|
|
 زيجات تنتهى بانتهاء مراسم الزفاف
|
وللاسف مرات قبال حتى بدأ مراسم الزفاف بيجيبوا ضلفها
قبال نبدأ التحاور والتسائل والنقاش حول هذه الظاهره التفنن فيها البشر وابدع فى صياغتها وابتكارها
ححب اوضح ان القصه نابعه من واقعه حقيقه لانسانه بعرفها شخصيا وليها صلة قرابه بينى من بعيد
يعنى لا ماشيه اتفلسف ولا اتكلم من مخيلتى ولا ظنين ساى
ولا ماشيه اسيح ليها وحتكلم فى الحدث بالخطوط العريضه فقط لطرح المشكله الاصبحت متكرره
لانى اكتشفته ان دى ما اول حادثه وطوالى تجمعت لدى حوادث مشابه تثير القهر للانسان اللى ليسه عندو قدره على الاحساس والألم
وكالعاده وتسائل مكرر نحنا جنينا واتخلفنا كده ليه
معقول كده واصلا هو ما معقول ولا بيعقل لكن فعليا حاصل وبيحصل وحيحصل وحصل
فشنو ربنا يحسن خاتمتنا لانى انا شخصيا شلت هم الاجيال الجايه فى كوم الكوش دى الناتج من مخلفات الفات
لان دا مستحيل نتاج فجائى وانهيار بلا سابق تشققات
نحنا بنحصد فى الزراعه الفاسده الاتسقيت بأبشع الاخلاق والسلوكيات والضمائر والافعال
غايتو ما قادره القى تفسير تانى ولو زول عنده مرحب بيه لانارتنا وتصويبنا بدون اى امل كاذب ان اليوم احلى وان بكره البشر اوعى
,.,.
ناخد فاصل واجى ادخل فى اول حتوته وكلى اسف وألم وحزن على العروسه
وعجزى انى اشعر ولو بذره من وجعها الثائر من شدة ما غالبنى استوعب الفكره والحدث وانه حصل بالجد
الحياه فيها اقدار الاهيه حزنها بيكون مستكين زى الموت او المرض
بنحسه مشئية الله وبنتقبله برضى ودموعنا فيه بتكون منسابه بطمئنينه
لكن فى امور بقيت تحصل بحسها نابعه من صنع ايدينا وسلوكياتنا وانفسنا
ودى بقى وجعها بيتأكل فيه ايام وسنين وعمر من حياتنا ندما على سوء الاختيار والقرار
اينعم كل شى من الله وكله نصيب
وكل انسان بيأخد نصيبه
عشان كده لازم نحاااااااااااااااول نسعى اننا نحسن نصيبنا بأفعالنا ونوايانا
ونتقرب من الله ونترجاه يلطف بينا ويلطف بأقدارنا
فلن يصينا الا ما كتبه الله لنا
وايضا لا يغير الله ما بقوم مالم يغيروا ما بأنفسهم
(عدل بواسطة رانيه محمد الشيخ on 04-22-2013, 01:24 PM)
|
|
 
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
الفكره ما ان منو السبب فى الاحداث دى
الرجل ولا الست
لان كلنا السبب فعليا فى انهيار حياتنا ومجتمعنا
لكن تخيلوا معاى خطوه خطوه
انتظار فتاه لعريسها المرتقب بكل شوق منذ نعومة اظافرها
حلم يلازمنا فى يقظتنا ونومنا
ولمن يظهر ويسارع الاهل فى العقد لتخلص من هذا الحمل والهم بلا تريث
وتصبح معلقه فى انتظاره لاتمام الزواج بالسنين لانه مقيم فى دوله اجنبيه
وبعد ما يحن عليها وعمرها يمشى فى رجائه
يأتى اليوم اللى تلبس فيه فستانها الابيض بكل فرح لان اخيرا سوف يتحقق حلمها اللى طال بيه الزمان
وعلى اخر مراسمه يقرر اصحاب العريس المصهللين لطيش باختطاف العروس لتذهب مع العريس
شكلهم حبوا يمثلوا فيلم اجنبى ولا شنو ما فهمت
وتبدأ المطارده من اخوان العروس وتقوم العجاجه والضرب
لتتفاجىئ العروس بنفسها ملقاه ارضا يتنازع من حولها فى اقتلاعها من الطرف الاخر
هل دا يعقل
هل دا يصدق
ان فى السودان يحصل
وتعود لغرفتها مجرجره ما تبقى من فستان زفافها المتمزق لتحبس فى جدرانها صرخات لم يسمعها كل هذا الكم من البشر
السعى فقط لطحن الاخر بدون ادنى تفكير فى العروس ومشاعرها وموقفها
(عدل بواسطة رانيه محمد الشيخ on 04-22-2013, 01:27 PM)
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
كان بتفتكروا لمن تزوجوا بناتكم انكم اديتوا واجبكم ودوركم والعليكم
تبقوا غلطانيين لمن ترموا البنات ساى لاى راجل عشان هو راجل
وعشان هى تتخارج
ولو فاكرين ان ربنا سبحانه وتعالى ما حيحاسب كل اب وكل ام وكل اخ وكل راعى وكل ولى امر تجاهل اسس الاختيار والسؤال بس عشان يتخلص من الهم دا
يبقى غلطان
قريت من كم يوم تعليق فى الفيسبوك بيقول
لمن يرفض اب عريس فقير لابنته عشان فقير
ويقبل بعريس غنى ضال ويقول ربنا بيهدى
نسى ان الهادى هو الرازق ايضا
(عدل بواسطة رانيه محمد الشيخ on 04-22-2013, 11:23 AM)
(عدل بواسطة رانيه محمد الشيخ on 04-22-2013, 01:32 PM)
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
مشوا الكوافير كالعاده المتبعه
العروس مع صحباتها لاستعداد
وجات اخوات العريس ايضا
لتبدأ المناتله فى ان العريس حيدفع حق الصحبات ولا لا وتنتهى بكف كارب فى وجه العروس من اخت العريس
وبرغم من كده جاء العريس لاستلام العروس والذهاب لصاله التى اصبحت ساحة معركه بين الفرقتين وانهت الليله بكل روعه
(عدل بواسطة رانيه محمد الشيخ on 04-22-2013, 01:33 PM)
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
| Quote: لتبدأ المناتله فى ان العريس حيدفع حق الصحبات ولا لا وتنتهى بكف كارب فى وجه العروس من اخت العريس |
العريس الاختو بتتدخل في كوافير صحباتو وهو ماعندو راي مع عروسو اخير الفارقتو
اغلب المشاكل دي حتى الي بعد الزواج برجع سببا لرجل ضعيف الشخصية بمارس صلاحايتو
ومهامو ورا امو او اختو او ابوه او اخوه او مدفوع بكلام بتخاف من مرتك والحنك العاضي ده
عقد الزواج عقد مقدس محل العقد فوقو بشر ياناس مابيت للائيجار قال مين حيدفع الكوفير
تطيير عيشتكوم والكوفآر المايفككم
ياحبه راييك شنو فوق اخوك وحق الكوفير علي
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: حامد بدري)
|
| Quote: لتبدأ المناتله فى ان العريس حيدفع حق الصحبات ولا لا وتنتهى بكف كارب فى وجه العروس من اخت العريس |
تردّها ليها في وقتها .. ولو ما عجب العريس .. طلاق وقتي .. المافي شنو ؟
أيّ حاجة ولا الكرامة ...
دا من جانب .. ومن جانب آخر يا رانية ..
أنا ما مُقتنع إنّو في وقتنا دا في عروس بتتزوج غصباً عنّها ..
لأنّو في النهاية القرار بيدها .. وبيدها تقول للمأذون لا ..
وطالما إنّها قالت "نعم" خلاص تتحمل تبعات "نعم" دي في خيار هي ما مُقتنعة بيهو ..
| |
|
|
|
|
|
|
|
|
Re: زيجات تنتهى بانتهاء مراسم الزفاف (Re: صبري طه)
|
اكيد يا صبرى مافى غصب واجبار
لكن فى تجاهل عمدا للحقائق
الاب عايز يخلص من هم البنيه الفى رقبته
والام عايزه تخلص من شمارات النسوان الباقيه
والبنت عايزه تخلص من شبح العنوسه والخلفه
هم فعلا بيخلصوا من الخايفين منو
عشان يقعوا فى البيخوف جد جد
فى جارة قريبتنا بتهم صغيره ليسه دايره تدخل الجامعه
وجاها العريس الما خمج على قولهم
وعرس البنيه الجاتهم مطروده بعد فتره بفستان بيتها وعمرها 21 سنه
هى دى الستره الربنا وصانا بيها
هو دا العرس الناس مشلهده عليه وبتتقاتل وبتتفن فيه
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: حامد بدري)
|
نعم يا حامد
الرجل الذى تنازل عن رجولته وكلمته وقوته لظروف
الرجل الذى تنازل عن حقه وصوته لنساء
كان هو تنازل ليه الحوالينه بيتنازلوا
ليه مافى زول دددددددددددددددددق بعصايته الواطه وقال ليهم ختوا الرحمن فى قلوبكم
هى الدنيا زفه ولا كوافير ولا حفله
هى الرجاله بالدقه والضربه والشلته
ولا الانوثه بالعراء والنحنحه والحنكه
هى ولا هو ولا منوووووووووووووووووو
الله يإذى الأذانا ومافى زول يجى يقول لى وين البلال ما جانا
:(((((((((((((((((((((((((((((
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
اتصلت فرحانه تحجز التصوير
اوصيته بكميه من الشاشات والكاميرات ودفعت له العربون وحددت له المكان والزمان
وقبال الموعد باسبوع اتصلت وقالت له العرس اتلغى
قال ليها خير فى شنو
قالت له كانت بتتكلم مع العريس والاتصال اتقطع
جاها فى بيتهم بعكازه دقاها ولمن امها جات تفصل الجبهات دقاها هى ذاتها
بعد ايام وقبال الموعد المحدد سابقا للعرس بيوم اتصلت تانى عليه
قالت له العرس قائم وانهم جو واعتذروا وكده
قال ليها انه لغى الاتفاقات ,اترجيته يتصرف
وفعلا حن عليه واتصل بناسوا ولقاهم التزموا بمواعيد تانيه
واضطر من جيبه يدفع لناس جداد
ومشى الصاله فى الموعد
وركب الشاشات والكاميرات وقعد منتظر
تسعه جات
وعشره جات
و11 الا جات
وجات معاها فجئه كم عربات نزلوا منهم ناس بدوا دق فى الناس القاعده فى الصاله
وهو بقى بيحاول ينقذ شاشاته وكاميراته من التحطيم
( ناقل الخبر المصور زاتو شخصيا لبنت اهلى الجيه يصور ليها احتفال فى الروضه الشغاله فيها)
(عدل بواسطة رانيه محمد الشيخ on 04-22-2013, 01:34 PM)
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
السلام عليكم يا رانية ... كلمة سمعتها من اخ فاضل "في مجتمعاتناالد اعداء العريس اهله و الد اعداء العروس اهلها" و لو خلوهم يتفاهموا الامور تمشي بكل بساطة ... اهل العريس يتناسوا انه زوجة ابنهم حتكون بنتهم و ام اولاد ابنهم و اهل العروس نفس الشئ و الاهم التغافل عن انهم بعد هذه الليلة حيكون اهل ... و نسبة صحة الكلام الفوق دي كبيرة
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: Alfarwq)
|
اخى الفاروق
صدقت
انا مقتنعه ان الخطىء وارد وان فى امور بشعه ممكن تحصل
لكن مقتنعه برضو ان فى ناس لازم تكون حكيمه فى الربه دى
وتعقل المجنون وتعدل المايل وتثبت الطاشى
ما ممكن كل الناس ما يكون بينهم زول عاقل
عشان يلموا الدور والشكله ويهدوا النفوس
دى ما مجرد شكله
دا زواج وعيلتين وسمعه ونسب
يعنى الامور دى ممكن تدارك فى صمت بدون ما الحكايه تبقى فضيحه
ولو حتى تم الانفصال يكون ما بالطريقه القاسيه دى
عشان تبقى حكاوى مدى الدهر لاسرتين وسمعه غير مشرفه انهم لبط وبتاعين دق
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
السلام عليكم يا رانية ... كلمة سمعتها من اخ فاضل "في مجتمعاتناالد اعداء العريس اهله و الد اعداء العروس اهلها" و لو خلوهم يتفاهموا الامور تمشي بكل بساطة ... اهل العريس يتناسوا انه زوجة ابنهم حتكون بنتهم و ام اولاد ابنهم و اهل العروس نفس الشئ و الاهم التغافل عن انهم بعد هذه الليلة حيكون اهل ... و نسبة صحة الكلام الفوق دي كبيرة
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: Alfarwq)
|
يا رانية ...
سلام ...
الصور المرفقة لسردك الحزينة تفقد الحدث مرارته ... ولا داعي لها ... مزعجة لدرجة قف ... !!!! .... ؟؟؟؟ ....
على صاحبتك أن لا تندم أبدا وفراق مثل هذه العائلة ... غير الجديرة بالاحترام ... ولا تحزن على تلك الصفعة التي تلقتها ... أعتقد أن تلكم الصفعة أجمل هدية قدمتها المدعوة أخت العروس ... وفي مثل ذلك اليوم .... لدليل واضح على سقوط هذه العائلة ... في أي زمن وفي أي دولة يمكن أن تتجرأ إمرأة في زواج أخيها بصفع من !!!؟؟؟؟؟؟؟؟... عروس أختها ... منتهى الوقاحة وقلة الأدب ... أعتقد بأنها لو ردت عليها تكون مثلها بل ... أ###### منها ... لكن يبدو أنها بنت ناس ومؤصلة ومحترمة .... وأنا القدامك ده لو ما متزوج لما ترددت في أن أطلب يدها خاصة فيما تحلت به من حلم وأناة وصبر على مكروه قد أحل بها ... وهذا يدل على صفات حميدة في شخصها ....
قال تعالى: ((وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَالأَرْضِ إِنَّهُ لَحَقٌّ مِثْلَ مَا أَنَّكُمْ ... الخ ) وأذكري لتلكم الأخت أن ما أخذ منك شيئا إلا لأنه سوف يعطيك خير مما أخذ.... فارض بقضاء الله وقدره في تقسيم الأرزاق واعلمي أن الله لا يقدر لك إلا الخير، ... وما حرمك الله من شئ الا لعلمه بأنه لا ينفعك ... أجزل الدعاء بأن يعوضها الله سبحانه وتعالى بخير منه ...
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
سلام ...
الأخت/ رانية ...
- مسألة قدر لرجلك قبل الخطو موقعها دي مسألة مهمة جداً ... جداً ....
- مسالة زواج البنت مسألة حساسة يجب الوزن فيها بموازيين قيمة أساسها الأخلاق ... والصدق والاخلاص ... الناس بتقيم الأمور بصورة مادية بحتة ... والدين بقول لينا من أتاكم من ترضون دينه وخلقه فزوجوه .... الناس بتجري وبتهرول نحو المادة والمال ... وعايزة تستعرض في زيجاتها عشان ترضي الآخرون لذلك بتقع في المحظور وبشتنة الحال ..
- زواج الولد أخف لو تجاوز مشورة الأهل وسقط في أسرة سيئة ... ممكن يضبط حياته بحكم معايير المجتمع وسيادته على بيته ... ولو إضطر للطلاق ما مشكلة ...
المشكلة نبيع بناتنا بثمن بخس .. والهدف التخلص منهن ...
الله يهون
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
الأخت رانية شكرا للبوست الجميل و نحن متابعين معاكي
برضو يا رانية ما تنسي مرات كتيرة بيكون سبب الطلاق ناتج من العروسة نفسها أو أهلها
يعني ما ممكن نرمي بكل اللوم على العريس.
من سنوات مضت عاصرت أحداث حصلت أنو في عريس جا من أحدى دول الخليج للسودان عشان يتم نص دينو و يتزوج
مشى مع أصحابو أحدى الجامعات وفي واحدة عجبتو و بعد عدة مقابلات فاتحها في موضوع الزواج و أنو جاهز
وافقت العروس و أتمو كل الأجراءات..قبل حفلة العرس بيومين مشو محل تأجير فساتين الزفاف العروس أختارت نوع فستان عريان من فوق
العريس طبعا كان ملتزم دينيا من غير تزمت براحة قال ليها الفستان ده ما بينفع و طلب منها أختيار فستان أخر..
العروسة بعد عدة محاولات وافقت و أختارو فستان الزفاف سوا..في ليلة العرس مشى العريس الكوافير عشان يسوق عروستو و يمشو مكان
العرس أتفاجأ أنو العروسة لابسة نفس الفستان اللي أختارتو في الأول العريان من فوق..هاج فيها و زعل شديد و ضرب لي أخواتو في النادي و كلمهم..الأخوات عشان يداركو الموضوع جهزو طرحة أو شال تختو في كتفها لمان وصلو و نزلو من العربية جابو ليها الشال أبت تلبسو و أتمسكت بي رأيها..أم العريس في تلك الأثناء وقفت مع رأي بنتها و قالت للعريس أيه اللي دخلنا فيكم..
في اللحظة ديك العريس كان وصل لحدو و قال ليهم بنتكم طالقة و أنتهت الحفلة قبال ما تبدا.
أظرف حاجة أنو المعزيم رفضو يغادرو الصالة الا بعد ما يتعشو..و كان لهم ما أرادو
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: Sharif Nasirladeen)
|
Quote: اخى عثمان
كل الصور ولا صوره معينه؟؟؟
سورى انها ازعجتك
بحس انها بتساعدنى فى ايصال المعنى
ما قصدته بيها عكس ذلك
وكرمانك حشيلهم كلهم مافى مشكله |
مريت عشان أقول شكرا لهذه المكرمة البسيطة وزوال الصور... وحقيقة طريقة طرحك شدتني شديد ... وحينما أمر بالصورة أحس بأنني قد فقدت طعم الاحساس بمرارة الحدث وحدث التشويش ... ثم أقرأ لتحت وأغوص في صورة أخرى ... و في طرح آخر ... ومزيد من التشويش ... المهم مزيد من الشكر ...
| Quote: كفيت ووفيت وجبت من الاخر عديل فعلا |
طالما كفيت يبدو أن لاشئ هنالك يجب أن أقوله ...
لكن ليه حالات الطلاق متفشية في مجتمعاتنا وبالذات ناس المدن .... ليه ؟؟؟؟ وبدون أسباب منطقية ... ليه
| |
|
|
|
|
|
|
|
|
 Re: زيجات تنتهى بانتهاء مراسم الزفاف (Re: othman mohmmadien)
|
وإنت مُفتكر هي صفعتها عشان شنو يعني ؟
| Quote: على صاحبتك أن لا تندم أبدا وفراق مثل هذه العائلة ... غير الجديرة بالاحترام ... ولا تحزن على تلك الصفعة التي تلقتها ... أعتقد أن تلكم الصفعة أجمل هدية قدمتها المدعوة أخت العروس ... وفي مثل ذلك اليوم .... لدليل واضح على سقوط هذه العائلة ... في أي زمن وفي أي دولة يمكن أن تتجرأ إمرأة في زواج أخيها بصفع من !!!؟؟؟؟؟؟؟؟... عروس أختها ... منتهى الوقاحة وقلة الأدب ... أعتقد بأنها لو ردت عليها تكون مثلها بل ... أ###### منها |
إنت شكلك ما سمعت بالمقولة البتقول "ضبحوا ليها الكديسة" ...
أها في الحتّة دي بالذات مفروض تورّيها ضبح الكديسة على أصولها ...
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: صبري طه)
|
يا صبرى المفروض يضبح الراجل ما اخته لو جينا على النقطه الطرحتها
برغم اصلا سياسة الضبح ما سياسه سليمه لاسره ناجحه
دى سياسه تسير البهائم ما البنأدمين
مهما كان الخلافات بينا فى حدود الاحترام مفروض نلتزم ونتمسك
ومد اليد دا مفروض اصلا ما يحدث لانه بكل المقاييس والعقول مرفوض
واى انسان كان راجل ولا ست بيتبعه بيعتبر انسان ما سوى
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: othman mohmmadien)
|
يسعدنى تواجدك وتحقيق مطلبك الاصلا انا كنت ختيته لمساعده فى توضيح الاحساس ولو لقيت انه بيشتت وجب عليه ازالته
انا بحب النصيحه والارشاد لان اكيد بتساعدنى اصلح شأنى وحالى للافضل
بالنسبه لسؤالك اخى عثمان
الاجابه فى الكلمه القبل الاخيره
المنطقيه
هو الاختيار بلون الوحده وطولها وعمرها منطق
ولا الاختيار بتوفير السكن المجانى وتحمل تكاليف العرس منطق
ولا العقول المتوفره حاليا فى الاسواق اغلبها فيها منطق
دا اقل ما يمكن ان يحدث
لمن ننسى ابسط مبادىء المنطق فى حياتنا
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: رانيه محمد الشيخ)
|
Quote: إنت شكلك ما سمعت بالمقولة البتقول "ضبحوا ليها الكديسة" ...
أها في الحتّة دي بالذات مفروض تورّيها ضبح الكديسة على أصولها ... |
سلام ....
الأخ/ صبري طه ؟؟؟
وفوق ذلك شدي سرجك فوقه ... ده كله سمعنا بيه وفات السمع بغادي .. لكن البيضبح الكديسة أو البيشد سرجه العريس بعد وصوله لبيته ...
كلها مفاهيم عفا عليها الزمن ... سقيمة لاتليق .. لأنهل تتناقض مع احترام المرأة ككائن وعقل ... وتدحض العيش وفق أسس تساوي بين الذكر والأنثى ...
أنا أختلف معك بالرد عليها أولا كونها إمرأة لا ينبغي أن يصدر منها ما يشين أبداً ... وفوق ذلك عروس ... الصفح أجدى .. لعل الوعي يستيقظ فيها "اي المعتدية" بسبب هذا الصفح ... الكريم والا مسارات القانون متاحة ... وباتباع سبيل القانون ... المرمطة سوف تحصل للطرف المعتدي وخاصة حينما تسجن كبنت ... وبيني وبينك الواحد لو كان في مكانها لا أدري ماذا بمقدوره أن يفعل ...
الله يلزمنا الصبر يا صبري ..
| |
|
|
|
|
|
|
|
|
|
Re: زيجات تنتهى بانتهاء مراسم الزفاف (Re: othman mohmmadien)
|
Quote: يسعدنى تواجدك وتحقيق مطلبك الاصلا انا كنت ختيته لمساعده فى توضيح الاحساس ولو لقيت انه بيشتت وجب عليه ازالته
انا بحب النصيحه والارشاد لان اكيد بتساعدنى اصلح شأنى وحالى للافضل
بالنسبه لسؤالك اخى عثمان
الاجابه فى الكلمه القبل الاخيره
المنطقيه
هو الاختيار بلون الوحده وطولها وعمرها منطق
ولا الاختيار بتوفير السكن المجانى وتحمل تكاليف العرس منطق
ولا العقول المتوفره حاليا فى الاسواق اغلبها فيها منطق
دا اقل ما يمكن ان يحدث
لمن ننسى ابسط مبادىء المنطق فى حياتنا |
STAY TUNED ...
| |
|
|
|
|
|
|
| |
د.محمد حسن
حامد بدري
othman mohmmadien
Alfarwq
Sharif Nasirladeen
فيس بوك
تويتر
انستقرام
يوتيوب
بنتيريست