|
|
 عمك تنقو دخل اون لاين
|
عمك تنقو دخل اونلاين وما صدق يبحلق ويعاين
قال دا عالم جميل بالحيل ناس تصبح وواحدين باليل
دخل المنبر وعجبو تبارك وقال انشا الله ايامنا تتبارك
لكن عمك لى حظو الشين وجد المنبر دخانو تقيل
جات العزه وشافت المشهد ومن الخلعه عمك اتشهد
قالتلو دا شنو يا راجل يا ابو شيبه انتا كبيرت خلى العيبه
قال ليها انتى متخلفه وما بتتثقفى عامله زى ناس (.........) السلفى
قالت ليه قاعد ساعه استفدتا شنو يا طيره قال ليها عرفتا للدخان فوائد كتيره
قالت ليه والله انتو شعب مسكين الناس فى شنو وانتو فى الدخاخين
يلا يا شباب البوست حقكم ...اتونسو فى الويك اند دا
|
|
 
|
|
|
|
|
|
|
 Re: عمك تنقو دخل اون لاين (Re: عماد ساتي)
|
( اعتقد يجب أن نستأذنه لنستخدم شخصية "عمك تنقو" وإرثه الشعري الشجي ...)
كلام صح يا تبارك
الصوره دى عملت ليها برنت من هذا المنتدى قبل فتره طويله كان فى موضوع اتفتح عن مجله الصبيان
| |
|
|
|
|
|
|
|
|
|
Re: عمك تنقو دخل اون لاين (Re: زينب محمد عبدالله)
|
زينب ...
رأيك شنو نتكلم علي شرحبيل و عمك تنقو والعزة و كـلبـهـم ( جرقاس ) ...
لأنك فتحتي ملف جميل .. وتاريخ مهيب للفنان الشامل شرحبيل أحمد ...
قال :
كان العم بيعزف مزيكا
والعازة كمان تمعط في ديكها
كان العم بارع في فنّو
لكن العازة أجدع مِنّو
كان العم بيعزف بي إحساس
و عيون العازة غِشاها نِعاس
وقام العم بشيش يتدبا
وختف الديك .. زي الكـلبــة
كلــب العازة كـلـبــاً شاطر
عارف العم .. زولاً ماكر
زر العم جنب الحمام
و ديك العازة سالم و تام
السرّاق ما تم سرقتو
و ديك العازة رجع لي سِتّو
| |
|
|
|
|
|
|
|
|
Re: عمك تنقو دخل اون لاين (Re: إبراهيم عبد الحليم)
|
عمك تنفو فتح المنبر
فجأة فجأة وشو اتغير
ناس الداخل قاعدة تكاتل
وبورداب برا كيبوردا يناضل
ود الباوقة يشكر في بشيرو
وابو حسين مواصل كبشيرو
واحدين في الطلح متناقشن
في حفرة ونطع متلمين
خلوة أشغالم وبارو وضاحة
الكل يوم بتجيب للناس كتاحة
التحية للجميع
| |
|
|
|
|
|
|
| |
زينب محمد عبدالله
تبارك شيخ الدين جبريل
عماد ساتي
يحي قباني
إبراهيم عبد الحليم
حسين ديقول
فيس بوك
تويتر
انستقرام
يوتيوب
بنتيريست