|
|
|
 Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: Ahmed Alim)
|
| Quote: نحن دائماً نصر على أخواننا في مصر بان ينظروا للخارطة السكانية.. أنا المثال الذي أضربه دائماً وسمعته أيضاً من الرئيس البشير بأن هنالك حوالي 1000 كيلو متر من الخرطوم حتى حلفا ويسكن بها أقل من مليون ونصف نسمة ، وهنالك الف كيلو متر من أسوان حتى الاسكندرية ويسكن فيها 90 مليون نسمة، فقلنا ان هذا لا يعقل يعني، لماذا لا يستفيد أخواننا المصريون من هذه المساحات الواسعة!! |
| |
 
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: Ahmed Alim)
|
ألف كيلومتر من الخرطوم إلى فَرَص الواقعة شمال وادي حلفا هي ملك لأبنائها ورثوها جداً عن جد.
يا كرتي ما ليك دعوة .... اهالي المناطق دي يقعدوا على كيفهم .... كل واحد منهم يكون ساكن في كيلومتر مربع ....
مصر للمصريين والسودان للسودانيين
ولو في توطين حيكون أولى بيه أبناء السودان من كل مناطق السودان أولى من المصريين الذين لا يشبهوننا ولا نشبههم
كفاية ذلة يا حكومة ..... كفاية .... المصريين لن يحترموكم هكذا بل سيزيدونكم إذلالاً فوق إذلال.
وبعدين كون عددهم 90 مليون دي مشكلتهم همّ وليست مشكلتنا ... وليبحثوا عن حلولها هم ... وليس نحن
| |
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: Hani Arabi Mohamed)
|
| Quote: ألف كيلومتر من الخرطوم إلىفَرَص الواقعة شمال وادي حلفا هي ملك لأبنائها ورثوها جداً عن جد. |
حبيبنا هاني سلامات،،
تعرف الزول دا لو فاهم انوا حدود السودان الشمالية مع مصر عند مدينة حلفا تكون مصيبة!
ولو عارف انها شمال فرص نفسها وانها محتلة من قبل المصريين كما حلايب وسكت عنها بقصد تكون المصيبة أكبر!
صدقت يا قريبي، الزول دا اكان رئيسه اكان وزير دفاعهم بغازلوا في المصريين بالاراضي في شمال السودان
وكأنها ملك خاص بيهم! وبتكلموا عن مشكلة الانفجار السكاني في مصر كأنه مشكلة تخص شعب السودان.
| |
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: Hassan Senada)
|
سلام صاحب البوست
حكومة الكيزان كل مشاريعها من اجل مصر و مواطن مصر
مثلا كل السدود المنفذة و المقترحة في شمال السودان ليس لها جدوي اقتصادية للسودان
لكن تستفيد منها مصر (لانها مصممة لترسيب الطمي و اطالة العمر الافتراضي للسد العالي )
كذلك لتهجير السكان اصحاب الارض للاستفاد من اراضيهم لكي يستفيد منها الشعب المصري (90 مليون )
و حل مشكة مصر السكانية
هذه خطط حكومة السودان !
السؤال ماذا يستفيد الشعب السوداني من تلك الصفقات ؟
| |
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: Mortada Adam)
|
| Quote: السؤال ماذا يستفيد الشعب السوداني من تلك الصفقات ؟ |
الاخ العزيز مرتضى، سلامات
السودان بكل تأكيد ما مستفيد حاجة، لكن كل حكوماتنا من الاستقلال لحدي الانقاذ وهي اكثرهم سوءً ، أدمنوا
الانبطاح لمصر. ولو تابعت لقاءات د. سلمان محمد أحمد سلمان في قناة النيل الازرق عن مياه النيل وإتفاقية 1959
بين مصر والسودان وكيف انوا الاتفاقية ظالمة بصورة سافرة ولقت تأييد من كل السياسين وقتها في الحكومة والمعارضة
على حد السواء ما كنت حتستغرب قدر دا. مصر يا عزيزي علاقتنا معها علاقة السيد بعبده المطيع!!
| |
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: Hassan Senada)
|
| Quote: كلام فى كلام على كرتى الوهم جرب وشوف قال توطين المصرين |
سنادة سلامات،
للأسف الاراضي بيع منها الكتير في الولايات الشمالية كلها لمستثمرين اجانب وفي مشاريع بدأت بالفعل وبما
انوا اسيادهم المصريين ما بخلوهم يشيلوا من موية النيل لري مشاريعهم دي ، الحكومة مدياهم تراخيص مجانية!
لري كل المشاريع دي من المياه الجوفية بتاعت أجيالنا القادمة! هسي قصة امدوم القريبة دي بتوريك انو ناس الحكومة
ديل طالما انت ساكت ممكن يبيعوا كل الاراضي المملوكة لسكان المنطقة وما بعيد بيتك الساكن فيهوا زاتوا يحولوه لارض
زراعية ويبيعوهوا للاثريا العرب! انت ساكت إذاً انت ضعيف وارجى الراجيك!!
| |
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: garjah)
|
Quote: هنالك محاولة من الحكومة لنزع اراضي انجح مشروع زراعي في السودان
مشرو بنا الزراعي |
حاجة مؤسفة فعلاً يا قرجة!
في اراضي كتيرة اتباعت اصلاَ لمستثمرين خليجيين ومصريين وتوانسة في الولاية الشمالية واخشى انوا مشروع بنا يكون واحد منهم!
كما تعلم ياعزيزي اكتر قطاع حاربته الحكومة دي هو القطاع الزراعي، ضايقتهم في مدخلات الانتاج وفرضت عليهم ضرائب غير معقولة
وحرمتهم من التراخيص لسحب اي مياه من النيل إلا بمقدار قليل لا يكفي حوجتهم واضطروا لحفر المترات والابار حتى داخل الجزر! وبعد
دا كلوا شاركتهم حتى في ارباحهم القليلة ، فطرفة " تلت للزبير وتلت للطير والباقي فضلة خير" بتعبر بصدق عن حجم المأسي الاتعرضوا ليها
اهلنا الترابلة الامر الادى لإفقار المنطقة بأكملها واجبرتهم على النزوح والهجرة طلباً للقمة العيش الكريمة! وهسي جايين يقولوا المنطقة نسبة سكانها
بسيطة واحسن نجيب فيها المصريين!! وكأنهم يمتلكون أراضي الولاية الشمالية، في إستفزاز اكتر من كدا؟؟
.
| |
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: Ahmed Alim)
|
Quote: وبعدين كون عددهم 90 مليون دي مشكلتهم همّ وليست مشكلتنا ... وليبحثوا عن حلولها هم ... وليس نحن
. |
اخى أحمد عالم
تحياتى لك ولكل المارين ...
ماساة اهلنا بالنوبة قديمة منذ بداية الاستلاب المصرى ...
بدا من سرقة الحضارة النوبية وطمر ما يثبت (سودانيتها) بلاغراق ...
تتعاون الحكومة معهم بتهميش بلاد النوبة واجبار اهلها على النزوح طلبا للعمل والرزق وتعليم الابناء والطبابة كذلك ...!!
ما يحز ويحزن النفس الصمت النوبى المريب حيال الموامرة الواضحة المعالم ......!!
الحوض النوبى تتستر الحكومة عليه وتمنع السبيل اليه لماذا ...؟؟
هؤلاء القوم يعملون لانفسهم وليس للوطن والشواهد على ذلك كثيرة جدا ..
وليت قومى يعلمون ما يضمر لهم من سؤ ...
وكما قال الاخ (دينق) الخطر الاستراتيجى للسودان هى مصر
اطماعهم واضحة فى بلادى اصغر عقل فيهم { يتمنطق بان فاروق ملك مصر والسودان } جهل حتى فى هوية الملك فاروق ...
وهذا الوطن له اصحاب وسياتى يوم ونكون فيه 90 مليون او اكثر ما المانع فى ذلك ...!!!!!!
اشكرك جزيل الشكر على غيرتك...
| |
|
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: محمد داؤد محمد)
|
| Quote: انه المخطط الدهري الذي استمر تنفيذه منذ أمد بعيد وحكومة الإنقاذ تنفذ الخاتمة للمخطط الدهري القاضي بتمير النوبة وجعلها نسيا منسيا. أنهم الآن يدمرون ويمحون من الوجود ما تبقي من النوبة أرضا وشعبا. |
اخونا محمد داؤود سلامات،،
يلقوها عند الغافل!
الليلة ما زي امبارح! هسي اغلب المواطنين بالولاية بما فيهم ابسط الناس اصبحوا على معرفة
ودراية بأكاذيب الانقاذ عن التنمية عبر السدود وسوف تستمر المقاومة بكل السبل المتاحة. فتجربة
السد العالي وسد مروي بكل مراراتها وقبحها سوف لن تتكرر مجدداً.
مع التحايا
| |
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: Medhat Osman)
|
أخونا الجميل مدحت
مسكاقمي،
حرقوا الزرع باقي النسل :)
ما تنسي انوا في هجرة عكسية لكتير من قرانا بالشمالية لحدي وادي حلفا، ودا بيعتبر مؤشر خطير ومزعج
لمخططات الناس ديل، وما ممكن بين ليلة وضحاها النوبة ديل يخربوا ليهم شغل أخد معاهم سنين طويلة!
فحرق أشجار النخيل ما هو الا محاولة رخيصة من عملاء مصر لكسر عزيمة النوبي المتمسك بأرضه وزرعه. ودي قراية
غبية وساذجة لشخصية التربال النوبي لإعتقادهم انوا القصة دي بتثبط همته لمقاومة السدود والجو يفضى ليهم، وواضح
انوا فكرة حرق النخيل دي فكرة مصرية لانها بتشبه الافكار البكتبوها المنظراتية الاستراتيجيين بتاعنهم في مركز الاهرام
وما شابهه. واكبر فكرة غبية هي البحاولوا يسوقوا ليها المصريين عبر أمساخهم المشوهه القميئة كمثل علي كرتي وعبدالرحيم
محمد حسين وعبدالرحمن سرالختم والكاروري بتاعت توطين المصريين دي وما عارفين انوا الدم حيصل الركب بسبب الفكرة دي.
للأسف الرابط ما فتح معاي عشان اشوف القصة دي، لكن بحاول تاني. انت كزول خبير في الفيديوهات دي بالله كلام كرتي
دا احفظه قبل ما "صفي الدين المصري" يسحبه من اليوتيوب.. طبعاً أكيد حتكون متذكر تصريح عبدالرحيم المطابق لكلام كرتي
الكان في مركز الاهرام للدراسات السياسية والإستراتيجية وتم سحبه بعد ايام بسيطة من الموقع بعدما عرضناه هنا في البورد ..
خالص التحية
| |
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: عبداللطيف شريف على)
|
| Quote: وليت قومى يعلمون ما يضمر لهم من سؤ ... |
اخونا عبداللطيف سلامات،،
تشكر ياعزيزي على مداخلتك الثرة ، واتفق معاك في بأن مصر هي وراء كل الخراب دا ،، فكل مخططاتهم الشريرة
كانت ومازالت تنفذ للأسف بأيدي سودانية خالصة ! الموضوع دا ما نظرية مؤامرة ولا طق حنك ساكت، فنحن عايشنا بعض
من مراحلو. الولاية الشمالية إقتصادها بعتمد أساساً على المنتجات الزراعية، فمحاربة المشاريع الزراعية الكبيرة والصغيرة
وحتى الزراعة الاهلية حتي يتم إفشالها ومن ثم بيعها يعد اقصر الطرق لإفقار المنطقة ومن ثم يجبر اهالي تلك لمناطق للنزوح
والهجرة من مناطقهم بصورة تلقائية طلباً للقمة العيش الكريمة وهذا ما تم لهم ياعزيزي. إتفاقية 59 وملحقاتها ولجنتها المشتركة
وما يعرف بالري المصري ضيقوا على المزارع في استخدام حصة السودان من مياه النيل عشان تمشي اكتر من 6 مليار متر مكعب
سنوياً من حصته لمصر من الزمن داك !! والمزارع البسيط مضطر لحفر المترات والابيار عشان يعوضوا النقص في حاجتهم لري زراعتهم..
مع التحية
| |
|
|
|
|
|
|
|
|
|
Re: وزير الخارجية يحدثكم بضرورة توطين المصريين!! يوجد فيديو وإنبطاحة (Re: Ahmed Alim)
|
وزير الخارجية والذي يفترض ان يكون دبلوماسياً بلا تفريط الا يعلم ان
الجانب المصري يتلكأ حتى الان في تنفيذ اتفاقية الحريات الاربعة بينما يطبقها السودان من جانب واحد
هلا اتعظ من التاريخ ومن كثير من الخبايا التي اوردها د. سليمان حول الاستغباء الدائم الذي
يمارسه الجانب المصري على مر العصور مستغلين انبهار الشخصيات بمصر
.
.ماذا عسانا ان نقول ومثل هذه الدعوات والعصف الذهني الفطير هو ما يشجع معتوه مثل عكاشه بأن ينوي رفع
قضية في المحاكم ليطالب بحقه في الخرطوم وامدرمان بحجة ان السودان تتبع مصر فقط لان الملك فاروق كان يسمى
ملك مصر والسودان...
الارض مملوكة وموروثة من اجداد لابناء لاحفاد ...
لسا شهيد الارض بتاع ام دوم دمو حار في قبرو ...
| |
|
|
|
|
|
|
Ahmed Alim
Hani Arabi Mohamed
abubakr salih
garjah
Mortada Adam
عبداللطيف شريف على
Medhat Osman
طاهر بدر
فيس بوك
تويتر
انستقرام
يوتيوب
بنتيريست