|
|
 عاينو هنا يا ناس ،،،، كفايه ما عاوزين أي ثوره
|
مجرد مواطن بسيط ،، لا أنتمي لأي حزب
ياخي أنا حتي رؤساء الأحزاب ديل ما بعرفهم أها النقول ليكم
والحيكومه القاعده لينا في باقي نافوخنا الباقي لينا ده ،،، يعلم الله رئيسها ده إن ما كان بجيبوه لينا في التلفزيونات أكتر من شوفنا لأي شئ ،،، ما كنت حأعرف إسمو ظاتو ياخ
النعمنو كده أصلي ذاتو التلفزيونات دي كجنتها وخليت متابعتها ،،، وحتي الإذاعات خليتها والجرايد برضو ،، ما بقراهِن
أها ،، بقيت مره مره كدي أجي أتاوق هِني
ألقي ليك القيامه قايمه ،،،
شئ ثورية وشئ معارضه وشئ حيكومه وإتهامات وشنو شنو داك ماني خابرو ،،،
ديل عيال الأمن وعيال الحيكومه وعيال المؤتمر الوطني ،،
و ديل ناس المعارضه والمعارضه ظاااااااتها زي الحيكومه برضها أفرع وخشوم بيوت
أهااااااااااااا يا أخوانا والله كرهتونا البِلي ظاتو ياخ
اليجي ويقرا فوق كلاماتكم الفوق الإنترنيت دي يقول يعلم الله الحيكومه دي باكر القريييييييبه دي حتسقطوها ،،،
أهاااااااااا وأنا كزول سوداني ساااااكِت كدي وروحي دي محرقاني شديد خلاث ،،، أقوم شنو ياااا الغرقان ،،، أقوم أفرح وأهلل وأقول خلاص فجر الخلاص جانا
عِلا كمان يجيني يوم باكر وألقي الحال فوق حالو ،،، وتاااااااااني كمان أقري التبشيرات بفجر الخلاص وتااااااني أقوم أهلل وأفرح ،،، أمش أنوم ويجيني تاني يوم ألقي الحال فوق حالو ،،،
أهااااااااااااااا شِن الدَبَاره يا أهلنا ،،، نحن والله لا بنعرف للثورية ولا التفكيكية
الكلامات الكتارات ديل علييييييييييكم الله خلونا منهِن ،، يعني ما تنظروا لينا كتير
لو عندكم فِعل واااااااضح كدي ضد حيكومة الجِن دي ،،، تعالوا سووه لينا ونحن معاكم علي بالحَلِف معاكم في شان نَخَلِص بلدنا من هؤلاء الناس الأشرار
وإن ما عندكم فِعلاً نجييييييييض كدي ،،، فشنو ،،،
علييييييييييكم الله نقطونا بسُكاتكم ،، ترانا ميتين ميتين ،،،
أها البركه فينا وفيكم في البلد يا ناس
فُتكم بعافيه
والنشوف يوم باكر حنكون حيين ولا نصبح ميتين نتوسد تراب بلدنا العزيزه دي ياخ
كرهتوووووووووووووونا
|
|
 
|
|
|
|
|
|
|
 Re: عاينو هنا يا ناس ،،،، كفايه ما عاوزين أي ثوره (Re: ناصر يوسف)
|
ههههههههههههههههههه وكاااااااااااااك ومساك عافيه
تعرف ياناصر اول امس قالو الثوريه على مشارف الدبه ودنقلا
قتا الناس ديل باقي ليهم ساعتين وبلدنا المافوقا بندقيه ام رووح
دقيت تلفون للاهل قالو لي نحن اموات الحياة ماسعلتو فوقنا جايين بعد
وصلو المشارف فاحسن ماتجو اولاد ام زقده علي المشارف وبرضو دايرين الريالات
رسل رسل وكلو محصل بعضو
اوعه مايكونو شارفوكوم برضو 
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: احمد محمد بشير)
|
| Quote: إنت ،،، مثال واحد من الامثلة لمقولة -- الشعب جعان لكنوا جبااااان-- |
إنت
إنتَ دي نعلو المقصود بيها أنا ده ياخ
أكن كدي آآآآآآآآآآخ ،،،
ياخي آآآآي جباااااااااااااااااااان ،،، ######## جِدَاً يعلم الله
والخوواف ربي عيالو مو كدي ؟؟؟
عِلا ما قلت لي يا أحمد بشير ،،، المسعله دي حدها وين ؟؟
بعني ليك مسعلة النضال الكي بوووووردي دي ياخ
الحيكومه دي حتقلبوها لينا متين ياخ
زهجنا
قرفنا
طرشقنا ظاتو ياخ
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: احمد محمد بشير)
|
| Quote: إنت أعمل العليك كان بي كبيورد ول كان تطلع مع اخوانك الشارع .. بس ما تشيل سلاح |
يا احمد محمد بشير كيفنك ياخ ونعلك طيب ،،،
قلت لي أطلع الشارع ؟؟ ومن غير أيتُها سلاح ؟؟؟
صوتنا ده سلاح كافي ظنيتو ،،، عِلا ما قلتلك أنا زول جبااااااااان ياخ
تعرف يا احمد يا أخوي ،،، المسعله وما فيها ،،، لمتين نضال كيبوردي ولمتين نضال من خارج حدود الوطن ولمتين المسعله دي ياخ
خلاص قلنا الرووووووووووووووب يعلم الله
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: ناصر يوسف)
|
طبعاً سودانيز أون لاين أعضاءها كتاااااااااار يسدو عين الشَمِش وكدي
وأنا في الحال والتو مغادر ،، ماشي أكوس لي قرشين أشتري بيهِن لبن لبنياتي ورغيفات
بجيكم صاد يوم باكر لو الله هون القواسي وصبحنا حيين كالميتين مِتِل حالتنا النحن فيها هسي دي ياخ
أها ،، متوقع البوست ده يلحق أمات طه ويمشي يغتِس في الصفحات التوالي التاليات
أكان الصفحه التانيه ولا التالته ولا الرابعه ولا عييييييييييك العاشرة ظاتو
وفي مِتِل هذه الحاله ،،، ما حَكَّ جِلدَك مِتِل ضُفرك
بجي برفعو تاااااااااااني ونشوف آخرة النضال الكي بوردي ده نهايتو وين
فلَرُبما ،،، رُببببببببما نجي نلقاكم شلتو لينا الظَلمَه ديل من وِش بلدنا ياخ
ودعتكم الله
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: garjah)
|
والله والله ما كيزان لاكن فترنا قالو لينا ياسر عمرمان بجيب لينا توكيل الهنكل هتفنا ومشينا ورا زاغ بعد ما انتخبناو .....عقار قال لينا انا بعمل ليكم زلط من سنار لحدى ادس قلنا امين دة زولنا بقينا نشوفو هو فى ادس وكل مرة كرشو ماشة قدام لحدى ما عين ترزى فى كمبالا اها الشى الوحيد المااختلف كوم الطماطم وتلاتة بصلات وربطة جرجير وليمونتين بى 25 جنية اخر شى ام روابة الضبح فى الشارع يعنى نحنا قلنا الضان غالى جو ضبحو الجزار زاتو اخخ (فالتذهبو جميعا للجحيم ) لاخير فيكم من من اقصاكم على ادناكم تزحفون على مصالحكم وكروشكم (كلكم انجاس ) من فراعنتنا ال المهدى وال الميرغنى وال الترابى وال البشير .....لا لا لا لن استثني منكم احد كلكم اولاد......... او كما قال مظفر النواب .
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: Nasruddin Al Basheer)
|
Quote: ياسر منصور عثمان
سلام يا ناصر يوسف
انصحك بالاطلاع على بوست زول ساكت (الكضابين)..
القصة كلها نبل x نبل
ودي
|
يا ياسر منصور كيفنك أخوي ،،،
ياخي ما ياهو ظاااااتو مسعلة الإضطلاع دي هي المجننانا ومجننه معانا بوبي ظاتو ياخ
تقوم تضطلع تمرق بحسين وقبالها تخُش بي حسن ،،،
القراية بي حُسن النيه بقت ما بتنفع والله ،،،
تعرف مُش زمااااااانِك كدي سمعناها من كُبارنا بإنو ( المُؤمِن صديق ) ؟؟
أها وتيييييييب نحن ما مُؤمنين ياخ ،، وأي إضطلاع نضطلعو بنقراه بعين الصِدق
تدخل تقرأ تقول يعلم الله الحيكومه دي طارت لحقت أمَّات طه ـــ وأُمَّات طه هنا ممكن تعني القذافي ،،، صدام حسين ،، بابا نميري ،، بتاع تونس داك سموه منو يا ربي ،، أيواا ،، زين العابدين ،، وبتعني برضو فرعون مصر وشاوسيسكو ومن لفَ لفهم ،،
أهاااااااااااا تقوم تصدق البتقراه في النيت ده وتفرح شديييييييييد ،، تمشي تنوم ،، ووكتين تصحي من نومك ،،، تبقي ليك الدنيا رهاااااااب رهاب كدي ،،، وسُفهاء البلدية يشيلوا ويصادروا في عرق الفقراء ،، ستات الشاهي بائعي المساويك واللباسات وحتي السِ تيا نات والمنكير والتِبِش والليمون ،،،
بصادروا حاجات الناس البسطاء ديل بأسلوب همجي قبيح ياخ ،،،
يعلم الله كجنت الكي بورد ظاتو ياخ
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: Nasruddin Al Basheer)
|
Quote: سلام يا ناصر ومشتاقين
لعلك والأسرة بخير |
نصر الدين البشير
نصر الدين البشير
نصر الدين البشير
نصر الدين البشير
نصر الدين البشير ؟؟؟
ياخي الزهايمر أكل علي ذاكرتنا وشرِب ( مريسه ظاتو ياخ )
عموماً كدي أسرتنا السغنتوته والكبيرة كويسين ياخ ،، لا يعانون إلا من طاعون العصر العاصر علي روحنا وبلدنا دي ياخ وبس
نعلك إنت وأسرتك بعافيه يا حبوب
أبقي طيب
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: مدثر صديق)
|
Quote: من الحاجات البتعجب امام الامين
Quote: فسوف تعلم إذا انقشع الغبارُ أفرس تحت رجلك أم حمارُ (ام نضال) |
ههههههههههههههههه أنا خايف إنو لما الغبار دي ينقشع ألقي تحت رجلي ( قعونجه ياخ )
ههههههههههه
شكراً ليك يا مدثر وشكراً لصاحبنا اللذيذ إمام ياخ
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: Ayman Khalifa)
|
| Quote: والله والله ما كيزان لاكن فترنا قالو لينا ياسر عمرمان بجيب لينا توكيل الهنكل هتفنا ومشينا ورا زاغ بعد ما انتخبناو .....عقار قال لينا انا بعمل ليكم زلط من سنار لحدى ادس قلنا امين دة زولنا بقينا نشوفو هو فى ادس وكل مرة كرشو ماشة قدام لحدى ما عين ترزى فى كمبالا اها الشى الوحيد المااختلف كوم الطماطم وتلاتة بصلات وربطة جرجير وليمونتين بى 25 جنية اخر شى ام روابة الضبح فى الشارع يعنى نحنا قلنا الضان غالى جو ضبحو الجزار زاتو اخخ (فالتذهبو جميعا للجحيم ) لاخير فيكم من من اقصاكم على ادناكم تزحفون على مصالحكم وكروشكم (كلكم انجاس ) من فراعنتنا ال المهدى وال الميرغنى وال الترابى وال البشير .....لا لا لا لن استثني منكم احد كلكم اولاد......... او كما قال مظفر النواب . |
أو كما قااااااااال مُظَفَر النواب ،،،
بس ياهو والله يا أيمن خليفه ياخ ،، فترنا عديييييييل كدي ،،
ما بعرفو داك ،، لجنة كاودا ولا جبهة ثورية ولا حزب شنو وشنو وشنو ديلك ولجان مُعاضره وكي بوردات شغاله تش ،،
حَرِب علي الكي بورد
هسي عليك أمان الله الكي بورد القدامي ده ،،، النقر عليه قالولك صعب ؟؟
يعلم الله هسيي دي أحرر ليكم فلسطين الباعوها أهلا ظاتها ياخ
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: garjah)
|
Quote: يا ناصر اخوي
روّق الجاز
نضال البورد
حدو الكي بورد
لا يغرك الغبار
ديل ما بسوو الثورة
بس بيشيلو المديدة حرقتني
والثورة لرجالا يا حبيب |
يا قرجه يا أخوي كيفنك ونعلك طيب ياخ ،،،
الثورة المصرية قاااااااالوا إنها بقت ثورة عبر الفيس بوك ،،،
أهاااااااا ما بالك في حكاية شعب جيعااااااااااان وج اه ل شدييد ياخ ،، مسعلة الكباري والظُلُطات ديك قاعده تفرحه ياخ
أها كيفن تقدر تسوي ليهم ثورة عبر الكي بورد ؟؟؟
والله أنا المحيرني ،،، قلتو فوق وتااااني بقولو ،،،
تدخل تقرأ في الإنترنيت تحلف باليمين تقول خلاص الخلاص بقي
فشنو يا شباب ،،، يا تسووا ليكم شيتاً نااااااافِع ( ما نافع بتاع المؤتمر الوطني داك ) ويا كمان تخلونا فوق حالنا ده ياخ
خلوهم يكتمو لينا ما تبقي لينا من أنفاس ياخ
الله يرحمك يا عمي إسماعيل الأزهري ياخ ،، ( هو عليك الله القال ليك حررنا من التنجليز منو ياخ )
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: محمد حمزة الحسين)
|
Quote:
عا########ى من زماااان بطالع فى البورد دابى لقيت ليها فجه ادفسا فوكا
ـــــــــــــــــــــــــــــــــــــــــــــــــــــــــــــ
بختى الليله المنبر شخبت لى كمااان
الكلمة المششفرهـ عاجـــــبـــــاااااانى
|
الكلمة المشفره دي ( عا########ي ) يخربني إن فهمتها ياخ ،،، إن كانت عالي بما يعادل UP فحبابها ،، وإن كانت نبز ساااااكِت كدي ،، برضو حبابها أصلنا قاعدين في السَهَلَه ياخ
أها في رجاك يا أخوي
أبقي راجع ياخ وخلينا ندور المسعَله دي والنشوف آخرتها ياخ
| |
|
|
|
|
|
|
|
|
|
Re: عاينو هنا يا ناس ،،،، كفايه ما عاوزين أي ثوره (Re: ناصر يوسف)
|
يااااااااا أيُها الثوار الأحرار الأوفياء
يا أبناء جلدتي وأبناء وطني الغيورين علي الوطن
إننا إذ نُناشدكم من هذا المنبر الديمقراطي الحُر ،،
إنما ننشُدُ فيكم روحكم الثورية ،،
يا غطايين البنات وساترين العورات ،،، يا أهل الكرم الكرام
سويتو لينا شنو في التحرير ياخ ؟؟ ما التحرير البحراوي ،،، تحريرنا من حكامنا الظلمة ديل ياخ
أها ،،، سويتو لينا شنو فوق مسعلة الثورة والذي منو ؟؟
| |
|
|
|
|
|
|
| |
حامد بدري
احمد محمد بشير
ياسر منصور عثمان
محمد حمزة الحسين
تبارك شيخ الدين جبريل
garjah
Ayman Khalifa
مدثر صديق
Nasruddin Al Basheer
فيس بوك
تويتر
انستقرام
يوتيوب
بنتيريست