هشام كمال عبادي...رسميآ في كشوفات بورداب الأمارات

Quote: حمد الله تعالى وتوفيقه....أكمل أخونا الكريم "هشام" إجراءات الإقامه ..مما يعني إنضمامه رسميآ لكشوفات الامارات. نتمنى له التوفيق في حياته العمليه الجديده ومزيد من النجاح.

Quote: اضافة نوعية مبروك اخي الشيخ تهانينا العبادي وشكرا

Quote: مرحب بي الاخ هاشم رسميا في كشف بورداب الامارات حقيقه أضافه للبورداب وشكرا للحبيب ود سيداحمد علي الاخبار المفرحه

Quote: سألتُ فقلتُ الّذين صحبتَهمُ هل همُ من صِحابِ الدّعه أتصحبُ هيّانَ بيّانَ تتلوهُ صلمعةً إثرَ ذا القلمعه أجاب لقد كنتُ شخصا جميلا فصرتُ صفيقا كما الإمّعه لإن قالَ لاءٌ أقولُ بلاءٍ وإن قال لا قلتُ معْهُ معَه أتاني عصيٌ فرُحتُ لملهىً وإن جاءَ شيخٌ فللصومَعه فقلّي بربّك رأيكُ ماذا أهذا وهذا وهذا فعَهْ أراكَ ركبتَ البحارَ بفلكٍ فأبحرتَ فيها بلا أشرِعه فأينَ التّفاضل بينَ النّباتِ إذا كان أفرعُه أفرُعَهْ وضعتَ أيادٍ على موضعٍ أحرقتْ فيه نارُ اللظى إصبَعَه فأنعِم بحرقٍ يعلّمُك الوعْيَ أن تفتَح العقل للتّوسِعه فواللهِ مالك مالك مالكَ واللهِ مالكَ في المعمعه أبو عبد الله الريّاني

Quote: الف مبروك يا هشام دا خبر سعيد وسط عاصفة الأحزان المورّمانا دي يتشرف بورداب الإمارات بيك ويسعدوا يلاّ يا شباب عايزين برنامج ترحيبا بانضمام هشام

Quote: يا هلا ومرحبا تشرفنا والله

Quote: كنت عايز ارفع ليك المصدر .. بس سبقتني .. ونفس السؤال سألتو لي نفسي الكلام الخارك بارم ده أكيد منجور .. اها اتفسح كويس وانا متكيف .. شايف الأيام دي الشغل وارة معاك " اللهم لا حسد " .. مودتي يا حبيب ..

(عدل بواسطة usama Babiker on 05-05-2013, 11:35 AM)

Quote: ختكم يا ناس الامارات.. وأمانة ما جاكم زول جميل واصيل.. مرحب بيك في دار زايد يا هشام كمال...

Quote: ااخوي الراجل تم تدشين عضويته مع بورداب الأمارات يوم 25 يناير الفات في مبذرة الخضراء الجميلة علي سفح جبل حفيت واذكر انه انت وهشام كنتم اول الواصلين للمكان من خارج العين.

Quote: مراحب كتييييييرة يا هشام

Quote: مرحب بالحبيب هشام كمال وان شاء الله تكون محترق وهداف وادخل التشكيله الاساسيه يا معلم

Quote: مكسب ياناس الامارات اعارة ولا فك تسجيلات ؟؟؟؟؟؟

Quote: اووووووو بتاع الجربوكسات الألمانية المغشوشة .

Quote: ودعبادي راجل جميل تمنياتنا القلبية الصادقة له بالتوفيق أينما حل شكرا حبيبنا الشيخ سيد أحمد تسجيلات موفقه لبورداب الأمارات

..
شايفك الايام دي زاهد في المنبر وبقيت ما بتجي كتير بي هنا ..

وفعلا الشكر كل الشكر لي اخي الشيخ "أبو أحمد " فنعم الأخ والصديق ..



-------------------------------
والله يا ود الباهي ما طالبني حليفة قربتا اجيب اسمك بس قلتا السترة والفضيحة متباريات ..
يمعطو ليك شنو يا يابا كان كل الجروبكسات الكانت عندك لا ألمانية ولا حاجة ولي العليها المغشوشة ..
يا اسامة تعال نورد ليك جربوكس روسي تعديل أماراتي صالح للعمل في كل الأجواء وبي نص السعر اها ..


والله يا ود الباهي مشتاقين لي سماع صوتك وبينا الووووووووو ..

اطنان محبة والله..

Quote: يا جماعة وين حبيبنا مجدي ود أمدرمان مختفي وين ..

Quote: قريبا مجدي امدرمان في كشوفات بورداب عجمان ..

Quote: قريبا مجدي امدرمان في كشوفات بورداب عجمان .

Quote: والليله وين ألقــــى الحــروف شـــان أكتب الأفـــراح غــنا

Quote: مع إنه خبر حصري ... لكن بيهمنا كلنا والله ... ياخ ده أجمل خبر والله يا مجدي ... مرحبتين حبابك واليوم السعيد الليلة جابك .. إن شاء الله ربنا يوفقك محل ما تقبل يا مجدي .. ويديك قدر نيتك يا رب ..