|
|
 التـــــــــــــــويمـــــات كـــــــيفنكم
|
جديد
رد
حذف
يؤرشف
غير هام
كنس
نقل إلى
الفئات
خيارات
يوسف الحداد
صورة يوسف الحداد
Yousef Haddad
تم حظر هذا المحتوى لسلامتك.
محتوى من [Facebook] [Twitter]
معرفة المزيد|إيقاف التشغيل
عودة إلى الرسائل
الرسالة التالية
الرسالة السابقة
Re: التويمات كيفنكم رقم 2
Yousef Haddad ([email protected])
إضافة إلى جهات الاتصال
03/07/34
[الاحتفاظ بهذه الرسالة في الجزء العلوي من علبة الوارد الخاصة بك]
إلى: [email protected]
صورة Yousef Haddad
تم حظر أجزاء من هذه الرسالة للحفاظ على الأمان الخاص بك.
إظهار المحتوى|أنا أثق في [email protected]، اعرض المحتوى دائماً.
From: Yousef Haddad
To: "[email protected]"
Sent: Monday, August 13, 2012 12:06 AM
Subject: Fw: التويمات كيفنكم رقم 2
----- Forwarded Message -----
From: Yousef Haddad
To: "[email protected]"
Sent: Saturday, November 26, 2011 11:12 AM
Subject: التويمات كيفنكم رقم 2
يالتويمات كيفنّكم
كيف ظروفكم وكيف جوّكم
يالتويمات
***
كان مُنايا يطول عُمركُم
ابقى قِدامكُم وجنبكُم
افتح احضانى واضُمّكُم
وجوّة فى عيونى اختكُم
بيكم أتباها وأفتخر
ليكم أتحبَّ واحبكم
***
كُست ليكم وفتشتكم
يالتويمات احتجتكم
أشتهيت قولت يا اخوي
بى حنان اسمعا منكم
وا شقاوة الزول الشقى
وا خسارة الما شفتكم
واى انا الكاتلنى الحُزن
ابكى وا مُرى ومُركم
يالتويمات كيفنّكُم
***
يا اخيّاتى اخيّكُم
درّو لله ودرّكُم
جايي واقع فى عرضكُم
ابقو عشرة على أُمكُم
سابت الدنيا هنى وابت
وا حلالكُم جات عندكُم
اوعكم تغفلو منها
واوعو لحظة تغيب منكم
ياما عانت وتعبت كتير
اشفعولا دى ما أُمّكُم
يالتويمات كيفنكم
***
أُمى زولة اخرة كانت
فيها ما حيخيب ظنكُم
كان تصوم رمضان والستوت
وكان تخُت حقى وحقكُم
وكان تغيم الليل والضُحى
طالعة فى عثمان جدكُم
يالتويمات كيفنكُم
***
يا حليل حِلّتنا أنتهت
روّحو الطيبين كُلهُم
حاجة عاشة ويوسِتّنا
من زمان مشو لحقنكُم
وخالتى ميّاسة كمان مشتْ
ما نسيتوها لعلّلكُم
وفى وراهُم ناس مكدار
وستى نور المن قبلهم
سِتى زينب وبِت احمدى
الكان تدوبى تجر نمكُم
بهجة الاسياد فى المسيد
ورنّة الطار من حِسكُم
وناس زكيّة وناس ود نصر
حتى هم مشو فى دربكم
يا حليل الناس الحُنان
حِضرو كوراكُم وضِحككُم
بى هناك احسن من هنى
بركة الله جمع شملكم
***
جنة الفردوس ما بتضيق
واسعة بتشيلكُم كلّكُم
فيها خالكُم عبد الرحيم
وفيها ناس ابزيد عمكم
يالتويمات كيفنكُم
***
جاييى ما بتأخر كتير
احجِزولى مكان جنبكُم
قولو لى رضوان خازِنا
واطلبولى كمان ربكُم
يالتويمات كيفنكًم
|
|
 
|
|
|
|
|
| |
احمد حمودى
علي عبدالوهاب عثمان
rosemen osman
فيس بوك
تويتر
انستقرام
يوتيوب
بنتيريست