|
|
 أل شنو انا عايز احبك ...,,,,....
|
 غايتو انا طحالى انفجر من الحاجات البتفرسنى
كنا فى زياره لبنت خالتى وفتحت لينا بتها الباب وقالت لى امى عندها برنامج فى تليفون
لمن جات قولت ليها الحكايه شنو
قالت لى شفع مكرهينى التليفون
حوالى 3 اطفااااااااااااااااااال
بيتصلوا ويقولوا ليها عايزين نحبك
تقول ليهم يا حلوين انا حبوبه تحبو شنو
يقولوا ليها صوتك ما باين عليه حبوبه
عندك صفحه فى الفيسبوك عشان نشوف صورتك
ضحكت وقالت ليهم اهلكم وين المخلينكم كده
وقفلت
ونحنا قاعدين دقوا
قولت ليها ادينى ليهم
والله صوتهم اخرته فى الابتدائى
ما الثانوى حتى
قولت له انت بالضبط عايز شنو
قال لى بتعرفى الوضع
قولت له شنوووووووووووووووووووو
قال لى الوضع
انا غايتو ما حبيت اسئل زياده لان كان الدم بدى يغلى فى فاخورتى
قولت له انت فاكر روحك راجل
ولو فاكر روحك راجل لمعلوميه الرجال ما بيعملوا كده
دى حركات ناس صايعه وفارغه وقليلة ادب
ولو ما اتلميت بجيب رقمك وبجيك بيتكم المك
وقفلت السماعه
وما تميت دقايق رجع دق تانى
ااااااااااااااااااااااااااااااااااااااااااااااااااخ انا
ديل اهلهم وين يا خوانىىىىىىىىىىىىىىىىىىىىىىىىىىىىىىىىىىىىىىىىىىى
|
|
 
|
|
|
|
|
|
|
 Re: أل شنو انا عايز احبك ...,,,,.... (Re: رانيه محمد الشيخ)
|
سلامات يا رانيه,,Quote: قال لى بتعرفى الوضع
قولت له شنوووووووووووووووووووو
قال لى الوضع |
قفلتى فى وشو بدون ما تعرفى الوضع شنو!!!
ياخ بالغت والله..
لكن يبدو إنو الوضع متأزم جدا والأمور زى جايطة كدا وأهو منتظرين
نشوف آخرتا شنو,,
تحياتى,,
| |
|
|
|
|
|
|
|
|
 Re: أل شنو انا عايز احبك ...,,,,.... (Re: أيمن الطيب)
|
يا ايمن
بقوليك فى الابتدائى
انتظره يشرح لى ياتو وضع
ماهو الوضع واااااااااااااااااااااااااااااااضح
احبك وفيسبوووووووووك
ونهرى كله راح بيش وكانى مجنونه انا البتكلم معاه
بكل برررررررررررررررررود بيتصل تانى
ونحنا قاعدين حوالى 5 مرات وبنت اهلى تعملوا سايلنت الموبايل
قالت معذبينها لحد انصاص الليل لان دى ما اول مره وحاولت بكل الطرق وفشلت تقنعهم انهم يقطعوا وشهم
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: رانيه محمد الشيخ)
|
اها يا حامد
اتصلت ببنت اهلى قولت ليها السهره كانت كيف
قالت لى اتصلوا كميه وما رديت عليهم
اخرتها مرسلين ليها مسج كاتبين فيها
بحبك موووووووووووت وبموت فيكى
,.,.,.
غايتو يا الاباء والامهات الديل عيالهم والعيالهم زى ديل
احييكم بشده
تعبكم فيهم جيه بفاااااااااااااايده
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: رانيه محمد الشيخ)
|
رانية
صاحبة الطرح الفكرة
سلام يا راقية
هؤلاء اطفال كما استشفيتي من صوتهم .. قد نجد لهم بعض العذر بالمراهقة ...
الجهل – اللعب وقضاء الوقت ..
ولكن ما رأيك بمن هم في عمر اباء هؤلاء وكل ليلهم اتصال ..
وكل همهم بنت يتغزلون فيها عبر الفيس او الواتس اب او الاسكايبي ..
وبجي راجع ان شاء الله ..
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: رانيه محمد الشيخ)
|
الحبيبة رنو
طبعا الزمن اتغير يا رانية والاطفال كمان بقو ا يحبو .. وطبعا هم بتعلموا الحاجات دي من الفضائيات القاعدين قدامها 24 ساعة..وما عارفة هم بذاكروا متين؟؟
وبعدين انا كنت فاكرة الموبايلات في السودان بتكشف الأرقام..... معقولة يا رانية لهسع تكنلوجيات الاتصالات متأخرة في السودان .. والعالم كله متقدم من الناحية دي..
لكن احتمال برضه يكون ما في قانون في السودان بيعاقب الازعاج بالتلفونات ..
والله يديك العافية
| |
|
|
|
|
|
|
|
|
 Re: أل شنو انا عايز احبك ...,,,,.... (Re: اميرة السيد)
|
رنو
صباح الحب
بصراحة كدة العيال كبرت وعايزة تحب
بس مش عايزين حد يقول ليهم حب أيه اللي انت جاي تقول عليه !
ديل عايزين أغنية سودانية بحتة .. بنحب بعض مالكم بينا .. بنحب بعض والحب ياناس مقسوم لينا
وبعد كدا الواحد يجري يخلع البامبرز عشان يثبت إنه راجل وما بيعملهاش في نفسه ههههه
| |
|
|
|
|
|
|
|
 Re: أل شنو انا عايز احبك ...,,,,.... (Re: عواطف ادريس اسماعيل)
|
مرور على سبيل التحية في بوست البنية الفنجرية..
ومقتبس من الفيسبوك
Quote: بنات الثانوية اخر زمن
وحده عمرها 14 سنة وكاتبه
* ما تفكر تلعب بي عشان ما أدوسك بالجزمه *
• يا ماما انتي لسا لما تمشى
جزمتك بتولع نور لسا بدري ع الكلام ده
....
ولد عمرو 12 سنة كاتب
* شربت الخمر كي أنساكي وإذا
بكل كأس أشربه اراكي *
• خمره شنو؟؟
انتا العجور بالشطه والليمون بضيع مستقبلك
......
• مشكله شفع الزمن ده الواحد
شايل جلاكسي وكاتب فى الفيسبوك
* ليه يا دنيا ضيعتى سنينى *
• عليك الله سنين شنو الضاعت
وانت لسا عندك جرعات تطعيم
ما اخدتها |
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: نادر النور آدم)
|
سلام كتبت الاخت اميرة
Quote: وبعدين انا كنت فاكرة الموبايلات في السودان بتكشف الأرقام..... معقولة يا رانية لهسع تكنلوجيات الاتصالات
متأخرة في السودان .. والعالم كله متقدم من الناحية دي.. |
اظهار رقم المتصل موجودة في السودان (حسب ما اعتقد من 1999)...
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: مدثر صديق)
|
Nizar Mubarak Ahmed · Faculty of Arts, University of Khartoum
في اعتقادي أن الأخت رانية ربما قصدت من هذا البوست لفت النظر إلى قضية غريبة ومستهجنة بكل المقاييس وهي جرأة أطفال على ملاحقة سيدة عبر الهاتف ومغازلتها وعدم ارتداعهم رغم التهديدات المستمرة، فالسؤال الكبير هو أين هم أولياء أمور هؤلاء المراهقين من كل هذا التفسخ الأخلاقي. فلم يقصد بالبوست وضع حلول مثل مخاطبة الشرطة لرفع قضية إزعاج أو ما شابه. شكراً رانية على سلاسة الطرح والفكرة
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: عواطف ادريس اسماعيل)
|
صباحك سكر يا سكره
عارفه يا عواطف
ادانى احساس انه ماسك البزه فى يد والموبايل فى يد التانى
يعنى بيتكلم وكلام زاتو ما لافق على صوته
اريتهم فاهمين معنى الحب صح
ولا حتى عارفين يعنى شنو حب
غايتو بنقول نحنا مالنا وصلنا لكده
ماياهو دى البداية كانت
اساس تربيه هش خلى زى النوعيه دى لمن تكبر تجلطنا
:))))
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: اميرة السيد)
|
الغاليه امير
لا اكيد فى اظهار نمره
وفى برضو قوانين بتحمى التجاوزات الفى النت والهاتف
لكن انا ما مشكلتى فى الازعاج اصلا
لان دى ليها حلول كتيره وحتى لمن بتكلم معاه حاولت اوصل له الفهم انى بقدر اجيب نمرته واصل بيتهم
لكن برغم من كده ولا حياه لمن تنادى والبيعملوا فيه واصلوا فيه
ودا الشى الزادنى غضب واستنكار على اهمال اولياء امور تربية اطفالهم ومراقبتهم فى سن المراهقه وتوفير ليهم كل سبل التواصل بكل الاريحيه دى لانصاص الليالى
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: د.نجاة محمود)
|
رانية الحكاية
الاولاد ديل ابوهم بيدفع فاتورة الهاتف ولا ينظر للارقام ومدة الاتصال
تربية فاشلة...
مرة حضرت خطبة جمعة عن بر الوالدين واذا كانوا غير أحياء تبر بخالاتك وعماتك وكده
وصلت البيت طوالي اتصلت بخالتي رقية
ردت علي واحدة شابة
سالتها ده تلفون خالتي رقية
قالت بثقة
آآآآآآآي
قلت ليها يا بت حجة رقية دي مرة كبيرة عمرها اكتر من ستين سنة
بعد زرزرة
قالت أنااسمي رقية لكن موش حاجة رقية
وأنا متأكد اسمها ماهو رقية والموضوع شربكة في المتصل
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: ياسر منصور عثمان)
|
بالضبط يا ياسر
التكنولوجيا مفروض تبقى فى سن معين
وفى قوانين منزليه فى تداولها
ما عيب نخت ساعات محدده ليهم
نسلمها ليهم وهم مارقين ونستلمها وهم داخلين
حتى الاب والام يبطلوا النقنق والصنقره
ويدوا البيت حقه
يتجمعوا فيه ببساطه يتحاوروا ويتونسوا ويتفرجوا على اى شى ظريف
يطلعوا يتفسحوا بلا موبايلات
الام والاب بيدهم يخلقوا تغير فى حياتنا وبيدهم يدمروها ببساطه
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: garjah)
|
والله يا garjah
البيحصل فى الاتصالات حدث ولا حرج
فى مره الساعه سبعه تليفونى رن وكنت نايمه
قومت مفزوعه لان فى العاده مافى زول بعرفه بيصحى بدرى كده وبيتصل كمان
اها رديت وانا بحاول اجمع الشبكه
لقيت زول صوته محسحس ساى وبيقول لى انا تعبان
انا فى البدايه ما فهمت وقولت له انت داير منو
قال لى دايرك انتى
طوالى عرفت الحكايه ماياها وقفلت السماعه
شى مؤسف ومحزن ان بكل بساطه نتلقى اتصالات زى كده
حسى لو معرسه راجلها حيقول عليه شنو
ولو اخويه جنبى كان بلعنى التليفون
حيصدقوا دا اتصال غلط بالبساطه دى
الناس ما تراعى حق الله فى غيرها وفى روحها
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: رانيه محمد الشيخ)
|
Quote: يا زولة بالاسمك اميرة السيد مالك متحاملة علي السودان كدا يعني عشان بس انتي طلعت برا السودان بس ؟؟ لعلمك السودان بستخدم تقنية عالية وهي الاحدث في مجال الاتصالات وازيد كمان لمن السودان ده فيه قوانين تنظم حياة الناس البلد الانتي فيها دلوقت كان ما بتعرف قانون وكان الكاوبوي باكل الضعيف. قالت مافيه قوانين تحاكم الازعاج بالتلفونات ليه الاستخفاف بالسودان ؟الاستاذه رانية بتتكلم عن سلوك اطفال فالافضل تتناولوا الموضوع من نواحي تربوية وتحاولوا تشوفوا الحلول لو عندكم بدل ما تنهشوا في البلد.
|
>>>>>>>>>>>>>>>>>>>>>>>>>>>>>
عزيزي عماد شمت
اظنك يا عماد فهمتني غلط بالجد.. لأني ما قاصدة انهش في البلد ..والناس القاعدين ينهشوا في البلد انت شايفهم لكن شايف الفيل وداير تطعن في ضله... لأني سألت مجرد تساؤل فقط وليس استخفاف بوطني الذي اعتز به على الرغم
من الحرامية الذين يحكمونها.. وما دام انت مقيم في ولاية امريكية اظنك بتعرف القوانين الأمريكية البتنظم حياة الناس هنا كيف.. وفعلا زمان كان القوي بياكل الضعيف في عصر الكابويات ولكن الآن الضعيف بياكل القوي بالقانون.. وسيادة القانون...والسودان زمان كان فيه القانون الذي يساوي بين الجميع .. ولكن هسع .. حدث ولا حرج.. ووريني يا عماد اذا انت مشيت السودان اجازة وضربك ولد وزير كف او نهب منك قروش بتقدر تشتكيه في المحكمة؟؟؟ وطبعا انا ممكن اجيب ليك امثلة حاصلة في كيفية الظلم السائد هناك في السودان وكيف القوي بياكل الضعيف...
ومن سخرية الأقدار اني قبل كده هاجمت وانتقدت الحياة في امريكا ووجهت بسيل من الانتقادات .. مع اني انتقدت بس الجوانب السلبية فقط مع كثرة الايجابيات التي نعيش في ظلهافي بلد الديمقراطية والعيش فيه بكرامة على الرغم مما نسببه لهم من انتهاكات وقتل لأبرياء مثل ما حصل في بوسطون .. مدينة العلم والنور.. لكننا لا نعرف النور ولا الضياء ونريد ان نغرق الناس جميع في ظلمات وراءه ظلمات.....
يا خوي يا عماد لازم تعرف انو السودان ده شايلنوا في رموش عينينا. واذا في اي واحد اجنبي تكلم بسوء عن السودان بنوقف عند حده.. لكن السوداني ممكن ينتقد وطنه على كيفه لأنه دائما بيعمل من اجل مصلحة السودان وشعب السودان ...نحن دائما بنتمنى ان نشوف السودان فوق .. فوق ...فوق في القمة... وكل ما نسمع خبر جميل عن السودان بنفرح من الأعماق.. ولولا الظروف القاسية لما تركنا وطن الجدود .. وجدودنا وصونا على الوطن..
والله يديك العافية
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: اميرة السيد)
|
الرد عليهم يجعلهم يتمادون في الإتصال خصوصا انهم صبية في فترة المراهقة
اقترح قبل الإنقطاع نهائيا من الرد تشغيل القرآن الكريم أو الآذان لمرتين أو ثلاث
وتركهم يستمعون إليه بصوت عال
و........................
ما تنسونا من الحلاوة
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: ASHRAF MUSTAFA)
|
اخى اشرف
انت متاكد انهم حيستمعوا اليه
غايتو اشك فى ذلك
وزى ما وضحت الفكره ما فى الحل الوقتى لمشكله
ماهو ممكن يبطلوا يزعجوا بت اهلى ويقلبوا الموجه على رقم تانى
انا غرضى طرح المشكله عموما لاولياء الامور وتنبيهم للامور دى
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: ASHRAF MUSTAFA)
|
لا ما زايغه يا اشرف لكن بالجد ما اظن ديل ينفع معاهم كده
قبيل كنت بتكلم مع بنت اهلى قالت لى خلاص فاض بينى جد
قولت ليها ادينى الرقم قالت لى هى ارقام شغاليين يتصلوا بيها ما ثابت
قولت ليها يبقى اكيد لناس البيت بتكون ممكن نتصل ونوريهم البيحصل دا عشان يلموا عيالهم
غايتو بكره بنتقابل انا وهى وبنشوف بقى نهاية الفيلم التراجيدى دا
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: رانيه محمد الشيخ)
|
رانية
وضيوفها
التحايا النواضر
الانترنت اصبح جزء من حياة الناس لذا وجب التعامل معه بواقعية والتقليل اثاره السلبية .. خاصة للاطفال .. واصبح متاح ومتوفر عبر اكثر من وسيط وفي اي مكان لذا يصعب فرض رقابة على الاطفال اثناء استخدامه وايضاً نقطة مهمة جداً ان كثير من الاباء والامهات وبالذات الامهات معرفتهن بالانترنت ضعيفه لذا بكون صعب عليها المتابعة مع الاطفال وتوجيههم ..
والرقابة قد تؤدي الى نتائج سالبة فهو ان وجد التضييق في البيت اثناء استخدامه اكيد انه سيحاول ان يجد مكان اخر يستخدم فيه النت بحرية اكثر فيظهر الاصدقاء ومن باب الفضول سيدخل على المواقع التي تمنعه منها الاسرة .. والاصدقاء انفسهم قد يكونوا اصدقاء سؤ .
عشان كده انا بقول زيادة الوعي لدى الاطفال والتربية على قيم الاسلام والقيم الفاضلة بتكون هي خط دفاع قوي جداً للطفل اثناء استخدامه الانترنت ..
وهي افضل بكثير من الرقابة .. لانها تكون نابعة من قناعات الطفل ..
| |
|
|
|
|
|
|
|
|
|
Re: أل شنو انا عايز احبك ...,,,,.... (Re: علي محمد الفكي)
|
اخى على
التوعيه والتربيه والرقابه والاصلاح كله مطلوب فى حدود
يعنى ما نفرط فى الرقابه حد الاختناق
ولا نتعصب فى التربيه حد التعقيد
ولا نتحرر فى التوعيه حد الافاق
محتاجين وزنه عشان يقدر الطفل يستوعب الامور صح
ومحتاجين واقع منزلى صحيح
ما يشوفوا الاب والام مصنقرين وقتهم كله فى النت ولا الموبايل
المفروض فى مدارس يكون فيها كنترول واصلا مفروض طفلك لمن يصل الجامعه ياداب تشيله موبايل
مش من هو فى الثانوى
وحتى النت مفروض يكون فى تحديد لوقت استعماله
بليل نهائيا ما مفروض يساهر فيه ويكون فى قانون منزلى بان من الساعه المحدده دى بيتم اقفال الاجهزه فى البيت حتى للكبار
هى محاولات ما معروف احتمال تصيب واحتمال تخيب
العلم عند الله
| |
|
|
|
|
|
|
| |
أيمن الطيب
حامد الغبشاوي
علي محمد الفكي
elhilayla
حيدر حسن ميرغني
Mutaz Hussien
عواطف ادريس اسماعيل
نادر النور آدم
مدثر صديق
garjah
ياسر منصور عثمان
ASHRAF MUSTAFA
فيس بوك
تويتر
انستقرام
يوتيوب
بنتيريست