|
|
|
 Re: عضو البورد Siddig Elghali...المك نمر غدار و خائن!!! (Re: Sameer Kuku)
|
فبحسب رواية الاخ صديق فان شخص (تشادي) دعا مجموعة العدل ة المساواة جناح السلام الاغتيلوا صباح اليوم او امس الى مأدبة
فقام صاحب الدعوة و بمساندة عناصر العدل و المساواة بالغدر بهم حسب ما هو مكتوب اعلاه. و شبه صديق هذا الامر بدعوة قدمها
المك نمرلاسماعيل باشا و تم اغتيال الباشا على اثرها حسب ما جاء في كتب التاريخ.
لكن و الكلام لصديق دعوة التشادي لا يوجد به خمر و نساء عكس المك نمر مما يعطي التشادي افضلية على المك.
| |
 
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Sameer Kuku)
|
لطالما كنت طالب معجب بشخصية المك نمر و كتبت مقال في امتحان التاريخ في الصف الثامن حوالي سنة 2001
و اعتبرته بطلاً سودانياً حسب ما تعلمت و قرأت و للأمانة لم اقرأ منذ ذلك الزمن عن المك نمر الى يومنا هذا.
فكيف توصل صديق الغالي الى ان المك نمر خائن و غدار؟
و الى اي مدى معلومة ان المك قدم النساء للباشا صحيح؟
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Sameer Kuku)
|
Quote: داير بوستاتي يبور زي بوستاتك و لا شنو؟
|
تعرف ياسمير أنا بوستاتي كلها عبارة عن أخبار وفقط ولا أحبذ التداخل
كثيرا ( بوستات ليست للنقاش ....) ...ودائما بمصادرها الأصلية لتنوير الناس
بالمستجدات ...بوستات للمشاهدة فقط ....أكرر للمشاهدة فقط ....وممكن تشوف
عدد القراء القروها كم .
.
.
خليناك بي عافية .
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Ridhaa)
|
Quote: تعرف ياسمير أنا بوستاتي كلها عبارة عن أخبار وفقط ولا أحبذ التداخل
كثيرا ( بوستات ليست للنقاش ....) ...ودائما بمصادرها الأصلية لتنوير الناس
بالمستجدات ...بوستات للمشاهدة فقط ....أكرر للمشاهدة فقط ....وممكن تشوف
عدد القراء القروها كم . |
المرة الجاية يا رضا افهم و بعدين اكتب و ما تتسرع في اصدار الاحكام و معليش لو زعلت!
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Sameer Kuku)
|
| Quote: حلوه وملعوبه منك يا سمير الراجل لاعب ضاغط ضد الحركه الشعبية |
ليس الامر كذلك يا اخونا بتاع الفيسبوك, كل ما في الامر ان الاخ صديق اتى بكلام لم يعجبني و قلت ربما يكون عندو رواية او فهم تاني لاحداث
مدينة شندي في القرن ال19 لأنو لو جاء و اقنعني ان المك نمر كان غدار و خائن, ربما اطالب بتغيير شارع و كبري المك نمر المبني ب حر اموالنا
و يمكن ان نطلق عليه "سلوك اهل دارفور"
| |
|
|
|
|
|
|
|
|
 Re: عضو البورد Siddig Elghali...المك نمر غدار و خائن!!! (Re: Ridhaa)
|
Quote: الصف الثامن حوالي سنة 2001
|
تعرف ياسمير سنة 2001 كنا هنا سناير في هذا الموقع !!!!!
ولعلمك دخلنا عالم الانترنت في أوائل تسعينيات القرن الماضي
وأملك ارشيف متكامل لكل الأشياء القديمة .....
.
.
شكلك عاوز تقفز بالزانة وتبقى مشهور أتمنى أن تخفف الأبنص
شوية شوية لأنك يادابك ليك شهور هنا .....
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Sameer Kuku)
|
الأخ سمير .....
أول شخص تداخل هو الأخ هاشم نوريت وكتب ( لعن الله من أيقظها )
أقسم بالله العلي العظيم كنت عاوز أكتب نفس كلام نوريت علما بأني لم
أقرأ مداخلته بتاتا ......
أخي ...لو مامتابع موضوع المك نمر دا كانت هنا في بوستات كثيرة بخصوصه
وصلت الحرابة آرجع للأرشيف وقوقل وفي بوستات كتيرة الأخ يكري حذفها .....
أحبذ أن يكون محور النقاش في البوست الأصلي والبوست موجود في الصفحة الأولى ....
لذلك كان استنكاري .
.
.
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Ridhaa)
|
مؤسف ما كتبه الأخ صديق الغالي،
بغض النظر عن شخصية المك نمر،
وإذا ما كان بطلاً سودانياً، يستحق أن نفخر به جميعاً، أو لا!
لكن عموماً يُفترض أن الشخصيات السودانية التاريخية،
من أراد أن ينتقدها فليفعل ولكن في سربالٍ كامل من العلم والتوثيق والأدب!
يعني بحث علمي موضوعي بس!
ما عدا ذلك يُعتبر سلوك عنصري!
وينبغي أن يستهجنه كلّ من يفخر بآبائه وأجداداه!
وكل من يدرك معنى الوطن الواحد!
تحياتي واحترامي لك أخي سمير، ولضيوفك الكرام!
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: صلاح عباس فقير)
|
السادة المعلقون لكم ودي
الغدر من الشيم التى نها عنها الاسلام ومن الشيم التى نها عنها الخلق السليم مهما كان المغدور به كافرا أو غير كافر ، فهناك من يرى ما قام به المك نمر مفخرة فهنيئا له وهناك من يرى غير ذلك وأنا منهم، فهذه أحاديث منقولة ويمكنكم أن تدلونى متى كان الغدر صفة حميدة وسأكون أول من يعتذر ، وحتى زيارة قبر المك نمر ودلونى عليه لأترحم له ، فهاتوا لى أدلتكم فاني لكم من التابعين ، فى كل تاريخ السودان يدرس ما فعله النمر نمر على أنه غدر ومن كان له رأي غير فليأت بالدليل
"إن الغدر صفة تدل على خسة النفس و حقارتها، بل هو خصلة من خصال النفاق التي قال فيها الرسول صلى الله عليه وسلم: "أربع من كنَّ فيه كان منافقًا خالصًا؛ ومن كانت فيه خصلة منهنَّ كانت فيه خصلة من النفاق حتى يدعها: إذا ائتمن خان، وإذا حدث كذب، وإذا عاهد غدر، وإذا خاصم فجر". [ البخاري ومسلم].
فأي شيء أقبح من غدر يسوق إلى النفاق، وأي عار أفضح من نقض العهد إذا عدت مساوئ الأخلاق" http://articles.islamweb.net/media/index.php?...icleandlang=Aandid=58491
"وقد عدَّ بعض العلماء الغدر من الكبائر، كيف لا والغادر خصمه يوم القيامة رب العالمين تبارك وتعالى، ففي الحديث: "قال الله: ثلاثة أنا خصمهم يوم القيامة: رجل أعطى بي ثم غدر، ورجل باع حرًّا فأكل ثمنه، ورجلٌ استأجر أجيرًا فاستوفى منه ولم يعطه أجره".[البخاري].
وقد كان من وصاياه صلى الله عليه وسلم لأمراء جيشه: "اغزوا باسم الله في سبيل الله، قاتلوا من كفر بالله، اغزوا ولا تغلوا، ولا تغدروا، ولا تمثلوا، ولا تقتلوا وليدًا..." الحديث [رواه مسلم]" http://articles.islamweb.net/media/index.php?...icleandlang=Aandid=58491
"إن الغادر مذموم في الدنيا ، وهو كذلك عند الله تعالى، وسيفضحه على رؤوس الخلائق يوم القيامة، فعن أبي سعيد الخدري رضي الله عنه قال: قال رسول الله صلى الله عليه وسلم: "لكل غادر لواء يوم القيامة يرفع له بقدر غدره، ألا ولا غادر أعظم غدرًا من إمام عامة". (رواه مسلم) فكم أوقع الغدر في المهالك مِن غادر، وضاقت عليه من موارد الهلكات فسيحات المصادر، وطوَّقه غدره طوق خزي، فهو على فكِّه غيرُ قادر." http://articles.islamweb.net/media/index.php?...icleandlang=Aandid=58491
"ومما هو معلوم ومشاهد في دنيا الناس أن الغادر لا يكاد يتم له أمر ،ولا يقبل الله منه صرفا و لا عدلا ؛ فعن علي رضي الله عنه قال:"ما عندنا شيء إلا كتاب الله وهذه الصحيفة عن النبي صلى الله عليه وسلم...فمن أخفر مسلما(يعني نقض عهده) فعليه لعنة الله والملائكة والناس أجمعين لا يقبل منه صرف ولا عدل...". (البخاري). http://articles.islamweb.net/media/index.php?...icleandlang=Aandid=58491
"وقد ضرب المسلمون أروع الأمثلة في الوفاء حتى وإن فوت عليهم بعض المصالح ، فعن سليم بن عامر قال : كان بين معاوية وبين الروم عهد وكان يسير نحو بلادهم حتى إذا انقضى عهدهم غزاهم ، فجاء رجل على فرس وهو يقول: الله أكبر الله أكبر ، وفاء لا غدر ، فنظروا فإذا عمرو بن عبسة ، فأرسل إليه معاوية فسأله،فقال : إني سمعت رسول الله صلى الله عليه وسلم يقول: " من كان بينه وبين قوم عهد فلا يشد عقدةً ، ولا يحلها حتى ينقضي أمدها أو ينبذ إليهم على سواء" فرجع معاوية.
هكذا تربوا رضي الله عنهم ، وهكذا تعلموا أن عاقبة الغدر وخيمة فنبذوه وحذروا منه ، فما أحوجنا إلى اقتفاء آثارهم والتحلي بمثل أخلاقهم."
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Ridhaa)
|
انا بصراحة يا رضا ما عندي فكرة عن السياق الانكتب فيه البوستات السابقة و لا عارف الجدل كان في شنو و لا يعنيني في حاجة ده من ناحية .
و من ناحية اخرى, لغاية هسع انا ما عارف الفتنة الانت ماسك فوقو ده معناه شنو. و الحاجة الاخيرة ما في زي طرشقمية زول هنا بخلي البوست الاصلي
و بفتح بوست تاني و بسأل فيه عضو عن موضوع محدد, فهل اتى سمير بما لم يأتي به الاولون.
___________________________________________________________________________________
حرابة يعني شنو؟
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Ridhaa)
|
سمير كوكوQuote: الصف الثامن حوالي سنة 2001
|
حلاتو بسنيناتو ..
دكتور صديق، لم يقدح في بطولة المك نمر إنما قدح في الحيلة .. ونعم لو أنت قرأت تاريخ دارفور تجد ذلك بينا .. السلطان بحر الدين قاتل الفرنسين في أرض المعرك حتى قتل .. السلطان على دينار قاتل حتى قتل .. خليل أبراهيم قاتل حتى قتل ..
المك نمر بطل لأنه دبر مكيده ضد الغزاه .. والله أنا لو كنت معاه أكون أول المباركين للفكرة بحزافيرها .. لكن الزغاوى جبَان وإنسان رخيص .. لأنه دبر مكيده ضد أهله الزغاوة أنفسهم ومن معهم من أبناء القبائل الذين يأكل معهم الملح والملاح .. وهذه ليس شيم وأخلاق الشعب السودانى ..
بريمة
| |
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: بريمة محمد)
|
كتب بريمة:
| Quote: دكتور صديق، لم يقدح في بطولة المك نمر إنما قدح في الحيلة |
في دفاعه عن صديق الغالي:
| Quote: مهما أختلفت آراءنا الا أن اسلوب المك نمر لا يشبه سلوكنا بدارفور ، الفارق فقط أن هذا الخائن لم يقدم لهم خمر ولا نساء |
على الرغم من انك قلت اتربيت في وسطنا لكن خسارة ما اتعلمت مننا اي حاجة و لا عرفتنا كويس و ابسط الحاجات المفروض تعرفا احنا بنتصرف كشباب
.في الجبال.................................. لكن لو تابعتني.....واطاتك اصبحت!
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Sameer Kuku)
|
| Quote: ممكن يجيك زول ويقول ليك أنا محاربك ( مخاصمك ) من الخصام |
في راجل بقول لراجل كلام فارغ زي ده يا رضا, جايين من وين ديل؟ اعوذ بالله!! ديل ياتو سودانيين ديل.
الحرابة معناتو حاجة واحد بس "الاول بقول للتاني كن راجل قابلني في الحتة الفلانية و التاني برد: من هسع ماشي انتظرك" انتهى!
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Ridhaa)
|
Quote: بوستات المك نمر دي كانت في المنبر كتيرة جدا في أعضاء تهوروا
ووصلوا حد المخاشنة والخصام ............... |
زي ما قلت ليك يا رضا لو المخاشنة ده ياهو "مخاصمك و تاني ما عاوز اتكلم معاك" و ما شابه, انا الكلام الزي ده ما بدخل نفسي فوقو.
لو حكينا ليك عن المخاشنة الجد جد بتاعنا في الجبال و امبدة و مايو و سوبا و امدرمان و جامعة الخرطوم بتستغرب احنا عايشين لغاية يوم الليلة كيف.
فالزول البحاول يستأسد و يتنمر في عالم افتراضي و ج ب ا ن زي ده...بقول ليه: لو انت راجل نتقابل في المحل الفلاني و بس و نشوف الباكل اخو منو.
انت قايل احنا قاعدين يعلمونا "الصراع" ل شنو ما لو واحد زي بريمة ده قل ادبو تشيلو فوق تدق بيهو الواطة و تاني ما بفتح خشمو!
__________________________________________________________________________________
نجي راجعين لموضوع المك نمر, و انا بسألك هل الموضوع ده تابوه و لا يناقش في البورد و منو القال كده؟
و خليك مني انا, انت رأيك شنو في الكلام الكتبو صديق؟
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Ridhaa)
|
صحح معلوماتك التاريخية يا بريمة ما تلخ ساكت :
السلطان تاج الدين هو الذي قاتل الفرنسيين واستشهد في دروتي وليس إبن أخيه السلطان بحرالدين وإن كان مشارك في نفس المعركة
نصيحة لوجه الله : أتمنى أن تتوب وتترك الفتن القبلية التي تثيرها في المنبر .. نسأل الله لك الشفاء من هذا الداء .. تقريباً معظم مداخلاتك عبارة عن فتن ، إتق الله يا بريمة
مع التحية لصاحب البوست ، والذي أتمنى أن يكون بوسته من أجل الحقيقة والموضوعية
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: أحمد عز الدين)
|
يا سمير كيفك ..
رضا يقصد انو الموضوع ده اتناقش كتير ولو فتشت الارشيف حا تلقا اي حاجة ..
المهم حكاية انو الملك نمر خدع اسماعيل باشا وجنودو و اسكرهم ، دي اتفقت عليها كل كتب التاريخ .. لكن حكاية جاب ليهم نسوان دي ما وردت لا في تاريخ ولا في جغرافيا ، لو صديق الغالي عندو مصدر شافي او مكتوب يجيبوا ..
اما حكاية غدر او لم يغدر .. كل زول يفسرو بطريقتو وحسب فهمو وهواهو ..
في التاريخ الانصار اختبأوا في غابة شيكان وانتظروا جيش الاتراك لحد ما اتوهط في نص الغابة ، ليه ما قابلوهو عينك عينك قبل ما يدخل الغابة ؟ وليه دفنوا الآبار لحد ما الاتراك والمصريين ما لقو موية يشربوها ؟
ما هو الفرق بين ردم الآبار و تقديم الخمر ؟ اليس كلاهما يدعو لاضعاف العدو؟
صديق الغالي لم يكن امينا وترك اهواءه تتحدث عنه ..
سلامي
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Abdullah Idrees)
|
تسلم يا عبدالله و مشكور على التعليق و انا دايما من انصار الحقيقة المجردة مهما كانت.
فالاخ صديق ذكر كلام عكس ما درست لنا في المناهج المدرسية و كل ما في الامر طلبت منو ان يوضح وجهة
وهو غير ملزم طبعاً اذا رفض الحضور. اما رضا الجاي زي المخلوع و عاوز يشبكني الموضوع ح يثير فتن و ما فتن
فا اقول ليهو مجددا, لو موضوع المك نمر موجود في ذاكرة الحكاوي الشعبية لما سألت عنه و لكن طالما الموضوع من ضمن المناهج
الدراسية السودانية و ما زال هناك شارع و كبري سوداني يحمل اسمه فمن حقنا ان نتسأل مليون مرة.
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Sameer Kuku)
|
الأخ سمير ان من الأمانه العلمية أن تأتي بما قلت كاملا وفي الياق العام للمعنى وبعدها سأتناقش معك ، انما تأخذ ما يحلوا لك فهذا شأنك ، أنت كمن يأخذ " ولا تقربوا الصلاة كدليل للنهى عن الصلاة مع بتر "وانتم سكاري " لا أريد أن أرد عليك حتى لا تشعر بانني أحتقرك أو أقلل من مكانتك ، لكن يبدو عليك قليل الالمام باصول البحث ، فكل النظريات العلمية بنيت على افتراض ومن ثم يسعى الباحث لاثبات أو نفي ذلك الافتراض " فمثلا كأن أقول ليس هناك اله لهذا الكون " أدرس ما يسمى علم النظريات أو Theories و أعتقد سيشيب راسك
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: أحمد عز الدين)
|
سلامات الاخ صلاح عباس فقير و احمد عزالدين و مشكورين على المداخلات.
انتو عارفين المواضيع الزي دي نادر ما يشغل بال جيلنا المعاصر و لدينا من الاهتمامات ما يكفي.
و لأني من حوالي 12 سنة لا أقرأ كثيرا عن تاريخ السودان و ما زال ذاكرتي محتفظة ببعض الدروس
و لفت نظري ما خطه صديق عن المك نمر و الذي لا يقبل اي تأويل غير الظاهر.
و انا لم و لن اتهم صديق بالعنصرية و لا غيره لأني ببساطة ليس فوق الشبهات, ففي النهاية انا من انصار حرية الرأي.
و اؤيد بشدة حرية الرأي, فليس هناك ما هو فوق مستوى الفحص و النقد, حتى الانبياء و الذات الالهية تم نقدها و لم يقم القيامة!
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Sameer Kuku)
|
سلام يا سمير،
أنا أيضاً لم أتهم الأخ صديق بالعنصرية،
ولكن قلت: من يتعرّض لنقد شخصيات تاريخية سودانية،
لها عند أهلها وقبائلها احترام؛
فينبغي أن تجري مراسمُ مثل هذا النقد تحت خيمة البحث العلمي!
وإلا فسيكون ذلك فعلاً عنصريّاً، بمعنى أنه يؤدي إلى إثارة العنصريات،
ونحنا ما ناقصين!
وحرية الفكر طبعاً يا سمير عندها حدود!
فيا صديق يا عزيزي،
مهما أتيت من البراهين والأدلة، سيظل قول الرسول صلى الله عليه وسلم:
(لعن الله من أيقظها)
مطاردك!
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Siddig Elghali)
|
يا صديق يا أخي، السلام عليكم
أنت لم تمارس بحثاً علميّاً، أنت مباشرة قلت: الزول ده كذا وكذا!
(كما هو موضح في عنوان البورد)
ثم أتيت بنصوص تدين الغدر والخيانة!
فهل كانت مشكلة بحثك في الرسالة: ما إذا كان الزول ده غدار وخائن أو لا؟
طبعاً لا!
وإنما ممكن تكون:
هل يمثل السلوك الذي صدر من هذا الرجل، في ذلك السياق فعل خيانة ٍوغدر؟
وطبعاً إذا أثبتنا أن ذلك السلوك يمثل فعل خيانة وغدر،
فليس معنى ذلك أن الذي قام به فاعل وفعّال (بصيغة المبالغة)، على طول،
لأنو ممكن يصدر عن الإنسان فعل معيّن رغماً عنه،
بدافع استفزاز خارجي قويّ!
يا صديق:
أظنك فهمت قصدي، وهو يا أخي أن نتحاشى إثارة الأمور التي تستثير
العنصرية البغيضة، وطبعاً كما ذكرت لك: بما لا يتعارض مع البحث العلمي،
وطبعاً البحث العلمي كما تعلم له ضوابط أخلاقية شديدة وسديدة.
| |
|
|
|
|
|
|
|
|
 Re: عضو البورد Siddig Elghali...المك نمر غدار و خائن!!! (Re: صلاح عباس فقير)
|
يعني مشكلة الغدر والخيانة التي سأل منها سمير كوكو ليست محل خلاف ...
وتقديم المك نمر للخمر لإسماعيل باشا ليس محل خلاف ...
محل الخلاف هو:
| Quote: لكن حكاية جاب ليهم نسوان دي ما وردت لا في تاريخ ولا في جغرافيا |
فنرجو من الجميع الإنتقال لهذه النقطة ...
(ما لم يطالب صلاح عباس فقير ببحث "علمي" لتلك أيضًا)
... المهم ....
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: تبارك شيخ الدين جبريل)
|
| Quote: يعني مشكلة الغدر والخيانة التي سأل منها سمير كوكو ليست محل خلاف ... |
لا .. قلنا كل زول بنظر ليها حسب قيمو او حسب ثقافتو ، مافي زول بفرض قيمو على زول ، ولذا لا يمكن التعامل معها كحقيقة ..
ولو انو اي زول يقول انو فيها غدر انا شخصيا بعتبرو متناقض / مغرض ..
صديق بقول انو الحاجة دي في دافور مافي .. وانا بقول ليهو انو القبائل بتغير علي بعض على حين غرة وبتكتل وبتحرق وبتشرد .. شنو الفرق طيب ؟
الفرق انو ديل قبائل بغيرو على ابناء عمومتهم غيلة و المك نمر "غدر" بغازي اجنبي ؟؟؟
يا صديق التاريخ والواقع ما بنشيل ونعزل منهم على كيفنا .. بإمكاني ان اعد لك مائة حالة "غدر" مثل هذه من الغرب والشرق ومن كل دول العالم .. هذه حرب ..
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: الامين موسى البشاري)
|
شيخ صديق:
حسب ملابسات الحادث فالمك نمر تصرف كما ينبغي و لا يوجد غدر و لا خيانة.
فالضابط الالباني اسماعيل باشا هو من جاء للمك نمر في مكانو و استفزاه و ضربو ب كدوس في صنقورو قدام ناسو و خاصة الجكس
و اسماعيل باشا لم يضرب اي شخص و انما اختار كبير البلد امعاناً في الاستفزاز و الحقارة و بالتالي كتب نهايتو بيدو, و الطريقة الاختارو المك هي الامثل.
احنا ذاتنا قاعدين نستخدم الطريقة دي و قاعدين نسميه "التصنيفة" بالراندوك يعني لمن زول اكبر و اسمن منك يستفذك و لا يدقك و ما تقدر ليهو في وقتو تقوم تصنف ليهو
يعني تلبد ليهو في ركن بعكاز مضبب و لا اي مصيبة و بعداك يتحمل البجيهو.
انا شخصيا اخر مرة استخدمت فيهو طريقة المك نمر ده كان في معسكر الخدمة الوطنية في كرري. كان في واحد كده كابوكي عامل فيهو ارجل مننا و مكرهنا المعسكر
قمت مرة بالليل و هو نايم, لفيتو ليك بالنمرة العسكرية "فرشة النوم بتاع الجيش" و دقيتو ليك دق العيش و مشيت خليتو و لقيت اشادة من كل المعسكر و مافي زول جاب سيرة غدر.
اما موضوع النسوان القطعتو من طايوقك ده, عليك الله لو ما عندك مصدر ما تثرثر في الفاضي و تجي تشبكنا الله قال و الرسول قال و انت ذاتك كضاب.
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Sameer Kuku)
|
Quote: حسب ملابسات الحادث فالمك نمر تصرف كما ينبغي و لا يوجد غدر و لا خيانة.
فالضابط الالباني اسماعيل باشا هو من جاء للمك نمر في مكانو و استفزاه و ضربو ب كدوس في صنقورو قدام ناسو و خاصة الجكس
و اسماعيل باشا لم يضرب اي شخص و انما اختار كبير البلد امعاناً في الاستفزاز و الحقارة و بالتالي كتب نهايتو بيدو, و الطريقة الاختارو المك هي الامثل.
احنا ذاتنا قاعدين نستخدم الطريقة دي و قاعدين نسميه "التصنيفة" بالراندوك يعني لمن زول اكبر و اسمن منك يستفذك و لا يدقك و ما تقدر ليهو في وقتو تقوم تصنف ليهو
يعني تلبد ليهو في ركن بعكاز مضبب و لا اي مصيبة و بعداك يتحمل البجيهو.
انا شخصيا اخر مرة استخدمت فيهو طريقة المك نمر ده كان في معسكر الخدمة الوطنية في كرري. كان في واحد كده كابوكي عامل فيهو ارجل مننا و مكرهنا المعسكر
قمت مرة بالليل و هو نايم, لفيتو ليك بالنمرة العسكرية "فرشة النوم بتاع الجيش" و دقيتو ليك دق العيش و مشيت خليتو و لقيت اشادة من كل المعسكر و مافي زول جاب سيرة غدر.
اما موضوع النسوان القطعتو من طايوقك ده, عليك الله لو ما عندك مصدر ما تثرثر في الفاضي و تجي تشبكنا الله قال و الرسول قال و انت ذاتك كضاب. |
والله يا سمير يا أخوووى الناس دى استعجلت عليك ساااى
لو صبر القاتل لمات المقتول الراجل دا يا رضى كلامو سمح لكن ما اديتوهو فرصه يتضاير ساااى
الكلام حمال الفته قالوا الهادى
وسمير جددوا بس انتو موش بتقولوا ناقل الكفر ليس بكافر
الزول دا براهو قال :-
Quote: انا شخصيا اخر مرة استخدمت فيهو طريقة المك نمر ده كان في معسكر الخدمة الوطنية في كرري. كان في واحد كده كابوكي عامل فيهو ارجل مننا و مكرهنا المعسكر
قمت مرة بالليل و هو نايم, لفيتو ليك بالنمرة العسكرية "فرشة النوم بتاع الجيش" و دقيتو ليك دق العيش و مشيت خليتو و لقيت اشادة من كل المعسكر و مافي زول جاب سيرة غدر. |
اهااااا
يا سمير بس رايك ماوضح لى فى عمليه تغدرون بتاعت دى تشاد دى
انا شخصياً ادين واشجب واستنكر اهاااا رايك
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: محمود على)
|
اولا رواية الاخ صديق عن مقتل القائد محمد بشر الذي يقول بانه كان في ضيافة احد الناس داخل الاراضي التشادية غير صحيح
الاقتيال لم يكن غدرا ولم يكن داخل الاراضي التشادية .. والمرحوم لم يكن اطلاقا تحت ضيافة اي شخص
الاقتيال تم داخل الاراضي السودانية في منطقة اسمها (بامنا) التابع للاراضي السودانية .. (بامنا) اسم مأخوذ من رطانة الزغاوة ..
وهي منطقة طويلة ممتدة ما بين الاراضي التشادية والسودانية
الاقتيال تم في الجزء التابع للاراضي السودانية يا صديق وليس كما ذكرت
ثم ثانيا ان عملية الاقتيال لم تكن مكيدة من احد ولا يحزنون .. استخبارات الحركة هي التي رصدت تحركات هذه المجموعة منذ تحركها من داخل العاصمة انجمينا
الي دخول الاراضي السودانية حيث نفذت العملية .. الهجوم علي مجموعة المرحوم محمد بشر تم علي بعد حوالي 20 كيلو متر داخل الاراضي السودانية بعد وقوعهم
في الكمين المحكم الذي نصبته لهم الحركة .. وهذا هو كل ما في الامر ..
اما عن ملابسات حادث قصة المك نمر والغدر وما ادراكما غدر .. فللاسف اجد نفسي متفقا مع الاخ صديق الغالي واختلف تماما مع راي الاخ سمير وشرحه لمعني الغدر !
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: محمد حمزة الحسين)
|
محمد حمزة يا دفعة سلامات:
موضوع ناس العدل و المساواة مؤسف للغاية, و مبدئيا ادين هذا العمل اياً كان المسوغات, و لتضارب الروايات انا ما عارف منو الغلطان لغاية هسه عشان نديهو
في رفسة حنانو زي ما قال صلاح البندر. ناس جبريل بقولو مجموعة محمد بشر جواسيس من المؤتمر الوطني و في ناس هنا طلعو مجموعة جبريل غلطانيين.
لكن كدي تعال اقرأ معاي كلام مولانا صديق الغالي الشخص موضوع بوستنا ده في المقتبس ادناه:
| Quote: ماذا يريد أن يقدم لنا الكيزان فى السودان ، فحركة ما تسمي نفسها العدل والمساواة تغتال النفس التي حرم الله الا بالحق وتقطع الرحم ، فهذا هو دكتور جبريل سليل الكيزان يوقر نصله فى نحر ابن خالته ، فلا يأمن الأب ابنه ولا الابن أباه ولا الأخ أخيه ولا الفرد عشيرته ، فمن قتل نفس بغير حق فكانما قتل الناس جميعا ، سحقا لكم وسحقا لافعالكم الدنيئة ، فالمغدور محمد بشر متهم بتسميم ابن خاله المرحوم دكتور جبريل ، لعنة الله عليكم أجمعين ، فلا أرحام بينكم ولا دين يعصمكم ويعصم دماءكم ، ولا رحمة ولا شفقة ، فالى أين أنتم ذاهبون بهذه الدنيا ، فأنتم بالحكومة دمويون والآن قادة الجبهة الثورية دمويون فالى أين يذهب شعب السودان المغبون ، اللهم عليك بكل سافك دماء وعليك بكل غدار مشاء يا أرحم الراحمين ، اللهم أرنا فيهم جلالك وعدلك وليس عدل ومساواة الكيزان ، اللهم أقطع رحمه كما قطع الأرحام أنك مجيب الدعاء ، اللهم نسألك بجلالك أن لا تتركه يهنأ هذا الشهر حتى يوقر فى صدور أرحامه ، اللهم أنك قلت أدعوني أستجيب لكم فها نحن دعوناك فاستجب لنا يا رب العالمين ، أن تأخذه قبل نهاية هذا الشهر اخذ عزيز مقتدر يا أرحم الراحمين |
لو اخدنا بكلام مولانا صديق, فالموضوع اشبه بان محمد بشر عاوز يتعشى بود خالو د. جبريل, فقام الاخير اتغدى بيه.
و بالتالي عشان نوزن موضوع زي ده في قالب يغدرون, الاً نقول الميت و الحي غداريين. و لا انت رأيك شنو؟
| |
|
|
|
|
|
|
|
|
|
Re: عضو البورد Siddig Elghali...المك نمر غدار و خائن!!! (Re: Sameer Kuku)
|
للذين يقولون بغدر المك نمر بالباشا الالباني اسماعيل و يحاولون تصوير الامر و كأنه جريمة يخلد المك نمر في جهنم كما جاء في افادات صديق, اقول:
قبل تاريخ حادثة شندي بحوالي 12 سنة ارتكب اسماعيل باشا مع والده الباشا محمد علي مغتصبي السلطة في المحروسة جريمة نكراء يندي لها جبين البشرية الى يوم القيامة
و الجريمة هي مذبحة القلعة الشهيرة و قتل فيها 500 مملوكي بنيران اسماعيل و والده محمد علي و كانوا قد اعطوا الامان للماليك الاً انهم غدروا بهم اسوأ ما يكون الغدر.
فاسرة محمد علي ارتكبت جريمة قتل و حرق بحق ابرياء هم في الاصل مواطنين قبل ان يأتي هذا الباشا الى مصر بسبب رفض الممالك لدفع الضرائب و الاتاوات لاسرة الباشا.
و اتى اسماعيل باشا للسودان محارباً و ليس ضيفاً حتى يتم اكرام وفادته و كعادتهم قاموا بفرض الضرائب الاستفزازية على المستضعفين, مستفيدين من تفوق السلاح الناري التي بحوزتهم.
و في شندي انتقم المك نمر للممالك قبل السودانيين بنفس طريقة عائلة محمد علي باشا في الانتقام, و قطعا المك نمر و المك مساعد كانا ملمين بتفاصيل مذبحة القلعة.
و الموضوع في تقديري هو جزاء من جنس العمل, فقد سلط الله المك على اسرة الباشا ليعرف بشاعة غدره بالامنيين. و يخيل لي حينما وصل خبر مقتل اسماعيل لوالده محمد علي
ان اول ما تذكره هي جريمة غدره بالممالك قبل 12 عام بنفس الطريقة, و لكن في كل الاحوال محمد علي باشا و اسرته هم الغاصبون و المعتدون على الابرياء.
رحم الله المك نمر و ادخله فسيح جناته.
| |
|
|
|
|
|
|
| |
هاشم نوريت
Ridhaa
عبدالمجيد صالح
بريمة محمد
أحمد عز الدين
Abdullah Idrees
د.محمد بابكر
تبارك شيخ الدين جبريل
الامين موسى البشاري
محمد حمزة الحسين
محمود على
فيس بوك
تويتر
انستقرام
يوتيوب
بنتيريست