|
كتب الكاتب الفاتح جبرا المتوفرة بمعرض الدوحة
|
|
 Re: يا ملاسي اذهب من حيث اتيت وافدا انت وجميع اهلك (Re: عصام علي أحمد)
|
| Quote: يا ملاسي اذهب من حيث اتيت وافدا انت وجميع اهلك |
ديشااااااااااك ..
يا ولي ياخ العناوين الزي دي ما بفكوها ساي كدا :)
كان تكلمني قبلها بيومين كان طبعته لي تذاكر ووقفته في خشم باب البوست دا
إن شاء الله نعمل الدخول ب 50 قرش بس
والله كان عملنا لينا قروش مع الرجال 
تحياتي
| |
  
|
|
|
|
|
|
|
 Re: يا ملاسي اذهب من حيث اتيت وافدا انت وجميع اهلك (Re: garjah)
|
Quote: لاخ وليد
لم تتوفق في هذا العنوان
معقول ملاسي عامل ليكم زنانة للدرجة الانكم تطردوهو هو واهلو من البلد كمان
صدقني هذا يزيد اسهم ملاسي ولا ينقصها شيئا
قال هواني على الناس قال |
يا قرجة وليد قاصد عطبرة،
ويا ملاسي خسمتك بالرسول ما تمرق من الخرتوم
اتبرا دي ما بتستحمل.
والله صحي.
عاطر التحايا لكم جميعاً...
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: abubakr salih)
|
ابوبكر صالح
ازيك ياخ
Quote: فى ما يبدو ان الاستاذ ابراهيم ملاسي كان راجل ما ساهل
لكنه لم يخرج عن نواميس الطبيعة حينما خلّفت ناره الرماد |
يمكن كلامك يكون صاح
ويمكن لا
لكن اصلا البوست ده ما مفتوح لملاسي الابن
قرينا كتير في المنبر ده كتابات بتقول انو ملاسي وافد هو واسرته .ز وبتناديهم بان يتخارجوا يشوفوا ربهم وين
وكثيرين لا يعلمون ان هذه الاسرة قد ساهمت في الثقافة السودانية والتعليم كذلك بنصيب كبير جدا
يعني في ناس كتااااااااااااار قروا بسبب الملاساب ديل
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: وليد محمد المبارك)
|
والله يا وليد خلعتني بالعنوان صراحة ياخي
عموماً لو كانت المواطنة بالعطاء فآل. ملاسي
سودانيين اكتر مني ومنك
ياخي ملاسي ده اختلفت او اتفقت معاه لا
تملك الا ان تحترمه
ما شايف ود المدير حتي في اختلافه مع ملاسي
قمة الرقي والاحترام ياريت لو كان كل من اختلف معاك
ذي ود المدير
سلام واحترام لي ملاسي وود المدير وليك يا شفت
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: كمال سالم)
|
شكراً يا ولي على البوست،
يا وليد عندي بوست بوثق للحلبة في السودان من أيام المهدية وتذكير العنصريين بأصالة الحلب في السودان
على الرابط أدناه:
للتوثيق: أتراك و مصريين حول المهدي والخليفة عبد الله التعايشي
والتحية والقومة للأمير محمد الضكير (لاحقاً محمد الخير) أستاذ المهدي وأمير ولاية نهر النيل في زمن المهدية
الذي أمن على حياة المصريين والأتراك في السودان وعاملهم معاملة كريمة ، وقال قولته الشهيرة: "المصريين والاتراك،
مسلمون ولا يجوز سبئهم أو استعبادهم أو إراقة دمائهم، حتى وإن لم يؤمنوا بالمهدية، ولقد كان كل من لم يؤمن
بالمهدية في ذاك الوقت يُعامل معاملة الكافر ويجوز استعباده وهدر دمه، ولقد كان الامير محمد الضكير،
يحظى باحترام وتقدير الإمام المهدي لأنه قد كان شيخه عندما كان صغيراً، وعندما إنضم محمد الخير للمهدية،
سماه المهدي محمد الخير بدلاً من محمد الضكير، وهاجر معظم المصريين والأتراك
إبان الثورة المهدية إلى ولاية نهر النيل تحت حماية الامير محمد الضكير، لذا نجد أن أغلب المولدين
ينحدرون من ولاية نهر النيل، فلقد كانت الولاية الوحيدة الأمان في السودان بالنسبة للمصريين والأتراك.
---------
المعلومة دي ذكرتها إبراهيم فوزي باشا في كتابه الشهير "السودان بين يدي غردون وكتشنر"
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: وليد محمد المبارك)
|
الاخ سيف الدين محجوب
سلامات
| Quote: يا اخ وليد ناس ملاسي ما ناس دخلا على السودان حتى تقول الكلام الكتبتو هنا يا اخي لازم تعرف ديل ناس لهم جذور في السودان قديمة جدا يرجعوا ليه لمجرد اختلافك معه هناك قاضي عظيم اسمه شوقي حسب الله ملاسي لا اظنك سمعت به ديل ناس جميلين دعنا نختلف معهم ولكن لا نقصيهم حقهم باي حال من الاحوال - نجن كنا في حي الدناقلة شمال بالخرطوم بحري واشقاء حسين ملاسي هشام وعمر اصدقاء جميلين جمعتنا بهم مدرسة الدناقلة شمال الابتدائية بالخرطوم بحري ذلك الحي الجميل الذي ضم عبدالعزيز محمد داؤود وعبد الكريم الكابلي وايوب فارس وسليمان فارس ياخ الناس ما تتكلم بدون ماترف حاجة يذهبواا دا وطنهم وما عندم علاقة باي تنظيم ظلامي اخوان ولا غيرهم - سيف الدين نجار - الخرطوم بحري ذلك الحي الحميل الذي ضم كل السودان |
يا حبيبنا هدي نفسك
اساسا بيني وبين حسين ملاسي ماف الا كل موده واحترام
البوست ده اساسا مفتوح بنفس فهم كلامك ده
خلاصتو
الناس ديل يمشو وين
وهم من الرواد في الثقافة والتعليم وانت سع اضفت ليهم القضاء
فبراحة علينا ياخ
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: Abdel Aati)
|
Quote: التحية لذكرى العم الرشيد مهدي والعم ابراهيم ملاسي واالعم جاد الله جبارة
وعموم اهل عطبرة المبدعين والذين ابتدأت منهم صناعة السينما في السودان
ويا اريت لو رجعت عوائلهم كلها الى عطبرة فبنا حنين اليهم ... |
طبعا يا عادل البوستر الجبتو ده من جوه الاستديو بتاع عم الرشيد
مشيت عطبره الاسبوع الفات معانا بروفيسر من جامعة اكسفورد اسمها مارلين دقن
متخصصة في الرقمنة الانسانية ( عشان تامنوا )
ده تبع الكلام الزمان داك بتاع مبادرة رقمنة التراث الثقافي السوداني
اصبح الان مشروع قومي اسمه المشروع القومي لرقمنة التراث الثقافي السوداني
حا افتح ليه بوست منفصل لي قدام
المهم عطبرة حا تكون من المدن الاولى المعنية بالامر ده
من الجهات الحا نرقمن ليها استديو عمك الرشيد ده .. ياخ ديل عندهم 4 مليون صورة تصدق
وكمان حا نرقمن لمتحف السكة حديد
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: وليد محمد المبارك)
|
شكراً يا ولي وبكوري على المعلومة، ويا بكوري: أخونا حسين ملاسي ما مشى بعيد من مجال الإخراج،
النبي فيك يا بكوري كتابات ملاسي دي وسـخـريته مننا، ما إخراج بالمؤخرة؟! 
| Quote: حسين ابراهيم حسين ملاسي |
حسين إبراهيم حسين شكلو كدا حلبي شايقي يا ولي هاهاها دا اسم شوايقة،
أحكي ليكم القصة الطريفة دي، كنا في حصة اللغة الفرنسية بمدرسة
الخرطوم القديمة الثانوية، المهم أستاذ اللغة الفرنسية كان شايقي مسيخ شديد،
وأخلاقو ضيقة شديد، أها كان بنده في أسماء الحضور لأخذ التمام علشان
الطلبة كانوا بدكوا حصة الفرنسي، المهم قام نده اسم واحد معانا في الفصل
اسمو: محمد علي محمد علي
قام الأستاذ قرأ اسمو ورفع رأسو من الورقة وقال يا جماعة دا منو الشايقي الثقيل دا
على الرغم من إنو الأستاذ زاتو شايقي معروف
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: عبدالوهاب علي الحاج)
|
Quote:
تعتبر مدرسة عطبرةالثانوية هي الرابعة نشأة ً بين المدارس السودانية حيث كانت توجد المدارس التالية :
/ مدرسة وادي سيدنا الثانوية بنين بالخرطوم
/ مدرسة حنتوب الثانوية بنين مدني
/ مدرسة خورطقت الثانوية بنينالبيض
/ مدرسة عطبرة الثانوية بنين عطبرة
وكلها كانت بداخليات تضم طلبة الضواحي .. بينما مدرسة عطبرة كانت تضم طلبة من حلفا وحتى شندي.
وقد كان أول مدير إفتتح مدرسة عطبرة الثانوية هو الأستاذ / حسن فريجون ..
تلاه الأستاذ عبدالرحمن عبدالله .. والذي أكمل مباني المدرسة بجهد خاص ومساعدة من هيئة السكة حديد بعطبرة ثم تلاهم الأساتذة :
ألأستاذ / عبدالمجيد محمد طلسم
ألأستاذ / علي صالح داوود
ألأستاذ / إبراهيم شبيكة
ألأستاذ / الدكتور عبدالقادر حسن الضو
ألأستاذ / إبراهيم حسين ملاسي
ألأستاذ / علي أحمد علي
ألأستاذ / مأمون أحمد السيد
ألأستاذ / أحمد حاج علي
ألأستاذ / عبدالرزاق سليمان
ألأستاذ / أحمد حسن الصائم
|
المصدر:
http://sudanesewebtalk.com/cgi-bin/sdb/2bb.cg...301588214andpage=3andpb=
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: النذير حجازي)
|
وليد .......السلام عليكم
حأقول ليكم كلام عام السودان ده الناس العايشين فيه كلهم اصحاب نفس الحق
ومن كل اعراقهم وقبائلهم ووافديهم قدموا من اسهم بي شيئ ايجابي او سلبي في تاريخ البلد
انا ضد اي تصنيف وضده بشدة علي اساس انه الزول ده اصله شنو ولا اهله جايين من وين ....البلد دي كلها لحم راس ولازم نتعامل علي الأساس ده
ياخي مرت علي وثيقة في قروب صور السودان القديمة في الفيس بوك وانا عضو فيه لقائمة قبول طلاب سنة 1944 في مدرسة مدني الوسطي
كل تلميذ مصنف حسب قبيلته ومن ضمنهم جعفر نميري لكن لاحظت انه ( اولاد اعمامنا ) الحلفاويين مكتوب في خانة القبيلة مستوطن ...شفت كيف.
______________________________________________
بالمناسبة في ربع في المنبر كنت مسميه ربع العشرات وده بسميه ربع ملاسي.
لا اقبل اي رد من شاكلة شايت بره ولا طاشي شبكة ....شفت التعسف ده كيف
لك التحية والتقدير
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: عباس محمود)
|
| Quote: لكن لاحظت انه ( اولاد اعمامنا ) الحلفاويين مكتوب في خانة القبيلة مستوطن ...شفت كيف. |
??????????????????????????????????????????????????????
الغريبة ان 3أو 4 من نظار مدرسة عطبرة من المستوطنين !!!!!!!!! وهم
ألأستاذ / عبدالمجيد محمد طلسم
ألأستاذ / علي صالح داوود
ألأستاذ / علي أحمد علي
| Quote: حأقول ليكم كلام عام السودان ده الناس العايشين فيه كلهم اصحاب نفس الحق |
100%
سلام يا وليد
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: وليد محمد المبارك)
|
Al Sunda
تحياتي
قرأت عن سيرة واحد من اعظم نظار المدارس الثانوية الأستاذ محجوب شورة والذي افتتح مدرسة الخرطوم الثانوية الجديدة
سيرة تدعو للأعجاب ...برضه من ناس حلفا .
ودالبشري
فعلا ..لايوق وعكليتة ومتلقي حجج بالاضافة لما يصفك به طلحة عبد الله
عندك عندي كتاب رسله الزنجي ....بوصله ليك
التحية للجميع
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: Maawya Hussein)
|
"آمال وأحلام" فيلم سينمائي قديم
عرضت وزارة الإعلام بولاية نهر النيل فيلم "آمال وأحلام" وهو أول فيلم روائي سينمائي بالسودان إخراج الرشيد مهدي وإنتاج إبراهيم ملاسي، وقال عدد من النقاد الفنيين إن التجربة كان من شأنها أن تؤسس لصناعة السينما بالبلاد.
ويأتي عرض الفيلم امتداداً لمنتديات الفكر والحوار التي يديرها مركز البحوث والإنتاج بوزارة الإعلام بمدينة عطبرة حاضرة ولاية نهر النيل.
وشارك بالمنتدى مجموعة من النقاد الفنيين وعدد من الممثلين بالفيلم نفسه وهو جمع أكثر من عشرين ممثلاً هاوياً لكنهم أدوا أدوارهم بصورة لافتة.
وانتهز المشاركون عرض الفيلم لمناقشة مشكلات السينما السودانية منتقدين انصراف الحكومة الكامل عن دعمها وعدم محاولة القطاع الخاص لاقتحامها ما جعلها غير موجودة ولا تحوي ساحتها سوى بضع محاولات على مرّ التاريخ السوداني.
محاولة أولى
ويعتبر فيلم "آمال وأحلام" الذي تسعى الجهات الإعلامية بعطبرة لإذاعة صيته مجدداً أول محاولة لإنتاج فيلم روائي طويل عام 1970، وقام بالمحاولة الثانية أنور هاشم الذي تخرج في المعهد العالي للسينما بالقاهرة عام 1971 عندما أنتج وأخرج فيلم "شروق" عام 1974.
وأنتج قسم السينما في وزارة الثقافة الاتحادية فيلمين فقط خلال السبعينيات، وهما فيلم "دائر على حجر" من إخراج سامي الصَّاوي، ويتناول حرفة يدوية في طريقها إلى الانقراض، وهي صناعة حجر الطاحون. وفيلم "أربع مرات للأطفال" من إخراج الطيب مهدي، ويعالج مشكلة الأطفال المعوقين.
ومن الأفلام السودانية التي نالت جوائز في المهرجانات فيلم "ومع ذلك فالأرض تدور" للمخرج سليمان النور.
أفلام تسجيلية
ونال سليمان النور إحدى جوائز مهرجان موسكو الحادي عشر في مسابقة الأفلام التسجيلية، وللمخرج نفسه فيلم آخر مميز باسم "أفريقيا".
واعتبر أمين الرشيد المهدي أن فيلم آمال وأحلام تجربة سينمائية نادرة وقدمت مشاهد متنوعة وشيقة برغم أنه كان نتاج مخاض قاسٍ، مؤكداً أن إعداد الفيلم كلف المخرج والمنتج الكثير إذ أن إمكانياته كانت شحيحة للغاية وتم تصويره بواسطة كاميرا صغيرة.
وقال الممثل حسن فتح الرحمن إن الفيلم كان بإمكانه أن يؤسس لصناعة السينما في السودان لكن انصراف الدولة بمهام أخرى شغلها عن إحداث تطور في السينما السودانية ما انعكس سلباً على مسيرتها وظهرت في فترة وجيزة واختفت لفترة قصيرة جداً بسبب عدم التمويل.
سابقة نادرة
وقدم الفيلم حينها سابقة نادرة من نوعها فأدت البطولة امرأة سودانية هي ليلى حسن التي استطاعت أن تتحلل من قبضة الأسر السودانية التي كانت تنظر حينها للتمثيل والغناء بأنهما أمران معيبان وصفة منبوذة تستحي منها الأسر.
وقالت ليلى حسن للشروق إنها بدأت طريقها عبر الغناء وكانت تغني إيقاع التمتم في حفلات الأحياء، وأكدت أنها عشقت دورها ولم تجد حينها اعتراض من أسرتها لأنها كانت تكبر إخوتها ولم يستطيعوا اعتراض طريقها.
وأكدت أن الفيلم مثل لها الكثير وقدمها كنموذج نادر في المجتمع ما أدهش الجميع وتبدي حسرتها على عدم انطلاقة السينما السودانية قائلة: "كان بالإمكان أن تلقى قبولاً وصيتاً في المجتمعات العربية والدولية".
وأرجع مدير مركز البحوث والإنتاج في وزارة الإعلام بنهر النيل عثمان السيد أن تراجع السينما واندثارها في وقت قصير يعود إلى انشغال الحكومة بالجوانب الأمنية فهي كانت أمام تحديات أخرى لم تنظر معها لتطوير السينما.
وقال إن القطاع الخاص كان بإمكانه سد تلك الفجوة لكن تكاليفها الباهظة جعلته ينظر للأمر بأنه مخاطرة أكثر من أداة ربحية.
ويتناول فيلم آمال وأحلام حياة السودان إبان استقلاله ويعكس حوار شيق بين الريف والحداثة.
شبكة الشروق
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: عباس محمود)
|
| Quote: التحيه والتجله للاستاذ ابراهيم ملاسى ولابنه حسين وان كانت الوطنيه بالعطاء لما سبق ال ملاسىى احد ....! |
نعم والله ...وليست الوطنية وحدها ..بل الاخلاق والعشرة والتهذيب واحترام الناس ...
وطوال عمرنا لم نسمع عنهم الا كل خير ..من اصغرهم لي اكبرهم ...
مع تحياتي له واسرته ...الكبيرة والصغيرة ..
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: garjah)
|
-
العنوان – أخي العزيز وليد - حقق غرضه في جذب المتداخلين ...
لكنني – وقد أكون مخطئاً - أراه عنواناً مستفزاً وغير موفق..
رغم أن المحتوى ومداخلات الزملاء في مجملها كانت رائعة ومؤثرة...
وما أتى به الإخوة الكرام من معلومات موثقة هي وسام يستحقه ملاسي الأب والإبن..
غير أنني أرى أنه ليس شرطاً أن ينال الشخص جدارته بالمواطنه لأنه أنجز وساهم في الثقافة والتعليم وغير ذلك..
ففي المجتمعات التي ترقت في سلم الحضارة
يكفي أن يولد الطفل فيها حتى وإن جاءت أمه لحظة ولادة طفلها عابرة في صالة الترانزيت
لينال الطفل جنسيته وكامل حقوقه المدنية والسياسية..
واعتقد أن ملاسي وغير ملاسي ليس في حاجة لشهادة نمنحها له أنت وأنا
وغيرنا ممن يظنون أنفسهم أصلاء و اقحاح من أحفاد (العباس) و (فاطمة الزهراء) والدوحة الشريفة وهلمجرا..
ملاسي هو مواطن ، شأن أي مواطن .. وكفى
...
..
.
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: وليد محمد المبارك)
|
وليد يا شفت سلام وتحايا
وفى كسلا ايضاً فى الثمانينات عرفنا بعض ال ملاسى
وماكانوا الا كما اشتهينا -- مكارم اخلاق - وادب وتهذيب
وانا على يقين بان حسين امتداد طبيعى لاولئك الأفذاذ ...
مارسوا المواطنة الحقة بان اعطوا لهذا الشعب وما بخلوا
ايجابيين وفاعلين اينما وجدوا ..لهم منا التحايا وكثيف الاحترام ..
ولا يزال ملاسينا الهنا دا يفعل ذلك باريحية وشوية مساخة
ومع كل ذلك فهوقطيم شوية
| |
|
|
|
|
|
|
|
|
 Re: يا ملاسي اذهب من حيث اتيت وافدا انت وجميع اهلك (Re: وليد محمد المبارك)
|
Quote:
لالا ما شوية
يفعلها مع كثير جدا من المساخة .. ولايقة وحلوه فيه
الغريب لو قابلت هذا الملاسي بالدرب اكاد اجزم بانه الطف اهل سودانيز اون لاين |
سلامات وليد ...
طلعت من آل جوقة ملاسي .... و النِعم و الله!
-------------
السطر التاني دا مية مية ... ملاسي يفعلها بمساخه و افتراء لايقات عليهو ..... غياظ و برفع الضغط و يمكن يكون اف اف ار برضك بس مهضوم
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: محمد حمزة الحسين)
|
حبيبنا محمد حمزة
Quote: وبعد الاعلان دا ونحنا فى الصفحه 3 ملاسى ما هببو ليك يا وليييد
حكمة اليوم يا بلير
مالكم تتملسون
:
:
:
الشفت ياخى اتنازل من الاسم دا لى ABUHSSAIN
تانى وش اخضر متدردق |
غايتو يا حبة رشا ما قصرت معاك تحت
المهم ملاسي الذي اقصده ماف ليه طريقة يجي ..
لسبب بسيط لانو ميت رحمة الله عليه
اما ملاسي الابن فهو اعقل من ان ياتي .. وانا اعلم اني قصمت ظهره بهذا بالوست
ده واجب في ظل عنصرية بغيضة حاول المختلفين معه استخدامها ضده - وهي سبب هذا البوست - لتبيان سودانوية هذه الاسرة العريقة المدلل عليها بالعمل الجاد والفكر الثاقب والرائ الراجح
ملاسي الابن بكون خجلان خجل المتواضعين وشاكر شكرهم
| |
|
|
|
|
|
|
|
|
|
Re: يا ملاسي اذهب من حيث اتيت وافدا انت وجميع اهلك (Re: وليد محمد المبارك)
|
- - العنوان – أخي العزيز وليد - حقق غرضه في جذب المتداخلين ... لكنني – وقد أكون مخطئاً - أراه عنواناً مستفزاً وغير موفق.. رغم أن المحتوى ومداخلات الزملاء في مجملها كانت رائعة ومؤثرة... وما أتى به الإخوة الكرام من معلومات موثقة هي وسام يستحقه ملاسي الأب والإبن.. غير أنني أرى أنه ليس شرطاً أن ينال الشخص جدارته بالمواطنه لأنه أنجز وساهم في الثقافة والتعليم وغير ذلك.. ففي المجتمعات التي ترقت في سلم الحضارة يكفي أن يولد الطفل فيها حتى وإن جاءت أمه لحظة ولادة طفلها عابرة في صالة الترانزيت لينال الطفل جنسيته وكامل حقوقه المدنية والسياسية.. واعتقد أن ملاسي وغير ملاسي ليس في حاجة لشهادة نمنحها له أنت وأنا وغيرنا ممن يظنون أنفسهم أصلاء و اقحاح من أحفاد (العباس) و (فاطمة الزهراء) والدوحة الشريفة وهلمجرا.. ملاسي هو مواطن ، شأن أي مواطن .. وكفى ... .. .
| |
|
|
|
|
|
|
| |
وليد محمد المبارك
حيدر حسن ميرغني
عصام علي أحمد
الامين موسى البشاري
garjah
معاوية المدير
وضاحة
abubakr salih
امين علي الشيخ
محمد البشرى الخضر
كمال سالم
النذير حجازي
خالد عبد الله محمود
Abdel Aati
عبدالوهاب علي الحاج
PLAYER
سامى عبد المطلب
محمد عبد الماجد الصايم
عباس محمود
Maawya Hussein
الصادق عبدالله الحسن
احمد الأمين على إدريس
رشا احمد
محمد حمزة الحسين
فيس بوك
تويتر
انستقرام
يوتيوب
بنتيريست