|
التقويم الفونجاوي
|
بسم الله الرحمن الرحيم قبل فترة قرات مقالا في الانتباهة كتبه الاستاذ عبد المحمود نور الدائم الكرنكي، وكان الموضوع حول اسماء الشهورعند السودانين قديما،مثل الكرامات وسايق والويحيد وغيرها ، وكذلك تطرق الي عين الخريف كالنترة والطرفه .الضراع والجبهة و الخرصان وبقيتها .وتحسر كيف ان الاجيال الحالية نست هذه الشهور و العين ما ترتبط به من عادات وتقاليد . قرات هذا المقال وانا ما زال يرن في اذني صوت جدتي لامي عائشه بت عبدالله الحليبي ربنا يديها الصحة والعافيه وهي تصحح احدي بناتها قائلة لها(ها المطرطشه دي سايق وينو اسع نحنا في الويحيد) ، او ابي وعمي جبريل متعهما الله بالصحة والعافية، وهما يحسبان في اي عينة نحن الان ، وكم يوم مر منها، وهما دقيقين جدا في الحساب . الحقيقة مقال الكرنكي اعجبني و ليته داوم الكتابة في التراث و الثقافة السودانيه بدلا من الوحل في طين ساس يسوس «اعلم ان السياسة كعلم داخلة في كل مجال معرفي فحتي عندما تكتب في التراث او الثقافة يظل هناك بعد سياسي، وانما قصدت السياسة السودانية اليومية المباشرة من شاكلة انقاذ ، تجمع ، فجر جديد ، وما شابه ذلك من محن هذا الزمن » وليته لو اهتم فقط بهذا الضرب من الادب ، لاهدي للمكتبة السودانية ذخيره مفيدة لذاكرة الاجيال القادمة ، ولامتعنا غاية الامتاع ، فالرجل و الحق يقال ما ان يكتب في م.ضوع ادبي او تراثي الا و يحيط بالموضوع احاطة تامة ويحاول دائما ان يخرجه في صورة موسوعيةشامله الموضوع الاسامي السودانيه للشهور القمرية اعجبني جدا ومن داك اليوم قررت اسوي تقويم سوداني حقي براي شهورو الويحيد وسايق والكرامات و اخواتن ، طبعا في واحدين ذي الحلوة ديك الكلام دا ليهم ذي الرطانه الا اكان قروهو في الكتبو عمرهم ما سمعوا بيهو مباشرة، ولم يشكل المحدد لتعداد ايامهم وشهورهم وحدد مناسباتهم فرحا وكرها ، والحلبيه البتنطط ذى كورة التنس ديك بتكون ماسكه ليها درب تاني ذي ناس طوبه ، اذار ، مارس ، وما شابه ذلك ، والمتلصقه جنبها ديك المدعيه الثقافه الحلبيه ، قالت كانون ، الكانون يا بت ال....ب.اليشووك فيهو . المهم انا حالف طلاق بالتلاته و جازم يمين طالما واحدين مصرين علي الهجري وو احدين الميلادي واخرين القبطي ،انا حلفت اسوي تقويم سوداني وشهورو تبقي سايق والكرامات واخواتها وتقويمي يبدا من الفونج واسميهو التقويم الفونجاوي يعني اليوم مثلا يكون يوم 6ف ايق سنه 570 ف.ف يعني فونجاو يه علي وزن م ميلاديه و ه هجريه . وليه رجعت للفونج ما وما رجعت لي كوش ما كوش اقدم من الدوله السناريه السبب بسيط وهو انو هذه الشهورمن اسمائها يبدو انها جات مع العرب عند دخولهم (دقستهم) السودان _الجماعه لمن الجزيره العربية بقت ما فيها ناشفه ما فيها التكتح قاموا زاغوا منها و جوا السودان و البلد كانت سهله ساكت ، مويه وقش اخدااار ، قالوا اخير من الصحراء ديك لكن ما دقسوا ما عرفوا بعد كم مية سنه كدي بتجيب ليها بترول في الجزيرة العربية وكتاحه و جفاف و تصحر في السودان _ المهم شهوري دى اكتر ارتباطا بالدوله الفونجويه واكان في زول لقي لينا شهور بعانخي النوبيه كمان يكون احسن عشان يكون عندنا تقويم اقدم من الهجري و الميلادي، لكن لحدي ما تلقوا لي تقويم بعانخي يا ناس السودانويه مصر و حالف وجازم الا اسوي تقويم الكرامات دا وسلام
|
|
|
|
|
|
|
|
Re: التقويم الفونجاوي (Re: عبدالرحمن الحلاوي)
|
الويحيد الكرامة التوم التومين سايق التيمان رجب قصير رمضان الفطر الفطرين الضحية الضحيتين
هذا هو التقويم المستخدم عند أهلنا في البادية حتى تاريخه .... هل من تطابق أو إختلاف مع باقي بوادي وقرى السودان؟
| |
|
|
|
|
|
|
Re: التقويم الفونجاوي (Re: خالد الرزيقي)
|
الفونج ولانهم ارتريين الاصل ودخلوا السودان قبيل قيام دولتهم فلهم تقويم خاص بهم باعتبارهم من الاقوام التى سكنت ارض البجا وتحديداً مناطق التقرى في الغرب الارتري (حالياً ) ..لذلك اى تقويم ينسب ليهم لازم يتعمل بلغتهم قبل دخلوهم السودان .. ولا كيف ؟!!
تحياتي ،،
| |
|
|
|
|
|
|
Re: التقويم الفونجاوي (Re: اسامه ابراهيم الفضل)
|
اعتقد انو التقويم ده مستخدم في معظم انحاء السودان مع بعض الاختلافات البسيطة في تسميه الشهور مثل الكرامة -المولد النبوي =ربيع اول التوم الاول=ربيع ثاني التوم التاني =جمادي الاولي سايق التيمان =جمادي التانيه وهذه التسميات افتكر مستخدمة اكثر في جهات كردفان ودارفور ومشكور محمد شرف الدين علي تنبيهنا لذلك تسلموا يالحلاوي والرزيقي وود القاضي وودالشيخ علي المشاركة
| |
|
|
|
|
|
|
Re: التقويم الفونجاوي (Re: اسامه ابراهيم الفضل)
|
خالد الرزوقى، سلام .. يا زول ما لقيتك بقارى نجيض خلاص .. جدتى تحسبهم كالأتى: الويحيد الكرامة التيمان التلاته (وتفصيلهم كالأتى: التوم الأول، التوم الأوسط والتوم السايق) رجب قصير رمضان الفطرين الضحيتين
بريمة
| |
|
|
|
|
|
|
|