|
Re: نُــــــــكته (Re: النذير حجازي)
|
هههههههههههههههه مبالغة يا عمك الظريف فيها انها نكتة لايف دايما الواحد بسمع نكات منقولة ومعنعنة ولطالما تساءلت عن صاحب النكتة او مؤلفها اول مرة الاقي لي نكته اعرف سيدها اوسكار يا عيدروس ويقول ليك المهندسين ما بقولو شعر هههههههههههه
| |
|
|
|
|
|
|
Re: نُــــــــكته (Re: aydaroos)
|
يا ود البشرى وعيدروس ياخي ما مفروض نسكت على الجني على المهندسين، لازم نفتح بوست ونشجب وندين المصطلح الجديد بتاع المثقفين ديل وهي: "الزول دا مهندس ساكت" ويقصدون بها بأنو المهندسين ما ناقشين حاجة في الدنيا وخصوصاً الفلسفة والسياسية، وقالوا: غير الأستاذ محمود محمد طه ما في مهندس سوداني مفكر رأيك شنو يا عيدروس تفتح بس بهذا الخصوص؟!
| |
|
|
|
|
|
|
Re: نُــــــــكته (Re: النذير حجازي)
|
يا نذير ما عليك منهم، لو المهندس ما ناقش عيل الناقش منو!! نعلهن الحفيظين ديل دكاترة و بياطرة و صيادلة وقانونجية !! يقوموا يلفوا كلهم:) ما تسوي ليهم سالفة ثم دا مهندس ساكت ما مصطلح جديد دي نكتة قديمة من سنة اسكت :)
| |
|
|
|
|
|
|
Re: نُــــــــكته (Re: aydaroos)
|
عيدروس ... اعلم ان نواياك حسنة... بس ياخي ليه بس اخترت (حلفاوي) ...وقلت (عامل فيها) كان ممكن تتلافى الاشارات العنصرية وتقول (زول) وتكفي نفسك شر واحد يجي ناطي ليك ويقول ليك انت عنصري وتصنيفاتك واشاراتك ما في محلها وبعدين دي نكتة بتاعت اغبياء ومدعين والحلفاويين ليسو كذلك في القادمات من الافضل ان تتجنب ما يمكن ان يسيء لاي قبيلة ... رجاء وليس امر ... لا حجر ... وبالناس المسره
| |
|
|
|
|
|
|
Re: نُــــــــكته (Re: طاهر بدر)
|
الأخ عيدروس والزوار تحياتي
....برغم التزامي الحياد وحسن الظن ومحاولتي تقبل النكتة على انها مجرد نكتة نهايتها ابتسامة اوضحكة صافية .. الاالصراحة لم تكن ضحكة صافية .. ممكن تعصب .. او غيرة المهم اتفقت مع اخي الطاهر في رأيه ... عذرا ياعيدروس ما عايزين نقلبها مأتم .. مجرد رأي
| |
|
|
|
|
|
|
Re: نُــــــــكته (Re: Mohamed E. Seliaman)
|
Quote: كان ممكن تتلافى الاشارات العنصرية وتقول(زول) وتكفي نفسك شرواحد يجي ناطي ليك ويقول ليك انت عنصري وتصنيفاتك واشاراتك ما في محلها وبعدين دي نكتة بتاعت اغبياء ومدعين والحلفاويين ليسو كذلك |
طيب هسع ماممكن يجى ناطى ليك واحد ويقول إلانتماء والغيره للوطن ولا القبيله.
| |
|
|
|
|
|
|
Re: نُــــــــكته (Re: النذير حجازي)
|
Quote: يا نذير ما عليك منهم، لو المهندس ما ناقش عيل الناقش منو!! نعلهن الحفيظين ديل دكاترة و بياطرة و صيادلة وقانونجية !! يقوموا يلفوا كلهم:) ما تسوي ليهم سالفة
|
تسلم يا ود البشرى، بس يا ود البشرى، هسى رأيك شنو في مداخلة صاحبك محمد إي سليمان؟! ما شايفو بغمز بلمز بالهندسة دي؟ هاهاها
| |
|
|
|
|
|
|
Re: نُــــــــكته (Re: النذير حجازي)
|
يا. شلام يا نذير بالله العمدة سافر ما لقينا فرصة نودعوا بعدين يا نذير انت شكلك ما متابع، هو الحبشي سيد الفلم دا زاتو واول من شنع علينا و تلقف منو باقي النوكى * الراية
________________________
*اوعى تسألني من النوكى دي :)
| |
|
|
|
|
|
|
Re: نُــــــــكته (Re: النذير حجازي)
|
كان ما اخاف الكضب استاذنا عماد عيدروس حلفاوي لي رقبتو دي!!
-------
للحق لم نشهد على عمدتنا تعصب عنصري او جهل ول كان بي علاقتي بيو دي اكون عارف قبيلتو والقبايل المجاورة
احسنوا الظن بالناس
ويا عرفة قومي لفي مع التحية وتحيات سارة
| |
|
|
|
|
|
|
Re: نُــــــــكته (Re: فتح الرحمن حمودي)
|
Quote: كان ما اخاف الكضب استاذنا عماد عيدروس حلفاوي لي رقبتو دي!! |
ذكرتني نكتة جنابو عمر عثمان اللصقها في أهل اليمن عيدروس اسم عوائل عربية حتى عندنا هنا في السعودية وفي اليمن _________________ ود البشرى سمعت عندكم مقترح لمناقشة الموضوع في بوست منفصل غايتو أنا جاهز بداية من البركس (:
| |
|
|
|
|
|
|
Re: نُــــــــكته (Re: فتح الرحمن حمودي)
|
اوووه عبد الرحمن حمودي (قيقيا سابقا)
Quote: للحق لم نشهد على عمدتنا تعصب عنصري او جهل ول كان بي علاقتي بيو دي اكون عارف قبيلتو والقبايل المجاورة
احسنوا الظن بالناس
ويا عرفة قومي لفي |
والنعم... عمدتنا على العين والراس حاشاهو التعصب والجهل ..
ولو في مشاركتي اعلاه ادنى ملامح اتهام للعمده بالتعصب فعلا لازم اقوم الف ..
سلام واحترام كبير اوي للعمدة
________________________
وسلام اكبر ليك ولسارة والاولاد
| |
|
|
|
|
|
|
Re: نُــــــــكته (Re: بدرالدين الطائف)
|
Quote: طيب هسع ماممكن يجى ناطى ليك واحد ويقول إلانتماء والغيره للوطن ولا القبيله. |
بدر الدين ...ازيك الانتماء والغيرة للوطن !!!! قوية شويتين طبعاً اقامتك في السعودية ربما انستك انو لفظ زول ليست للمواطنين السودانيين لالا يا بدرالدين انا قصدت زول بمعناهو الجينا بيهو للخليج وليس بمعناه المتداول في الخليج والا ما كدا يا بدر الدين ...نحن الخواجي والحبشي وكل (بني ادم) بنقول ليهو (زول) عليه ... اشاراتك المحمرة والمبلده ( من Bold) ما في محلها على الاطلاق . . . تعرف يا بدر الدين بمناسبة (عامل فيها) دي بالجد واحدة من علتنا كسودانيين يعني نشوف لينا زول لابس لاب كوت وخاتي سماعة جوة المستشفى ونقول عليو (عامل لي) فيها دكتور !!! حتى انت لما تقول (سيارة) و(خبز) في السودان بقولو ليك عامل لينا فيها (مغترب) !!! مودتي يا زامل الغربة
| |
|
|
|
|
|
|
Re: نُــــــــكته (Re: aydaroos)
|
Quote: حلفاوي عامل فيها خطير في السياسة شايل اللابتوب بتاعو ((وفاتح سودانيز)) ، صاحبو قال ليو "إيه الحاصل يا محمد صالح؟!" عمك قال ليه "واللله دوشة شديدة ، قال ليك الدرويشة بت ضياء هايدخل الخرطوم من تلاتة مهاور". |
يظهر عليه بستمد وعيه من بوستات معينة من سودانيز عملت ليه ربكة وساكن فى اللفة وليس حلفا
| |
|
|
|
|
|
|
Re: نُــــــــكته (Re: adil amin)
|
الصديق عماد عيدروس
تصل بالسلامة بأذن الله ....بس النكتة مست الناطقين بغيرها الزينا ديل بي طرف
رغم علمي التام بموقفك المبدييء .
النذير حجازي ......ده مهندس ساكت قيلت في مقام آخر لو عرفته ما حتكررها تاني
التحية للجميع.
| |
|
|
|
|
|
|
Re: نُــــــــكته (Re: Farida Mahgoub)
|
الأخت فريدة
لا اعتقد ان عماد عيدروس قصد ان يسيء للحلفاويين
انا قلت الكلام ده لمعرفتي بموقف الاخ عماد ولانه قد لا يستطيع الرد الان لظروف السفر
هل انتي فريدة محجوب ابنة الرجل ذو السيرة العطرة والجميلة والقوية الاستاذ محجوب شورة
وتحدثت عن سيرته التي عرفتها من خلال كتابة طلاب الخرطوم الجديدة عنه في بوست سابق ....برضه نكون اتزاملنا فترة في الجامعة في مصر
لك اجمل الاماني
| |
|
|
|
|
|
|
Re: نُــــــــكته (Re: عباس محمود)
|
وين يا حبشي تلقاها عند الغافل دي
كامل الشماتة في حبيبنا عيدروس هههههههههههههههه النكتة الوحيدة الطلعت بعرف سيدها جابت ليها هوا
| |
|
|
|
|
|
|
Re: نُــــــــكته (Re: rosemen osman)
|
Quote: كامل الشماتة في حبيبنا عيدروس هههههههههههههههه النكتة الوحيدة الطلعت بعرف سيدها جابت ليها هوا |
ود البشرى السـلام ليك و لصاحب البوست و المتداخلين
اتمنى ان لا يتعامل الناس مع النكتة باكتر من انها نكته وبس و بدون حسـاسية فهنا النكته ليس للتعبير غن غباء او ذكاء الحلفاويين ( كما فهمت )
| |
|
|
|
|
|
|
Re: نُــــــــكته (Re: حيدر حسن ميرغني)
|
Quote: والقال ليك منو انو الحلفاويين اغبياء وجهلة......سبحان الله ....لو ما كان ليهم القدح المعلي في تعليم كل السودان ......حاجة عجيبة يا ناس سودانيزاونلاين |
واهالى حلفا قوم متمدنين واهل كرم ومروة..
وكل منزل بداخله (فرن) وتراثهم ثرى جدا والمطبخ الحلفاوى من اكثر مطابخ المرأة السودانية ثراء وتنوع ..
واهالى حلفا هم الوحيدين الذين يعرفون صنع الفشار بدون اجهزة حديثة ومنذ القدم وله فى افراحهم قدح معلى ..
واهالى حلفا يحبون الطرفة ولهذا السبب لا يزعلون حين تنسب اليهم فهم اهلها ولها ...
واذا لم يكن لك صديق حلفاوى يسامرك ويجاذبك الحديث حلوه فانت لا تعيش الحياة بحلوها وجمالها ...
التحية والتجلة لابناء عمومتنا الحلفاويين اينما وجدوا .
فهم سلافة الجمال فيك يا وطنى ...
| |
|
|
|
|
|
|
Re: نُــــــــكته (Re: عبداللطيف شريف على)
|
شكراً للأصدقاء و(المهندسين) الذين دافعوا عني ولكن للأسف أنا غلطتا غلط فادح وشكراً لمن أهدوا لي عيوبي وإن شاء الله ما تتكرر
كنت على سفر ولم أرجع للكتابة إلا اليوم
إنك تتصرف بعفوية وتصرفاتك تكون معادية للمرأة وللآخر المختلف في السودان دي حاجة عادية في سودانا دا... لأنو الذهنية السائدة هي البتقود تفكيرك. البي يحتاج تفكير كل ما تنطق أو تكتب كلمة هو الموقف الديمقراطي من المرأة ومن الآخر. الإزراء بالآخر في السودان بي يبدأ من عدم مقدرته علي النطق الصحيح للعربية ولا ينتهي هناك. أنا ما حلفوي ولا من النوبة حسب التصانيف المعروفة في السودان، ولكنني نوبي الهوية بإختياري والسودانيين كلهم أهلي ولا أرضى لهم الذلة والمهانبة والحلفاويين أهلي جيرتي واصدقائي. شكراً لكل من تداخل منتقداً وموقفهم هو الصحيح، وأنا إنسقت معالسائد بدون تفكير. شكراً لكم
| |
|
|
|
|
|
|
Re: نُــــــــكته (Re: aydaroos)
|
كبير يا عمدة
Quote: واحد عامل فيها خطير في السياسة شايل اللابتوب بتاعو وفاتح سودانيز ، صاحبو قال ليو "إيه الحاصل يا زول؟!" عمك قال ليه "واللله دوشة شديدة ، قال ليك الدرويشة بت ضياء هايدخل الخرطوم من تلاتة محاور". |
تبقى اجمل نكتة و اجمل مافيها انها لايف وسيدها... إلخ إلخ
| |
|
|
|
|
|
|
Re: نُــــــــكته (Re: aydaroos)
|
السلام عليكم اخي الكريم
ان شاء الله ما تتكرر
اشكر شجاعتك واعجبني ليس فقط الاعتراف بخطئك بل والاعتذار عنه......فلك مني كل تحية وتقدير وتستحق ان ترفع لك القبعةإجلالا وتقديرا
| |
|
|
|
|
|
|
Re: نُــــــــكته (Re: عباس محمود)
|
السلام عليكم اخي عباس
الف شكر علي تعقيبك ......
نعم انا فريدة بت الاستاذ شورة بكل ما اطلق عليه من صفات ......رحمه الله رحمة واسعة واسكنه فسيح جناته مع الانبياء والصديقيين والشهداء وحسن اؤلئك رفيقا......والرحمة لأمواتنا وامواتكم واموات المسلمين جميعا.....
يا ريت يا اخي لو تكرمت ومديتني بعنوان البوست الذي كتب فيه عن ابي ولك شكري وتقديري
جميل ان يعتذر الانسان عندما يخطئ وقد اعتذر صاحب الخيط فله منا كل تحية واجلال علي فضيلة الاعتراف بالخطأ
| |
|
|
|
|
|
|
Re: نُــــــــكته (Re: aydaroos)
|
اخوي عماد عيدروس ... صافية لبن يا حبيب ... وسلام لروحك الطيبة والتي كان يمكن ان ترتكن الى جدار التبريرات لكنها عفت عن كل ذلك واتت بابتكار وترسيخ لثقافة لا يلوي عليها الا اصحاب النفوس العظيمة ... لك جل تقديري ومودتي منذ وبعد... . . . اخوي بشرى... لست باقل من صديقك نبلاً ... نثمن عالياً التعديل والاستجابة ... ونكسبكم حبايب.
| |
|
|
|
|
|
|
|