر مسلم فقط ...
ضحكت من أعماقها وببراءتها المعهودة قالت : ما حتصدقي سقف شرطي الآن هو ذكر فقط
حتى وإن لم يكن مسلما ... ألم أقل لكم إنها نقية ولطيفة وشفافة ؟؟؟
عموما السؤال المطروح يا أمة الأمجاد "أيهما الأهم الحب أم توافر الشروط المطلوبة لبناء
حياة زوجية سعيدة ؟ فإذا انتصرنا للحب وقلنا أنه الأهم فقد فشلت الكثير من التجارب التي قامت على الحب
فيما نجحت زيجات عديدة بنيت على المودة والرحمة ، ولم يكن للحب أي دور فيها ! أفيدونا أفادكم الله فما زالت هناك
فتيات يتمسكن بشروطهن التعجيزية بدون وعي أو نصح و إرشاد من قبل الأهل وفتكم بعافية"...
ملحوظة : أتمنى أن لا تصبوا جام غضبكم على صديقتي فهي إنسانة رائعة بكل ما تحمل الكلمة من معان.
|
|
  
|
|
|
|
|
|
|
 Re: ذكر مسلم !!!! (Re: عواطف ادريس اسماعيل)
|
الحبيبة عواطف
أنا لا ولن وسوف لن اقتنع بشيء اسمه الحب قبل الزواج وعليك الله ضعي مليون خط تحت قبل الزواج دي
الحب بعد الزواج وأنا مقتنع بالزوجة التي تختارها في ظروف اسرية او في عن طريق الصدفة او عن طريق المشورة
لأن هذا الاختيار سيؤدي إلى التفاهم وسوف تسكن المودة والرحمة هذا البيت الجميل
قولي لي ليه بالله؟؟؟
لأنو لمن يدخل العريس على العروس وهما لا يعرفان بعضهما يبدآن بالتعرف على بعضهما رويداً رويداً
ويعبر كل منهما للآخر عن ما يحبه وما يكرهه خصوصاً ان فترة أيام العسل ستكون هي السر في أن يفك كل منهما شفرة الآخر
وتحترم العروس عريسها لأنها لا تفهم اي شيء عنه وهي تحاول دائماً ان تظهر ابدع ما عندها وكذلك العريس يحاول ان يعطي
جل ما عنده حتى ترتاح هذه الأميرة في ملكه (بضم الميم).
ناس الحب ديل كلموا كل الحاجات قبل الزواج إلا شيء واحد وعشان كدا تكون كل الأشياء واضحة وعندما تبدأ الحياة الحقيقية بينهما
وتبدأ الأقنعة في السقوط تكون النهاية الحتمية لهذه العلاقة.
بجيك تاني يا بت ادريس
| |
|
|
|
|
|
|
|
|
 Re: ذكر مسلم !!!! (Re: الصادق صديق سلمان)
|
أخي الصادق
وإنت الصادق فعلا
عارف ومع احترامي لكل المحبين
والعاشقين أن فترة الحب والخطوبة دي
هي فترة لتزييف المشاعر ، والظهور بمظهر غير
حقيقي والله بقول ليك الكلام دة عن قناعة وتجربة
شخصية وبعد السكرة بتجي الفكرة حيث تجد أن الشخص
الذي كنت تعتقد إنه مثالي ما هو الإ شخص عادي له سلبيات وإيجابيات
ولكن السلبيات بيكون وقعها أسوأ لأنها كانت مخفية
ويظهر الوجه الحقيقي وبعدين تحصل الصدمة الكبرى
عموما أنا لست ضد الحب ولكن أثبتت التجارب إنه فااااااااشل
إلا من رحم ربي حتى لا نظلم البعض
مودتي
| |
|
|
|
|
|
|
|
|
 Re: ذكر مسلم !!!! (Re: الصادق صديق سلمان)
|
سلامات يا عواطف,,,| Quote: ما حتصدقي سقف شرطي الآن هو ذكر فقط حتى وإن لم يكن مسلما ... ألم أقل لكم إنها نقية ولطيفة وشفافة ؟؟؟ |
كيف يعنى!!! نزلت السقف وصولا ونزولا إلى المحطة الأخيرة ألا وهي محطة الذكورة فقط !!!!!!!!!!!!
عليها ألا تنسى طلب رؤية شهادة الضمان والتأمين على السقف الجديد!!
تحياتى,,
| |
|
|
|
|
|
|
|
|
 Re: ذكر مسلم !!!! (Re: أيمن الطيب)
|
إيموني ...
معزتي ...
وكمان ال bank statement وشهادة الخلو من الأمراض المزمنة والمستعصية ، وكمان يكون
مقطوع من شجرة لا أم ولا أب ولا أخوات لزوم الانفراد ...
شكرا أيمن
| |
|
|
|
|
|
|
|
|
|
Re: ذكر مسلم !!!! (Re: عواطف ادريس اسماعيل)
|
Quote: وكمان ال bank statement وشهادة الخلو من الأمراض المزمنة والمستعصية ، وكمان يكون
مقطوع من شجرة لا أم ولا أب ولا أخوات لزوم الانفراد ... |
بالطريقة دى دا ممكن تكون محاولة إيجاد إرتفاع سقف جديد!!
أو محاولة مراوغة ولعب بالشروط,,
ياخ الزولة دى ما تعرش على كدا!!
أو تشيل السقف برة خالس خالس,,
تحياتى,,
| |
|
|
|
|
|
|
|
|
|
Re: ذكر مسلم !!!! (Re: أيمن الطيب)
|
الأخت الحبيبة بت ادريس
Quote: عموما أنا لست ضد الحب ولكن أثبتت التجارب إنه فااااااااشل
|
انا زاتي مع الحب ولكن الحب الشرعي الذي يجعلك تذوب في حبيبك
ولكن ناس احبك وحبني ديل تعبانين ساااكت
أخي ايمن
Quote: ياخ الزولة دى ما تعرش على كدا!!
أو تشيل السقف برة خالس خالس,,
|
زي دي أنا ولا بتعب نفسي بالنظر إليها حتى ناهيك عن أنو اقوم اطلبها لنفسي لتكون زوجة ورفيقة درب في السراء والضراء
الزواج سترة يا حبيب.
| |
|
|
|
|
|
|
|
|
|
Re: ذكر مسلم !!!! (Re: الصادق صديق سلمان)
|
| Quote: عموما السؤال المطروح يا أمة الأمجاد "أيهما الأهم الحب أم توافر الشروط المطلوبة لبناء |
الحب الأهم
وفي المحب أو الحبيب لو توفر
الأخلاص .. الاحترام .. الصدق .. التقدير
كل شئ بجي مندرج تلقائي تحت تلك المسميات
ونحن نتمسك بشئ واهي كخيط العنكبوت ( الجمال والمظاهر )
ونسينا أن الإنسان يخلق خلقتين والثالثة عفريتا
جمال الطفولة في الكل ..جميل وسط شين في المرحلة الوسطى .. ثم العفريتا بعد تخطي سن الخسين
يعني الكل ببقى عفريتا
عشان نمسك في الباقي ( حسن الخُلق ودا البجلب السعادة )
| |
|
|
|
|
|
|
|
|
 Re: ذكر مسلم !!!! (Re: الطيب شيقوق)
|
Quote: لذلك أنصح السواد الأعظم من السودانيين بالتوجه فورا إلى جراحي التجميل لإنقاذ ما يمكن إنقاذه فعسى ولعل
أن يصلح العطار ما أفسده الدهر أو أن يستوفوا الشروط .(وش ضاحك) |
جراحة تجميل عشان اتزوج سودانية ؟!!
غلطان الجيت من لبنان ..
لم أأتي لحوار فصديقتك لم تأتي لعرس ..
تحياتي عواطف ..
| |
|
|
|
|
|
|
|
|
|
Re: ذكر مسلم !!!! (Re: فايزودالقاضي)
|
لم أأتي لحوار فصديقتك لم تأتي لعرس ..
هههههههههههه يا قريبي ..
نفس التعليق الكنت حا أقولوا لعواطف ..تصدق ؟!
،،،،،،،،،،،،،،
عارفة يا عطوفة : موضوع العرس دا موضوع معقد شدييييد ..
ومافي وصفة جاهزة لزيجة ناجحة ( حسب رأيي ) .
عشان كدا العايز العرس ..يتحزم ويتلزم ويتوكل على الله بس ..:)
| |
|
|
|
|
|
|
|
|
 Re: ذكر مسلم !!!! (Re: AMNA MUKHTAR)
|
أمونة في البنوت فريدة
يسعد مساك الجميل
عارفة يا أمون العرس دة زي البطيخة يا أم حمرا أو بيضا
وزي ما قلت الواحد يعقلها ويتوكل ولو فشل يطلع من الموضوع بأقل خسائر ممكنة
محلتي
| |
|
|
|
|
|
|
|
|
|
Re: ذكر مسلم !!!! (Re: فايزودالقاضي)
|
ود القاضي ...
والله يا بعد عمري من شدة ما ضحكت لمن الراجل قال المرة دي جنت ولا شنو ؟
لا تعد إلى لبنان يا عزيزي فصديقتي فعلا أتت لعرس وقد حجزت القاعة وفرفور ...
لا لا لا تعد فخيال العروس يدرك النائي القصيا
يو ميك ماي داي
| |
|
|
|
|
|
|
|
|
|
Re: ذكر مسلم !!!! (Re: الصادق صديق سلمان)
|
Quote: انا زاتي مع الحب ولكن الحب الشرعي الذي يجعلك تذوب في حبيبك
ولكن ناس احبك وحبني ديل تعبانين ساااكت |
أخي الحبيب الصادق
الحب جميل "... جميل الحب ولكن زي ما قلت بدون رنوش بل أن يحبني وأحبه ويحب ناقته بعيري
ودي
| |
|
|
|
|
|
|
|
|
|
Re: ذكر مسلم !!!! (Re: أيمن الطيب)
|
هههههههههههه
والله الزمن دة الناس بقت تعرش من حجر الأساس
ذكراتي واحد سوداني مغترب كان بيدفع لأهله فلوس البناء لمدة عشرة
سنوات والبيت ما خلص آخر مرة قال ليهم وصلتوا لغاية وين
قالوا ليه يعني ربع متر من الأرض قال ليهم خلاص أعرشوه ههههههههههه
\شكرا أيمن
| |
|
|
|
|
|
|
|
|
|
Re: ذكر مسلم !!!! (Re: عواطف ادريس اسماعيل)
|
ود القاضي
| Quote: جراحة تجميل عشان اتزوج سودانية ؟!! |
يا ريتك اكان شفت لمة السودانيات المسائية واحدات جالسات في الهباب وواحدات ماساكات المقاشيش يقشن في الارض جوار الجيرمان بيكري
| |
|
|
|
|
|
|
|
|
|
Re: ذكر مسلم !!!! (Re: الطيب شيقوق)
|
Quote: يا ريتك اكان شفت لمة السودانيات المسائية واحدات جالسات في الهباب
وواحدات ماساكات المقاشيش يقشن في الارض جوار الجيرمان بيكري |
كل شيتك
مقاشيش
هبابة
ونطع
والله انا الوحيد العارف حبك لهذا البوست ...
مواضيع عواطف الاجتماعية بتجيب نسايم النضمي البدورو
( هبابة ... ومقشاشة ... وكنش ومفراكة وفندك وبلنجة
وما خفيَّ شوية اعظم .... مسنوح لدرجة الأهمال ومسخوت لدرجة طاقية الكابوي
انا ............... الفجخ الطين
عبلاج هزَّ لي ضنبو
دي اغنية ما انت العبلاج
انت ود السرور يا جنى البردانة
ولحين ميسرة
مابقدر اشوف وجيهك دا وما اديك حبة سم دقر ( مفتون بيك )
| |
|
|
|
|
|
|
|
|
|
Re: ذكر مسلم !!!! (Re: خالد علي محجوب المنسي)
|
مواضيع عواطف الاجتماعية بتجيب نسايم النضمي البدورو
( هبابة ... ومقشاشة ... وكنش ومفراكة وفندك وبلنجة
وما خفيَّ شوية اعظم .... مسنوح لدرجة الأهمال ومسخوت لدرجة طاقية الكابوي
انا ............... الفجخ الطين عبلاج هزَّ لي ضنبو
دي اغنية ما انت العبلاج
انت ود السرور يا جنى البردانة
ولحين ميسرة
مابقدر اشوف وجيهك دا وما اديك حبة سم دقر ( مفتون بيك )
ود المنسي مالك على الزول خطف منك جكس ولا شنو ؟؟
| |
|
|
|
|
|
|
|
|
|
Re: ذكر مسلم !!!! (Re: خالد علي محجوب المنسي)
|
Quote: كل شيتك
مقاشيش
هبابة
ونطع |
غايتو ربنا ابتلانا بناس اكان الواحد كلامو مختوم ومبرشم بالشمع الاحمر يسلطوا عليهو يفتحوهو
عذبتنا يا عون الشريف قاسم
Quote: والله انا الوحيد العارف حبك لهذا البوست ...
مواضيع عواطف الاجتماعية بتجيب نسايم النضمي البدورو
( هبابة ... ومقشاشة ... وكنش ومفراكة وفندك وبلنجة
وما خفيَّ شوية اعظم .... مسنوح لدرجة الأهمال ومسخوت لدرجة طاقية الكابوي |
طوفي امشي من بوستيك دا اخليهو لعتيّد البرمة دا ؟
| |
|
|
|
|
|
|
|
|
|
Re: ذكر مسلم !!!! (Re: الطيب شيقوق)
|
يا ريتك اكان شفت لمة السودانيات المسائية واحدات جالسات في الهباب وواحدات ماساكات المقاشيش يقشن في الارض جوار الجيرمان بيكري
والله يا شيقا دي صورة ذهنية رهيبة
ههههه يديك العافية آل جاي من لبنان آل ...
| |
|
|
|
|
|
|
|
|
|
Re: ذكر مسلم !!!! (Re: عواطف ادريس اسماعيل)
|
سلامات
تعرفي عندي بت اخت قالت شرطها الاساسي يكون سمح ولو شحاد
اعتقد الشروط للمرأة الناضجة المفروض تكون تخص الجوهر لانه الجوهر بيبقى ويتغير الشكل
لو رشيق حيسمن ويكرش ولو شعرو كثيف حيصلع. الخ ال عوامل التعرية التي تصيب الرجال
الحاجة الاحظتها مؤخرا ان فارق العمر بين الزوجة والزوج رجع تاني يبقى كبير جدا
على ايامنا كان الفارق بيكون 5 سنة على الاكثر..الان مكن يكون عمر العروس مضروب في 2 او 3 حتى يكون عمر العريس
اخت صديقتي ترفض كل المتقدمين لها بحجج واهية مرة اتقدم ليها واحد رأت الاسرة انه الكمال وشرعت في اقناعها
اي زول يقوليها اخيرلك اخيرلك( عبارة شايقية ) قامت خالتها قالت ليها يا بنيتي كلنا عرسنا باخيرلك اخيرلك دي والحبة ما جاتنا.
ولذلك اذا تقدم شخص مناسب يجب ان نستخدم خيار اخيرلك اخيرلك..
مع التحية ليك
| |
|
|
|
|
|
|
|
|
|
Re: ذكر مسلم !!!! (Re: الطيب شيقوق)
|
الحبيبة الأديبة عطوفي
والله بصراحة لمن قريت عنوان البوست وقبل ما ادخل لجوه بقيت اتساءل : يا ربي عطوفي قاصدة شنو بالعنوان ده؟؟ لأني اول حاجة قريت "ذكر مسلم" بمعنى اذكر المسلم او اذكار المسلم.. وبقيت اضرب اخماس في اسداس .. ولكن لمن دخلت البوست وجدت هذا الموضوع الدسم بحق وحقيقة .. لأن الموضوع ده بالضبط حاصل كثير في السودان... والبنت تقوم تعزل في الرجال لغاية ما قطار الزواج يفوتها وبعد داك تقبل بأقل ألأضرار.. ولازم البنت تعرف ان جمال الرجال ليس في جمال الشكل ولكن في جمال الشهامة والرجولة والكرم والأخلاق الحميدة لأن من له مثل هذه الأخلاق لا يمكن ان يظلم المرأة ابدا..
وطبعا قصة صاحبتك دي ذكرتني بنكتة دائما لمن اسمعها بضحك لغاية ما الناس الجنبي يظنوا ان البنت دي مجنونة... والنكتة بتقول: ان فتاة من نوع صاحبتك كانت بترفض الكثيرين لغاية ما فاتها قطار الزواج . وبعد داك بقت تفتش في العرسان.. ولمن ما لقت بقت تمشي مع امها للفكي عشان يفتش ليها عريس ، وطبعا الفكي الدجال مر يقول ليهم جيبوا ديك احمر وشعره اسود ومرة جيبوا حمامة ما بتطير ورجلينها صفر.. وحاجات تعجيزية.. وطبعا دفعوا مبالغ مهولة للفكي.. واخيرا الفكي قال ليها :" خلاص ابشري.. انت حيتزوجك مغترب.. وهنا البنت بقت تبقي بكاء شديد.. والفكي سألها: يا بنت الناس انا جبت ليكي الأخبار السمحة دي وانت بتبكي .. الحاصل شنو؟.؟ والبنت ردت :" والله انا شلت هم الولادة في الغربة!!!!ها ها ها ها....
والله يديك العافية
| |
|
|
|
|
|
|
|
|
|
Re: ذكر مسلم !!!! (Re: اميرة السيد)
|
| Quote: طوفي امشي من بوستيك دا اخليهو لعتيّد البرمة دا ؟ |
هههههههههههههههههههههههههههههههه
عجبتني والله شديد
عتيد البرم دي بكون كرشو مليانة وينقذ زي كورة الشراب
الهبيش بطلع جمال النضمي عندك يا مقطوع الطاري
| |
|
|
|
|
|
|
|
|
|
Re: ذكر مسلم !!!! (Re: خالد علي محجوب المنسي)
|
| Quote: ود المنسي مالك على الزول خطف منك جكس ولا شنو ؟؟ |
هههههههههههههههههه
دا ما بختف
الختفي بعرفو تمام في الفتة ( البوش والزيت مترع )
لكن في الجكس ... ديل ناس البردانة ماعندهم الحمك صقور جو ( كع وكف وعييييييييييييييك )
بقيف مع البت وكت المسلسل ( 7:30 مساء ) وهن كلمتين برميهم
قال : والله يا فلانة كان بي مرادي اشيل قلبي دا وأجضعو ( اي أجدعو )
هسي بجيني الشهفوفة
| |
|
|
|
|
|
|
|
|
|
Re: ذكر مسلم !!!! (Re: خالد علي محجوب المنسي)
|
Quote: اخت صديقتي ترفض كل المتقدمين لها بحجج واهية مرة اتقدم ليها واحد رأت الاسرة انه الكمال وشرعت في اقناعها
اي زول يقوليها اخيرلك اخيرلك( عبارة شايقية ) قامت خالتها قالت ليها يا بنيتي كلنا عرسنا باخيرلك اخيرلك دي والحبة ما جاتنا.
ولذلك اذا تقدم شخص مناسب يجب ان نستخدم خيار اخيرلك اخيرلك.. |
هههههههههه
والله خالتك دي يا دكتورة الله يديها العافية
قالت ليها الكلام النجيض
وكم من توافق جاء بعد زواج للذين يقدرون معاني الارتباط ( قداسة الزواج ) رابط يربط عوائل واسر
المسؤولية يا دكتورة وادراك معاني ذلك هو سبب نجاح الكثير الزيجات
الزمن شاهد
الحب ( واقول ليس حب هو انما هو اعجاب بأشياء واهية زي ما قلتي )
الحب الصادق يذيب الصخرة الصماء خليك من خلاف بسيط
لكن في زمنا هذا الحب الصادق والاخلاص ندر
وحياتنا بقت مظاهر وشوفوني ( حب حدو صالة العرس )
لك التقدير يا دكتورة نجاة
| |
|
|
|
|
|
|
|
|
|
Re: ذكر مسلم !!!! (Re: خالد علي محجوب المنسي)
|
ههههههههههههههههههههههههههههههههههههههها الله يجازيك ود ال .................م
كتلتني بضحكة
الحالة دى قطعت فيك مع طوفي في المسنغر قلت ليها السجم دا ما بريدو بخرب البوستات - قالت لي اصبر ليهو فيهو الكرّة والدرة
انت فاكرنا ناس تكية اللضان للهمسة؟
| |
|
|
|
|
|
|
|
|
|
Re: ذكر مسلم !!!! (Re: الطيب شيقوق)
|
Quote: الحالة دى قطعت فيك مع طوفي في المسنغر قلت ليها السجم دا ما بريدو بخرب البوستات - قالت لي اصبر ليهو فيهو الكرّة والدرة
انت فاكرنا ناس تكية اللضان للهمسة؟ |
خليتكم لي الله انت وعواطف كان بقيت انا موضوعكم
ههههههههههههههههههههههههه
كدي احكي لينا عن نسوان البردانة الطمحن رجُالن
بعرفك في بطنك كلام كتير
بوح يا مسنوح
| |
|
|
|
|
|
|
|
|
|
Re: ذكر مسلم !!!! (Re: اميرة السيد)
|
أمورة
وحياتي عندك وحياة حبك تسامحيني على التأخير
لظروف خارجة عن الإرادة كان عندنا عرس كارب خلينا ليه الورانا والقدامنا
بصراحة ضحكتيني حد البكاء أيتها الرائعة ..
قولي ليها ما تخافي من الولادة خالاتك قاعدات بالكوم سبوع وسماية وأربعين ... قصرنا ؟
لااااااااااااااااااااااااااااااالا
تسلمي حبيبتي
| |
|
|
|
|
|
|
|
|
|
Re: ذكر مسلم !!!! (Re: الطيب شيقوق)
|
| Quote: واحدة قالت لراجلها عذبتني هو لقمة ( بضم اللام) |
في حلتنا كان في مرتين ( الاتنين طمحن رُجالن وما ولدن منهم )
وبعد داك مافي زول عرسن
وبعد ان تقدم بهن العُمر ( مرة إتشكلن واحدة قالت للتانية : يا العاقر المناقر .. التانية ردت ليها وقالت لها : عاجبني ولدك الفي الضبوطية .... ههههههه تقصد ولدك الضابط )
| |
|
|
|
|
|
|
|
|
|
Re: ذكر مسلم !!!! (Re: خالد علي محجوب المنسي)
|
| Quote: وبعد ان تقدم بهن العُمر ( مرة إتشكلن واحدة قالت للتانية : يا العاقر المناقر .. التانية ردت ليها وقالت لها : عاجبني ولدك الفي الضبوطية .... ههههههه تقصد ولدك الضابط ) |
المنسي مع السلامة الكلام دا فيهو اخلال بتوجهات طوفي الانثروبلوجية ولوائح بكري البايلوجية
| |
|
|
|
|
|
|
|
|
|
Re: ذكر مسلم !!!! (Re: الطيب شيقوق)
|
| Quote: المنسي مع السلامة الكلام دا فيهو اخلال بتوجهات طوفي الانثروبلوجية ولوائح بكري البايلوجية |
مافي اي شئ
بدليل
الكلمات سلااامة بعد أضافة رد
بكري مشكلتو مع حمـــ ار ... كلــــ ب وغيرها لكن عرفنا نتحايل علي
ارقد عافية براك ماشي خلى التنطع بتاعك دا
وقلت او لسان حالك
ونسة الضكير لي الضكير النوم منها اخير
| |
|
|
|
|
|
|
|
|
|
Re: ذكر مسلم !!!! (Re: خالد علي محجوب المنسي)
|
في حلتنا كان في مرتين ( الاتنين طمحن رُجالن وما ولدن منهم )
وبعد داك مافي زول عرسن
وبعد ان تقدم بهن العُمر ( مرة إتشكلن واحدة قالت للتانية : يا العاقر المناقر .. التانية ردت ليها وقالت لها : عاجبني ولدك الفي الضبوطية .... ههههههه تقصد ولدك الضابط )
هههههههههههههههه والله ضحكتني من قلبي
| |
|
|
|
|
|
|
|
|
 Re: ذكر مسلم !!!! (Re: د.نجاة محمود)
|
د. بيان
تحياتي أيتها الحبيبة
والله البنات لو لقن حد بيقول ليهن أخير لك أخير لك كان اتزوجن
لكن أمهاتهن بقيوولن بي فخر بناتنا لا بعجبن العجب ولا الصيا في رجب
شكرا على طلتك الغالية
| |
|
|
|
|
|
|
|
|
 Re: ذكر مسلم !!!! (Re: عواطف ادريس اسماعيل)
|
عطوف حبيبه كيفنك وسلام لكل الاحباب الهنا...
عارفه ياعطوف كل الاراء الاتكتبت عندك هنا ... بالرغم من انو بعضها ما بيتفق مع بعض والعكس تماما ... لكن يشهد الله النتيجة واحدة فى كل الحالات
كان اختيارك تم عن ظريق الشكل ...او عن طريق حب ...او عن طريق الاهل ... او بس كده حصل ولقيت نفسك مكلفت واتزوجت ...النتيجة واحدة الفرق بس
بيكون فى طبيعة شخصيات التجربة ...فى بعض منهم بستسلم استسلام تام للامر الواقع ...وخلاص يرضي ويتقبل حياته ... وفى البعض البيرفض الوضع ده
ومابيكون عندو استعداد انو يتحملو ... فحكاية الزواج دى حقيقة مابنقدر نقول فيها الاحسن شنو ... ياخى مافى ناس اختارات براها مره ... واختار ليها الاهل مره ... واتكلفتت مره ... وكلو لحق بعضو ...
بجيك تانى راجعه انشاالله كلام لسه ماكمل ...
تسلمى امى يارب من كل شر ...
| |
|
|
|
|
|
|
|
|
|
Re: ذكر مسلم !!!! (Re: ماجدة عوض خوجلى)
|
Quote: >ومابيكون عندو استعداد انو يتحملو ... فحكاية الزواج دى حقيقة مابنقدر نقول فيها الاحسن شنو ... ياخى مافى ناس اختارات براها مره ... واختار ليها الاهل مره ... واتكلفتت مره ... وكلو لحق بعضو ...
|
...................
العزيزة ماجدة
خوفتينا................
وتعالي راجعة سريع عشان تشرحي لينا بالتفصيل..
والله يديك العافية
| |
|
|
|
|
|
|
|
|
|
Re: ذكر مسلم !!!! (Re: اميرة السيد)
|
الأميرة الرائعة عطوفي
وتيرة الحياة السريعة ما بتدي زمن لفعل اشياء كثيرة نعشقها ونحبها..
وهسع اذا عزمتينا للعرس الكارب ده كنا جيناكي.. وراجعي الخاص,,
والله يديك العافية
| |
|
|
|
|
|
|
|
|
|
Re: ذكر مسلم !!!! (Re: اميرة السيد)
|
Quote: عطوف حبيبه كيفنك وسلام لكل الاحباب الهنا...
عارفه ياعطوف كل الاراء الاتكتبت عندك هنا ... بالرغم من انو بعضها ما بيتفق مع بعض والعكس تماما ... لكن يشهد الله النتيجة واحدة فى كل الحالات
كان اختيارك تم عن ظريق الشكل ...او عن طريق حب ...او عن طريق الاهل ... او بس كده حصل ولقيت نفسك مكلفت واتزوجت ...النتيجة واحدة الفرق بس
بيكون فى طبيعة شخصيات التجربة ...فى بعض منهم بستسلم استسلام تام للامر الواقع ...وخلاص يرضي ويتقبل حياته ... وفى البعض البيرفض الوضع ده
ومابيكون عندو استعداد انو يتحملو ... فحكاية الزواج دى حقيقة مابنقدر نقول فيها الاحسن شنو ... ياخى مافى ناس اختارات براها مره ... واختار ليها الاهل مره ... واتكلفتت مره ... وكلو لحق بعضو ...
بجيك تانى راجعه انشاالله كلام لسه ماكمل ...
تسلمى امى يارب من كل شر ... |
يا ماجدة حمدأ لله سلامة وعود حميد يا ماجدة
الحكاية كلها وزي ما قلتي
العرس = فولة مدمسة ( مررو ) يرموها من فوق
لو إنفقشت إنفقش ( النتيجة يا طلاق يا تبقى العُشرة والاحترام )
ولو سلمت سلم ودا بخلي المرة تقول وحات ابو الأولاد هههههه
وانا اخيراً اقتنعت
البفتش كرورو بلقى زولو ( كان بت كان ولد كل واحد إفتش كرورو )
| |
|
|
|
|
|
|
|
|
|
Re: ذكر مسلم !!!! (Re: خالد علي محجوب المنسي)
|
خلودي
يسعد مساك
إنت عارف أنا ما بقطع فيك .. مش كدة
صراحة شيقا ما قال عنك إلا خير بس عايز يغيظك
عموما تعليقك لشيقا (ونسة الضكير لي الضكير النوم منها اخير)ضحكني جدا
واحلف بالله إنك مربياك حبوبتك
| |
|
|
|
|
|
|
|
|
 Re: ذكر مسلم !!!! (Re: اميرة السيد)
|
الأميرة أميرة
سلامات
معزومة العرس الجاي لكن بتصدقي فرحة ما كملتشي شب حريق في بنايتنا
اسفر عن وفاة شاب فلسطبني عمره 35 سنة وابنته عمررها 3 سنوات احتراقا
عموما قضاء وقدر ربنا يرحمه ويغفر ليه كان شاب مهذب ورائع
محبتي
| |
|
|
|
|
|
|
|
|
|
Re: ذكر مسلم !!!! (Re: اميرة السيد)
|
الأميرة أميرة
سلامات
معزومة العرس الجاي لكن بتصدقي فرحة ما كملتشي شب حريق في بنايتنا
اسفر عن وفاة شاب فلسطبني عمره 35 سنة وابنته عمررها 3 سنوات احتراقا
عموما قضاء وقدر ربنا يرحمه ويغفر ليه كان شاب مهذب ورائع
محبتي
| |
|
|
|
|
|
|
|
|
|
Re: ذكر مسلم !!!! (Re: ماجدة عوض خوجلى)
|
ماجججججججججي
سلامات يا ست الكل
معليش سامحينا لينا يومين من الفايبر
وانت عارفة السبب شكيناه لي الله
عاد كلامك دا عايز تفسير خلتيي الحسان القيد يقيفن على جنب
تعالي سريع وطمني حسناوات المنبر
محبتي
| |
|
|
|
|
|
|
|
|
|
Re: ذكر مسلم !!!! (Re: عواطف ادريس اسماعيل)
|
تحية لصاحبة الوبست وضيوفها
يا ود شيقوق تعرف كل مرة أدخل البوست دا عندي تعليق حارقني
عايز أقوله لكن غلبني ما بتكتب لكن كدا بتكون إنت عرفتو
خشمي ماكلني لكن قلت أخير أقرض على كدا
| |
|
|
|
|
|
|
| |
عواطف ادريس اسماعيل
الصادق صديق سلمان
أيمن الطيب
خالد علي محجوب المنسي
الطيب شيقوق
فايزودالقاضي
AMNA MUKHTAR
محمد حمزة الحسين
عبدالعزيز الفاضلابى
ماجدة عوض خوجلى
Asim Fageary
فيس بوك
تويتر
انستقرام
يوتيوب
بنتيريست