|
Re: سودانى بالامارات يحلم بالخروج من السجن_ حالة انسانية جداً بابوظبى (Re: اسلام عبد الرحمن عمر)
|
قضى ( 30 ) سنة في العمل ودخل السجن على ذمة ( 33 ) ألف درهم «فايز» اقترض لعلاج ابنته وعجز عن السداد المصدر: • أحمد عابد - أبوظبي التاريخ: 17 مايو 2013 عوض الله يحلم بالخروج من السجن. أرشيفية حضر فايز عوض الله، (53 عاماً)، سوداني الجنسية، إلى الدولة عام 1985 وبدأ رحلة عمل طويلة، وكانت حياته تسير بوتيرة طبيعية، حتى أصيبت ابنته بمرض عضال واضطر إلى الاقتراض لعلاجها وتخفيف آلامها، واستمر في سداد الأقساط حتى فوجئ بإنهاء خدماته وعجز عن سداد ( 33 ) ألف درهم، بقية قرض علاج ابنته، ودخل المنشآت العقابية والإصلاحية في أبوظبي على ذمة هذا المبلغ، منذ سبعة أشهر، ولا أمل له في الخروج لعدم وجود مصدر دخل، مناشداً أهل الخير مساعدته على تسديد دينه لمصلحة بنكين محليين بقيمة ( 33 ) ألف درهم، حتى يتمكن من الخروج والعودة لأسرته، مؤكداً أنه قضى( 30 ) سنة في العمل دون مخالفة تذكر، ولكن ظروف مرض ابنته اضطرته إلى الاقتراض. وقال عوض الله لـ«الإمارات اليوم» إنه «قدم إلى الدولة في فترة الثمانينات، حيث عمل فنياً كهربائياً في إحدى المؤسسات الإعلامية الحكومية منذ عام 1985، وكان مثالا في الالتزام والتدين والتفاني في عمله، ولم يرتكب أية جريمة أو مخالفة يعاقب عليها القانون، حتى اضطره سوء أحوال أسرته المعيشية ومرض ابنته إلى اقتراض مبالغ بسيطة من بنكين مختلفين، وحرص على سداد الأقساط المترتبة عليه في مواعيدها المقررة، حتى أنهيت خدماته في 2004 ولم يستطع بعدها ان يواصل تسديد أقساط علاج ابنته، إذ تبقى عليه مبلغ ( 33 ) ألف درهم، ورفض البنكان الانتظار عليه طويلاً حتى يتمكن من تدبير حاله ومعاودة سداد الأقساط، فقاما بالتعميم عليه، ليتم توقيفه وإيداعه في السجن على ذمة هذا المبلغ. وأوضح أنه بعد إنهاء خدماته حاول جاهداً البحث عن فرصة عمل أخرى، لكنه فشل في تحقيق ذلك حتى الآن، ما اضطره إلى التعثر في سداد ديونه المستحقة للبنكين، لافتاً إلى أنه لم يتوقع على الإطلاق أن تنتهي رحلة كفاحه على مدار هذه السنوات الطويلة داخل أسوار السجن، سيما أنه كان شخصاً ملتزماً بقوانين الدولة، ويقدم يد المساعدة لمن يطلبها، سواء من الأقارب أو غيرهم. وأشار إلى أنه يتطلع إلى رؤية زوجته وابنته الموجودتين حالياً في دولته منذ إنهاء خدماته، وأن يجد من يمد له يد المساعدة والعون وإخراجه من هذا الكرب، وأن يجد فرصة عمل كريمة تدر عليه دخلاً يمكنه من تلبية الالتزامات المعيشية ومساعدة أسرته، وكذا تمكين ابنته الوحيدة من مواصلة دراستها الجامعية. ونوه عوض الله بمبادرة إنشاء صندوق الفرج التابع لوزارة الداخلية لمساعدة السجناء المعسرين، وسداد الديون المالية المستحقة عليهم، إذ تمثل مبادرة إنسانية تعزز مبدأ التكافل الاجتماعي بين الأفراد، وتشجع على فعل ونشر الخير، وتمنح الفرصة للسجناء الذين تعثروا في سداد التزاماتهم المالية، للالتزام وعدم اقتراض مبالغ مالية كبيرة من البنوك.
http://www.emaratalyoum.com/local-section/hot.../2013-05-17-1.575460
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: عاطف عمر)
|
عزيزي اسلام عبد الرحمن والله دي قضية انسانية بحق .. ولكن كل مشكلة وليها حل .. وما دام الزول ده ما عامل اي جريمة والقضية كلها مالية.. فيمكن بمبادرة من الأخوان هناك يعملوا حملة تبرعات .. ويفتحوا حساب باسم معين ويطلبوا مساعدة الجالية هناك وبعدين انت هنا تطلب مساعدة اعضاء المنبر العندهم امكانيات مادية واذا كل واحد في امريكا اتبرع بمية دولار مثلا . وانت شوف في كم واحد في امريكا وكم واحد في دول اوروبا يتبرعوا بمية يورو .. اظن ممكن يتجمع المبلغ المطلوب في وفت قصير جدا.. وطبعا نحن ما عارفين مبلغ الـ 33 الف درهم بيكون كم بالدولار او باليورو.. والمهم نحن جاهزين للتبرع وما عليكم إلا اطلاق المبادرة .. ومن فرج لانسان كربة من كرب الدنيا فرج الله له كربة من كرب يوم القيامة..
والله يديك العافية
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: اسلام عبد الرحمن عمر)
|
تحياتي إسلامQuote: وطبعا نحن ما عارفين مبلغ الـ 33 الف درهم بيكون كم بالدولار او باليورو.. والمهم نحن جاهزين للتبرع وما عليكم إلا اطلاق المبادرة .. ومن فرج لانسان كربة من كرب الدنيا فرج الله له كربة من كرب يوم القيامة..
والله يديك العافية |
شكراً أميرة أرجو أن يعتبر الأحباب هذا البوست مبادرة
33,000 درهم تعادل 8,967 دولار أمريكي تذكرة سفر عودة وشوية هدايا لأسرته
يصبح المبلغ المطلوب ( 10,000 ) دولار أمريكي
والله المستعان
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: عصام علي أحمد)
|
Quote: اقتراح اجتماع عاجل لبورداب الامارات بالنادى السودانى فى دبي اسلام تحياتى الخطوة المهمة - فتح حساب للتبرع عشان نقدر نشتغل بالتلفون فى حس الناس للتبرع مباشرة فى الحساب |
شكرا اخ عصام ومقترح مهم ولابد من السرعة لتفريج كربة هذا الاخ فالله وحده يعلم الالم النفسي الذي يعانيه .. انا شايف دور الجالية ضعيف جدا ويكاد يكون معدوم الا من بعض القابضين على الجمر من الاخوة السودانيين ... ماعارف دور الاندية السودانية شنو؟؟؟؟ سؤال كبير ماليه اي اجابة !! اتمنى يكون هناك تنسيق بين الاندية وان تكون اكثر قربا ورحما لابنائها .. لو تم حصر كل الجالية وتبرع كل فرد بي 10 درهم لحلت ازمة هذا الاخ في في ساعة ... ماعارف الحصل علينا شنو ؟
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: معتصم محمد عبدالرحمن)
|
جزيل الشكر لكل الاخوه المتداخلين ..
علمتنا سودانيز اونلاين الوقفه القويه فى مثل هذا المواقف الانسانية
ودى المحريه فيكم يابورداب ..
كلنا على استعداد تاااام لعمل كل الذى يجب من اجل هذا السودانى النبيل
الموضوع ياشباب عاوز وقفتنا كلنا بالجد ,, والمبلغ بسيط وفى المستطاع
وممكن جداً ذى ماقالوا الاخوه المتداخلين يتلم بى سهولة ..
أنا عن نفسى مستعد لاى تحرك يمكن ان يسهام فى دفع الموضوع لى قدام ..
الاخوة بوراب الامارات ..
الاخوه فى الحاليه السودانية بابوظبى .. والنادى السودانى
الاخوه فى النادى السودانى دبى
الموضوع لعنايتكم
ياريت نقدر نعمل تحرك سرييييع مع بعض
معقول يا اخوانا 33 الف فقط والراجل فى السجن من سنة 2004 ؟؟؟؟؟
والله العظيم لاخير فينا ان لم نفعلها ونفك سجن هذا المسكين المحتاج الينا
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: امينة عيسى)
|
الأخ/ إسلام عبدالرحمن عمر
لك الشكر في عرض مشكلة الأخ/ فايز عوض الله
لكني يا أخوان وأخوات أحب أن أنوه بأن المذكور كما تم ذكره في المقال تم إدخاله للسجن من سبعة شهور وليس كما ذكرتم منذ 2004 :
Quote: ودخل المنشآت العقابية والإصلاحية في أبوظبي على ذمة هذا المبلغ، منذ سبعة أشهر |
لأنه في الإمارات لا توجد قضية شيك أقل من 100 ألف ويسجن صاحبها لفترة تزيد عن 6 شهور . (لذا ربما يوجد خطأ في توصيل المعلومة والمبلغ المذكور 33 ألف يستحيل أن يسجن صاحبه فترة تتجاوز 3 شهور)
والله أعرف كثيرين كانوا لديهم شيكات لم تتجاوز 50 ألف درهم وحكم لهم ب (3) شهور سجن وبعدها يتم تحويل القضية إلى (مدنية) أي لا يستطيع السفر ما لم يقم بتسديد الدين الذي عليه.
لذا أتمنى إذا كان هنالك بوردابي (محامي) للسؤال عن قضية الأخ/ فايز عوض الله
وأنا أعتقد بعد أن تم عرض مشكلته في جريدة ( الإمارات اليوم ) بأنه لن يدوم في السجن لأكثر من أيام لأني قرأت في التعليقات بأن البعض لديه الإستعداد لتسديد كامل المبلغ
ملاحظة: لمن له معرفة بأحد موظفي (المنشآت العقابية) وأعتقد بأنها في الوثبة أو من سكان الوثبة ويمكنه الوصول للإستفسار عن قضية المذكور لإفادتنا وأنا على ثقة بأن من يحاول السؤال عن فايز عوض الله سيعلم بأن الكثير من الناس قد قاموا بالسؤال عنه أو تسديد دينه.
ولكم التحية وفي إنتظار أخبار جيدة بإذن الله تعالى
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: فتحي عباس نقد)
|
عزيزاتي وأعزائي الأفاضل د.نجاة سيد احمد امينة عيسى( المحظوظة) سفيان بشسر عبد الرحيم ابايزيد عثمان مكي محمد عبد الماجد( المروق المرتاح) معتصم محمد عصام على احمد مجدي امدرمان نزار خسين الفاروق حسين ملاسي هجو الأقرع عبد الرحمن الحلاوي فتحي عباس نقد
الشكر الجزيل والامتنان ليكم .. وهسع عرفنا ان الدنيا لا زال بخير...فمثلكم نادر في هذا الزمن.. والحمد لله فتحي جايب لينا اخبار مفرحة وان شاء الله نسمع بكره انو كربته انفرجت.. والله يديكم العافية
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: Ayman Khalifa)
|
Quote: <عزيزاتي وأعزائي الأفاضل د.نجاة سيد احمد امينة عيسى( المحظوظة) سفيان بشسر عبد الرحيم ابايزيد عثمان مكي محمد عبد الماجد( المروق المرتاح) معتصم محمد عصام على احمد مجدي امدرمان نزار خسين الفاروق حسين ملاسي هجو الأقرع عبد الرحمن الحلاوي فتحي عباس نقد
الشكر الجزيل والامتنان ليكم .. وهسع عرفنا ان الدنيا لا زال بخير...فمثلكم نادر في هذا الزمن.. والحمد لله فتحي جايب لينا اخبار مفرحة وان شاء الله نسمع بكره انو كربته انفرجت.. والله يديكم العافية |
الاخت اميره السيد وكل الاخوه المتداخلين ..
جزيل الشكر ليكم لى اصالة معدنكم ودى المحريه فينا كلنا
حقيه انا ماعندى اى سابق معرفه بالشخص المعنى فى القضيه دى
لقيت الخبر فى الصحيفة والمنى جداً وحبيت اعمل حاجه
ونتشارك كلنا فيها وربنا يجعلها فى ميزان حسناتنا كلنا
انا حديث عهد فى الامارات وليس لى معرفه بكثير من الامور فيها
حتى الاخوه بورداب الامارات لم اتواصل معهم من قبل لظروفى الخاصة
وانا الان فى انتظار الاخوه بورداب الامارات وانا واثق انهم ما حيقصروا فى الموضوع دا وحيلقى منهم
كل الاهتمام
رقم تلفونى للتواصل : 0552019339 ومع المفتاح بيكون 00971552019339
خالص الود للجميع
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: اسلام عبد الرحمن عمر)
|
الاخ فتحى عباس نقد
Quote: [الأخ/ إسلام عبدالرحمن عمر
لك الشكر في عرض مشكلة الأخ/ فايز عوض الله
لكني يا أخوان وأخوات أحب أن أنوه بأن المذكور كما تم ذكره في المقال تم إدخاله للسجن من سبعة شهور وليس كما ذكرتم منذ 2004 :
Quote: ودخل المنشآت العقابية والإصلاحية في أبوظبي على ذمة هذا المبلغ، منذ سبعة أشهر
لأنه في الإمارات لا توجد قضية شيك أقل من 100 ألف ويسجن صاحبها لفترة تزيد عن 6 شهور . (لذا ربما يوجد خطأ في توصيل المعلومة والمبلغ المذكور 33 ألف يستحيل أن يسجن صاحبه فترة تتجاوز 3 شهور)
والله أعرف كثيرين كانوا لديهم شيكات لم تتجاوز 50 ألف درهم وحكم لهم ب (3) شهور سجن وبعدها يتم تحويل القضية إلى (مدنية) أي لا يستطيع السفر ما لم يقم بتسديد الدين الذي عليه.
لذا أتمنى إذا كان هنالك بوردابي (محامي) للسؤال عن قضية الأخ/ فايز عوض الله
وأنا أعتقد بعد أن تم عرض مشكلته في جريدة ( الإمارات اليوم ) بأنه لن يدوم في السجن لأكثر من أيام لأني قرأت في التعليقات بأن البعض لديه الإستعداد لتسديد كامل المبلغ
ملاحظة: لمن له معرفة بأحد موظفي (المنشآت العقابية) وأعتقد بأنها في الوثبة أو من سكان الوثبة ويمكنه الوصول للإستفسار عن قضية المذكور لإفادتنا وأنا على ثقة بأن من يحاول السؤال عن فايز عوض الله سيعلم بأن الكثير من الناس قد قاموا بالسؤال عنه أو تسديد دينه.
ولكم التحية وفي إنتظار أخبار جيدة بإذن الله تعالى |
مشكور جداص على المعلومات الضافيه والمداخله المفيده حاولت اكثر من مره اتصل على الارقام النشرتها بتاعت المنشاءات الاصلاحيه والعقابية بابوظبى بس ما فى زول بيرد على التلفون ..
محتاجين لى اى معلومات عن الاخ فايز بتكون مفيده لو فى زول من زملائه او اصحابه متابعه قضيتو
معاهو بيفيدنا شديييد
وذى ماقلت ممكن يكون فى ناس تانين عندهم نفس المبادره او على استعداد للمساعده والامارات لاتخلو
من الخيريين .
ياريت لو لقينا زول بيعرف فايز او زميلوا او عندو بيهو اى علاقة
خالص الود
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: Ayman Khalifa)
|
في البداية الشكر للأخ اسلام على فتح البوست وكذلك الشكر لكافة الاخوة المتداخلين، ثانيا معروف الشعب السوداني بتكافله وحلحة المشاكل الانسانية والاجتماعية ولكن بخصوص الأخوان المساجين بسبب المال والديون من البنوك في الإمارات من الجالية السوادانية كلما أسلف أحد الأخوان أن القضية تتحول إلى مدينة بكافلة جواز سفر السجين ويطلق صراحه ويقصد المبلغ حتى يتم دفعه كاملا مع منعه من السفر. والجالية والسودانيين فتروا من التبرع يا جماعة الناس ديل الواحد شغال ويقترض من أكثر من بنك ولا ينفق المال على نفسه أو أسرته بل الكثير منهم في مجالات لا داعي لذكرها ومنذ شهرين نحن مجموعة متابعين قضية رجل عمره فوق السبعين سنة وتبرعنا من أنفسنا وجمعنا من السودانين وكذلك اللجنة الجديدة لإدارة النادي السوداني أبوظبي والأخ القنصل بالسفارة ولكن للأسف لازال المبلغ لم يكتمل وناقص 10 ألف درهم مع العلم أن المبلغ كان أكثر من 90 ألف درهم وقد دفعنا لنا ديوان الزكاة والهلال الأحمر في أبوظبي 30 ألف. فالمشكلة كبيرة ياأخوان وأنا أعرف العديد من السودانيين هنا في الإمارات في نفس الاشكال وممنوعين من السفر والواحد يشتغل وما يجده ينفقه في قهاوي الحبشيات بدل من أن يقصد منه في سد ديونه. فربنا يعينكم يا ناس المنبر والله ستسددوا والساقية مدورة. أحمد التجاني
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: أحمد التجاني ماهل)
|
Quote: فايز عوض الله يحلم بالخروج من السجن. حضر فايز عوض الله، (53 عاماً)، سوداني الجنسية، إلى الدولة عام ;1985، وبدأ رحلة عمل طويلة، وكانت حياته تسير بوتيرة طبيعية، حتى أصيبت ابنته بمرض عضال واضطر إلى الاقتراض لعلاجها وتخفيف آلامها، واستمر في سداد الأقساط حتى فوجئ بإنهاء خدماته وعجز عن سداد 33 ألف درهم، بقية قرض علاج ابنته، ودخل المنشآت العقابية والإصلاحية في أبوظبي على ذمة هذا المبلغ، منذ سبعة أشهر، ولا أمل له في الخروج لعدم وجود مصدر دخل، مناشداً أهل الخير مساعدته على تسديد دينه لمصلحة بنكين محليين بقيمة 33 ألف درهم، حتى يتمكن من الخروج والعودة لأسرته، مؤكداً أنه قضى 30 سنة في العمل دون مخالفة تذكر، ولكن ظروف مرض ابنته اضطرته إلى الاقتراض |
الاخوين العزيزين ايمن واحمد التجانى ..
اولاً مشكورين على المداخلات وعلى مروركم من هنا , حقيقة تعاطفنا مع الاخ المذكور من المعلومات التى
تم نشرها فى الصحيفة الموجوده فى الاقتباس اعلاه ..
الزول دا متزوج دى نمره واحد ,, واقترض لى علاج بنته دى نمره اثنين والحاجه التالته والاهم من دا
انه ماعندو شغل ودى سبب عجزو عن السداد ,, والزول دا حسب تقرير الصحيفة كان بيسدد فى القروش
دى منذ العام 2004 , والحاجه الاخيره الزول دا قال يا ابو مرووووووا وقال عاوز المساعده
من الخيريين .
فى نقطة انا ماعارفه بتاعت انو قضية مدنية ولا جنائية وانو ممكن يطلع من السجن ويمنع من السفر فقط
هل الحاجه دى بتنطبق على زول ماعندو شغل ؟؟؟ وحا اكون قاعد فى البلد باى صفه ؟؟ وحا ادفع كيف
الاقصاد العليهو دى
مع العلم انو التقرير قال Quote: [واستمر في سداد الأقساط حتى فوجئ بإنهاء خدماته وعجز عن سداد 33 ألف درهم، بقية قرض علاج ابنته، ودخل المنشآت العقابية والإصلاحية في أبوظبي على ذمة هذا المبلغ، منذ سبعة أشهر، ولا أمل له في الخروج لعدم وجود مصدر دخل، |
خالص الود للجميع ..
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: اسلام عبد الرحمن عمر)
|
العزيز اسلام لك التحية، أنا لم أقصد فقط قصية الأخ فائز فك الله قيده ولكن الكثير من السوادانيين بنفس القضية. والشخص الذي تحدثت أنا عنه الآن هو خارج السجن بكفالة جواز سفره لدى المحكمة وفي حال انتهاء صلاحية الجواز يأتي بكفيل أو جواز سفر آخر يوضع لدى المحكمة مع حضور وتوقيع صاحب الجواز إلا أن يتم تجديد الجواز المحجوز وإرجاعه إلى المحكمة وأخذ الجواز الآخر عن طريق صاحبه وفي حال وجد صاحب القضية وظيفة يتم السداد حسب نسبة محددة من المرتب. هذا ما لزم توضيحه. أحمد
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: اسلام عبد الرحمن عمر)
|
Quote: فى نقطة انا ماعارفه بتاعت انو قضية مدنية ولا جنائية وانو ممكن يطلع من السجن ويمنع من السفر فقط
هل الحاجه دى بتنطبق على زول ماعندو شغل ؟؟؟ وحا اكون قاعد فى البلد باى صفه ؟؟ وحا ادفع كيف
|
ما عندو شغل القاضى بيديهو مهلة 3-6 شهور حتى يصحح اوضاعة ويمكن بعد مايلقى اى شغل يرفع قضية فى البنك لو داير (يتلايق ) ويدفع للبنك 100 -200 درهم تورد للمحكمة حتى نهاية المبلغ ويكفل بجواز السفر حتى لو ما عندو اقامة يعنى لو داير يقعد فى البلد ما يدفع القروش يختها فى حتة تانية ...القضاية البنكية فى الامارات ما فيها مشاكل فقط فى حالة اعطاء شيك بسؤ نية وايمكن القانونين يفتونا وهذا حسب علمى والله اعلم وجزاكم الله خير فى إعانة المحتاج أنتم لا ترجون من أحد جزاء ولا شكورا .
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: Ayman Khalifa)
|
Quote: ما عندو شغل القاضى بيديهو مهلة 3-6 شهور حتى يصحح اوضاعة ويمكن بعد مايلقى اى شغل يرفع قضية فى البنك لو داير (يتلايق ) ويدفع للبنك 100 -200 درهم تورد للمحكمة حتى نهاية المبلغ ويكفل بجواز السفر حتى لو ما عندو اقامة يعنى لو داير يقعد فى البلد ما يدفع القروش يختها فى حتة تانية ...القضاية البنكية فى الامارات ما فيها مشاكل فقط فى حالة اعطاء شيك بسؤ نية وايمكن القانونين يفتونا وهذا حسب علمى والله اعلم وجزاكم الله خير فى إعانة المحتاج أنتم لا ترجون من أحد جزاء ولا شكورا . |
الاخ ايمن خليفة مشكور جداً على المعلومات يا حبيب والله خليتنى احس انو من دربى دا امشى طوااااالى
على اقرب بنك واخمش لى منهم 300 الف درهم واتجرجر فيهم واجى ادفعا ليهم فى المحكمه 100 لى 200 درهم
مشكور تانى على المداخله واكييييد نحنا لانرجو من احد جزاءً ولا شكورا وبنتمنى مايجى علينا يوم نحتاج
فيه لى زول والناس يقعدوا يتشاورو في امرى (نديهوا ولا مانديهو )
كل الود
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: Ayman Khalifa)
|
Quote: حقيقه انا ماعندى اى سابق معرفه بالشخص المعنى فى القضيه دى
لقيت الخبر فى الصحيفة والمنى جداً وحبيت اعمل حاجه
ونتشارك كلنا فيها وربنا يجعلها فى ميزان حسناتنا كلنا
انا حديث عهد فى الامارات وليس لى معرفه بكثير من الامور فيها
حتى الاخوه بورداب الامارات لم اتواصل معهم من قبل لظروفى الخاصة
|
>>>>>>>>>>>>>>>>> عزيزي اسلام عبد الرحمن والله انت كبرت في نظرنا كمان اكثر واكثر...وفعلا انت اثبت انك سوداني جد جد .. ودي المجربة في السودانيين ، وخاصة في بلاد الغربة.. ونحن كنا مفتكرين ان السوداني المكروب ده صاحبك او قريبك.. فلله درك من انسان نادر والله يكثر من امثالك .. وانا بصراحة بشجعك تتواصل مع ناس الجالية وتشترك معاهم في الصغيرة والكبيرة وانا برشخك من هسع تكون في اللجنة التنفيذية ( طبعا اذا كان اصلا في تنظيم جالية في دولة الأمارات) لأن المعروف دائما ان السودانيين بيكونوا جاليات في بلاد الغربة وغالبا بتكون هذه التنظيمات تنظيمات خيرية لمساعدة افراد الجالية في خالات الملمات والكوارث...وانت يا اسلام بتصرقك ده اثبت انك انساني وحقاني وشايل اسمك صحي صحي.. والله يديك العافية
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: اميرة السيد)
|
عزيزاتي واعزائي ( اصحاب التعليقات في الـ Footnote) ام مؤيد سامية تاج الدين الطيب عبد الرحيم خالد الطاهر الحسن محمود عبد المحمود محمد عماد شمت مجاهد موسي
الشكر والتقدير لكم لهذه المبادرات الانسانية الطيبة بس المستغربة ليه انتو بتكتبوا تعليقاتكم دي كيفن تحت البوست.. واذا انتو ما قادرين تكتبوا تعليقاتكم داخل البوست نفسه عشان ما عندكم عضوية.. فأنا من هنا بناشد سيد الحوش الباشمهندس بكري بأن يسجلكم فورا في عضوية المنبر العام لأنكم بتستاهلوا والله يديكم العافية
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: اميرة السيد)
|
Quote: والجالية والسودانيين فتروا من التبرع يا جماعة الناس ديل الواحد شغال ويقترض من أكثر من بنك ولا ينفق المال على نفسه أو أسرته بل الكثير منهم في مجالات لا داعي لذكرها ومنذ شهرين نحن مجموعة متابعين قضية رجل عمره فوق السبعين سنة وتبرعنا من أنفسنا وجمعنا من السودانين وكذلك اللجنة الجديدة لإدارة النادي السوداني أبوظبي والأخ القنصل بالسفارة ولكن للأسف لازال المبلغ لم يكتمل وناقص 10 ألف درهم مع العلم أن المبلغ كان أكثر من 90 ألف درهم وقد دفعنا لنا ديوان الزكاة والهلال الأحمر في أبوظبي 30 ألف. فالمشكلة كبيرة ياأخوان وأنا أعرف العديد من السودانيين هنا في الإمارات في نفس الاشكال وممنوعين من السفر والواحد يشتغل وما يجده ينفقه في قهاوي الحبشيات بدل من أن يقصد منه في سد ديونه. فربنا يعينكم يا ناس المنبر والله ستسددوا والساقية مدورة. أحمد التجاني |
,,,,,,,,,,,,,,,,,,, عزيزي احمد التجاني طبعا الأخوان هنا تفاعلوا مع الحالة الانسانية دي على اساس ان هذا السوداني المكروب( فرج الله كربته) استلف من البنوك لعلاج بنته( اها علاج بنته دي بالذات دقت في اوتار قلوبنا.. والاجراءات القانونية في الأمارات بيعرفوها طبعا ناس الجالية هناك.. والشكر كمان موصول لناس النادي السوداني عندكم.. وسؤالي هنا : هل النادي السوداني ده بيمثل عندكم ادارة الجالية السودانية واذا كان الأمر كذلك عندي ليكم اقتراح ( في حالة اذا لسع ما عملتوه) وهو، انشاء ثندوق خيري في اطار النادي السوداني ويسموه صندوق الطوارئ وتكونوا للصندوق مجلس ادارة ( يكون فيه رئيس وسكرتير عام وامين المال ) ويفتحوا حساب باسم النادي ) ويلزموا اي زول شغال في الأمارات يدفع 10 دراهم ( او تحددوا النسبة براكم على حسب دخل الفرد) شهريا ، على ان لا تمس اموال الصندوق لفترة سنة كاملة حتى يكون في رصيد معقول يبنى عليه ،، وبعد كده مسؤوليات الصندوق تكون كالتالي: - مساعدة مثل هؤلاء الذين يقعون في مشاكل قانونية( ويا ريت كمان يكون في محامي من اعضاء النادي السوداني يفتي في الأمور القانونية) - مساعدة شخص يريد الزواج - مساعدة عضو النادي الذي توفي له قريب من الدرجة الأولى فقط( وطبعا الدرجة ألأولى دي مثل الوالدين - الأخت، الأخ ، الأزلاد,, والخ..
ولكن يجب تكوين لجنة تقييم عشان هذه اللجنة تقدر تحدد منو البستحق المساعدة الفورية..
وبعدين وبعد شوية حتلقوا عندكم رصيد في الصندوق يكون فيه ملايين الدراهم .. وفي الحالة دي ممكن تسلفوا الناس المحتاجين العاوزين بسافروا اجازة ويرجعوا المبلغ للصندوق على اقساط وبدون ربا... ( اها يا احمد التجاني قصرت معاكم).. عندنا هنا في امريكا الشمالية.. اذا في جالية كونت تنظيم وسجلت اللجنة نفسها في البلدية كمنظمة غير ربحية.. البلدية بتسألهم : عندكم كم من المبلع في البنك تابع للجنة.. فمثلا اذا قالوا عندنا 50 الف دولار.. طوالي البلدية تديهم مثلها ( اي 50 الف دولار تبرع).. وفي قانون بينظم مثل هذه اللجان... واحتمال تكون المسألة دي مطبقة عندكم في ابوظبي.. وخاصة ونحن سمعنا ان مدينة دبي ( التابعة ليكم بقت مدينة عالمية ومطبق فيها جميع النظم العالمية) والله يديك العافية
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: ذواليد سليمان مصطفى)
|
الحمد لله كثيراً
الحمد لله الذى بنعمته تتم الصالحات
الاخوه المتداخلين جميعاً ..
تلقيت اتصال اليوم من شاب سودانى اصيل ا(الاخ عماد ) من ابوظبى وجد رقم تلفونى فى هذا البوست
واتصل على يبشرنى بقيام مواطن اماراتى خير رفض زكر اسمه بالتكفل
بدفع جميييع الديوان ديون اخونا فيصل ولله الحمد . تلقيت المكالمه وغالبتنى دمعتى يشهد الله
وافرحنى الخبر ايما فرحه ..
خاااالص الشكر لهذا الموااطن الاماراتى الاصيل الخير وربنا يجعله فى ميزان حسناته
والشكر اجزله للاخ عماد الذى نقل الينا هذا الخبر المفرح
والدنيا لسسسسسع بى خير
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: اسلام عبد الرحمن عمر)
|
Quote: عزيزي اسلام عبد الرحمن والله انت كبرت في نظرنا كمان اكثر واكثر...وفعلا انت اثبت انك سوداني جد جد .. ودي المجربة في السودانيين ، وخاصة في بلاد الغربة.. ونحن كنا مفتكرين ان السوداني المكروب ده صاحبك او قريبك.. فلله درك من انسان نادر والله يكثر من امثالك .. وانا بصراحة بشجعك تتواصل مع ناس الجالية وتشترك معاهم في الصغيرة والكبيرة وانا برشخك من هسع تكون في اللجنة التنفيذية ( طبعا اذا كان اصلا في تنظيم جالية في دولة الأمارات) لأن المعروف دائما ان السودانيين بيكونوا جاليات في بلاد الغربة وغالبا بتكون هذه التنظيمات تنظيمات خيرية لمساعدة افراد الجالية في خالات الملمات والكوارث...وانت يا اسلام بتصرقك ده اثبت انك انساني وحقاني وشايل اسمك صحي صحي.. والله يديك العافية |
الاخت اميره السيد
ربنا يديك العافية يارب وشكراً كل الكلمات الجميله دى وفرحان جداً بى معرفتى بيك البسيطه دى ربنا
يديك العافية يارب وما تشوفى شر يا اميره , يعلم الله الموضوع دا اتخيلناهو فى نفسنى الدنيا مسخت لى
وبرضوا نحنا عندنا الاولاد وممكن جداً الحصل لى فيصل يحصل لينا
الاخ صلاح حبيب
شكراً كتييير ليك وانشاء الله ماتشوف شر ياراجل يا اصيل ..
كل الاخوه الكان بسألوا عن رقم الحساب وبسألوا عن طريقة المساعده ربنا يجعله فى ميزان حسناتكم يارب
ومشكروين على طبعكم واصلكم ربنا يديكم الفى مرادكم
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: مصطفى توفيق)
|
شكرا عزيزي اسلام على هذه الأخبار الطيبة..وزي ما قلت الدنيا لسع بخير.. وشكرا لكل من سطر حرفا في هذا البوست دعما لاطلاق سراح فائز.. " انما الأعمال بالنيات" وقد كتبها الله لكم في ميزان حسناتكم يو تدنو الشمس من الرؤوس ويوم لا ظل إلا ظله...
ويا عزيزي احمد التجاني فكروا في اقتراحي بانشاء صندوق الطوارئ.. لأن الدنيا ما معروفة ولا قدر الله يمكن يكو ن هناك آخرين حيقعوا في مشاكل مشابهة,, اضافة إلى الفوائد الأخرى التي اشرت اليها
والله يديكم العافية
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: اميرة السيد)
|
الاخوان ود الصايم ,, عاطف عمر والاخ مصطفى توفيق مشكورين جزيل الشكر وانشاء الله فى ميزان حسناتكم يارب ..
الاخوه من الفيس بوك
شكرا ليكم تسلموا يارب ..
___________________________________
اود ان اشكر بشكل خاص الاخ هاشم احمد ادريس ,, هاشم زميل دراسة مقيم فى ابوظبى كلفته قبل مانعرف خبر تبرع الاماراتى
كلفته بالذهاب الى السجن والتاكد من معلومات الاخ فايز .
له جزيل الشكر وصل ادارة السجن واتصل على من هنالك واتاكد من كثييير من المعلومات الصحية عن هذا الشخص
وانه فعلاً منذ شهر سبتمبر فى السجن بسبب شيكات مكتوبة عبارة عن ادوات كهربائية او شراء ادوات كهربائية ودى حاجة معروفة فى الامارات
بيكتبوا القروض بهذا الشكل ليطفوا عليها بعض من الشرعيه ..
مشكور جدا هاشم احمد ادريس على مجهود وربنا يجعله فى ميزان حسناتك يارب
| |
|
|
|
|
|
|
Re: سودانى بالامارات يحلم بالخروج من السجن_ حالة انسانية جداً بابوظبى (Re: امينة عيسى)
|
من الفيس بوك (شكراً محمد الصادق أحمد) لإيراده لنك موقع جريدة الإمارات اليوم الخاص بخبر تسديد ديون الأخ/ فايز
http://www.emaratalyoum.com/local-section/hot.../2013-05-20-1.576336
متبرع يتكفّل بسداد ديون «فايز»
المصدر: أحمد المزاحمي وأحمد عابد - أبوظبيالتاريخ: 20 مايو 2013 عوض الله يعود إلى أسرته بعد and#8236;7 أشهر قضاها خلف القضبان. الإمارات اليوم
تكفل متبرع بسداد مديونية، فايز عوض الله، (and#8236;53 عاماً)، سوداني، البالغة and#8236;33 ألف درهم، وهو يقبع خلف قضبان السجن المركزي في أبوظبي منذ سبعة أشهر، إذ اقترض مبلغاً من بنكين لعلاج ابنته واستمر في سداد الأقساط حتى فوجئ بإنهاء خدماته، وعجز عن سداد and#8236;33 ألف درهم، ما أدى لسجنه.
ونسق «الخط الساخن» بين المتبرع ولجنة دراسة حالات السجناء في صندوق الفرج في وزارة الداخلية لإنهاء إجراءات خروجه من السجن في الأيام القليلة المقبلة، وكانت «الإمارات اليوم» نشرت في and#8236;17 مايو الجاري رسالة من السجين روى فيها قصة معاناته نتيجة عدم قدرته على التكفل بسداد مديونيته.
وأعرب عوض الله عن سعادته وشكره العميق للمتبرع ووقفته معه لإنهاء معاناته في ظل الظروف التي يمر بها، مشيراً إلى أن «هذا التبرع ليس غريباً على شعب الإمارات فهو سباق في مد يد العون والمساعدة لكل محتاج على هذه الأرض الطيبة».
| |
|
|
|
|
|
|
|