|
Re: الـبِـتـاعـة دي غـايـزانـي جِـنِـس غـيّـز، اخخخخ يـا أنـا. في صورة (Re: حيدر حسن ميرغني)
|
Quote: عليك الله يا ود المدير في زول بيقيف للناس ويقول ليهم رشوني .. وما تقول الأيام دي شوتك الضفاري بقى عينة ..
خم وصر
للضمان كدة عشان ما تمسحا نكبشرا ليك ..
وكاااااااااااااااااك .. |
يا هشام ايّ زول يرشني إن شاء الله تجيهو حسادة مني بس، خاسةً ملاسي. أها ملاسي دا اكان لميت فيهو بمعكلوا صلعتي دي في راسو عشان أعاديهو.
ملاسي عندو وآحد صاحبو اسمو هشام جلال وحات ربي صلعتو أكعب من حقتي دي. أسعل ملاسي مِنو.
كبشر أها، يعني أنا كان مسحت الصورة حا ابقى خنفس ؟؟؟...
| |
|
|
|
|
|
|
Re: الـبِـتـاعـة دي غـايـزانـي جِـنِـس غـيّـز، اخخخخ يـا أنـا. في صورة (Re: محمد الامين محمد)
|
Quote: السلام عليكم ورحمة الله ..
واحد قريبنا كل أخواله صلع والحمد لله والأعمام شيب تقييييييل ، لما كان في الثانوي كان بقول : والله الصلعة دي أكعب من الايدز
بعد كم سنة جاتو الصلعة لكن للأسف ما قدر يتعايش معاها رغم انها موجودة في البيت من هو صغير .. الا الآن الطاقية لا تفارق رأسه |
وعليكم السلآم ورحمة الله يا عمر السلمة.
أهلنا في المثل قالوا: الصقر إن وقع كترة البتابت عيبو. غايتو الصلعة زيّن كعبة، أسعلني انا منها لكن قول لقريبك دا الطاقية ما بتبقالك مساير، والواقع مواجهتو مُرّة. غايتو، المخير الله.
مودتي...
| |
|
|
|
|
|
|
Re: الـبِـتـاعـة دي غـايـزانـي جِـنِـس غـيّـز، اخخخخ يـا أنـا. في صورة (Re: ناذر محمد الخليفة)
|
ود المدير كيف حالك - اهو جاك الفرج من اخونا في الفيس بوك محمود كمال - يا محمود البوست لو ما وصل صفحة 10 نهائي ما تدي - ود المدير ولا ود جبريل - اخرك هههههههههههه
Quote: Mahmoud Kamal · الأكثر تعليقا · Port Sudan حبيبنا ود المدير التحية ليك و كل الصلع الحايمن في بوستيك دا ... اها رايك شنو لو وصفتا ليك دواء للصلعة دي يقوم الشعر حتي لو كانت صلعة وراثيه ... ايه رايك و اسئلني انا كانت عندي و وراثيه و الله حسي الشعر بدا يقفل ... و علاج بسيييييييييييييييط من المطبخ و جزء من العطار ... اها تدفع كم ... بالمره عليك الله كلم طارق ود جبرين و بكري سيد الحوش ما تنساهم ... و الله جادي رد · · منذ 8 ساعات
Galal E Omar · الأكثر تعليقا أصلع خلف ولد سماه شعراوى
2-أصلع مشكلته أنو مش عارف يعبر عر شعوره
3-أصلع طلعتلوه شعرة عملها عيد ميلاد
4-اتنان صلع خبطو فى بعد عملوا شرارة ود المدير و ضيوفو ..سلام رد · 1 · · أمس في الساعة 05:36 صباحاً |
ملاحظة: قمت برفع مشاركات الاخوة في الفيس بوك لأن بعض الناس ما بتظهر معاهم مشاركات الفيس بوك
| |
|
|
|
|
|
|
Re: الـبِـتـاعـة دي غـايـزانـي جِـنِـس غـيّـز، اخخخخ يـا أنـا. في صورة (Re: معاوية المدير)
|
Quote: حبيبنا ود المدير التحية ليك و كل الصلع الحايمن في بوستيك دا ... اها رايك شنو لو وصفتا ليك دواء للصلعة دي يقوم الشعر حتي لو كانت صلعة وراثيه ... ايه رايك و اسئلني انا كانت عندي و وراثيه و الله حسي الشعر بدا يقفل ... و علاج بسيييييييييييييييط من المطبخ و جزء من العطار ... اها تدفع كم ... بالمره عليك الله كلم طارق ود جبرين و بكري سيد الحوش ما تنساهم ... و الله جادي |
محمد كمال يا حبيب.
الله يطمنك يا محمد كمال، يعني هسّع أنا بعد دا حا أغُز الخلآل في التِفة لامن يحتل، واحشر أصبعي في أضاني واقعد ادوبي فوق البنات؟؟؟ مقدرة. ههههههههههه، شايف الكِلِكات في البوست دا ماشة فللي، الظاهر في ناس مغرودين في الوصفة... يا حبيب الإميل بتاعي في البروفايل أعمل معروف رسلآ لي هناك، والدفع بالدولآر. يا أخي طارق جبرين وبكري ديل أنا لو لقيت لي شعر وآقع في الوآطة دي ما برفعوا ليهم في صِلعهم، حسادة مِني بس.
عليك الله ما تهظر يا اخ، رسل البتاعة في الإميل.
بالله ايّ وآحد قع يجي يتاوق هنا يتخارج...
| |
|
|
|
|
|
|
Re: الـبِـتـاعـة دي غـايـزانـي جِـنِـس غـيّـز، اخخخخ يـا أنـا. في صورة (Re: معاوية المدير)
|
Quote:
الاخ معاوية
تحية و السلام.
تعرف دى هـــــــــــــــــــــــــــــــــــــــــــــادمة اللزات و مظعمطة الشعيرات
كلنا غايزانا |
الأخ آدم عمر، حياك الغمام، وعليك السلآم.
يا أنا شِدة ما عاملآ لي نفسيات نصحني صديق بمقابلة الطبيب. برتاح جداً لمان يقولوا لي بتاعة دكاترة وعباقرة، ووزراء، وفلاسفة وهلُمّ ما شابه هذه الوظايف. يعني بيحصل لي نظام تخدير لآمن زول يقول كدي، وبحس ببعض راحة. تصدق ؟؟؟...
| |
|
|
|
|
|
|
Re: الـبِـتـاعـة دي غـايـزانـي جِـنِـس غـيّـز، اخخخخ يـا أنـا. في صورة (Re: معاوية المدير)
|
Quote:
ود المدير كيف حالك - اهو جاك الفرج من اخونا في الفيس بوك محمود كمال - يا محمود البوست لو ما وصل صفحة 10 نهائي ما تدي - ود المدير ولا ود جبريل - اخرك هههههههههههه
ملاحظة: قمت برفع مشاركات الاخوة في الفيس بوك لأن بعض الناس ما بتظهر معاهم مشاركات الفيس بوك |
يا قسم الفضيل يا اخي محمود دا عليهو جِنِس حسادة !!! مبالغة. الزول خلا الجماعة يتاوقوا وكبّ الزوغة !!!. عليك الله شُفت نفر الحسادة دي ؟؟؟. غايتو اكان وراني الوصفة بكري أبو بكر وود جبرين يشموها قدحة. لك جزيل الشكر علي رفع المداخلآت، لكن محمود الفيهو اتعرفت.
| |
|
|
|
|
|
|
Re: الـبِـتـاعـة دي غـايـزانـي جِـنِـس غـيّـز، اخخخخ يـا أنـا. في صورة (Re: rani)
|
Quote: بسم الله ... طيب تمشي بتاع الخدار تجيب ليمون حامض (دا للناس البره السودان لانو ليمونا احنا كلو حامض ) اه بعد داك تعدي علي العطار تقول ليهو داير كحل اثمد ... تمشي البيت تقطع الليمونه نصين تمصر نص في طبق صغييييير، و تخت عليها ربع ملعقة صغيرة من الاثمد و تقلب كويس بعد داك تجيب قطعة قماش قطني .. تبلها بالخلطه و تدعك محل الصلعة تدعك لحدي ما تحس زي طعين الدبابيس .. تقوم تحول منطقة تانية و كدا لحدي ما تخلص و تخليهو من الليل لحدي الصباح و مهم تغسل راسك الصباح بي شامبو اطفال .. تعملا مرتين في الاسبوع .. باقي الايام ممكن بالليل تعمل حاجة تاني تجيب زعتر من العطار و تبل ملعقة كبيرة منو في كوباية كبيرة موية لمدة 24 ساعة بعد كدا تصفيها و تختها في بخاخ و تختها في التلاجه .. اها الايام المابتعمل فيها ليمون و اثمد تقوم بالليل تبخ من محلول الزعتر في راسك و برضو تدعك كويس بي يدك بس و تخليهو لحدي الصباح و تغسل راسك بموية بس .. و انشاء الله تشوف النتيجة ... بس لازم تصبر و تداوم عليها . |
أها يا جماعة محمود دا ما قصّر معاكم لا تمشوا تتمشكوا سااااكت وتسرحوا. أدعوا ليهو في دُبر كل صلآة، وجزاكم الله خير.
يا محمود يا اخي عاجزين عن الشكر والله. عندك فوق وردة هدية...
| |
|
|
|
|
|
|
|