|
|
|
 Re: ليه يا الوزة ما بتعومـي .. شايفك في الجنينة تحومـي .. !! (Re: humida)
|
و الوزة هنا .. رمزية لعضوية جعجاعة ..
عضوية المصادر الموثوقة .. عضوية الاحزاب .. عضوية الناس المتشاكلة من ايام الجامعة و جايين يتموها هنا ..
عضوية الكضب و التزوير و التلفيق ..
عضوية شعارها .. إذا قالت فلانة فصدقوها .. فإن القول ما قالت فلانة .. ( يتبعها رسالة مسنجرية و الله يا عمك الزولة دي قالوا شرط للارض ) ..
..
..
مع الاعتذار لعوضية سمك .. !!
| |
  
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: فيصل محمد خليل)
|
قال الفنان الما جادي ..
اسال نفسك بينك وبينا عن اخلاصنا ..
..
..
عشرة سنوات كنت وفياً جدا لهذا المنبر الملاني فقر و كضب و اشاعات .. بدون اي تهتز شعرة في صلعة بكري ..
و بدون اي أمل في اصلاح ما خربته الوزة ..
عشرة سنوات من ايام رودا مردا مرورا بكمية من الفقاعات الي عصر الهدهد (علي ذمة ود ابراهيم اعلاه ) .. و لم تتعلم الوزة ان تحترم عقولنا ..
دخلت في مشاحنات و مكاواة و مشاكل .. و كلي امل ان تعود الوزة الي صوابها .. بدون فايدة ..
و الغريب في الامر .. ما زالت الوزة حايمة في الجنينة .. و ما دخلت الموية ..!!
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: humida)
|
الوزة في العشرة سنوات الماضية ..
اكتفت بالصفقة و الرقيص .. دعماً لإحتجاجات في الخرطوم ..
اكتفت بالضحك الشديد و بعض القرقرة علي تصريحات ( بحة ) .. علقت علي الفيس .. تشاركت .. تشاتت .. نامت .. قامت حامت في الجنينة تاني ..
شاركت بالجدل البيزنطي في عدد من المحاضرات في عواصم الاوروبية و اتصورت بالبدلة و الكرفتة .. (بطريقة صورني و انا عامل رايح) .. و يا مان نزلتها في المنبر .. البوست اسمه شنو .. !!
شاركت بجدية منقطعة النظير .. اكثر من جديتها في الحوامة في الجنينة .. في ترويج مصطلح جلابي .. يا ايها الاوغاد .. تباً لكم .. عاجل .. !!
اشفقت علي كل شخص دارفوري بطريقة ( كر علي دا ود ناس منو ) .. كونه في نظر الوزة .. المواطن الدارفوري شخص ساذج ينفع يكون سلم لأحلام الوزة النضالية ..
و صدق بعض الوز الدارفوري ذلك .. !!
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: humida)
|
عشرة سنوات في هذا المنبر ..
ما سمعت وزة شاركت في احتجاج في الخرطوم ..
ما سمعنا وزة اعتقلوها او ماتت في واحدة من مناطق المعاناة ..
اذا استثنيا .. تشعلق وزة حزب الامة في دفار الشرطة .. كوزة كبيرة حاولت انها تعوم .. ( لها اجران : اجر النضال و اجر المحاولة ) ..
..
..
طبعا لبعض الوز احيانا أحلام في بلاد العام سام .. مما يجبرها علي خوض مستنقع مستنقعين .. يصاحب ذلك تصفيق من الحمام الزاجل الحاضر للحركة الشديدة .. و بعض طيور النورس .. !!
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: Barakat Alsharif)
|
الاهداء ..
كان لعضوية الحزب الشيوعي ..
عضوية هز يا وز ..
نقد طلع .. نقد اختفى .. نقد قام .. نقد قعد .. نقد مات ..
نقد دا منو .. مع الاعتذار للأغنية ..
عشرة سنوات شابكننا الشيوعيين ديل مثقفين .. و الشيوعيين ديل الحرية و الديمقراطية .. و النضال و التعذيب و جريدة الميدان ..
بالجد طلعتو وز وهم ..
و كلامي ليكم صراحة .. لانه انتو ناس الرأي و الرأي الاخر .. مش كدا ..
ناس تقبل الاخر ..
الناس كلها عندكم واحد .. ما وهم و سطحيين و شعب جاهل و الاستنارة حقتنا و نحن الاخترعنا بنطلون الجينز ال######ان .. مش كدا يا وز ..
بصراحة .. لم يتبقى منكم غير نساء متحررات ما بلبسوا طرح .. كرمزية لوزية الحزب الشيوعي السوداني ..
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: humida)
|
الوز .. جالب الكآبة ..
اختفت بوستات الاغاني و الفن الجميل .. لانه الوز لا يستطيع ان يشارك ..
و الوز في حوامته في الجنينة لازم يشارك .. و لو بالتأليف .. او التوزيع ..
حكايات اولاد امدرمان دي ما بتنفع معاهو .. و دلع بنات الخرتوم كتير علي قلب الوزة الذي لا يحتمل ..
قرر الوز نشر الكآبة ..
لعب الوز شلعت ..
الوز بقى يطير .. !!
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: ABUHUSSEIN)
|
| Quote: الوزة و منذ انضمامي الي المنبر قبل عشرة سنوات |
وين يا عمك ما تاكلنا حنك 10 سنوات لسع ما اكتملت حسب ابراج عالم الفلك ابو حسين متبقي للاكتمال اشهر
بعدين شنو شابكنا وزة وما وزة وصفك دا ما وصف وزة دي بسة بتخربش والوزة عوامة ما بتكشف حالها بتعوم
ابو الحسين بالله بداياتك كنت قارئ للفنجان
طلعت منجم يا سنير
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: بدر الدين اسحاق احمد)
|
في هذا المنبر انا لاقيت ناس كويسين شديد ..
نص بورداب الرياض .. و النص التاني طلع طرش بحر و ناس مخلوعة ..
بورداب السعودية .. مناطق متفرقة ..
بورداب الخرطوم .. بقيادة العوض و فيصل الرشيد و ناذر الخليفة .. و آخرين ما في داعي نذكرهم هنا لإسباب امنية ..
بورداب وهبة .. و دا فرع من بورداب الخرطوم ..
بورداب لندن .. و ديل ناس طاقاهم صفيحة بس لذيذين ..
بورداب القاهرة .. بإستثناء حبيب نورة (لاسباب فنية تتعلق بعصير القصب) ..
بورداب ماليزيا .. ناس متعلمة و دكاترة و اخوان و رجال بمعنى الكلمة ..
بورداب الامارات .. غايتو ناس كويسين نقول شنو مخير الله ..
بورداب الكويت .. و اثيوبيا .. و كيينيا .. و في زول قاعد في المالديف صديق المنبر .. !!
و كمية لا بأس بها من العلاقات القوية عبر الفيس بوك و الاسكايب اساسها المنبر ..
و خدمات و عشم و مجاملات و دنيا جميلة و مشاعر طيبة ..
يعني بحسبة بسيطة .. ممكن اكون اكتر زول يكون قابل عضوية المنبر ..
و يجي وزة مناضل .. او الاستاذة كهرباء ضاغط و شقيقتها اعطوني لجوءاً .. عشان يطرشقوا لي حاجاتي دي كلها ..
هنا و في هذه اللحظة التاريخية و الدقيقة من عمر أمتنا يصبح النضال ضد الوزة فرض عين .. لحماية كياننا السمح من التمزق .. و المحافظة علي مكتسباتنا من حب الناس ..
و في الخلفية يواصل المغني .. ليه يا الوزة ما بتعومـي .. شايفك في الجنينة تحومـي .. !!
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: humida)
|
أوووووووووووهــ حميدة رجع؟؟
في الساعة الضيقة دي بالله يا أستاذ حميدة عايزنك تدينا إضاءة عن حميدة النشأة والتكوين والبدايات...وبالمرة كدا تكلمنا عن سبب الغياب؟
منظرك حا يكون بايخ إذا اتضح إنه وقوفك أو خلينا نقول إنقطاعك كان بسبب الإيقاف...
العودة يا حبيب كنا نتمناها تكون بداية لذيذة كدا...بدون مشاكل بنمرة أربعة من قولة تيت..كويس معاك؟
ما عارف...لكن ذكرتني النكتة بتاعة المساجين الفكوهم العصر ديلاك....وحكمة ست الشاي القالت للناس:
دا خلوهو..أمسكوا التاني (ذلك الذي يصدر صفيراً من فرط الهناي)..
والله العظيم ليك وحشة يا حميدة..
عوير موش؟؟
..
.
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: Mahmoud Mustafa Mahmoud)
|
يا دكتور ..
نحمد الله كثيرا انك طلعت من حالة الببغاء الكنت داخل فيها .. و بقيت تتكلم ذي الناس بدون ترديد السطر عشر مرات ..
و دا مكسب يحسب للمنبر .. و الجهات القائمة عليه ..
أما عن ..
| Quote: حميدة النشأة والتكوين والبدايات |
فذي ما عارف ..
انا اترعرعتا في المنفى .. مع جبران خليل جبران .. هناك في سفوح الانديز .. حيث كان ذاك الوضاء جاك اسبارو يهدينا معاني الحرية ..
و يا دكتور انا لو كان عندي نشاة و تكوين و بدايات البقعدني مع عواليق زيكم شنو .. كان مشيت سودان فور اووول .. 
الانقطاع ليس بسبب وزة اشتكت للوزة الكبيرة .. بل بسبب الجو الغير مريح في المنبر .. ان شاء الله اقنعتك كدا ..
بس بالجد فرحان لتحولك من ببغاء الي كائن لسع ما حددتا ملامحه ..
شكرا للرب ثم اخونا جاك اسبارو في الانديز ..
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: humida)
|
Quote: يا دكتور ..
نحمد الله كثيرا انك طلعت من حالة الببغاء الكنت داخل فيها .. و بقيت تتكلم ذي الناس بدون ترديد السطر عشر مرات ..
و دا مكسب يحسب للمنبر .. و الجهات القائمة عليه .. |
off point
الضل كيف معاك؟؟
الزول دا شدة ما طوّل من البورد لما بقى ما عارف يفرق بين محمود ودكتور مصطفى محمود...الوجع الــ..
لكن بصراحة الغايظني في القصة دي كلها..إني كنت قايل روحي معروف وبي حقي وكدا...
ومرات مرات كدا قاعد أقشر بإني صاحب حميدة...والله حاجة غياظة كيف...حولاااااااااااهـ..
..
..
لكن أبشر.. بعد كدا ،، وحيث أنك لم تأتِ لحوار ،، فشنو ..
التجاهل
التجاهل
التجاهل
..
..
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: Mahmoud Mustafa Mahmoud)
|
| Quote: الزول دا شدة ما طوّل من البورد لما بقى ما عارف يفرق بين محمود ودكتور مصطفى محمود |
و الله بصراحة انا ما عرفتك ..
باي ديفولت كدا قربتك لأقرب رقم صحيح ..
زمان كان في وزة في شكل عضو اسمه جابر .. اتلخبط علي الاسم و قريتو محجوب ..
قام زعل .. و رسل لاب صلعة قال ليهو .. ابني الذي يدرس في جامعة نيس صوفيا انتيبوليس .. جاهو وجع بطن ..
عشان حميده قال لي يا محجوب .. و انا في الحقيقة بشبه هاني شاكر ..
..
..
المهم قصة جايطة كدا .. و ما بعرفك ما تعمل صاحبي .. !!
| |
|
|
|
|
|
|
|
|
|
Re: ليه يا الوزة ما بتعومـي .. شايفك في الجنينة تحومـي .. !! (Re: humida)
|
والله يا حميدهـ
وبدون حليفه كدى اول شئ حمداًلله وبى سلامتك
لكن نرجع نقول لو رجع كل الكاست الكتّاااب الطاعم الواحد يكون ندم انو يكون بقى عضو فى المنبر
لانو الواحد يقراء ويستمتع ويمشى ينوم ويجى بكرا يواصل المسلسل
لكن تعرف
ناس عيييييك وعااااك ديل الواحد يمنى نفسو يكون قريب منهم يفرملم بى طين لُك كدا عشااان ما يسرحوا بالمواطنين المساكين الغلابا
ويدهم فى المويه الباااردهـ تقول ليهم الناس ماتو سمبلا فى ام كرشولا يقول ليك بى عين بجيحه أُمال البى موتوا فى ام دافوق وضواحى الهامش الدارفورى ديلاك وز
الله غالب بث نسوى اشنو 
| |
|
|
|
|
|
|
| |
humida
محمد إبراهيم علي
فيصل محمد خليل
حيدر حسن ميرغني
ABUHUSSEIN
عمر صديق
حسين عبد المجيد
بدر الدين اسحاق احمد
Mahmoud Mustafa Mahmoud
الشاذلى خيرى عبد الله
محمد حمزة الحسين
داليا حافظ
طلحة عبدالله
فيس بوك
تويتر
انستقرام
يوتيوب
بنتيريست