الشفيع ازيك قبل كده وايام لبسنا الكاكي 1 او 2 في واحد هنا اتبرع ليك بي تذكرة لتذهب للجهاد كبيت الزوغة وعملت غمران حتى اللحظة التذكرة جاهزة ورينا قايم متين ؟!
05-21-2013, 03:36 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
لا شكر على واجد يا مجاهد ده واجبنا نرفع بوستات المجاهدين لكن ما جاوبت على السؤال ------------------------------------------- حتى اللحظة التذكرة جاهزة ورينا قايم متين ؟!
05-21-2013, 04:40 AM
Kabar Kabar
تاريخ التسجيل: 11-26-2002
مجموع المشاركات: 18547
بالحيل توجد منطقة وسطى..و كبيرة يا حبيب.. الصراع بين اطراف سودانية ..عشان كده مافي زول شغال بيهو تب.. و يمكن تلاحظ الفرق ايام هجليج لمن كان اعتداء دولة اجنبية..
ناس الجبهة الثورية بيقول ليك عملية الفجر الجديد...و متحركات الفجر الجديد..ودايرين السودان كلو.. و ناسك شابكننا متحرك المنتصر بالله و المعتز بالله و المقتدر بالله.. يعني مافي سعة خيال يقرب الحاجات السودانية..و ستعود اب كرشولا لحضن الوطن (التقول اب كرشولا مشت تحج)..و دي الغربة ذاتها يا قريبي.. الجهاد اصبح المواطن بيعاين ليهو جهاد حكومة ساكت.. العقيدة ..المواطن اكتشف انو عقيدة الحكومة حاجة و عقيدة المواطن حاجة تانية.. الحكومة كان ممكن تستغل حكاية هجليج و تقدم السبت عشان تلقى الأحد.. لكنها تجبرت و تكبرت..و صابها الغرور..و هسع بقى ليها بمبي..!!
في اعتقادي.. الناس كلها عبرت عن الفي حواها.. كلو واحد شايل جبخانتو و بترقع ليل صباح.. الأفضل بعد ه نستخدم العقل..و الأطراف كلها تقعد في التراب.. مافي طرف منتصر.. كل الأطراف مهزومة و خسرانة..فاحسن الناس تحصل و تلحق باقي الوطن..و كن النفوس اتطايبت العنقريب بيشيل مية..
للاسف صراع يستنزف الوطن ومقدراته المعدومة اصلا لايوجد فيه رابح الكل خسران والخاسر الاكبر المواطن البسيط الذ يعانى وتكبر معاناته مع كل طلقة هنا او هناك وقادة الطرفين كل يتشدق بالدفاع عن المواطن وهو يزيدة طحنا!! سواء انتصر هذا او ذاك سوف تستمر الدوامه وتستمر المعاناة وتكبر الاحقاد ويتشظى الوطن اليس فيكم رجل رشيد؟؟؟
05-21-2013, 05:02 AM
محمد علي عثمان محمد علي عثمان
تاريخ التسجيل: 08-21-2012
مجموع المشاركات: 10608
حقّا هي دماء سودانية كلها التي تسيل! ومن حقّ إخوتنا في (النضال المسلح) أن يعتبروا أنفسهم ممثلين للحق والحقيقة! ومن حقّ الجيش السوداني، وكل من يخرج لمؤازرته أن يعتبر نفسه مدافعاً عن وحدة التراب الوطني!
وأنا بحمد الله ضد الحكومة! ومع المعارضة،
لكن المعارضة التي أنتمي إليها: ترى أن رفع السلاح في وجه أبناء الوطن لا يجوز! أما المعارضة المسلحة، فأعتبرهم بني وطني وإخواني، قصدوا الحقّ، لكنهم أخطؤوه، وأتاحوا لضحايا الإنقاذ بعد أن كانوا يُعدون بسهولة: المحاسبين الثلاثة، الضباط الثمانية والعشرون، طلاب الخدمة الإلزامية، الدكتور علي فضل قبل ذلك والتاية .. ..، إلخ إلخ يمكن حسابهم، لكن بالموقف الخاطئ الذي اتخذته المعارضة، ارتفع عدد الضحايا إلى أرقام مهولة، وصارت كارثة إنسانية!
05-21-2013, 05:23 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: وستكون اب كرشولة معبر الى نهاية حقبة الفوضى والتمرد
إنا والله قد هرمنا ونحن نستمع إلى هذه الأسطوانة المشروخة !!!! نسأل الله ألا تكون نهاية هذا (التمرد) كنهاية ذاك (التمرد) يا باشمهندس ونقعد تاااانى نحاول نتفاهم لينا مع خريطة وطن بشكل جديد وقبيح ومشوه,,
نهاية الفوضى الحقيقية ستحدث فقط عندما يذهب تتار الدين فهم من نشروا الفوضى وأشاعوا القتل والحرق والدمار هذا غير فسادهم وسوء أخلاقهم ونهبهم وسرقتهم وتخريبهم لكل مؤسسات الدولة,,
Quote: ومن حقّ إخوتنا في (النضال المسلح) أن يعتبروا أنفسهم ممثلين للحق والحقيقة! !
(النضال المسلح)
ببساطة نستعرض شريط سريع من 2003 حى 2013 كم حركة ظهرات؟ كم قيادة و كم قيادي ظهروا؟ كم حركة انشقت؟ كم جبهة تكونت؟ كم اتفاقية وقعت؟
فيما النضال؟ ان كانت هنالك قضية .. لماذا اختلف حولها المناضلون لماذا 36 حركة؟
أحداث أب كرشولا كشفت مخازي عدة.. و لكن أهمها التصفية التي تمت هنالك كانت عرقية صرفة ذبح البشر من قبل شراذم البغاة تم على أساس العرق الطابور الخامس داخل اب كرشولا هو الذي رشح الضحايا الأبرياء و أشار اليهم بالأسماء فذبحوا في قارعة الطريق
حسبي الله و لا حول و لا قوة إلا بالله
05-21-2013, 05:08 AM
أحمد التجاني ماهل أحمد التجاني ماهل
تاريخ التسجيل: 07-26-2008
مجموع المشاركات: 882
الأخ صاحب البوست وجميع المتداخلين لكم التحية، والله ياأخي الشفيع القول ما قاله أخونا كبر، يا زول أسع في معركة أبو كرشولا دي جل الماتوا من عيال كردفان كان مع المؤتمر الوطني وكان مع الجبهة الثورية. وبعدين ياخ القاعد فوق شاطئ النيل ما ضاغ ملال جبال النوبة وأهل كردفان. واللعنة على الحرب ومن سعى لها ومن ناصرها ومن أجبر الناس يحملوا السلاح من أجل التنمية والتهميش. فالواعي من ينادي الناس للسلم وتحكيم العقل وليس من يقول لهم ألحسوا كوعكم أو تعالوا شيلوها بالسلاح. ياخ نحن الآن فاقدين كمية من العساكر والضباط من عيال المنطقة لا طاري ولا تالي. رحمك الله يا بحيراوي يوم قلت لي "أسع فقدنا العقيد الركن يحي النظيف ود حلتنا وحنفقد الكثير من عيالنا الشايلاهم الهاشمية" والحكومة تقول مفقود، جيش يفقد فيه عقيد أركان حرب دا جيش من المفترض أن يشنق وزير دفاعه. والمشكل يا أخي الشفيع ليس في لبس الكاكي ولكن في ما بعد لبس الكاكي والفقدان أو الموت فمن يكفل الضعفاء ونعم بالله الحق ولكن الحزن والألم الذي يصيب الأسرة وتشتيت شملها. نسأل الله ان يحتكم أهل السودان إلى العقل ولكن لا أظن يكون في عقل إذا ما ناس ألحسوا كوغكم والدفاع بالنظر وتعالوا شيلوها كان رجال هم قادة البلد. ولك الشكر أحمد
الأخ عمر التاج نسأل الله أن يكون كل أهل السودان بخير، فقولك من لم يمت في الكاكي مات هو وأهله في قريته أو مدينته عند دخول قوات الجبهة لها،فلماذا تدخل قوات الحركات أصلا لمناطق مدنيين من المفترض أن توفر لهم دولتهم الأمن والحماية أليس هنالك جيش ورئيس ووزير داخلية ووزير دفاع؟ فبالأحرى أن يذهب من يدعو الناس للقتال ليقاتل هو بنفسه هناك ضد الجبهة أو غيرها من الحركات وعلى رأسهم السيد الرئيس عمر البشير أليس هو حالف كتاب مقدس على أن يحمى الوطن ويقاتل عن أراضيه ووزير دفاعه وقادة الجهاد وكل الذين يكتبون هناوينادي في الناس بالقتال وخراب الديار التي خربها الفقر والجوع والعطش والمرض والاهمال والتهميش ونشرت فيها روح الاستعلاء العرقي والكراهية والبغضاء والعنصرية. فأنا شخصيا أرفض أي قتال في المنطقة وما ينتج عنه من حرق للإنسان والنبات والحيوان والبيئة وأعتقد إن كان هنالك لين في التفاوض والرجوع للعقل لذهبت كل هذه المشاكل. لهذا نرجو من كل المهمومين بأمر البلد أن يسعوا للحل السلمي. والحرب لن توصل الناس لحل نهائي والدليل حرب الجنوب وما حصدته من أرواح أخيرا حُلت سلمياً وللأسف قطعت جسد الوطن الذي كان ينبغي أن يظل باقيا فيه، في ظل اتجاه العالم للتكتلات والتحالفات في مجتمعات اقتصادية وسياسية. والحاجة المهمة التي يجب أن يدركها كل أهل السودان لا يستطيع أحد أو جيش أن يهزم أهلنا النوبة في أرضهم لو طال الزمن أو قصر وما عجز الانجليز في حربهم ضد النوبة إلا مثلا يوضح قوة وعزيمة وعقيدة أهلنا النوبة في الحرب. لذا دعونا ننادي بالحل السلمي الشامل من خلال المصارحة والمصالحة لنبني وطن يعيش فيه كل الناس كما أجدادنا في السابق. أحمد
05-21-2013, 06:43 AM
أحمد الابوابي أحمد الابوابي
تاريخ التسجيل: 02-08-2011
مجموع المشاركات: 837
الشفيع يا صديق .. تحيات و محبة كتيره .. و حمد الله على السلامه .. و بعدين التي تعني : أما بعد ..
Quote: Re: لبسنا الكاكي (4)، حي على الجهاد
عليك الله كان جيت ، و إنت ماشي ( أب كرشولا ) كدا أغشاني لأني عندي وصيه لى ناس أصحاب ( ما أعزهم عليك ) .. أها و لو لقيت المتحرك مستعجل شديد ، عافي ليك .. بس جيب لي معاك منقه ، و دليب من ( شمشكه ) chamchaka التي تدعى أيضاً ( أم بركه ) .. و كان الدرب وداك ( رشاد ) عليك الله سلم لي على حبيبنا العمده مصطفى الزيبق ..
----- دا هظار ساي .. . لكن لوجيت للجد .. أقرا مداخلة الحبيب كبر ..... شرحو ..
محبتي ..
05-21-2013, 06:45 AM
أمير محمد ادريس أمير محمد ادريس
تاريخ التسجيل: 01-17-2013
مجموع المشاركات: 1248
Quote: عليك الله كان جيت ، و إنت ماشي ( أب كرشولا ) كدا أغشاني لأني عندي وصيه لى ناس أصحاب ( ما أعزهم عليك ) .. أها و لو لقيت المتحرك مستعجل شديد ، عافي ليك .. بس جيب لي معاك منقه ، و دليب من ( شمشكه ) chamchaka التي تدعى أيضاً ( أم بركه ) .. و كان الدرب وداك ( رشاد ) عليك الله سلم لي على حبيبنا العمده مصطفى الزيبق ..
سلام أخونا المجاهد الشفيع والتحية لصاحب الطلبات أخونا الأبوابي. لكن يا الأبوابي الزول دا إجيب ليك حاجاتك دي كيف؟ مُش ممكن ما يجي راجع!!!
05-21-2013, 07:36 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 50065
بصراحة وامانة هذه الحكومة ليس لديها جيش يستطيع القضاء على الجبهة الثورية، ولو اراد الناس الحق لنصحوا الحكومة بالتعقل واعلان قبولها بالجلوس مع الجبهة الثورية لبحث كيفية تفكيك دولة الحزب باقل الخسائر، وإقامة دولة كل السودانيين. اما العودة الى هوس الجهاد فهو سيزيد الحكومة ضعفا على ضعفها ويعجل بانهيارها وهزيمتها.
ياسر
05-21-2013, 08:04 AM
أحمد الابوابي أحمد الابوابي
تاريخ التسجيل: 02-08-2011
مجموع المشاركات: 837
Quote: لكن يا الأبوابي الزول دا إجيب ليك حاجاتك دي كيف؟ مُش ممكن ما يجي راجع!!!
عبد الحي يا حبيب دا كلام شنو ياخ .. تفها من خشمك .. دون شك الأعمار بيد الله .. و الموت ما عندو مكان .. بس و الله الشفيع دا نحن بنحبو في ( الله ) ، و ما بنرضى ليهو الشوكه .. بس ربنا يهديهو ، و يخلي لبس الكاكي ( الفوتوشوب ) دا .. . . محبتي ..
05-21-2013, 07:39 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
Quote: ازيك يا الشفيع مطول الغيبات مالك اتكرشلت ولا شنو ؟
شوف يا هندسة يا ود ابراهيم صاحبك يقول لبسنا الكاكي وتقول ليه اتكرشلت ... اب كرشولة بحي المصيف ياهندسة صاحبك مجاهد ولابس الكاكي في حي المصيف بالرياض يا ابن قارئ القران ... قول الله اكبر
05-21-2013, 08:15 AM
Musab Osman Alhassan Musab Osman Alhassan
تاريخ التسجيل: 01-16-2013
مجموع المشاركات: 557
صادق الأمنيات بأن يكون الجهاد المقصود هو جهاد النفس الأمارة بالسوء ونمني نفسنا بأن نلبسه معك.... أما الجهاد المزعوم ضد إخوة في الدين والتراب...فالقول ما قاله كبر...
ويا عزيزي أراك أنكرت وجود الرمادي في نصرتك للأبيض .. والقول إيضا ما قاله كبر..
Quote: بالحيل توجد منطقة وسطى..و كبيرة يا حبيب.
تحياتي...
05-21-2013, 08:39 AM
فايزودالقاضي فايزودالقاضي
تاريخ التسجيل: 11-27-2007
مجموع المشاركات: 10091
العزيز وراق .سلامات .. هرمت وانا بتصل عليك ومابترد سواء هنا او في السودان ..
Quote: بالحيل توجد منطقة وسطى..و كبيرة يا حبيب.. الصراع بين اطراف سودانية ..عشان كده مافي زول شغال بيهو تب.. و يمكن تلاحظ الفرق ايام هجليج لمن كان اعتداء دولة اجنبية..
ناس الجبهة الثورية بيقول ليك عملية الفجر الجديد...و متحركات الفجر الجديد..ودايرين السودان كلو.. و ناسك شابكننا متحرك المنتصر بالله و المعتز بالله و المقتدر بالله.. يعني مافي سعة خيال يقرب الحاجات السودانية..و ستعود اب كرشولا لحضن الوطن (التقول اب كرشولا مشت تحج)..و دي الغربة ذاتها يا قريبي.. الجهاد اصبح المواطن بيعاين ليهو جهاد حكومة ساكت.. العقيدة ..المواطن اكتشف انو عقيدة الحكومة حاجة و عقيدة المواطن حاجة تانية.. الحكومة كان ممكن تستغل حكاية هجليج و تقدم السبت عشان تلقى الأحد.. لكنها تجبرت و تكبرت..و صابها الغرور..و هسع بقى ليها بمبي..!!
تحياتي ،،
05-21-2013, 08:43 AM
عماد قريش عماد قريش
تاريخ التسجيل: 03-10-2013
مجموع المشاركات: 330
دحين انا شايف مشاركتك من المملكة دحين امشى السودان وبعدين قول قولك دا,,,ما اظن هنالك مساحة للموت لمواطن بسيط ممكن يجى ياقامة ويسرح لبدوى بالف ريال فى بقاع السعودية,او يشتغل بكارو حمار فى سوق الله اكبر احسن كتير من حماية حكومة حرامية,,اقل ما فيها بكون سليم ومعافى ,,ولم ياذى اخا له صاحب مظلمة طلع من اجلها,,دحين قول لناسك ديل عى ما اعتقد دى الحلقة 24 والاخيرة من مسلسل الظلم والفساد
05-21-2013, 09:10 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 50065
هذه هي عناوين الأخبار العاجلة في موقع "أخبار مرجان" في الوقت والتاريخ الآن: القوات المسلحة تشن الهجوم الأكبر والأعنف حتي الآن علي أب كرشولا من عدة محاور أنباء عن إستلام القوات الخاصة للممرات الحاسمة في مداخل المدينة التفاف ناجح للقوات المسلحة يسفر عن أسر عدد من متمردي الجبهة الثورية إشراف رئيس هيئة الأركان البرية علي الهجوم بنفسه من غرفة عمليات متقدمة ظهور عدد من متحركات الجبهة الثورية في مدينة "ساق النعام" بشمال دارفور
05-21-2013, 09:01 AM
حامد الغبشاوي حامد الغبشاوي
تاريخ التسجيل: 08-21-2012
مجموع المشاركات: 802
المجاهد الشفيع وراق مبروووووووووووووك عليك الكاكي حتي تكاكي وتكرشل
Quote: للاسف صراع يستنزف الوطن ومقدراته المعدومة اصلا لايوجد فيه رابح الكل خسران والخاسر الاكبر المواطن البسيط الذ يعانى وتكبر معاناته مع كل طلقة هنا او هناك وقادة الطرفين كل يتشدق بالدفاع عن المواطن وهو يزيدة طحنا!!
Quote: و ستعود اب كرشولا لحضن الوطن (التقول اب كرشولا مشت تحج)..
Quote: الجهاد اصبح المواطن بيعاين ليهو جهاد حكومة ساكت.. العقيدة ..المواطن اكتشف انو عقيدة الحكومة حاجة و عقيدة المواطن حاجة تانية.. الحكومة كان ممكن تستغل حكاية هجليج و تقدم السبت عشان تلقى الأحد.. لكنها تجبرت و تكبرت..و صابها الغرور..و هسع بقى ليها بمبي..!!
البس الكاكى انت ...
وكبر يلبس الوقار والفخر ...
فالقول ما قاله الاستاذ كـــــــــــــــبر ..
05-21-2013, 11:20 AM
عبد الحي علي موسى عبد الحي علي موسى
تاريخ التسجيل: 07-19-2006
مجموع المشاركات: 2929
Quote: عبد الحي يا حبيب دا كلام شنو ياخ .. تفها من خشمك .. دون شك الأعمار بيد الله .. و الموت ما عندو مكان .. بس و الله الشفيع دا نحن بنحبو في ( الله ) ، و ما بنرضى ليهو الشوكه .. بس ربنا يهديهو ، و يخلي لبس الكاكي ( الفوتوشوب ) دا .. . . محبتي ..
محبتي لك ولأخونا الشفيع في (الله). لكن أنا قصدتُ إنو ممكن ينضم للجبهة الثورية. وحتى لو استشهد، فدا مقام شهود ذاتي كثير من يتمناه ولكن ناس حكومتنا إرسلوا ليه الآخرين.
05-21-2013, 11:28 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 50065
مناطق القردود والدبكر أصبحت خالية من مواطنيها 05-21-2013 10:30 AM
الميدان/ أم روابة
ما زالت أعداد هائلة من النازحين تتدفق على مدينة أم روابة نتيجة القصف الجوي والصاروخي الدائر في المنطقة بين الجبهة الثورية والقوات المسلحة، ويقول النازحون : ( إن مناطق القردود والدبكر أصبحت خالية من مواطنيها) وإن السلطات في أم روابة لا ترغب في فتح معسكرات لهم، وبل طالبتهم بالرجوع إلى مناطقهم غير الآمنة، وأضافوا بأنهم تركوا كل شيء خلفهم، وإنهم مضطرون للتواجد في أم روابة لأنها المكان الوحيد الآمن حالياً، وعلى صعيد متصل تسري شائعات في المدينة بين الفينة والأخرى بأن هناك هجوماً وشيكاً على المدينة، فتغلق المحلات بالأسواق ويهرب المواطنون إلى بيوتهم، مما يشكل حالة خوف وقلق بين المواطنين.
وفي السياق قامت السلطات الأمنية باعتقال(8) من مواطني أم روابة من ضمنهم امرأة تدعى أحلام دود بتهمة الإنتماء للحركة الشعبية، أطلق سراح(5) منهم وتم ترحيل الباقين إلى الأبيض ومن ضمن الذين اطلق سراحهم المشرف على كنيسة أم روابة.
Quote: أحمد إبراهيم الطاهر : سنطارد التمرد فرداً فرداً وما دايرين كافر يخش البلد دي ونحن أحياء
أحمد إبراهيم الطاهر
قال : « إما نكون نحن فى السودان أو هم»،،السودان لن يسعنا مع الجبهة الثورية، 05-21-2013 06:48 AM دنقلا: ثناء عابدين :
أكد رئيس البرلمان مولانا أحمد إبراهيم الطاهر أن السودان لن يسعهم مع متمردي الجبهة الثورية، وقال « إما نكون نحن فى السودان أو هم»، مشدداً على أنه لاتعايش بينهم و الحركات المسلحة المتمردة، وزاد نريدها معركة نهائية لانتعامل معها بتراخي ونريدها أن تنمحي وتزول لأن الجبهة الثورية عار على السودان. واصفاً متمرديها بالعملاء والخونة والمرتزقة الذين ارتموا في أحضان الصهيونية، مشيراً إلى أن المعركة ليست معركة القوات المسلحة وحدها وإنما معركة الشعب السوداني كافة.
وقال الطاهر خلال مخاطبته لقاء التنوير التعبوي بساحة الدفاع الشعبي بدنقلا ، إن الجيش ظل يحارب(50) عاماً ولم ينكسر وحارب الأعداء في مواقعهم وهزمهم. وشدد الطاهر على أن قوى الشر التي تدعم الجبهة الثورية تشكل تهديداً لكل السودان بحجة سعيها لتقويض النظام الذي تراضي عليه أهل السودان، واتهم حركات التمرد بتلقي أموال وصفها بالحرام من الخارج بغرض تنفيذ أجندة أجنبية لترويع الأبرياء، وعد مجموعة الجبهة الثورية نتاج لقوى شريرة ومقدمة لجيش يريد تخريب البلاد.
وكشف الطاهر بأن القوة العسكرية المتواجدة على مشارف أبوكرشولا كافية لاستردادها، ولكنه قال إننا نريد إلحاق هزيمة كبرى بالمتمردين تدخل الرعب في نفوس من أرسلهم، وتابع «نحن نريد القضاء على التمرد وتاني مادايرين بندقية تهدد آمن السودان وسنطارد التمرد فردا فرداً وتاني مافي كافر أجنبي بيجي يخش البلد دي ونحن أحياء». وفى السياق تعهد والي الشمالية د. إبراهيم الخضر ببتر يد كل من يمس الولاية، وزاد «من ينظر بعين العداء والحقد للولاية سنفقع عينه ومن يمد رجله سنقطعها له»، وقطع بأن ولايته محروسة رغم أنها آمنة، لكنه أكد على ضرورة الحراسة والاستطلاع والتجهيز ليلاً ونهاراً، كاشفاً عن إرسال قوات استطلاعية للحدود مع شمال دارفور مما دعا المتمردين إلى الفرار من وادي هور، وأعلن جاهزية حكومة الولاية بالنفس والمال للدفاع عن البلاد، وقال الخضر إن السودان مستهدف من ما وصفهم بالشرذمة ويمولون من شراذم نعلمهم جميعاً، ومعاونوهم من الطابور الخامس الذين يعيشون بيننا. من جانبه دعا رئيس لجنة العمل والإدارة والمظالم بالبرلمان د.الفاتح عزالدين المؤتمر الوطني والقوى السياسية بالتخلي عن ما أسماها «بالنقة» حول القضايا الهامشية والانصراف نحو القضايا الوطنية، لافتاً إلى أن الاستهداف للسودان قديم ومتجدد بأن تظل البلاد مأزومة تتمزق إلى(5) دويلات.
اخر لحظة
وبدأت السلسلة الجهنمية مرة أخرى: ليش ليش يامجاهد ماتتقدم للحور والجنة تكسب تغنم ............................ لكتاب الله أقرأ وأفهم قم ليلك باكر كي لا تندم لازم أذكارك بها اتكلم لرسولك صلي ينزاح الهم ................................. لكلاشنكوفك والجيم أفهم في الرأس تنشينك لا لا ترحم للقاء أعداءك سرعة اتقدم لا تهاب الدانة لا تخشى لغم ....................................... أعداء الله عايشين في وهم ناسين الاخرة يومآ اعظم لاهين في الدنيا تطريب ونغم لاعبدوا الخالق لادين لافهم ..................................... العهد الباقي صغناه قسم لغير الباري لن نحمل هم لعدونا ندمر نصبيه حمم لبلادنا نعمر تبقى لنا رقم ........................................ صلوات الله تغشى الاكرم لرسول الله الهادي علم ماسار مجاهد في صفه اتقدم ماعبر شهيدآ ماسالت دم ماسار مجاهد في صفه اتقدم ماعبر شهيدآ ماسالت دم ــــــــــــــــــــ المجاهدون ينوون إعادة الحلقات الجهنمية مرة أخرى. وهذا ود إبراهيم عندما كان رائد..
كلام حق و لا نقوله بقولك! Bring it on brother, bring it on شاعر و مغني الجوامعة ود فدوس عليه الرحمة بقول : يا مجرر السيطان ! الزمن راقد و الشطارة ليها بكان (مكان) تعال و معك من معك لا نخشاك أبدا ليس اليوم كالامس فقد اصطف لك الرجال الواحد فيهم يأكلك شاربو قبال تشوفك عينو!! أي والله! يأكلك شاربو قبال تشوفك عينو! أنقرع آآآآآ وليد!
بالحيل توجد منطقة وسطى..و كبيرة يا حبيب.. الصراع بين اطراف سودانية ..عشان كده مافي زول شغال بيهو تب.. و يمكن تلاحظ الفرق ايام هجليج لمن كان اعتداء دولة اجنبية..
ناس الجبهة الثورية بيقول ليك عملية الفجر الجديد...و متحركات الفجر الجديد..ودايرين السودان كلو.. و ناسك شابكننا متحرك المنتصر بالله و المعتز بالله و المقتدر بالله.. يعني مافي سعة خيال يقرب الحاجات السودانية..و ستعود اب كرشولا لحضن الوطن (التقول اب كرشولا مشت تحج)..و دي الغربة ذاتها يا قريبي.. الجهاد اصبح المواطن بيعاين ليهو جهاد حكومة ساكت.. العقيدة ..المواطن اكتشف انو عقيدة الحكومة حاجة و عقيدة المواطن حاجة تانية.. الحكومة كان ممكن تستغل حكاية هجليج و تقدم السبت عشان تلقى الأحد.. لكنها تجبرت و تكبرت..و صابها الغرور..و هسع بقى ليها بمبي..!!
في اعتقادي.. الناس كلها عبرت عن الفي حواها.. كلو واحد شايل جبخانتو و بترقع ليل صباح.. الأفضل بعد ه نستخدم العقل..و الأطراف كلها تقعد في التراب.. مافي طرف منتصر.. كل الأطراف مهزومة و خسرانة..فاحسن الناس تحصل و تلحق باقي الوطن..و كن النفوس اتطايبت العنقريب بيشيل مية..
في ذمتك يا الشفيع رايك شنو في كلام كبر دا عليك الله لو الراجل كون حزب مش مفروض نسجل معاه طوالي
تحياتي لكل من كتب حرفايدعو لحقن دماء ابناء الوطن من الجانبين
05-22-2013, 03:57 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11848
بالحيل توجد منطقة وسطى..و كبيرة يا حبيب.. الصراع بين اطراف سودانية ..عشان كده مافي زول شغال بيهو تب.. و يمكن تلاحظ الفرق ايام هجليج لمن كان اعتداء دولة اجنبية..
ناس الجبهة الثورية بيقول ليك عملية الفجر الجديد...و متحركات الفجر الجديد..ودايرين السودان كلو.. و ناسك شابكننا متحرك المنتصر بالله و المعتز بالله و المقتدر بالله.. يعني مافي سعة خيال يقرب الحاجات السودانية..و ستعود اب كرشولا لحضن الوطن (التقول اب كرشولا مشت تحج)..و دي الغربة ذاتها يا قريبي.. الجهاد اصبح المواطن بيعاين ليهو جهاد حكومة ساكت.. العقيدة ..المواطن اكتشف انو عقيدة الحكومة حاجة و عقيدة المواطن حاجة تانية.. الحكومة كان ممكن تستغل حكاية هجليج و تقدم السبت عشان تلقى الأحد.. لكنها تجبرت و تكبرت..و صابها الغرور..و هسع بقى ليها بمبي..!!
في اعتقادي.. الناس كلها عبرت عن الفي حواها.. كلو واحد شايل جبخانتو و بترقع ليل صباح.. الأفضل بعد ه نستخدم العقل..و الأطراف كلها تقعد في التراب.. مافي طرف منتصر.. كل الأطراف مهزومة و خسرانة..فاحسن الناس تحصل و تلحق باقي الوطن..و كن النفوس اتطايبت العنقريب بيشيل مية..
كلام زي السكر
05-22-2013, 03:35 PM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
ود الشيخ حبابك وكلام اخونا كبر على العين والراس بس الحاصل غير ولا يوجد اي فرق بين اعتداءات هجليج وابكرشولة كلها تستهدف الوطن والمواطن ومكتسباته وان اختلفت الادوات واعتداءات هجليج نفسها في ناس هنا ايدتها وباركتها والعدل والمساواة شاركت فيها اذن لا فرق
05-22-2013, 07:46 PM
جمال خضر جمال خضر
تاريخ التسجيل: 06-18-2011
مجموع المشاركات: 3959
Quote: رماة غزوة احد عادوا ادراجهم بعد غياب لاعوام خلت
أخونا الشفيع سلام
هل من عودة لحديث الكرامات (الملائكة وخوضها للمعارك , المرافعين وتفجير الألغام . السحب ودورها فى سقى المقاتلين وتوفير الظل لهم والأشجار وتكبيرها وتهليلها )
أم أنها ذهبت الى حيث سبيلها وأصبحت ورقة محروقة .
05-23-2013, 05:06 PM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
احمد التجاني.. مصعب عثمان.. فايز ود القاضي.. حامد الغبشاوي.. محمد احمد الريح.. عبد اللطيف شريف علي.. محمد الشيخ.. زين العابدين (الحليلة).. محمد جمال (من الفيس بووك)..
كتر خيركم كتير على هذه الثقة الغالية..
و يا محمد الشيخ مافي مشكلة تب.. الحزب هين يا صديقي.. لكن السلام اول حاجة..و الإستقرار..و بعد داك ربك كريم..
كتر خيرك صديقنا الشفيع..و ابدا يا صديقي ما حدث في اب كرشولا لا يشبه ما حدث في هجلجيج..و لو قافل على حكاية ضرب مقدرات الوطن.. فالحكومة قاعدة تمسح انسان الوطن عدييل.. الأفضل أن تجلس الأطراف في الأرض و تتفاوض و تصل للحل..و مافي جهة بتقدر تحل مشاكلنا نحن السودانيين الإ نحن بذات انفسنا..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الشفيع وراق عبد الرحمن
محمد المسلمي
بريمة محمد
خالد العبيد
Kabar
Sulaiman Adam
محمد علي عثمان
أيمن الطيب
أحمد التجاني ماهل
محمد إبراهيم علي
عمر التاج
أحمد الابوابي
أمير محمد ادريس
فرح الطاهر ابو روضة
عبد الحي علي موسى
Yasir Elsharif
Musab Osman Alhassan
فايزودالقاضي
عماد قريش
abuguta
حامد الغبشاوي
عبداللطيف شريف على
Mortada Adam
Omer Abdalla Omer
جمال خضر
د.محمد حسن
elhilayla
فيس بوك
تويتر
انستقرام
يوتيوب
بنتيريست