|
كتب الكاتب الفاتح جبرا المتوفرة بمعرض الدوحة
|
|
 Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
في إطار فعاليات الذكرى السنوية الثامنة لرحيل المفكر والسياسي الأستاذ الخاتم عدلان ،وضمن سلسلة ندوات السودان إلي أين يتجه ،و إحتفالاً باليوم العالمي لحـرية الصحـافة تدعوكم حركة القوى الجديدة الديمقراطية حق للمشاركة والحضور في ندوة:
السـودان إلى أين يتجه؟ في ظل غياب الحُريـات الصحفية.والتي سوف تقام يوم الأربعاء 8 مايو 2013 في السابعة مساء وسوف يتحدث فيها كل من :
1- أ. ضياء الدين بلال
2- أ. فيصل محمد صالح
3- أ. حسين ملاسي
الزمان: الأربعاء 8مايو، الساعة السابعة مساءاً
المكان: در حركة "حق " بالخرطوم 2 _ شارع كترينا شرق فندق فايف أم
| |
  
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
يا خالد بحر ياخي و الله الكلام دا لوم منكم. ياخي ضياء بلال من و ملاسي شنو ياخي البتدعوهم يتحدثوا فى الندوات
الناس الوطنيين الديمقراطيين فى البلد دي كملوا؟ الرجال و النساء الشرفاء البدفعو من دمهم و عرقهم و حرياتهم من اجل
اٍستعدادة الديمقراطية و الحرية لهذا البلد المنكوب كملوا؟ موش خسارة و عيب فى حق القوي الديمقراطية تعمل على تلميع
الطفابيع اصحاب المواقف المايعة من محامي الشيطان و بالمقابل تتجاهل المناضليين الحقيقين اهل الوجعة الحقيقة. يا خسارة.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
وكانت حركة حق،قد إبتدرت الإحتفال بالذكرى الثامنة لرحيل الأستاذ/الخاتم عدلان،الإسبوع الماضي بندوة تحت عنوان:السودان إلي أين يتجه...؟
تحدث فيها،الأستاذة/هالة عبد الحليم رئيسة الحركة،والأستاذ/أبراهيم الشيخ رئيس حزب المؤتمر السوداني،والأستاذ/عبد العزيز خالد رئيس حزب التحالف السودان
والأستاذة/مريم الصادق القيادية بحزب الأمة،والاستاذ/حسبوإبراهيم من تحالف مزارعي الجزيرة والمناقل.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
كلمة الأستاذة/هالة عبد الحليم رئيسة حركة القوى الجديدة الديمقراطية..حق. في الندوة السابقة
السيدات والسادة،
الزميلات والزملاء، ضيوفنا الأعزاء،
تحية لكل الذين تكبدوا مشاق الحضور فى هذه الامسية الساخنة ،
قبل أيام، في الثالث والعشرين من أبريل، مرت علينا الذكرى السابعة لرحيل قائد وزعيم ومؤسس حركتنا المفكر الفذ والمناضل الجسور الراحل المقيم والخالد في ذاكرتنا ووجداننا أبداً، الخاتم عدلان. وفي احتفائنا بذكرى الخاتم، فإننا نحتفي أيضاً بالمناضل الصلب الراحل عمر كانديك، المسئول التنظيمي الأسبق لحركة القوى الجديدة الديمقراطية (حق)، وأحد مفكريها الشباب الأفذاذ، والذي مرت علينا الذكرى السادسة لرحيله الفاجع في الثالث عشر من هذا الشهر. إننا نذكردائما خاتم وكانديك، لأنهما بنضالهما الشرس، بمواقفهما الجريئة والصلبة والمصادمة، بصلابتهما وشجاعتهما وجسارتهما، وبتقدمهما الصفوف في كل منعطف وفي كل "حوبة"، إنما يمثلان التراث المتفرد، الأهم قيمة والأعظم أثراً لحركتنا، وهو تراث سنسير على هديه أبد الدهر.
قبل فترة صدرت دعوات، وأطلقت تصريحات عن الحوار الوطني من جانب النظام. لا أريد العودة الآن لتلك التصريحات تحديدا، والتي يبدو أنها قد ذهبت أدراج الرياح، وأنها قد تطمر تحت موجات جديدة من الاعتقالات وانتهاك الحريات وإغلاق الصحف ومصادرتها.. إلخ، وها نحن نتحدث الآن، كما كنا قبل فترة قصيرة، ودوي الحرب يصم الآذان، وهستيريا العدوان والانتقام الأهوج وتهم الطابور الخامس، الموجهة أساساً لا إلى سوح الحرب، وإنما إلى منابر السلام والديمقراطية والتنمية تملأ الآفاق. طوال الأربعة و عشرين عاماً والتي هي عمر الإنقاذ الآن، شهد النظام تغيرات كثيرة ، ولكن شيئاً واحداً لم يتغير، و هو وجود حرب أهلية و عدو يتم التجييش ضده و قمع الحريات باسم محاربته، مهما كانت نوعية هذه التعبئة و التجييش ، سواء أن كانت تعبئة دينية جهادية كما حدث في الجنوب، أو تعبئة عنصرية كما يحدث الآن، لا يستطيع هذا النظام أن يعيش بلا حروب ،لأنها محور تماسكه و جزء أصيل من مشروعه. وطوال الأربعة و عشرين عاماً والتي هي عمر المعارضة لهذا النظام، أيضاً، شهدت المعارضة تغيرات كثيرة، ولكن شيئاً واحداً لم يتغير، وهو حالة ضعفها وانقسامها وضياع بوصلتها وفقدانها الهدف الموحد.
في هذه الأجواء القاتمة، أريد أن أتحدث عن القضية في معناها العام وفي كلياتها، بصرف النظر عن من قال ماذا ومتى. نريد أن نتحدث عن قضية الحرب والسلام وعن قضية العمل المسلح والعمل المدني وعن كيفية مواجهة الأزمة الوطنية الطاحنة والمستعصية، هذا هو الأمر المهم، لأن القضية لم تعد قضية نظام غير قادر على الحكم، او معارضة غير قادرة على المعارضة، بل هي بالدرجة الأولى، قضية وطن أوشك على التلاشي وشعب أوشك على الهلاك. إننا نتحدث عن بلد تفتك الحروب والنزاعات بالملايين من مواطنيه هلاكاً ونزوحاً ولجوءاً بينما تتكفل الملاريا وأدواء السل وسوء التغذية والحميات المتصدعة والنزفية وغيرها من الأوبئة في ظل انعدام الخدمات الصحية بمن تبقى منهم، وفي بلد يعيش أكثر من 90% من أهله دون خط الفقر وبمتوسط دخل يقل عن دولار في اليوم وحيث تتناول الغالبية الساحقة أدنى متوسط سعرات حرارية في العالم، وفي بلد يحرز أعلى نسب وفيات الولادة ووفيات الأطفال دون سن الخامسة، وفي بلد تفوق نسبة الأمية الأبجدية بين مواطنيه ال70%، ويعجز نصف أطفاله من الالتحاق بصف دراسي بينما تهجر الغالبية العظمى المدارس نتيجة الإعسار للالتحاق بالشارع أو الأعمال المتدنية حيث نسبة الأطفال الذين يفرض عليهم الانخراط في سلك العمل تتجاوز ال20% وحيث تشل العطالة أكثر من ربع المواطنين في سن العمل، ويعصف الجهل والتخلف بكل أسباب الحياة، وفي بلد يفتقد السواد الأعظم من شعبه للمياه النظيفة، ويعيش أكثريته دون مأوى، وفي وطن يتآكل من أطرافه بالحروب، ويحترق قلبه بالعنصرية البغيضة. هل يمكن في مواجهة هذه الأحوال الفظيعة أن نقف مكتوفي الأيدي أو في انتظار حل من السماء؟
إن المعارضة، خاصة في شقها المدني، ما زالت تعيش حالة متأخرة من الغيبوبة، فهي غارقة حتى اخمص قدميها في مشاكلها الصغيرة الذاتية ونزاعاتها قصيرة النظر حول المناصب وقتالها غير المبدئي حول الأجندة الخفية، وهي ذاهلة تماماً عن القضايا الوطنية الرئيسية وقضايا الشعب. هل يمكننا أن نتابع هذا العبث إلى ما لانهاية؟ هل يمكننا الاستمرار في إطلاق الشعارات فقط دون فعل مؤثر، بينما الأطفال والأمهات والآباء والشباب يفقدون فرص الحياة وفرص العيش وفرص العمل وفرص أن يكونوا آدميين بالمئات كل ساعة.
لقد عشنا فترة طويلة من الهزل في الصراع بين إسقاط النظام وتغييره، وفي النهاية لم نسقط النظام ولم نغيره. إن التناقض الحقيقي هو ليس بين تغيير النظام وإسقاطه .. التناقض الحقيقي والجوهري هو بين إسقاط النظام أو تغييره من جانب .. وبين التصالح معه من الجانب الآخر. التصالح معه يعني أي درجة من التصالح ويشمل ذلك المشاركة الصريحة الواضحة في السلطة، ببرنامج مشترك أو غير برنامج، أو المشاركة المستترة .. بأي صورة وفي أي شكل جاءت. للذين يرغبون في التصالح مع النظام نقول .. نحن لسنا هواة إسقاط أو تغيير أنظمة ..ولا نريد إسقاط النظام أو تغييره .. لإشباع رغبة ذاتية .. وإنما لأن القضايا التي يدور حولها الصراع في السودان الآن، ليست قضايا طرفية وإنما هي قضايا تمثل جوهر النظام نفسه.
إن خيارنا هو خيار العمل المدني السلمي الديمقراطي، قلناها من قبل وسنظل نكررها، نحن ضد الحرب، فقد خبرت بلادنا الحرب والحروب جيداً. فالحرب الأهلية الأولى في بلادنا، والتي تعاظمت ويلاتها على مدى أربعين عاماً لتكون أطول الحروب في إفريقيا والعالم المعاصر، قتلت أكثر من مليونين من البشر، وشردت داخل الوطن وخارجه أكثر من اربعة ملايين، وحولت حياة الآخرين الى جحيم، ودمرت البيئة والبنيات التحتية الهشة والضئيلة في الجنوب، واجهضت كل محاولة للتطور والنماء ومزقت النسيج الاجتماعي علي المستوى الوطني. لقد انتهت تلك الحرب بتقسيم الوطن وانفصال الجنوب، ولكن يبدو أن ذلك الثمن ليس كافياً بعد إذ خسرنا الجنوب ولم نكسب السلام. الحرب ليست في مصلحة الوطن ولا مصلحة للشعب فيها بتاتاً. لقد كانت الحرب، ومازالت، هي المصرف الأساسي والضخم لإهدار الثروة الوطنية، وهي قطعاً ليست في مصلحة المهمشين من أبناء وبنات الشعب الذين هم وقودها وضحاياها، لأنها تلغي من قائمة الأجندة الوطنية قضايا التنمية والتطوير والعمران، وتوفير الحاجات الأساسية، وبناء المدراس والمستشفيات والبيوت وصياغة المناهج وتوفير العلاج والدواء، وإقامة الاسواق، والتوسع في الزراعة وبناء المصانع، واللحاق بركب العالم، فضلا عن حريات التنظيم والتعبير والحراك والديمقراطية وحقوق الإنسان.
إن الذي يدفعون إلى خيار العمل المسلح والحل العسكري الحروب هم فئتان. الفئة الأولى هي النظام نفسه لأنه بإغلاق سكك الحوار الجاد مع القوى المدنية وتضييقها من خلال التمسك بممارسات الاعتقال التعسفي والقوانين المنتهكة للحريات، انما يدعو هذه القوى للذهاب لطاولة الحوار عن طريق الغابة، وطالما أن النظام لا يستجيب للحوار إلا تحت فوهة البندقية وهراوة النظام الدولي، وطالما هو لا يحاور إلا من حملوا السلاح، فهو يتحمل مسئولية دفع الناس دفعاً إلى حمل السلاح.
الفئة الثانية، هم أولئك، سواء كانوا في صفوف المعارضة أو أبواقاً للنظام أو حسني نية، الذين يجعلون من العمل المدني وجهاً آخراً للاستسلام للنظام والانخراط فيه وأداة للمساومة وتحقيق المصالح الذاتية لا أداة للمقاومة ودفع القضايا الوطنية للأمام. إن الدعوة لنبذ العمل المسلح لن تكون ذات مصداقية ومعنى ايجابي إلا حينما ترفق بمواقف وأفعال واجراءات تجعل العمل المدني فعالا وثمراته مشهودة للناس، اما اذا استمر الناس يرون ان النتائج تتحقق فقط من خلال العمل المسلح، وان العمل المدني لا يثمر سوى المزيد من الهزائم والخيبات، فلن يكون بوسع احد ان يثنيهم لو اتخذوا الطريق الصحيح.
في هذا الإطار، وضمن هذا الموضوع أيضا، لابد لي من التعليق على الدعوات التي صدرت من هنا ومن هناك لإلحاق المعارضة المدنية ممثلة في قوى الإجماع الوطني بالمحادثات الأخيرة التي دارت في أديس أبابا بين الحركة الشعبية شمال والنظام في إطار المبادرة الإقليمية والقرارات الدولية. نريد أن نوضح ونسجل موقفنا هنا بصورة لا لبس فيها. نحن نرفض هذه الدعوة من أي طرف جاءت، سواء من طرف يستخدمها فقط ككرت في صراعه مع السلطة، وطرف آخر يريد أن يقفز عليها لتصفية حسابات لا شأن للقضية الوطنية بها. إننا نرفض هذه الدعوة مبدئياً لأننا نؤمن بأن المنبر المناسب لمناقشة القضية الوطني ليس منبراً ثنائيا تلحق به المعارضة الوطنية المدنية إلحاقاً بينما هي طرف أصيل في العمل الوطني لا يتصدق عليها أحد. ولأننا خبرنا الحلول الثنائية من قبل وتعلمنا دروسنا ولسنا على استعداد لتكرارها تحت أي ذريعة، ولأننا نرى ضرورة أن يتم مناقشة الأزمة الوطنية من خلال لجنة او هيئة يتم الاتفاق على طريقة تكوينها والتمثيل فيها على قدم المساواة بين جميع الفرقاء. هذه اللجنة، والتي هي منبر وطني أولاً وأخيراً، يجب ان يناط بها لا إدارة الحوار فقط عند الشروع فيه، وانما إدارة الدعوة للحوار ذاتها، ويشمل ذلك تحديد متطلبات الحوار، وليس شروطه، من جانب كافة الأطراف والسعي لتوفيرها، والاتفاق على الهدف الكلي والنهائي للحوار وغاياته، ونطاقه واجندته وآلياته ومخرجاته المتوخاة ووسائل وضعها موضع التنفيذ.
في ختام كلمتي، أود أن أعود لذكرى الخاتم من باب مختلف، لقد قضى الخاتم سنوات عمره الأخيرة مناضلاً يقدم التضحية تلو الأخرى في صياغة مشروعه الوطني لتأسيس حركة سياسية واسعة تناضل من أجل الفقراء والكادحين والمستغلين والمقهورين، ولغيرهم من المنتجين بأذهانهم و أيديهم، من أجل تبصيرهم بحقوقهم و تنبيههم الى القوى الكامنة فيهم و تنظيمهم لامتلاك مصيرهم وهزيمة أعدائهم و بناء المجتمع الغنى القائم على الوفرة، المتقدم، المعتمد على العلم والتقنية، والعادل الذى يتمتع فيه المنتجون بخيرات إنتاجهم، وكان يرى ذلك في حركة تجمع وتوحد القوى الجديدة في وطننا. اليوم، ونحن نتشرف باستضافة الأساتذة إبراهيم الشيخ وعبد العزيز خالد، أقول أنه ليست هناك مناسبة أفضل من هذه لاستذكار الخاتم على ذلك النحو واستذكار دعوته تلك ودفق الحياة فيها من جديد. إن ما يجمعنا هو أكثر من هذه الندوة، هو أوسع من الأطر الضيقة لأحزابنا، هو أعمق من البرنامج المرحلي ذي الحد الأدنى، لذا فأنا أتقدم الدعوة لتنظيماتهم نيابة عن خركة حق لعمل مشترك يقودنا خطوات على طريق تحقيق حلم المناضل الخاتم عدلان، وحلمنا جميعاً، فلنتقدم خطوة واحدة وصغيرة، حتى نستفيد من دروس الماضي وأخطائه، فلنعمل مثلاً من أجل قيام مجلس للقوى الديمقراطية الجديدة يضمنا معاً يعمل لتنسيق مواقفنا وتوحيد عملنا وتهيئة الأرض وئيداً لقيام بنية وطنية شعبية واسعة على أساس برنامجنا الموحد.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
Quote: عزيزنا/أبوبكر
وانت تعرف ذلك،الديمقراطية في جوهرها هي قبول حق الإختلاف وقبول الرأى الأخر.
تحياتي |
يا خالد ياخي المسألة دي سياسية، و العمل السياسي يتم بالحسابات. الديمقراطية مافى زول ابها، لكن الديمقراطية ليست لديها علاقة بما اقول. كونك تجيب زول فى ندوة معاناة انك تقدمه للجمهور و توفر له منبر. لماذا تقدم للجمهور ضياء بلال الرجل الذى رضى ان يعمل ضمن الطاقم الاعلامي لحزب الشيطان؟ هل ضياء يحتاج لمنبر ليتحدث؟ ام تحتاجه القوي الديمقراطية الاخري التى تتشارك معكم الحلم بوطن خير ديمقراطي و عزيز. لماذا ضياء الذى رضى ان يلعب دور شاهد الزور؟ لماذا ضياء و يدير المال المشبوه للمدعو جمال الوالي .... الم يكن الخاتم عدلان ليعادى الراسمالية الطفيلية بنت السفاح؟ ثم من هو ملاسي و ما هو سهمه فى النضال الوطني من اجل اٍستعادة الديمقراطية (انتو بتلمعوا فى الناس بالمجان ساكت). على سبيل المثال، اليست رشاء عوض باولى منه فى التحدث للمجتمع السوداني.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: abubakr salih)
|
بالمناسبة يا خالد القوي السياسية الديمقراطية ممكن تكون ضعيفه حالياً، مالياً و لوجستياً و كمان معرضة للضربات الامنية و غيرها.
لكن مع دا كلو القوي ذاتها عندها سطان اخلاقى و رمزية معنوية كبيرة فى نفوس الناس. عشان ما مفروض تجود بفضل ظهرها المعنوي
على الناس من طرف، مفروض تتخير الناس بحذر شديد.
ياخي بلال دا هسه امس جريدته بتجيب صور ام دوم على انها صور ام روابة.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: rani)
|
يا خالد انا ارجع و اشدد على مسألة السلطان المعنوي و الاخلاقي للقوي الديمقراطية، هو رأسمالها الحقيقى الان. اٍذا كانت السلطة تمتلك المال و السلاح و اداوت البطش فالقوى الوطنية الديمقراطية تمتلك فقط هذه القيمة المعنوية فى نفوس الشعب المغلوب على امره. اٍذ انفقت راس مالك المعنوي دا فى المكان الصاح و فى الناس الصاح It will feedback positively in your project كان اهدرته ساكت فى ناس بلباسى و ملاسي بتمرق بقد القفة. اتمنى صادقاً من قيادة حركة مراجعة هذا الامر، و خاصة و ملاسي حتى يستخف بالحركة و بدعوتها فى بوست مجاور.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: abubakr salih)
|
بالمناسبة يا خالد القوي السياسية الديمقراطية ممكن تكون ضعيفه حالياً، مالياً و لوجستياً و كمان معرضة للضربات الامنية و غيرها. لكن مع دا كلو القوي ذاتها عندها سطان اخلاقى و رمزية معنوية كبيرة فى نفوس الناس. عشان ما مفروض تجود بفضل ظهرها المعنوي على الناس من طرف، مفروض تتخير الناس بحذر شديد. ياخي بلال دا هسه امس جريدته بتجيب صور ام دوم على انها صور ام روابة.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: AMNA MUKHTAR)
|
لك التحية يا امنة مختار، عليك الله لو عندك اتصال مع الاستاذة هالة ناقشها فى هذا الموضوع.
الفرصة مفروض تتاح للديمقراطيين الذين يتعرضون لتكميم الافواه من قبل النظام، و ليس لاتباع النظام.
استراتيجياً مفروض حق تقدم للجمهور الناس بالتتشاركم معاهم فى مشروعها الفكري و خطها السياسي.
ديل هم الناس البتلقاهم باكر لمن يعتقلوك او يحتلوا دار حزبك. لن تجد ناس بلاسي.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
أكثر ما أعجبني في البوست رد خالد بحر لحبيبنا أبوبكرصالح وحديثه عن إنو (الديمقراطية شنو كده ماعارف تعني قبول الآخر)
دحين يا بحر يعني حسب كلامك ده نقول انو ضياء وملاسي بمثلو الآخر ؟
ــــ
طيب ياخوانا فيصل محمد صالح ده موش جاي عشان ينضم في موضوع السودان الجهجهوا ركبوا (الآخر) ده زاتو وما عرفناه مقبل وين هسي ولا الحاصل شنو ؟
عموماً ياناس حق جهجهتو المعلقة زاتها بي حركتكم دي
وماشة معاك طحنية يا سحس
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
تقام ندوة يوم الأربعاء 8 مايو بعنوان :
** السـودان إلى أين يتجه؟ في ظل غياب الحُريـات الصحفية **
في إطار فعاليات الذكرى السنوية الثامنة لرحيل المفكر والسياسي الأستاذ الخاتم عدلان و إحتفالاً باليوم
العالمي لحـرية الصحـافة تدعوكم حركة القوى الجديدة الديمقراطية حق للمشاركة والحضور في ندوة:
السـودان إلى أين يتجه؟ في ظل غياب الحُريـات الصحفية
والتي سوف تقام يوم الأربعاء 8 مايو 2013 في السابعة مساء
وسوف يتحدث فيها كل من :
1- أ. ضياء الدين بلال
2- أ. فيصل محمد صالح
3- أ. حسين ملاسي
الزمان: الأربعاء 8مايو، الساعة السابعة مساءاً
المكان: در حركة "حق " بالخرطوم 2 _ شارع كترينا شرق فندق فايف أم
* نقلاً من بوست ملاسي
ـــــــــــــــــــــــ
حقاً السودان الي أين يتجه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: abubakr salih)
|
يا بكور أولاً ياخ مشتاقين شديد يعلم الله
ثم : أنا والله العظيم قريت الخبر ده من شوية وأنا زاتي غلبني النوم .... حسين ملاسي في ندوة يادي الهنا ياخ
في الغالب حيعمل ليهم نفس الحركة بتاعت الزول المسطول بتاع كان سكتنا مدني تغرق داك
ـــ
أنا المستغرب ليهو انو ناس حق زاتهم عندهم الف من ينضم حول السودان لاين يتجه ؟ والله كلام يا صحبي
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
خالد خليل محمد بحر
تحياتي لكم
مشكور على هذا الجهد التنويري البائن , لكن لماذا الإكتفاء بالتوثيق فقط لكلمة الأستاذة هالة عبدالحليم وهناك أربعة متحدثين آخرين؟-رغم دسامة كلمتها وخاصة تحليلها للفئتين اللتين تدفعان الناس لخيار العمل المسلح.
Quote: الأستاذ/حسبو إبراهيم قدم رؤية ومقاربة متينة عن وضع الزراعة في السودان،في الندوة الأولى
|
بصراحة أتمنى أن تطلعنا على ما قدمه الاستاذ حسبو إن أمكن
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: طه جعفر)
|
الزميل/طه جعفر....سلام
انا مندهش بحق وحقيقة لبعض الديمقراطيين الشايفين انو الديمقراطية هي إتاحة الفرصة للناس المتفقين معاك ودعوتهم في الندوات والمنتديات عشان يجوا يقولوا
كلام انت في الاساس ما مختلف معاهم فيهو كتير يعني حوارات صوت وصدى....! ياخ ضياء الدين بلال مهما اختلف الناس حوله او اتفقوا فهوا بعبر عن تيار اعلامي/إجتماعي...الخ، مساحة الاختلاف والاتفاق والنقاش معاهمو
بتم في الندوات متل دي وفق قواعد وأسس الديمقراطية القاعدة تحمي حق الاختلاف.انا شخصيا شايف انو كان مفروض يجي الطيب مصطفى كمتحدث في الندوة دي،عشان الناس تسمعوا الكلام المفروض يسمعوا،وتبرهن ليهم إنو ياخ نحن
بنفرد ليك منبر ديمقراطي للرأى والراى الاخر على ارضية الحجة بالحجة والمنطق بالمنطق
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
Quote: انا مندهش بحق وحقيقة لبعض الديمقراطيين الشايفين انو الديمقراطية هي إتاحة الفرصة للناس المتفقين معاك ودعوتهم في الندوات والمنتديات عشان يجوا يقولوا
كلام انت في الاساس ما مختلف معاهم فيهو كتير يعني حوارات صوت وصدى....! ياخ ضياء الدين بلال مهما اختلف الناس حوله او اتفقوا فهوا بعبر عن تيار اعلامي/إجتماعي...الخ، مساحة الاختلاف والاتفاق والنقاش معاهمو
بتم في الندوات متل دي وفق قواعد وأسس الديمقراطية القاعدة تحمي حق الاختلاف.انا شخصيا شايف انو كان مفروض يجي الطيب مصطفى كمتحدث في الندوة دي،عشان الناس تسمعوا الكلام المفروض يسمعوا،وتبرهن ليهم إنو ياخ نحن
بنفرد ليك منبر ديمقراطي للرأى والراى الاخر على ارضية الحجة بالحجة والمنطق بالمنطق |
عشاااان العقليات دى لمن تتغير حكومه وتجى أُخرى مافى فرق
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خضر حسين خليل)
|
خضر حسين
ما أظن زول بكتب كلام على شاكلة الكلام ده بكون داير يتناقش نقاش موضوعي
Quote:
أرجوا شاكراً إنو أخوانا في حق المرة الجاية يجيبوا لينا (الياي) زاتو
ـــــــــ
جنس تأملات ملاسي دي كان فتشت في سوق نمرة اتنين كان لميتو ليكم في كم متأمل يجي ينضم ليكم
حول السودان لأين يتجه . |
النقاش الموضوعي بنعرفوا وبنقدروا وبنرد عليهو بموضوعية،لكن الهتر ما عندنا ليهو حاجة
تشكر على المرور،والخوة في مكانها
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خضر حسين خليل)
|
Quote: موضوعية وضياء بلال وحسين ملاسي في ذكري الخاتم يا بحر
موضوعية وحسين ملاسي وضياء بلال جايين ينضمو عن السودن الي اين يتجه ؟ |
موضوع الندوة والمتحدثين دي تقديرات وشوف بخص حركة (حق) مع إحترامنا لوجهات النظر البتختلف معانا في شوفنا ده
نحن في حق بنفتكر إنو الحديث عن واقع الحريات الصحفية في السودان ما حكر على الصحفيين الديمقراطين فقط، من حق الصحفيين المصنفين إنهم غير ديمقراطيين
(من البعض )إنو يجوا ويقولوا وجهة نظرهم والناس تتناقش معاهم في وجهات نظرهم دي،حاولنا الاتصال بعدد من الصحفيين ولكن دون جدوى،في ناس منهم قدموا اعتذارات مقنعة
وموضوعية،ياخ لو الناس العندها احزاب دي شايفه انو حركة(حق) جانبها الصواب والتقديرات، في مساحة أنهم ينظموا نفس الفعاليات دي بصورة احسن من كده ويدعوا لها خيرة الصحفيين
والمتحدثين،الحديث عن الحريات الصحفية ما حكر على حركة(حق)،وباب الندوات والمنتديات فيهو مفتوح لكل الاحزاب/الكيانات/الروابط..............الخ.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
يا خالد يا بحر
لك ان تعلم انني احترم حق قيادة واعضاء هذا أولاً
ثانياً : كلامك بتاع شوف انو موضوع المتحدثين ده بخص حركة حق انا ما بتفق معاه خالص
الكلام ده تقولو يا خالد لي زول ماعندو حديدة بالواضح كدة
ناس ملاسي وشنو ضياء ديل كان جبتوهم في ندوة مغلقة لي ناس حق مافي زول بجي بسألك منو
لكن لامن تجي حق وتطرح لينا ملاسي وبلال وكانهم الماسكين بأمور الصحافة في هادي البلاد
هنا يا صحبي خلينا نقول ليك اقيف بعيد وأعمل شخيت كان خالد كان حق كان الحزب الشيوعي السوداني عشان ما تتحسس
وانتو لو ناس حق بتفتكروا انو الحديث عن واثع الحريات الصحفية في السودان ماحكر للقوي الديمقراطية ببقي من باب اولي
تقولو للناس انكم جايبين حسين ملاسي ومين كدة بلال ده كجزء من الرأي الآخر . بمعني يابحر ما تجي تقولهم لينا هنا
انكم وكتمرين للديمقراطية داخل الحركة جبتو ناس آخرين .
سألتك فوق وعملت نايم طيب النسألك تاني إنت وكت منبركم ده بستحمل قدر ده المانع شنو تجيب الديب من ضنبو وتستضيفوا
ناس الصحافة والمطبوعات ؟ ملاسي ده بعرف شنو عن الصحافة ولا الرقابة ؟ ليه ما جبتو ناس ملامسين لتجربة الصحافة
وهم اقرب ليكم في العمل المعارض وعندهم ماعندهم من تجارب ؟ ضياء الدين بلال ده بعرف شنو عن السودان لاين يتجه
كان في مجال الصحافة ولا كبوصلة سياسية ساي ؟
ما تحرد ياخالد ده نقاش عادي
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: فتح الرحمن حمودي)
|
طيب .. يا شيخ التوم من اللوم
انا ما كان عندي أي رغبة لمناقشة موضوع الندوة دي إلا في نقطة مكاواة ملاسي .. لكن اصرار ابوبكر صالح على الاعتراض وهسه كمان خضر وفي الاخر الاتنين عصرو خالد بحر وبيزرزرو فيو والحكاية يمكن تجيب ليها حرورية نفس كمان بيناتم .. فكرت أخش اقول كلمتين
( بالله يا شباب مافي داعي للتعليق على المقدمة دي والاعتراض على انو بكري ما أصر أو انو اصرارو على حق او انو خالد يقول ما اتعصرت او خضر يقول ما زرزرناهو .. خلونا نمشي للمهم )
افتكر انو الناس مفروض تفرز .. اعتقد انو المعترضين معترضين على ضياء البلال لأنهم معتبرنو صوت للنظام ( مشوها صوت عشان الكلام يكون موضوعي بالله ) وبالتالي هو ما مؤهل يكلم الناس عن مستقبل الصحافة و السودان إلى أين لأنو واقف في ضفة صانعي المشكلة ..
والاعتراض على ملاسي انو ما عندو ما يؤهله للكلام ده ( طبعاً أنا مسقط هنا اتهام ملاسي بموالاة النظام .. لأنو انا بعتبر ده اتهام متطرف شوية .. اقصى ما يتهم بيو ملاسي انو علاقتو شنو بالكلام ده )
في رأيي .. اولاً منبر مركز الخاتم ما حيقدم زول ما معروف .. ضياء البلال لو كان هو الطيب مصطفى شخصياً فما هو زول مجهول المنبر هيزيل عنو الغبار و يقدمو للناس فيفتنم او يغشهم .. حضور المنبر اعتقد انهم عارفين ضياء وعارفين الصحافة وعارفين حال البلد .. ففكرة انو ده منبر كان أولى بيو زول تاني بدل تلميع " الزي ديل " اعتقد انو كلام ما سليم .. ضياء لو كان فاشست وبيدافع عن القمع الصحفي وبيهلل انو البلد تمام التمام ماهو محتاج المنبر ده مع كامل الاحترام للمنبر. المنبر ده لقاء مع مهتمين. مركز الخاتم ما سايق ضياء البلال يعمل بيو ليلة جماهيرية. وأظن الخمسين نفر الحيحضرو ( ما تقليلاً من المركز لكن ده واقع المناشط الثقافية و لاسياسية بتاعة بلدنا ) ماهم غبيانين من ضياء ومواقفو وليهم تقيم ليهو .. فمسألة ليه تجيبو زول مع النظام في المنبر ده ما حاجة منطقية.
ثانياً اذا كان ضياء يمثل رأي موالي للنظام ( وفي ظني انو طرحو ما حيكون طرح كل حاجة تمام انما طرح في مشكلة لكن نقدر نحلها براحة يا جماعة انما هي هنات في التجربة الماشه لقدام وبتتحل ) ففيصل حيكون على الضفة الاخرى يطرح الواقع المأساوي. يعني فكرة الاستماع لوجهتي النظر قايمة ومنطقية. مالم تكون الحكاية اننا عاوزين ناسنا يجونا يقعدو معانا يقولو لينا كلامنا النحن عارفنو ونقوم نمشي سوا !! فيصل محمد صالح وخالد فضل لو جو اتكلمو في الخاتم عدلان براهم ما هو الجديد الحيضيفوهو للناس بدون رأي اخر يفتح ليهم أفق للرد والتوضيح و الرد ؟ ياخ اعتبرو ضياء جايبنو تخته ( برجاء ادراج وش ضاحك اثناء القراية )
ثالثاً نجي لملاسي سبب العوا دي كلها .. قلت اني ما مستصحب مسألة انو ملاسي كوز وتبع الحكومة الخ الخ الخ .. ايوه ما معارض ومناضل الخ الخ الخ .. لكن ما تقدر تحسبو كوز الا بتجني شديد وما اظن واحد في بكري وخضر متجني عليو قدر ده ( واتمنى ما اكون غلطان ) .. طيب جايبنو ليه ؟ انا متفق معاكم انو ملاسي في منبر بكري ده ما عندو بلا سطرينو والمكاواة .. وهو زول غياظ ينتقد اي حاجة .. وبيكاجر ناس بلا سبب لامن يفقعك .. لكن ده لا يعني انو ما عندو فكر و لا راي .. هو زول متابع للعمل السياسي و للصحف .. وصديق مقرب لضياء ولفيصل. انا شخصياً ما عندي اثبات بسابق تجربة انو حيكون قدر الحتة دي .. لكن عندي ثقة من المرات اللاقيتو فيها ومن المرة المشينا سوا قابلنا فيصل محمد صالح و محمد الاسباط ( وكان معانا طارق جبريل وجنابو عمر ) ومن مستوى النقاش الدار بينم حول الصحافة انو في راسو الكبير ده في كلام كويس .. انو يعقب بيو على ندوة دي ما شفتها لكن ما اظن بتغلبو
ياخ وان غلبتو فيها شنو ؟ نكون لقينا يدنا فيهو ونذلو بيها في منبر بكري ده ذلة الأرازل ) برجاء ادراج وش ضاحك اثناء القراية تاني )
مشاركة ملاسي في ندوة ساعتين ياخد فيها تعقيب نص ساعة ما اظنها نهاية الكون .. ولا نهاية مركز الخاتم
كون انو المنظمين وثقو فيهو بالتعامل الشخصي انو مناسب وعندو حاجة يقولا أدوهو فرصتو يا جماعة ( زي ما قال تبارك زمان دعو الاشجار تنمو )
الخلاصة : انا شايف المشكلة دي أكبر من الموضوع.
ضياء كوز ؟ بوق حكومة ( قبيل قلنا صوت أها هسه جبنا الكلام الفي قلب الناس ) ؟ فاشي مستبد نفعي ؟ كتل المهدي وما حسب البلنتي لهيثم مصطفى ؟ ما هو ده المطلوب زاتو .. يجي زول زي ده يقول للناس الديموقراطيين المثقفين البيجو الخاتم عدلان رأيو في الحاصل .. اعتبروهو لقاء صحفي مع دفع الله حسب الرسول .. مش قاعدين تقروهو عشان تعرفو الناس دي بتفكر كيف ؟ اسمعو ضياء وشوفو رد فيصل ورد ضياء على فيصل. وكده كده الحضور مشجعين فيصل. ضياء لو جاي يدافع عن الحكومة لا معاو ارض لا جمهور. انا ذاتو كان محلو ما بجي.
الشبل ملاسي كمان ادوهو فرصو. كان فشل بنسيرو. كان نجح أهو اضافة اخير من مافي ) برجاء ادراج وش ضاحك اثناء القراية برضو )
طبعا في نقتي الفوق دي انا ما تعرضت لفكرة " المقاطعة كموقف اخلاقي ومبدأي" .. لأنو مقاطعة أشخاص لا تعني مقاطعة الفكر او التنظيم .. الحزب الشيوعي السوداني شخصياً لو عامل ندوة لطرح اراء بيضطر يجيب زول من الضفة الاخرى .. لكن ممكن يقاطع زول معين .. فيقول نافع علي نافع ما بيخش دارنا .. خلاص جيبو مصطفى عثمان.
اها فكرة مقاطعة الفرد دي مسألة تقدير. اذا كان مركز الخاتم اتعامل مع ضياء كصحفي مهم ( وهو مهم مهما اختلفنا معاو ) فصعب نجبرو على انو نقول ليو لأ ضياء ده كعب كان تجيب اسحق احمد فضل الله.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: حمور زيادة)
|
| Quote: نحن في حق بنفتكر إنو الحديث عن واقع الحريات الصحفية في السودان ما حكر على الصحفيين الديمقراطين فقط، |
شكرا خالد وشكرا لحق
ماعارف الديمقراطية التي ينادي لها البعض راحت وين في الحتة دي
والاشكال شنو كونو ملاسي - كمواطن يمثل نفسه - يدلي برأي في الندوة دي او حتى يعقب
جل قادة واعضاء احزابنا المعارضة سمنة على عسل مع النظام وان تظاهروا بعكس ذلك
ليه العصر على ملاسي بالتحديد؟
بعدين حركة حق - كحزب سياسي - حرة في اختيار المتحدثين في فعالية هي مسؤولة عنها وعن تبعاتها
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: فتح الرحمن حمودي)
|
يا جماعة مالكم بقيتو ما بتفهوما طايرة، حمور خالد بحر و اخرين. هنا ملخص لما اراه فى هذه الحكاية:
1- قلت ليكم القوي السياسية المعارضة شقية بموقفها الذى تتخذه من السلطة الانقاذية. موقف يعرّضها للعنف و البطش و العدوان، لكن ذات الموقف الشاق هو موقف مشرّف امام الوطن. و هو الموقف الذى يعود عليها و على منابرها بالعديل و الزين فى نفوس الناس. لذا استكثر مثل هذا المنبر على من اختاروا بمحض اٍرادتهم ان يكونوا محامي للشيطان (مثل ضياء بلال).
2- حرمان بلال و امثاله من شرف هذه المنابر الوطنية ليست له علاقة بالديمقراطية ولا شئ. بلابل لا يحتاج هذا المنبر، منابر السلطة و منابر الشعب المقتلعه بالعنوة موفورة له. لكن بلال و هو يمتضى كل هذه المنابر يظل مجرد زمار سلطاني لا أكثر، لا يزيد عن بوق للسلطة مهما تجمّل. لذا فهو يحتاج للمنابر المجمّرة بنار الموقف الوطني الديمقراطي الحق لتجيزه. دا منابر الشعب الحقيقة و الباقية و ديك منابر السلطان الزائل.
3- شايف فى تبرير لوجود بلال بضرورة تعدد وجهات النظر. اها يعنى بلال يعكس رؤية السلطة او الاعلاميين عيال السلطة. بالله الحكومة دي عندها رؤية؟ دي عندها بندقية فقط، ترى فقط من خلال البندقية. بل لا تحترم حتى قوانيينها التى تسنها بنفسها. بلال مستفيد من ذات البندقية، بل هذه البندقية هى التى وضعته حيث هو الان فى مسرح الصحافة فى السودان. لو لاها لن يكن شئ مذكوراً. السلطة هى التى تحتكر له و اخوانه الاخيرين سوق الصحافة بالسلاح (تقفل صحيفة، تمنع طباعة اخري، تمنع كتاب بعينهم الخ).
4- ممكن تعدد وجهات النظر بتقديم الاستاذ فيصل محمد صالح كاعلامي مع بجانب ناس قانونيين، لتقديم رؤية من زاوية مختلفة.
5- ارجع لنقطة الديمقراطية، كما ذكرت بلال لا تنقصه المنابر، عامر و بدين بالمنابر السطوية. هنالك اخرين يتعرضون للملاحقة و تكميم الافواه كل نهار بسبب مواقفهم الوطنية هؤلاء اولى بان تتاح لهم الفرصة لاسماع اصواتهم. ديل هم شركائكم فى الحلم بالوطن الديمقراطي الحق. قدموهم للجمهور فهم اولى، و عشان الجمهور يعرفهم، بلال دا متوفر اكتر من الجديلا* فى الخريف.
6- حركة حق حره فى خياراتها و قرارتها و نحنا كجمهور ايضا احرار فى نقد هذه الخيارات. مثل هذا النقد بلا شك فى مصلحة حق ذاتها اٍذ سوف يساعد فى المستقبل.
7- اٍشراك ملاسي اقول عنه: It just reflects very poor judgment
-----
سؤال اخير، هل تم اٍشراك ملاسي بسبب بوسته عن هالة قبل ايام؟ (يا هالة شنو كدا ما عارف، طريقة المعتادة فى الصعود على اكتاف الاخرين) ما قريت البوست لكن تقارب الحدثين بهذا الشكل جعلني اشك.
* البعرف الجديلا منو؟
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: abubakr salih)
|
Quote:
سؤال اخير، هل تم اٍشراك ملاسي بسبب بوسته عن هالة قبل ايام؟ (يا هالة شنو كدا ما عارف، طريقة المعتادة فى الصعود على اكتاف الاخرين) ما قريت البوست لكن تقارب الحدثين بهذا الشكل جعلني اشك.
|
لا اعتقد ان الاستاذ/ هالة بالسطحية دي يا بكور!!!
---------
كما لا اعتقد انو حركة حق تنظيم ستاليني او طريقة صوفية.. هالة تجسد التنظيم تماماً .. براااها الله ورقبتا
It just reflects very poor judgment
بضاعتكم ردت اليكم
ياشباب حق بالله ما (تجلوا) رسالتي اعلاه
خليكم (عميغين) .. تمروا الطربيزة ، وفككم من تسعيف (الآخر) .. بعض ضيوفكم عميغين .. جداً
واواعكم من الجوارب الخضراء
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: abubakr salih)
|
سلام يا حلوين و لو إنو الزول جايي بعد ما الندوة خلصت ذاتو !!
محيرني فردي الشيوعيين ديل، ناس خضر و بكري علوم يبلو في ناس حق،
انتو ما عندكم حزب ؟!! خلو الحزب الشيوعي يعمل ندوة إن شاء الله تجيبو ود البوكسي، مالكم محننين و لا ثقافة التبخيس تجري في دماء حزبكم العجوز !!
بالجد والله، كونو تنتقدو ناس حق في قصة ضياء و حسين فده حقكم، لكنكم كترتوها و مسختوها و ما إشتغلتو بأدب ردود خالد بحر الكلو ما يتحاشاكم تجوهو بمداخلة تانية !!
ال bottom line : جايبين ملاسي و ضياء البلال و الطيب مصطفي ذاتو، ما عاجبكم أمشو أعملو ليكم ندوة براكم !!
بروفسير أمين محمد سليمان
الناطق الرسمي الجديد لحركة حق !
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: أيمن الطيب)
|
...في البداية ياخ خلوني أعتذر عن التأخير في الرد على كل المشاركات في البوست ده،لكن حقيقة قاعد اجد صعوبة في الدخول للمنبر في ظل الحجب الحاصل
طيب مايجب ذكره هو أن الندوة كانت ليلة الامس ندوة جميلة جدا(على حسب تقديري) وشهدت إفادات مُعتبرة ومقاربات لواقع الحريات الصحفية في السودان،حيث قدم الأستاذ/طه إبراهيم المحامي،معلومات مفيدة عن الجانب القانوني،وأعقبه الاستاذ/ فيصل محمد صالح،بتمكن العارف والمُلم، اعقب ذلم تعقيب على حديث كلام المتخدثين قدمه الزميل/حسين ملاسي، ونجح في تقديم مقاربات موازية لطه إبراهيم وفيصل محمد صالخ، بعد داك أفردنا مساحة للحضور للتعقيب والمشاركة، كانت هي ذاتها(مداخلات الحضور) في الموعد تمامآ وفتحت الوعي على زوايا اخرى،.الجدير بالذكر إنو ضياء الدين بلال إعتذر عن الحضور والمشاركة لظروف قال أنها خاصة، المهم كل الشكر للناس الحضرت الندوة،وشكر خاص لبورداب سودانيز.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
يا خضر حسين عارف مقدار إحترامك لى حركة (حق) وعضويتها وتشكر شديد على الإحترام ده والله، في ما يخص ضياء الدين بلال، الزول ده رغم إختلافي معاهو في الكتير من كتاباته ووجهات نظره في الحاصل في السودان، لكن ما بقدر بأى حال من الأحوال أشكك في إنو زول صحفي ولديه تاريخ في بلاط صاحبة الجلالة،وعندو تجربة في العمل الصحفي ولديه قراء ومعجبين...الخ، طيب هل إختلافنا مع ما يطرحه ضياء الدين بلال يجعلنا نشكك في إنو زول صحفي وعندو تأريخ في الفضاء الصحفي ده...؟ وهل إختلافنا معاهو يجعلنا نسقطوا من حساباتنا إذا ما اردنا الحديث عن واقع الراهن الصحفي في السودان...؟ انت بتعرف إنو الازمة في السودان إن كانت صحافة،إقتصاد،هوية...الخ،لا يمكن أنجد لها مخرج على الاطلاق إلا إذا ادرنا حوار ديمقراطي نتيح فيهو لكل وجهات النظر حق التعبير عن تصوراتها،بدون حجرأو تجاوز،لانو ده ممكن يكون الشكل الأكثر تحضر لادارة ازماتنا في السودان والاقل كُلفة،طيب ياخ في ما يخص الراهن الصحفي، قطع شك في ناس عندها شوف تاني وبتفتكر إنو الواقع الصحفي في السودان كويس شديد وفي مساحة حرية،موش من حق الزول الشايف كده إنو يقول كلامو ده...؟ وتفنيد كلامو ده زاتو موش داير منبر وحوار وجدل ونقاش في الهواء الطلق وعرض لوجهات النظر المختلفة المساندة/غير المساندة...الخ.في ما يخص ضرورة الاعلان عن إنو ملاسي وضياء هم بعبروا عن الراى الاخر زى ما قلتا، انا شايف ليس من الضرورى ذلك لحاجات كتيرة من ضمنها انو لو داير اعلن لى عن ندوة فيها وجهات نظر مختلفة ما بقول فلان يعبر عن التيار الفلاني وفلان الفلاني بعبر عن التيار الاخر، لا سباب فنيه يا خضر وانت عارف كده، لكن الكلام ده بتعرف ضمنيا لانو اى ندوة لابد ان يكون فيها وجهات نظر مختلفة، نحن ما بنقول انو فلان بعبر عن التيار x، وفلان الفلاني بعبر عن التيار z، الأحكام ده بصل ليها الزول الحضر الندوة من خلال إستماعه لوجهات النظر المختلفةالبتتعرض في الندوة،هسي مثلا زى حسين ملاسي أنا شخصيا لا يمكن أن اجزم واقول أنو بعبر عن وجهه نظر المؤتمر الوطني، لانو عندو مقاربات بتختلف عن السائد في اوساط المعارضة وعن السائد في اوساط أنصار النظام، وبتناول الراهن السياسي/ الاجتماعي في السودان، بمقاربة قاعده تخصه هو قد لا نتفق معاهو في في الكثير من الاحيان، لكن ده ما بدينا المشروعية عشان نصنفو في ونضعوا في اى خانة من الخانات وعلى ذلك قس.
طيب في ما يخص ناس الصحافة والمطبوعات ما عندنا مشكلة انو نجيبهم في الندوة دى او في اى ندوة تانية تتناول الشأن الصحفي،لانو بمثلوا مُعطى لا يمكن تجاوزه اذا اردنا الحديث عن واقع الصحافة في السودان.
تشكر تاني يا خضر ياخ ومافي حردان ولا حاجة بس في ظروف بعد مرات بتخلى الزول ما يقدر يرد بسرعة وانت سيد العارفين
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
الزميل/ابوبكر صالح طرحت وجهات نظر محترمة وكويسة شديد عن الموضوع،لكن سؤالك الاخير عن انو هل تم هل تم اٍشراك ملاسي بسبب بوسته عن هالة قبل ايام؟ وقلت في نفس السؤال:ما قريت البوست لكن تقارب الحدثين بهذا الشكل جعلني اشك....! والله ياخ جد جد حيرتنى وما عارف اقول ليك شنو،لو بتفتكر إنو (حق) قاعد تنظم فعالياتها وتقدم الدعوة للمتحدثين بناء على ما يكتب عن رئيسة حركتها في الاسافير..! ده إستخفاف غير مقبول ولا يتيح مساحة للنقاش حقيقة.
| |
|
|
|
|
|
|
|
|
|
Re: حركة حــــق تستضيف فيصل م صالح وضياء الدين بلال وحسين ملاسي. (Re: خالد خليل محمد بحر)
|
Quote: انا مندهش بحق وحقيقة لبعض الديمقراطيين الشايفين انو الديمقراطية هي إتاحة الفرصة للناس المتفقين معاك ودعوتهم في الندوات والمنتديات عشان يجوا يقولوا
كلام انت في الاساس ما مختلف معاهم فيهو كتير يعني حوارات صوت وصدى....! ياخ ضياء الدين بلال مهما اختلف الناس حوله او اتفقوا فهوا بعبر عن تيار اعلامي/إجتماعي...الخ، مساحة الاختلاف والاتفاق والنقاش معاهمو
بتم في الندوات متل دي وفق قواعد وأسس الديمقراطية القاعدة تحمي حق الاختلاف.انا شخصيا شايف انو كان مفروض يجي الطيب مصطفى كمتحدث في الندوة دي،عشان الناس تسمعوا الكلام المفروض يسمعوا،وتبرهن ليهم إنو ياخ نحن
بنفرد ليك منبر ديمقراطي للرأى والراى الاخر على ارضية الحجة بالحجة والمنطق بالمنطق |
يا سلاااام على الفهم الراقي يا استاذ خالد بحر ...
صراحه انا كمواطن عادي ماعندي اي حزب او جماعه انتمي ليها
يهمني أن اسمع كل الاطراف ووجهات النظر المختلفة
ايه الفايدة لما اسمع اتجاة واحد ؟؟
وبستغرب من الناس البتنقي في المتحدثين !!!
وهم للاسف يقولون ديموقراطيين ...!!
| |
|
|
|
|
|
|
| |
خالد خليل محمد بحر
abubakr salih
rani
AMNA MUKHTAR
خضر حسين خليل
Imad Khalifa
أسامة العوض
حافظ انقابو
بدر الدين محمد
طه جعفر
محمد حمزة الحسين
حمور زيادة
حيدر حسن ميرغني
Hussein Mallasi
أمين محمد سليمان
أيمن الطيب
فيس بوك
تويتر
انستقرام
يوتيوب
بنتيريست