الاستاذ الكابلى...كعادته.. دايما ينزع الجمال والصور من بين حروف القصيد ليهبنا لحنا شجيا نتامل فيه جمال الشعر ... اسمع هنا كيف يصور بطران الامه السيزيفية : حـكـم حـبـي ارعـي نـجم الليل
زينة و عا########ي تعجب كل شاعر يلعب بالمشاعر عليها يهنيني و يقول زينة و عا########ي أنا بي ريدا ناذر إني أكون مغامر بكل غالي عندي أضحي ولا أحاذر بقلبي و الأحاسيس بأدق المشاعر بالأيام وعمري وكل عزيز و نادر لأنها لو عرفتو عفافا عليّ قادر لما يزيد حنيني أقول زينة وعا########ي كم قلبي المعنّا بأشوقي غنّى ليك يا عا########ي كم في السر تمنى يشوف في إديك حنى حريرة يا عا########ي كان في دهرو فنا يضوق لحياتو معنى معاكي يامالكاني هو الفاقد المحنة و دايما ليك أحنّ منو لأحزاني ما قادر أجاهر ريدا عليّ ظاهر لما يزيد حنيني أقول زينة و عا########ي
05-04-2013, 04:36 AM
Awad Omer Awad Omer
تاريخ التسجيل: 12-26-2005
مجموع المشاركات: 757
يا زاهية قلبي الشلتي جيبي ** يا لاهية عبثك بي لو سبتي في عيونك الدلال راهب سكران ** اما ثغرك كان لي عيني جنان انا واقف في خيال طيفك هيمان ** اشكي وابكي للزمان منك حبي خطواتك وقعات الحان ** كتجاوب قلبي زاد خفقان انا حاير في الدجي وحدي سهران ** في تفكر وخشوع بعبد ربي في ابتسامتك السحيرة الوان** فوق خدودك الوريد نديان يا ظالمة في خيال طيفك هيمان ** يا حالمة وعدك يروي الظمآن يا زاهية قلبي الشلتي جيبي ** يا لاهية عبثك بي لو سبتي
05-04-2013, 04:44 AM
Awad Omer Awad Omer
تاريخ التسجيل: 12-26-2005
مجموع المشاركات: 757
وهذهززززمن الخليل للوطن .....<.تَمَّ دُوْرو واتدْوَّرْ>.....نظمها الخليل: في زواج محمد عثمان منصور ( ابن عمدة الخرطوم - الخليفة / عثمان منصور شاعر أغنية بغرامك تنفيذ مرامك ) سنة 1928وهو صديق لخليل فرح وشقيق الشاعر حسين عثمان منصور..فيها فخر ووصف للحفل ...
تَمَّ دُوْرو واتدْوَّرْ
تمّ دورو واتدور عَمَّ نـور شالْ فات الحلة نوّر زى بدر التمام واحدين قالوا نور واحدين قالوا دوب مروى ما بتنوِّر مينْ يقـوم يتهور يبرى القيف هناك تحته الدابى كوَّر قالوا الكون اتطوَّر لا عاشق عفيـف لا جميل اتصـوَّر الحسود يتضـوَّر ناره ماكله لسانه كُلُّه زورْ ومـزورْ الطـريف الحَـوَّر دمى ما بــروح سيده ليش بتجور هز شوقى نــور يـا نديم اذاى جرحي المخفي غوَّر ياقليب اتجبـــر قومي وريني كيف الكــرام تتصبـر نحن مـا بنغيــر النفوس ان حبت تستحـى تتكبــر ماك خبير اتخبـر فى الزمان الفات والجديد إدَّبـَــرْ اوعى لا تتشبــر هل رأيت لك عاشق بالغرام يَتْنَبـّرْ نحن ما بنطفــر ما بنهاب سفيه إلاَّ مـا بنتزفر قولوا لى لبِتنفــر ما شالن قناع المعـاك تتـوفر يا زمـيل اتشطر شن بتشوف حداك إلاَّ الحور مبطر يبقى يومنا مطر مالُهْ الكون دهين والفريق معطر النحر مغمـر والسبـاته حـارة والمجال مضمر الشعر مخمـر يرشح كل نـد عردب المَجمَّر قام محمد بشَّر هزَّ فوق تيجانن سلَّ سيفه وكشـَّر قول معاى واتفشر نحن سياج عروضن ونحن يوم المحشر يا حسن اتذكر طيب ليلتنـا ديك والصباح السكـر المدام ما اتنكر لا من ديكنا صاح فوق رؤوسنا اتحكر كل شيء مفسر ما فى شئ غريب والعسير ميســـر ما فى عين تتحسر دام عريسنا دام والحسود اتحسـ
05-04-2013, 12:35 PM
Awad Omer Awad Omer
تاريخ التسجيل: 12-26-2005
مجموع المشاركات: 757
مروى............ يا ناس القوز علينا ظلم...الشال.. السيدة ...وخلا.... حرم.....سفر التلاتة والله عدم..
مروى
فيك يا مروى شفت كل جديد فيك شفتة عيون لعبو بى شديد وأنكويت بالنار من زهور فى خديد مهما زآد وجدى ما بسي الريد لانو قلبى حنين وبعشق التغريد بى محاسن الكون بى جمال الغيد يلا نمشى النيل فى .... أواخر الليل بين رمال ونخيل يغنى لينا جميل بوبا عليك تقيل القمر بوبا
يا مريسيل ... يا مريسيل .. يامريسيل تعال نوصيك فى الرمال الصيد بلاقيك لو بعزمك ويعتلق بيك قولو حالف ما بباريك وما بدليها التهمة فيك القمر بوبا عليك تقيل جيت مارى العصير لقيتة تملا فوق بير الرقيبة قزازة عصير العيون متل الفناجيل الزرآق فوقة تقول حرير الضمير عاج التكارير السنون برآقن يشيل وانتى ريحتك ريحة الفرير والا بت السودان أصيل ياقمر بوبا عليك تقيل شوف فلانة الواردة وحواء دخلت سكنت قلبى من جوه واتغابت فوقو الخوه تحكى خطو الريمه العايرة على نغم الساقية الدايرة تغنى ليها تقووووووول والله ظلم دا اللينا ظلم يا ناس القوز علينا ظلم الشال السيدة وخلا حرم سفر التلات والله عدم سعينا الريد جنينا حكم وقلنا الحب والله قسم متين يا الساقية نترُك النوح يجينى قميرى يقولى روح نزور الشوفتو ترد الروح حبيبى السادة خفيف الدم فيك يا مروى شفنا كل جديد فيك شفنا جمال كل لحظة يزيد يربى وجدانى وبى حلاتو أشيد وإن نسيت ما نسيت يوم لقيت الصيد ساهى فى حسنو وبى غناهو سعيد كم أضاع صبرى يالحلة تنورى .. الليلة.. يا الحلة تنورى يا بنية تنورى إنتى حاااشاك تتغيرى قسمى الشبال كترى لى قلوب الناس كبرى ويا عيونى إتصبرى
05-04-2013, 12:57 PM
Awad Omer Awad Omer
تاريخ التسجيل: 12-26-2005
مجموع المشاركات: 757
ملحمة واوبريت سودانية...كلمات الشريف زين العابدين الهندى...تلحين وغناء عبد الكريم الكابلى والكورال
ملحمة واوبريت سودانية كلمات الشريف زين العابدين الهندى تلحين وغناء عبد الكريم الكابلى والكورال
مساهر ليلك الطول نجومه هجوع وغرقان قمره في جوه السحاب مصروع بصارع فيك ضلام تمن سنينه سبوع واراقب فجرك الآذن زمانه سطوع وشايلك سيف نصر لا يطيش ولاهو بزوغ ورابطك ي حشاي من العطش والجوع واسقيك مني دم ودموع واوقد لك جحيم وشموع واقش منك دموع الضيم على خدودك بتتحدر واقبل فيك جبين مرفوع كراية النصر وبيرق عزة رفرف في ركاب فاتحين واغسل لك تراب الهجرة باليدين راجيك المجد مدخور لك سنين ودنين من حبوبتك الوقفت ترد الدين وتطرد حملة الباشا ومع الغازين حليله مهيرة كاسرة التوب وحد الزين ** ومن جدك بكبرفوق جبل سرغام ودافن ضهره في كرري ومتكنتل ركاب ولجام وسال في ايده سيف العود ببعج بيهو كبدة وهام وقبال دمه ما إرشح مع البارود اكون شتت عليك اجسام ** أجسام من غزاة ماقدروا اسبوك ولاكشفولك المقنع ولا في الشينة ختوك ولا حلولك احداقهم ولاهم قدروا ادنوك ومما فاتوا لي هسع بدوروا رضاك واطروك ** وكيف انساك وذكراك لي دما هو عروق ومما الهجرة حلت ليهو لابسك انتي عمة وطوق وعايشك جوه وجدانه معايشة الحنين لي الشوق وممزوجة فيك ممازجة اللسان لي الضوق ** بشوفك في عيون النيل وفي الاطفال وفي تاريخك الاخضر على الاجيال وفي بحر الدمي اللسع بجم سيال وفي مستقبلا واعد كبار وعيال بشوفك بشري فيك شقق جبال ورمال بترسم لي طريق نجم العشا الولوال وتكشف فيك اسرارا كتار واهوال ** والقاك حتى في رمش الغريب الضال مهوم في اليمن لا الحامدي لا السلال والاقيك في الخليج مشرورة حالك حال واثكل فيك يبيعوك بي الدهب والمال ** فلذاتك مبعثرة في البلاد مأجورة تبني على الرمال احلامها ثم قصورها خلوك سايبة في ايد الطغاة ماسورة شان ما اسلموك الحلبي روب في كورة ** ابشري نحن لسع في الخلا مرابطين ونحن عقاب عهود انصار مع مهاجرين ونحن سهارى ما بنعرف غمضة العين ونحن فداك نذود عنك بقالنا سنين حالفين بيك قسم غالي وعزيز ويمين مانضوق راحة لانشوف زوجة لا والدين ولا ندفن رؤوسنا على الرمال خايفين حتى نوقي من اشلانا اعلامك على القصرين وحتى نسوي لي القصفوك مقبرتين زي ما صنعنا تاره على الالف الفين وحتى انكسر القيد وانقسم نصين واكون عيدنا الكبير في مقرن النيلين ** ومابننساك عشان اطراك في الازمان قريب منك قرابة الحدقة لي الانسان وجايل فيك جولة الدم على الوردان وقيمتك عنده زي قيمتك معاهو زمان ** بعيشك هضة بتشارف تلال قيسان ويحياك موية في دارفور تبل عشطان واديم فيك من سنار ترع خزان وادفق خيره بي عند الرهد بستان واقول لي الدندر الغاضب كفاك جيشان واسهر لي وليداتك اعشى الحاري والجيعان ** منو الزيك ولد واستالد الاولاد منو الزيك يجيبهم ديمة عشرة انداد منو الزيك ببز الدنيا موية وزاد منو الزيك ضروع وزروع ونيل مداد منو الزيك بطان وغابة دون حداد منو الزيك سهول وادي وجبال اوتاد منو الزيك اصل موروث من الاجداد منو الزيك جراتق دم قدام وجداد قشى الدمعة يابت الرجال مابحكموك اولاد ** بت الحر وام الحر واخت الحر وست الضنبة مردوم بي وراهو بجر ست الفي الخشش من العصير بنتر ست الخيل وست الفي القلوب بنقر وام الحلفو بيك وبي العذاب المر مابختولك الشينة ومناحة كر ** اولادك فضلة الموت وبتلجوبو ودائماً سيرته في لسانهم ويتسلوبو وزرعك من زمان المهدي طارح دوبو واحدين بحصدوا وواحدين بكفو دروبو ** تيلادك مسكر في الخزن محروس هجليج واندراب ومهوقني وابنوس ومن صمغ الهشاب سوي السنط ترتوس ومن شدر التبلدي الموية كوس في كوس ومن ضل النخيل الشمس دايرة تكوس ومن حرب المطر فرع الحراز مدروس ومن شوك السدر جيش السلم هكسوس ومن زهر التبر البادية باقية عروس وبي توب البرم سوي الطلح مبلوس ومن شدر الاراك عطر الرعاش مبثوث ومن سيف العشر جيش هكس صار مهروس والدوام واج بقيف الابتراوي خروس ** فيك الفيل وفيك العنزة والجاموس وفيك التيتل اللبات قرونه تروس وفيك الاصلة والدابي اب درق وجروس وفيك ريل الودي البي ناله راتع اجوس وفيك صقر الكواهلة العينو كالفانوس وفيك فهود وفيك نور وفيك طاؤوس وفي نيلك عشاري اشيل من الجاقوس ** فيك الازرق البي عرفه هد القيف وفيك الابيض الماش منطرح مابقيف وفيك زهد المفازة الوعدو ماخليف وفيك الاتبراوي اللي الشواطيء مخيف وفيك الدندر البهجم هجمة السيف وفيك الباسلام في الفشقة عامل هيف وفيك سيتيت منبت من قناهو صريف وفيك القاش بوري الرعدة والصاعقة الداودو كيف ** وفيك بحر الجبل حاقب عري الرجاف وفيك بحر الغزال والجور وبحر زراف وفيك سوباط ملولو زي دبيبا خاف وفيك بحر العرب مليان نعام وزراف وفيك بحيرة قال (نو) سيده ما الاسلاف وفيك خور اب حبل شاقي البلد كشاف وفيك تمت العظيم شايل الكليت والشاف وفيك خور الدهب ذو الذكرى والاعراف وعندك مقرناً حرم سواك ما انشاف ** وعندك الف خور في الوادي والفين رافد وحسبان الجزائر والجروف ماوارد والنبرو الحبيب لي عودو سيدو اقالد والساقية الحنين توريقها باكي وساهد والبلدات ونجاضات حليلة فايد وسمسم وام صقور وسهل قبوب ود زايد وصقيعة ام بليل براقها قايم وقاعد والمطر البكب اربع شهور ويدارد وفيك قنبلية كمبو سته الوارد وام سنات تغازل دوكة ماشه تحادد اسفاي بقول لي الفشقة بهمك شارد كونه الفار بقت ترع وجناين وموارد ** في غروبك ربوع خصبة وتبر مبهول ووديان من عقيق مغسول مطر وسيول وكثبان تابه بتطرز حواشي سهول تجود بي الكركدي وصمغ الهشاب والفول وتدي القنقليس طول الشهور والحول فيك حفرة نحاس والصمغ والكول والتور والخروف والناقة والكاتول علي دينار كسب ليها الشرف والطول ابو زكريا اداب العصاة زول زول من وداي بكريت في ربوعها واجول لي الكفرة وصحاريها العجاف الهول ** وجبل مرة الشمخ جايب مناخ لبنان وفجر من ينابيعه العجاب بستان طارح عنبه والزيتون مع الرمان وجاب من يافا تفاحا كبار ومكان ** ومن مليط مكربت شاقي دار الريح نازل بارا ام فتنة بتسر وتريح واتياسر على التيارة صوتها بصيح ونوخ تقلي في السهل الكبير وفسيح ** ومن تقلي ام برم شايل جبال النوبة عامر بي برشم عريس الحوبة جلجال والاحيمر نارهم ادفوبه وين كجذوب وشامي الحارة بتسلوبه ** وفي شروقك ربي العنافي قاطع تيهو في ضهره الدغم دوباي حرارته وتيهو وفي الشبرية راكبة حمامة بتغنيهو مسدار اب شوارب ياخدو ويوديهو ** امانة عليك بطانة اب سن بتسنى الكاعة يوم اكلت كباد ساكت رخم وضباعه يوم محمود وناس عوض الكريم سمساعة واقفين في الشمش دايرين اغطوا شعاعه في ضحوة عجاج وسيوفهم اللماعة ياكلن في التراقي واقطعن في ضراعه ** يا المعزوزة بي دمان وعضام ابواتنا عارفنك مقريفة لي شراب قهواتنا زغرتي يا ام شيوم خلي الندق نحساتنا ونحاسب عقاب الجاتنا والما جاتنا ** هسع قومي سوي السيرة جري النم خلينا النهشك فيك ونملاك دم ندفن لك شقوقك شور عضام ولحم ندفق لك نحيرا لا وقف لاجم نشبع فيك صقور وضباع وطير ورخم لامن ترضي كيفك ودور هناك انتم ** شوفي معزتك كيفن عزيزة علينا وشوفي عزمنا لي الحمل الوقف راجينا شوفينا بنتر ولابنكف الشينه شوفينا بندكدك ولاما هامينا شوفينا بنبشر فيك طوال ايدينا ولا نغطي بي الطين والعجين اضنينا ** وفي شروقك ارض مليانة خير ومعادن فيها السارح الناشق وفيها الساكن وفيها المن حلايب جاي غاشي سواكن وفيها الاركويت نسام اراك وجناين وفيها غزال جبيت وقل قصاد الشادن ومن صمد اتطرح لي اربعات بيعاين ** وناس اوشيك اخنقوا في الربابة واغنوا واوهاج سل شوتالو وبركلو اسنو تمباك الدمك جوة الكدوس حاشنو *** جبنات يابنات هريو قامن وجنو دبايو اوجات كيها يا ادروب ابوك كيفنو روح تندلاي ولا الصهب فاتنو قالوا الليلة هبباي بركة زايد جنو ناس باكاش وحامد في اروما استنو ** الكور دلو والمربيت بتمشي الوادي خت الدرقة والهاري السنين بي غادي وادني الانقلت قرب علينا ينادي والهو شاب برد بروي الغيل لي الصادي ** وفي شمالك نخيل باسق يداعب الريح بقول لي البركل الشامخ كفاك تبريح انت عارف كلامي وراي بي التلميح جيب رايا قديم بيهو بتفيد وتريح قش دمع السواقي البي العذاب بتنيح واتطري العضام تحتك تئن وتصيح ** اتطري السناجك وواقعة الخشخان واتطري النحاس وكتين ازم بطران ونادي اولاد جعل والنجمجم القرمان والخيل عركسن واتروقن ريقان وصقر الجو بحلق في السما جيعان يالكدك بدور كبدة وكلي ومصران نادي الملك نمر معلم اباة الضيم شاوي الباشا شي خلاي جناهو يتيم ودفتردار بجك عند المتم زميم ارفع صوت لعل الناسي ابقى فهيم ارفع صوتك خلاص شرطنا شرب الهيم وكاد عاقلنا اصبح من سكاته بهيم ** مربي الدامر البي ذكره عز وجل واتنوخ فسيح وادي المجاذيب طله شوف النار متلعبة في المساجد ولا مات نور الضيا وجات بعده نار الجله شوف المصحف الاربع قرون بدله ماسك ورده ام سحرته عين خلق الله ** حبابك عشرة يابت مقرن النيلين حبابك يا ام عجن بعد العديل والزين حبابك يالمحكرة في المشاعر والفؤاد والعين حبابك يا المغسلة بي طهور مويتين حباب اهلك بلاعبو الموج مع البردين حبابهم كتفوا ابوطليح على اللقنين حباب قصرك ضبح غرودون من الاضنين حباب الخندق العجن الجلود بي الطين ** حباب المهدي فيك كبر حرارة ودين حباب اسد العرين عبدالله ودتورشين حباب النور عقيد الخيل عقود الشين عنقرة المعزة الاصلو مابتلين حباب الزاكي اداب النقز في الحين حباب ود النجومي القبره في توشكين حباب عثمان سواكن دقنه في الدورين حباب يعقوب حباب محمود وشيخ الدين ** سلام يالبقعة مبروكة الاله والدين حباب الحرورك لا انتماء لادين حباب السودنوك خلوك سمارة وزين حباب الازهري النكس ذرا العلمين حباب الراية هفهافة وتكيل العين قولوا معاي تبارك اقول دقر ياعين وزغرتي يا ام رشوم قولي البطان وين وين بركز لما سيطانهم تبيد وتلين ولما اشوفوا قطع ايدي بي السكين ولما تقول حمامة كفاك دقر يا عين ** سلام يالقلعة بي دورها وجواهر تاجه سلام يا اب عنجة خورك لاقا نيله وناجه سلام يا اب روف وود نوباوي ضوى سراجها سلام ديم اب سعد نار الخيم وجاجه سلام الله اكبر في الفتح دجاجه بي سيوفها ورماحها ولي الحمد سجاجه بحرابيض فتح ابوابها وقت الحاجة زي ما موسى عد ولا تعب لا حاجة كلك ادباء من عشاق وفنانين شالوك في عيونهم وصوروك تلوين وشاشوبك شعر مطبوع جزيل ورصين فيهم ام در وفيهو الاسكله وستين وعازة الفي هواك نحن الجبال ثابتين ويافلق الصباح قول لي نهارك وين ونرعاك في الفؤاد بي عناية الحارسين وياكروان كرومة خليل فرح مابلين وياود الرضى القلبه انقطع نصين ترى العباديماسك الدابي بالايدين مع ابوصلاح ونور الكهربائي الزين وفيك الحاج سرور غنى الفراق لي متين وماعارف المفارق قدمه ماش لي وين وياعازة الفراق طال بي وكله حنين ** مطروحت الجبين من سوبا لي سنار نيليك من غرامهم لبسوك سوار اكتفاك موطأة فيها ماء وخضار ولي عزاز القبايل صرت احسن دار محصولك دهب مابكيلو بي العبار مواسمك عدة محسوبات طوال وكتار ارضك في الجمال محسوبة بي الاشبار مشكلة بي التراب لكن لجين ونضار ** ترعك زي بحار لبنان طوال وعدال واب عشرين افوق ناس بردى في الامثال لياليك بي القمر رويانه نور وظلال مطرزة بي النجوم في احتفال وجمال ** قرآنك بزيم من كنت انتي بلاد تقايبك تضوي الليل زناد في زناد ماشقاك ضلال الا انشج وانحاد وما حال فيك ظلوم الا انكبح وانقاد عزك من قديم محسوب جدود واحفاد عمروك الرجال تيلاد قصاد تيلاد زرعوك بي السلاليك ومنجل الحصاد جرنك في التقي تمتم قرافة وزاد ** مبسوطة ومحكرة لاهبك لاتبوب وقطنك زي لتيب الحقنة خاطي عيوب معلاق منتنى ولوزا عفى ومكروب وتيلته طويلة زي خيط الحرير في التوب ** دواوينك مفتحة لي الضيوف مفروشة وحلالك مجندرة لا###### لاكوشه شاربة الهمبريب بي الساريات مرشوشة والعجب الاماسي تقول ليالي الروشة ** في مدني الكبير نشأة لك الحيثية فجرتي المواهب ومنبع الوطنية بذرة مقدسة اتربت على الحرية من المؤتمر لي الليلة نامية قوية من يومك كسبتي الكاس وشلتي الراية وافكار المحافل باقية ليهم تاية بي التعليم سقوك وشبعوك قراية وادوك من شبابهم كل حب ورعاية ** حليل قلب الجزيرة المستقيد النابض حليل جمعة رجالها وجيل شبابها الناهض حليل جمع السراة زي الهزبر الرابض كل واحد على وطنيته عاضي وقابض ** يا ام الزهور ماتسوي قبض الريح كان رايك زمان بشفي وبفيد وبريح قضي لنا السواكب وامسحي التبريح فاتوك الرجال لسع جناك بصيح ** مابرضاك الخوف والضياع والحيرة مابرضاك ليوم تبقى انتي اسيرة مابرضاك اكلتي الحلوة تنسى مريرة والتاريخ رهيب مابنسى ليك تسيطرة ** حاشاك الملامة وما بتسوي العيب وايدك لسه تجدع من بعيد وتصيب ويومك في المحاص شايفنو جاي قريب ودورك بتلعب قبل الشمش ماتغيب ** اكسري الماين كنار خلي الاراضي تعوم سويهن بحر من ريبا لي الخرطوم ولعي في الفبارك غيظ ونار وسموم خلي الهايفة تنقد والنصيحة قوم سوي الترعة ساتروالمصارف كوم سلي سيوفك الجبابه مثلوم ** اعقب سنجة طوفي بي الدالي والمزموم روح لي القرابين والسماسم كوم شوفك كرمك شرف قال لي الردوك ماتلوم انسى الفاتت ايامك بيجيهن يوم ** ارفع ساعدك ربك العظيمة بتشوفها حي ابا القديم وجديد بقت معروفة قولي لي الشهداء نارنا متلعبة ومكلوفة لا ماتت ولا غمضوا البقيدو ظروفها ** ارجينا بنجيك موحدين صادقين شايلين المدافع وبي السماء طايرين صواريخنا بتثكل تطرش الاضنين وفي الجاسر نقيف ليك بي النصر هازين ** ديل اولاد حشاك لا ارتزاق لا زيف وديل الكلهم صنديد واصله شريف وديل دخريك لي سنين الجفاف والحيف وديل دفقة ينابيعك شهور الصيف ديل نيلك وقت قطع البرك والقيق وديل ديم السواري الاصلو ما بتقيف ديل الرضعوا حر لبنك بدون تحريف وديل البقعوا في نارك بدون تكليف ديل اتباشروبك انتي درقة وسيف وديل اخوان صدق في الله دون تحريف وديل يا ام عيونك وقلبك الوليف ** خايضين فيك صحاري تقيد لهيب وشرار وطالعين فيك جبال عاليات على الطيار ونعرف ارضك المحبوبة بي الاشبار وننزل في ربوعك ضحي ونمرق مع الاسحار ماحجروك علينا حيارى او اغرار نارك ما انطفأت من يوم رماك الغادر وسجنك مافضي واهلك عليه تدافر ولي الموت كمبلو اولادك مغني وشاعر وكل عام ليك عيد بالدم موشح وظافر خلي عدوك مجهجه في حكومته وحائر وقيدك هسه بنكسره ونجدله ضفائر ** نحن اولادك العارفانه دون تذكار ونحن الجينا في نسلك من الابكار ونحن الليلة سمعك في الضلام سهار ونحن الفجر لي الليل كان قعد كان طار ونحن نضري ورتابته ونشيلها عصار ونحن بلابل الحرية تصدح حتى في الاوكار ** اقول فيك تاني ياست الشرف والطول وعزك في الارض تريان فروع واصول ارقدي قفى بنجيك مهما زمانا يطول ومهما الدهر يردم في حمولنا حمول ومهما نموت فداك نترامي زول في زول برضه منيعة انتي على القدر والصول ** وانتي كبيرة اكبر من صغارة العسكر وانتي عظيمة مابذلك سلاح البقهر وانتي قوية لا بتلين ولا بتتكسر وانتي انوف اشم من بيلا مابتتعفر قودي لنا الرسنة وخلفي الاشتام وخنقي لي دلاليكك وصحي النام ارقصي الفاشر الهضليمه كب ونام وقولي الليلة شبالكم علي حرام لما تكسروا القيد اب عشرة اعوام ولما تقعنوا الكاشفات ورا وقدام ولما تجيبوا سجانكم خزي ومنضام ولما اولادي ابقوا جنود ومش خدام *** هذي الاراجز يا أماه من كبد السماء من حيث يتعب بالشموس الغر سير الكبرياء من حيث يحتصد الرصاص صدور كل الابرياء من حيث يسخر بالمشانق اعتناق الشرفاء من حيث يعصف بالزلازل احتشاد الاتقياء من حيث تحتشد السجون جحافل للاوفياء من حيث يلتقط الرسالة قلب كل الانبياء من حيث كل الكون حق وسلام وضياء من حيث ماكذب الفؤاد ولا ألم به الرياء من حيث ينبوع المحبة والجلالة والبهاء
05-09-2013, 06:55 AM
Awad Omer Awad Omer
تاريخ التسجيل: 12-26-2005
مجموع المشاركات: 757
ما اروع الكابلي وما اشجاه ..اينما ..وقع.. نفع........مع الشاعر المصري :علي محمود طه فى رائعتيه..: الجندول :و كليوبترا:
الكابلي :علي محمود طه /.: الجندول :و كليوبترا:...عود.
الجندول : كلمات : علي محمود طه
اين من عيني هاتيك المجالي ياعروس البحر , ياحلم الخيال اين عشاقك سمار الليالي اين من واديك يامهد الجمال موكب الغيد وعيد الكرنفال وسرى الجندول في عرض القتال بين كأس يتشهى الكرم خمره وحبيب يتمنى الكأس ثغره التقت عيني به أول مره فعرفت الحب من أول نظره أين من عيني هاتيك المجالي ياعروس البحر , يا حلم الخيال مر بي مستضحكا في قرب ساقي يمزج الراح بأقداح رقاق قد قصدناه على غير اتفاق فنظرنا , و ابتسمنا للتلقي وهو يستهدي على المفرق زهره ويسوي بيد الفتنة شعره حين مست شفتي اول قطره خلته ذوب في كأسي عطره أين من عيني هاتيك المجالي ياعروس البحر , يا حلم الخيال ذهبي الشعر , شرقي السمات مرح العطاف , حلو اللفتات كلما قلت له : خذ . قال : هات ياحبيب الروح يا أنس الحياة أنا من ضيع في الوهام عمره نسي التاريخ أو أنسي ذكره غير يوم لم يعد يذكره غيره يوم ان قابلته أول مرة أين من عيني هاتيك المجالي ياعروس البحر , ياحلم الخيال قال: من اين ؟ وأصغي ورنا قلت : من مصر , غريب ههنا قال : ان كنت غريبا فأنا لم تكن فينيسيا لي موطنا أين مني الن أحلم البحيرة وسماء كست الشطآن نضره منزلي منها على قمة صخره ذات عين من معين الماء ثره أين من فارسوفيا تلك المجالي يا عروس البحر , ياحلم الخيال قلت, والنشوة تسري في لساني: هاجت الذكرى , فأين الهرمان أين وادي السحر صداح المغاني؟ أين ماء النيل ؟ أين الضفتان آه لو كنت معي نختال عبره بشراع تسبح النجم اثره حيث يروي الموج في أرخم نبره حلم ليل من ليالي كليوبتره أين من عيني هاتيك المجالي يا عروس البحر , ياحلم الخيال ايها الملح قف بين الجسور فتنة الدنيا وأحلم الدهور صفق الموج لولدان وحور يغرقون الليل في ينبوع نور ماترى الغيد وضاء السره؟ دق بالساق وقد اسلم صدره لمحب لف بالساعد خصره؟ ليت هذا الليل ل يطلع فجره أين من عيني هاتيك المجالي ياعروس البحر , ياحلم الخيال رقص الجندول كالنجم الوضي فاشد ياملح بالصوت الشجي وترنم بالنشيد الوثني هذه الليلة حلم العبقري شاعت الفرحة فيها والمسره وجل الحب على العشاق سره يمنة مل بي على الماء ويسره ان للجندول تحت الليل سحره اين يافينيسيا تلك المجالي؟ أين عشاقك سما ر الليالي ؟ أين من عيني يامهد الجمال ؟ موكب الغيد وعيد الكرنفال؟ ياعروس البحر , ياحلم الخيال !!
كليوبترا:
كلمات علي محمود طه:
كليو بترا اي حلم من لياليك الجميله طاف بالمرج فغنى وتغنى الشاطئآن وهفا كل فؤاد وشدا كل لسان هذه فاتنة الدنيا و حسناء الزمان بعثت في زورق مستلهم من كل فن مرح المجداف يختال بحوراء تغني ياحبيبي هذه ليلة حبي اه لو شاركتني افراح قلبي نبأة كالكأس دارت بين عشاق سكارى سبقت كل جناح في سماء النيل طارا تحمل الفتنة والفرحة والوجد المثارا حلوة صافية اللحن كأحلم العذارى حلم عذراء دعاها حبها ذات مساء فتغنت بشراع من خيال الشعراء يا حبيبي هذه ليلة حبي اه لو شاركتني افراح قلبي وتجلى الزورق الصاعد نشوان يميد يتهداه على الموج نواتي عبيد المجاديف بأيديهم هتاف ونشيد ومصلون لهم في النهر محراب عتيد سحرتهم روعة الليل فهم خلق جديد كلهم رب يغني واله يستعيد يا حبيبي هذه ليلة حبي آه لو شاركتني افراح قلبي اصدحي ايتها الرواح باللحن البديع امرحي يا راقصات الضوء بالموج الخليع قبلي تحت شراعي حلم الفن الرفيع زورقا بين ضفاف النيل في ليل الربيع رنحته موجه تلعب في ضوء النجوم وتنادي بشعاع راقص فوق الغيوم يا حبيبي هذه ليلة حبي آه لو شاركتني افراح قلبي ليلنا خمر واشواق تغني حولنا وشراع سابح في النور يرعى ظلنا كان في الليل سكارى وافاقوا قبلنا ليتهم قد عرفوا الحب فباتوا مثلنا كلما غرد كأس شربوا الخمرة لحنا يا حبيبي كل ما في الليل روح يتغنى هات كأسي انها ليلة حبي آه لو شاركتني افراح قلبي يا ضفاف النيل بال ويا خضر الروابي هل رأيتن على النهر فتى غض الهاب اسمر الجبهة كالخمرة في النور المذاب سابحا في زورق من صنع احلم الشباب ان يكن مر وحيا من بعيد او قريب فصفيه واعيدي وصفه فهو حبيبي يا حبيبي هذه ليلة حبي آه لو شاركتني افراح قلبي انت يا من عدت بالذكرى واحلم الليالي يا ابنة النهر الذي غناه ارباب الخيال وتمنت فيه لو تسبح ربات الجمال موجه الشادي عشيق النور معبود الظلل لم يزل يروي وتصغي للروايات الدهور والضفاف الخضر سكرى والسنى كأس تدور حلم لم تروه ليلة حب فاذكريه واسمعي افراح قلبي
05-09-2013, 07:43 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
الأخ عوض لك التحايا الزاكيات والسلااااااااااااااام والمحبة لطاعم الكلم والنغم استاذ الأجيال الرائع الكابلي الأغنية دي عندي معاها شجن دفين...........! استمع وأستمتع بها بالليل وفي سكون تاااااااااااااام مع تهويمة طويلة
نعم نجمة الزهرة ذكرت كثيرا في موروثنا وبعض اهل البوادي يسمونها "السواقة" او "سواقة الأوقات" او كما يقول طقاق توية "زهرة وسايقة الأوكات "عيونك في النجوم بينات" الأوكات اي الأوقات اهل البادية يقلبون القاق كاف او كما يقول شاعر الدوبيت الرائع حنفي حاج الطيب "قول لى ناس على الشيخ والبريدو غنـــاى فاقد الليله سوّاقة النجوم فى سماى من كتبت تواريخ لى الجمال جوّاى بقيت شعر الغزل بعرف روايعو براى ************************** حسب كل النجوم طرفاً حزين ما لاقا راجع لى حسير قال فاقدك آ السوّاقه عقود نادر قصيد ناضم حديثها دقاقه عربون عشقى ليك تهديهو لى الزوّاقه
والسواقة هي نجم او نجمة الزهرة
محبتي ودمت سمحا
05-09-2013, 11:13 AM
Awad Omer Awad Omer
تاريخ التسجيل: 12-26-2005
مجموع المشاركات: 757
غـزال الـــروض - د.عبدالكريم الكابلي..ابوصلاح ...شوفو الكلا م الطاعم من ابوصلاح ....يا الفاطرك نور....وفاهك عسالي ....جننت ألوف...عشاق أمثالي انا افوض الكابلى بغناء الجميل من كل فنان ....هنا ...شوف كل كلمة فى هذا اللحن الشجي ترقد فى مكانها في غاية الوضوح والترابط مع بعضها بروح وصوت الكابلي الرصين .. وتحية خاصة لحبوشي ...من عشاق أمثالي
غـزال الـــروض - د.عبدالكريم الكابلي..ابوصلاح
غـزال الـــروض - د.عبدالكريم الكابلي..ابوصلاح فيك رايح بالي تفداك الروح أظهر ولا تبالي يا غزال الروض
في دجاك يا ليل كم طيب أقبل هبالي ده الجنن قيس وكثير قبالي متي لي يعود عقلي ويصفالي يرد الروح في الجسم البالي
طيفك في النوم لو كان يصفالي أتغزل فيهو ينظر لحالي متي مني يفيق عقلي ويصفالي رحيق مختوم في لهيجو الحالي
يا الفاطرك نور وفاهك عسالي جننت ألوف عشاق أمثالي في حبك أضيع ولهواك ما سالي بس قصدي دوام يا جميل تطراني
حبك يمزج أعضاي إجمالي لو كنت يمين يهواك شمالي يا بديع ليه فيك ضاعت آمالي كان مالو هواك يا مدلل ومالي
يا أنيس الصيد الحاجو هلالي كان مالو هواك يا مدلل ومالي لا أسمع فيك أقوال عزالي أسمع وأطيع أمرك يا غزالي
05-10-2013, 11:55 AM
Awad Omer Awad Omer
تاريخ التسجيل: 12-26-2005
مجموع المشاركات: 757
شوفو الابداع دة من الكابلي و خليل فرح : أين مني الودعته شاهق ...باكي ناهد لسه مراهق ..عيني ما بتشوف الا شاهق ...أين وجه البدر التمام ماهو عارف قدمه المفارق
أغنية الحقيبة - خليل فرح ماهو عارف قدمه المفارق يا محط آمالي السلام ******* في سموم الصيف لاح له بارق لم يزل يرتاد المشارق كان مع الأحباب نجمه شارق ماله والأفلاك في الظلام ******* يا دهر أهوالك تسارق منها كم كم شابت مفارق ما علينا الفات كله فارق رقنا وله نعيد الملام ******* من حطامك أنا غصني وارق في شن أبقيت للطوارق غير قليبا في همومه غارق ولسانا برده الكلام ******* ويح قلبي الما انفك خافق فارق ام درمان باكي شافق يا أم قبايل ما فيك منافق سقي أرضك صوب الغمام ******* يا بلادي كم فيك حاذق غير الهك ما أم رازق من شعاره دخول بس المأزق يتفاني وشرفك تمام ******* مسرح الغزلان في الحدايق والشوارع الغر والمضايق قول لي كيف أمسيت دمت رايق دام بهاك مشمول بالنظان ******* مجلس اللذات في النمارق والترف لا زال وصفه خارق ضاري حسك فاح جانا مارق وله قاطعو الريح ما هو لام ******* في يمين النيل حيث سابق كنا فوق أعراف السوابق الضريح الفاح طيبه عابق السلام يا المهدي الامام ******* أين مني الودعته شاهق باكي ناهد لسه مراهق عيني ما بتشوف الا شاهق أين وجه البدر التمام ******* أين مني الفي زهوه باسق في شبابه نقي من مفاسق بين ثيابه البيض المناسق حولك اشبه رتل الحمام ******* يا بريد الجو فوقي حالق ميل علي الروح ليها خالق عدت سالم قول وأنت عالق مقرن النيلين كيلو كام ******* الحبايب لفتوا الخلايق بيني وبينهم قطعوا العلايق ان دلال ان تيه كله لا يق نحن ما مجينا الخصام ******* يا جميل يا نور الشقايق أملأ كأسك واصبر دقايق مجلسك مفهوم شوفه رايق عقده ناقص زول ولا تام ******* من فتيح للخور للمغالق من علايل ابروف للمزالق قدله يا مولاي خافي حالق بالطريق الشاقه الترام ******* ما يئسنا الخير عوده سايق الحي يعود ان أتي دونه عايق الي يوم اللقا وانت رايق السلام يا وطني السلام
05-11-2013, 10:06 PM
Awad Omer Awad Omer
تاريخ التسجيل: 12-26-2005
مجموع المشاركات: 757
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Awad Omer
امينة عيسى
عبيد الطيب
علي محمد الفكي
Gaafar Ismail
فيس بوك
تويتر
انستقرام
يوتيوب
بنتيريست