|
|
 مُضــادات للمغسة ( المغصة )
|
وعشان ناس " لغة الضاد " الخايفنها تموت مشيت فتشت قاموس العرب
قال : الاتنين صاح
مغص كانت أم مغس
السؤال : هل يوجد مضادات للمغايس (ص) الحايمة دي ؟
زيها وزي بتاعة الانفلوزات ولا أي التهابات تانية .
ولا دي زيها وزي الإيدز والسرطان وباقي الأمراض المزمنة ؟
الرووووووووووب تفيد ؟
|
|
  
|
|
|
|
|
|
|
|
Re: مُضــادات للمغسة ( المغصة ) (Re: ABUHUSSEIN)
|
| Quote: الجردقة الترابية ... |
عارفة كويس بتاعة مغس (ص) البطن
في انواع مغايس تانية يا ابو حسين
بتكون اتكورت ليكـ بسببه - سبب المغايس - كورة في حلقكـ طعمها لم يتم تعريفة حتى الان
فلا هو حامض
ولا هو مر
ولا هو حادق
....
!!
| |
|
|
|
|
|
|
|
|
|
Re: مُضــادات للمغسة ( المغصة ) (Re: عمران حسن صالح)
|
الناس تموت كل يوم
والتهليل مستمر
الجوع يسجل كل يوم أعضاء جدد
والتهليل مستمر
والفساد ملأ جرايد الحيطان والأسافير
والتهليل مستمر
يموت يافع - امو راجاهو يكبر - في ام دوم
يطلع " بتاع تهليل " ما يفضل ليهو إلا يسب الكل ويتبرأ
!!
أها البموتو باستمرار من تلاتة وعشرين سنة ديلاكـ ، من بوتسوانا ؟؟
| |
|
|
|
|
|
|
|
|
|
Re: مُضــادات للمغسة ( المغصة ) (Re: عمران حسن صالح)
|
Quote:
الناس تموت كل يوم
والتهليل مستمر
الجوع يسجل كل يوم أعضاء جدد
والتهليل مستمر
والفساد ملأ جرايد الحيطان والأسافير
والتهليل مستمر
يموت يافع - امو راجاهو يكبر - في ام دوم
يطلع " بتاع تهليل " ما يفضل ليهو إلا يسب الكل ويتبرأ
!! |
بموتوا
يموتوا بلا وجيع
يموتوا فطايس
لسه فى شجر قرض فى السودان ياعمران؟
| |
|
|
|
|
|
|
|
|
|
Re: مُضــادات للمغسة ( المغصة ) (Re: طارق جبريل)
|
نحن مبلمين من يومنـا وزدنـا زيادة
عاكـ عوكـ وجونا العسكر
سنفعل سنفعل سنفعل
وفعلو
وراحو وتاني جطنـا وتاني سيفعلو سيفعلو
وأحذيتم تدوس بقوة
وتاني لفت وفُعل بنا ما لم يُفعل في أحد قبلنا
وتهليل
وبس كوركنـا : وريتونـا لكن !
| |
|
|
|
|
|
|
|
|
|
Re: مُضــادات للمغسة ( المغصة ) (Re: abuguta)
|
| Quote: يجوك ناس تتدافق للدفاع عن الظلم |
زمان يا ابوقوتة كان الظلم شوية حكاوي تخص أفراد معينين
خاصة زمن العسكر ، ولم يتجاوز فئات معينة وبسبب العسكر ودكتاتورية الحذاء
الطائفية عدم الرؤية الواضحة لكل الأشياء كان عبارة عن - ظلم ترفي - يعني غلاط تكنوقراط ومثقفاتية تحركه المصالح
حسي التهليل بيرتفع أكتر كلما تم ظلم الآخر - وهو ظلم يخص القتل وقطع عيش العباد ومحاربتهم في اكل ولادم
يعني يتلمو هتيفة السلطان ويهللو للمزيد من الدم والضغط كلما حسوا بخطر الإزاحة
ويختفوا كلما مات الآخر أكثر
وجاع أكثر
حتى أن العلاقات الشخصية لمن تعرف صارت مرتبطة بتأييده لمن ؟!
وغصباً عنكـ تلقى نفسكـ تكره وتكره وتكره من تعرف
وتسأل : كيف يعني تهلل للظلم القدامكـ ده بحجة المندسين والدوائر الغربية واليهود وإعلاء كلمة لا إله إلا الله
إذا انت بتغطس حجر كل شي جميل تحت راية تحث على المساواة والعدل
إذا إسرائيل بتسجن الرئيس حتى ولو كانت جريمته قبل سنين !!؟؟
...
أيِ دواء و عبارات يمكن أن تخفف مغستكـ في هذه الحالة ؟؟
| |
|
|
|
|
|
|
|
|
|
Re: مُضــادات للمغسة ( المغصة ) (Re: Ishraga Mustafa)
|
شجر القرض يا استاذة اشراقة شايلنو في جيبوم أصلاً
حباً فيه وفي البحلو من مشاكل ما عندهم ليها غير القرض
...
يشيلو ويلمو في ايرادات ما أنزل الله بها من سلطان
والتبرير أمن البلد والمواطن
تشيد العمارات شاهقة وسط البلد باسم الجيش
واطراف البلد ما فيها جيش
ووزير دفاع يتلقى السخرية في دروب الدنيا وتقنياته
وناس زعلانين أكتر مننا وجايين يقلعو زي ما القدامن قلعو
جايين يفشو غبينتم ويكوسوا مصالحم برضو !!
السودان لا إلى هؤلاء ولا إلى هؤلاء ينتمي
وبرضو التهليل شغال !!
الفضيحة تملا البلاد المجاورة شوية عربات دخلت مدينة كاملة وقلعت وطلعت
وابو ريالة قاعد
والجعجعة تثير السخرية
والمزيد من الزعلانين سيأتون
حتى من أم دوم الحزينة قد يأتي ؟؟
ألم يقل مجدي شمس الدين لو ما القانون أدانا حا نقلع حقنا !!؟؟
| |
|
|
|
|
|
|
|
|
|
Re: مُضــادات للمغسة ( المغصة ) (Re: عمران حسن صالح)
|
زدت لينا المغس يا حبيب.
نحن بنطبل هنا والناس تموت بهناك...
زى محمد عبدالباقى ده فى نظرى فى مرتبة القرشى إن شاء الله..
كيف يهون قتل شخص أعزل وكيف تم ذلك عايزين نعرف بس عشان نرتاح..ما قادر أتخيل.
كم مرة حصلت والغلطان المرحوم.
فعلأً بدأنا نلحس فى الكوع. إذا ظلينا صامتين....
وين ثقتنا فى البحمونا..أمس هجليج واليوم أم روابة وبينهما أم درمان.فقط فالحة فى العزل.
| Quote: أها البموتو باستمرار من تلاتة وعشرين سنة ديلاكـ ، من بوتسوانا ؟؟ |
من لاوندى!!!!!
تقديرى وإحترامى عمران وللجميع.
| |
|
|
|
|
|
|
|
|
|
Re: مُضــادات للمغسة ( المغصة ) (Re: ismeil abbas)
|
ابومحمد مراحب بيك مغستنا كل يوم تزيد مغصه موش قتا الاتنين صح
الولد يربوهو اهلو ويكبروهو ويعلموهو يجو ناس المصلحه الخاصه
ياغتسوهو جوه الموية زي طلاب جامعة الجزيره ياضربوهو رصاص في الراس
والناس مختلفه في منو القاتل يعني حيكون منو كتلتا سما ولا اكلتا سما
استضعفنا انفسنا فاكلونا ضحا ربنا يغتس حجروم غتسو حجر البلد والفاتوره مقطعه
من لحمنا ودمنا وعرضنا
زمان قالو اهلنا كاتل الروح مابروح
| |
|
|
|
|
|
|
| |
عمران حسن صالح
ABUHUSSEIN
Ishraga Mustafa
طارق جبريل
abuguta
ismeil abbas
حامد بدري
فيس بوك
تويتر
انستقرام
يوتيوب
بنتيريست